لوحة القادة

المكان : نفس المكان السري بتاع كل مرة اللي بيجتمع فيه المشرفين الأشاوس ... إضاء خافتة ... صمت مطبق إلا من صوت وأوأة الولا " سيدهم " إبن عبير .... انا اللي إخترت له إسم سيدهم ده بعد عذاب وبحث في معاجم ومعاني الأسماء .... ( حتى لو عبير بتدعي عليه لحد دلوقت .) لكن طالما أنا مقتنع بفكرة الأسم ومعناه .. يبقى خلاص ما يهمنيش من حاجه أبداً وفي عز السكون والوأوأة .. يدخل الأدفيزر إلى قاعة الإجتماعات بخطوات هادئة واثقة .. مرتدياً بدلتة السوداء الداكنة .. ومرتدياً نظارتة السوداء الداكنة برضوا .. مش عارف ليه مع إن الدنيا ضلمة .. لكن عُمر ما حد فينا سألة إنت بتعمل كده ليه ... لان من حق الكبير يتدلع الأدفايزر : عمتم مساءً أيها الأفاضل المشرفون في نفس واحد : عمت مساءً يا مستر أدفايزر الادفايرز : كعادة إجتماعتنا دائماً ما تكون حافلة بالأعمال والقرارات .. هذا إستهلال لازم منه زي ما أنتو عارفين .... أنا اجتمعت بكم النهاردة لمناقشة طلب أحاطة تقدمت به المشرفة الفاضلة مدام عبير ... بتلتمس فيه تعيين إبنها الوليد الرضيع مشرفاً تحت التدريب ... عفواً يا أخت عبير .. إسم الفاضل إبنك مش واضح في الورق .... عبير : اللهي يجيلك ويحط عليك يا سين سين ... يارب يجيلك عيل وأسميهولك " جُعلص " ولا " حبلص " ولا أي حاجه تودي في داهية والسلام ... أدفايزر : رويداً وعلى رسلك يا أختاه ... ما الخطب ؟ عبير : الخطب لا يسر عدو ولا حبيب ... يرضيك يا مستر ادفايرز .. سين سين يستغل ضعفي بعد الولادة .. ويسمي لي الواد اللي جايباه على 6 عيال .. " سيدهم " ... يعني أنا أبقى ام سيدهم ؟ .. ده أبوه لو عرف هايقطع خبري انا كان نفسي أسميه وليد أو عمار ... أو أي إسم من أسامي البني أدمين فلانه : إنت مش هاتبطل يا جدع إنت السماجة اللي إنت فيها دي ؟ ما تخليك في عيالك وسميهم زي ما انت عاوز ... تبهدل عيال الناس معاك ليه ؟ إنت مش خايف من دعوة وليه ضعيفه بعد الولادة بتكون دعوتها مستجابة تنشك دعوة تسخط ضفدعة يتيمة ؟ سلوى وهي تتناول أطراف الحديث : لأ حقيقي إخص عليك يا سين سين .. يا إبني يا حبيبي الإسم ممكن يلزق في الولد وده بونبينو صغير حرام عليك تعقده وتخلي العيال يتريقوا عليه في الأسكولا . محمد أوف أمريكا : عندنا في أمريكا من حق كل طفل يبلغ الثانية عشرة من عُمرة إنه يتقدم بإلتماس للمحكمة الفيدرالية يطلب فيها تغيير إسمه لو مش عاجبه . سكوربيون : إنت قصدك إيه من الإسم ده يا سي سُخام إنت ؟ إنت عاوز تعمل فوتنه طائفية بين المشرفين ؟ ادفايرز: تُحذف كلمة سُخام من مضبطة الجلسة .. الفاضل سكوربيون .. إحترم نفسك بدل ما أطردك بره ... أبو محمد : وكتاب الله سين سين ده لو نزل عندنا المنشيه ده أحنا نقطعوه حتت .. قال سيدهم قال ؟ انا كأسكندراني ما أقبلش طفل صغير يتسمى سيدهم . أسد : وانا كبورسعيدي اعتبر إسم سيدهم ده إعتداء شخصي عليه .. ولو جدع أي اهلاوي يهوب ناحية إستاد المصري تاني سين سين : إييييييييييييييييييييييييييييييييييييييييييييييييييه ... حيلكو .. هو أنا كافر ووقع في إيد مسلمين في غزوة من الغزاوت ... أنا كنت باهزر مع عبير والله العظيم .. وبعدين إسم سيدهم ده إسم جديد .. وأخر واحد إتسمى به كان جورج سيدهم بتاع ثلاثي ضوضاء المسرح عبير وهي تبكي : منك لله .. ده هزار زبالين ده وهاتخلي لي الواد يبور كده سين سين : يا ستي ما تروحوا السجق المدني تسموه إسم حقيقي إن شالله تسموه توتو حتى ... عبير : بعد إيه يا خويا ؟ بعد ما الواد إسمه بقى على كل لسان وعملت له إسم حركي يا مؤذي ؟ ادفايزر : نقطة نظام ايها السادة .. إحنا هنا عشان نناقش طلب الأخت عبير بإنضمام الفاضل Their Master الشهير بسيدهم إلى فريق الإشراف ... أحب أسمع رأيكم سكوب : إشراف مين لا مؤخذه ؟ هي هاتعيل ؟ وده هايعمل معانا إيه وإزاي وهو لسه بيرضع ؟ سلوى : يا روح قلب تيته .. ياختي إسم الله والحارس الله ... انا موافقه ... وأنا اللي هاشيله كمان وأهشتكو وأهننوا فلانه : أنا مش موافقه .. أنا ما بقاش ليه خُلق وطولة بال للعيال .. وأي عيل هايهوب ناحية المنتدى هنا هاعض ودانه . عبير وهي مازالت تبكي : إن شالله تسلم لي يا ماما سلوى يا أم قلب حنين ... كده يا سكوب إنت وفلانه تكسروا بخاطر الواد ؟.... والله لو شفتوه لهاتحبوه قوي . محمد : خلينا عقلانين يا مدام عبير وبعيداً عن العواطف مش مسألة نحبه او نكرهه ... مستر سيدهم ده هايعلم معانا إيه في الفريق ؟ عبير : أنا أشرح لكم ... بقى انا طول فترة الحمل وانا كنت بأسمع سيدهم .. ييييييييه قصدي وليد .. اللهي أشوف فيك يوم يا سين سين ... كنت بأسمعه موسيقى كلاسيكية .. واغاني عربية للست نجاة الصغننه ... والست أصالة ... والأستاذ كاظم والناس ديهيت .. زائد كمان إن نفسي كانت مفتوحة في الفترة دي لتأليف الشعر والزجل وشرب القهوة .. ففي خلال 9 شهور ضربت ييجي 300 قصيدة .... كل ده والواد سيدهم عمال يسمع ويتكيف وكل قصيدة كان يسمعها وتعجبه يروح مرفص وخابطني في بطني فكنت أعرف إنها قصيدة كويسة وموزونة .. ولما كان يسكت ما يتحركش .. كنت أروح مقطعة الورق ده وأسك على الموضوع ... الواد طالع حسه مرهف وودانه موسيقية .. طب أنا امبارح سمعته أوبرا كسارة البندق .. والله العظيم كان عمال يتشقلب من الفرحة وهاين عليه يغني كمان . سكوربيون : لا إله إلا الله .. بقى كان عمال ياكل بندق وهو بيسمع الأوبرا... شوف إزاي يا جدع ؟ ... أيوه برضوا إحنا مال اللي جابونا بمواضيع البندق والسحلب دي ؟ أنا صبري نفذ وقربت ازهق .. عبير : حيلك وما تبقاش زي السكوربيون يا كامل ...هاكمل لك يا كامل ... فلما ولدت بالسلامة .. وسيدهم شاف النور .. قولت الظروف اللي جاية صعبه في البلد في ظل حالة عدم الإستقرار السياسي دي ... ونفسي أمن مستقبل الواد .. وأشوف له وظيفة ميري يستقر فيها ويعمل منها قرشين ينفعوه .. فقلت أستأذنكم يعني إنه يساعدني في باب الفنون والأدب والشعر .. إن شالله لو بنصف مرتب ... سين سين : أنا معاكي يا عبير .. شوفتي بقى كنتي ظلماني إزاي ؟.. على فكرة إسم سيدهم هايبقى لايق عليه كمشرف غتيت يخوفوا به العيال الصغيرين ... يا أستاذ عادل بغض النظر عن أي شيء .. أنا راجل إدارجي وماشي على خطة في التعيين إسمها الـ Head Hunting يعني إستقطاب الكفاءات النادرة وتسكينها في مراكزها .. ومش هانلاقي أكفء ولا أجمل من إبن أختي عبير ... والأجر على الله ... وانا عن نفسي هاتبنى الواد ده .. بس يبقى حد يغير له .. أنا هاتبناه من بعيد لبعيد يعني وأعلمه شغل الحلاقين وإزاي يبقى غتيت وسقيل ... عبير : إن شالله تسلم يا سين سين يا جابر بخاطري دايماً .. اللهي يقعد لك في عيالك وتشوفهم أدفيزرات قد الدنيا وكل واحد فاتح منتديين تلاته ومش ملاحق عالزباين .. اللهي يارب الفيس بوك أو جوجل يشتروا المنتديات دي منهم ويقبوا على وش الدنيا ويبقوا حاجه كبيرة .. سين سين : اه ياختي .. مش إنتي اللي كنتي عماله تدعي عليه لحد ما كنتي هاتسخطيني ضفدعة مسلوخه زي فلانه ما بتقول ؟ صالحيني بقى بفرخه بلدي من اللي عمالة تضربيهم بقى لك كام يوم دول .... فلانه : وكتاب الله بطنك دي اللي هاتوديك في داهية وإنت عندك إستعدادا تبيع ضميرك عشان سندوتش شاورما ....... يا جدعان بس صلوا بينا عالنبي ... إحنا بعد الثورة دلوقت والجو ملتهب ومليان تسلخات . وكلنا كنا شايلين أعلام ونازلين للتحرير بنقول لأ للتوريث .. نيجي بقى ونعين إبن عبير وإبن مش عارف مين مُشرف وبنبقى بنناقض نفسنا ونلاقي الناس تاكل وشنا ؟ خصوصاً وإن في ناس في المنتدى سنين سنانهم ومستعدين ينطوا في كرش أي مشرف لو عملنا كده .. وكتاب الله ده تيمور يغزك بأي مطوه في جيبه يا سين سين لو جبت سيرة الموضوع ده في المنتدى سين سين : ما تخافيش .. أنا باعرف أروض تيمور .. كفاية إني أقول له إن الولاد سيدهم هايبقى عضور او كدر في حركة 26 إبريل - تاريخ ميلاد سيدهم بالمصادفة - .. وأجيب سيدهم لفه كده على انجي حمدي . وأسماء محفوظ .. واحمد عادل ... وأول ما يشوفوا الواد قلبهم هايحن وهايحبوه لانه آمور ما شاء الله .. ومش بعيد يعملوا له مليونية كمان في التحرير ويهتفوا له ويقولوا " أشنق راسهم .. إقطع إيدهم ... مش هايحكمنا غير الولا سيدهم " ثم تنطلق عبير في النحيب والبكاء تأثراً برفض فلانه ... أبو محمد : يا ست الكل الله يرضى عليكي بطلي عياط شويه ... وإنت يا عم سين سين يا بتاع إصطياد الرؤوس .. إنت هاتعمل لي فيها هندي احمر وتسلخي لي فروة شعر الناس ؟ سين سين : يا عم أبو محمد ماحدش له عندنا حاجه ... الواد هايتعين يعني هايتعين .. اومال نرمي لحمنا يا ناس ؟ سكوب : يا جدع إنت بطل شغل الجزارين ده ... نرمي لحمنا إيه وعضمنا إيه ؟ خلي الولا سيدهم يكمل تعليمه الاول وبعدين بعد الثانوية نبقى نشوف له شغلانه في أي مصلحة حكومة .. أو أنا كفيل إني أسفرة إيطاليا يغسل مواعين في أي فندق من الفنادق بتاعتي ... عبير : ومين يعيش يا كامل ياخويا .. أنا عاوزه أمن مستقبل الواد .. مش تقول لي يغسل مواعين وكلام من ده ... اترضاه لإبنك يا أخا العرب ؟ أسد : يا ستي أمني مستقبله وأشتريله شهادة إستثمار ... أو إفتحي له حساب المستثمر الصغير بعشرين جنيه في البنك الأهلي .. لكن مش على حساب المنتدى وجودته . ثم تنطلق عبير مرة أخرى في العياط سلوى : حرام عليكم بقى البنت لسه والده ومش مستحمله ده كله .. أنا موافقه والله العظيم .. مش هانخسر حاجه .. إن شالله سيدهم يبقى مشرف تحت التدريب .. واهو كده كده هايبقى مع مامته ويشرب أصول الصعنه منها . عادل : طب الموافق من السادة الأعضاء يرفع إيده .. وقبل أن يهم الأعضاء برفع أو خفض أيديهم يقول الأدفايرز موافقه ثم تسري همهمه وهمز ولمز بين أعضاء المنتدى بعد نزول إعلان تعيين سيدهم إبن عبير مشرفاً بالمنتدى يُتبع

نعم لا نقبل الزيادة عن الحد من بعض الشباب أمام السفارة وأيضا لا نقبل الممارسات الإعلامية القذرة التي صاحبت الموضوع والتي أستدعت نموذج الأزمة الجزائرية في تغطيتها له ولكن.. رد فعل الأخوة في المملكة كان (زيادة عن اللزوم) ولم تفعله حينما كانت تتعرض السفارة السعودية والقنصليات في إيران لهجوم شبه مستمر ، والذي وصل إلى أن كان الهجوم من قوات الباسيج في بعض الأحيان ربما يكون هذه الأمور التي أشرت إليها أزعجت الأخوة في السعودية ، وأزعجهم أيضا هذا الخبر بالأمس مصر تدرس امكانية عودة العلاقات الدبلوماسية مع إيران اكد السفير خالد عمارة نائب مساعد وزير الخارجية للعلاقات الاقتصادية الدولية ورئيس بعثة مصر في ايران والذي سيتسلم مهام عمله في سبتمبر المقبل اهمية استعادة مصر لدورها الاقليمي، وذلك عن طريق فتح حوار مفتوح مع كل قوى المنطقة وعلى رأسها ايران.جاء ذلك خلال الاجتماع الذي عقدته لجنة العلاقات الخارجية للتشاور مع السفير قبل سفره الى الجمهورية الاسلامية الايرانية.وقال السفير عمارة ان رؤيته للعلاقات الثنائية بين البلدين ستكون وفقا لاسس ومبادئ اهمها: نظام الامن الاقليمي في الشرق الاوسط. تحياتي...

وانا كمان مستغربة يا أستاذ محمود دلوقتي الدفاع المستميت عن العلمانية مش تعصب ؟ !!!! العلمانية تسمح بهذا الزواج وبالإحتفال علنا به وبأي كارثة أخري قلت تسمح ولم أقل تدعو وتحبذ وبالتدريج تصبح مثل هذه الأفعال شىء عادي وهو ده مربط الفرس أن يصبح المنكر والحرام شيء عادي ومتقبل في المجتمع فيتشجع آخرون حيث لا عقاب ولا حتي استنكار ( مُعلن ) ستكون النتيجة في النهاية هي عكس مراد الله لنا وهو شيوع الفساد ومن هنا لا يمكن أن تتفق العلمانية مع الإسلام لا يمكن تطبيقها في بلد مسلم ... في بلاد المسلمين ، البشر يخطئون ولكن لا يحتفلون بأخطائهم ويتلقون عليها التهاني تحياتي

قد يكون في بلادنا العربية والاسلامية من يفعل مثل هذه التصرفات البغيضة في الخفاء لكن المشكلة ليست فقط في تصرف هذه المرأة الامريكية المشكلة الحقيقية في ان قوانين بعض الدول العلمانية لا تمنع هذه التصرفات الشاذة ولا تعاقب من يقترفها و هذا يزيد من جرأة هؤلاء الاشخاص ويشجع الاخرين علي تقليدهم وتدريجيا يصبح الامر مألوفا و مقبولا و شكرا للاستاذ وايت هارت الذي ارفق لنا ملخص للبلاد المسموح فيها بهذه الممارسات و البلاد الغير مسموح فيها و العجب ان نجد دول مثل المانيا و السويد و الدنمارك و روسيا و اليابان تسمح بهذه الممارسات ، و في امريكا 16 ولاية تسمح بهذه الممارسات ، طبعا يجب ان نحمد الله علي نعمة الاسلام ، و ان نتأكد يقينا من ان تطبيق شريعة الله هو الحل وهو حائط الصد امام انتشار تلك الافعال البغيضة في مجتمعاتنا لان الامر عندما يترك لاهواء الناس وحرياتهم بعيدا عن الدين نجد مثل هذه الافعال قد تصبح امور مسموح بها كما فعلت هذه الدول العلمانية

عقل الفيلسوف: قد يبني دولة في الهواء .. ! وعقل الشاعر: قد يبني دولة تحت الماء .. ! أما عقل المؤمن: فيبني حياة (أصلها ثابت وفرعها في السماء..!). د. عائض القرني

كل سنة وإنت طيب يا زيزو زمانك عمال تضرب دلوقت تورتة أيس كريم في كندا ... وتحلي بفسيخ كندي من المعتبر اللي ريحتها ريحة ورد http://www.youtube.com/watch?v=XIwMKkrbw5Q إنت بتستهبل وتستعماني يا زيزو ؟ بقى عيني في عينك كده يا مفتري إنت عندك 44 سنة ؟ وعمال تقول لي أنا كنت زميل احمد السقا .. وصديق شيرين رضا .. وكنت بتقعد تمسك وداني وتسرح بيه وأنا عامل نفسي بأصدقك عن ذكرياتك اللي من الستينات دي .. كل ده و44 بس ؟ إبنت بتلعب في العدادات وتستعماني يا هرم ؟

بمناسبة بقى ان الموضوع خفيف .. انا خطر على بالى مطلع أغنيه ممكن تتألف وتغنيها الست الاميريكيه دى لسى الحمار جوزها .. مطلعها بيقول على نارى .. على نارى .. على نارى أنا بستناك .. يا حمارى نهقت كتير .. من حبك يا رافسنى ولانتش دارى ههههههههههههههههههههههههههههههههههههههههههههه

وانا كمان مستغربة يا أستاذ محمود دلوقتي الدفاع المستميت عن العلمانية مش تعصب ؟ !!!! العلمانية تسمح بهذا الزواج وبالإحتفال علنا به وبأي كارثة أخري قلت تسمح ولم أقل تدعو وتحبذ وبالتدريج تصبح مثل هذه الأفعال شىء عادي وهو ده مربط الفرس أن يصبح المنكر والحرام شيء عادي ومتقبل في المجتمع فيتشجع آخرون حيث لا عقاب ولا حتي استنكار ( مُعلن ) ستكون النتيجة في النهاية هي عكس مراد الله لنا وهو شيوع الفساد ومن هنا لا يمكن أن تتفق العلمانية مع الإسلام لا يمكن تطبيقها في بلد مسلم ... في بلاد المسلمين ، البشر يخطئون ولكن لا يحتفلون بأخطائهم ويتلقون عليها التهاني تحياتي كلام غير سليم زواج الرجل بالرجل في بعض مناطق سلطنة عمان يتم بشكل علني و يتم الاحتفال به و بيكونوا مسلمين بس شواذ الحمد لله ان جعلنا نعيش في بلاد غير اسلاميه بعيده عن الشذوذ المعلن و الاحتفال به بين المسلمين ببساطه ومن غير تشنج او عصبيه .. الاسلام لا يبيح الشذوذ .. ولكن العلمانيه تسمح به وتبيحه وتحميه بقوة القانون ياريت يا جماعه لا ننساق الى الاستفزازات الواضحه جدا .. وكل الاحترام لوجهة نظر الاخ الفاضل الفنان زهيرى .. مهما كانت وجهة نظر حاده او جزافيه من وجهة نظرنا .. وهنيئا لك العيش فى أى بقعة من بقاع الله ترضاها وتأمن بها

لكل مقام مقال فعلا .. عداك العيب أيضا أخى المبجل استاذ ابو محمد .. ان شاء الله بناء على رغبة وايت هارت الى جانب رغبتك ايضا . حيتم قريبا فتح موضوع حول العلمانيه .. سينطلق فحواه من هذا الخبر ايضا .. والى ان يحدث هذا اسمح لى وليسمح لى الجميع اضافة بعض من تأملاتى حول العلمانيه ها هنا .. حتى إشعار أخر.. وحتى لا تضيع من ذاكرتى .. ولاحقا ان شاء الله يتم فصلها عن هذا الموضوع الخفيف ووضعها فى موضوعى من العجيب إن العلمانيه فى دوله زى اميركا بتطلق الحريات الشخصيه وبتبيحها وتقننها بشكل فج ومقزز .. بتسمح بزواج الانسان من نفس نوعه ((الرجل من رجل والست من ست)) .. وبتسمح له من الزواج بحيوان او جماد((حتى ولو كان رمزى)) .. وبتسمح ان الواحد ((او الواحده)) يبقى متزوج رسميا .. ومع ذلك من حقه يقيم علاقات جنسيه مع العشرات من النساء او ((الرجال)) ... بدعوى الحريه الشخصيه .. ومع ذلك القوانين العلمانيه فى اميركا بتحرم .. لا أسف .. دى ((بتجرم)) تعدد الزوجات .. طب ازاى وبأى منطق ..إدينى عقلك !!!!!!!!!!!!!!!!!!!!!!؟

انا هجر شكلك ليه ياعمنا . احنا مش اعداء . ال اتمسك ده وهيتحاكم مصرى . يعنى لو انته ال تمسكت لاقدر الله هيكون ده موقفى معاك ومش معنى ده انى بدافع عن الولد لمجرد الدفاع الاعمى اذكر; بس بحادث لمصرى فى لبنان لما قتلوه فى الشارع ومثلوا بيه . وساعتها مفيش اى ردود افعال لان الولد بالفعل كان مجرم ويستحق العقاب ولو الجيزاوى مذنب الطبيعى اننا احنا ال نطالب بمحاكمته لانه بيسىء لسمعه مصر . بس لغايه الان مفيش اى ادله عليه غير قالوله . وقالى وقلتله وبعدين جريده عكاظ اتحفتنا بنشر الخبر وتفاصيل اعتراف الولد وقالت ان اعترافه مسجل فيديو . يبقى دى جريده عكاظ ال قالت ان الولد دخل المخدرات بقصد الاتجار والربح طيب متيجى نشوف تسلسل ونشوف الدنيا فيها ايه ونبعد بس شويه عن الكبسه دى بعض الشىء البدايه اتمسك الجيزاوى فى مطار السعوديه وعليه حكم غيابى ويشمل الجلد وقصه الذات الملكيه وبعدين تغير المسار تماما بعد هوجه الاحتجاجات مباشرة وقالوا احنا معندناش ذات زعبلاويه وكون ان الجيزاوى انه رفع قضيه على وزير الخارجيه والزعبلاويه ده محض افتراء من الاصل . وثبت بعد ذالك انه رفع قضيه بالفعل على الجانبين المصرى ممثل فى الخارجيه والسعودى ايضا وتأتى تصريحات السفير المصرى بعد ذالك بان الولد اعترف ان اتمسك معاه مخدرات كان واخدها هديه لبعض الناس هناك وانا قريت اعترافه بنفسى وعلى النقيض يصرح وزير الخارجيه المصرى ويقول ان الجيزاوى برىء مما نسب اليه وسأعاقب السفير المصرى على تصريحاته نيجى بعد كده لتصريحات عكاظ بانه وانه وقالت الجريده المبجله ان الولد معترف فيديو حلو جدا لغايه كده الفيديو فين بقه بالصلاة على النبى . وخلوا بالكوا احنا قدام مش بس قضيه رآى عام . دى قضيه نتج عنها توتر بين البلدين الشقيقين على اثر الجيزاوى ال عمل الفيديو ال صرحت عكاظ بيه . مش المفترض يزيعوا الاعتراف المسجل بالفيديو . متيجوا نشوف اعلامى سعودى مش مصرى بقه وتحليله للتناقضات ال نشرتها عكاظ والاخطاء ال وقعت فيها ومن ثم اصبحت فضيحه لهم بجلاجل http://elbadil.com/2012/04/28/42829

مش عارف يا استاذ ابو محمد ، هي المشكلة عندك فيمن ينتقد الابتذال ايا كان نوعه ام المشكلة الاكبر هي ما يعرض على الناس من اعمال تتجاوز حدود المقبول والمتعارف عليه - صراحة سؤالك يذكرني بشخص ينتقد ويحذر من مضار الخمر او الافيون ثم يأتي اخر ليسأله !!! ومن اين لك ان تتكلم عن مضارها وكيف تحذر الناس منها وانت لم تتعاطها !!!!! فهل لو حذرت ابنائي من التدخين او الخمر او البانجو هل بالضرورة يجب ان اكون قمت بتعاطيها ؟؟؟؟ - حتي لو افترضنا انني كأب وانني اشاهد التلفزيون وكانسان كبير متزوج ولي اولاد وبعدت تماما عن مرحلة المراهقة ... فهل لو وقعت عيني على هذه المشاهد وشاهدتها ثم اتيحت لي الفرصة. ان اتواجد في نقاش حول ما تحويه الفضائيات من مشاهد مبتذلة او من حوارات ومشاهد تسخر من الشرائع ومن رجال الدين بصورة متكررة فهل يجب علي عندها ان أؤيد. هذه الاخطاء وهذا الانحدار أم يجب علي ان اوضح ان هذا خطأ ويجب علينا ان نبتعد عن الاسفاف واثارة الغرائز وان نبتعد عن اذدراء الاديان ؟؟ - قد اكون مدخنا واعلم ان التدخين يضرني ويضر من حولي ومع ذلك انصح ابني او اصدقائي بالابتعاد عن التدخين ...وهذا تصرف سوي ..رغم انني واقع في الخطأ الذي انهى عنه ولكن الغير سوي والشاذ هو الذي يعرف الشيء الخطأ الضار بالمجتمع الذي قد يتسبب في نزع الحياء المتبقي عند الناس بالفطرة ثم لا يكتفي بانه يفعل الخطأ بل يأتي عند الحديث عنه ولا يستنكره ويحذر الاخرين منه لذلك تجد الفاسد يحاول دائما ان يجعل كل من حوله فاسدين حتى لا يكون في هذا الفساد بمفرده (ويحدث هذا في مجال المناصب السياسية ) وتجد التلميذ الفاشل يتمنى ان يكون زملائه كلهم فاشلين حتى لا يتلقى التقريع واللوم بمفرده.... وعلي فكره ابليس عندما توعده الله بجهنم اول ما خطر على باله عندها ان يغوي بني ادم ليكونوا معه في جهنم ...هذا ما فعله الشيطان ،، وللاسف شياطين الانس يسيرون على دربه مع تحياتي ،،،، مداخلة رائعة يا أستاذ ابو ريم .. أتفق معك تماما ورد حضرتك كافي علي من يسأل كيف نحكم علي أفلام عادل إمام ؟؟ مع إتهام مبطن بمشاهدة ما ننتقده ولا نرضي عنه من هذه الأفلام

توريط مصر في مشكلات كبيرة ومعقدة سواء داخلياً أو خارجياً .. أمر يخطط له بشكل نافذ وواضح ويجد من يساعد في تنفيذ تلك الخطط من الداخل سواء قبض أتعابه في المساهمة في خلق أو تصعيد تلك المشكلات أو أنه ينضح جهلاً وتخلفاً .. وقصور عقلي .. فساهم في تحقيق تلك الأهداف الخبيثة بتميز بسبب جهله تهييج الناس والرأي العام بدون التحقق من الحقيقة أمر في منتهى الإجرام يجب أن يسأل حافظ أبو سعده ... من أين أتى بما أشاعه بأن هذا المحامي إعتقل لتنفيذ حكم خزعبلي بالسجن والجلد !!!!!! الجهل .. هو أكبر عدو لنا الآن ... للمعلومية ... الصورة التي يحاول البعض إبرازها عن السعودية أمر كاذب وخادع السعودية تقدمت بسرعة مذهلة في مجالات عديدة تقدمت جداً ... ونحن تراجعنا بشكل كبير على التوازي مع ذلك لننسى الكلام القديم .. ونعيش الواقع بصدق السعودية كغيرها من دول الوطن العربي .. بها أمراض مزمنة .. طبيعي ...!!!! ولكن الحاضر لم يعد مثل الماضي إجترار الماضي من خلال صور .. توضع ونقول الله يرحم أيام زمان هذه سطحية شديدة جداً ... الأمر لم يعد كذلك ... حتى يمكننا أن نبني مستقبلنا على أساس صحيح

مشاركه هايله خد عندك بعض تعليقات عجبتنى من على الفيس بمناسبه الاعتزار التعليق الاول يان الشعب المصري / يعرب الشعب المصري عن اسفه الشديد عن الاعتذار الفردي الذي صدر عن الحكومه المصريه والتى لا تعبر إلا عن رأى من قاموا بها ويستنكر الشعب المصري هذه التصرفات غير المسئولة وغير المحسوبة والتى تسىء إلى الكرامه المصريه...ان مصر تكن كل الأحترام و العزه و الكرامه لمواطنيها و شعبها في الداخل و الخارج و سحقا لكل من يتطاول علي الكرامه المصريه و الشعب المصري الثانى قررنا نحن مجلس قيادة الثورة في حال قرار المملكة العربية السعودية سحب عناصر سفارتها وقنصلياتها بدولة مصر واغلاقها فلن نقبل نحن شعب مصر بفتحها مجددآ قبل عودة وبراءة المحامي أحمد الجيزاوي ليس فقط بل واعلان بيان معتقلين او اسرى سجناء لدى المملكة إن وجد , وتحديد موقف المملكة منهم , ويتولى هذا الامر الكيان الزاعم انه مجلس شعب الثورة بالتعاون مع الشورى المنعقدان بانتخابات تشريعية تمثيلا لشعب مصر , او تحمل اعضاء المجلسين قرار حل مجلسي الشعب والشورى الثالث لا يمثلنى لانه اعتذار ممن لا يملك لمن لا يستحق ... فبأى صفة تعتذر حكومة غير شرعية بأسم الشعب المصرى؟؟ الرابع ما بالمرة نعتزر لاسرائيل عن عدم تصدير الغاز الخامس لا اريد اعتزار يجب على السعوديه الاعتزار للشعب المصرى على اعتقال مواطن مصرى دون توجيهه ليه اى تهم مسبقه بل والاعتزار للمسلمين على انتهاك حرمه المعتمرين لبيت الله الحرام المهم تعليقات بالعبيط يعنى بس خارج بتوع شهر العسل الجديد عموما القضيه مش هتمرر بالعكس دى اذادت . لواعتقد السعوديه لما لقت ملفات المعتقليين اتفتحت مش ملف الجيزاوى عملت حرنكشات بالمخللات

طب خدوا تحليل العبد لله للموقف - السعودية هددت أو أتخذت قرار بسحب السفير وبسحب البعثة الدبلوماسية من القاهرة والسويس والإسكندرية ... والقرار لم يصل رسمياً إلى الأن للسفارة او للقنصليات المعنية . - طب السفير القطان هو نفسه مندوب المملكة في جامعة الدول العربية كما ذكرنا في هذا الموضوع. واليومين دول في إجتماعات كتيرة عشان الازمة السورية ... يبىقى مين هايحضر ممثلاً للمملكة ؟ - أحمدي نجاد وفي تحدي سافر للسيادة الاماراتية على الثلاث جزر الاماراتية المحتلة " أبو موسى .. وطنب الكبري وطنب الصغرى " قام بزيارة تلك الجُزر لاول مرة الأسبوع الماضي ... ردت الأمارات النهاردة وقالت إن قواتها عندها أستعداد تحرق تلك الجزر على راس الإيرانيين .... - إسرائيل بتهدد إيران وبتعلن رسمياً بأنها في إنتظار الاوامر لضرب المفاعلات النووية الإيرانية ... - وإيران ردت بتهديد على قدرتها على شل حركة البارجات الامريكية في الخليج العربي أو زي ما بيدعوا هم الخليج الفارسي - وإيران بتلعب لعبة قذرة في البحرين بتأليب الشيعة هناك وعاملين قلق جامد وبيطالبوا بإسقاط حكم أل خليفة .. إذن ده مش وقت ازمات دبلوماسية بين قوتين كبرتين في المنطقة وهي مصر والسعودية .. خصوصاً إن السعودية في مرمى النيران الإيرانية وأي إعتداء على إيران أو البحرين أو أي قلق في منطقة الخليج هايسمع في السعودية بصفتها الأخت الكبرى لكل دول الخليج .... وأعتقد إن بإعتذار الحكومة الرسمية النهاردة عن موضوع الإساءات والبذاءات الفردية دي ..مع تعهد بحماية جادةو كافية للسفارة والقنصليات السعودية ... وإتصال المشير النهاردة بالقيادة السعودية ..فأعتقد إن الموضوع هاينتهي على خير .... لكن هذا لن يُنسينا الشق القانوني في مشكلة الجيزاوي ... وحسناً فعلت نقابة المحامين بتكوين فريق قانوني للدفاع عن المحامي المسجون في جده الان

احترامى لهم : ملكا وشعبا لكن رد فعل غير مساوى للحدث بنظره شامله نجده استعراض للقوى وقت ضعف .. وحاله من الضيق والطرفان كانا قدران على تجاوزها ربى وآلف بين قلوب المسلمين آمين

هو احنا مش هنخلص من حكايه الرموز دى هو من حق الرموز انها تهين كرامه ال مش رموز وخلاص . ولا هى قضيه الجيزاوى اصلا ممثله فى الجيزاوى دى ممثله فى كرامه المصرى ال بيهان من ال بتقولوا عليهم رموز دول ال عاوز يتعبد فى الرموز دى يتفضل عندهم هناك يتعبد فيهم بعيد عننا ويعملوهم كعبه ويطوفوا حواليهم اسئلوهم الاول اتقتل السفير السعودى فى باكستان ليه . وفى اليمن خطفوه ليه . وفى امركا محاوله لقتله ليه وفى مصر تهديد بجلده ليه ده لتدخلهم السافر فى شئون الدول . واشمعنه هى بالذات ال بتعمل ده . وبتتدخل فى اغماد ثورة مصر ليه وعلى اى اساس ال له مصالح معاهم يروح عندهم يتعبد فيهم وملوش دعوه بكرامه المصريين ال مرميين فى السعوديه وسجونها وطالما ضرب عرض الحائط برزقه وان السعوديه هى الرزاق يبقى ميلزمناش وعلى رآى المثل يامسافر الشام لاجل الغنا . رزق هناك رزق هنا وبعدين احنا قدام اكذوبه واضحه انهم بيفيدوا المصريين . لكن على ارض الواقع مفيش ده على ارض الواقع هما ال بيستفيدوا من مصر ومصر مناخ هايل ليهم لاستثمار اموالهم فيها ونهب ثرواتها اذا كانت ممثله فى اراضى او عقارات او شركات وفى المقابل عماله فى السعوديه لاتتعدى المليون مصرى . امال باقى الخمسه وتماننين مليون دول عايشيين ازاى من غير السعوديه !!!!!!!!! واذا المليون هيفرض ارادته على الخمسه وتمانين مليون يبقى برده ميلزمناش واعتقد دى محاوله واضحه جدا لتمرير القضيه من اساسها وفض المظاهرات باساليب ملتويه ولو هما فهموا انها محاوله لتمرير القضيه . يبقوا بيحلموا لانها ببساطه مش ممثله فى الجيزاوى . لان الوضع ذاد عن حده هناك فى اهانه المصريين وبصفه خاصه المعتمريين لبيت الله

مصر ياسادة تسير بدون رأس مايحرك الأحداث مصر فقط هي الحناجر حناجر بدون رأس حناجر ذات صوت جهوري تطلق كلام ليس خارجاً من رأس من صاحب المصلحة فيما يحدث لماذا لا تتم حماية السفارات والمباني الرسمية ولماذا لا يصدر بيان ينبه ويوضح أن أي إعتداء على أي من تلك المقار سيتم ردعه بعنف وقسوة ولماذا لا يتم ردع المهاجمين ولماذا يتم ترك الأمور في كل مرة حتى تستفحل للأسف الشديد .. مصر تسير بدون رأس

إن مثل الذين يحاولون النيل من الإسلام بالسباب والشتائم والإشاعات كمثل من ينظر إلى الشمس ويبصق عليها فلا شك أن يعود بصاقه على وجهه الشيخ محمد العريفى :

ماحدث هو نتيجة طبيعية ومتوقعة نتيجة لقلة الأدب ودناءة الأسلوب في التعبير عن الرأي أو حتى في التعبير عن الغضب ماحدث حول السفارة السعودية في مصر هو أمر سئ جداً .. ولا يعبر عن أي تحضر أو مدنية وإن هذا الذي يحدث في مصر ينذر بأن البلد تسير بدون رأس لا رأس في مصر الآن ... على الجميع أن يحترس من هذا الوضع لا أعتقد أن في تاريخ السعودية طرد لجاليات معينة .. لا المصرية ولا غيرها هذا باستثناء تغيير الوضع الذي كان قائماً مع اليمنيين والذي كان بإمكانهم الإقامة في السعودية بدون كفيل .. وفي عام 1990 غيروا هذا الوضع .. وأعطوهم مهلة لإيجاد كفيل لكل واحد فيهم قد يحدث تضييق في التأشيرات للمصريين .. وقد حدث هذا سابقاً .. وقد يحدث نصائح للسعوديين بعد السفر إلى مصر .. وقد يحدث تدقيق على المصريين عند دخولهم في المنافذ الجمركية .. وهذا أمر طبيعي أو تتبع لتحويلات الأموال !!! وهذا أمر طبيعي ومنطقي لكنني لا أعتقد أنه سيتم إجراء أعنف من ذلك

طبعا دوله ودوله كبيره ولها تاثير ومصالح وكرامه يااخ تيمور انته وزملائك من الشباب المتهورين مصريين تاخذو الثوره في سكه اللي يروح مايرجعش احنا قلنا قبل كده ناخد حقنا بالذوق والادب مش باهانه الناس اي واحد سعودي هيشوف الشتيمه والسباب الي حوالين السفاره هيغضب مفيش مانع من الوقفات الاحتجاجبه والاعتصام ولكن بدون سباب واهانه احد المفروض نعمل مظاهرات امام وزاره الخارجيه المصريه علشان تتحرك وزاره الخارجيه في البلاد المحترمه هي اللي بتجيب حق مواطنيها مش الشتيمه انا حذرت في مداخله سابقه ان الموضوع هايتحول لفتنه ذي فتنه مصر والجزائر وذي ماقلت قبل كده الفرق ان الجزائر كان فيها عشرات المصريين لكن السعوديه فيها ملايين

حمدا لله على سلامتك يا عبير وحمدا لله على سلامة وصول الأستاذ "دعبس" :P بارك الله لكم فيه ، وجعله قرة أعين لك ولأبيه قوليلهم يحضرولى مغات دايت مع كيس الحمص وانا علىَّ الغربال http://www.youtube.com/watch?v=iqPSB4QJBU4

السلام عليكم ورحمة الله وبركاتة هل فعلا سحب اراضى القرعة بعد بناء بدروم والارضى وجارى بناء الصور حاليا والمشكلة انى خارج البلاد ولا اقدر انزل الا فى شهر اغسطتس 2012 والمشكلة انى مصاريف البناء غالية جدا وبعت الغالى والنفيس للبناء لانى بعد سنتين اريد ان اسكن بها لان لايوجد عندى سكن بالقاهرة هل هناك اى احد يطمنى بان الجهاز لا يسحب القطعة بعد بناء وتكاليفة كل هذا وفى محاولة تخليص ما اقدر علية لين الدور الارضى الفيلا فى السكن العائلى 260 متر بجوار سكن الشباب وهى ارض قرعة

على فكره كنت ححترم جدا .. وحوقر وحعيد نظرى فى العلمانيه التى يروج لها البعض .. لو حد من اخواتنا الافاضل المروجين لها شارك بمداخله واعترف ان خبر او واقعه زى دى تعتبر سيئه من مساوئ العلمانيه .. لان لا يوجد فى الدنيا شئ كامل الا وجه الله الكريم .. لكن التبرير والتمرير بالشكل ده بيضعف الارضيه اللى بيحاول البعض البناء عليها.. والتدشين والترسيخ والترويج والدعايه والدعوه والتبشير بالعلمانيه انا لو سألت اى انجليزى او اوربى سوى من اللى بتعامل معهم هنا .. كان حيشعر بالعار من خبر زى ده .. وكان حيعترف ان دى فعلا نقطة ضعف فى العلمانيه اللى الى جانب تنحيتها الدين .. بتحاول كمان تنحى الفطره اللى ربنا جبلنا عليها كنت ححترمك جدا ايها العلمانى ((الذى لم تأتى بعد)) لتعترف بهذا العوار فى علمانيتك.. الموضوع كان بسيط جدا للهروب من فخ زى ده .. الاعتراف بتلك النقيصه فى العلمانيه كفكره ..بعيدا عن التبرير والتمرير الذى استغربه صراحة من أناس اختلف معهم بشده .. ولكن احترم فيهم العقلانيه والمنطق فى تناول الامور .. تلك العقلانيه والمنطقيه التى أراها تاهت او غابت عنهم هنا .. مع الاحترام

اللاعب الفرنسي المشهور ريبيري رفض رفع كأس البيره واكتفى بالإشارة بيده، وفخوراً بإسلامه، وسط زملائه.

بعض التعليقات علي الخبر -عايزين ناخدلهم ربطه حشيش ونباركلهم -والمأذون زرافه مثلا؟ -بالنهاق والحمير -ضل حمار ولا ضل حيطه -هديه مني للعروسين شوال تبن مع بالة برسيم ناشف -اهم شي فحصوا قبل الزواج؟ -ومن الحب ما رفس -بكرة يتجوز حمارة و يجيب لها ضرة -غريبة ازاي قبلها على نفسه الحمار ده -حابب أهديها أغنية بحبك يا حمار

عالم آخر

My link

My link

جُرحى اعمق مما قدرت اوجع مما قد ظننت .. آهٍ قد سلمت فعودى انت ؛ لحياتك فى قصر الورد يا اميرة احلام العمر " إن يقهرنى القهر فكونى اقوى وعودى للقصر وارعى عهدى والشعر .. شاعرك مطروح قلب يئن ونبضات تنوح دمه مسفوح ؛ ياعطر الروح عودى يازهرة دمعى وجروحى وانضمى للورد النائم بروضة روحى ولترعى سيدتى : عهدى والشعر فى زمن القهر انا' رجل آخر ؛ وحيدا مكسور الخاطر ورقه سقطت ذات مساء فى فصل خريف او بشتاء رث الهيئه مرتجف الساقين لا لون او ابعاد او حتى حد اجوف كالقصبه حافى القدمين يرتعش من شر الحاجه والبرد منخوب بخوار تصفر فيه الأنواء تتلوى شفتاه بأغنية الموتى الأحياء مسافر ليل يقول سلاما لمسافر عودى ياعطر الروح الفاخر قد ألقاكِ فى زمن آخر ؛ موعدنا .. لا ادرى عند النهر فقد ألقاكِ مع الفجر لا ادرى او فى القبر ~~~ ~~ ~ &

---------------------------------------------------------------------------------------- هلا اختي همس موضوع رائع واوافقك الراي تماماولكن: مادام انه لم يعد هناك انبياء او رسل وانتهى زمن الرسالات واصبح كل بشر عاديين فلابد من رقيب على كل من يتولى امور البلاد والعباد ولذلك لابد من استمرار مراقبة كل الفاسدين وتطهير كل منظمات وهيئات الدولة من الفاسدين والمفسدين ولكن في نفس الوقت لابد افساح المجال للشرفاء للعمل والصبر عليهم ويكون هدفنا جميعا المصلحة العليا لمصر وليست اية مصالح شخصية

دكتور ياسر كل انسان بيتكلم من خلال البيئة والظروف المحيطة بيه احتمال ان حضرتك مجتش الفرصة ليك انك تعيش فى البلاد العلمانية اللى فاكر انهم كفرة وشواذ الى اخره اولا الخبر بتاع الست خبر قديم ودى بتبقى حالات جنان فردية وكتير من الناس اللى موجودة فى البلد اللى بيحصل فيها كدة بيكونوا مشمئزين ومعترضين من غير مقارنات بين العرب عموما وغيرهم اللى بنسميهم اجانب او علمانيين او اى اسم تانى العربى يكذب يخون يسرق ينافق يقتل يزنى يشرب خمر لكن لا ياءكل لحم الخنزير ليه علشان حرام تعالى افتح اى جريدة عندنا فى مصروشوف قسم اخبار الحوادث دى شوية عناوين طفل رضيع وجدوه ملقى فى القمامة مجموعة من الذئاب تغتصب ربة بيت تحت تهديد السلاح سائق هتك عرض طفل واحد قتل صديقه علشان 3 جنيه اب يضع سم لاولاده فى الاكل لشكه فى نسبهم سيدة تدير عوامة تستقطب نساء ثريات لممارسة الجنس مع الحيوانات وغيرة من الاخبار التى يشيب لها الرضيع فى بطن امه دا غير حالات السرقة والنصب والقتل والتحرش والخطف الخلاصة كل بلد فيها حوادث بس فيه فرق انا عيشت فى اكتر من بلد فرنسا السويد اليونان امريكا استراليا مفيش مرة واحدة سمعت عن واحدة رمت ابنها فى الزبالة حتى لو كانت عاهرة فى مثل مصرى بيقول تعرف فلان اه اعرفه عاشيرته لاء معاشيرتهوش يبقى متعرفوش انا بقى عاشيرت وعرفت اهل البلاد دى كلها ووجدت فيهم من الصدق والاخلاص والاحترام والامانة مالم اجده فى بلاد المسلمين نصيحة متجبش خبر لواحدة مجنونة مختلة وتفكر ان كل الاجانب بتعمل كدة فى كتير مصريين متجوزيين اجانب من جميع الجنسيات اساءل اى واحد فيهم عن اخلاق زوجته و اخلاق اهلها او اصحبها هل ممكن واحد يتجوز واحدة مقتنعة بفكرة الشذوذ المشكلة ان احنا مسلمين وبلدنا فيها بلاوى اكتر من بلاد العلمانيين الكفرة اللى بتقول عليهم ياراجل دا انتوا كفرتم شوية الشباب الموحدين بالله اللى عملوا الثورة اللى اكثرهم اقسم بالله لا يعرف معنى كلمة علمانية زى ماحضرتك بتصاد اخبار بعض المغفليين فى الدول العلمانية اصطاد ملايين الاخبار عن انجازتهم فى الطب والفلك والصناعة فى ناس بتصنع صواريخ ومركبات فضاء واحنا مش قدرين نصنع فانوس رمضان او استيكة وشكرا

متعب .. بأقول لك إيه .. خف تعوم .. نصيحة أخ لو عاوز تبقى صاحب فكر - مش صاحب عيا - بلاش تقلب تحت كل شوال وكل حجر عن شيء تُهاجم به من تختلف معهم بمعنى إنت نكشت وأكتشفت سبق صحفي وكأننا مش عارفين أو قاريين تاريخ بس للأسف هو الكلام ده منشور فين ؟ في جريدة الجمهورية اللي العسكر عينوا السادات رئيس للتحرير هههههههه لها عشان يظبط الأناني .... وقعدنا أكتر من 60 سنة الصحف الحكومية عندنا أشبة بالماخور أو بمعنى صريح هي بوق النظام وتترجم أفكاره العفنه وكانت بتتحفنا كل يوم بيوميات السيد الرئيس - وهو كل شخص يجلس على الكرسي أياً ما كان - من أول ما يصحى من النوم ويدخل بيت الراحة ... لحدددددددددددددددددددددد ما يأوي إلى مخدعه بالليل .. ولو إنه دستورياً فإن الرئيس ما كانش بينام لأن من واجباته إنه بيسهر على راحة الشعب .. راجل بتاع النايت شيفت . وللأسف نسيت إن الأخوان وبشهادة الجميع كان لهم دور في مقاومة الإحتلال الإنجليزي في مدن القناة .. وكان لهم دور أكبر في الجهاد في فلسطين في حرب 48 وكان لهم دور لا يُمكن أن يُنكر في ثورة يوليو ... ولكن عشان العسكر زي الفريك ما بيبحش شريك فانقلب عليهم وطلعهم خونه وسفاحين وسافكي دماء وإنقلابيين أو زي ما كان بيقول مبارك بيسعوا للكراسي .. وكأن الكراسي دي لها ناسها .. أو كأن الأخوان - حتى لو أنا مختلف معاهم دلوقت - زي فئة الـ Untouchable اللي في الهند .. وهم فئة ليس لهم أي حقوق ومنبوذين وعاييشين على الهامش .... وبالتالي بديهياً إن ناصر وأخوانه مش هايطلعوا في جرايد الحكومة أو السًلطة ويقولوا المرشد أمور وجميل خالص وإن الاخوان دول عسل وشهد مكرر وإن كنا لا نستطيع أن نُنكر إن لهم أخطاء سابقة وحاضرة ... لكن زيهم زي أي قوة سياسية لها ما لها وعليها ما عليها ويؤخذ منها ويُرد ... عزيزي زعبولة أو متعب لو عندك فكر مُعين إعرضه ونناقشك فيه ... ورينا عندك إيه في جعبتك يا عن يعني عاوزها ترجع ملكية وطرابيش وأفندنيا وفلاحلار وإنجي وعلي والناس دي زي ما أنت كاتب في توقيعك .. وماله قول وورينا يمكن تقنعنا إنما كله ضرب ضرب مافيش مره شتيمة .. فده شيء مش ظريف أبداً ولا يعبر عن أي فكر ..

الف مبروك وجعله الله قرة عين لأبيه وأمه بورك في المولود وشكرتم الرازق ---------- وطبعاً المولود نازل علشان يكمل موضوع الموسيقى الهندية بتاع مامته علشان كده اختار سريره بالشكل ده

الموضوع مش تعميم وإلصاق تصرف شاذ بالعلمانية أو بالليبرالية الموضوع إن الفكر الليبرالي بيقول انت حر مالم تضر ، وهذه المرأة فعلت ما فعلت وجهرت به وهي تعلم إنها لن تتعرض لعقوبة أو حتي توبيخ علي هذه الفعلة فليفعل من شاء ما يشاء طالما لا يضر - بطريق مباشر - غيره ولينحط المجتمع ويصل إلي أقصي درجات الإنفلات الأخلاقي طالما لا أحد يجبر غيره علي شىء !!!!!!!! أما عندما تكون دولة إسلامية فعذرا ... غير مسموح بإعلان وبالجهر بمثل هذه الأفعال الشاذة المحرمة وفاعلها إن ثبتت عليه فعلته يعاقب ، وذلك لحرص شريعتنا علي سلامة المجتمع ، فالحرية هنا غير مطلقة ... وتفسخ المجتمع والجهر بالموبقات غير مسموح به ولهذا يغفر الله للعاصي حينما لا يجهر بمعصيته حتي لا يتسبب في شيوع الفساد في مجتمعه وحتي لا يصير الحرام شىء عادي ومقبول ولا حول ولا قوة إلا بالله والحمد لله علي نعمة الإسلام والعقل

يقيني أنه ليس هناك موقف من الفن بصفة عامة فأغلبنا ربما يشاهد الفن ويستحسن حسنه ويستقبح قبيحه ..... ولكن الموقف من دور هذا الفنان الغريب والمريب والغير نزيه ......... وهناك فرق بين ما قدمه مثلا الفنان إساعيل ياسين كممثل كوميدي وبين ما يقدمه عادل إمام .... فالأول يحبه الصغار والكبار وأعماله خفيفة على القلب ...... والثاني وإن ضحكنا من بعض ما يقدمه ولكننا لا نحترمه ولا نحترم ما يقدمه ..... وأيضا هناك فرق بين العمالقة الكبار مثل يوسف وهبي الذي كانت مسرحياته القديمة تحارب الرزيلة والفحشاء وبين عادل إمام الذي كان يسعى لنشرها وشيوعها لقد كنا ندرس تاريخ هؤلاء الكبار أيام زمن الفن الجميل

قال لقمان لولده: " يا بني اذا افتخر الناس بحسن كلامهم فافتخر انت بحسن صمتك".

كنت احلق فى حدود الأفق " رشفه واحده من كؤوس عيناها وتجاوزته الى ما وراءه ' . ' ورأيت فى حلم واحد اضعاف ما يحويه عالم بأكمله من الحقيقه حبها اسرنى ' قيدنى ' واطلق سراح خيالى للعنان http://www.youtube.com/watch?v=lcclu63ZQRQ&feature=youtube_gdata_player

اى لحظها ' ومن اجلك هويتها .. ورنحنى هواها فى بحار عينها وشربت حد الثماله حد السكر حد العربده حتى الغرق بحبها

اااااهٍ منك حبها ' تسامر ليلتى كزهرة ليلك وكم تداعب خفقات مهجتى فتحيل النبضات الى نغمات تنشد قربها ووصالها .. وتسقينى كأس غرامها حتى تثملنى وتأخذنى الى عالم سحرى من الحلم ليتنى لا افيق ابدا منك .. ولو اكتويت منك حتى مت حرقا او غرقت فى بحر خمرك غرقا " فقط ليكون ؛ اخر ما اتنفسه عطرها ' واخر ما اسمعه صوتها ' واخر ما اطبق جفناى عليه ( إشراقة وجهها )

شكرا يا ريمون على وضع نص قرار اللجنة أنا لم أكن أدرى أن اللجنة "أرجأت الفصل فى الموضوع" .. وطبعا اللجنة هى سيدة قرارها .. وتستطيع أن تخرجه من السباق حتى لو صدر حكم المحكمة الدستورية قبل موعد الانتخابات بيوم واحد نفسى بس الناس تفهم إننا لما ننقد حد مهما كان مدى احترامه لدى قطاع عريض من الناس فالنقد ليس للشخص ولكن للموقف أو الرأى أو السلوك الكلام الصح مفيش حد يقدر يقول عليه حاجة .. إنما الكلام الغلط يتقال عليه اللى يجب إنه يتقال بصرف النظر عن مين اللى قاله .. مهما يكون .. بدون ما ندخل بقى فى الغيبة والنميمة والبهتان ، وتحويل الرأى السياسى إلى كلام فى الدين .. لا لشئ سوى الإرهاب الفكرى .. وإسكات الآخر لم أكتب ما كتبته كرها فى عصام سلطان ولا حبا فى شفيق .. ولكن لمسؤولية الكلمة

الحقيقه ان اللجنه القضائيه العليا لم تعيد شفيق للسباق بشكل نهائى, لكنها اوقفت قرار استبعاده و احالت الامر للمحكمه الدستوريه العليا و ستبت فى الموضوع عند حكم المحكمه الدستوريه العليا و هذا هو نص القرار و اخر جمله بتقول: "احاله نص ... للمحكمه الدستوريه العليا للفصل في دستوريته و ارجأت الفصل فى الموضوع" و انا بحترم عصام سلطان لكنه غير امين فى انتقاده للقرار لو اللجنه استبعدت شفيق بعد فتره الاستبعاد بكام يوم فمنطقى انها تقبل تظلمه. خصوصا ان القانون بيقول ان امام المتظلم 48 ساعه للتظلم بعد اعلانه و ثانيا اللجنه قضائيه بنص الاعلان الدستورى. و الحكمه كلها من تشكليها من اكبر قضاه فى البلد هى انها تكون حكم نهائى فى المنازعات. انا ضد الماده دى شخصيا فى الدوره الحاليه (معها على المدى الطويل بعد تأكد الجميع من استقلاليه القضاء). لكن الماده واضحه ان اللجنه قضائيه و من صلب اختصاصها الحكم على الامور بنفسها.امال احنا جايبنهم قضاه ليه؟ اللجنه كان لازم تتطبق القانون و قررت استبعاد الفريق شفيق. و لكن السيد شفيق فى تظلمه جاب رأى قانونى من هيئه مفوضى الدوله (الهيئه اللى بتعتدم عليها المحكمه الدستوريه) بعدم دستوريه القانون. و احنا كلنا تناقشنا. هل القانون ده دستورى ام لا؟ و الاستاذ دكتور جابر نصار طلع مع يسرى فوده و المستشار الخضيرى و حمزاوى و قال ان لو القانون جزء من قانون العزل السياسى هيبقى مش دستورى و لو بقى جزء من قانون ممارسه الحقوق السياسيه هيكون دستورى. و تانى يوم حمزاوى قدم التغيير ده و اتقبل على طول. و كلنا شفنا المستشار الخضيرى بيقول حتى لو مش دستورى هنعديه. و دى طبعا سقطه من عملاق من عمالقه القانون فى مصر. فمن الاخر القانون فعلا مشكوك فى دستوريته من مؤيديه و معارضيه. انا عن نفسى شفيق مابيدخلش زمتى ببصله و رأىى فيه هو انه مراهق سياسيا و جات معاه كده. و الفلول وجدوه فرصه لرجوعهم للسلطه. لكن الحق احق ان يتبع و لغايه دلوقتى مش شايف ان اللجنه بتقوم بدور مريب. هى احالت الامر للمحكمه الدستوريه العليا للبت فيه و انا هكون اول واحد يهاجمهم لو الحكم طلع بدستوريه القانون و ابقو على شفيق. الضغط دلوقتى لازم يبقى على المحكمه الدستوريه العليا للبت فى دستوريه التعديل على قانون الحقوق السياسيه على وجه السرعه. و ربنا يستر و يكمل بخير.

إن الفقيه هو الفقيه بفعله ..... ليس الفقيه بنطقه ومقاله وكذا الرئيس هو الرئيس بخلقه ..... ليس الرئيس بقومه ورجاله وكذا الغني هو الغني بحاله ..... ليس الغني بملكه وبماله الإمام الشافعي

مقدمة ترى ما هو شعورك عزيزى القارئ عندما تعود من مشوار شقائك اليومي لتقابلك أرق إبتسامة واجمل قبلة من فتاة في الثلاثة من عمرها وهي تجرى نحوك لتحتضنك وتحمل حقيبتك الثقيلة وتشعرك بأن ملاكها الحارس قد نزل بساحتها ، وتحاول كل ما تستطيع أن تحمله عن الأرض بهذا الجسد الصغير ، كم هو حجم فرحك لقبلة تطبعها علي يدك بحنو بالغ فرح فيمسح عنك كل آلام الكد اليومي في معركة الحياة ، تلك هي فرحي صغيرتي الجميلة الحنون ومن قبل كان أخوتها فلما شبوا عن الطوق قليلاً حملت هي الراية واكملت المشوار ، ولن أخبركم عن حال بيتنا الصغير عندما ينقلب الحال لتصبح فرح تلك العذبة كالإعصار الهادر الرافض لكل تلك المساومات والحيل التى علمتنا إياها الحياة وتُسرع مختبأة خلف الأريكة متكومة على نفسها مع جهاز الأيباد الخاص بها ومنعزلة تماماً عن هؤلاء الأشرار قاطنى البيت ... ولكن الجميل ان سرعان ما تعود أدراجها ليشع نورها ليضيئ اركان البيت الصغير وتملأ ضحكتها الدافئة جنباته. وكما تمتاز الزهور بألوانها وروائحها العطرة تمتاز فرح بعشقها لثلاث أشياء ، الكاكاو البارد ، والأيباد ، والنوم على كتفي او بجانبي بعد ان تستمع إلى حكاية ما قبل النوم ، ولضعفي أمام رغباتها كنت اقدح زناد خيالي الجموح لعلى أشبع نهمها بحكاية من وحي لحظات ما قبل النوم ، وها أنا اشرككم معي تلك اللحظات الحكاية الأولى : ماتشو المغامر العظيم كان يا ما كان يا سعد يا كرام ولا يحلى الكلام إلا بذكر النبي ... عليه الصلاة والسلام لما حول الساحر الشرير بتعويذته الرهيبة كل النمور في غابات الصين لقطط صغيرة ومرت السنين الطويلة ، كان على شخص واحد إنه يهزم السحر ويرجع النمور للغابة ويرجع السعادة لكل الحيوانات ، كان مغامرنا العظيم ماتشو الولد الصغير مطلوب منه أنه يجيب الجوهرة المسحورة من الجبل الشرقي ويرميها في فتحة البركان العظيم اللى كان مدفون فيه كل تعويذات الساحر الشرير ، وركب ماتشو حصانه ومشى ناحية الجبل الشرقي بدون تردد ، وبعد فترة وصل لبحيرة التماسيح حاول ماتشو يعبرها بالحصان ولكن الحصان خاف ، نزل ماتشو البحيرة يعوم هاجمته التماسيح رجع مانشو وهو حزين وفكر في طريقة لعبور البحيرة قعد ماتشو تحت شجرة بيعزف على الناي اللى كان جده حصل عليه لما هزم الساحر الشرير من سنين طويلة قبل جده ما يموت ويعود الشر للقرية ، وكان عزف ماتشو جميل الطيور اتجمعت على الشجرة فوق ماتشو والتمسايح بدأت تتجه ناحية العزف ، فكر ماتشو لم كل التماسيح اتجمعت وهو بيعزف ممكن يكونوا جسر يعبر من فوقه البحيرة ، وفعلا بدأ ماتشو يعزف وهو بيعبر من على التماسيح ولما عبر الناحية التانيه رفع ايده لربنا وشكره على أنه ما زال يحتفظ بناي جده وان ربنا ساعده انه يعبر ، لكن للأسف الحصان كان في الناحية التانية ماتشو قرر يكمل الرحلة وشنطته فوق كتفه لكن الطريق طويل ، ماتشو العظيم كمل المشي وبعد فترة وصل للغابة المظلمة ولما دخل الغابة ما كانش شايف أي طريق من الضلمة ، ولأن ماتشو العظيم كا بيحب يتعلم افتكر ان في درس العلوم في المدرسة درسوا ان فيه خنافس مضيئة بتعيش في الغابة داخل شجرة البلوط ، فكر ماتشو لو استخدم الخنافس المضيئة حتنور الطريق له ، ودور على شجرة بلوط ووصل لجحر الخنافس وجمع منها كمية كبيرة في كيس شفاف كان معاه والنور فعلاً كشف الغابة المظلمة ومشى ماتشو في طريقه على نور الكشاف العجيب لما وصل ماتشو لنهاية الغابة المظلمة كان تعب من المشي وقرر ينام تحت شجره ، وفعلا نام ماتشو ولكن الخطر كان موجود فوق رأس ماتشو ، على أغصان الشجرة اللى نام ماتشو تحتها كان فيه ثعبان ضخم أنيابة بينقط منه السم ونزل ناحية ماتشو وحيهجم عليه وفجأه وقف الثعبان لما وصل عند الكيس الموجود فيه الخنافس المضيئة ، الثعبان كان مريض وأنيابه محتاجه لعلاج والخنافس المضية كانت بتشفي من المرض. بدأ الثعبان يأكل الخنافس المضيئة وبعد فترة شعر بالراحة وخف الألم كان سعيد جداً ، وحب يشكر ماتشو فقرر الثعبان إنه يحمي ماتشو خلال نومه من اي هجوم عليه من الحيوانات المفترسه في الغابة. نامت فرح خلاص وبكره نكمل الحكايه ... تصبحوا على خير