لوحة القادة

5000 دولار أخرى تم تحويلها اليوم اذكركم ان قطرات المطر الصغيرة تصنع النهر الكبير ... طالما ظل الأمل فى القلوب بلدنا باق لأبنائنا ولن تسقط أبداً

برافو عليك و اهو خمستلاف من هنا على 500 من هنا على 23 من هنا اكيد هيدعموا اقتصاد مصر بارك الله فيك اكيد طبعا هيدعمو اقتصاد مصر وهيعمل وفره فى المعروض من الدولار وهيعمل دعم للجنيه ولما انا اخسر كام جنيه علشان خاطر بلدى اشرف ليه من انى اساعد فى انى اخلى الناس تسحب فلوسها من البنوك وتهز اقتصاد بلدى

الرباط الخاص بي إذن كانت مؤامرة على الشعب المصري والضحك عليه بكل السبل كانت مؤامرة لتمكين الاخوان لما خططو له في ظل غياب كامل للدولة هؤلاء المتأمرين يجب محاكمتهم

السلام عليكم ورحمه الله وبركاته اخوانى واخواتى الاعزاء بغض النظر عن اتفاقنا او اختلافنا مع الرئيس مرسى الا ان الوضع الاقتصادى فى مصر يدخل مرحله الخطر وهذا الخطر لن يكون على مرسى وجماعته فقط بل على كل المصريين مصر تنزف دولاريا وايضا مهما اختلفنا او اتفقنا مع اداء وسياسات مرسى الا انها مصر ؟؟! بلدنا الذى نحبه مهما حدث لنا منه نحن كمغتربين يمكننا مسانده مصر بالاقتراح البسيط جدا الاتى ان يقوم كل منا بتحويل مبلغ بالدولار ولو 100 دولار شهريا الى حسابه الدولارى فى مصر ستظل الاموال اموالك ولكنها ستخلق تدفق نقدى دولارى للبنوك المصريه يساعد فى التحكم فى اليات العرض الدولارى لمن ليس له حساب دولارى فى مصر يمكنه التصحيه ب10 جنيه او 20 جنيه بانه يحول المبلغ الشهرى لاسرته بالدولار ويطلب منهم تغييره فى البنك بدل من السوق السوداء ووقتها الفرق لن يكون كبير الا اذا كان المبلغ مثلا 10000 دولار امريكى السوق السوداء هى اسرع اداه ترفع قيمه الدولار امام الجنيه انتم تعلمون جيدا ان ارتفاع الدولار امام الجنيه سيؤدى الى ارتفاع كافه الاسعار فضلا عن ضغط كبير على الاقتصاد ياريت الكل يشارك ويدعم الفكره دى ولو لمده 6 اشهر واللى يقدر يحول دولار فى حسابه الشخصى بقيمه اكبر اكيد يبقى احسن انا اولكم لا اؤيد مرسى بل انتقده بشده ولكنها مصر ويجب ان ندعمها مهما كانت الظروف مرسى سيرحل آجلا ام عاجلا لكن مصر لن ترحل لانها ببساطه ان رحلت فكلنا سنرحل معها اللهم ألف بين قلوب المصريين ووحد صفوفهم على كلمتى الحق والدين

كيف رفع مرسي الاحتياطي المزعوم؟ بودائع تركيا وقطر والسعودية وأذونات الخزانة بالدولار؟ إطرح تلك المبالغ ستجد ان الحقيقة أن الاحتياطي قد قل وربما وصل إلى عشرة مليار. ياريت بلاش نضحك على انفسنا.

عزيزي إسلام .. كنت أنوي كتابة موضوع منفصل بعنوان ( مصر بين براثن العصابة ) .. مجلس الشورى تم انتخابه بناء على الإعلان الدستوري أو الدستور .. الذي كان ينص على أن مجلس الشورى له صلاحيات استشارية فقط .. ونظرا لأن مجلس الشورى كما قلنا ليست له قيمة لم يهتم به المصريون وذهب لانتخابه 3% ممن لهم حق التصويت. وانتهز الإخوان كالعادة الفرصة واستحوذوا على نصيب الأسد من مقاعد المجلس. حسب هذا الدستور القديم فإن رئيس الدولة يقوم بتعيين 90 عضو من مجلس الشورى .. مجلس الشورى تم انتخابه بناء على نفس قانون انتخاب مجلس الشعب والذي أقرت المحكمة الدستورية ببطلانه وكان من المفترض أن تقر ببطلان الشورى هو الآخر لولا ما حدث من إعلان ديكتاتوري تلاه حصار المحكمة وإرهابها .. جاء دستور الإخوان الجديد .. ليضع مجلس الشورى في مستوى جديد وأعطاه حق مشاركة مجلس الشعب في التشريع .. المفترض طبقا لهذا الأمر أن يتم انتخاب مجلس شورى جديد أيضا .. لأنه من غير المعقول أن يتم انتخاب مجلس الشورى على أنه له صلاحيات استشارية ثم بقدرة قادر يقوم دستور الإخوان بتحويله إلى مجلس تشريعي .. ولكن قام الإخوان بتمرير تحويل المجلس الاستشاري إلى مجلس تشريعي .. دعك من هذه وانظر إلى ما فعله مرسي .. مرسي قام قبل إعلان نتيجة الاستفتاء بيوم واحد ( وهو يوم العمل بالاستفتاء الجديد الذي ينص على أن رئيس الجمهورية يقوم بتعيين 15 عضو فقط من أعضاء الشورى فقط ) بتعيين 90 شخص في مجلس الشورى تبعا للدستور للقديم الذي تم انتخاب الشورى على أساسه .. ليتحول هؤلاء تبعا للدستور الجديد إلى مشرعين .. فهل رأيت يا عزيزي إسلام عصابة أشد مهارة من هذه العصابة ( بجانبهم تكون عصابة الوطني ملاك ) .. أخذوا من الدستور القديم تعيين 90 عضوا بالشورى .. وأخذوا من الدستور الجديد أحقية ال 90 عضوا في ممارسة التشريع .. وها هم يحكمون ويتحكمون .. والبركة فيمن أوصلوهم للحكم ..

بالطريقة دى يبقى مش نائب رئيس الحزب والمرشح السابق لرئاسته ويبقى مش عضو فى أعلى هيئة فى الجماعة (شورى الإخوان ومكتب الارشاد) ويبقى مش رئيس الكتلة "الاسلامية" فى مجلس الشورى "الذى يستعد لغزوة القوانين" ويبقى مش ممثل البرلمان "المصرى" فى "البرلمان الدولى" ويبقى مش مستشار رئيس الجمهورية للشؤون السياسية يا دكتور ياسر .. لك مطلق الحرية فى تصديق زميلك .. إعمل فى نفسك اللى انت عايزه بس مش ممكن أصدق إنه "ما كانش قصده" راجع إصراره فى تصريحاته وراجع تصريحات حمدى حسن ودفاع إعلام تحت السلم "الإسلامى" عنه وخبر محاولة تهريب وثائق ممتلكات اليهود فى مصر من شهرين وسؤال الدكتورة سلمى أبو المجد له فى نيويورك الشهر الماضى بلاش آراء زملائك فى المحاورات (دول من الناس التانيين) طيب شوف آراء زملائك السلفيين بلاش ده ولا ده .. إستفت قلبك

لا يعبر الصمت بالضرورة عن الرضا قد لا تجد صدى لكلمة قاسية صدرت منك أو نظرة شذرة رميت بها أحدا أو حركة غاضبة قمت بها الجميع قادرون على رد الاساءة و لكن يتجسد النبل في الترفع ... الى كل من أغضبتهم إلى كل من أذته كلمة مني إلي كل من ضايقتهم سخافاتي لن أعتذر و لن أقول تناسوا فقط أقول شكرا أنكم لا زلتم موجودين حولي كل الحب و باقة ورد

واحد عايز يتخانق مع مراته و السلام دخل لقى البيت بيلمع من النضافة قال لها فين الغبار اللي كان ع الترابيزة قالت له : عايز منه ايه؟ قال لها: كنت كاتب عليه رقم مهم

لا وانت الصادق من ساعة إقالة المشير وموت عمر سليمان محصلش اى تفجير لانابيب الغاز لاسرائيل

ما هو الضحك رجع برجوع توفيق عكاشه يا ريم ههههههههههههههههههه .. مش ملاحظه ده بجد يا ريم الحياه حتستمر رغم الصعاب والتعقدات الحياتيه .. اهالينا عاشوا حياه اصعب مننا .. حروب وفقر وانغلاق وتهجير ودمار .. ورغم ذلك كانوا بيضحكوا وبيتجوزا ويخلفوا .. احنا بس اللى جيل لم يكابد مثل تلك الازمات الكبرى . لكن بالوقت حنتعود وغير كده ان شاء الله حتفرج مهما ضاقت يمكن اهالينا زمان كانوا عارفين ان لسا بدري انما احنا دلوقتي عارفين كويس ان النهاية قربت بلاش الاغراق ده فى التشائم يا ريم ربنا يكرمك نهاية ايه بس اللى قربت .. ما يوم 21ديسمبر عدى اهو والعالم منتهاش ههههههههههههههههه .. اغضبى واحزنى .. ولكن تفائلى واستبشرى خيرا ايضا .. وكل اللى احنا خايفين منه مش حيحصل ان شاء الله

طيب الحل اية والنسيج الاجتماعى مدهول وخرمان وعايش فى دنية تانية انتم بتتكلموا عن الغش ومساوئة وانتم ممكن كام واحد نقول مليون ؟؟؟ عندك 79 مليون ولاهما هنا ولا حتى خطر ببالهم يعنى اية لما الولد او البنت يغش تعالى اليوم وشوف ولدى بالثانوية مش عارف يكتب اثاث منزلى ولا حتى بيكتب اسمة ممكن سكون صح معاك انة طالب فاشل بس كيف وصل للثانوية ويوجد الكثير جدا من خريجى الجامعات اليوم لايستطيع قراءة الجريدة صح طيب كيف حالك يابلد لما احنا نروح وييجى الولد يمسك الحكم ويقول مدد كيف بيكون حالك يابلد مستقبل مصر يبدأ من التعليم والتعليم يبدأ من الاسرة السليمة والاسرة السليمة تيجى بالضمير

على فكرة ياجماعة .. اعتقد ان العيب مش على نظام التعليم ..(( بس )).. العيب على الاسرة اللى بتعلم الولد انه لابد ينجح ومش مهم ازاى ؟؟. او بتعود المدرس اللى كان اساسا طالب فاشل نجح برضه بالغش ...انه يعيد التجربة وميوجعش دماغه ...ده مش عاوز يشتغل صح .. وده على فكرة موجود فى كل العالم .. هنا مثلا.. فيه نظام جميل جدااا لحد الثانوية ...يعنى اجبارى الامتحان الشفوى بجانب التحريرى وبكدة الطالب ميقدرش (( يغش )) يعنى او ينجح فى التحريرى فقط .. وكدة يبقى معروف مستوى الاولاد طول السنة والدرجة النهائية لاتعتمد فقط على الامتحان النهائى .. عاصرت شخصيااا....فى السنة التحضيرية للجامعة (( يعنى زى الثانوية العامة عندنا بس فيه امتحان قدرات بيتعمل مخصوص وبناء عليه بتتحدد التخصصات للطالب )) ..للأسف ..(( أم زميل لأبنتى ))..كانت النصيحة لو قدرت تغش ابقى غش ...!!!...وهذه الأم مهندسة وزوجها طبيب ....!!!!!...لأن الولد خجول ومش بيعرف يجاوب كويس فى امتحان الشفوى .. وبما انى كنت واخدة عليها وفيه بيننا شوية ود يعنى ...قلت لها معقول ؟؟ بتطلبى منه يغش ؟؟ طيب ولو اتمسك ؟؟حايتحرم سنتين من اداء الامتحان ؟؟..معقول انتى ترضى بالغش ؟؟ وضحكت وقالت ده مش غش بالمعنى المفهوم للغش دى مجرد..(( زقة ))...علشان يفتكر ...هو عامل ملخص صغير وبس قلت له يراجع على النقط المهمة ..وبصراحة لم اعلق ...وتركتها ...!!! الشئ الغريب فعلالالالا....ان هذا الطالب .........هو الآن .....طبيب عظام....!!! اوقات كتير اتساءل ؟؟ هل هو فعلا كان محتاج يغش فى الامتحان التحضيرى ؟؟ ام انه كما قالت امه ...خجول ومحتاج زقة ؟؟ ....ام ان والده ساعده بعد دخوله الطب ؟؟ وكل سنة برضه بينجح جدعنة ؟؟؟ اشياء كتير بتحصل ف حياتنا وتصيبنا بغصة لكنها بتثبت دائما ان الاصل هو....الاسرة...ثم...الاسرة....ثم...الاسرة . وعلى فكرة ... رغم كل اعتراضكم على الوزير الجديد ......انا يمكن لاول مرة ف حياتى ...اظل فى حالة انتباه لسماع حديث (( لايهمنى شخصياااا))...اول امس فى البيت بيتك ... فقط لمعرفة مايدور فى بلدنا ليس الا .... بصراحة.. الرجل متواضع وشكله على الأقل لايتحدث بضآلة عن سابقه...!!...ويوعد وعود اراها منطقية جدا جداا...لو اوفى بها . يقول انه يراعى ضميره فى كل شئ.... برنامجه عن التعليم جميل .....لحد دلوقت . نعطى له فرصة ....ومين عارف ؟؟؟ واحد بيعترف انه كان فى مدرسة حكومية وفى فصل به اربعين طالب ...فى الثانوية العامة ...ستة وتلاتين منهم دخلوا طب عين شمس ..والاربعة الباقيين دخلوا هندسة وهو واحد منهم ....اذن...ده كان طالب متفوق وف فصل متفوق ....مكانش وصوله بالواسطة كما نعتقد لان اباه وزير ...!!! ببساطة ممكن الحصول على اسم المراقب اللى حضرتك يااستاذ نصار بتقول عليه ....ويعاقب ...يجب ان يعاقب . لان دى مأساة فعلا اننا نسكت . لو كل واحد بلغ عن حد بيغش مش حايبقى فيه غش او بمعنى ادق حايقل الغش ... كل حاجة بقى فيها غش...هى جت على التعليم ؟؟ ربنا معانا ..