لوحة القادة

صباح الخير. طيب ممكن اقول حاجة من نفسى ؟.. أصل ياعالم بقى الواحد حايعيش لبكرة والا لأ.....قصدى يعنى لما يبقى فيه حرية وديمقراطية وكدة يعنى ..!! نبدا بسم الله. بداية يعنى ........أنا مش من انصار فريق معين ...لا أنا من انصار حزب دينى ولا انا من انصار حكم عسكرى .....حلو كدة؟؟ طيب. اللى بيحصل (( حاليا )) شئ يصيب بالغثيان فعلا . سبق لنا وقلنا ان النتيجة اصبحت ...(( لم ينجح احد )).. الكل اثبت فشل ذريع.. مش علشان كلهم فشلة ؟؟؟ لالالالالا.......لكن لأن الكل طمع.. لما شاف أن سهل جدااا يسيطر على مصر بشوية ناس.. (( كتار شوية يعنى )) يطلعوا يصرخوا ويقولوا ( ارحل ) ويهزوا الدنيا كلها. الكل طمع ....لما شاف ان كل المصريين الشرفاء صدقوهم وطلعوا يصرخوا ويتمنوا الخلاص الحقيقى من كل الوباء ده اللى اصاب مصر فى مقتل عظيم على مر سنين طويلة واصبحت شريحة كبيرة تعيش تحت خط الفقر وفى اعشوائيات وفى المقابر ...!! صرخ الفقراء ومحدودى الدخل ومتوسطى الدخل ....صرخ المقهورين فى بلادى .. و... ظهرت (( زواحف كانت تختبئ بين الجحور ))...ظهرت ...تحلم بالقيادة الكل طمع لما شاف التورتاية موجودة ....والشعب حايبدأ يستطعم حلاوة العيش . مش معنى ان الاخوان ( خربوها ) ...ان التانيين...( ملايكة).. حانبدأ بقى نقلب الاسطوانة على الوش التانى ؟؟ حانبدأ نطبل لبتوع زمان اللى كانوا هم فعلا (( اصل البلاء ))...؟؟ دول هم اللى كانوا ....كل اسباب ..ثورة 25 يناير..الثورة كانت عليهم يانااااااااااس.. يعنى الصراحة كل اللى بيحصل اصبح شئ مش طبيعى ...يعنى وصلت السيطرة على العقول لدرجة انهم بيقولوا مفيش حاجة اسمها خمسة وعشرين يناير ولا حاجة اسمها ثورة ....الله؟؟؟ الله؟؟ يعنى يقولك ..افهموا بقى .خمسة وعشرين يناير ده عيد الشرطة فقط.. ويرجع يقولك ان خمسة وعشرين يناير كانت هوجة وكانت مش عارف ايه؟؟ لالالا.....فوقوا بقى .. الثورة َ( حتى لو كانت شئ تم تخطيطه كى يصرخ الف شخص ) ...اصبحت واقع وخرج كل الشعب يصرخ وينادى يالحرية والعدالة الاجتماعية . كانت ثورة .......كانت ثورة نظيفة رائعة . كانت ثورة جميلة .. كانت ثورة ......وتمت سرقتها . لكنها كانت ثورة نقية جميلة . لماذا يتم تشويهها الآن؟؟ لماذا يريدون حتى الغاءها من قاموس مصر؟؟وتاريخ مصر؟؟ اعلام مأجور ......اعلام كل اللى فيه متسلق ومنافق . وجماعة اسلامية وصولية .....ملهمش لا مبدأ ولا دين ولا حتى ....رب. وشيوخ تبيع نفسها والآخرة ف سبيل الدنيا ومباهجها.. يعنى اللى حصل ف السنوات دى يجعلنى اقول بكل ثقة وراحة ضمير .... محدش من اللى كان ماسك البلد دى ( ف اى وقت ) حبها..ولا حب شعبها...ولا كان قلبه على الغلابة من شعبه. ولا حد فكر ف.مصر...مصر كمصر ...ولا ف المصريين. وكل اللى مسك حكمها ...اما كان بيبحث عن مصالح شخصية ...أو...بيحاول ينشئ شئ ف خياله هو وجماعة اتزرع فيها. محدش حبها.. نيجى بقى للاتهامات......سواء الاتهامات اللى اتهم بيها الرئيس المخلوع وانصاره. أو...الرئيس المعزول وانصاره.. بالطبع فيه جزء كبيييييييير من الاتهامات............صحيح.. لكن؟؟ عنصر (( التهويل )) ..........كان مش طبيعى بصراحة. كلنا فاهمين وعارفين وشايفين اللى بيحصل دلوقت ....شايفين الحرب الدايرة ف سيناء ودخول قوات غريبة تحارب المصريين وشايفين الاسلحة وشايفين الناس اللى بتتقتل ..((( لحد دلوقت مفيش اى سبب مقنع لكل اللى بيحصل ...وواضح انها محاولات لتفتيت وتدمير مصر فقط لاغير ....وانسوا حكاية الخلافة الاسلامية والعبط اللى بيضحكوا بيه على الناس ده))).. الفريق شفيق ..والسادة المحترمين .علاء وجمال ..اخدوا براءة؟؟ طيب .وماله... وماله.. ما يجراش حاجة يعنى .......عادى. ماحنا كان حايحكمنا واحد زى ....ايمن نور . والناس كانت بتهلل له برضه.. ماحنا اصبحنا ف زمن اللامعقول .. ومبارك برضه برئ.....واحنا آسفين ياريس. ومرسى غلبان ......وعلى نياته.,انضحك عليه ..وياولداه كان بس بيعزم وياكل بالملايين ف السنة اللى حكم فيها مصر وسلمها ...على المفتاح. الله؟؟ الله؟ ودلوقت الكل بينادى ........بحكم عسكرى . وحتى الناس اللى كانت بتصرخ وتنادى بحكم مدنى .رجعت تقول عايزين حكم عسكرى . محدش سأل نفسه ليه؟؟ محدش فكر وقال ..........ان مواطنين زينا ......مش تبع أى حزب . بيقولوا ....صح . عايزين يد من حديد تمسك البلد دى؟؟ ليه؟؟لأننا شفنا لأول مرة ف مصر ... الاسرة نفسها تتفكك. الاسرة الواحدة اصبحت منقسمة . فيها السلفى وفيها الاخوانى وفيها ضابط الشرطة وضابط الجيش. المجتمع اصبح مجتمع غريب ...تقاليد غريبة على الشعب المصرى . كل شئ اصبح.....ملخبط. يوجد بصيص أمل ......أن يسترد الشعب المصرى هويته . يرجع شعب مصر.... يعود الشعب لصوابه بعد المتاهة اللى عشناها.. يفوق.. ياريت نفوق .. ياريت نفوق وننسى ....ننسى انهم حاولوا يقسمونا ويفرقونا ويصنفونا كل حسب ديانته ومذهبه . بعد ما سرقونا ودمرونا وحرقونا وغرقونا ... كأنهم بيسلمونا لبعضهم .كل واحد يحطمنا شوية . كأن الشعب المصرى اصبح......مجرد حطب يشعلوا بيه مشاعل يمشوا بيها ف طريقهم الملعون.. والآن؟؟ كل اللى بنتمناه .......حكم وحاكم عادل . يعرف ربنا ويراعى ضميره . يتقى الله فى شعبه . وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لا يَعْلَمُونَ صدق الله العظيم.

هدى نفسك يا عبير ،، دغدغتى حيطان الموضوع هههههههه ... الطريق الثالث هو طريق العداله وتطبيقها قولا وفعلا ...حتى لو حكم البلد نيتنياهو شخصبا...... عن نفسى والله ما بتفرق معايا الاسماء مع الاعتذار لمحمد صبحى ...عسكر اخوان ليبرال وات إيفر ،،،، انا اللى يفرق معايا العدل وتطبيق ونفاذالقانون بصرامه على الكبار وببعص الرحمه على الصغار ..وما يحدث الان ويتوقع ان يمتد حدوثه هو عكس ذلك تماما وهو ما يترسخ فى كل احكام البراءه السالفه والحاليه لأئمة الغى والافك والضلال والفساد انا عارف انى لم اشفى غليلك واجاوبك تحديدا عن طريق ثالث واقعى وغير اعتبارى ،، لكن الشئ الوحيد اللى عايزك تتأكدى منه ان الطريق ده حيتوجد وحيتم تعبيده وتمهيده بعد ما الحبال الدايبه اللى الناس متعلقه بيها حتنقطع وحينهار معاها كل شئ عفن ووسخ وقذر وقمئ وفاسد فى البلد دى ... ده وعد الرب .. ووعد الله حق .... ان الله لا يصلح عمل المفسدين ...إيفر .. نيفر

بعد أن هيمنت جماعة الإخوان المسلمين على أعمال نقابة أطباء مصر لعدة عقود، فازت الدكتورة منى مينا، بمنصب أمين عام نقابة الأطباء، وهي المرة الأولى التي تفوز فيها امرأة بهذا الموقع، إضافة إلى كونها امرأة مسيحية، ما يعكس التراجع الكبير الذي أصبحت عليه القوة التصويتية لجماعة الإخوان، لصالح القوى المدنية والتقدمية. وتعد الدكتورة منى مينا واحدة من أعمدة ثورة 25 يناير (كانون الثاني) 2011 التي يقول الكثير من المحللين إن جماعة الإخوان اختطفتها لصالح الجماعة وليس لصالح جموع المصريين. وصوت مجلس النقابة العامة للأطباء، في أول اجتماعاته أمس، بعد إعادة تشكيله عقب انتخابات التجديد النصفي التي جرت الجمعة الماضية، والتي فاز فيها تيار الاستقلال على قائمة «أطباء من أجل مصر»، المنتمية لجماعة الإخوان، ليصبح مجموع عدد مقاعد تيار الاستقلال 15 مقعدا مقابل تسعة مقاعد في مجلس النقابة وليصبح تمثيل المستقلين أغلبية في المجلس الذي يتكون من 24 عضوا. وكانت الانتخابات التي شهدتها النقابة يوم السبت الماضي، إعلانا بإنهاء سيطرة جماعة الإخوان على النقابة منذ نحو 28 عاما.. وهو ما يراه مراقبون مؤشرا قويا على انتهاء «حقبة الإخوان» في مصر، ورمزا لما قد تشهده الاستحقاقات الانتخابية المقبلة من رفض شعبي للجماعة. وبهذا الفوز، تكون منى مينا هي أول سيدة تشغل المنصب منذ عام 1949. وغاب عن حضور أول اجتماع لمجلس النقابة العامة أمس ستة أعضاء بالمجلس منتمين لجماعة الإخوان، فيما حضر جميع الأعضاء المنتمين لتيار الاستقلال. وقالت الدكتورة منى إن فوز تيار الاستقلال بانتخابات النقابة يعد انتصارا كبيرا، معربة عن أملها في تحقيق ما يتطلع إليه أبناء النقابة والأطباء المصريون عموما. وأضافت في أول تصريحات صحافية لها بعد الفوز أمس أن وصول تيار الاستقلال إلى رأس النقابة يضع المزيد من المسؤولية على عاتقه. وأضافت أن أطباء مصر في القاهرة والمحافظات يعقدون آمالا عريضة على مجلس النقابة الجديد، مشيرة إلى أنه يوجد على رأس أولويات عمل النقابة في شكلها الجديد زيادة أجور الأطباء والعمل على زيادة الموازنة المالية المخصصة من الدولة لقطاع الصحة بالإضافة إلى الضغط على الحكومة من أجل الإسراع في برنامج تطوير المستشفيات العامة ونظام التطوير الصحي، بما يسهم في تحقيق الهدف الأسمى لمهنة الطب وهي الحفاظ على صحة المواطنين بغض النظر عن المستوى المادي، لأن الدولة في نهاية المطاف ينبغي عليها ذلك. وتعد الدكتور منى مينا، البالغة من العمر 55 عاما، واحدة من الناشطات المصريات اللائي وقفن ضد نظام الرئيس الأسبق حسني مبارك، وواحدة ممن وقفن في ميدان التحرير لإجباره على التنحي عن موقعه. وتخرجت الدكتورة منى مينا في كلية الطب بجامعة عين شمس بشرق القاهرة سنة 1983. وحازت دبلوم الدراسات العليا في طب الأطفال سنة 1990. وخاضت الدكتورة مينا معركة كبيرة في انتخابات نقابة الأطباء عام 2012 وفازت بعضوية النقابة في بداية العام الماضي لتصبح بذلك رابع سيدة تصل لهذا الموقع في تاريخ النقابة. ووقفت مدافعة عن حقوق الأطباء في مناسبات عدة. شاهد المحتوى الأصلي علي بوابة الفجر الاليكترونية - "مني مينا" أول سيدة تتولى منصب نقيب أطباء مصر بعد عقود من هيمنة "الإخوان"

هل أبتدات بالفعل رياح التغيير الإيجابي تهب علي مصر ... كنت أعلم ان أسهم الأخوان قد وصلت الي بداية منحناها السلبي و بدات في الهبوط السريع في المجتمع .. و لكن لم اكن اتوقع بصراحة ان هذا سيؤدي الي تلك الحالة الفريدة في عصرنا الحالي .. فبعد حوالي ثلاث عقود من الزمان .. و بالتحديد 28 عامآ كانت نقابة الأطباء فيها حكرآ علي جماعة الأخوان و تعمل ما هو في صالح أطبائهم .. أخيرآ سقط القناع عنهم و أختفت ورقة التوت التي سترتهم كل هذا الوقت .. و ازفت ساعة التغيير فقامت الغالبية بأسقاطهم و أزاحتهم و أنتخبوا لرئاسة النقابة إمرأة .. مسيحية .. صفعة مزدوجة .. بل ثلاثية علي وجه جماعة أعتقدت انهم ملكوا الأرض و ما عليها ... مرحي أطباء مصر .. مرحي لكم و احترامي البالغ لما قمتم به .. و عقبال بقية أركان مجتمعنا المدني في صورته الجديدة ... و مبروك د. مني مينا .. اعانك الله علي التحدي الشديد الذي ستواجهينه .. بداية بفتح مستنقع الفساد المتأصل في النقابة بكل مخالفاته المالية و الاخلاقية .. و الحرب الشعواء التي ستعلن عليك بداية من هذه اللحظة ...

الروائى السودانى محمد حسين بهنس http://www1.youm7.com/News.asp?NewsID=1405832&SecID=94#.UrP-v_QW2M5

انا باهزر طبعا انتحار ايه بس :) هو انت منتظر مين اللي يطبق الكلام الجميل ده؟؟ ما هو احنا اللي نطبقه السكة حتتعدل بينا احنا لو مفيش أمل الحياة حتبقى سودا اوي نحاول نتجاوز اللي حصل بقى بكل مافيه و ايا كان ايه مسماه و نبص لقدام كلامي مش حالم و رومانسي و خلاص .. انا بحط فيه كل ما املك من طاقة يقين و محبة اللي بتشوفه هنا مش مجرد حروف .. ده يقين عموما ان الكلام الجميل فضل كلام و بس برضه حا يفضل أحسن من الكلام الوحش و الاحساس القاتل اللي بيسببه

شوفتى بقى ؟ :) لقدوقعنا فى الفخ وطلعنا من أنصار الروافض :) كده بقت رسمى ياعبير

الأقلية دول ضد الأخوان الجيش ضد الأخوان الداخلية ضد الأخوان القضاء ضد الأخوان الإعلام ضد الإخوان الأزهر ضد الإخوان الكنيسة ضد الأخوان :) بس الأغلبية مع الأخوان

الف مبروك من القلب للد.منى مينا . لأنها فعلا تستحق .بالتأكيد تستحق بدليل أن كل الزملاء انتخبوها. وفعلا خبر مفرح ..ولن اقول كما قال الزميل م.زهيرى ( مصر بتنضف ) رغم انى فهمت قصده على اساس مفيش ( انتخابات للمحاسيب فقط ).... لكنى سوف اقول ...(((.مصر بتتغير للأفضل وده شئ جيد ..أنا متفائل..))) والتعبير ده قاله لى أخى اليوم...عندما تحدثنا عن هذا الخبر خصيصا. خبر اسعدنى لأن فعلا كان يوجد اتفاق ( غير معلن ) على الا يكون هذا المنصب لغير الرجال . خبر اسعدنى لأنى تمنيت أن يكون الاختيار حسب الكفاءة وليس لأى اسباب اخرى . و.. ان شاء الله المستقبل مبشر بالخير. والبقاء للأصلح ...(( اخلاقيا ومهنيا )).. :flr1: سلام.

وانت مجرد جنين فى بطن أمك. يتظاهر ويصرخ اتباع حب الحياة . يتشدق رجال الدين . من حقك الحياة ....( ستعاقب امك ان اجهضتك ) حقك ...الحياة. وفى الحياة ....لاحقوق لك . و.. مهما كانت الاسباب التى ستقال ( من محبيه). ..وستحاول أن تبرئ ضميرها من عدم الاهتمام. و..... ستحاول ايهامنا ان التصرف الوحيد لم يكن...اللامبالاه. سنقول نحن.. سحقا لكم ....لم تكونوا يوما اصدقاء ...ولا أحباء .. لم تكونوا يوما محبين. وها انتم الآن تنثرون الزهور على قبور فارغة ....فارغة ولا تحمل حتى جسد هذا الذى تمدحونه. لسبب بسيط..(( لم يكن لديه حتى قبرا)).. للأسف... يحاولون تجميل مالايتجمل ...صعب التجميل. صعب.. هذا انسان......مجرد انسان (( لايهم ان كان كاتبا او شاعرا او مجرد صعلوك )) هذا انسان.... مجرد انسان ....,فقد المحيطين به انسانيتهم . والآن؟؟؟ يحاولون استردادها ( استرداد الانسانية ) باطلاق عبارات ( مواساة للآخرين ). يحاولون..اراحة ضمائرهم ( التى كانت فى عطلة مختارة ).. سحقا لهكذا (( اعدقاء )).. لاترددوا ما يقولون.........فقط قولوا .... عاش هنا انسان ...ورحل وودعته الانسانية فى صمت.

اسره من 4 اشخاص (ولادهم كبار) فاتورة الجاز و الهايدرو حوالي 250 دولار في الشهر (ماينفعش يقللوا عن كده) فواتير الموبايلات حوالي 200 دولار لأربعة اشخاص (ماينفعش يقللوا عن كده) فاتورة التليفون و النت و التليفزيون الكندي و التليفزيون العربي 180 شهريا (ماينفعش يقللوا عن كده) تأمين العربيه 150 شهريا (ماينفعش يقل عن كده) كده حوالي 800 دولار من غير اكل و شرب و سكن 1500 سكن 1600 مصروف بيت اكل و شرب و خلافه بمعدل 400 كل اسبوع يعني 3900 على الأقل ماذكرتش مصروف الاولاد اليومي او الشهري ماذكرتش فاتورة التأمين الطبي الشهريه ماذكرتش نقاط كتير مخفيه حد يقدر يقولي من اللي عايشين في كندا ازاي ممكن يقلل المصروف اللي تحته خط فوق ده؟

عجبني التشبيه جدا فعلا السلم بيتكنس من فوق لكن الكلام ده لو الكناسة لها مخرج على برة في الدور الارضي لكن في المجتمع حتتجمع الكناسة في قاع المجتمع بدون مخرج و ما ينفعش نسيبها تحت و الا تجمع حشرات و حا تطلع لنا الحشرات فوق السلم :) و ده اللي حصل و بيحصل دايما لازم نبدأ من القاع ننظفه و نطهره تمام و بعدين نطلع بالنفايات في كيس نظيف ومقفول سلمة سلمة و بهدوء عشان ما يتبعترش ع السلم و لحد ما نطلع لبر الامان لان اخر سلمة هي الارض اللي احنا واقفين عليها و هي اللي فيها البراح و المساحة و اللي حنقدر نتصرف فيها في كيس النفايات اللي معانا و نقدر نضعه على جنب بعيد عننا القانون موجود يا هيرو و منصف جدا كمان لكن في محاميين اذكياء و غير شرفاء بيبحثوا عن ثغرات القوانين و بالمقابل الناس تجهل القوانين و تجهل حقوقها و ده يتم استغلاله بشكل ماهول و ارجع اقول لك في كل حتة في العالم في فساد و شر و في كل حتة في ناس بتحاول تخرق القوانين و تعبث بها لكن الفرق هو الجهل بالقوانين و بالحقوق في أمة لا تقرأ و لا تعرف فقط غير أنها تسمع لكل من هب و دب !!! و بعد ما يسمعوا و يسمعوا رأي آخر يلوموا الاعلام و يصمونه بالفاجر و الداعر ... الخ القائمة طب ما تبحثوا و تقرأوا .. ليه الاعتماد على الاعلام فقط ؟؟؟ و ده حا يقودنا للتغيير من القاع للقمة بمحو الامية و التثقيف حضرتك متعلم هل فكرت تعلم حد يقرأ و يكتب ؟؟ هل فكرت تثقف حد بطريقة الوصول للمعلومات بنفسه و بطرق التفكير السليم ؟؟؟ شخص واحد فقط تخيل لو كل واحد متعلم قدر يعمل ده مع شخص واحد فقط عدد المتعلمين حيزداد للضعف اهو ده نوع من انواع التغيير الذي يبدأ من الداخل و غيره كتير لو بطلنا تحليل و تبرير و لوم وانتقاد و انانية و تفرغنا له حا نغير كتيييييييير اوي

عقبال نقابة المهندسين فى نقابة المهندسين وزير الرى هو المسؤول "إداريا" عن النقابة فى العادة بيتم ارسال خطابات للبنوك بإلغاء التفويض السابق واعتماد توقيعات المسؤولين الجدد .. عادة النقيب ووكيله وأمين الصندوق ألف مبروك للأطباء طليعة تطهير المجتمع المدنى مصر عادت شمسك الذهبُ تحمل الارضَ وتغتربُ كتب النيل على شطه قصصا بالحب تلتهب http://www.youtube.com/watch?v=QzFr5ZfxEkA

اسمح لي ده حال الدنيا كلها في كل مكان و كل زمان الصدمة بتحصل لما تتصور أن الشر مش موجود و ان الشرير لازم يكون شكله وحش و بيخوف احيانا اللي اتربى على الاستقامة بيعتقد ان الناس كلهم زيه و بيرفض احتمال ان حواليه شر و يبدأ يدور على اسباب للي بيحصل ما أراه أنه مفيش حاجة اسمها خير مطلق و لا شر مطلق كل انسان فيه الخير و الشر اوقات يرتفع فيها الجانب الخيّر و اوقات يرتفع الجانب الشرير زي سوائل كده جوانا بتهيج و تفور و تطلع على السطح أو تخمد و تنزل للقاع ياما شفت ناس كانوا جدعان جدا معايا و غيري بيعيطوا منهم بالدموع و العكس صحيح الانسان نفسه متقلب بين الخير و الشر في مواقف و لحظات في حياته قد تتحكم فيها المبادئ التي تربى عليها و في لم يتربوا على مبادئ أصلا و في اتربوا عليها و تركوها اثر صدمة مثلا و في اعتنقوا مباديء عن خبرة وتجربة الانسان كائن معقد و في ناس بتعيش و تموت من غير ما يفهموا نفسهم مش اللي حواليهم !!! عشان كده محتاجين لصلة بالسماء تأخذ بيدنا وقت الضيق و الخوف و الجزع والحيرة اكيد كل واحد فينا عنده تجارب سيئة تعبته و خصوصا لو كانت دفاع عما يراه حق و رؤيته لما يراه باطلا يعلو وينتصر لكن كل دي حاجات فردية مهما كبر عدد المأزومين المشكلة الكبرى اننا عشان نقدر نتواصل مجتمعيا لابد نعدل الاسلاك بداخلنا أولا لتنجح شبكة مجتمعية صغيرة تكبر فيما بعد الاصلاح مش صعب و مش محتاج بيئة نقية 100 % محتاج بيئة آمنة أولا و ما أراه اننا لا يجب أن ننتظر العدل من البشر أبدا فلا عدل غير العدل الالهي و على رأي الغائبة الحاضرة لماضة هانم دي وجهة نظر

يبدو أنك غادرت الكويت صغيرا إلى السعودية فأنت تثمن "صحن" الكبسة بالريالات وليس بالدينار وواضح أنك لا تعلم أن الأخوان موجودون بالكويت ولكنهم لا يستعملون كلمة "الأخوان" للحساسية الكويتية تجاه تلك الكلمة لابد انك درست فى تاريخ الكويت ماذا فعل "أخوان" الوهابية فى بلدهم يا أستاذنا يا عالم ببواطن الأمور الأخوان موجودون تحت اسم جمعيةالاصلاح الاجتماعى ومثل الجماعة الأم فان لها ذراعا سياسيا اسمه الحركة الدستورية الاسلامية "حدس" ولهم نواب فى مجلس الأمة الكويتى ويتسببون دائما فى صدور مرسوم أميرى بحل المجلس وإن كنت فعلا عشت فى الخليج واعيا لما حولك لعلمت إن "الحداية ما ترميش كتاكيت" ولكن يبدو أنك لا تعى ما حولك لذلك تكرر دائما كلمة "الشحاتة" أنت حر فى أن تحصر معلوماتك السياسية بتجاربك الشخصية لا أريد أن أسترسل فى شرح ما قلته ولكن عليك أن تفهم أنه فى عالم السياسة تلعب المصالح الدور الأساسى وأن هذا العالم لا يعرف البر والإحسان وعمل "جمعيات الفزعة" وإن كان هذا "التيتل" يتحسر فى مقطع الفيديو على أموال الكويت فهو إما فاقد للذاكرة أويتناسى الأزمة التى نشأت بين فرع الأخوان الكويتى والتنظيم الأم بعد 2 أغسطس 1990 عندما عارضت "الأم" تكوين تحالف تحرير الكويت وخرجت قطعانها تتظاهر تأييدا لصدام حسين الذى أفهم فلسطينيى حماس بالكويت أنه ستكون لهم الكلمة العليا فى المحافظة التاسعة عشر ذاكر كويس قبل أن تكتب

عارفة مش حا يعجبك ردي لكن الكلام اللي في الفيديو ده أقل ما يقال عنه أنه كلام حقير و على أقصى درجات التدني ان كانوا يقدمون شيئا لمصر الآن فهو ردا للجميل أيام ما كان عبد الناصر بيرسل المصريين يعمروا لهم بلادهم و مرتباتهم من مصر ودي حقيقة اسأل فيها والدك او الكبار من عائلتك مصر كبيرة اوي يا هيرو اوعى تصدق التقزيم اللي بيتم تجاهها مش بقول لك عيش في الوهم و اتكبر على خلق الله لكن كمان لا تجحد مكانة بلدك الفريدة تاريخيا و جغرافيا واجتماعيا و لا تصدق دعوات جلد الذات اللي بيصدروهالنا الاسرائيلين اللي اثار العُلق المصرية معلمة في جتتهم على مر العصور والأزمان :) و عموما أتمنى ان ربنا يغنينا من فضله عمن سواه نصيحة أخت كبرى ما تخليش الكلام الناقص اللي زي ده يهز صورة مصر جواك انا باكلمك من واقع اني متغربة و مترببة في الغربة زيك وعارفة كويس الكلام ده بيعمل ايه في المصريين اللي متغربين عندهم تجاوز الامور دي ... عارفة انه مش سهل تجاوزها لكنه مش مستحيل :)

اولا يا عبير لا تعينى الظالم على ظلمه .. فهذا يبطئ فى مجئ العدل ... هو ده اضعف الايمان لو تقدرى ،، ولا تستسلمى لليأس الذى يكاد ان يلقي بكى فى احضان طواغيت العصر

الحقيقة أنا أدعو الأستاذ شرف الدين لأن يستغفر الله علنا عن أخطائه العلنية في القرآن الكريم ومنها حذفه للفاء في آية ( فَوَيْلٌ لِلْمُصَلِّينَ * الَّذِينَ هُمْ عَنْ صَلاتِهِمْ سَاهُونَ ) حيث اعتذر للأستاذ : إسلام ولم يستغفر الله ووصف حذفه هذا بأنه لا غبار عليه وأن العلماء يقولونها هكذا بدون فاء ثم قال : واستشهد بأن عالما هو يعرب ألفاظ القرآن حذف الحروف فذكر الآيات دأخل علامة التنصيص فويل للمصلين من غير فاء ,,,, ويمنعون من غير واو ,,,, مستشهدا ,,,, ثم نقل النص الذي علقت عليه في هذه المداخلة ولما كنت قد وعدته بأنني لن أدعه يحرف في كتاب الله عندما قام باللعب في القرآن بحذف هنا وإثبات هناك ثم يقوم بضرب الطرفين في الوسطين والحذف ليستنج ما يريده أظنه لن يستكبر وسيتوب إلى الله لأنه لا يجوز حذف أي حرف من القرآن سواء أكان حرف استئناف أو حرف عطف أو حرف جر أو غيرهم عليك أن تبرأ إلى الله من هذا الذنب العظيم قبل يوم القيامة علنا حرصا على نفسك وعلى من قرأ لك هذه الأخطاء الجسيمة وأدعوك لعدم تكرار قولك ويل للمصلين من غير فاء ولعدم ذكر الآية الأخرى فبين الآيتين علامة معناها لا تقف ولا تسأل عن الجملة إلا كما ذكرها الله دون تقطيع أو تجزيء ( فَوَيْل لِلْمُصَلِّينَ الَّذِينَ هُمْ عَنْ صَلَاتهمْ سَاهُونَ ) فهذا لا يليق في التعامل مع كتاب الله

سبحان الله يعني الشعب المصري كان متوحد وكان زي الفل وكل الخراب ده والتغيير المفاجئ حصل له ف خلال سنتين !!!!!!!!!!! سبحان الله مش عارف هو انتم مكنتوش عايشين ف مصر مش عارف محدش كان بيمشي ف الشارع ياسادة المجتمع اتغير فعلا بس من زماااااااااااااااااااان ع الاقل كان ف خلال ال30 سنة ويمكن من بداية عهد الانفتاح الاقتصادي وبدات التغييرات بس احنا الي مش عاوزين نشوف وكانت المؤشرات واضحه من افلام المقاولات "بدولارات الخليج "الى افلام العهر والمخدرات اللي تبناها الفاضل محمد سبكي الى افلام العنف الفظيييييييييييع سبحان الله كل ده مش متوقعين انه يأثر ف المجتمع اصلا ده موجود ف المجتمع اتعجب ممن يعتبر ان 25 يناير وما بعدها هو اللي عمل كده لا ياسادة الخلل موجود من زماااااااااااان ولكن كان مش ظاهر اللي حصل انك طلعت كل السلبيات وظهرت واتعجب الدراما يا سادة معبرة عن الواقع كان فيه ارهاصات ف الدراما تقول للاعمي البلد هتنفجر خد بالك ، مازلت اتعجب من فيلم زي "رامي الاعتصامي" ده قبل 25 يناير كانه هو اللي عمل ثورة 25 يناير وافلام خالد يوسف من 2008 وكان بيتقال ففيها اللي حصل ومظاهرات امام مجلس الوزراء ايه نسيتوا البلد محتاجه حاكم عسكري تمام جدا 60 سنة حكم بخلفية عسكرية وصلنا لايه ؟؟؟؟؟؟؟؟ عموما انا عارف ان غالبيتنا نفسهم قصير ولا يروا حرجا ف ان السلبيات اللي موجوده تفضل مستمرة وهي اتعودت خلاص ويفضل المصري طول عمره لو مش عاجبه البلد كندا او الخليج موجود يا اخي من ارتضى بالذل والفساد هو حر لكن لا يفرضه ع من سيأتي بعده "ليس بالامكان افضل مما كان " ابوس ايدكم ماتقتلوش اي امل او حلم لغد أفضل يامن ارتضيتم الذل والفساد اتركوا لغيركم الأمل ليس أكثر وبلاش حكاية الشعب المصري له خصوصية منفرده

عبير .... من أظلم الأوقات فى تاريخ الأمم ...هى الاوقات التى يؤمن فيها الانسان بأن الشر هو الطريق الوحيد للخير .... وكفى من كتاب الجمعيات السريه لعلى ادهم

يابلدنا قلوبنا موجوعه دى القربه بجد مقطوعه ما العدل أسير ف زنزانه والظلم أوامره مسموعه يا بلدنا قلوبنا موجوعه

مؤسف حقا أستاذ شرف أن تنال من محاوريك في شخوصهم عندما تعدم الحجة لمحاورتهم فيما قالوا!!! و هذا بكل أسف تكرر مع الجميع و حسبي أن هناك عقول مستنيرة تقرأ و تميّز الكلام و الأفكار المطروحة أرجو أن تقرأ عن " الإسقاط " فإن هذا ما تفعله مع الجميع منذ بداية الموضوع هذه الكلمات كفيلة بإيضاح دورك في هذا النقاش و الذي كنت أحسبه أنه البحث عن الحق !!! أي خصوم أستاذ شرف ؟؟؟ و لماذا الاختصام ؟؟ ثم هذا الموضوع عن الروايات الكاذبة أم للتحليل النفسي لمن تراهم خصومك ؟؟ بداخلي شك يتنامى منذ بداية الموضوع أن ما تنشره هنا من ردود مليئة بالغل و التي تتميز بأنها ليست تحاورا معنا بل كلام عنا!! ... الأخت عبير و الأستاذ طارق ... كأنك لا تعرفنا !!! ... أراه كلاما مكتوبا لك لتنشره هنا فهذا الأسلوب أعرفه جيدا كما أنه يختلف عن مداخلاتك العادية و لم أعرف بك هذا الغل من قبل بل عهدتك تدافع حتى عن مبارك و ترفض أن يظلمه الناس! فهل نحن أكثر ظلما من مبارك لترضى لنا هذا الكلام ؟؟؟!!! عموما قل لمن يكتب لك - إذا كان شكي في محله - موتوا بغيظكم :) اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه امين امين امين جمعة مباركة للجميع اللهم صل على محمد و آل محمد :flr1:

كلو عايزلو قميص ل كتاف .... من أوطى ما فيهم للهاااااااااااى .. سلملنا بقى ع التروماى

وما دمت ضحكت يابو عمر يبقى كمل ضحكك يا راجل يا طيب اللى أكلوه بطط .. لازم يطلع عليهم وز وز

الله ينور عليك فبمثل ذلك ولذلك لفظ الشعب الفصيل الذى تويده فالحق معكم انتم وانتم فقط انتم وانتم فقط حماة الدين انتم وانتم فقط تفهمون وتعون ما لا نعى يافندم جماعتك انكشفت خلاصفمشكلتكم لم تكن مع الديكتاتورية او الفساد مشكلتكم ان الديكتاتور لم يكن فردا منكم وكان الفساد خارج دايرتكم عموما الحمد لله الا خلصنا من هذه الجماعة