لوحة القادة

الفاضل / هيرو متتعبش نفسك مفيش حد بيغير رأيه ولا حتي بيحاول يوصل لمنطقة وسط تجمع اكبر عدد ممكن من المصريين علشان المصلحة العامه استاذي الفاضل / شرف الدين يبدو اننا مختلفين علي مفهوم الانصاف والحيادية دانا بعتبر نفسي اكتر واحده محايده هنا :) لاني ليس لي اي انتماء سياسي ولن يكون بأذن الله هو الانصاف علي حد علمي الحديث عن العيوب والمميزات طيب ما حضرتك بتتكلم عن مبارك واتباعه وكأنهم ملايكة وعن الاخوان عموما وعلي رأسهم مرسي كأنهم شياطين هو ده الانصاف اللي حضرتك تقصده انا مش محتاجه اي ادلة علي فساد مبارك وحاشيته لاني كنت بشوف ده بعيني الكوسة والمحسوبية اللي حرمتني وحرمت غيري كتير انهم ياخدوا حقهم في بلدهم معاملة الشرطة لناس وكأنهم عبيد اختفاء ناس من بيوتهم للابد وحرمان اهلهم منهم مش لسبب غير انهم مداومين علي الصلاة بالمسجد وغيرها كتير من امثلة الفساد اللي طبعا حضرتك مش هتقتنع بيها واذا كانت محكمة الدنيا فشلت في محاسبتهم بسب اعدام الادلة فمحكمة الاخرة لا يلزمها ادلة لان الله تعالي شاهد عليهم حضرتك تقدر تقولي ليه مسافر وسايب بلدك مدام كانت بلد رائعة في عهد مبارك بالنسبة للمعاهدة اللي حضرتك بتتكلم عنها لو كانت حصلت مش المفروض انها مستمرة ليه لم تمنع انشاء السد ولا هي كانت اتفاقية خاصه لحكم مبارك للانصاف اكيد كان ليه مميزات وان كنت لا اعلمها لكن فساده وفساد حاشيته كان اعظم بملايين المرات استاذي الفاضل انا رأيي واضح من البداية مرسي ليس كفء لمصر ولكن مدام وضعنا اساس ديمقراطي للانتخاب يبقي نحترم شرعيته لحد ما فترته تخلص وقدام المعارضين انتخابات البرمان عشان متبقاش اخونه مدام بقا ليهم شعبيه وخاصه ان حضرتك اتكلمت ان المشهد بعد سقوط مرسي ضبابي عزيزتي اغابي في فرق بين الفساد وعدم الكفاءة مبارك فااااسد لكن مرسي غير كفء ومتنسيش انه استلم الحكم في فترة من اصعب الفترات اللي مرت بيها مصر الي جانب تركة الفساد التي ورثها من مبارك كان نفسي نوصل لمنطقة وسط لكن واضح ان مفيش فايدة كل واحد في مصر مصمم علي رأيه ومش مهم مصلحة البلد مفيش حد عنده استعداد يتنازل عن موقفه ابدااااا عن نفسي مستعدة اتنازل عن تأييدي لمرسي بس اعرف البلد رايحة فين

وهل تتوقعوا ان منظومة الفساد هي من الرئيس مبارك فقط هل نتصور ان الفساد قضي عليه بازالة مبارك لاأعلم خلفيات الافاضل العملية في مصر لكن انا عملت مهندس كهرباء في مصر لمدة 4 سنوات وكنت في شركة هي الاستشاري لشركات الكهرباء ولفيت كثيررررررررررر وصدمت من كم الفساد بكل بساطة رئيس مجلس ادرة الشركة اللي كنت اعمل بها كان يتقاضى 75الف سنة 2003 ومعاه 4 سيارات منهم سيارة لطلبات المدام كانت هيونداي سوناتا وبيستخدم سيارة 405 بريستيج وسيارة لتوصيل الاولاد للجامعة الامريكية كل ده من جيب وزارة الكهرباء مش عاوز اقول لكم الدكتور حسن يونس وزير الكهرباء كان بيخاف منه !!!والشغل كان بيجي لنا أمر اسناد مباشر واحب اعرفكم ان فواتير الكهرباء كانت مضروبة ع فكرة والقراءات في كثير من الاحيان مش صحيحة واحب اعرفكم ان الحوافز للعاملين في الكهرباء خيالية وكنا بناخد بدلات ما أنزل الله بها من حسبان والحمد لله ارتحت ن الجو الفاسد ده وسيبته عموما يا اخت اغابي مبارك لم يكن فاسدا بذاته لكنه ادار المنظومة بنجاح هل تتوقعي ان مرسي او غيره يقدر يحل الحاجات ده ؟؟؟ ع فكرة موضوع الواد اللي بياخد 20 جنيه وينزل سكينة الكهرباء رغم ان ده مش مناسب لمقام رئيس الجمهورية انما للاسف واقع انا زميل ليا كان في شرم الشيخ كل يوم كان بيتعشى ف فندق شكل لان ببساطة كان بيفصل الكهرباء عن لوحات فنادق بعينها ومن ثم يقوم بعمل صيانة وهمية لها وبالتالي يقوموا معاه بالواجب وربنا كرمه ف خلال سنتين بس جاب سيارة ب100الف هل نتخيل ان مثل هذه النماذج هتقبل ان الفساد يقضى عليه ؟؟؟؟؟؟مرسي محدش قال انه صح لكن انا بتكلم عموما اي تغيير لن يتقبله امثال هؤلاء المنتفعين صدقيني يا استاذه أغابي اللي اشتغل ف الهيئات الحكومية الكبيرة يفهم الكلام ده وبالنسبة يا استاذ شرف الدين هل حضرتك روحت او دخلت مبنى وزارة الطيران المدني ؟؟شوفت ال7 مصاعد اللي منهم مصعد مخصص للفريق أحمد شفيق ؟؟كنت أتمنى تشوف الدلع اللي الناس فيه هناك وانا اعذرهم لما كانوا هيموتوا والفريق شفيق يمسك لان بصراحه كانوا عايشين ف نعيم هناااااااااااااك والله كانك مش ف مصر وطبعا وزارة الري والموارد المائية وهتتعجبوا انا مسكت مشروع لفترة سنة في قطاع مياه النيل وهو ملاصق للمعهد القومي للاتصالات وامن الدولة في مدينة نصر يا اعزائي كنا حاطين ف مكتب الوزير ابو زيد بلاستيك بسمك 2سم ع البراكيه الارو الروماني لان سعادته بيتعب من صوت المشي ع الباركيه ومش عاوز اقول لكم كل يوم كان بيتجاب ورد بكام ؟؟يكفيكم ان تعلموا ان الكرسي كان ب4000 جنيه واضربوا السعر ده ف 12 كرسي طاولة الاجتماعات فقط ب70 الف فطبعا ده فساد ولا رأي الافاضل ايه ؟؟؟هل تتوقعون ان المنتفعين ف وزارة الري هيبقوا سعداء لو ت القضاء ع هذا الفساد ياسادة اي شخص هيحاول يقضي ع الفساد المنتفعين هيرفضوه مرسي له اخطاء فادحة لكن اي شخص هيحاول يقضي ع الفساد مش هينجح بسهولة

الإعلامى أحمد عبد الوهاب يرد مرسى مش مبارك * مبارك مات شباب لإسقاطه بينما مرسي مات شباب للدفاع عن شرعية اختياره * ومبارك حكم 30سنة ولم يعارضه أغلب من يقودون الاعتراضات الآن .. بينما مرسي حكم سنة وعارضه في الشارع من اليوم الأول كل من لا يتوافق معه في الرأي * مبارك لم يجد سوى البلطجية لتحمي حكمه.. بينما اليوم نرى البلطجية في صف معارضة مرسى * مبارك وقف معه إعلام مصر الرسمي والخاص وبكى إعلاميون لأجله .. والرئيس مرسي يقف ضده إعلام مصر الرسمي والخاص ويسخر نفس الإعلاميين منه * مبارك وقفت معه شبكات الفساد والدكتور مرسي تقف ضده شبكات الفساد

نصيحة لمؤيدى مرسى لا تقارنوا عهده بعهد الفساد الماضى فالمقارنة لصالح الفساد .. وليست فى صالح مرسيكم وستقومون - بدون قصد - بدعاية مجانية للفساد

صيحات الحرب اطلقت من زمان من المعارضة الشريفة من ايام الاتحادية و المقطم و حرق المقرات و دى عينة فقط عينة لهم قد اوردتها من شهر 11-2012

يعنى باختصار انا او الفوضى الله يمسيك بالخير يامبارك اعتقد ان سنة او اتنين من عدم الاستقرار افضل من الاستقرار فى القاع مع الاخوان

و ايه القذارة اللى فى كده ؟ ماله مبارك مش احسن من مرسى و جماعته ؟ فى عهدة الناس كانت بتاكل صحيح بتاكل اكل مسرطن بس كان اكل و كانت بتشرب ميه صحيح ميه مجارى بس ميه و كانت بتشم هواء صحيح سحابة سودا بس هواء و كانت بتلاقى غاز اه كان مصدره لاسرائيل باقل من سعر التكلفه و كمل ترعة السلام علشان يوصل ميه لاسرائيل بس احسن من اللى بيقول عن بيريز صديقى و كان فى امن لان البلطجية كانوا مقننيين يعنى بياخدوا الاوامر من الشرطة امتى ينشطوا و امتى يهدوا مش زى دلوقتى و كانت فى حرية اللى عاوزة تقلع تقلع و اللى عاوز يحشش يحشش و كانت امن الدولة بس للتيار الاسلامى و التعذيب لهم بس يعنى كنا فى امان من امن الدولة و كان النظام بيعمل انتخابات بيجيب فيها محاسيبة من غير ما يوجع دماغنا اننا ننزل ننتخب يعنى بيريحنا و كانت الناس تغرق بالالوف فى العبارة و تتحرق فى القطر و تنقلب بيهم وسائل المواصلات بس هو ماله دى مشكلة الواد اللى لعب فى الجزرة و اهم حاجة الاهلى بطل القرن يا عزيزى اهم حاجة الاكل (اى اكل) و الشرب (اى شرب) و التكاثر (اى تكاثر ) و لو يحكم ابليس ده فريق و هو اغلبية من الناس مش شايفه نفسها تفرق عن الحيوانات كتير .......

ختصار مع معتز بالله عبد الفتاح‎ "الرئيس اختار طريق الجماعة ولم ينجح فى أن يكون رئيسا للجميع. هو يتصرف مع الشعب المتنوع وكأنه شعبة متجانسة، وليعلم الرئيس ومن يشاورنه أنهم ليسوا على قدر المسئولية وأنهم ضيّعوا الأمانة ولم يفوا بالوعود وأنهم أخطأوا فى حق الوطن، وأننا جميعا ندفع الثمن." #معتز_بالله_عبدالفتاح #باختصار

يا استاذه سجود للاسف المطلوب هو ان مرسي يمشي ماشي جميل طب وبعدين ؟؟؟ للاسف مفيش تصور لما بعد ذلك واللي هيحصل زي ما الاخوان ماركبوا ثورة 25 يناير هنلاقي ان شاء الله اعضاء الحزب الوطني هيركبوا ثورة 30 يونيو وده مش مهم للكثيرين المهم مادام هم فشلوا ف تولي السلطة يبقى الاخوان كمان يتحروا منها حتى لو هيحكم ناس كنا اعترضنا عليهم سابقا وبعدين من قال ان الرئيس مبارك رعي الفساد او كان غاضض الطرف عنه بالعكس ده راجل كيوت خالص وعاطفي ورقيق حمدين صباحي بيقول ده كان بينده عليه ويقوله تعالى ياحمدين روح ياحمدين سبحان الله قمة التواضع بينده عليه باسمه !!!!! المهم خلونا ف الهدف من التوبيك هو نشر صور للمتخلفين واصحاب الافكار المنحرفة والفاسدين والشياطين اللي تبع التيار الاسلامي وف المقابل نشر صور الطرف الاخر اللي بيقدم البونبون والياسمين والورود عشان الناس تعرف ان عندنا فصيل عنيف والاخر مسالم جداااااااااااااااا

اى خوف من الاسلام ان كان هو نفسه لم يقدم اى مشروع اسلامى على الاقل كنا وجدنا على حسب كلامك واعتقادك كنا وجدنا مبرر نخاف من رئاسته اى خوف من الاسلام ان كان حتى لم يمنع الخمور ولا البارات ولا الراقصات على العكس السينما هاجحت وماجت فى عهده وقدمت اكثر مشاهد تلوث بصرى وعرى فى فترة الاخوان وهكذا الدراما والمسلسلات ولا نسيتيى مسلسل احبوشش هو لم يقدم اى شيء لا مشروع اسلامى ولا غير اسلامى ولا مشروع مدنى ولا نهضة ولا اى شيء خدام امريكا مرسي فقط وخدامين ماما امريكا لا يستطيعون ان يقدمو لمصر اى شيء امركا الان فى ثورة 30-6 فى صف مرسي تماما وهذا يؤكد ان المعارضة على الطريق الصحيح

أستاذ شرف عضو الحزب الوطني المنحل والمدافع عن الحرامي شفشق عرفت منين نوع الطيرات ؟ وطالما صدقت حكاية 7 سنين ليه ماصدقتش إنه فعلا مزور أنا معرفش إن مرسي بيسرق إنما متأكد إن شفيق مهربش إلا وهو عليه جرائم وخايف يجي يبين كدب مرسي والجماعة ويثبت كل شيء بالأدلة مش ( مجرد تخمينات ) وتكذيب لفرضيات زي مافيه حد بيفترض الكدب الطرف التاني بيفترض الصدق الشيء الواضح عند الطرف التاني إنه بيصرح بتأييده إنما الطرف الفل بيخاف يصرح أو بيكرر أي كلام يقراه في أي صفحة وينسبه لنفسه مش هكدب ومش هصدق يجي شفيق ويشوف المسألة ويثبت كدب مرسي دا موقع http://www.planespotters.net/Airline/EgyptAir http://www.planespotters.net/Production_List/Country/Egypt فيه أنواع و أعداد الطيرات اللي بتمتلكها شركة مصر للطيران أنا بحثت في بعض الانواع ولقيت إن الطائرة سعرها بيزيد مع السنوات مش بيقل يعني 2011 سعر مختلف عن 2005 بيزيد ودا سعر نفس النوع من الطائرات اللي تم نشرها على إنها الصفقة اللي تمت بسعر مختلف عن 70 مليون 737-800: US$84.4 million http://en.wikipedia.org/wiki/Boeing_737 واللي فهمته إن الطائرة بتتصنع بأعداد معينة وبعدها بيطلع نوع جديد من نفس الفئة وعليها نفس الاسم المهم ياريت تشوف الرابط وهتعرف إن المسألة مش بس نشوف الصفقة اللي تمت من 7 سنين و هيا دي المقصودة فيه تفاصيل كتير جدا في الموضوع أنا معرفتش أوصل لأي معلومة دقيقة ممكن أطرحها كمعلومة كلها إحتمالات لكن أنا مصدق إن شفيق حرامي لإنه فلول و هربان يجي ويثبت صدقه

عاجل :- وفاة الحالة رقم " 7 " الان وهو الشاب " محمد احمد عبدالحفيظ " احد شباب الاخوان المسلمين بالمنصورة أثر تلقية رصاصة برأسه الاربعاء البالغ من العمر 38 عاما شباب الإخوان يتساقطون ولا أحد من من تباكوا بالأمس على الرافضي وأتباعه تحدث أو إستنكر دمائهم يشرفهم صمتكم عن شهداء الإخوان

الاخ الفاضل لابد عمل نقل معلومات من الدورالاول في جوازات الرياض لو كنت في الرياض تخد معك شهادة الميلاد السعوديه وصوره الاقامه للطفله واقامتك