لوحة القادة

إن كانت الجنة ملكا لهؤلاء لكان من حقهم أن يمنحوها لمن يشاءون ..ويمنعوها عمن يشاءون ... فاقد الشيء لا يعطية لنفسه ولا يمنعه عن غيره ... أعرف أنك مهتم أستاذ زهيري بقضية العدل الإلهي وأعلم يقينك أن ربك لا يظلم أحدا وإنكارك الدائم على من يريدن أن يقسموا رحمة الله ... لا لن يحدث ... دعك مما يدعون ... فيقيني الذي لا يقبل الشك أنه هناك مؤمن وكافر ومشرك بين أتباع كل ديانة سماوية .. وأنه ليس شرطا لكي يدخل أهل الكتاب الجنة أن يتبعوا الدين الخاتم ولا شيء عليهم إن آمنوا ولم يتبعوا أو حكموا التوراة والإنجيل كما أمرهم ربهم بنص القرآن .. إن كان هناك من يتهم أهل الكتاب بأنهم حرفوا في كتبهم فعندنا من لم يستطع ذلك فلجأ إلى إيجاد أو اختراع مصادر تشريع أخرى وأقوال يقدسها أكثر من القرآن الذي هجروه أو اتخذوه مهجورا ... في النهاية ما أطمأن إليه هو قوله تعالى ( ولا يظلم ربك أحد ) لست أنت ولا أنا بأحن على عباده منه فهو خالقهم ورازقهم تحياتي

علي مدخل عيادة الدكتورة فتكات ... في بورد الأعلانات و التعليمات لزوار العيادة .. علقت الدكتورة التعليمات دي : 1- اللى لسة متجوزة جديد ... مش لازم على فكرة أول ما جوزك يعدى جنبك تبقى حامل !!!... عادى جدا انك تتنيلى وتقعدى كام شهر على ما تبقى حامل !!!..... لذلك حاولى تفرحى وتنبسطى بالكام شهر دول قبل ما تتقندلى ويبقى عندك عيال هتطلع عين اللى خلفوكى !!!.... مستعجلة على أيه ؟!! ربنا يولع فيكى بمولوتوف ... 2- اللى عايزة تركب "لولو" ..... على فكرة هو اسمه لولب عشان انا باتخنق لانى على لحم دماغى من الصبح !!... وعلى فكرة اللولب ما بيتربطش جامد بمفتاح مشرشر زى انبوبة الغاز مثلا ولا بربط عليه جامد علشان انا مش ميكانيكي سعادتك.... وعلى فكرة كمان : اللولب ده مش شقى قوى زى ما سعادتك بتسمعى ( لان سمعك تقيل)..... يعنى ولا بيسرح على القلب !! ولا حيطلع من بقك ... يعنى خالتك وأمك ومرات اخوكى مابيفهموش .... أيوة صدقى ولمى عفاريتك بعيد عننا .... 3- الست الحامل اللى بتأخذ اى علاج بناء على مشورة أو وصفة صاحبتها او امها او عمتها او خالتها او جارتها خليهم ينفعوكى !!... وما تجيش تسألينى ينفع مع الحمل ولا لأ ؟!! .... عشان أنا ما بردش على الاشكال الضالة اللى زيك !!!... وكمان عشان انا باقاوم شيطاني بالعافية اني أقول لك : طب ما ينفعش وريني يا فالحة حتعملي إيه بقي... أبقى اسأليني "قبل" ما تاخدي اي دوا مش بعد... 4- بالنسبة للأخ الزميل الصيدلي بتاع الزغزخانة ..... رأيك في العلاج اللي باكتبه ده آخر اهتماماتي علي فكرة... يعني عارف ان الابيلات دوا ضغط و السيدوفاچ دوا سكر و الپرجنيل بيدوه للرجالة ..... الخ من ملاحظاتك اللي مش عارف كنت هاعيش من غيرها ازاي...... اصرف الدوا و انت ساكت.... يا حنين زى الأب ... يا أطيب أب ... يا سفن -أب.... 5- رقم تليفوني اللي معاكم ده للضرورة.... الضرورة... لاتعنى مع احترامى الشديد لسيادتكم انك تتصلى وتسألينى الساعة 3 الفجر : ينفع ألبس بيجاما بأستك مع الحمل ولا لأ ؟؟؟... أو ينفع تصبغي شعرك و الحاجات دي فأنا أسف أصدمك و أقول لك الحقيقة المرة انها لا تندرج تحت بند الضرورة.... تصوري؟!!!.... الدكتور بني ادم برضه علي فكرة... محتاج ينام زينا و يعمل پيپي زينا ....و احيانا بيتهف في مخه و ياخد دش... مش لازم يطلع من الحمام يلاقي 53 ميسد كول من حضرتك .... حاولي تتخيلي و لو لحظة انه يمكن مثلا كان مزنوق؟... وبيعمل زى الناس !!.. 6- بالنسبة لشعر العيل اللي بيعمل حموضة!!!!! رأس البيبي بتبقي تحت علي فكرة.... يعنى مالهاش أى علاقة بالمعدة... و حاقعد ربع ساعة كاملة اشرحلك تأثير الحمل علي صمام المرئ و الارتجاع... لو المرة الجاية جبتي سيرة كلام ماما عن شعر العيل تاني حاحدفك بالطفاية اللى قدامى ... مش يحفروها الفيران ..ويقع فيها التيران !!!... 7- على فكرة يا مدام الحاجات السخنة مش بتسقط الجنين ماكانش حد غلب..... وبعدين الستات اللي بتقعد عالنت وتعملى فيها أم العريف ... هو انا فعلا بعد 14 سنة خدمة في ثانوي مستني المعلومة اللي سيادتك جايباها من منتدي فتكات عشان اعرف أعالج حالاتي... ارجوكي... روحي تابعي مع فتكات وزيرة الصحة والبرشام بتاعتك !!!... 8- بالنسبة للأخت اللي بتيجي مع الحالة و مالهاش أى تلاتين لازمة... انا باجاوب علي ال500 سؤال اللي الحالة بتسألهم و باستحمل تدخلك في وسط الكلام ذوق مني مش اكتر ..... إنما مش لازم أول ما الحالة تدخل اوضة الكشف أرد كمان علي تساؤلاتك بخصوص بنت أختك اللي في الإمارات .... ولا مرات ابنك التانية اللي متابعة مع دكتور تانى مش مريحها... تحبي اعطيكي بباقي الكشف لبان دكر كمان؟..... 9- الباشمهندز جوز المدام الحامل... بيبقى مخنوق قوي انها في البيت بتشتكي من أعراض الحمل و بتدخل ضارب لي بوز و قرفان قوي انها تعبانة و الكلمة الشهيرة "شوفي لنا حل" ؟ ..... الحل يا حبيبى ماكنتش اتشاقيت ياخويا... إنما خلاص أهي حامل و شايلة البطيخة علي قلبها الغلبانة... مش عاجبك كمان انها تشتكيلك من غممان النفس ولا رجليها اللي ورمت ولا انها بقت تقيلة؟! .... روح اشتكي لحد غيري انا حاسمعك كلام يضايقك... بلاش مرقعة بقي دانتو لو جالكو زكام بتعلنوا الطوارئ.... 10- و انا باعمل السونار... مش لازم كل زيارة تسألوني هو لسة ولد ولا هي لسة بنت!!!!! انا اعرف واحد نام و صحي لقي نفسه لسه راجل برضو علي فكرة... بتحصل يعني احيانا!!! على فكرة مش هيغيّر رأيي في نوع البيبي الحلم اللي حلمته طنت فلانة انها حتجيب بنت مش ولد .... ولا طنت علانة اللي بصت عالبريمة اللي في شعر اخوه و قالت اللي جاي بنت الخ الخ من هذا الفلكلور اللطشيف.... و بالنسبة للقفشة بتاعة هو البيبي لون عينيه إيه ولا شعره طويل و لا شبه مين فينا ...... أوكي............ هأ هأ هأ.... خلاص؟ و اخيراً... و انتي جاية تولدي... ابوس رجل أمك (و حماتك).... بلاش بيض مسلوق و ملوخية..... اتعميت بقي حرام عليكو!!!!....

اعتقد لا السيسى محتاج اللفب ولا الاستاذ طارق محتاج يكدب شئنا ام ابينا السيسى اصبح بطل شعبى وحجز لنفسه صفحة فى كتاب التاريخ صفحة العظماء

عزيزى الأستاذ طارق أشكرك على حوارك الممتع المفيد مع أخينا العزيز شرف الدين ما كنت سأرد بأجمل من ردودك أدعو الله ان يكون قد شرح صدر الأخ العزيز شرف الدين ليفهم أن الله الرحمن الرحيم وسعت رحمته كل شيئ فما بالك بقوم موسى الذين لم يروا آيات القرآن الكريم ؟ إنهم هم المعنيون فى المقام الأول بخطاب الله عز وجل فى السياق الكامل ومعهم من سيأتى بعدهم من المسيحيين الذين تنطبق عيهم الشروط ومن المسلمين الذين يرون آيات الله فى الآفاق وآيات القرآن الكريم يبدو أن الأستاذ شرف لم يلتفت إلى قولى "آيات الله المكتوبة والمرئية والمحسوسة" ويبدو أنه لا يعلم من الآيات سوى آيات القرآن الكريم

معذرة أستاذ : زهيري في الاستعجال بالرد مع احتفاظك بحقك فيه الدين السماوي واحد ... ورسالة النبي الخاتم تأتي مصدقة لما مع أهل الكتاب من التوراة والإنجيل ..... الدين عند الله الإسلام وهو دين الأنبياء جميعا

بعد أن ظن المتأسلمون أنهم تمكنوا من مصر، بدأوا في وصف من لاينتمي إلى تنظيماتهم وجماعاتهم بأوصاف سخيفة تنم عن جهل وحقد في صدور الغالبية منهم. وكانت أولى تلك الأقوال العنصرية هي وصف من لاينتمون اليهم بأنهم: علمانيين كفرة ليبراليين كفرة شواذ سينشرون الشذوذ في مصر حيقلع امي الحجاب الرجالة حتتجوز بعضها الى آخر تلك التفاهات والسخافات، وبعد الاستفتاء على التعديلات الدستورية في مارس 2011 خرج علينا واحدا من كبارهم ليقول قولته المشهورة فيما سمي "بغزوة الصناديق" ويطلب من المعارضين "للتعديلات الدستورية" ان يهاجروا ويتركوا البلد. وبعد أن عصر المصريون أطنانا من الليمون على أنفسهم وانتخبوا "محمد مرسي" بنسبة أعلى من النصف بقليل (51.5%) حتي لايعطوا فرصة للمرشح الأخر الذي حسبوه على النظام القديم، فلم يعي تنظيم الاخوان المسألة وظنوا كما يظن كل الأغبياء أنهم قد استلموا مفاتيح مصر وقد شبهه بعض شيوخهم بـ "سيدنا يوسف"، وبدلا من لملمة الصف المصري وتقريب النصف الأخر الذي لم يختر "محمد مرسي" من النصف الذي إختاره، قاموا بغباء بتقسيم من وقف معهم ووسعوا الخلاف معهم -وهو بالمناسبة كان خلافا قائما من قبل 25 يناير ولكنهم كانوا دائما يخفونه كعادة التنظيمات السرية- فاصبحوا وحيدين على الساحة. وبعد ان ظهرت فكرة تمرد في جمع استمارات تطالب "محمد مرسي" باجراء انتخابات رئاسية مبكرة، وهو عمل سبق ان قام به تنظيم الاخوان لتأييد مبادة "البرادعي" والمطالب السبعة، ولكن التنظيم أصم أذنيه وتعنت وعاند، وقام أعوانه من الارهابيين والمكفراتية بتهديد شعب مصر بالحرق والسحق والحرب الأهلية، ليخرج "وزير الدفاع" عن صمته وصمت الجيش وينذر بأن الجيش لن يقف متفرجا حال حدوث حرب داخلية أو أهلية تأتي على الأخضر واليابس وأعطى مهلة الاسبوع التي نعرفها جميعا، وبالغباء المعهود خرج مندوب مكتب الارشاد "محمد مرسي" بنفسه لينذر ويهدد ويتوعد الى ان جاء يوم 30 يونيو وزلزل الارض تحت ارجل التنظيم ومكتب الارشاد، ومع عدم الاستجابة من قبل التنظيم ومندوبه وازدياد حدة التهديد، خرج "وزير الدفاع" للمرة الثانية ليطلب من "الرئاسة" أن تتخذ موقفا إيجابيا خلال 48 ساعة والا ستضطر القوات المسلحة للتدخل وتنفيذ إرادة أغلبية الشعب التي خرجت في 30 يونيو. الى أن جاء يوم الفصل وتم عزل محمد مرسي، ليخرج الشعب المصري ليعبر عن فرحته التي لايريد تنظيم الاخوان والمتحالفون معه أن يصدقوها، ويبدوا في سلسلة جديدة من قلة الادب ووصف الشعب المصري والجيش المصري والداخلية المصرية بصفات أقل مايقال فيها انها لايصح أن تصدر من اناس سمعوا عن الاسلام من قبل ناهيك عن ادعائهم بأنهم "الأعلون" وأن الاسلام هو حكرا عليهم وانهم انما مصلحون ويدافعون عن الاسلام وكانت اقل تلك الاتهامات هي "عبيد البيادة". في مقابل هذا كان هناك شاعر "مدحت العدل" يرد لهم الهجاء على طريقة الفرذدق وجرير، فكتب الكلمات التالية والتي أعلم أنها ستوجعهم إن كان لايزال لديهم مشاعر انسانية. مدحت العدل : احنا شعب ... وانتوا شعب إحنا شعب وإنتو شعب واللى هز القلب منا عمره ماهزلكو قلب رغم إن الرب واحد.. لينا رب... وليكو رب ...................... وردة برية وبراءة.. إحنا بنشوف الطفولة وإنتو شايفينها سبايا تثبتوا بيها الفحولة إحنا يسعدنا خيالها.. لما ترسم ف الكتاب وإنتو لو عدى خيالها يطلعلكوا فى ثانية ناب إنتو بتحبوا الجهامة وإحنا بنحب ابتسامة إحنا حرية وكرامة وإنتو سجن وشرع غاب إحنا شعب وإنتو شعب ........................ مصر بالنسبه لنا ثومة والا ناصر.. أو حليم مصر بالنسبه لكو خيمة أو إمارة أو حريم إحنا نفديها بحياتنا ونحبها ونرضى بقليلها وإنتو عايزين تنهبوها وتسرقوا خيرها ونيلها إحنا يسقط منا شهدا زينة الدنيا وشبابها وإنتوا قلتوا كنتوا سعدا لما داسوا فوق ترابها إحنا أقرب وإنتوا بعدا إحنا ثورة وإنتو ردة ياطابور خامس وقاعدة للعدو الواقف ببابها إحنا شعب وإنتو شعب ............................. إحنا بنشوف ربنا رحمة للعبد اللى تاه عفو عن مخطئ مسىء توبة أو طوق للنجاة وإنتو تِعبان القبور والمقارع للحريم سد باب الرحمة غية واللى يغلط ف الجحيم واللى يضحك يبقى كافر والعبوس آخره النعيم إحنا بنحب الحياة وإنتو أعداء الحياة إحنا شعب وإنتو شعب ............................ إحنا بنشوف الحقيقة والعقيدة ف أى دين كنت قبطى أو يهودى والا ضمن المسلمين رب واحد... معنى واحد الرسالة يا مؤمنين ماتكدبوش ماتغيروش ف النوايا والوشوش حب جارك زى أهلك احفظه ولا تخونوش وإنتو تيجو تخونوه يختلف ف الرأى عنكو تحلوا دمه وتقتلوه وتقولوا ديننا قالنا أى دين يا أدعيا والا نبى م الأنبيا يأمر بكافر تصلبوه والا بوذى تبهدلوه والا شيعى تكفروه واللى بيفكر دا ضال وتحرموا حتى الحلال وتحللوا فكر الضلال وتحكمونا يا أغبيا إحنا شعب وإنتو شعب ........................... إحنا شايفين الرسول رحمة مهداة للبشر سعى من أجل الوصول للكمال المنتظر إحنا شايفين إن ديننا دعوة للنور والحضارة وإنتوا حاصرينه ف حكاية توب قصير أو ستارة إحنا شايفين ابن سينا وابن رشد والحسين وإنتوا شايفين ابن لادن والكهوف المظلمين إحنا عشاق الإرادة والحقيقة واليقين وإنتو تجار المنابر والبخور والمجذوبين الخادعين للخاضعين والآكلين الشاربين النازلين الصاعدين للمصالح والمناصب وأما أمريكا بتأمر تصرخوا بقولة آمين إحنا شعب وإنتو شعب ............................. إحنا مصرى بسيط وراضى عسكري جاى م النجوع يسمع الراديو الصغير الأدان يملاه خشوع يدعى ف الليل للى خلقه يحمى عيلته يزيد ف رزقه ف الدعا تنزل دموع عند رب العالمين صادقة من غير فلسفة لا صوت جهورى ف ميكروفون يصرخ يهدد بالوعيد وكأنه واخد م السما توكيل يكفر بعضنا يهدينا نرجع مسلمين يا عم مااحنا مسلمين ومؤمنين وموحدين من قبل حتى ما تتولد وإحنا اللى وحدنا الإله قبل الديانة ما تتوجد ولإن مصر المؤمنة قبل التاريخ فى دمنا عمرنا ما حنبقى زيك ولا أنت حتكون زينا لِمّ غنمك أو جمالك أو مباخرك أو عيالك والمشانق من حبالك والعشيرة والخيام خد زعيقك خد صريخك خد فتاويك واللجام خد حرام حرام حرام حلال عليك يا مسيلمة اللى سرقته مننا وإبعد بعيد عن أرضنا لأنكوا... ولإننا إحنا شعب......وإنتو شعب ------------ على الحجار ... احنا شعب وانتوا شعب http://www.youtube.com/watch?v=C3ILiv66Gio

هؤلاء هم العشرة الذين احتوتهم ال short list التي ذكرها الأستاذ عادل ابو زيد وهم طبقًا للترتيب الذي أعلنته المجلة : - الرئيس السوري بشار الأسد - جيف بيزوس مؤسس موقع أمازون - تيد كروز سيناتور عن ولاية تكساس - المغنية مايلي سايروس - البابا فرنسيس الثاني - الرئيس الأمريكي باراك أوباما - الرئيس الإيراني حسن روحاني - كاثلين سيبيلوس وزيرة الصحة والخدمات الإنسانية بالولايات المتحدة - إدوارد سنودين العميل السابق لوكالة الأمن القومي الأمريكية - إديث ويندسور ناشطة في حقوق المثليين

سيتم الاعلان عن رجل العام الذي تختاره مجلة تايم يوم ١١ ديسمبر و إسم و الفريق السيسي غير موجود إسمه في ال short list

انا مش عارف مين اختار صفة الرحمن و صفة الرحيم دونا عن ال 97 صفه الأخرى علشان يكونوا بدايه لكل قراءه للقرآن الكريم رغم ان الصفتين من صفه واحده و شيئ واحد و هو الرحمه !! بذمتك يا طارق هل شايف اي اتساق او منطق في ان الرب الإله يحط بلايين بلايين البشر (اللي جزء كبير جدا منهم بيعبده فعليا) في جهنم لأبد الابدين لمجرد انهم اقتنعوا بأن دينهم هو الطريق الأصوب اليه...و في الاخر يبقى اسمه الرحمن الرحيم؟ هي الناس دي بتفكر ازاي؟ و بأي جزء في اجسامها؟؟؟؟ سبحانك يا رب !!! هل من العقل او المنطق ان هذا الاله يدخل انسان صفيق شتام لعان زي وجدي غنيم او عبد الله بدر الجنه لأنه سلفي....و يخرج منها عالم مسيحي او يهودي اخترع الأنسولين و انقذ بلايين البشر من الموت ؟؟؟؟؟ الناس دي بهدلت صورة الرسول و صورة ربنا في اذهان الناس بشكل لم يسبقهم اليه احد ابدا

للإنصاف .. الآية المزعومة لم يذكرها البخارى ومع ذلك ينشرها المكذبون بآيات القرآن الكريم والذين أتخذوه مهجورا لفظ "الشيخة" يدل على أن من افترى الآية ليس عربيا ولو كان عربيا يقرأ القرآن الذى نزل بلسان عربى مبين لعرف أن المرأة المسنة لا يقال لها "شيخة" وهو تأنيث "شيخ" بل يقال لها "عجوز" قَالَتْ يَا وَيْلَتَىٰ أَأَلِدُ وَأَنَا عَجُوزٌ وَهَٰذَا بَعْلِي شَيْخًا ۖ إِنَّ هَٰذَا لَشَيْءٌ عَجِيبٌ (هود : 72) فَأَقْبَلَتِ امْرَأَتُهُ فِي صَرَّةٍ فَصَكَّتْ وَجْهَهَا وَقَالَتْ عَجُوزٌ عَقِيمٌ (الذاريات : 29) ويقول سبحانه عن امرأة لوط عليه السلام : " إِلَّا عَجُوزًا فِي الْغَابِرِينَ" (الشعراء : 171) و (الصافات : 135)

( وَاكْتُبْ لَنَا فِي هَذِهِ الدُّنْيَا حَسَنَةً وَفِي الْآَخِرَةِ إِنَّا هُدْنَا إِلَيْكَ قَالَ عَذَابِي أُصِيبُ بِهِ مَنْ أَشَاءُ وَرَحْمَتِي وَسِعَتْ كُلَّ شَيْءٍ فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَاةَ وَالَّذِينَ هُمْ بِآَيَاتِنَا يُؤْمِنُونَ (156) ) جملة تامة حكمها عام لأهل الكتاب جميعهم .... لمن يتقي منهم ويؤتي الزكاة ويؤمن فله الرحمة من ربه ( الَّذِينَ يَتَّبِعُونَ الرَّسُولَ النَّبِيَّ الْأُمِّيَّ الَّذِي يَجِدُونَهُ مَكْتُوبًا عِنْدَهُمْ فِي التَّوْرَاةِ وَالْإِنْجِيلِ يَأْمُرُهُمْ بِالْمَعْرُوفِ وَيَنْهَاهُمْ عَنِ الْمُنْكَرِ وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ وَيَضَعُ عَنْهُمْ إِصْرَهُمْ وَالْأَغْلَالَ الَّتِي كَانَتْ عَلَيْهِمْ فَالَّذِينَ آَمَنُوا بِهِ وَعَزَّرُوهُ وَنَصَرُوهُ وَاتَّبَعُوا النُّورَ الَّذِي أُنْزِلَ مَعَهُ أُولَئِكَ هُمُ الْمُفْلِحُونَ ) جملة أخرى مبتدأها الذين ...... وخبرها جملة ( أُولَئِكَ هُمُ الْمُفْلِحُونَ ) تدعو للكمال الإيماني ( الذين يتبعون ) وليس لتخصيص الرحمة

والله ضحكت لما اتخيلت بقية الجملة .. " بس انت اعملها" .... بما اننا بتكلم عن الدعاء بالرحمة علي المتوفين ... دعابة سريعة فقط لتهدئة جو الحوار الذي يدور بين أفاضل مثقفين و زملاء أحترم فكرهم ...

وضع آية في كتاب الله أو اختراع آية ثم ضمها للقرآن ( نصا أو حكما ) الغاية منه التحريف فيه .... وأنى لهم ذلك .... وكيف يتشدق هؤلاء من تحريف أهل الكتاب لكتبهم ثم يسعون جاهدين لهذا التحريف ... وهذه بداية ... لا أدري كيف يكمل هؤلاء من قال عنه الله سبحانه تعالى ( اليوم أكملت ....) ثم الآية المدعاة ( الشيخ والشيخة إذا زنيا فارجموهما البتة نكالاً من الله والله عزيز حكيم ) فسروا الشيخ والشيخة بأنهما كل محصن أو محصنة لأن الشيخ والشيخة لا يزنيان لكبر سنهما ... ومع ذلك غلظوا لهما العقوبة ولما وجدوا الله بدأ بالزانية ( المؤنث ) بدأول هم بالشيخ المذكر ظلمات بعضها فوق بعض

و هي دي عايزه كلام؟؟؟؟ طبعا اللي بيحكم لصالحهم هو الحق و الحقيقه و العدل و العكس صحيح و القضاء الشامخ هو اللي اشرف على انتخابات الرئاسه و نجح مرسي و القضاء الغير شامخ هو اللي بيحكم عليهم بالسجن رغم انه هو هو نفس القضاء !!!!! سبحانك يا رب

ما هذا الأسلوب ؟؟؟ عموما مشكور ما قصرت لكنني سأنتفش و اتفلسف كما يحلو لي و ليس لحضرتك و لا لغيرك وصاية علي فيما أعتقد أو اقول أو أفعل تحياتي و احترامي لذوقك ...

مازلت مصر ان المواطن العادي لا يفرق معه هذا ،وان ده كما سبق وذكر لا يعني ان الشخص ممتاز وحقق انجازات او العكس ما مثلا مجلة the week حاطة صورة السيسي ع الغلاف يبقى كده ده شئ كويس http://theweek.com/article/covers/newest/1/51797

جدة من احسن الاماكن اللي ممكن تعيش فيها في السعودية بلد روحها قريبة من مصر بشكل كبير فيها بحر وان كان مش حلو زي بحر اسكندرية مثلا وقريبة من مكة والمدينة ودي ميزة هايلة وان كان دا هايخليك لازم تشوف اي حد جاي يعمل عمرة من اسرتكم وتعمل معاه الواجب جوها حلو معظم السنة بس في الصيف رطوبة عالية بشكل يخنق وصعب تخرج اي مكان مفتوح وخصوصا الكورنيش ممكن تلاقي نفسك بتعصر هدومك من العرق وتقريبا مفيهاش شتا الترفيه الوحيد في جدة هو المولات بشكل اساسي وفيه حدائق مفتوحة وكورنيش معقول للفسح متقلقش من الترفيه صعب تزهق في جدة الشتا في جدة شبة ايام الصيف الحلوة في مصر يعني ممكن بس تلبس قميص بكم لو بردان بس طبعا دا ميمنعش انك تخلى معاك جاكت علشان لو سافرت اي مكان بعيد زي المدينة مثلا بيكون فيها الشتا شديد حقيقي مش عارف مستقبل وظيفة الستور كيبر بس اللى انا شايفه انك في مصر مش شغال في مجالك وشغال مبيعات برضه فاظن مش فارقة انك تشتغلها في مصر او السعودية كلها مبيعات واهو في السعودية بفلوس احسن بشكل عام انت ممكن تفكر في السفر لو المبلغ المعروض عليك في السعودية لا يقل عن 3 اضعاف دخلك في مصر غير التأمين الصحي لا يقل عن Class B ودا مهم جدا وتذاكر الطيران غير كدا الموضوع مش جايب همه بالنسبة لمصاريفك ممكن 1000-1500 ريال يكفوك طبعا دا متوقف على انك مدخن او لا او انك بتعرف تطبخ ولا هاتقضيها من بره بالنسبة لموضوع الشقة اللى عاوز تسافر علشان تجيبها انا مش عاوز احبطك بس موضوع الشقة دا يمكن حلم 90% من المصريين الى في السعودية وبيسعوا وراها لسنيييين وتقسيط ومقدم فلو هدفك انك تجيب شقة اعمل حسابك على مدة في حدود 5 سنين على الاقل لو كنت سعيد الحظ وعرفت تظبط ميزانيتك وتلاقي حاجة بسعر معقول في مصر وانت لو قعدت في السعودية المدة دي صدقني في الغالب مش هاتكون عاوز ترجع بعدها بالنسبة للنقطة دي معاك حق علشان كدا لازم تسال مهنتك في التأشيرة مسموح له زيارة ولا لأ لو مهنتك بيها زيارة ممكن تجيب والدتك زيارة مرة او مرتين في السنة وكمان لازم تعرف مهنتك ليها استقدام ولا لأ علشان لما تتجوز تعرف تجيب زوجتك ودا مهم جدا بالنسبة للقيادة طبعا احسن لك انك يكون معاك سيارتك علشان جدة مفيهاش مواصلات عامة تقريبا معندكش غير التاكسي واقل مشوار 10 ريال يعني ميزانية لوحده وطالما انك معاك رخصة مصرية حاول تقوي نفسك في السواقة قبل ما تيجي متغلطش وتيجي تتعلم السواقة في السعودية هاتتكلف كتيييير واحتمالات فشل في اختبار الرخصة عالية اتعلم كويس في مصر وطالما معاك رخصة مصرية بتسهل كتير الحصول على الرخصة السعودية السعودية مش هاتلاقي فيها الـ 28!! دا لو واحد ساقها في السعودية ممكن الناس تتعامل معاه كانه من كوكب اخر وحتى الماروتي قليله بيستعملوها في الديليفري السيارة الصغيرة ممكن تقول الكيا بيكانتو او الكيا ريو دي قسطها الشهري او هاتشتريها جديد من 800 - 1000 ريال ممكن كمان الدايهاتسو سيريون بس كل السيارات دي ملهاش سعر عند اعادة البيع لو حابب تشتري مستعمل يبقى حاول تحوش 20000 - 25000 ريال علشان تشتري حاجة معقولة مبلغ زي دا ممكن يجيلك يارس او اوبترا بحالة متوسطة بس بشكل عام السيارة ضرورة ومهمة بس خلى القرار فيها لما تيجي وتشوف الدنيا فيها ايه اخيرا لما تيجي من مصر متكترش اهم حاجة هات معاك صور من كل شهاداتك وصور شخصية ليك وفلوس طبعا علشان متضمنش الظروف اول ما تيجي هاتكون ايه واستخير وتوكل على الله وبالتوفيق

ألم تتساءل يوما عن جدوى هذه الحياة ؟؟ و لماذا نحن فيها؟؟ و إلى أين ذاهبون؟؟ هل فكرت أن تخرج عن الاجابات البسيطة والساذجة التي كانوا يقولونها لنا و نحن صغار؟؟ هل عرفت أن الله أكبر من كل اسئلتك و من كل مخاوفك و من كل تصوراتك هل رغبت بالجنة و هل خفت من النار ؟؟ هل تعتقد أن الله تعالى خلق كل هؤلاء البشر ليختص منهم جماعة ثم يلقي بالباقين جميعا في النار؟؟ لماذا تقضي حياتك في محاولة معرفة من الناجين بينما لا عليك الا استنقاذ نفسك من مصير تخشاه ؟؟!!! الكون الفسيح أكبر من استيعابنا و الله أكبر اتساءل ...لما تشغل نملة نفسها بما هو فوق استيعابها و فوق حدود ادراكها؟؟؟ لمه لا ندع الخلق للخالق و نكف عن تقييم البشر حولنا ونكف عنهم الأختام بهذا مؤمن وهذا كافر ؟؟؟ قُلْ هَلْ نُنَبِّئُكُمْ بِالْأَخْسَرِينَ أَعْمَالاً{103} الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً{104} الكهف من منا على يقين بعد هذه الآية المرعبة أنه على الحق ؟؟؟ و أنه ليس ممن ضل سعيهم في الحياة الدنيا و هم يحسبون أنهم يحسنون صنعا؟ من يفني في حياته في تقييم من حوله يفوته العمل لنفسه كمن يترك ورقة الاجابة في امتحان لينظر في أوراق الاخرين و يبدأ في تصحيحها واعطاء الدرجات !!! فيمر الوقت و ورقته خالية !!! لم يكتب فيها شيئا ! دعوة صادقة من القلب لتقييم أنفسنا و محاسبتها يوميا أو أسبوعيا أو حتى شهريا ماذا كسبنا من آثام و ماذا خسرنا من حسنات في الظن في هذا و شتم هذا و لعن هذا و تكفير هذا دعوة لترك كل ما يجذبنا للمعاصي و الاهتمام بأدوارنا نحن في هذه الحياة و التي سنحاسب عليها أمام رب العالمين و لنترك محاسبة العباد على رب العباد 1 - { وَلاَ تَطْرُدِ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ مَا عَلَيْكَ مِنْ حِسَابِهِم مِّن شَيْءٍ وَمَا مِنْ حِسَابِكَ عَلَيْهِم مِّن شَيْءٍ فَتَطْرُدَهُمْ فَتَكُونَ مِنَ الظَّالِمِينَ } الأنعام 52 2 - { وَمَا عَلَى الَّذِينَ يَتَّقُونَ مِنْ حِسَابِهِم مِّن شَيْءٍ وَلَـكِن ذِكْرَى لَعَلَّهُمْ يَتَّقُونَ } الأنعام 69 3 - { إِنْ حِسَابُهُمْ إِلَّا عَلَى رَبِّي لَوْ تَشْعُرُونَ } الشعراء 113 تحياتي وجمعة مباركة و آخر دعوانا أن الحمد لله رب العالمين و الصلاة و السلام على أشرف المرسلين المبعوث رحمة للعالمين خاتم النبيين و سيد المرسلين وسيد الخلق أجمعين سيدنا وحبيبنا المصطفى صلوات الله عليه و على آله الطيبين الطاهرين اللهم صل على محمد وآل محمد

طال غيابك يا دكتورمحمود طال غيابك يا أستاذ محمد لعل المانع خير ان شاء الله تذكرت هذا الموضوع عندما قرات إحدى روائع جمال بخيت دين أبوهم إسمه إيه دين أبونا يا مسلمين في يقيني أعز دين كلمة النور الأمين كلمة الحق المبين حكمة يكتبها الإله فوق جبين الطيبين دين أبونا يا محمد انت سره ومبتداه انت إحساسه ومداه دقة عارفينها في قلوبنا لما نخشع للإله لما نطلب يوم رضاه لما نركع لما نسجد لما نفرح بالحياة دين أبونا إبراهيم رش جمر النار حنين ع الخرايط والأماكن اتولدنا طوافين ذاكرين دين أبويا لو مسيحي رحمة لاجل العالمين نصرة لاجل المظلومين كلمة الحب اللي بايس الصليب جوه الكنايس ندهة الأجراس لمريم والأمان للمجدلية رحمة ليكو ورحمة ليا المسيح شايل آلامنا لاجل يهدينا السلامة خد أيمن خد أيسر العبادة مهيش كلام عيش بإسم الإنسانية وانسى نية ، تدفعك للانتقام دين أبويا دين إلهي أينما كان اتجاهي حتى لو كان دين يهودي احنا مش ضد اليهود موسى في القرآن وليد يحضنه نيل الخلود بين إيديه تسعى عصاته حية وجدودنا شهود سحرة آمنوا برب موسى انقسم له بحر عاتي والجبل عرف السجود رجعت الحية عصاية حضنت التوراة وصايا إوعى تقتل إوعى تسرق إوعى تزني إوعى تقبل بالخضوع بحر خير االكون يواتي لما نفرد له القلوع والجحيم ياكل سنينكم لو فقير فيكم يجوع الوصايا هي هي أرتضيها زي ما هي في ضميري وفوق شفاهي دين أبويا دين إلهي أينما كان اتجاهي حتى لو كان مش إلهي المجوسي يترعب من النار ويعبد الإله اللي في خياله ليه حرامه وليه حلاله تسمعه في معبد دعاء تلهمه رعشة رجاء للبقر ناس يعبدوه ويدينوله بالولاء مش غباء تعرفوا في البقرة إيه بيقدسوا ؟ العطاء دين أبويا أي دين فيه عصاة أو مخطئين بس في نهاية المطاف فيه ملايكة ومؤمنين والرضا للصالحين والهنا للصابرين فيه ملاذ للعابدين الشاكرين المشتاقين رغم الضياع لليقين دين أبويا أي دين اللي انا بقى معرفوش الوحوش الكروش اللي لو طالوا رقابينا بينهشوا مبيرحموش دين أبوهم إسمه إيه ؟ اللي داسوا فوق رؤوسنا بالبيادة اللي مشيوا بالبلاد للبلادة اللي فتاويهم فساد للعقل يقضى ع العبادة اللي مسحوا من الآيات معنى الشهادة دين أبوهم اسمه إيه؟ لوثوا الدم في عروقنا سدوا عين الشمس فوقنا سرقوا ضوءنا صادروا نيلنا ودفعونا تمن وضوءنا دين أبوهم اسمه إيه؟ اللي باع وطن بحاله خضرته وصفرة رماله نسوته وشهوة رجاله بهجته ودمه وعياله خطوته وسنين نضاله ثورته ضد احتلاله دين أبوهم اسمه إيه؟ مين إلهه ؟ مين رسوله؟ فين كتابه؟ فيه ملايكة وللا غابوا؟ فيه شياطين وللا تابوا ؟ لما شافوا التابعين شرهم زاد عن جهنم شر لا يمكن حسابه دين أبوهم اسمه إيه؟ حتى فرعون اللي صدق انه من نسل الإله واللي قال انه الإله كان بيبني الأهرامات للمات قبل الحياة كان له بعث ويوم حساب كان له دولة ، حضور ، إدارة كان منارة ترشد الكون للحضارة كان له جيش فارض وجوده كان محارب بين جنود واما يتجاوز حدوده كان له رب يغرقه وينقذ يهوده حتى فرعون اللي صدق انه من نسل الإله واللي قال انه الإله كان له كهنة في العلوم يقروا في كتاب الكواكب يرصدوا سير النجوم يفتحوا له سكك بيبان في سراديب الزمان ويقولولو ازاي يدوم حنطوه خلدوه بالمعاني والمباني والرسوم كانوا كهنة مؤمنين خلوا كلمة مصر دين حاضرة في العهد القديم حاضرة في العهد الجديد حاضرة في القرآن حضور الآيات فيها تدور مفردة عز وجلال معلنة وبين السطور تخترع ثانية وشهور تخترع شعر وبحور حتى فلاحها الفصيح شكوته بتشع نور إيه يا مصر إيه يا أرض الطبيبين اللي حكموا في الزمان ده يبقوا مين ؟ دين أبوهم اسمه إيه؟ حد يعرف فيكوا دين كل أتباعه لصوص أو قوادين ؟ في المعاصي مولودين في الكراسي مأبدين في التفاهة معدودين في السفاهة مفرودين ع البلاهة مسنودين للشراهة مجندين ع القرف متعودين ع الشرف متمردين ع الوطن متنمردين بالخيانة موحدين اللي يعرف دين كده يقوللي عليه دين أبوهم اسمه إيه؟

مش من بلدنا اللى باع الأمان مش من ولادنا اللى اشتراه الشيطان براء منه كلنا براء منه أمِّنا براء منه مصرنا مش من بلدنا ولا من ولادنا مش من بلدنا ياللى تهدر دمى ولا من ولادنا ياللى تقهر أمى ولاتعرف مدى حبنا وقلوبنا على بعضنا مش من بلدنا ولا من ولادنا مش من بلدنا ولا انت ابدا ابن مصر ولا من ولادنا حاربت يوم من اجل مصر ولا فرحت لفرحنا ولا حزنت لحزننا مش من بلدنا ولا من ولادنا مش من بلدنا ياللى تجرح بلدى ولا من ولادنا ياللى تقتل ولدى طالت جروح مصرنا وصبر على جرحنا مش من بلدنا ولا من ولادنا مش من بلدنا اللى باع الأمان ولا من ولادنا اللى اشتراه الشيطان براء منه كلنا براء منه أمنا براء منه مصرنا مش من بلدنا ولا من ولادنا http://www.youtube.com/watch?v=zk_Be4fzOew