لوحة القادة

استاذ شرف الدين انت ليه مصمم تشخصن الموضوع ايوه اسمه حكم عسكر و حكم عسكرى انت سبت كل كلامى و مسكت في كلمة عسكر امال اقول حكم ايه ملكى و لا مدنى اسمه حكم عسكرى اخى الفاضل و انا مرضتش ارد اساسا على فكرة الديكتاتورية العادلة التى سوقتها انت و لا اعترف بها اساساحتى لا ادخل معك في جدال ملوش داعى ايوه انا اخترت الاخوان و اعتقد ان في ظل الظروف اللى فاتت كنت برده هختارهم معلش اصلى مكنتش بحب البنبونى اللى بيوزعه شفيق و بينى بينه تار شخصى لانه كان سبب في اصابة احد ابناء عمومتى بجلطة ادت الى عمى بعد مشروع نفذه هو و شركته في المطار و مخدش لقائه اى فلوس و بعدين حضرتك شايف الجيش نافع اوى امال السنة و نص اللى فاتوا قبل الاخوان كانوا ايه مصر اللى كانت على حافة الافلاس كانت ايه بلاش حضرتك دخلت الجيش في بلدنا عارف وضع الجيش في مصر للمجندين عامل ازاى عارف فساد الجيش اد ايه و لا تحب انا ااقولك و على فكرة انا من عيلة اغلب افرادها من الجيش ماعدا ابى فعارفة كويس اوى انا بتكلم عن ايه تحب حضرتك نتكلم عن مرتب الضابط و مرتب اللواء و الفرق اد ايه تحب حضرتك نتكلم عن المخابرات اللى بالوسطة مش بالكفاءة اظن اى شخص يعلم احوال الجيش جيدا و اى بنى ادم عاش معانا السنة و نص اللى حكم فيها المجلس العسكرى عارف الهبل اللى كنا فيه حضرتك حاطط الاعلان ماذا بعد 30 يونيو و لا تسوق الا لفكرة عودة مجلس رئاسى عسكرى مرة اخرى بينما انا اريد من يطرح افكارا اخرى فانا لا ارى الاخوان او العسكر او المعارضة فالحين و اظن الوقت اثبت ذلك على الجميع و نرجع تانى لعنوان الموضوع ماذا بعد 30 يونيه

كلامك حسسني بالذنب إني ( شعرت ) بأن قلبي قد برد بسبب نهايته الشنيعة بس أنا مليش إيد في ( إحساسي ) دا أنا هقربلك اللي بيحصلنا مع إني عارف إنك أكيد حاسه بيه زينا ! لكن برضو للتوضيح مش أكتر عارفة لما يكون عندك جار لسانه قذر و بيشنع على سمعتكم وطالع نازل يشوه سمعتكم بدون أي سبب ومش بس كدا يوصل الموضوع للشرف و كل مايدور في مكان يشتم أهل بيتك و أعز ناس عندك ويتهمهم في شرفهم ويختلق عليهم أبشع القصص الدنئة عند الناس وماشي يكره الناس فيكم وإنتوا مشيتوا في الطرق القانونية والمحاكم ومفيش أي فايدة لسه بيؤذيكم بكل الأشكال الجار دا إنتقل إلى منطقة أخرى وبدأ يمارس أفعاله دي مع بيت تاني و إمرأة أخرى لحد مابدأ يشكك ( الزوج في زوجته ) و الإبن في أبوه بعد ما تبين لهذا الرجل مدى سوء جاره و عرف قذارته على أهل بيته مشي في الطرق القانونية ومفيش أي فايدة والجار مازال يمارس كل أشكال الوساخة ولا يوجد أحد يردعه حتى حول معه فريق يمارسون نفس الأمر على هذا البيت المغلوب على أمره فجا زوج الست دي و مسك الراجل وقتله وربطه في العربية وسحلة في شوارع المدينة ومثل بجثته حضرتك هيكون شعورك إيه ؟ مش هتقولي ربنا ورانا فيه عمياله ووقعه في شر أعماله ؟ دا بالظبط اللي بيحصلنا ودا بالظبط شعورنا حضراتكم مستنكرين حتى الشعور دا ! طب إيه المطلوب إزاي نتخلص من شعورنا ( الفطري ) ؟

حضرتك اللي بتخلط الاوراق مع كامل احترامي فقط لأنه مصري سهل قتله ؟؟؟ هلاك أعداء الله ؟؟ و ربنا ليه ما أهلكهمش من عنده ؟؟؟ منتظر حراس العقيدة يحموا دينه ؟؟؟ أعداء الله هم كل من ليس سلفي أو اخواني ؟؟؟ ليذهب العالم كله للجحيم ؟؟؟ و يبقى من على ملتكم أنتم فقط !!! السيدة عائشة يسبها الجهال منذ قرون طويلة الفرحة و النصر و اثلاج الصدر تحققت من قتل الشيعي المصري ؟؟؟ حسبي الله ونعم الوكيل اللهم أنتقم من قتلته بعدلك امين امين امين

سيدتي، يقول تبارك وتعالى ( من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون ) المائدة( 32 ) لم يكن شخصا واحداة بل أربع أنفس قضت نحبها على أيدي مجرمين قساة غلاظ القلوب اوهمتهم فئة ضالة أن قتلهم حلال بل واجب شرعي، والأمن نائم، والرئيس نائم، ورئيس الرئيس نائم تاركين أمور الشعب للقتلة الإرهابيين الذين أخرجهم المندوب الإخواني من السجون. والذي يكاد يقتلني هو تلك البلادة التي يتحدث بها من يدافعون عن القتلة ومن يقفون خلفهم. أتمنى ألا نرى اليوم الذي يأتي فيه الحجر ليقول ياهذا يوجد خلفي إخواني أو سلفي جهادي إرهابي فتقدم فاقتله. فيديو الجريمة فظيع فظيع ويبين كم هو بربري ذلك الانسان عندما يأمن العقاب.

عجبا لمسلمين فرحوا بنحر مسلم يقول ربي الله فقط لأنه يخالفهم في المذهب!!! و امتلأت القلوب غلا عليه وكأن قتله سيعيد المجد للأمة !!!! جريمته السب ؟؟ نال عليه القتل بوحشية والتمثيل بجثته وحتى لم يراعوا شيبته !!! اجتمعت فيه كل الشرور ؟؟ و بقتله أشرقت الأرض بنور ربها ؟! غريب جدا .. مع أن أحمد نجادي قوبل بمنتهى الترحيب بمصر !!! و لا أحد يفكر حتى يمس ايران ( أقوى دولة شيعية) بالكلام !!! لأن حسن شحاتة مصري .. فهو رخيص و يداس بالأقدام المصري رخيص على الكل قتلوه مصريين ليشفوا غليلهم ممن لا يجرؤن على مواجهتهم يا عالم تخاف ما تختشيش!!!!! أبشروا بقتل المصري المسلم حسن شحاتة تم حل كل مشكلات العالم الإسلامي و أصبحنا من مصاف الدول المتقدمة و ركع لنا الغرب وهم صاغرون !!!!!!!!!!!!!!!!!!!!!!!!!!!!!

السلام عليكم اخى الفاضل جزاك الله خيرا اجهزه المخابرات اللولبيه الحلزونيه بقياده الجنرال الراحل عمر سليمان و صبيه اللى واقف وراه يمكنك التعرف اكثر عليها من صبيه ابونضاره سوده ..بس من غير جرنال مخروم فى المؤتمر الهذلى المنعقد اليوم http://www.youtube.com/watch?v=c8fRGDDBIA4

يعني ايه الكلام ده يعني الحكاية اللي صدعو بيها دماغتنا بتاعة ان الشرطة فتحت ابواب السجون لتهريب المساجين طلعت حكاية اونطة وان الاهالي هم السبب في اقتحام السجون كمان طلعت اونطة يعني الشعب من الاخر لبس السلطانية وكانت على مقاسه برافو اخوان ابليس يا اخي كل ما ابحث عن اي خراب في مصر او شر اجد ان وراءه اخوان الضلال مباشر او غير مباشر وبذلك فبدلا من ان نقول في كل جريمة ابحث عن المرأة نقول ابحث عن الاخوان

الفاضلة مؤمنة الكلام ده قولته كثيييييييييييير هنا ف المنتدى يقولك واحنا مالنا ده مسئولية السلطة الحاكمة ،الناس تعمل احزاب وتشتغل ف الشارع يقولك لا هي انتخابات رئاسية مبكرة ياعم انتوا كسبتوا ف اتحادات الطلبة وف الانتخابات بقى لكم شعبية برده يقولك لازم نشيل مرسي وهنا فالمنتدى لو شوفت المداخلات هتلاقي المنتدى غالبيته مع انتخابات رئاسية مبكرة طب قولوا ليا البديل يقولك مانعرفش هو كدة والتوبيك عنوانها ماذا بعد 30 يونيو ؟؟؟اتحدى اي حد يقول ليا ماذا بعد 30-6- حتى المعارضة مش عارفه يلا خليها تخرب ولما نشوف الافاضل هنا ف المنتدى هيقولوا ايه انا عاوز مرسي يمشي ونشوف بقى جبهة الانقاذ اللي اصلا مختلفة مع بعضها لما نشوف ادينا قاعدين مادام شايفين اننا بنبارك الناس اللي بتردح اللي فكرتني بخالتي فرنسا وبنبارك العنف المتبادل وبنبارك النقد بقلة أدب فلما نشوف

بجد انا الوضع حتى مش مخلينى عايزة ارد او اعقب من كتر الاكتئاب بس بجد احنا لو سلمناها للعسكر نتوقع بامارة ايه يكون ادائهم احسن خاصة مع السنة و نص المهببين اللى شوفناهم قبل الاخوان و خاصة ان الكل هيطالب بحل الشورى و الدستور يتعمل من جديد يعنى عودة الى الصفر و طبعا الكل فاكر السنة و نص احداث بورسعيد ........احداث رفح ..........مصر على وشك الافلاس و اللى مش فاكر يا ريت يرجع لمواضيع السنة و نص اللى فاتت طيب نمسكها للمعارضة البرادعى مراته معاها الجنسية النمساوية يعنى مينفعش حمدين معتقدش انه هيتفق مع شعب طبيعته محافظة و مراته كده و بنته مذيعة و كفاية صورتين تلاتة لبنته بالمايوه زى البرادعى او صداقاته مع الفنانات و يسقط من نظر ناس كثير ده غير ان بعد اتفاقهم مع الفلول اى كان السبب فانا استحالة افكر في انتخابه فاضل مين عمرو موسى ....خلونا نتكلم بجد احسن عشان كده منبقاش عملنا اى حاجة من عهد مبارك طيب نرجعها للتيارات الاسلامية و بلاش الاخوان المرة ديه خليها حزب النور ايه رايكم و حازم ابو اسماعيل و ديه بقى تبقى كارثة اكبر من ايام الاخوان و الله لان ما حدث للشيعة هيكون بروفة للى هيحصل ايه رايكم نطلع جمال من السجن و نمسكهاله رغم انى معتقدش ان لو مسك اى حد من الفلول اساسا هيكون متمول من فلوس جمال و رجال الاعمال فمش هتبقى فارقة عايزين حل بجد حل كويس كان الحل طبعا ان المعارضة الزبالة تبنى في السنتين و نص اللى فاتوا احزاب قوية لها سلطة و كلمة في الشارع و نشاطات حقيقية سياسية و غيرها عشان تاخد مجلس الشعب و تعين رئيس مجلس وزرا و تعين اغلب الوزارات و يورينا شغلهم بس دول بتوع مسرحيات اكتر منهم عمل بجد عشان كده معتقدش هيكونوا احسن من الاخوان في حاجة على فكرة الحسنة الوحيدة اللى عملها الاخوان لمصر انهم انقذوها من شبح الافلاس بفلوس رجال الاعمال اللى صالحوهم و كمان فلوس المعونات و اغلب الجرايد العالمية اتكلمت عن هذا الا جرائدنا بالطبع و كان احد اصدقاء ابى مدير بنك يؤكدله ان الدولار هيوصل لعشرة جنيه بس الاخوان عملوا اللازم و هيثبتوه عن سبعة و نص بالكثير على اخر السنة بس لللاسف سياساتهم غبية و مغرورة جدا اللى عنده اى مرشح ينفع او نسيته يا ريت يقوله و نقترح حلول للمصيبة اللى احنا فيها و ايه الضمانات اللى ممكن نخدها عشان منرجعش تانى نلف في دوائر

أستاذ أبا عمر لم اتهم سلفيين او علمانيين انا علقت على الصور بما فيها من جمهرة شعبية بربرية علقت على غياب الأمن (أمن المواطن والأمن العام) الذي قد يطالك او يطالني او يطال احدا ممن نعرفهم ونحبهم من اهل او جيران علقت على البربرية في نقل الجثث متذكرا وقوف الرسول لجنازة اليهودي، ولكن للأسف البلم لايتعلم يهمني لأي فصيل ينتمي من فعلها ولكن يهمني ان مصر تقترب من أن تصبح غابة بفضل الشحن الاعمى البغيض الذي تبث سمومه مساجد وفضائيات المتأسلمين أما إسطوانتك المشروخة عن تجاهل استنكار حوادث لم نسمع بها، فاسمح لي أسألك؛ لماذا لم تفرد لها موضوع او اكثر لتعرفنا بتفاصيل تلك الحوادث لنستنكرها ونعلق عليهاربما بحمية اكثر من حميتك. مايحدث على ارض مصر يهمنا جميعا ولا فرق لدى المصري السوي لأي فصيل سياسي او ديني او عقدي ينتمي المجني عليه، ومن يفرح او ينشرح صدره لأي أذى يصيب مصري وليس قتله وسحله هو بلا شك انسان غير سوي. ويكفيني أن يكون قدوتي هو رسول الله الذي دعا لأعدائه بالهداية حيث روي عنه انه صلى الله عليه وسلم قال: "اللهم اهد دوسا" "اللهم اهد ثقيفا" "إن الله لم يبعثني طعانا ولا لعانا، ولكن بعثني داعية ورحمة، اللهم اهد قومي فإنهم لا يعلمون"

استاذ شرف الدين حضرتك بتعتذر ليه ؟؟؟ ماالناس ده ده أكل عيشها مش عارف هو حضرتك شوفت فيلم خالتي فرنسا !!!! الناس ده كانت شغاله بردة ف الايام الحلوة ايام العز في انتخابات الحزب الوطني مش معقولة مكنتش بتشوفها وكان فيه اللي اشرس منهم بيسلطوهم ع المرشحين اللي نازلين ضد الحزب الوطني ده اقل واجب يا استاذ شرف الدين ده انت لسه هتشوف مش بقول لحضرتك بقت معركة وكله بيستعد لها والشعب او مصر بالاخص هي الخاسر والرابح الاكبر اعداء مصر ودول كثير قووووووووووووووي اوعى تكون فاكر كل اللي نازلين دول ضد الاخوان فكريا او سياسيا لا دول ناس كثير منهم اصلا بيتعاملوا بمبدأ فيها لأخفيها واللي متاجرين والله العظيم لو حصلت فوضى والجيش مانزل يبقى غلطان ومش زي الباشوات في جبهة الانقاذ ما بيقولوا موافقين ان الجيش يحكم !!!!!! واخد بالك مع انهم صدعونا بيسقط يسقط حكم العسكر بس برده عشان الحرج بيقولك يحكم لفترة معينة !!!! انا بعترف بخطئي ان كنت متصور ان احنا مؤهلين للديموقراطية فعلا كلام احمد نظيف زماااااااااان صح وكلام الراحل عمر سليمان وصدقني افترا وظلم وتعامل الداخليه بقسوة مع الكثير من أفراد الشعب المصري يبدو ان ده كان اللي نستحقه أتمنى نزول الجيش ويارب يتعامل بيد من حديد ويلغي اي حياة برلمانية مالها الصين بلا ديموقراطية بلا قرف احنا مش وشها

وبما أني أحد ( المستنكرين للقتل بهذا الشكل ) وبما أني أحد ( المتمسكين بأعلى درجات ضبط النفس وإتباع تعاليم الدين في مثل هذه القضايا ) وبما أني أحد ( الذين أُثلجت صدورهم بسبب نهايته الوسخة زيه ) فأنا لم أعرف حتى الآن من تقصد بمن يحكم مصر , مش أنا أكيد هههههههههه

الحشد بدأ .. بحثت عن تاريخ نشر الفيديو فوجدته بتاريخ 24 .. اعتذر مقدما عن بعض الألفاظ الواردة في الفيديو .. http://www.youtube.com/watch?v=ltFhKgOHn0k يا ترى - إذا كانت هذه هي البداية .. فكيف ستكون النهاية ؟

إسأل الأستاذ محمد لا يعنيني نصوص القوانين المهم أن تحمي الدولة المواطنين بقانون رادع ومفعل وليس فقط الإعتماد على ( ثقافة الشعب ) ومقدار مايتلقونه من فكر هذه الجملة ليس لها علاقة بجملة حرق المصحف , مجرد توضيح أن التسامح الديني لا يأتي ( إلا بقوانين وأنظمة وقوة حقيقية مسيطرة ) وبعد أن ( ترتدع القلة المتسبب في الفتنة بقوة القانون ) سيسود التسامح الديني وكل طرف يحترم الطرف الآخر إن لم يكن بإرادته سيحترمه مرغما لا تحدد لي إجابة من حرفين ولم أعقد مقارنة بين هنا وهناك أساسا , أن نقول التسامح الديني ( هذا لا يعني الرضى عن الآخر ) بل يعني ( التعايش مع الآخر ) سأعطيك 3 سنوات لتبين لي العلاقة بين ردي وردك علي ! جسده المسحول :P وأنا أتكلم ببساطة وبهدوء وبدون تبرير لهم ولم أقل أصلا أن الفكر يواجه بالسحل أو الإيمان يواجه بالقتل ولكن الإساءة بالقول تواجه بالقانون أما باقي كلامي فهو حقا ليس تبريرا بل ( تحليلا ) لأسباب تلك الواقعة وعندما قلت دفع ثمنه جسده المسحول هذه ليست عقوبة للقول أو قاعدة من القواعد الشرعية ولا حتى ترقى لتوصيف قاعدة بل هي توصيف لواقع ( قد حدث ) شخص يطعن في عرض الرسول ولم يلقى جزاءه من الدولة و ترك بين من يعشقون آل بيت النبي ويقدسونه ليمارس كل أفعاله ولم يردعه أحد فوقعت الجريمة وهذه أسبابها أنت تتحدث عن ( حارة ) ( شعبية ) في ( مصر ) لا يحكمها قانون ولا يردعهم قانون ( الجاني والمجني عليه ) لا يعزيزي في الحقيقية ( ينفع :happy: ) وأصلا ليس من حقك لومي على ( شعور ) فهي حرية شخصية كنت أتمنى أن يكون القانون هو الرادع له ويعاقب بشدة و هذا لا يعني أني مؤيد لقتله بيد الشعب والتمثيل بجثة الميت فإن كنت مؤيدا لهذا الجرم صدقني ( كنت هقولها في عين التخين ولن أكني ) هههههههههههههههههههههههه عشان إيه أحدد موقفي بما لا يدع مجال للشك ولا يحمل أي نوع من التعاطف والإعتماد فقط وفقط وبس وخلاص على القنوات الشرعية القانونية هو أنا قاضي ومش واخد بالي ؟! يا عزيز أنا هنا لا أمثل إلا وجهة نظري الشخص دا نهايته وسخة لإن أفعاله وسخة إنما اللي إتعمل صح لا مش صح وطبعا اللي عملوا الجرم دا هيتقدموا للمحاكمة وهيتحكم عليهم والقانون ياخد مجراه زيها زي أي جريمة كونك بتتعاطف مع الجاني لأسباب ( شخصية وخاصة جدا ) دا لا يعني إنك بتنفي من عليه التهمة أو الخطأ بالظبط العلة في عدم وجود قوانين ( رادعة ) وعدم تفعيلها 100 جنية إلى 500 جنية غرامة أو سجن من 6 شهور لـ 5 سنين دي أحكام بسيطة جدا

بس مصر مش المنتدي بس انا بشوف ناس كتير من مختلف الانتماءات موضوعيين جدا في نقدهم كل شخص اكيد شايف انه صح لكن ده في حد ذاته غلط لاني مفيش حد مش بيخطئ في حكمه في حاجات كتير لو كل واحد ركز ان هدفه بس مصلحة مصر ومصلحة كل المصريين بغض النظر عن اي شيء تاني ومين اللي هيحقق المصلحة دي المهم انها تتحقق فعلا مصر هتعدي المرحلة دي بسلام احسن شيء ان الواحد ميفكرش في السياسة ويحاول يخدم بلده باي شيء يقدر عليه ايا كان موقعه ودي كلمة خدتها من العالم فاروق الباز هو ده اللي هيفيد الشعب المصري اللي محدش بيسمع صوته مش بنسمع غير صوت النخب ( مع اعتراضي علي تسميتهم)

سعر الحرام المفروض ثابت لكن الفرق في المصنعيه اوعي تجيب الشبكه وانت نازل عشان هاتخش في دوامات البتاع ده ذوقه بلدي والبتاعه دي كانت عايزه تقل الفصوص فيها شويه وخليها هي تنقي احسن عشان تبقي اخليت مسؤليتك واعلم تماما انك من هنا ورايح مش هاتلعب غير دور الدفيع وبس