لوحة القادة

اذا كانت لنا قلوب نفقه بها فكان يجب ان نجيب على هذاالسؤال لماذا تساعد القوى الاستعمارية ابناء وطن على حساب ابناء وطن ؟ هل تعطي بدون مقابل ؟ ام تنتظر المقابل ؟ والعجيب هو ان يقتنع المجاهد انه يحارب عدو الله والاعجب ان يقتنع ان القوى الاستعمارية( العدو الاكبر ) تعاونه لله والوطن وذلك للقضاء على عدو الله مافيش عقل خالص في ظل نشوة الربيع العربي كنت فرحا بثورة سوريا مثل غيرها من الثورات العربية وكانت نشوة الثورة تحركني وفتحت موضوع خاص بثورة سوريا 15 مارس ثم بعد فترة ليست بالكبيرة اكتشفت ان ثورة سوريا ليست ثورة بالمعنى الذي شاهدناه في مصر وتونس ولكنها تحولت الى تكسير عظام للشعب السوري الذي هو الشعب الوحيد على خط المواجهة لم يبرم معاهدة سلام مع اسرائيل وكانت اسرائيل وحلفاءها يتمنون تكسير عظامها وما احلى هذا التكسير اذا لم يمس جندي اسرائيلي واحد وما احلاه تكسيرا ان تدمر سوريا نفسها بنفسها وتتحول الى مليشيات مشرزمة تستطيع اسرائيل ان تسيطر عليهم جميعا ما اجمل هذا السقوط المخزي والسريع لدولة وقفت صامدة رغم ضعفها التسليحي امام اسرائيل وجود سوريا بدون سلام مع اسرائيل كان ضروري في تحقيق التوازن في المنطقة مثل انقسام حماس وفتح على التعاون مع اسرائيل يحقق ايضا توازن اليوم اعلن ندمي وخطئي في فهم ملابسات الثورة في سوريا وانني كنت فاهم الموضوع غلط لذلك اوقفت مشاركاتي في موضوع ثورة سوريا والتي كانت تصب في مصلحة تلك الثورة المزعومة احزن اشد الحزن على تحول الشعب السوري الى شعب لاجيء يتسول الامن والامان ويتشتت في بقاع العالم العربي يعتصرني الالم عندما اشاهد اطفال سوريا بعد ان كانو ينعمون بالامن في بلادهم وهم يتحولون الى اميين ويتركون مدارسهم ويطلبون العمل خدامين وماسحي احذية ابكي وانا اشاهد فتيات سوريا في عمر الزهور يتحولن الى سوق النخاسة يفصلون لهم فتاوى النخاسة ويبعن لعباد الجنس تحت مسمى العفة والطهارة وهم احقر واقذر المتاجرين بالدين هل كل ما تشاهدونه في ابناء سوريا وما يحدث لهم من اهانات لم يحرك لكم شعرة لكي تتعاطفو معهم وبعد كل هذا مازال هناك من يقول ان ما يحدث في سوريا من اجل اعلاء كلمة الله الا لعنة الله عليكم اجمعين

الاخ الفاضل نعم ينفع تسافر بيه وبدون اي مشاكل

محافظ الإسكندرية ينقلب على البرنس.. ويوجه له اتهامات بـ"نسب إنجازات المحافظة لنفسه وللحرية والعدالة" جات متأخرة شوية يا محمد عطا انا عاتب عليك انك تشتكي البرنس لمرسي يعني ينفع تشتكي البلطجي لزعيم العصابة اكيد هايقف جنب رجله اما انت فاستمارة 6 مستنياك يا جميل لان قرار تعين البرنس محافظ جاهز على التوقيع حسن البرنس تلاقيه لما يفتتحو كوبري او مسجد او طريق اما البيوت لما تقع والكباري لما تهيل واكوام الزبالة فوجوده فيها معدوم

جميل تحليل استاذ طارق وحلو جو الاكشن والخيال اللى فيه جزء كبير ممن الحقيقه لكنه ناقص شيئ مهم جدا اننا فعلا مش في فيلم ولا كلها ساعه ونخرج نشم هوا او نشترى فشار نغير به جو الدراما اللى عشناها بالفيلم ولا احنا تافهين أوى لدرجة ان كل دورنا في الروايه اننا الدميه اللى بيحركها الراجل اللى واقف ورا ستاره سوده مش قادر اصدق اننا دا لكن ممكن اصدق انه وعلى الرغم من حسن نوايا الريس مرسى الى انه يظهر وكأن على راسه بطحه انيابه مظهرتش وقد يكون السبب خوفه من المجاعه اللى هتحصل لو ركب راسه وتعامل بالنديه مع الكبار لكن هو من أمتى الكبير بيختشى من المنكسر المقهور .... نفسى لو بجد مرسى مش على راسه بطحه يقول دا للناس ويصارحهم انه بس مستنى البلد تقف على رجلها عشان يكشر عن انيابه او على الاقل يوضح للكبار اللى بيتعاملوا معاه بقرف دول انه يعد عدته ويجهز بلده لتكون من الكبار الثورة مش فيلم ولا هتنتهى لأن سقف احلامها مفتوح والشطاره في اللى يسجل التاريج له أنه بجد قدر يحقق للثوره نمو ونقله من تحت لفوق

تجميل إيه يا حاج إسلام هو دا اللي هيجمل .... وعلى رأي المثل .....وإيش تعمل الماشطة في الوجه ...... هما مفكرين يعني انهم لما يعملو شوية الاونطة زي ما يروح البرنس بتاع الاشعة يقابل الصيادين يقوم لابس لبس الصيادين ولما يروح الاستاد يلبس ترننج ولما يروح للمزارعين يلبس البنش ولما يروح مصنع يلبس العفريته مفكرين شوية الاونطة دول هايخيلو على الشعب كنت قاعد مع شوية ناس من الجماعة دي من كام يوم عمالين يمجدو ويشكرو في البرنس ويقولو الله ينور عليك يا دكتور حسن كل ما تتعمل حاجة ولو كانت تافهة في البلد انا من غيظي ماستحملتش كمية الجندلة والتبخير دي قمت طالع فيهم من غيظي قلت لهم ايه دكتور حسن ده كمان وبيفهم ايه في المحليات ده راجل جابوه من على جهاز الاشعة ومسكوه نائب محافظ ومن ساعة ما مسك المحافظة والبلد ماشفتش خير وكل يوم اسوأ حتى لما العمارة وقعت على الناس تبرأ من مسؤوليتها وقال انه البناء مش مسؤوليته ومسؤولية المحافظ يعني انت جاي تقش بدون مسؤولية والفرح مدعية والهم منسية وتبيع الدنيا عشان مصلحتك ده واحد جاي يجرب فينا واحنا ورزقنا بأه وضربو الاعور على عينه

خفقتك هذه امتدت و استقر صداها هنا حيث تستحق عــطـر الـ جنـة كوني بـ سعادة و أكـثر

هو فعلا يا ابا فاطمة احنا اللي المفروض نتوقف عن مجادلة حضرتك لان الظاهر ما فيش فايدة حضرتك صابب كل همك في بشار ... يا سيدي ربنا ياخده بشار بتتكلم كأننا هنا بندافع عنه كشخص انما كل اللي الاستاذ طارق و انا بنحاول نوصله لحضرتك ان اللي بيحصل في سوريا فتنة كبيرة بتصب في مصلحة الصهاينة و المقتلة اللي هناك دي بيتحمل وزرها من يؤجج الفتنة سواء بنية خبيثة زي قطر و السعوية و تركيا او من حسني النية اللي فاكرين دا جهاد مع ان ارض الجهاد معروفة فين و حضرتك بتسألني بشار ما ضربش على اسرائيل ليه هارد من كلام حضرتك اصلا لما سألتك ما روحتش جاهدت في فلسطين ليه قولتلي لم تنتهك حرامتنا و مقدساتنا و استغربت اوي رد حضرتك فعلا خلاص يا فندم حضرتك شايف ان الجهاد في سوريا .. ربنا معاك روح جاهد و كل واحد هايعرف نتيجة تفكيره قريب ان شاء الله ربنا ينور بصيرتنا و يهدينا سواء السبيل كلمت حضرتك بكل صدق لاني شايفة حضرتك من الناس المحترمة مش تبع المبرراتية مع كل حاجه و عكسها و نصحتك لله تشوف ايه يمكن توصلك فكرة تكون غايبة عن بالك و حضرتك حر طبعا و كل واحد فينا جزاءه من الله اللهم بلغت اللهم فاشهد استغفرك اللهم و اتوب اليك