لوحة القادة

الله ينور عليك شغل مخابرات على اعلى مستوى وإلا كان عمر سليمان ورجالته ... والمخابرات الحربية ورجالتهم .. وامن الدولة اللي جبناه الأرض .. ومن وراءهم كلاب الداخلية الغير شرفاء منهم ... يبقى يلبسوا طرج ويقعدوا في البيت لو ما كانوش يدافعوا عن كيانهم القذر ومملكة الفساد التي أسسوها على مدار عقود من أول إطلاق سراح المساجين والبلطجية لترويع الناس وأنتشار جرائم جديدة لم نكن نسمع عنها الا في أفلام الويسترن زي الخطف والقتل في عز الضهر بمنتهى الدم البارد إلى جرجرة القوى السياسية للتناحر على التعديلات الدستورية والجنة والنار والمادة الثانية وتلوين نعم باللون الأخضر .. ولا باللون الأسود في بطاقة الإستفتاء إلى القتل المباشر في كل الأحداث من محمد محمود لمجلس الشعب للعباسية إلى غلاء الأسعار الفاحش وكأن الدولة ما فيهاش مؤسسات ولا وزارات إلى شح البنزين والسولار ومنعهم عن السوق إلى وهم الناس إننا لما بنقول لأ للظلم ومليون لأ لإراقة أي دم مصري مهما كان حتى لو كان مجرم إلا بالحق والعدل يبقى أحنا كده بنهاجم جيشنا العظيم بتاع 73 وعاوزين نوقع الجيش ونولع في وزارة الدفاع وندمر قواة المشاة والحرب الكيماوية إلى حرائق في البلد بمواعيد محددة وكلها ضد مجهول .. حتى مش يخلوا عندهم دم ويقولوا ماس كهربائي زي أيام المخلوع إلى شحنات هائلة من الأسلحة الثقيلة اللي عاوزه عناصر وميايشيا عسكرية لها باع طويل في الحروب .. من مضادات للطائرات وبطاريات للصواريخ ... ومضادات للدروع .. ويطلقوا علينا كلاب الإعلام التابع لهم ويقولوا " إلح .. ده قبل الإنتخابات بأيام الأسلحة دي جاية للأخوان عشان لو سقطوا في الإنتخابات يبقى يشعلوها حربياً أهلية " وكأننا دقين عصافير .. وكأننا صدقنا المخلوع قبل كده لما كان بيوقع المسلمين والمسيحيين في بعض ويطلق اعوانه يقولوا ده المسيحيين عندهم دبابات وطائرات وأسلحة ثقيلة داخل كل دير عشان يطلعوها في الوقت المناسب ويقتلونا ... أو كنا نصدق إن مسلم يعرف ربنا او بني أدم سوي كائناً ما كان يروح يفجر كنيسة القديسين وفي دقايق بطلع الكلب العادلي ومبارك في نفس واحد يقولوا " من فعلها هو جيس الأسلام الفلسطيني .. وخلاص قبضنا على سيد بلال وعلى كل منفذي العملية " كل ده بيأثر على الإنسان البسيط اللي بيرجعوه للمقولة الشهيرة التي نطق بها الشيطان بلسانه وسمعناها جميعاً " إما انا .. أو الفوضى " إما أن تضع في فمك جزمة قديمة وتقبل يحكمك ديكتاتور عسكري إلى أبد الأبدين من اول 52 لحد شفيق وتبقى مفعول به مرفوع دائماً أو إشرب يا حلو وهانخلي عيشتك طين وكل يوم من ده لكن أبداً والله ..هذا الجيل اللي تنسم عبير الحرية وعرف معناها وشاف الموت وشاف أخواته واصدقاء الميدان بيتخطفوا من حواليه ... وشاف فئران النظام السابق والمؤيدون لهم من المرجفون بيخرجوا الأن من البالوعات وصوتهم بيطلع وعاوزين يرجعوا اللي كان ... هذا الجيل لن يقبل بإعادة إنتاج النظام القديم .. بل لن يقبل ظلم أو حياد حتى ممن يؤديهم من الثوار او من سيحققون اهداف الثورة فمبدأ الظلم واحد سواء من عدو أو من صديق فلن افرح عندما أقبل ظلم صديقي وأستسيغه عن ظلم عدوي ... الظلم ظلم مهما كان لكن كوني انا اللي أجيب بإيدي من يظلمني .. فهذه السفاهة وقلة العقل بعينها

استاذ اسلام انت مصرى زينا رغم ان مش اخوانية وباعلنها انى بكره الاخوان ومتضايقة من اللى حصل منهم قبل كده بس مش وقته خالص ندبح فيهم ونقدمهم قربان لشفيق وغيره حتى لو الاخوان غلطوا غلطتهم دى ممكن تكون هفوة غير مقصودة لكن شفيق وامثاله من الفلول بيغلطوا بقالهم كام سنة وناويين يغلطوا فى حقنا كمان كام سنة مع الاخوان حنقدر نعارضهم نتظاهر ضدهم لكن مع شفيق حناخد فوق دماغ اهالينا ولا حنقدر نتنفس حتى لو نجح شفيق البلد حتولع من جديد وانا مش على استعداد اخسر ابنى زى ماشباب كتير راح دمه هدر وفى الاخر راحت بيضة مقشرة لشفيق والحزب الواطى من جديد اتقوا لله فى لحظة ممكن كلنا نضيع فيها مش البلد بس اللى عنده كلمة طيبة يقولها معندوش يتقى الله ويسكت فى لحظة الفتن دى ياريت تعمل بالشعار اللى حطيته فى توقيعك يااما تشيله احسن بدل ماتتسال عنه عملت به ولا لأ تحياتى لحضرتك

أرى إرهاصات عودة روح 25 يناير الجميلة .. أرى ان شفيق سيكون سببا بإذن الله في توحيد صفوفنا مرة اخرى بعد ان تمزقنا وتفرقنا .. الناس معادن .. وستظهر المعادن النفيسة و الخسيسة في الأيام القادمة .. أسجل إعجابي وتقديرى لعلاء الأسوانى وأسماء محفوظ وغيرهم ممن قرروا دعم مرسي رغم اختلافهم معه سياسيا .. هكذا تكون الرجولة , فالرجولة موقف وليس شعارات زائفة ..

مصر تعيش الان حالة تعادل النار تحت الرماد فمستجدات الاحداث تنبىء بوجود صدام تم تأجيله بين القوى الثورية وقوى النظام البائد فكل الاطراف لديها قناعة بانها الفرصة الاخيرة سواء كانت للفلول او للاخوان ففي حالة فوز الفلول برئاسة الجمهورية والممثلة في رئيس وزرائها الاسبق فسيستخدم نفس اساليب مبارك الديكتاتورية من قمع وزج في السجون ولن يجد اسهل من تدبير التهم لمن كان يقف امامه في جانب المعارضة والممثلة رسميا بالاخوان المسلمين فاول من سينال نصيبه من هذا القمع هي جماعة الاخوان وهم يخشون اكثر من غيرهم ذلك الامر لانهم كم عانو وتجرعوا من الانظمة السابقة من سجون وقمع وتعذيب ففقدانهم رئاسة الجمهورية التي كانت اخر امل لهم في اعتلاء السلطة في مصر والتمكن من الحكم وفي حالة عدم وصولهم لها سيكونون اول من ستنقلب عليهم السلطة الجديدة الممثلة في عودة النظام البائد من خلال شرعية الصنوق والانقلاب عليها هو انقلاب على الشرعية اما في حالة فوز الاخوان بانتخابات الرئاسة فسيكون هذا الامر تجديد لامل ظل يراودهم سنوات وسنوات وسيكون هذا على الاقل منجاة لهم من الاهوال التي كانو سيتعرضون لها من فقدانهم لهذا المنصب هذا الامر جعل الاخوان في حالة رعب شديد من تمكن النظام البائد من رقابهم مما دفعهم لاستعطاف القوى الثورية الاخرى لكي تتحالف معهم امام مرشح الفلول ولكن التعاطف مع الاخوان من قبل الثوار لن يكون لمجرد اسقاط شفيق ففي هذه الحالة ستكون مقاليد الامور جميعها تصب في صالح الاخوان من مجلس شعب ومجلس شورى ورئاسة الجمهورية ومن ثم تشكيل الحكومة وبذلك سنتحول الى حزب وطني جديد يتحكم ويتخذ القرارات دون معارضة تستطيع ان توقف قراراتهم والتي قد يرون انها غير مقبولة مثل ما حدث في اختيار لجنة اعداد الدستور من المؤكد ان باقي القوى الثورية والتي لم تعطي لمرشح الاخوان لديها قناعة انه مرشح لا يصلح لرئاسة مصر والا كانو رشحوه سابقا لم يبق امام الاخوان الا فرصة اخيرة ووحيدة لاثبات حسن النوايا ولاجتذاب اصوات القوى الثورية الاخرى وهذا هو التنازل الوحيد المتاح الان امام الاخوان لكي يقدمونه تصديقا على عدم استحواذهم على الحكم والسلطة وبذلك يثبتوا للجميع انهم لا يتاجرون بالثورة ولديهم ديموقراطية وتوزيع للادوار وانهم مؤمنون بمشاركة الجميع في تلك الفترة الحالكة من فترات حياتنا السياسية والمعيشية الفرصة الاخير والتنازل الوحيد المتاح الان هو تنازلهم عن تشكيل الحكومة القادمة وان تترك رئاسة وتشكيل هذه الحكومة لرجل من الثوريين مثل حمدين صباحي او البرادعي او اي شخص اخر غير اخواني هذا هو التنازل الوحيد الذي إن قدمه الاخوان الان سيثبتو للجميع انهم يستحقون اصوات الجميع لمساندتهم امام مرشح الفلول فهل يقدم الاخوان هذا التنازل ؟

مرحبا بك اخي العزيز في البداية انا اتفهم وجهة نظرك في خوفك من سيطرة الاخوان وهذا شئ طبيعي ولكن يا اخي الكريم خوفك مبني على استنتاجك واستقرائك لمواقف الاخوان بعد الثورة لكنك ومعك الجميع لم تجربوا الاخوان وتشاهدوا ادارتهم للبلد ولم تعرفوا سياساتهم داخليا او خارجيا كل مالدينا هو كلام نظري فقط طبعا كان للاخوان اخطاء ولا احد ينكر هذا ولن ندافع عن اخطائهم فقط لاننا نريد مرشحهم لكنها اخطاء سياسية لم يكن ثمنها دماء ابناء مصر او كرامة الشعب او اقتصاد البلد وبالتالي فهم اقل الضررين لو حسبتها من وجهة نظر ان الاثنين ضرر او الاثنين سيئين اقل حاجة يامحمد انتخاب مرسي يعني نجاح الثورة لانها جابت نظام جديد وريئس جديد لاعلاقة له بالنظام القديم اما شفيق فهو يعني ماكانش لو لازمة كل اللي عمله المصريين في السنة والنصف اللي فاتوا محمد ايها الاخ العزيز الحياة علمتنا الا نحكم على شئ قبل ان نجربه .. فلنعطي الاخوان فرصة وربما كل هذا الخوف يطلع لامبرر له ربما تحدثك نفسك بانتخاب شفيق نكاية بالاسوأ لكن تذكر انك تعطي صوتك لمن يده ملوثةبدماء ابناء مصر الذين منحوك الحق لتدلي بصوتك بكل حرية كلماتي اتمنى ان لا تغضبك لكنني لا اريدك ان تكون ذلك الرجل الذي احدى عيونه تؤلمه فيفقأ السليمة ليتخلص من الالم دمت طيبا اخي الكريم

لا أشك إن تلك الحملات تخرج من الفلول أو اعداء الثورة وأعداء أنفسهم انتشر منذ أمس على الإنترنت حملات بعنوان " إبطل صوتك " وبيدعي مروجوها إن لو الناس نزلت وشخبطت على ورقة الإنتخابات والنسبة كانت اكتر من 50 % أصوات باطلة فالإنتخابات كلها هاتتعاد من أول وجديد زي بالظبط لما أبو الفتوح ياخد 3 ونص مليون صوت .. فبيقول لك ممكن يروح لجنة الإنتخابات ويتنازل عنهم لحمدين صباحي حملات مشبوهة الغرض منها إيقاع الناس في فخ الحزب الوطني الجديد ... لا اعتقد إن في ساذج يصدق أن كل الناس لازم تنزل تبطل صوتها ... وبالتالي نبقى واقفين بترمومتر ونقيس .. ها ... وصلنا 50 % ؟ برافوا يا رجالة يالا نروح ده تهريج وقلة أدب وضحك على الدقون عاملة بالظبط زي الفريق الفاشل اللي بيلعب بطريقة مصيدة التسلل .. فتلاقي لاعب عبيط عنده يغطي التسلل ولو بسنتيمتر واحد .. وييجي لاعب من الفريق الاخر ينفرد بالجون ويسجل ... أفيقوا يرحمكم الله .. كل ما في الموضوع إن إحنا بنستعجب على طبقة العبيد اللي وحشها الكرباج العسكري خلال سنة ونص وأفتقدت ضرباته على ضهرها .. وجسمها بقى ياكلها من العيشة النضيفة وحنت لضرب الجزم والنفخ وأمن الدولة والحياة في البرك والمستنقعات بأستعجب على اللي فاكر إن الديكتاتور ممكن يتحول إلى شخص ملاك ورحيم بأستعجب على 5 مليون كاره للنظافة والحرية والكرامة ويروح يدي صوته لواحد بعضمة لسانه قال " للأسف الثورة قامت " وأنا ما عنديش أي مانع أروح أزور إسرائيل على طول أيها العبيد ... أمامكم فرصة .. فإما ان تفيقوا وتنتزعوا حريتكم بدون اي مجهود أو تضحيات .. أو فلتموتوا كما رضيتم أن تعيشوا عبيداً يُداسوا بالأحذية بالمناسبة .. لا مجال للديمقراطية هنا ... ديمقراطية إيه المنيلة دي اللي تخليني أروح أنتحر وأرمي نفسي بالنار ؟ ديمقراطية إيه وانا شايف ناس ما أعرفش ملتهم إيه بيخرقوا السفينة اللي راكبين فيها كلنا وهايغرقونا ؟ ده حتى مخالف لشرع الله ولنواميس الكون ولكل الأعراف والأديان والأخلاق إزاي ربنا يخلقني حُر كريم ويقول عليه أنا في القران " ولقد كرمنا بني ادم " وسواء كنت مسلم أو مسيحي تروح برجلك تنتخب جلادك ... وتنتخب من سيسومك سوء العذاب لأنه عمل كده فعلاً وقتل أخوك وأبوك وجارك في الـ 18 يوم وموقعة الجمل وماسبيرو ومحمد محمود إزاي تنتخب ديكتاتور ما عندوش برنامج إنتخابي وبيهددك إن احداث العباسية كانت بروفة مصغرة للي هايحصل لو حد فتح بؤه ؟ بإذن الله لن يحدث .. ومش عيب يبقى عندنا 75 مليون حُر ... بالإضافة إلى 5 مليون بيُصروا إنهم يبقوا عبيد يلحسوا الأحذية وبيتكيفوا من الذل والهوان .. مع إن قدامهم فرصة يتحرروا أما من يخوفونا من الإسلام السياسي وانه سيقمعنا .... فأنا ربنا اداني عقل .. وشايف قدامي طريقين .. واحد 100 % هاتهان فيه بدون شك وهارجع ذليل زي أيام الحقير المخلوع لأن الطريق مليان تعابين من تعابينه وكلهم مستخبين ومنتظرين اللحظة الحاسمة يخرجوا من بالوعات المجاري .. أقسم بالله العظيم شاهدت بالامس إحتفالات امام مقر حملة شفيق وحريم عمالة ترقص وتهز واغاني واهازيج .. هما نفس الأشكال اللي حافظينها ويمكن عارفين أساميهم اللي كانوا بيقفوا قدام المحكمة ويقولوا أسفين يا ريس وهما أنفسهم اللي كانوا بينزلوا العباسية يرقصوا ويطبلوا لعمر سليمان ... إزاي إنسان محترم يختار يبقى في حزب به هؤلاء الأفاقين اللي عشان 50 ج يبيعوا شرفهم وعرضهم وإن شالله تولع البلد ؟ وطريق أخر فيه إحتمال إني اتكبت او تحبس حريتي وناس عندها برنامج محترم ممكن يُطبق ولو 70 % حتى ؟ يبقى اروح للطريق المؤكد ... ولا المُحتمل ؟ ولا أبقى سلبي وأقعد في البيت أستنى مصيري واشوف هايحصل لي إيه وأهو يا بخت من بات مظلوم ولا باتش ظالم ودع الاخرون يقررون ماذا سيكون حالي غداً ... حراً ام عبداً ذليلاً ؟ في حين إني لو كننت سلبي وأمتنعت فبالتأكيد الضباع وأكلي الجيف هايبعتوا لي رسالة شكر لأني وفرت عليهم زحام الطوابير .. وهايروحوا بأقل مجهود يستولوا على البلد بمن فيها ويرجعوها أقذر من الاول ويرجعوا ينتقموا ممن أذلهم وجاب مناخيرهم الأرض ولغى البشوية العسكرية ولغى الأهانة في الأقسام والشوارع العبد الفقير الواقف امامكم ده لم يتعرض في حياته لا من بعيد ولا قريب لأي أهانة لان ما حدش يقدر يحاول حتى يعمل معايا كده لأني عارف حقوقي كويس وعندي لسان أحد من السيف في الحق والحمد لله لم احتاج للدولة لا في علاج ولا تعليم ولا عاوز من بلدي حاجه بل بالعكس احاول على قدر الامكان إني أرد لها جزء من جميلها علي لأن تكويني كله جاي من طينها وماءها وأرضها ومهما البلد قست على الواحد فهي كالأم التي لا نملك إلا أن نحبها دون إنتظار لما سنأخذه منها .. بأستعجب على الواحد اللي بيبقى عامل زي الحيطة وطول بعرض وبرضوا يوصل لسن 40 سنة ومحتاج أهله يصرفوا عليه ويعطوه مصروفة اليومي .. أهو بالظبط زي المصري اللي على طول بيفكر في سبوبة هاياخد إيه من بلده او إمتى تنضف بقى وأشتغل وأعيش حياة كريمة .. من غير ما يحاول يفقد بعض الدهون والشحوم اللي كونها ويبادر ويعمل هو شيء إيجابي لبلده ..!!!!!!!! لكن هل الاستقرار اللي من وجهة نظر البعض هو الجمود والركون والتيبس اللي كان بيدعوا له المخلوع .... هل هذه حياة ؟ طب ما لا مؤخذه البقرة بتعيش كده البقرة بتعيش في الحظيرة امنه مطمئنة وأكلها وشربها بيجيلها لحد عندها ...وحاجه زي الفل .. قاعدة بتتعلف وبس لكن لحد إمتى ؟ لحد ما ييجي ميعاد دبحها المؤكد ما فيش حد بيربي بقرة كده عشان صعبانه عليه أو عشان يعمل مجتمع بقر مثالي يُباهي به العالم هذا هو الفرق بين إنسان يصنع حاضرة ومستقبلة ويكون هو الفاعل لا المفعول به ... وبين دابة من الدواب ولا في دماغها وأهم حاجه عندها العلف والمم وحد ينضف تحتها مخلفاتها .

فيه مثل عربي بيقول المغصوبة ما تاخد منها لبن أي أن المعزة إذا غصبتها وشديتها بالعافية علشان تحلبها مش حتعرف تحلبها ولا تاخد منها لبن واحنا في مصر مغصوبين سواء شفيق أو مرسي أن نحدد موقف مقابل أن نهرب من الموقف المضاد فهذا جهل وتخلف يبقى نعمل إيه نقعد .. ونستنى .. ونهدأ .. ونسمع نسمع كل واحد حيقول إيه ومش كده وبس لازم تكون فيه مبادرات عملية .. اللي يقدر يقنعنا .. حننتخبه اللي مش حيقنعنا .. يبقى يولع بجاز .. ومش حاقعد في البيت .. حافضل أتابع لحد يوم الإعادة وحاروح أدي صوتي لواحد من الإتنين اللي حيقنعني أكثر حانتخبه أما مسألة الوعود . والكلام الغامض .. لازم يكون فيه شفافية يعني أن مكتب الإرشاد يقعد يجتمع ويتكتك .. ويطلع لنا بيانات بكلام عايم .. مش حينفع لازم يكون كلام واضح وصريح ومحدد .. والبيان العملي في مجلش الشعب .. وتشكيل لجنة تأسيسية الدستور ... البيان العملي في الشارع البيان العملي .. إن تحل جمعية الإخوان المسلمين ومكتب الإرشاد ويكتفى بحزب العدالة والتنمية .. والهيئة العليا للحزب البيان العملي .. إن مايبقاش فيه حاجة إسمها مرشد .. الجماعة تدين له بالولاء والسمع ولاطاعة ماينفعش ينضحك علينا كل شوية ... وناكل على قفانا ونسكت ماينفعش حد يضحك علي ويقولي علشان الثورة ماتضيعش روح انتخب مرسي بأمارة إيه

الأمريكان بعد 11-سبتمبر سألوا سؤال :لماذا يكرهوننا؟؟وطبعا كانوا بقصدوا لماذا يكره المسلمون الامريكان بعد ان كانت امريكا قبلة الحرية ومثال الديمقراطية طبعا نحن كمسلمين كنا بنستغرب من هذا السؤال كيف لا يعرف الامريكان ان الشعوب المسلمة تكرههم بعد ما فعلوه فى دول اسلامية ومساندة حكومات استبدادية الأن يسأل الاخوان نفس السؤال:لماذايكرهوننا؟؟ اعتقدان الكثير منا قد كتب لماذ تحول الكثير من الناس من مؤيد ومتعاطف للاخوان قبل الثورة واثناء الثورة الى الحالة التى وصل بها البعض ان يرشح شفيق انتقاما ونكاية فى الاخوان 1-هل الأعلام الفاسد هو السبب فى تغير رأى الناس ؟؟طيب هناك الكثير من القنوات التى تنتمى الى الاخوان والتيار الدينى تعمل ليل نهار فى غسيل دماغ الناس وتجعلهم يؤمنوا ان الاخوان والسلف من الانبياء الاطهار(يوسف الذى خرج من السجن لكى يحكم مصر ولقمان والقوى الامين) وهناك الكثير من الصحف بتشارك فى رسم هذه الصورة لماذا تتهموا الاعلام الاخر انه استطاع ان يؤثر على ادمغة الشعب المصرى وتعلنوا فشل كل وسائل الميديا التابعة لكم ؟؟ 2-لماذل الاخوان يعتقدوا فى انفسهم الكمال (الكمال لله وحده)؟؟ لماذ لم يعترفوا باخطائهم طوال فترة السنة والنصف ويعتذروا عن المواقف التى اخطأوا فيها واثرت بصورة كبير على المصريين ؟؟مثل تخاذلهم عن الثوار فى محمد محمود وما بعد محمد محمود؟وقالوه عن ان الثوار بلطجية ونفوا وجود خرطوش وايدوا الداخلية 3-هل الاخوان فى الوقت الحالى بتمارس سياسة ام دعوة دينية؟؟ اذا كانت سياسية فلابد من ان لا يربطوا تأيدنا لهم او نقدنا لهم فى اى موقف بتأييد الاسلام او عداء له اذا كانت تمارس دعوة دينية فليس لها ان تتحدث فى السياسة ولابد ان نقول لها امين فى ما تقوله مؤيدا من قرأن او سنة 4-انا ضد شفيق على طول الخط ولكن لن انتخب الاخوان الا بعد شروط تكفل لى انهم لن يحصدوا كل الصلاحيات فى ايدهم او فى يد المرشد وان يكون هناك مشاركة فى الحياة السياسة من اكثر من لون سياسى ..يعنى اذا حبيت انتخب الاخوان علشان تكون شبيه الحزب الوطنى يبقى انتخب الحزب الوطنى احسن وهو الاصل وبلاش التقليد 5-طبعا الاخوان سوف يرفضوا ان يعطوا اى تيار سياسى اخر اى منصب حقيقى وسوف يتمسكون باسطوانة الصندوق قال كلمته وجاء مجلس شعب كاغلبية واذا جاء الصندوق بمرسى سوف يرددوا اسطوانة:الشعب اختار.. وأدنا توكيل .نعمل اى حاجة ..ونحط ونشيل .نقول جنزورى كويس ..وبكرة نقول ده عميل..الدستور ده بتاعنا...نضيف ونزيل. الريس ريسنا والحكومة بتاعتنا. والمجلس مجلسنا والأنتخابات لعبتنا

لو مرسى بقى رئيس (( ان شاء الله هيبقى )) اول حاجه : 1- هطالب بتعين نفسى مرشد عام لا اقصد مشرف عام زى سين سين كده 2- هنفصل المحاورات الى محاورات البنات ومحاورات الخناشير والمشرف العام بس هو اليى هيبقى ليه الحق انه يشارك فى الاتنين على التوازى بما لا يخالف شرع الله طبعاً 3- الاخوه المسحيين (( سكوب وسوسو رانى والشله كلها انا عارفهم واحد واحد محدش يستخبى )) هندفعهم رسوم بسيطه كده نظير مشاركتهم لنا فى المحاورات الاسلاميه (( الجزيه يعنى بس مش هنقول ليهم كده لان يجوز الكذب على النصارى )) 4- الاخوه بتوع بنى ليبرال وبنى علمان (( عارفهم برده ومش هسيبهم )) دول سوف نضيق عليهم الخناق وسوف يتم وضع مشاركتهم تحت المراقبه وممنوع منعاً باتاً ان اى واحد يكتب كلمه وتنشر الا بعد اخذ الموافقه من فضيلة المرشد طبعاً اليى هيراجع نفسه وينتخب الدكتور مرسى فلن ننسى له هذا الموقف وسوف يحمل على الاعناق اما فى حالة فوز شفيق (( اعوذ بالله )) ربنا يتولنا بقى ان كنا احياء ويرحمنا برحمته ان كنا ميتين لان ده عقله صغير ومش هينفع معاه جو الطيبه وسامحنى والكلام ده

الموضوع ده لتخفيف حدة التوتر الموجودة دلوقت و جت لي فكرته من الأخ الكريم سين سين لما قال انه حايعتزل السياسة و يؤلف قصص أطفال :closedeyes: يا ترى توقعاتكم ايه ؟ لنفسك و لغيرك في الموقع ؟ عن نفسي لو مرسي كسب حأقلب نشاطي الأدبي والفني لابتهالات و مدائح و حتبقى مواضيعي على سبيل المثال لا الحصر فنجان حلبة خربشات أختك في الله البوح المباح و مشاعر اسلامية جدا همسات حب في الله نادي القلوب العامرة بالإيمان و لو شفيق لاقدر الله حأقلب نشاطي الأدبي لأغاني وطنية وحأجهز اوبريت لاحتفالات اكتوبر الجاي مطلعه بيقول و ركبنا الجمال نتفسح سوا وفرقنا على الثوار بونبوني بالهنا تارارا و حأكتب مقالات أدبية عن طهارة اليد و ظلم الشرفاء و أول مقال بعنوان الحق لازم يبان يا ماما سوزان و مقالات أخرى فشلت ثورة الحاقدين الظالمين براءة الشرطة من قتل بلطجية التحرير أين حق شهداء الشرطة ؟؟؟ الحقيقة وراء الاجندات و وجبات كنتاكي الإعلاميون يعترفون تم تهديدنا للدفاع عن انقلاب 25 يناير الإعلامي الشريف د. توفيق عكاشة ثبت على مبدأه رغم التهديدات اييييييييييييه دنيا أهم حاجة الثبات ع المبدأ :ninja: و للحديث بقية... في انتظاركم

http://www.youtube.com/watch?v=eMDlbXun4Eg&feature=related

تعلمت ان لا اتعود على شئ ولا اكون رهينه لعاده ' او ان ارتبط بأسلوب حياة معين كى لا اكون اسيرا له .. تعلمت ايضا ان وان الحياة لا تتوقف على شئ بذاته ' او على إنسان بحد ذاته ' وان اعيش حرا طليق بعيدا عن الإلتزام بأى نوع من سلاسل قيد العادات ' وان لا ادمن العلاقه مع احدا من البشر كل شئ يتغير ' كل الناس تتغير ' لا شئ يظل ثابت ' ولا يمكن قياس الساكن على نابض متحرك لذا تعلمت ان لا اقع فى مأزق الرهان على شخص ما بعينه دون سواه ' كفانى آلما وكفانى إحتضارا. كفانى موتا وانا ارزق ' بخنجر العواطف المسموم !! ( اوجاع )

لا يتواضع إلا الكبير ولا يتكبر إلا الحقير ولا تقاس العقول بالأعمار فكم من صغير عقله بارع وكم من كبير عقله فارغ ................. الكبرياء لله وحده

بعد كده لما اركب مواصلات والاقي ست كبيرة واقفة هقولها مش انتي انتخبتي شفيق ..خليه يقعدك بقي ! ولما الاقي راجل كبير واقف علي طابور العيش هقوله مش انت انتخبت شفيق ..خليه يجيبلك عيش ! ولما الاقي اسرة ابنهم الصغير مخطوف ..هقولهم مش انتوا انتخبتوا شفيق ..خليه يرجعهولكوا ! ولما الاقي الناس واقفة طوابير علي الانابيب ..هبصلهم بقرف واقولهم مش انتوا انتخبتوا شفيق خليه يجيبلكوا الانابيب ! ولما الاقي السواقين......... واقفين طوابير ع البنزين ..هقولهم خليه يجبلكوا الغاز ! ولما الاقي ام بتعيط عشان ابنها متاخد في كمين ..هقولها كلمي شفيق ! ولما الاقي مسيحين بيلطموا عشان كنيسه ولعت ..هقولهم هاتوا شفيق يطفيها ! ولما الاقي شاب مش عارف يدخل الحربية او الشرطه عشان خدوا ابن الرتبه بداله ..هقوله البس ! ولما الاقي طالب مش عارف يبقي معيد عشان ابن الدكتور هيتعين هقوله اشرب ! ولما اقابل ناس مش عارفة تقضي اي مصلحه غير بالمحسوبية او الرشوة ..هقولهم ها ..شفيق نضيف مش كده ؟!! ولما الاقي ناس بُتظلم وتُستعبد وتاخد علي قفاها ..هقولهم : ايه اخبار الحرية ؟!! ولما البلطجيه ينتشروا في كل مكان زي زمان ويقطعوا الطرق ويخطفوا البنات ويسرقوا البيوت ..هقولهم ايه اخبار الامن دلوقتي ؟! لما الاقي الناس مش لاقية تاكل وبتصوت من الغلاء ..هقولهم ايه اخبار عجلة الانتااج ؟!! شفيق حلو مش كده ؟!! ..طب البس يا شعب ده على فكرة اللى هعمله بجد..

خايفة يكونوا بيشوفوا ردود أفعال الناس على الاحتمالات المختلفة عشان يضبطوا نتيجة في الآخر تخدم مصالحهم و خصوصا ان الفروق بين المنافسين ليست كبيرة و لم يخرج كلام رسمي بالنتائج النهائية بعد و لسه تاتش لجنة الانتخابات بعد استبعاد لجان و اعادتها و استبعاد صناديق و هلم جر و يسربوا أخبار النتائج لتوقع ردود أفعالنا تفتكروا حاطين شفيق بعبع لنا زي ما عملوا مع عمر سليمان و خصوصا ان شفيق عمال يطلع تصريحات غاية في الغباء السياسي؟

إنها وردة .. إستمدت ريعانها .. من فيض دموعى

أتفق معك تماما لم نرى تجربه واحده لما يسمى بالدوله الإسلاميه من بعد عهد سيدنا عمر بن عبد العزيز .. كُتب لها و لو بعض النجاح الكل مجرد صراعات على الحكم.. و يتخذون الدين شعار ... و يبأه اللى ضدهم كافر و علمانى و ليبرالى عايز نسوانهم يمشوا بالمايوه فى الشارع... و مسيحى و يهودى ضد الإسلام... مش ده الكلام الفارغ اللى ضحكوا بيه على عقول السُذج أيام إنتخابات مجلس الشعب و الشورى شفنا سودان الترابى ... المحسوب على الإخوان و شفنا حماس غزه و شفنا طلبان أفغانستان... و فيهم برضه دكاتره و مهندسين و مليارديرات علشان اللى بيقول فيه فرق و شفنا القاعده فى اليمن... و العراق و شفنا دولتين... شيعيه... إيران و سنيه... المملكه... و الحالتين يساندهم كم هائل من المال.. لولاه ما صمد النظام ال (دينى) و لإنهار من زمن يا ترى اى تجربه شيفينها نجحت؟؟؟؟ ثم إن تركيز السلطه فى يد واحده هى ما أدى للمفاسد السابقه الحزب الوطنى الديموقراطى... منه رئيس الدوله مجلس السعب مجلس الشورى مجلس الوزراء و حكم و طغى و بغى الإخوان الآن منهم مجلس الشعب و مجلس الشورى و بعدين حيشكلوا الوزاره بعد الإنتخابات الرآسيه و كمان رئيس الدوله و إيه بأه... مرجعيه دينيه... إسلاميه!!!! آل يعنى الباقى المعارض لهم... مرجعيه بوزيه ولا هندوسيه ليسوا ملائكه... ولا ملائكه على الأرض .....هم يكررون ما فعله الحزب الوطنى الديموقراطى... لإنتاج حزب الحريه و العداله الوطنى الديموقراطى... الحاكم بأمره الأوحد.. ذو المرجعيه الدينيه اللتى لا تُصد ولا تُرد لابد من وجود رئيس من خارجهم حتى لو كان عفريت أزرق... سأختاره

ملاحظة فى محلها تماما ولكن أنت لا تعرف معنى الحرية الحرية هى أن تكون حرا فى أن تشتم خصمك وأن تقتله إذا رد عليك الاستاذ الفاضل ابو محمد الامر بالنسبة لشفيق او غيره لا يتعلق بالحرية الامر يتعلق بانه لا يصح ان نذكر انسان بسوء اللا في حالات و التي منها بالتأكيد ان نكون تعرضنا لظلم من هذا الانسان ‏{‏لَا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ وَكَانَ اللَّهُ سَمِيعًا عَلِيمًا ‏}‏ شفيق كلنا بنعتبره ظلمنا لانه جزء من النظام السابق و لانه كان المسئول وقت موقعة الجمل ، و لان عليه بلاغات بسرقات لم يتم التحقيق معه فيها بنزاهة حتي نتأكد انه لم يسرقنا في و قت كان اغلب المسئولين يسرقون ، اما بالنسبة لمؤيدي شفيق ، فما نقدرش نعمم الحكم عليهم لانهم مختلفين في منهم مخدوعين فيه ، في منهم فعلا من الحزب الوطني و بتوع اسف يا ريس و الفلول في منهم ناس عاديين عايزين الاستقرار و خلاص في منهم اللي مدفوع لهم فلوس فما ينفعش التعميم و اتهامهم كلهم ، لكن ما نستطيع قوله فقط انهم حيتسببوا في ضياع الثورة و رجوع النظام السابق بكل مساوؤه تحياتي

بإذن الله لن يحدث هذا .. لن نسمح إن شاء بقائد موقعة الجمل الذى سمح للجمال بالرقص !! مع الثوار في الميدان أن يحصل على ترقية من منصب رئيس للوزراء في عهد المخلوع إلى رئيس للجمهورية بعد مجهوداته المباركة في خدمة الثورة !! لن نسمح لمن كان يهزأ بهم ويدعوا لتوزيع البونبونى عليهم ويأسف لنجاح ثورتهم ان يعتلى صدورنا مرة اخرى لن نسمح لمن أعلن على العلن بأن مبارك هو مثله الأعلى بأن يكون رئيسا لنا في الوقت الذى يحاكم مثله العلى بتهمة قتل الثوار العزل .. لن نسمح لمن هدد بالاستعانة بالجيش لضرب التظاهرات في حالة الاعتراض على فوزه .. لن نسمح لمن صرح لوسائل الاعلام بعد نجاحه في المرحلة الأولى بان الثورة قد انتهت أن يتولى الحكم ليستكمل فعليا انهائها بما سيمتلكه من وسائل البطش والقمع .. لن يحدث هذا أبدا بإذن الله الواحد الأحد ..

ملاحظة فى محلها تماما ولكن أنت لا تعرف معنى الحرية الحرية هى أن تكون حرا فى أن تشتم خصمك وأن تقتله إذا رد عليك فعلا انصار شفيق مش بتوع كلام و لا شتيمة دول بتوع بلطجة زى بلطجة موقعة الجمل و نشوف عملوا ايه فى نقابة الصحفيين لما النقابة عملت مؤتمر لفضح شفيق http://www.youtube.com/watch?v=D4e__pI4Fj8

الاستاذ الفاضل محمد شفيق اتقدم فيه اكتر من تلاتين بلاغ للنائب العام و من زمان ، و كلهم اتقفل عليهم الدرج ، و الكلام ده بشهادة علاء الاسواني اللي كلناعارفين انه مش اسلامي علشان نشك ان ليه هدف من تشويهه طيب وبلاغ عصام سلطان اللي قدمه فيه ومعاه اوراق عليها امضته ، حصل فيه ايه ؟ برضه اتقفل عليه الدرج لحد ما يبقي رئيس رسمي ، و ازاي اصلا يبقي مرشح للرئاسة وعليه بلاغات ؟ العسكر ضحوا بناس زي عز والعادلي علشان الشعب ساعتها ما كانش حيسكت لكن شفيق طبعا ما ضحوش بيه لان محتاجينه لان هو مرشحهم للرئاسة اللي حيضمن لهم انهم ما يتحاسبوش و يحكموا البلد من خلاله

جميل جدا سؤال حضرتك علشان كده حجاوب عليه موضوع التجربة ده ، ممكن نجربه مع مرسي وممكن نجربه برضه مع شفيق طيب الطفل الصغير لازم يجرب يتلسع من الحاجة الساخنة علشان يعرف يعني ايه ساخن وبارد ومن كده بيتعلم. لكن الكبار مش لازم يجربوا الحاجة بنفسهم علشان يعرفوا النتيجة، كفاية قوي انهم ينظروا حولهم ويفكروا ويقرروا. جميل؟ تجربة الاخوان شفناها مطبقة في عدة أماكن وبطرق مختلفة وجميعها ادت إلى كوارث، إيران السودان أفغانستان هل ترى ان أي من تلك التجارب حققت نجاحا؟ في رأيي لم يحدث. تجربة الحكم الديني -في رأيي- هي تجربة فاشلة لانها تقسم الأمة وتقسم الناس وتعتمد الولاء بندا أساسيا في الإختيار، وكلما الولاء زاد للمرشد أو الإمام إرتفعت قيمة العضو ومركزه في التنظيم. من أجل هذا فأنا لست على إستعداد للتجربة مع الإخوان. نيجي لشفيق، كما ذكرت سابقا انني كنت مع عبد المنعم أبو الفتوح كأحسن الوحشين، لان كل اللي كانوا باقيين على ساحة الترشح ينطبق عليهم مثل " مايبقى على المداود غير شر البقر "، لكن بما ان ابو الفتوح مش متاح وموسى غير متاح وحمدين غير متاح، ولم يبقى سوى مرسي وشفيق، يبقى نتكلم عن شفيق لاني اتكلمت على مرسي. شفيق -في رأيي- كان كبش فداء ولم يكن تكليفه بالوزارة لقتل الثوار وإنما كان لامتصاص غضب الثوار، وفي الوقت الذي حاول فيه ان يتقرب من الثوار كان هناك من يخطط ويدبر للعكس تماما، لا أبرئ شفيق من عداءه للثوار والبرادعي وقتها لانه في جميع الحالات كان مواليا للنظام السابق، ولكن أن نلقي عليه بمسئولية قتل الثوار وموقعة الجمل فهذا ظلم بين، مع ملاحظة انه تم تكليفه بالوزارة يوم 29 يناير ، يعني بعد خراب مالطة واصبح شفيق رئيس وزراء بلا صلاحيات أمنية حيث لم تكن هناك شرطة والجيش كان بالشوارع مع المتظاهرين وليس ضدهم. علشان كده انا مش عارف ازاي نحمل شفيق مسئولية حاجة ماعملهاش. وبعدين إذا كان مبارك وجمال وعلاء والعادلي وعز وسرور والشريف وباقي العصابة موجودين في السجن ومعظمهم يتم محاكمته بتهمة قتل المتظاهرين وموقعة الجمل، سابوا ليه شفيق لو كان هناك شيئ يدينه؟ هل كان شفيق أقوى وأعز من كل هؤلاء؟ على رأسه ريشة؟ لاأظن، وأغلب الظن أن هناك دعاية قوية ضد شفيق استطاعت ان ترسخ في عقول الثوار رسخها من له مصلحة في القبض على كل مقدرات مصر في يده لتحقيق حلمه. كل ما اقوله لا ابغي من وراءه إلا التحليل والبحث عن الحقيقة بعين حيادية بعيدا عن الانتماء لأي فصيل، ولذلك لن يري موضوعية كلامي كل من له انتماء لتيار ما. علشان كده أرجو من الجميع أخذ رأيي بموضوعية لانني لاأبغي إلا صالح مصر، وفي النهاية طالما إرتضينا الديموقراطية حكما فلنقبل ماتأتي به لنا. زكما قلت سابقا في مداخلة أخرى ان الشعوب طالما آمنت بالديمقراطية فلتحافظ عليها وتقبل بنتيجتها وتحارب من أجل إستمرارها حتى لو جاءت بعكس مايريده فصيل منها، ولذلك سواء جاء مري أو شفيق للرئاسة فليس أقل من التعاون مع أي منهما لصالح الوطن وليس لصالح جماعة أو تيار. وليول الله الأصلح لمصر ولشعب مصر.

نصيحة هامة عاجلة جدااااااااااااا اذا لم تتحدوا وتنقذوا الثورة وتسقطوا النظام الفاشي انصحكم بالاتي الخروج وبسرعة الى ميدان التحرير وميادين مصر كلها والركوع وطلب السماح من حسني مبارك ومبايعة جمال مبارك ملكا على مصر تقديم 100 الف شهيد فربان لحبيب العادلي تعويضا لسيادته عن دخوله السجن فرض اتاوة على كل مصري 100000 جنيه لتعويض المحترم احمد عز وبعد كل ذلك جهز كفنك عشان هتموت في الميدان ولو ربنا كرمك وما متش في الميدان هتموت في المعتقل. ولا عزاء للشهداء

هل الثوره التى حدثت بفضل الله قبل كل شئ هل هذه الثوره هى دين وعقيده وهل هى غايه ام وسيله؟ الاستاذ محمد اول مره اتفق مع حضرتك على الرغم من انى لست علمانى او ليبرالى واتمنى تطبيق شرع الله الذى يدعو الى ان اكون امن فى بيتى وعملى ومسجدى واملك قوت يومى واعيش حياه كريمه انا انتخبت شفيق وان شاء الله سوف انتخبه فى الاعاده لانى لا اريد لمصر ان تحكم بفتاوى الشيخ الفلانى والشيخ العلانى اريدها ان تحكم بالقانون وبالقانون الاسلامى الذى يقره علماء البازهر ولامانع من اشتراك علماء اخرون معهم على سبيل المثال نازل على الفيس بوك ان الشيخ نصر فريد واصل قال ان التصويت للفريق حرام شرعا وبحثت فى كلام الشيخ لم اجد انه قال ذلك يعنى حتى كلام العلماء نحوره على هوانا واذا كان الاخوان يخافون على الثوره فلما لايتنازل مرشحهم الى السيد حمدين وساعتها سوف اصوت الى حمدين ولم يمنعنى من التصويت الى حمدين الا خوفا من تفتيت الاصوات

ولو ان الاستاذ / طارق المصري ...رد فأوفى. الا انني استوقفني. هذه الجزئية في الاقتباس اعلاه والذي معناه أن من ينتخب شفيق او يمتنع عن الادلاء بصوته لا يكون ضد الثورة !!؟؟ لأ. ده يكون ضد الثورة ونص وتلات اربع كمان..كيف لمن يتجرأ ويساند احد اركان النظام السابق ألا يكون ضد الثورة ...امال ضد ايه يعني ؟ وانا عن نفسي اعتقد ان كل من أيد الثورة سيذدري ويحتقر كل من سيساند شفيق....لانه بهذا يعلن بوضوح انه ليس مع الثورة ولا مع من قامت من اجله الثورة من أهمية التخلص من حكم العسكر الديكتاتوري ، وحكم الانظمة السابقة التي سلبت الاموال ونهبت خيرات البلد واعتقلت الرجال وانتهكت حرمات البيوت فهل نهب الاخوان بلدهم ، وهل باعوا غازها وانتهكوا حرمة اخوانهم في الوطن ، وهل اخذوا فرصة الحكم اساسا لكي نحاسبهم ؟؟؟ من يريد ان ينتخب موسى فهو حر ولا يشرف الاخوان ولا يشرف الثوار ولا يشرف مؤيدي الثورة بأي حال من الاحوال....لا نريد منه من احد...فالاخوان سيحصلوا على اصوات كل من ايد الثورة وهم كثيرون...ولله الحمد ويكفينا اصوات من اظهرت الثورة معدنهم عندما حانت لحظة الحسم وترفعوا عن مقايضة الااخوان في سبيل اعطائهم اصواتهم لانهم ادركوا ان الخلاف السياسي لا يعني الانحياز الى المجرمين الواضح والثابت اجرامهم ولن يزيدنا كثيرا مليون او 2 مليون صوت سيذهبوا لشفيق او يمتنعوا... فهنيئا لشفيق باصواتهم ولكنهم سيظلوا اعداء الثورة في نظرنا مهما فعلوا لاخفاء هذا الامر ...لان الامر واضح لا لبس فيه ...، ولا يلوموا الا انفسهم لو فاز مرسي وشعروا بعدها من ازدراء كل مؤيدي الثورة ارجوكم لا تعطوا محمد مرسي اصواتكم ....يامن ترون الاخوان شراً مستطيرا......فيشرفنا عدم الحصول على مثل هذه الاصوات ...

انتهى تصويت الشعب المصري على انتخابات الرئاسة وبدأ فرز الانتخابات منذ الامس واقترب الانتهاء من اعلان النتيجة النهائية والتي يتصدر محمد المرسي مرشح الاخوان حتى الان المنافسة ثم يلية مرشح النظام السابق احمد شفيق وبفارق مريح عن المرشح الثالث في المنافسة الاستاذ حمدين صباحي. وتبدا المؤشرات النهائية في طريق اعادة الانتخابات بين مرشح الاخوان ومرش النظام السابق.. نعم انها انتخابات الرئاسة لمصر ما بعد الثورة!! ولا تسأل كيف يحدث هذا؟! واصبح الاختيار ينحصر بين اختيار مرشح الاخوان الانتهازيين اصحاب المصلحة والبحث الدائم عن مصالحهم فقط دون الاخرين او اختيار مرشح النظام السابق وجندي مبارك المخلص الذي يعتبر مبارك هو مثلة الاعلى ... والسؤال المنطقي ... هل تقوم ثورة على شخص حتى يأتي التلميذ؟! وبرد فعل سريع وفوري على اقتراب اعلان النتيجة النهائية بانحصار المنافسة بين مرشح الاخوان ومرشح النظام الفاسد اندفع الكثير من الجهلاء الذين يطلقق عليهم لقب "النخبة" في اختيار احد المرشحين لدعمة ضد المرشح الآخر .... متناسيين حقيقة الثورة التي قامت للتغيير ولابد ان تكتمل وان الثورة قد تختزل في اختيار احد امرين كلاهما مر. حقاً انها حالة من المندبة واليأس انتابت اصحاب الخبرة المدعين بفهمهم السياسي وقد تكون وصلت الى شباب الثورة بنوع من الاحباط واليأس في استكمال ثورتهم وهو بالطبع امر مرفوض ... فالثورة لم تقف امام شخص اذا لم يأتي لن تكتمل او اذا اتى فاسد فسيقضي عليها. الثورة بداخل كل مؤمن بها وستكتمل عندما يتوحد الثائرون على قرار واحد وقد اقترب التوحد بظهور قناع المجلس العسكري الذي يريد ان يختزل ثورة شعب مصر في مرشح اخواني واخر مباركي. حتى وإن لم املك ادلة على تزوير الانتخابات فاني متأكد واملك الف دليل على تزوير ارادة الشعب التي تم التأثير علية والضغط الشديد علية الفترة السابقة حتى يلعن الثورة ويكره الثوار. والبرغم من كل هذا وبتحليل سريع لمجموع اصوات مرشحي الثورة في مقابل مرشح النظام السابق احمد شفيق فقد وصلت اصوات مرشحي الثورة لما يفوق السبعين بالمائة حتى وإن تفرقت بين بعض المرشحين لتدخل مرشح النظام في المنافسة. ولا تتعجب في اراء الشعب الذي قد يكون منه من اختار احمد شفيق احد اكبر رموز النظام الفاسد البائد ... فمصر بلد كبير به اكثر من ثمانين مليون مواطن وهذا يعكس وجود كل الافكار والاطياف حتى وان كانت اصوات شفيق بها شبهة التزوير. ولكن وكما يعلم الجميع في فكرة القيام بثورة هي تنشأ من مجموعة قليلة تكبر مع الاستمرار ولكنها ومهما ان تعاظمت وكبرت فتبقى نسبة قليلة من اي شعب ثائر وتبقى الاغلبية بمنازلها ... فلا ميقاس للثورة على نسبة انتخابات الرئاسة ولماذا اصبح هذا الشفيق ينافس على انتخابات الرئاسة ما بعد الثورة. عل الجميع ان يفكر فقط في ثورتة وكيف تكتمل وبالتأكيد لن تكتمل عن طريق السياسة فقط ... فلا توجد سياسة مع نظام مستبد ... والثورة بدأت من الميدان ولم تكتمل حتى تنتقل الى اي مكان اخر يمكن ان تطرح فيه اي فكرة للنزاع السياسي فلا سياسة امام قوة السلاح والردع والتصفية الجماعية التي تنتظر فوز الشفيق ولا ننسى برائة مبارك التي اصبحت اكيدة في غضون ايام. اكتفي بهذا القدر من الحديث عن ايام من الثورة نعيشها الان وحالتي النفسية الصعبة مما يحدث وما سيحدث ... وقريبا سنجد الطريق الحقيقي لاكتمال الثورة ولا ولم ولن ننسى ميادين التحرير .. ان كانت هي الحل الوحيد. http://alaalasheen82.blogspot.com/2012/05/blog-post_26.html

أبو اسماعيل هو مصدر هذه الفكرة الجهنمية يا أستاذ طارق ده خبر منشور يوم 13 مايو أبو إسماعيل يدعو للتصويت لصالحه فى ورقة مستقلة بالانتخابات الرئاسية أكيد من فعل هذا لم يدخل بورقة مستقلة ولكنه استخدم بطاقة الاقتراع أستاذ فى التوجيه المعنوى .. فشر الجيش :)

بس كده لو شفيق كسب مش حتبقى محمد محمود واحده .... ده حيبقى كل اسبوع فيه محمد محمود ... هل حتستحمل انك تعيش وانت عارف إنك شاركت في ده بصمتك ، لأن الصوت السلبي معناها صوت ايجابي لشفيق ، لأ هل هيكون ضميرك مستريح وانت عارف انك بسلبيتك اخترت الل رمى جثث الشهداء في الزبالة شفيق + الجيش + المخابرات = تخيل ايه اللى حيحصل للبلد الإخوان - جيش - مخابارات = تخيل الإخوان في أيدهم ايه يعملوه من غير دعم الثوار وكافة الطوائف لا يا سيدى الكريم تريث واعقلها فالصمت هنا مشاركة في جريمة اغتيال الثورة عندما ينفرد بالجميع النظام القديم المبعوث بكل أدوات بطشه

الجماعة الذين أعلنوا مقاطعتهم لجولة الاعادة لأن كلا الخيارين بالنسبة لهم شر لماذا يتناولون طرفا واحدا بالتجريح إذا كان ما يقولونه بالمقاطعة حقيقة فقد وصلت رسالتهم وانتهى دورهم فليكونوا محايدين أم إنها دعوة مبطنة لطرف دون طرف دعوا الذين يرون أن الدعوة لانقاذ الثورة باسقاط شفيق أو أعلنوها صراحة وبشجاعة أنكم مع شفيق ولكل رأيه واختياره

أختلف معك يا سيد علاء في مُساواتك بين شفيق ومحمد مرسي ( فعنوان مقالتك : اختيارين ...كلاهما مر...سي او شفيق ) لا يا سيد علاء على الرغم من أنني لم أنتخب الإخوان لا في الإنتخابات البرلمانية ولا في الإنتخابات الرئاسية لكن عدم إنتخابهم كان لإختلاف مع مواقفهم السياسية التي إتخذوها منذ ثورة 25 يناير لكن من الظلم للإخوان أن نضعهم في كفة واحدة مع النظام القديم كيف ذلك ! الإخوان إنضموا لثورة الشعب المصري وكانوا رفقاء الثوار في ميادين التحرير المختلفة . الإخوان لم يسرقرا أموال الشعب المصري ولم يُفقروه . الإخوان أياديهم ليست ملطخة بدماء الشعب المصري . الإخوان لم يبددوا موارد مصر المالية والطبيعية والبشرية طوال السنوات الماضية . الإخوان لم يُقزموا دور مصر إقليميا ودوليا . يا أخي علاء : الإخوان نختلف معهم سياسيا والإختلاف السياسي بين التيارات المختلفة لا شيء فيه والمفترض أن لا يُفسد للود قضية , لكن لا يجب أن تصل بنا الأمور لأن نساوي بينهم وبين من ظلموا وأخشى أن يدس الإعلام في عقول الشعب الفترة القادمة وحتى بدء الجولة الثانية من الإنتخابات الرئاسية هذا الإنطباع ( محمد مرسي مثله مثل شفيق ) , فيؤدي ذلك لمقاطعة البعض للإنتخابات يأسا وقيام البعض الأخر بالتصويت لشفيق كرها في الإخوان , وأعداء الثورة لا يتمنون أكثر من ذلك ! يا أخي حتى ولو إفترضنا أن محمد مرسي مثله مثل شفيق أقول لو إفترضنا ذلك لكن في حالة فوز محمد مرسي سيكون هناك على الأقل رئيس مدني لمصر لأول مرة منذ عقود طويلة جدا وهذا مكسب في حد ذاته على الأقل سيكو هناك رئيسا يستطيع الشعب وأحزاب المعارضة أن تختلف معه وتخرج للشوارع لتعترض على أحد قراراته إذا رأوا فيها إضرار بالوطن على الأقل لن تُصبح ثورة الشعب المصري أضحوكة مثل ثورة رومانيا عندما يثور شعب ضد نظام ثم يهدأ لينتخب واحدا منه بمحض إرادته ! تحياتي

توكل على الله وان شاء الله لما نسمع اسمك فى اسماء الشهدا سوف نكون خلفك وعلى دربك كنت انت الشمعه التى تضىء الطريق للاخرون ابدأ بنفس ونحن خلفك وعلى دربك

منذ افتقرت الثورة للقائد والرؤية وارتضت بتحكيم الضلع الأقوى في النظام القديم والمتمثل في المجلس العسكري ، ونحن نعرف انها ليست نزهة وانها جولات وصولات كثيرة ، اليوم يجب ان تتخذ الثورة شكلا واستراتيجية مختلفة وجود مرسي يعنى اخوان بدون جيش وهم رفقاء الثورة القدامى الذين فضلوا الاكتفاء وتغيير الأدوات وجود شفيق يعنى عودة النظام بكامل ادوات بطشه لينهى الثورة وينتهى من الثوار وللأبد الثورة مستمرة ولكن نحن امام حالة خاصة الآن مع وجود نظام جديد تستطيع الثورة التعامل معه ، ولحين بزوغ قائد والالتحام بالشارع مرة اخرى ، رأيي ان مرسي هو الذي يجب ان ندعمه ، حتى لا يأتى النظام المبعوث من قبره في ظل شفيق على كل الفرص الممكنه عندما يعود بكل ادواته مرة اخرى الثورة يجب ان تستمر ولكن اولا يجب ان تعيد تصحيح قناعات رجل الشارع الفقير الذي لا يجد رزقه ولا يأمن طريقه .. ويجب ان تتصدى للجهل والفقر حتى يمكن ان نستعيد زمام المبادرة الذي اخذه المجلس العسكري منا يوم تركنا الميدان بعد تنحي مبارك

فكرت كثيراً أين أضع هذا الموضوع .. ثم قررت وضعه هنا بما أن الفكره تتعلق بالحاله التي نمر بها جميعا بسبب نتائج الإنتخابات شاهدت هذه الحلقه من برنامج محمود سعد مساء أمس .. و على قدر إعجابي بهذه الفقره كان قدر رغبتي في أن أشارككم جميعاً بها الدكتوره المحترمه و الرائعه منال عمر .. أدعوكم للإستماع لها و أنا معكم أعيد الإستماع .. لنرى جميعاً سر جـَـلـَـد الفجره .. و نعي خطر عجز الواثقين لنكف عن الخوف من فزاعات الفـَـجـَـره .. و نستعيد الثقه بما لدينا من قوى و من حقوق اللهم إنــَّــا نشكو إليك و نستعيذ بك من جـَـلـَـد الفـَـجـَـره .. و نستعيذ بك من عجز الثقه http://www.youtube.com/watch?v=bmrBqc57TXM

alaaaswany اذا تشاجرت مع اخيك لانه اناني ثم نشب حريق في بيتكم . هل تطلب مساعدة اخيك ام ترفض حتى يسقط البيت على رؤوسكم . هذا نفس موقفنا مع الاخوان .

طبعا عزومة مراكبية الكلام ده مش عشان يغري الاخوان بقبوله لأ ده عشان الناس الطيبة اللي مصدقاه تقول شوفتم الراجل أهو كتر خيره حيعمل اللي معملهوش المجلس العسكري و الاخوان عايزين ايه أكتر من كده؟ اللي يصدق ان شفيق مش الوجه الآخر لمبارك يصدق أي كلام و خلاص

صوت ب لأ في الإستفتاء و خدت 22٪ و في البرلمان دعمت حزب العدل و محدهش شافه أساسا و في الرئاسة صوت لأبو الفتوح طلع الرابع ،،، لذلك عرفانا بحق الشهداء قررت دعم شفيق في الإعادة

بصوا يا جماعة اللي بيكره الأخوان يروح ينتخبهم بقلب مطمن الأخوان في أسوأ أحوالهم لو مرسي فاز أما المعتقلات و أما لو انتصرت الثورة في أقرب إنتخابات مش هيجيبوا أكثر من 10٪ لاحظ هبوط المصوتين للأخوان و السلف من 18 مليون في البرلمان لحد أقصي 9 مليون بإعتبار إن كل من صوت لفتوح منهم و ده مش صحيح إنقاذهم في إيديهم ،، توافق حقيقي و ضمانات حقيقية تخيلوا مرسي في قصر الرئاسة مع العسكر اللي قعدوا عمرهم يحاربوهم و مع شعب رافضهم بمعني الكلمة و ثوار مش طايقينهم شخصيا هأصوت ضد شفيق مش هأصوت للأخوان أما مصر فلها الله فلقد أضاعها النخب بكل إتجااااااااهااااتهم بلا إستثناء

انا انتخبت ابو الفتوح واسرتي جميعها بما فيها زوجتي انتخبو حمدين صباحي حوالي 15 صوت انتخابي كلنا اتفقا انه هنصوت لمرسي علشان الثورة ضد اعداء الثورة مع اننا منزلناش التحرير ده وقت التجميع مش التفرقة ( مع اننا مش بنحب الاخوان ) وكمان لما باركب تاكسي باقول للسواق لو هتتنتخب شفيق يعني امناء الشرطة هيفضلوا يقلبوك وانت حر واحد قاللي انا انتخبت شفيق ومش هانتخبه تاني لاني ما كنتش عارف كده لازم اللي يعرف يقول للي ما يعرفش ده كلام سواق التاكسي وعمره حوالي 55 سنة

احمد شفيق كان وزيرا للطيران المدنى و إن أردنا ان نحكم عليه إداريا فلنسأل عنه مرؤوسيه .. هذه شهادة من مضيفات شركة مصر للطيران على أحمد شفيق .. http://www.youtube.com/watch?v=9ySLlyinTvs

كفيت ووفيت فعلا احنا كده ومنستحقش غير كده..والمفروض الحاكم اللى يجى علينا "شفيق"بامر الله وبايد ولاد مصر ..يسحلنا ويمثل بينا ويشردنا ويهينا ويذلنا ويخلى الداخلية تعمل فينا البدع كلها..اصلنا منستحقش غير كده.. ان شاء الله فور اعلان شفيق رئيس هبعتله اعتذار وتهنئة وطلب بتغيير الجنسية اللى بقت تعر دى..ونشوف لنا وطن يحترمنا وناسه واعيين مش شوية.............الله لا يسامحهم ان ضد اى واح بيتهم الشعب بعشقه للذل انا هنا اتهم كل ما يسمى النخبة انا اتهم مرشحى الرئاسه المحسوبين على التيار الثورى وانهم اهتموا بمصلحتهم الشخصية ولم يتحدوا انا هنا اتهم الاخوان الذين استغلوا جهل وفقر الكثير من الشعب لتوجيهم لانتخاب مرشحهم وكذلك فعل شفيق انا هنا اتهم التيار الثورى الذى لم ينزل الى كل قرية وكفر فى اعمق الريف والصعيد وتركهم لبقايا الحزب الوطنى انا هنا اتهم كل النخبة التى لم تفعل اى شىء لمحو الامية وخاصة الاخوان التى تعمل فى مشروعات خيرية تطعم بها الناس ولا تعلمهم وتستغل جهلهم وفقرهم عند الحاجة انا هنا اتهم كل واحد قاعد وراء الكيبورد يحاور طبقة معينة وترك الغلابة بدون ان ينصحهم لوجه الله فى كيفية الاختيار انا هنا اتهم كل كاتب متحزلق عمال يلف على التلفزيونات يحاضر طبقة معينة واهمل الناس الغلابة الى اثبتوا انهم مؤثيرن لدرجة كبيرة ثم نتهمهم بالجهل وحبه للذل انا احب ان اسأل الاخوان ماذا فعلوا طوال 80 سنه جهاد وتجارة رابحة بالمليارات لتعليم وتشغبل الغلابة؟؟؟

ﻓﻲ ﺍﻹﻋﺎﺩﺓ..ﺳﺄﺻﻮﺕ ﻟﻤﻦ ﻛﺎﻥ ﻣﻊ ﺭﻓﺎﻗﻲ ﻳﻮﻡ ﻣﻮﻗﻌﺔ ﺍﻟﺠﻤﻞ ﻭ ﻭﻗﻒ ﺻﻔﺎ ﻣﻌﻬﻢ,ﻭ ﻟﻦ ﺃﺻﻮﺕ ﻟﻤﻦ ﺃﺩﺧﻞ ﺍﻟﺠﻤﺎﻝ ﻟﻴﺮﻗﺼﻮﺍ ﻭ ﻛﺎﻥ ﻋﺎﻳﺰ ﻳﻮﺯﻉ ﺑﻨﻮﺑﻨﻲ. ﻋﻨﺪﻣﺎ ﺃﺻﻮﺕ ﺳﺄﺗﺬﻛﺮ ﺩﺍﺋﻤﺎ ﻧﻈﺎﻡ ﻣﺒﺎﺭﻙ ﺑﻌﺸﻮﺍﺋﻴﺎﺗﻪ ﻭ ﻗﻤﻌﻪ ﻭ ﻇﻠﻤﻪ.ﻗﺪ ﺃﺗﺬﻛﺮ ﺃﺧﻄﺎﺀ ﺍﻻﺧﻮﺍﻥ,ﻭﻟﻜﻨﻲ ﺃﻋﺮﻑ ﺃﻧﻬﻢ ﻟﻢ ﻳﻘﺘﻠﻮﻧﻲ ﻭ ﻟﻢ ﻳﻔﻘﺮﻭﻧﻲ ﻭ ﻳﻤﺮﺿﻮﺍ ﺃﻫﻠﻲ ﻭ ﻟﻢ ﻳﺠﻌﻠﻮﺍ ﺑﻠﺪﻱ ﻓﻲ ﺍﺧﺮ ﺍﻻﻣﻢ. ﺻﻮﺗﻲ ﻟﻤﺤﻤﺪ ﻣﺮﺳﻲ ﺿﺪ ﻭﺯﻳﺮ ﻣﺒﺎﺭﻙ. النائب مصطفي النجار

لأنه هو من صنع ذلك الواقع لمدة 30 سنة ... لذلك كان ادرى به منا ... ولكن الإنتخابات اليوم حلقة في سلسلة تعليم هذا الشعب الذي غيب لسنين طويلة ، ويكفى ان 75% من الناخبين مع الثورة ... امامنا 4 سنين من العمل الجدي حتى نثبت احقيتنا بمستقبل مشرف لقد خرجنا لتونا من غياهب الظلم ثلاثون عاماً ..... لندخل فى محيط الخلافة المزعومة ....لربما يفر شريط العمر قبل ان ارى نور العدل .....

بصراحة ولا حد فيهم كلهم لكن الاختيار بيكون من المتاح بالطبع لو كان عمرو موسى و الا مرسي كان حايبقى عمرو موسى و لو في ابو الفتوح والا حمدين كان حا يبقى حمدين و لو ابو الفتوح و مرسي يبقى ابو الفتوح انما لما تبقى شفيق و الا مرسى يبقى بكل أسف و أسى مرسي يارب في انتظار المعجزة و في الآخر مؤكد حأرضى باللي ربنا كتبه لأنه مؤكد { والله يعلم و أنتم لا تعلمون}

مرسي سيكون له رئيس هو المرشد وربما مكتب الإرشاد برئاسة الشاطر ( الحزب الوطني الاسلامي ) شفيق سيكون له رئيس هو المشير ( الحزب الوطني 2012 ) لو صعد صباحي، له رئيس إله اسمه جمال عبد الناصر ( عودة الاتحاد الإشتراكي ) ياقلبي لاتحزن

احنا واضحين اكثر منك لاننا نعلن رفضنا لهذين الرجلين وبصريح العبارة اما انت ومن تدعو له تتمسحون في الثورة للتأثير على المرشحين لكي يعطوكم اصواتهم مالكم والثورة ؟ ما هذا التدليس على الشعب ظل الاخوان يمثلون علينا بانهم ابعد ما يكون عن اللعب بالدين لكن وقت الجد ظهرت حقيقة افكارهم اما الايمان واما الكفر هل رأيت ممثل مهما كانت براعته يستطيع ان يلعب نفس الدور على الدوام لابد وان تأتي لحظة بفصح فيها عن حقيقة شخصيته المشاركة في اختيار مرسي او شفيق هي جريمة لكل من سيشارك فيها لذلك سنبعد كنوع من الخوف من عقاب الله عند السؤال يوم لا ينفع الندم أولا أنتم مين وأنا مين يا عزيزي اهدا شوية وبعدين يا عزيزي الموضوع إن مافيش خيار ثالت تختار ده أو ده الجريمة هي الدعوة للسلبية احترامي

انعكاس أشعة الشمس على موج البحر .. سبحان الله ..