لوحة القادة

ليلة أمس كانت فريدة آخر مرة رأيت مثلها كانت عام 72 غطت الثلوج شوارع الاسكندرية ومدن أخرى فى مصر كنت فى زيارة عائلية .. شتاء صريح .. البرد قارس مررت فى الطريق بجنود (جيش وشرطة) من فى السيارة يرتعدون .. فما بال الواقفين فى الشارع الجنود يرتدون جاكت بلاستك لتقليل بلل ملابسهم ..كيف حال أقدامهم ؟ كنت سائرا بالسيارة فى طريق عبد السلام عارف (شارع التروماى) رأيت طفلا لا يتعدى عمره الخامسة عشر محتميا ب "تندة" المحطة .. مربع إيديه .. لابس قميص .. يرتعد من البرد تذكرت زوجتى "بؤجة" ملابس قديمة كانت قد أعدتها للتبرع كادت تبكى وهى تقول : "ياريتها كانت معانا .. كنا ادينا منها للولد ده" لوكنت قريبا من المنزل كنت عدت وأحضرت له ما يقيه ذلك البرد القارس اتفقت أنا وزوجتى على وضع "حاجتين تلاتة فى شنطة العربية" لمثل هذا الموقف ليتكم تفعلون ذلك التوقف لمدة دقيقة لن يؤخرنا .. بل سوف يقدمنا كثيرا إلى رحمة الله بنا دقيقة واحدة تساوى ثقل الجبال فى ميزان حسناتنا إن شاء الله

كل الشكر لقناة الجزيرة الجزيرة التي تعكف بادارتها و كافة المجاذيب الجهلة من (مخلفات) الجماعة المحظورة أياما و أسابيع (تنبش) و تبحث عن (تسريبات) من بين السطور المكتوبة و أحاديث الغرف المغلقة عن ما تسيء به الى رجل سكن قلوب المصريين قبل عقولهم و أعطي نموذجا للوطنية و أزاح رؤوس الأفاعي بسمومهم و رؤوس الأغنام بجهلهم و تخلفهم و أطاح بمن تزاوج فكرهم المريض مع كل فكر ارهابي يقطر كرها للبشر و للانسانية فصار عتاة القتلة السفلة الأرهابيين كارهي الانسانية و تراثها و المسيئين لدين الله و قيمه السمحة هم متصدروا المشهد في وطن حضارته كانت من عمر التاريخ ... تنبش و تبحث و تنقّب لتخرج لنا بعد كل هذا الجهد المضني بما يزيد من شعبية الرجل و يعلي من أسهمه في الوقت اللي كان مندوب مكتب الأرشاد كلما فتح فاه ينطق عتها و جهلا و تخلفا فيسأل السلامة للخاطفين و المخطوفين ... و يحدثنا عن الحارة المزنوقة على منحدر الصعود و عن القرد و القرداتي !!! المستنقع اللي كانت فيه البلد و ربنا نجانا منه بفضل الله ثم انتفاضة شعب رفض ان الأرهاب و الجهل يكونوا على راس ادارته مش هايرجع إستمروا في (النبش) كلصوص المقابر لصوص المقابر اللي سرقوا ثورة المصريين و حلمهم بعد 25 يناير ألاعيبهم الساذجة الآن لا تقنع حتى الأطفال من غير دراويش الجماعة الموتورة .

علي مدخل عيادة الدكتورة فتكات ... في بورد الأعلانات و التعليمات لزوار العيادة .. علقت الدكتورة التعليمات دي : 1- اللى لسة متجوزة جديد ... مش لازم على فكرة أول ما جوزك يعدى جنبك تبقى حامل !!!... عادى جدا انك تتنيلى وتقعدى كام شهر على ما تبقى حامل !!!..... لذلك حاولى تفرحى وتنبسطى بالكام شهر دول قبل ما تتقندلى ويبقى عندك عيال هتطلع عين اللى خلفوكى !!!.... مستعجلة على أيه ؟!! ربنا يولع فيكى بمولوتوف ... 2- اللى عايزة تركب "لولو" ..... على فكرة هو اسمه لولب عشان انا باتخنق لانى على لحم دماغى من الصبح !!... وعلى فكرة اللولب ما بيتربطش جامد بمفتاح مشرشر زى انبوبة الغاز مثلا ولا بربط عليه جامد علشان انا مش ميكانيكي سعادتك.... وعلى فكرة كمان : اللولب ده مش شقى قوى زى ما سعادتك بتسمعى ( لان سمعك تقيل)..... يعنى ولا بيسرح على القلب !! ولا حيطلع من بقك ... يعنى خالتك وأمك ومرات اخوكى مابيفهموش .... أيوة صدقى ولمى عفاريتك بعيد عننا .... 3- الست الحامل اللى بتأخذ اى علاج بناء على مشورة أو وصفة صاحبتها او امها او عمتها او خالتها او جارتها خليهم ينفعوكى !!... وما تجيش تسألينى ينفع مع الحمل ولا لأ ؟!! .... عشان أنا ما بردش على الاشكال الضالة اللى زيك !!!... وكمان عشان انا باقاوم شيطاني بالعافية اني أقول لك : طب ما ينفعش وريني يا فالحة حتعملي إيه بقي... أبقى اسأليني "قبل" ما تاخدي اي دوا مش بعد... 4- بالنسبة للأخ الزميل الصيدلي بتاع الزغزخانة ..... رأيك في العلاج اللي باكتبه ده آخر اهتماماتي علي فكرة... يعني عارف ان الابيلات دوا ضغط و السيدوفاچ دوا سكر و الپرجنيل بيدوه للرجالة ..... الخ من ملاحظاتك اللي مش عارف كنت هاعيش من غيرها ازاي...... اصرف الدوا و انت ساكت.... يا حنين زى الأب ... يا أطيب أب ... يا سفن -أب.... 5- رقم تليفوني اللي معاكم ده للضرورة.... الضرورة... لاتعنى مع احترامى الشديد لسيادتكم انك تتصلى وتسألينى الساعة 3 الفجر : ينفع ألبس بيجاما بأستك مع الحمل ولا لأ ؟؟؟... أو ينفع تصبغي شعرك و الحاجات دي فأنا أسف أصدمك و أقول لك الحقيقة المرة انها لا تندرج تحت بند الضرورة.... تصوري؟!!!.... الدكتور بني ادم برضه علي فكرة... محتاج ينام زينا و يعمل پيپي زينا ....و احيانا بيتهف في مخه و ياخد دش... مش لازم يطلع من الحمام يلاقي 53 ميسد كول من حضرتك .... حاولي تتخيلي و لو لحظة انه يمكن مثلا كان مزنوق؟... وبيعمل زى الناس !!.. 6- بالنسبة لشعر العيل اللي بيعمل حموضة!!!!! رأس البيبي بتبقي تحت علي فكرة.... يعنى مالهاش أى علاقة بالمعدة... و حاقعد ربع ساعة كاملة اشرحلك تأثير الحمل علي صمام المرئ و الارتجاع... لو المرة الجاية جبتي سيرة كلام ماما عن شعر العيل تاني حاحدفك بالطفاية اللى قدامى ... مش يحفروها الفيران ..ويقع فيها التيران !!!... 7- على فكرة يا مدام الحاجات السخنة مش بتسقط الجنين ماكانش حد غلب..... وبعدين الستات اللي بتقعد عالنت وتعملى فيها أم العريف ... هو انا فعلا بعد 14 سنة خدمة في ثانوي مستني المعلومة اللي سيادتك جايباها من منتدي فتكات عشان اعرف أعالج حالاتي... ارجوكي... روحي تابعي مع فتكات وزيرة الصحة والبرشام بتاعتك !!!... 8- بالنسبة للأخت اللي بتيجي مع الحالة و مالهاش أى تلاتين لازمة... انا باجاوب علي ال500 سؤال اللي الحالة بتسألهم و باستحمل تدخلك في وسط الكلام ذوق مني مش اكتر ..... إنما مش لازم أول ما الحالة تدخل اوضة الكشف أرد كمان علي تساؤلاتك بخصوص بنت أختك اللي في الإمارات .... ولا مرات ابنك التانية اللي متابعة مع دكتور تانى مش مريحها... تحبي اعطيكي بباقي الكشف لبان دكر كمان؟..... 9- الباشمهندز جوز المدام الحامل... بيبقى مخنوق قوي انها في البيت بتشتكي من أعراض الحمل و بتدخل ضارب لي بوز و قرفان قوي انها تعبانة و الكلمة الشهيرة "شوفي لنا حل" ؟ ..... الحل يا حبيبى ماكنتش اتشاقيت ياخويا... إنما خلاص أهي حامل و شايلة البطيخة علي قلبها الغلبانة... مش عاجبك كمان انها تشتكيلك من غممان النفس ولا رجليها اللي ورمت ولا انها بقت تقيلة؟! .... روح اشتكي لحد غيري انا حاسمعك كلام يضايقك... بلاش مرقعة بقي دانتو لو جالكو زكام بتعلنوا الطوارئ.... 10- و انا باعمل السونار... مش لازم كل زيارة تسألوني هو لسة ولد ولا هي لسة بنت!!!!! انا اعرف واحد نام و صحي لقي نفسه لسه راجل برضو علي فكرة... بتحصل يعني احيانا!!! على فكرة مش هيغيّر رأيي في نوع البيبي الحلم اللي حلمته طنت فلانة انها حتجيب بنت مش ولد .... ولا طنت علانة اللي بصت عالبريمة اللي في شعر اخوه و قالت اللي جاي بنت الخ الخ من هذا الفلكلور اللطشيف.... و بالنسبة للقفشة بتاعة هو البيبي لون عينيه إيه ولا شعره طويل و لا شبه مين فينا ...... أوكي............ هأ هأ هأ.... خلاص؟ و اخيراً... و انتي جاية تولدي... ابوس رجل أمك (و حماتك).... بلاش بيض مسلوق و ملوخية..... اتعميت بقي حرام عليكو!!!!....

ذكر الدكتور عمرو موسي أنه كان يقرأ سلسلة كتب سياسية و كان الكتاب ثمنه قرشان صاغ. . . هل تعرفون أو سمعتم عن ال "نص فرنك" ما سبق كان إستهلالا لابد منه أذكر نفسي سنة 1951 تقريبا أنني كنت أشتري روايات شكسبير - طبعا طبعات مختصرة و صغيرة - ب قرش صاغ واحد و كان وقتها مجلة سندباد ثمنها قرشان صاغ و مجلة علي بابا التي كانت تصدرها شركة الشمرلي كان ثمنها 15 مليم و لسبب ما أحببت القراءة و كان في بيتنا في "الشوفينيرة" أكواما من مجلة آخر ساعة و مجلة المصور و أذكر أني قرأت ريبورتاج إغتيال غاندي - قبل سنوات أذكر عمتي صفية و تقرأ خبر إغتيال غاندي و تقول يا لهوي عليك يا غاندي - في أحد أعداد مجلة آخر ساعة. المهم هذا ما كان عليه المناخ الثقافي. كان هناك كتب تشتريها ب قرش أو قرشان و فوق ذلك كان هناك مكتبات عامة مفتوحة لكل الناس ، ليس هذا فقط كان هناك مكتبات في المدارس ، بل أنني تعلمت نظام ديوي لتصنيف المكتبات في المدرسة الثانوية في الهوايات. كل هذه المقدمة لكي أشكي لكم من جفاف منابع الثقافة ماذا نقرأ و أين نقرأ ؟ في كل صباح أقضي ما يقرب من الساعتين في قراءة صحف الصباح الأهرام و المصري اليوم كما أتصفح العديد من المواقع الإخبارية و بصدق أشعر بالخفة و عدم الجدية في أغلب ما هو مكتوب في الصحف. أقضي وقتا كبيرا في تصفح مجموعة من المجلات الأجنبية Newsweek ؛ science new ؛ technology reviews ؛ the I paper و أكاد أصعق من الفجوة الرهيبة في التغطية الإعلامية في بلاد الغرب المجلة الأخيرة the I paper جريدة يومية إنجليزية ثمنها عشرون بنسا يعني تقريبا مجانية و تحوي تغطية إعلامية متكاملة تغنيك عن العشرات من الصحف البريطانية. و أحلم بأن أجد مثلها في مصر. عفوا فاتني أن أذكر أنني أقرأ كل هذا علي ال iPad و نظير إشتراك شهري ضئيل ثلاث دولارات للنيوزويك ، و خمسة جنيهات إسترلينية شهريا ل مجلة the I paper و هي بالمناسبة أحد منشورات جريدة الإندبندنت البريطانية. هل أحلم بيوم تعود فيه المكتبات العامة. ؟

بدأنا حياتنا الثقافية مستعينين بعربات اليد نعم عربات اليد كان فى ميدان محطة مصر رجل صاحب عربة يد عليها جميع أصناف الكتب عربى وافرنجى قصص .. مسرحيات .. روايات .. أدب .. شعر دين .. سياسة .. تاريخ .. مجلات كنا نعرف الرجل ويعرفنا كنت أدفع له شلن (5 صاغ) أو بريزة (10 صاغ) وكنت آخذ منه الكتاب بسعر قرش (تعريفة) كحد أدنى وصاغ (قرش) كحد أقصى يعنى أغلى كتاب كان بقرش صاغ وكانت معى نوتة صغيرة يدون فيها اسم الكتاب والمبلغ المخصوم من الشلن أو البريزة أسحب كتابا كل أسبوع أوعشرة أيام .. الراجل ما كانش بيدق .. أقرأ الكتاب أعيده .. وآخذ غيره وكله على النوتة .. إلى أن ينتهى رصيدى لا أستطيع أن أحصى عدد الكتب التى قرأتها من على عربة اليد ولكنى أذكر لنجيب محفوظ الثلاثية .. رادوبيس .. كفاح طيبة القاهرة الجديدة (القاهرة 30) ولطه حسين شجرة البؤس .. الأيام .. على هامش السيرة وللعقاد سارة .. العبقريات .. التفكير فريضة اسلامية ثم أذكر وأنا فى ثانوى كتاب "فن الممثل" لستانسلافسكى ترجمة درينى خشبة ومسرحية فيما وراء الأفق ليوجين أونيل وعندما مثلنا المسرحية الشعرية الفصحى "العباسة" لعزيز أباظة وكانت مطبوعة ستنسيل لفريقالتمثيل .. فرحت جدا أننى وجدها على العربة فاشتريتها بنص فرنك بحاله .. قرشين صاغ بحالهم :) عن المكتبات .. حدث ولا حرج مكتبة أبى يرحمه الله التى توارثناها وأضاف كل منا إليها كنا نجمع "كتاب الشعب" ويقوم أخى بتجليده فى مجلدات فاخرة كانت تصدره أسبوعيا جريدة"الشعب" فى أجزاء كل جزء بعشرة قروش جمعنا تاريخ الطبرى .. تاريخ ابن كثير .. فقه السنة ملحوظة (كان هذا فى عهد عبد الناصر الذى يتهمه الأخوان بمحاربة الاسلام) مكتبة المدرسة .. مكتبة البلدية - شارع منشا - محرم بك المكتبة الأمريكية أمام استاد اسكندرية .. أعتقد مكانها الآن بنك بيريوس بدات أدخلها وأنا فى ثانوى ومعى قاموس الياس العصرى انجليزى - عربى نصحنى أخى باستخدام قاموس انجليزى - انجليزى وأهدانى قاموس "مايكل وست" الذى استلمه من وزارة المعارف العمومية وهو طالب فى ثانوى يعنى فى الأربعينات .. ولا زلت أحتفظ بالقاموس عن المجلات والجرائد الصادرة بالإنجليزية فى الحقيقة الانترنت مجال خصب لمن يريد أن يقرأ ما رأيكم فى فتح قسم للصحف والمجلات العالمية فى "المحاورات" ؟

تسجيل متمنتج .. أى حد "عنده فكرة" حيلاحظ الكلام ده اللى يدخل مواقع الدراويش حيفتكر المثل الشعبى هبلة ومسِّكوها طبلة :) وبالذات .. حكاية السيف دى عاملة لهم وش فى نافوخهم أصلهم بيصدقوا الكلام ده إذا كان سيدنا محمد عليه الصلاة والسلام قدم مرسى لصلاة العصر العصر بالذات وسيدنا جبريل كان معاهم فى رابعة ومرسى كان على كتفه ثمان - لا مؤاخذة - حمامات يعنى حيبقى رئيس لفترتين :) على العموم إذا كان صحيح تبقى أحلامك أوامر يا سيادة الفريق

طول عمرك يا مصر مسروقة منهوبة ولسه فيكي الخير وشعبك لسه عايش بيزرع ويبني ويعمر غصبا عن انف أي إخواني بيهد ويدمر وتحيا مصر

إرهابى آخر يشبه نفسه - وبئس التشبيه - بالرسول عليه الصلاة والسلام إرهابى قتل واشترك فى قتل 118 مجندا ومدنيا فى عام 1981 فى صعيد مصر أفرج عنه فى عام الرمادة وجلس مع أشباهه يحتفلون بيوم السادس من أكتوبر عام 1981 حين اغتيل قائد السادس من أكتوبر عام 1973 http://www.youtube.com/watch?feature=player_embedded&v=7SNeeevcVOY

اضعف و اصغر مهندس صوت هيعرف ان التسجيل ده ملعوب فيه فاكر فيلم الكرنك لما كانوا بيغيروا تسجيل نور الشريف يابو محمد؟ لما كان بيقول (انا مش شيوعي) يقوموا شايلين مش و يبقى التسجيل (انا شيوعي)؟ ده كده بالضبط اجابات لأسئلة ليست خاصه بها و في توقيتات مش بتاعتها تمخض الجبل فولد فأرا......ملعون ابو التعليم الحكومي يا شيخ تحياتي

الجيش المصرى وهو يصلى . الجيش المصرى هو الشعب المصرى .

بسم الر حمن الرحيم والله ذكرتموني بالزمن الجميل وقتما كان المدرسون يدفعوننا دفعا للقراءة بعمل ندوات وزيارات للمكتبات اتذكر وجود مكتبه عامة في كل حي وانه لا يخلوامنهاج جامعي في اي مادة من عمل ابحاث وكانت وقتها تقرأ ولا تركن على جنب وكانوا يناقشونها معنا ,دا حتى في المدارس كانت مواضيع التعبير الجميله كانت تقرأ في الصف ويعلل المدرس لما اختارها من حسن الكلمات او الافكار أو المعاني لذا كانت المدارس والجامعات يتخرج منها الافذاذ في كل مجال. انا ادين بحبي للقراءة لأخي الأكبر كنت شديدة الالتصاق به في طفولتي وصباي وانا في الصف الخامس ابتدائي أعطاني قصة -عائلة برونتي- وتحت اغصان الزيزفون-والكثير فتشربت منه كيف أغذي العقل والروح بالكتاب . وللعلم انا مازلت احتفظ ببعض الكتيبات تلك واحبها لقدمها وعبقها ومشكلتي الكتب التي امتلكها فقد أمنت اولادي عليها وطلبت منهم ان لم يجدوها هامة عندهم ان يتبرعوا بها لمن يستحق ,عسى ان اجد من احفادي من يحب القراءة مثلي. سومه

بسم الله الرحمن الرحيم عجيبةوالله أمر بعض الناس ؛في مثل عندنا :لم يجدوا في الورد عيب قالولوا يا احمر الخدين .يا عالم احنا لسنا مغيبين ولسنا من الجهلاء نستقي معارفنا من سيدنا المرشد..احنا كل الكتب متاحة لنا وكل القنوات كذلك لذا مافيش حد ممكن يلعب في دماغنا. ده أولا اما ثانيا فقد وجعتم ادمغتنا بسيل من الاحلام والرؤى الغير منطقية بالمرة دا حتى ام ايمن بتحلم وبتكتب حلمها على التويتر..وكل دي الأحلام خارج المنطق والدين حد قال لكم حاجة؟؟؟ شربناها وخلاص . أما عن السيسي اعتقد ان اكتر من تلاتين اربعين مليون تتوق أن يكون رئيسا لمصر وان شاء الله سيحدث نحن نثق به وسننزل ونطالبه بهذا بل قل سنجبره على االترشيح للرئاسه وليحلم كما يشاء وان كان قد قال هذا حقا نحن نصدقه كما صدقناه في السابق فمثله لا يكذب ومثله له تاريخ ناصع مشرف .---بس خلاص انا تعبت والله.جايبين دليل من الجزيرة !!!!!! سومه عين الحب عن كل عيب كليلة----------------وعين البغض تبدي المساويا

يا أبا عمر ... لو صح الفيديو - فالرجل رأي في المنام شيئا شرعيا - وهو ليس شيخا - أن يكون رئيسا .... وأنت تنكر عليه المنام .... ولا تنكر منامات رابعة ومنها صلاة مرسي إماما على رسول الله صلى الله عليه سلم وهو شيء غير شرعي مش معقول يا أبا عمر تعمل موضوعا على منام مسروق وأتمنى ألا يكون مصير منامات المشير السيسي كمصير منامات مرسي فقد رأوا له بأنه سيستمر في الرئاسة لثمان سنوات لست أدري ثماني سنوات حكم ... لا الحكم ثماني سنوات عليه وستكون سنوات خضر على مصر

بما اني اظن في نفسي انني واحدا من عقلاء المنتدى، اولا: ارحب بظهور اسم واحدا من مؤيدي الاشقياء الارهابيين المحبوسة قياداتهم الارهابية. ثانيا: أنا مصدوم ممن لم يكتشفوا الفبركة والمنتجة الخائبة في "الفيديو المسرب". ثالثا: حتى لو كان الفيديو حقيقي، فالسيسي هو الرجل الذي وقف الى جانب الشعب كما فعله قائده طنطاوي من قبل، السيسي هو من ازاح رؤوس الافاعي وبعون الله وبوقوف الشعب والجيش والشرطة معا سيتم اجتثاث باقي الاذناب ولذلك فـ "المصريين" يؤيدونه فلا دخل لغير المصريين بشأن مصري داخلي. رابعا : ايوه عاجبني السيسي وان كنت اتمنى من الله الا يرشح السيسي نفسه للرئاسة وان يظل في موقعه مع رجاله لحماية مصر داخليا وخارجيا.

امين

عند تزاوج ذكر الحمار بأنثى الحصان يولد البغل يكبر البغل الصغير ويصبح بغلًا كبيرًا لكنه يظل عقيمًا لا يتزوج لا حمارًا ولا حصانًا ولا بغلًا من يولـِّد البغلة فقط هو الكذاب ومن يولـِّد البغلة فقط هم إخوان كاذبون فُطِروا على الكذب ولايزال الإخوانى يكذب ويتحرى الكذب حتى يكتب عند الشعب كذابًا.

السلام عليكم اخى الفاضل اسلام إخوان مين اللى حكموا مصر و طنطاوى لغى مجلس الشعب قبل مرسي و فضل و من بعده السيسي يتأمروا عليه و يخططوا للانقلاب و يعجزوه حتى الانقلاب عليه و يكفيك استمرار وزير الكهرباء و الداخليه مع السيسي و يمكنك بقليل من التجرد مشاهده حلقه الامس من بلا حدود و وضع نفسك عند نقطه التعادل و انت تشاهد الحلقه و ستعرف ان السيسي قبل المبادره ثم انقلب على الرئيس بغدره المعهود. اخيرا ادعو معى يا اسلام اللهم عليك بمن اسال الدم الحرام فى كل مكان بدون وجه حق و انتقم منه شر انتقام و ارنا فيه عجائب قدرتك سواء كان من الاخوان او غيرهم . ماشي كده يا اسلام

بسم الله الرحمن الحيم الاجابة نعم هذا هو ما كنت احلم به لمصر رجل لا يهاب الا الله رجل مصر عنده فوق الجميع رجل انتمائنه لدينه ثم لمصر فقط ويكفيه انه خلصنا من مرسى وجماعته اسوء من حكم مصر على مر العصور انزل يابنى بتتر تسلم الايادى

اول ملحو ظة على الفيديو ان ا للي سر به ده ا نسا ن حقير ووا طي لانه خان ا لامانة عندما قال له ليس للنشر لكنه نشره احيا نا ا لو احد منا بيجيلو ا شا ر ا ت ا و علامات اذ ا كان على الطريق الصحيح او ا لخطأ وهذه امو ر شخصية جدا لا يجب الحد يث فيها او ا خذ معلو مة اكيدة بشأنها لان الحديث فيها شي ء يخالف ا لعقل والمنطق وهو نوع من ا نوا ع التفاؤ ل ليس ا كثر اما انه يأتمنه على هذا ا لكلام ثم يقوم بنشر ه فهذا والله قمة الحقار ة وا لدنائة يقول الحق تبا ر ك وتعالى يَا أَيُّهَا الَّذِينَ آمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُونَ والمثل الشعبي يقول من امنك لم تخونه و لو كنت خاين الاعجب من ذلك ان نرى من يروج للخيانة و يعتبرها نصر من عند الله