لوحة القادة

عصبيه وانفعال وتكشير ورغبه في الاسترسال في عكس الأتجاه مش مهم خالص تزعل او تولع بجاز ( ما هو دا همى ) بقينا بنستمتع بقهر بعض ودا ميراث متوقع لحياة القهر اللى عاشها أغلبنا من يوم ما تولد بنعشق الخلاف وغايتنا كسر مراخير اللى بنتناقش معاه وخلاص حال بلدنا متدنى حد الأنهيار ومش مركزين كلنا ألا على ازاى نعرى بعض ونكشف البلاوى السوده اللى نحست بها أرواحنا من اللى شفته لم نتفق ألا على الصراخ الكل بيصرخ واختلط الحابل بالنابل الجعان بالمبرارتى البردان باللى مش مركز الا على انه يطلع عقده على اللى جيبنا محدش مننا انتبه اننا كلنا على منحدر ووصلنا فيه لقرب نهايته ولسه بنشد في بلدنا اللى يدوب لسه على اوله ومن تحتها النار والخراب الكل مسئول عن الحال السيئ اللى وصلنا له ولا حياة لصوت العقل والعمل الكل مش فاضى الا لللنفخ والنقد مع اننا كلنا ايات تدرس في السلبيه والــ لامبالاه محدش مننا فكر يبدأ يشتغل بجد ويبدأ بنفسه أداء أكتر من سيئ لولاة أمورنا بدءآ من أبو اللى خلفونا ومرورا برئيس المدينه والمحافظ والوزير ورئيس الوزاره والبيج بوص اللى مطلعش حتى سمول بوص لأنه سلبى وبطيئ واختياراته غير موفقه حتى فى مقاس بنطلوناته وزايد الطين بله شلة الأنس بالأعلام وجبهات الغرق وغيرها من تحالفات الندامه لو كل محافظ شاغل باله بمتابعة الفضائيات لحد الفجر ركز يعمل مشروعات للمحافظه ودعوات لرجال الاعمال الكبار فيها وبرامج يشارك هو بتنفيذها مكنش الحال بقى زى الحال لو كل وزير اشتغل على استثمار كفاءات حتما موجوده بوزارته فى الحزم والرقابه والجوده مكنش ولا القطر اتغدى بجتت أطفال ولا العساكر ماتوا غدر لو زى ما فيها فى الاعلام خرابين ومطبلاتياه كمان فيه اصحاب افكار وشباب رجاله بجد بتنفذ مشاريع شهريه مكنش الحال بقى زى الحال افرض وجودك بعملك مش بلسانك كلمه أبويا قالهالى ومن ساعتها وانا بحصد نتاج تنفيذها كل يوم بدون كلام خالص تحياتى وتقديرى لشخوصكم وتقديرى لمناقشاتكم بس بهدوء عشان ولادنا صدعوا من كتر سماعهم للصوت العالى

ربنا يفك كرب البورسعيدية انا نصف عائلتي في بورسعيد وبطمن عليهم من حين لاخر ربنا يسلم على بورسعيد الباسلة وكم تعرضت هذه المحافظة لمحن ويعدي الفترة دي على خير

اخي الكريم محمود ............ .فرج الله كربكم وازال همكم ..وابعد عن بور سعيد شرا يتربص بها اللهم بقدرتك التي لاتضام وبعزتك التي لاتنال وبرحمتك التي وسعت كل شئ اسالك ان تجنب اهلنا واخوتنا في بورسعيد الفتنة وتوابعها اللهم من اراد بهم شرا فاجعل تدبيره في تدميره ورد كيده في نحره اللهم احمهم والطف بهم اللهم ارحمهم والطف بهم اللهم ارحمهم والطف بهم آمين .. يارب العالمين قلبى معك يا محمود ومع أهل بورسعيد بورسعيد أعشقها .. كنت حاملا رأسى على كفى فيها ولكن فى وقت شرف وفداء .. لا فى وقت فتنة وغباء إن شاء الله يزول الكرب قرأت أن وحدات من الجيش الثانى نزلت بورسعيد اللهم وفقهم فيما فشل فيه المغرضون

سؤال خطأ .. موجه إلى زميل خطأ كيف لى أن أعرف إن كان الحكم سياسى أو غير سياسى هذه واحدة الثانية هى أننى الشخص الخطأ لتوجه إليه هذا السؤال فما زلت أؤمن بأن فى مصر قضاء وقضاة برغم دوسكم عليهم بالأقدام أما أنت يا صديقى فأنا مشفق على شعورك كبورسعيدى ولكن من جاور الحداد انكوى بناره أنت تحب من يدوسون القانون والمحاكم بالأقدام وواقع فى غرامهم إشرب نخب حبك يا عزيزى

يا أهل بورسعيد الكرام من المعترضين على الحكم إذا كان المحكوم عليهم هم بالفعل قد شاركوا في هذه الجريمة النكراء سواء بالتخطيط أو بالفعل ( وهذا هو المفترض طالما صدر حكم ضدهم ) , فأنا أربأ بكم أن تدافعون عن مجرمين حتى ولو كانوا منتمين لمدينتكم مباراة جرت على أرض مدينتكم الباسلة قُتل فيها ما يزيد عن السبعين مواطنا معظمهم أعمارهم تحت العشرين عاما , ولا تريدون تقبل أي نوع من أنواع العقوبة إزاء هذه الماسأة ؟ معاقبة النادي المصري ( طبقا للوائح الإتحاد الدولي لكرة القدم والإتحاد المصري ) إعترض عليها البعض ! معاقبة القضاء لمن شاركوا في هذه الجريمة إعترض عليها البعض ! طيب ما هو المطلوب ؟ هل مطلوب تجاهل أن هناك سبعين نفسا قُتلت غيلة وكأن شيء لما يكن حتى يرضى المعترضين ؟ نعلم أن ما حدث كان مؤامرة أهل بورسعيد الكرام منها براء , ولكن للأسف شاء المخططون لهذه الجريمة أن تكون مدينتكم هي محل تنفيذ هذه المؤامرة وهناك من أبناء مدينتكم من كانوا أداه في أيدي المخططين لها لإنفاذ هذا المخطط وهؤلاء الذين كانوا أدوات في أيدي المخططين هم من يُعاقبون الأن , فلماذا الإعتراض ؟ الأخ الفاضل محمود البصيلي بصفتك أحد أبناء المدينة الباسلة , ياليتك أخي تتفضل مشكورا وتوضح لنا أسباب إعتراض البعض على الحكم وأنتم أخي واحدا منهم لعل الصورة تتضح تحياتي

غدا في ظني هو يوم أشبه ما يكون بيوم 28 يناير 2011 يوم جديد لفتنة دهماء تطل بوجهها من جديد على مصرنا الحبيبة آخر ما أختم به .. هو تذكير لإخواني جميعا .. باتباع الهدي النبوي في حال الفتن .. عن عبد الله بن مسعود رضي الله عنه " " تَكُونُ فِتْنَةٌ , النَّائِمُ فِيهَا خَيْرٌ مِنَ الْمُضْطَجِعِ , وَالْمُضْطَجِعُ فِيهَا خَيْرٌ مِنَ الْقَاعِدِ , وَالْقَاعِدُ فِيهَا خَيْرٌ مِنَ الْقَائِمِ , وَالْقَائِمُ خَيْرٌ مِنَ الْمَاشِي , وَالْمَاشِي خَيْرٌ مِنَ الرَّاكِبِ , وَالرَّاكِبُ خَيْرٌ مِنَ الْجَارِي , قَتْلاهَا كُلُّهَا فِي النَّارِ " , قُلْتُ : يَا رَسُولَ اللَّهِ , وَمَتَى ذَاكَ ؟ قَالَ : " ذَاكَ الْهَرْجُ " , قَالَ : قُلْتُ : وَمَتَى أَيَّامُ الْهَرْجِ ؟ قَالَ : " حِينَ لا يَأْمَنُ الرَّجُلُ جَلِيسَهُ " , قَالَ : قُلْتُ : فَبِمَ تَأْمُرُنِي إِذَا أَدْرَكْتُ ذَاكَ ؟ قَالَ : " اكْفُفْ نَفْسَكَ وَيَدَيْكَ وَادْخُلْ دَارَكَ " , قُلْتُ : يَا رَسُولَ اللَّهِ , أَرَأَيْتَ إِنْ دَخَلَ عَلَيَّ دَارِي ؟ قَالَ : " فَادْخُلْ بَيْتَكَ " , قَالَ : قُلْتُ : أَفَرَأَيْتَ إِنْ دَخَلَ عَلَيَّ بَيْتِي ؟ قَالَ : " فَادْخُلْ مَسْجِدَكَ , ثُمَّ اصْنَعْ هَكَذَا , ثُمَّ قَبَضَ بِيَمِينِهِ عَلَى الْكُوعِ , وقُلْ رَبِّيَ اللَّهُ حَتَّى تُقْتَلَ عَلَى ذَلِكَ " . " واستغفر الله في هذه الساعات المباركة .. عن عدم عملي بهذا المبدأ وهذا الهدي الرباني في عام 2011 .. وأذكر الجميع أن النبي قال " قتلاها كلهم في النار ". وليسوا شهداء .. أو في الجنة إن شاء الله.

ما رايكم ؟ احد علماء الازهر وعضو بدار الافتاء. قال: الحكم سياسي وغير قابل للشك في ذلك , الإخوان قصدوا تأجيل الحكم النهائي لمراجعة المفتي , وأحب اؤكد لكم برفض الإعدام لوجود قاصرين , ولكن الخطر الحقيقي أن النظام أراد أن يكون الصطدام بين الألتراس وعلماء الأزهر , حتي يهدموا مؤسسة الدين. وبذلك يكونوا هدموا مؤسسات الدولة الأربعة , الشرطة والقضاء والأزهر والجيش. المصريين الشرفاء الأحرار لا يقاتلون بعضهم أبداإنها الفتنة , وللأسف يضيع بسببها خيرة شبابنا. أيها المصريون: إن مصر تضيع بفرقتنا , نحن امام أناس يتاجرون بقضيتكم وبدمائكم. إنزلو الي الشارع وتعاونوا , دافعوا عن أرضكم وعرضكم فافراد الشرطة والجيش هم اخوتكم وليسو اعدائكم. وقال الله تعاله (واعتصموا بحبل الله جميعا ولاتفرقوا) صدق الله العظيم ارحـــــــــــــــــــــــــــــــــــــــــــل

الاسـتـبـداد يقلب الحـقـائـق فـى الأذهـان ، فـيَـسـُوق النــاس إلـى إعـتـقـاد أن طـالـب الحـق فـاجـر، وتـارك حـقـه مُطـيـع ، و المُشـتـكــي المُتـظلـم مُفسـِد ، و النـبـيـه المُدقــق مُلحـد ، و الخامـل المسكين صالـح .. و يُصبح - كذلك - النُّصْح فضولاً ، و الغيرة عداوة، و الشهـامـة عتوّا ، و الحميّة حماقة ، و الرحمة مرضاً ، كـمـا يعتـبـر أن النـفــاق سياسـة و التحايل كيــاسـة و الدناءة لُطْف و النذالة دماثة ! عبد الرحمن الكواكبي طبائع الاستبداد ومصارع الاستعباد

يا سيدتى المثل البلدى يقول اللى ما يشوفش من الغربال يبقى أعمى الموقف الآن أكبر بكثير من هذه الحكومة أكبر بكثير من جماعة الأخوان لا تنتظرى منها حلا ما زلت أعتقد أنها لا تريد أو لا تستطيع التعامل مع الأزمة وفى الحالتين لن يكون هناك حل ولن تتوقف دموع الثكالى فى ظل هذه الحكومة

الحكم يا اسلام فى صالح مرسى أصلا من الناحيه السياسيه .. وحيتخفف .. بس من هنا لحد ما يتخفف بورسعيد ممكن متبقاش على الخريطه اصلا .. احنا هنا فى بورسعيد فى انهيار تام .. والله اعلم مين اللى بيولع فى بورسعيد حاليا .. إدعوا لنا يا اسلام .. احنا اخواتكم المصريين المسلمين والمسيحيين فى بورسعيد فى مأساة .. وبلاش حد يشمت فينا كناية فى الاخوان قلبي وعقلي وكياني مع اخواني البورسعيدية البسطاء اللي عايزين يعيشو في البلد ومالهمش اي تطلعات زي غالبية المصريين وربنا وحده العالم قلبي يعتصر من الالم على حال مصر والله يا محمود بقالي اكثر من اسبوعين مابنامش وببكي كل يوم لاني كنت شايف كل كده وبحاول انسى وبمني نفسي الوضع مش سوداوي وكنت باقول لنفسي كفاية شر مصر مش زي مانت متصور وماتخليش الدنيا سودة كده لكن كل اللي كنت خايف منه حصل ويا ريته ما حصل والله اسود ايام حياتي بعيشها دلوقتي ومش انا بس كل المصريين بره وجوه بيعيشو ايام سوده ربنا ما يكتبها على شعب ابدا

شكرا اختى العزيزه همس .. شكرا ssmaly .. شكرا ابو محمد .. وشكرا لكل من يدعوا لبورسعيد .. نحن الان جميعا مدينه وشعب .. ندفع ثمن جرم لم نقترفه .. ونساق لمذبح الفداء .. سواء كان الحكم مسيس او غير مسيس .. ربنا وحده العالم

ربنا معكم ويفرج هذا الكرب الا يوجد من يطفىء هذه الفتنة؟ ربنا يتسر على بورسعيد بلد الابطال ربنا يستر على مصر كلها

اخوتي الافاضل .........تضامنا مع اخونا محمود اوقفوا هذا الجدل هنارجاء واجعلوا مشاركاتكم دعاء لاهلنا في بورسعيد ..يكفي النزيف على ارض الواقع

اختى تعمل فى مستشفى بورسعيد العام .. واتصلت بها لاقيتها منهاره ولسانها تقل من هول ما ترى ..وبتبكى بجنون ..وبتحلفنى ما انزل واجيلها .. وبتقوللى الوضع سيئ جدا هناك .. لحد دلوقتى فى مستشفى واحده 10 وفيات ومئات الجرحى .. وده فى مستشفى واحد فقط .. والرصاص والغاز المسيل للدموع والسرينات والهليكوبترات هما عنوان المشهد .. وحاليا فقط انفجارات قوىه جدا فى الشارع جنبى .. ادعولنا يا جماعه .. مش وقت جدال وخلاف .. والله احنا هنا فى اى لحظه ممكن نموت .. ولا حول ولا قوة الا بالله

بعيدا عن التفاصيل التى لا اعلمها ومعظمنا لايعلم حقيقة ماحدث اذا كان هؤلاء مسجلين خطر وقتلوا بسلاح ابيض او غيره فلابد من من دفعهم الى ذلك بالتحريض والاثارة او بالاموال ولابد ان يكون هناك من سهل لهم ومن من تسبب باهمال الى كل هذا العدد من القتلى انا غير متابع لتفاصيل هذة القضية ولكن من معرفتى السابقة لشرطة مصر انها فى كل مشكلة كبيرة مثل حادثة ماسبيرو ومثل انفجار كنيسة (وانا واخدهم مثال للتوضيح)كانوا بيقبضو ا على مسيحيين ليس لهم اى علاقة بالموضوع وممكن كانوا ماشيين فى الشرع الجانبى ومالهمش دعوة ويحولوا الى المحاكمة وبدل من ان يطالب المسيحيين بالقصاص من القتلة يلاقوا نفسيهم متهميين وبيجروا علشان يطلعوا اهاليهم من السجن لذلك ان اعتقد ان جريمة قتل 72 مشجع فى استاد وراها ناس تانية ومن تم القبض عليهم معظمه ابرياء وزمان كان فيه فتنه بين المسلميين والمسيحيين والان فتنه بين البروسعدية وبين الاهلاوية والقاهريين لماذ لم يتدخل اى مسؤل لنزع فتيل الفتنة؟ هل هم يريون الفتنة ام معدومى الحيلة والكفاءة؟

اذن مبروك عليكم قضاء مرسى الشامخ يامصريين فقد تحققت اقصى امانى الاخوان استبدال قضاء مبارك الفاسد بقضاء مرسى الشامخ ولا عزء لدولة العدل والقانون

السلام عليكم ...........تحيتي للجميع اتفق (كليا) مع الاستاذ محمود في ان القرار سياسي بالدرجة الاولى وكل مايحدث في مصر هو مسيس غباء المعارضة مقابل دهاء النظام ....هذا هو اسم المرحلة التي تعيشها مصر حاليا في توقعي ان النظام بهذا القرار يحاول قطع خط الرجعة بالنسبة للمعارضة وافشال خطتها في اشاعة الفوضى اطمئنك يا استاذ محمود لن يعدم احد والحكم سوف يخفف لاحكام اقل حدة .......... هذه ابجديات السياسة قرار صارخ صادم يمتص به غضب فئة.. الم يفهموا بعد كيف يفكر الرئيس الفاشل ..انه يستخدم ادواتهم ليحرق حضورهم عند الشعب ؟؟ فقط استاذ محمود .........كان الله في عون الجميع وان كانت بورسعيد كبش الفداء لهذه المرحلة فتاكد ان الاكبشة ستزيد فليس هناك مايوحي ان المرحلة هذه ستكتفي بكبش واحد..والله المستعان

عايز أسمع رأيك فى الواقعه دى تحديدا يابومحمد .. بعيدا عن موقفك من السلطه الحاكمه .. حاول تكون حيادى الله لا يسيئك .. الحكم ده سياسى والا مش سياسى .. وهل هو منطقى ام عبثى !!!!؟ رأيى يا شاعر أنا مش مستغرب استياءك من الحكم ومش مستغرب إنك وغيرك تطالبوا مرسى "بالتخليص" على المعارضين لسبب بسيط إذا كان رب الدار بالدف ضاربا .. فشيمة أهل البيت كلهم الرقص من وقعت فى غرامه يا شاعر هو أول من داس الدستور والقانون وهو من قفز على القضاء وشل حركته بإعلانه "اللا دستورى" وهو من مهد وسمح ووافق على أول حادثة حصار لأعلى محكمة فى مصر فلا عجب أن يعترض كل واحد على أحكام المحاكم ولا عجب أن يدخل أهالى المحكوم عليه إلى قاعات المحاكم بالآلى ولا عجب أن يتوجهوا إلى حيث المحبوسين لإخراجهم بالقوة قد ترى أننى غير حيادى فقد تركت الحياد للمحبين العاشقين لرب الدار .. ضارب الدف

لا حول ولا قوة إلا بالله أ/ محمود البصيلى باشوف دايما ارآئك متزنة إلا فى الموضوع دة مش معنى إنك بورسعيدى انك تدافع عن قتلة ومجرمين وبلطجية بكل السبل 72 روح قتلت نفسها بالتدافع .....تدافع من إيه مش من المجرمين اللى بيجروا وراهم دة على أساس ان فيه حد مات بالتدافع. بتقول مافيش دليل بالصوت والصورة....يا راجل دة العالم كلو شاف الهجوم القذر على الجماهير واللاعبين على شاشات التليفزيون. بتقول النور انقطع واختلط الحابل بالنابل....إشمعنا الحابل والنابل دة ما انجرحش فيه بلطجى بورسعيدى. بتقول حكم سياسى ....طيب ما يعترف البلطجية دول على اللى محرضهم علشان كل واحد ياخد جزاءو يا أخى نبينا الكريم بيقول " لو أن فاطمة بنت محمد سرقت لقطعت يدها"صدق رسول الله صلى الله عليه وسلم لعلمك حكم الإعدام دة ما بيتاخدش الا بعد إثباتات قطعية يا ريت التعصب القبلى ما ينسيناش كلمة الحق

اخي محمود. .. هل تظن ان الحكم بالاعدام على 21 شخص هو حكم سياسي !!؟؟ يعني لو تاجلت القضية كان ممكن نقول انه تصرف سياسي !!! ولو الحكم على واحد او اثنين كان بالاعدام والباقييين بالسجن كان ممكن نقول حكم سياسي !!؟؟ لكن 20 شخص اعدام !! وليس 2 او 3. متهيأ لي صعب نقول حكم سياسي - ثم ان هناك شيء اخر ؟؟!! يعني هل تتوقع ان يكون الحكم براءة وان تكون الكارثة اللي حصلت في استاد بورسعيد دي ليس لها فاعلين او مذنبين لكي يكون الحكم غير مسيس !!؟؟؟ .. يعني أليس هناك مجرمين نفذوا هذه الكارثة وهم حتما من البلطجية الموجودين في بورسعيد !!؟؟ - طبعا هناك متهمين اخرين سيتم الحكم عليهم يوم 9 مارس !!؟؟؟ وليس مستبعدا ان نرى اعدامات اخرى قد يكون بينهم ضباط ومسئولين بالداخلية .. وقد يكون ذلك سبب تاجيل الحكم عليهم حتى لا تشتعل الامور اكثر الان خاصة من قبل جنود ورجال الداخلية !!؟؟ - فقط يبقى ان اقول ان الحكم كان من المفروض الا يتم تحت وطئة هذه الضغوط ... ولكن يبدوا ان التاجيل كان سيتسبب في مساوئ اكثر

اللهم صلى و سلم و بارك على سيدنا محمد لاحظت ان بعض الافاضل مؤيدين للثورة و بعد الاحداث اللى حصلت انقلبوا عليها احب اقول شىء ليست كل الامور تعرف خطأ ام صواب من النتائج المترتبه عليها لو شخص على الطريق راى شخص مصاب من سيارة و لم يتلفت اليه احد واخدة للمستشفى و هناك تم اتهامة بانه المتسبب و دخل فى سين و جيم هل معنى ذلك ان انقاذة حياة شخص خطا و ان المرؤه وبال على صاحبها؟ لو دخل حرامى المنزل و قام صاحب البيت بالتصدى له فقام الحرامى بقتل ابن الرجل هل معنى ذلك ان الرجولة و الشجاعة جريمة و مفيش احسن من الجبن و كنت سيبته ياخد اللى عاوزه ؟ نظام مبارك نظام اجرامى بحت افسد كل شىء فى البلد او بمعنى اصح اكمل عملية افساد البلد افسد الناس و الاخلاق و التربة و الهواء و الاقتصاد و السياسة و كل شىء و عندما خرج الناس لاسقاطه كان عملا صحيحا و لكن مبارك مجرد رجل و النظام الوف من الرجال و النساء مصالح و اموال و انساب و تربيطات بالخارج ما كان هذا الكيان ليسكت عن تهديد وضعه و مصالحه اللى بيحصل ده نتاج طبيعى صحيح احنا كشعب ساعدنا هذا الكيان باخطائنا لكن صدقونى لو كانت الثورة ازالت راس النظام ثم هدات الاوضاع فى مصر لكن هذا ادعى لنا ان نشك فى الثورة و ليس العكس .

أنا ماكنتش أعرف عن الجماعة دول قبل كده ولكن بعد أن تقرأ عنهم تجدهم موجودين في أماكن عديدة من العالم البلاك بلوك في أمريكا وألمانيا ومنهم بيصلوا برضه ويتظاهرون عادي برضه عندنا ومنهم من يمارس العنف طبعاً ولكن المزعج الذي يجعل الكثيرون يهاجمهم .. ويوجه لهم الإتهامات هو التكتيك الأساسي لهم وهو إخفاء الوجه.. وتوحيد لون الزي (الأسود) مما يجعلهم مجهولون فلا نعرف من هم فكونهم مجهولون.. هذا أمر يزعج الجميع

انا اللي نفسي اعرف مبارك عمل ليك ايه

هي البلاك بلوك بقت صدر اخباري نثق به مع احترامي هو اللي بيسقطوا البناطيل الاخوة الافاضل اللي عاشوا ف الغرب ماعرفوش تسقيط البنطلون دلالة ع ايه سبحان الله البلاك بلوك بقت مصدر ننقل منه عموما حته من محمود سعد وتعجبه ان فيه متظاهرين مش سلميين !!!!!!!!! http://www.youtube.com/watch?v=0RTUhk-dPdw

إفلاس ما بعده إفلاس هذه الصورة ليست فى مصر طبعا ليست فى مصر أنظر إلى الأرضية .. أين توجد هذه الأرضية فى مصر ؟ الصورة نشرتها صفحة "وزارة الداخلية" وصفحة "الحرية والعدالة" بادرت صفحة الداخلية بالاعتذار أما صفحة "الحرية والعدالة" فعندها الكذب عادى رابط الصفحة الأصلية للصورة

ولا غطرسه ولا استعلاء ولا حوار يابو محمد .. ان شاء الله يارب مرسى يسيب لكم البلد ويرحل عشان ترتاحوا ..والله بدعى من قلبى انه يرحل .. بعد كمية الكراهيه اللى وجدتها فى المحاورات وفى الاعلام للاخوان .. ربنا ان شاء الله يبتليكم بالرئيس اللى تستاهلوه ..اللهم تقبل دعوتى انا عن نفسى رحيل مرسى وخلعه من الرئاسه بإيد الشعب المصرى معناه عندى انى كمان حرحل من البلد دى((الظالم أهلها)) ومش راجع تانى اعتقد انك مريت على مداخلاتى النهارده يابومحمد وقرأت انى اعترفت باخطاء مرسى .. يعنى انا مش بقول انه صح على طول الخط .. ايوه غلط وحيفضل يغلط .. دى بنى ادم يا عااااااااااااااالم .. بنى ادم ياهووووووو ... لاهو منزه عن الخطأ.. ولا نبى مرسل وموحى اليه .. لو انتو فعلا يا معارضين نواياكم خالصه لله والوطن ..كان حيبان من افعالكم وردود افعالكم .. لكن انتو الكُره غشى على بصيرتكم .. ونسيتوا ان فيه وطن اقتصاده بينهار .. لوانت فعلا عايز مرسى يستمر يابو محمد .. ياريت تمر على معارضى مرسى فى المحاورات وشوف هما بيطالبوا بإيه..وبيتكلموا عنه وعن الاخوان ازاى .. ايه كمية الغل والحقد والكراهيه والافترا ده .. لو انت فعلا عايز مرسى يستمر يا ريت تتكلم معاهم وتفهمهم انه مينفعش يرحل .. وان وجوده فى السلطه هو اخف الضررين . استحملوه وسيبوه لغاية ما فترته تنتهى وبعد كده انتخبوا اللى انتوا عايزينه حتى ولو كان مبارك ذات نفسه حرااااااااااااااااااااااااام عليكم حراااااااااااااااااااااام عليكم .. منكوا لله .. منكوا لله .. منكوا لله