لوحة القادة

الفاضل شرف الدين .. توقفت امام تلك الجملة كثيرآ .. فما أعرفه و كنت علي ثقة تامة منه هو عكسها تمامآ .. و لكن بالطبع اهل مكة ادري بشعابها .. لذا هل اطمع من حضرتك ان تاتي لي بآية من القرآن الكريم .. او من سنة الرسول عليه السلام تؤكد ما كتبته هذا .. شاكرآ مقدمآ ..

انا مش هتكلم على اشخاص في كلامي اللي جاي ده هتكلم على نوعية فكر عبير و طارق و ابو محمد و محمد و كل من شابههم في نهجهم الفكري عيب عليكم و الله اهدار وقتكم في نقاش مع شخص شاذ جنسيا مثلا ....لإقناعه بأن الشذوذ أمر دميم و ضد الفطره و عيب و حرام....بصراحه امر اعيب عليكم فيه. من المعضلات ايضاح الواضحات يا ساده هو شاذ و بيحب الشذوذ و مؤمن بأن رسوله و إلهه مثله....عايزين تناقشوه ليه ده!!!! ده يتساب كده شاذ مغيب محتقر من الجميع طول عمره...و لو جه يناقشكم يا تاخدوها فرايحي و نكت و بتاع و كلام نعناع....يا تستخدموا معاه العنف اللفظي غير كده عيب تحياتي

سمعته و سمعته و سمعته ثلاث مرات .. باحثآ له عن اقل عذر .. فلم اجد ...غير مصدقآ ان هناك انسانآ سويآ تصل به الوقاحة ان ينزل الي هذا المستوي الحيواني .. هذا هو الملخص : بالنسبة لكم المحبة بين الزوج المسلم و الزوجة الكتابية المحللة لكم لا توجد مثلما المغتصب عندما يقوم بفعلته الشنيعة .. عالعموم العلاقة وضحت و اكدتها لي حضرتك الآن بالدفاع عن هذا الفكر ... فالزواج القائم علي ذلك فقط .. لا فرق بينه و بين الأغتصاب ... لكن لا تلصقوه بالأسلام بالله عليكم ...

يحب جسدها و شهوته هي التي تحركه افهموا بقى زي الحمار لما يشوف حماره في موسم التزاوج كده بالضبط الدين ده ماسابش حاجه الا و اتكلم فيها حتى زواج الحيوانات اللهم صلي ع النبي

الموضوع غاية في الأهمية ولأنني من أنصار العمل الاجتماعي و من أنصار عدم تحميل الدولة بكل شيء فأرى أنه لابد من تفعيل دور الجمعيات الأهلية الخيرية المهتمة بالأطفال و التشجيع و المساهمة في انشاء عدد أكبر من تلك الجمعيات هؤلاء الأطفال لابد أن يجدوا رعاية اجتماعية من أهالي الأحياء التي يتواجدون بها و لا يجب أن ننتظر الدولة ( خصوصا في ظل هذه الفوضى السياسية) لابد أن يكون هناك تكافل اجتماعي من أهالي كل حي يهتم بهؤلاء الأطفال و يرعاهم صحيا و ماديا ومعنويا من حقهم غذاء نظيف و ملابس محترمة و مساعدات مالية و عينية شهرية لأسرهم لتغنيهم عن ارسال أطفالهم للعمل و تسريبهم من التعليم لابد أن يتم تشجيعهم على مواصلة الدراسة فيخصص لهم مساعدات من كتب و أدوات مدرسية و مدرسين متبرعين بمجموعات تقوية تساعدهم و لابد من رعايتهم صحيا من أطباء متطوعين و لابد من متابعة نفسية من اخصائين نفسيين و اخصائيين اجتماعيين يتابعون الحالات تلك الجمعيات تجمع التبرعات من القادرين ماديا من أهالي الحي و الأطباء و المدرسون القادرون يمكنهم التبرع بجهودهم لعلاج و تدريس هؤلاء الأطفال كما يمكن تعيين الخريجين الجدد من الشباب للعمل في هذه الجمعيات ( كمساهمة في قضية البطالة) لا حل إلا التكافل الاجتماعي ..الغني يتبرع من أجل الفقير و الجمعيات تقوم على تلك التبرعات هناك بالفعل مجهودات كبيرة تمت و تتم في هذا المجال و نريد أكثر و أكثر هناك أغنياء كثيرون يبحثون عن أعمال للخير وهناك من يريد المساعدة دوما بوقته وادارته لتلك الجمعيات و هناك من يريد بذل الجهد التطوعي في هكذا أعمال فقط يريدون من يجمعهم ببعضهم مصر لازالت بخير بناسها

ربما في سطور التاريخ نجد حلآ مقبولآ و فعالآ لتلك المشكلة .. فاطفال الشوارع تواجدوا دائمآ علي مر العصور .. و ربما الوحيد الذي واجه تلك المشكلة و حلها بل و جعلها في صالح المجتمع هو محمد علي باشا .. كانوا كارثة بالنسبة واجهها . هل تعتقدوا انه حلآ قابل للتنفيذ ؟

مداخلة-اعتراضية- طبعا الشعب السعودي -ﻻ ينسى وقفات اﻷشقاء معه -في مسيرة التنمية تعليمية و اقتصادية و حضارية عموما التي كان للأشقاء (المصريين و الشوام-خصوصا الفلسطينيين و اليمنيين العراقيين-وان كانت بدرجة اقل من باقي اﻷشقاء)و ﻻ زالت ماثرهم و شواهدهم موجود ة ولن تمحى ابد الدهر...... لكن بخصوص (التكية المصرية)....الحقيقة انها لم تكن ((ﻻطعام الشعب السعودي))..حيث ان هذه التكية وجدت (قبل قيام الدولة السعودية)...و كانت ﻻطعام الحجيج بالدرجة اﻷولى ومن بقى منهم ممن تقطعت بهم السبل ((وهذا عمل يشكر فاعليه)) .... نقطة اخرى -اراها مهمة-وهي البذاءات الصادرة من بعض -ابناء الخليج صغار السن و الجهلاء ممن ﻻ يزنون اﻻمور بميزان المنطق...و تنضح السنهم جهلا فاضحا......مثل ان (المساعدات المقدمة لمصر شحاتة و خلافه)...ومن يردد ذلك ﻻ يعرف شيئا في السياسة وﻻ اﻻقتصاد وﻻ اﻻمن اﻻقليمي.....شيئا البتة.....ﻻ يعلم ان ((اﻻنظمة الخليجية و مصر في مركب واحد واضعاف مصر سياسيا و محاصرتها اقتصاديا يؤثر سلبا على دول الخليج))وفي العلاقات الدولية ﻻ تكون المساعدات اﻻقتصادية للعطف و اﻻحسان و الشفقة (فمشروع مارشال اﻻميركي لمساعدة اروبا لم تكن من قبيل اﻻحسان على سبيل المثال).... اختم بنقطة ان حكام الخليج -واعون باهمية مصر و يعلمون علم اليقين بالضرر البالغ ان حدث مكروه او اضعاف لمصر.....و كفى

صباح الخيرات. يامثبت العقل والدين يارب العالمين . يعنى يااستاذ طارق حضرتك مصمم كدة على الصبح تخلينا نكلم نفسنا؟؟ طيب افهم.. افهم بس بجد والله. افهم يعنى .....يعنى ايه لما يدخل لبيت ميسلمش عليها؟؟؟ الله؟؟ طيب موافقين ومعاك للآخر ياسيدنا الشيخ وعندك حق .........طيب قلنا عندك حق ياسيدنا ....فرضنا ان عندك حق . طيب مش الاسهل بقى من كل ده ....انه يروض نفسه وطبيعته البشرية . وبلاش بقى يتجوز الكتابية دى خااااااالص.......ها؟؟ هو مش ترويض الرغبة .........أفضل لدينه ؟ مش هو مسلم حق وبيسمع كلام ربنا ؟؟ يبقى خلاص. ميمشيش حسب اهوائه....... ويتبع دينه الحنيف ويظفر بذات الدين تربت يداه. لاحول ولا قوة الا بالله . طيب ازاى بقى اللى زى دول حايعملوا اسرة متحابة ؟؟؟ ازاى حايربوا ابناء صالحين نفسيا؟ الصراحة هو الشيخ نسى حاجة مهمة جدااااااا.........يعنى المفروض اول ما يدخل البيت وتفتح له الباب يخبطها بأول حاجة يلاقيها ويقول لها .....اغربى عن وجهى ايتها المرأة . وبعدين بقى يحايلها ( بكلام دنيوى ) لو حب يتقرب لها . لأ..وآل ايه؟؟....بكل بجاحة يقولك يعنى هو المغتصب لما بيعمل كدة معناه انه بيحب ؟؟ يعنى هو كدة بيبرر للمغتصب فعله والا ايه؟؟؟ يخرب بيت جنانهم بجد .. لخبطوا كل حاجة على بعض وطلعوا لهم كوكتيل محصلش . ده العن من كوكتيل المولوتوف .. حانقول ايه؟؟ الحمدلله الذى عافانا مم ابتلى به كثير من خلقه وفضلنا عليهم تفضيلا.

بمناسبة وصول أولياء عهد لأتنين من أحب الأعضاء الي قلبي .. فحبيت اراجع معاهم شوية نصائح مفيدة في حالة غياب ملكة البيت .... من ناحية الوجبات .. قام سي السيد بالواجب و زيادة .. و وصفته الجهنمية بتاعت "مخفوق البيض بالسطرمة" مش حتلاقوا أحسن منها بصراحة ... النهارده بقي يا حبايبي حنراجع آثار الوجبة دي ... يعني بعد ما تاخد لفتها ... حيكون لها برضه شوية ردود فعل ... و ده موضوعنا النهارده ... اللي هو تغيير البامبرز آسف أن تجربة النهارده حتكون حوالين التجربة الغير مريحة ( من راحة مش ريحة ) دي .. لكن مع المواليد الجدد ماعندكش خيارات كتيرة .. لكن علشان نجعل الموضوع اكثر قبولآ .. سنضع المصطلحات العامية جانبآ و نستخدم بدلآ منها ال"pipi" لحاجة و ال "poupou" لحاجة اتقل منها .. طبعآ واضح !! عادة تغيير البامبرز بيكون عائد ل3 اسباب : واحد .. علشان ده اللي قالته مراتك .. اتنين ... علشان ده اللي قالته حماتك ... تلاتة .. علشان ببساطة ابنك عملها فعلا ... طبيعي ان في أول حالتين الموقف بيفقد جزء كبير من دراميته ... لأن تغيير البامبرز الوحيد .. الحقيقي .. لازم يكون مُصاحب بوجود "poupou" .... عادة ده اللي بيحصل : ابنك في حضن امه .. تناغشه و تلعب معه .. ابتسامة مشرقة علي وجهها .. و حرف غين متكرر من ابنك يدل علي سعادته .. ثم فجأة تتوقف مراتك عن اللعب معه .. و بعدين تبتدي تشم الهوا ... و من الهوا تركز في الشم ناحية الواد .. و بعدين تقلبه علي ضهره و تشم اكتر .. و بأبتسامة صفرا تقول : عملت ايييييه يا عفرييييت ؟ شامة ريحة حاجة جايا من هنا ... هاهاهاها ... و بعدين تسيبه علي الكنبة بهدوء و تروح الحمام و "تتقيأ" ... احممم .. آسف ... أنت كأب مثالي .. حنين تقول بهدؤ و ثقة .. سيبهولي انا أغيرله ... جدع ... هنا حتبتدي مغامرة عمرك ما حتنساها .. و الدليل علي كده اني فاكرها لسه بعد اكتر من عشر سنين ... قبل ما نبتدي المغامرة دي .. نرجع فلاش باك لكام سنة ورا ... أنا و المدام في اول شهور الحمل في جونيور .. ابتدينا نحضر كل اللي حيحتاجه ... و كل يوم جزء جديد يتضاف علي أوضته ...لون الأوضة ... الشريط اللي مرسوم عليه شخصيات ديزني حوالين الأوضة .. السرير الهزاز بملايته المشغولة باليد .. الرفوف الملونة .. الدباديب في كل حتة ... فراشات بتلف حوالين السرير .. النجفة علي شكل طيارة .. كل يوم او اسبوع حتة موبيليا او حاجة جديدة .. لغاية ما رجعت يوم من الشغل .. و مراتي بكل فخر قالتلي انها اشترت "الفاششاتويو" .... الفاششاتويو ؟؟؟؟؟ مممم .. ابتسمت و قلتلها برافو .. من غير ما اعرف هو ايه بالظبط .. دخلت الأوضة و في ركن شفت حتة موبيليا غريبة .. نص كومودينو علي ربع شوفونيرة .. علي ربع دولاب .. و سطحها متنجد ... اول ثواني ما فهمتش ايه فايدة السطح المنجد .. و بصراحة اتكسفت أسألها علشان شكلي ما بيبقاش وحش لو كانت الأجابة واضحة .. و اللي اتخيلتها بسرعة ... و فضلت فترة ادرس الفاششاتويو ده من بعيد لبعيد لغاية ما أتأكدت من فايدته لما رحنا نزور اصحاب لينا جالهم بنوتة و شفتهم و هما بيغيرلوها فوق البتاعة دي ( اللي لغاية دلوقتي مش عارف اسمها بالعربي ايه ) ... و لازم فعلآ تعذروني لأن اللي من جيلي حيعرف انه علي ايامنا ماكانش فيه الهمبكة دي كلها ... هي كنبة أو سرير .. و كافولة بدبوسين مشبك .. تتغير و تتغسل و تتحط تاني و خلاص ... ينتهي الفلاشباك و اللي حبيت اقدم فيه ساحة المعركة .. قصدي مكان أول مغامرة ليك كأب مع ابنك ... أول حاجة انك تحاول تغير لأبنك علي البتاعة دي من غير ما يتحرك .. بيفكرني بلعبة النحلة بتاعت زمان لما كنا بنخليها تلف بشد دوبارة ملفوفة عليها ... الفرق ان النحلة دلوقتي هي ابنك و انت بتحاول تخليها تلف علي طرف بانيو رخام بس من وضع مائل ... أهم حاجة .. و انا بقولها للأبهات الجداد ... أهم حاجة انك ما تسرحش لحظة واحدة او تبعد نظرك عنه و لا حتي ثانية .. صحيح ان العيل من دول ما بيقدرش يلف علي جنبه .. و لكن ما تفهمش ازاي عندهم مقدرة فائقة ( أول ما تبص لحتة تانية ) انه ينط من علي الترابيزة المتنجدة دي متخذآ وضع الشمسية او البراشوت ... ساعات كنت بتخيل انه كان بيتدرب علي القفزة دي في بطن امه لما كان متحاط بالسوائل من كل ناحية .. زي رواد الفضاء يتوع الناسا ما بيتدربوا في منطقة معدومة الجاذبية ...تسع شهور بيتمرن في بطن أمه علشان يطلع عيني أنا ... الخلاصة .. خليك ماسك كويس النحلة و استخدم عين واحدة تدور بيها علي اللي أنت حتحتاجه .. و العين التانية متركزة عليه ... الخطوة التانية .. انك تقلع الواد برباطوزه أبو كليبسات داخلية من رِجل لرِجل ( و ده أسهل جزء في المغامرة كلها ) ... من غير البراباطوز .. مش فاضل غير البامبرز تشيله ... هي دي بقي لحظة الحقيقة المجردة .... لأن لغاية دلوقتي كلي شيء هاديء في الجانب الغربي ... لكن يا مولانا أول ما تفك شريطين اللزق اللي موجودين علي كل ناحية من البامبرز .. و يتفتح ... و عينك .. قصدي مناخيرك ما تشوف الا النور .. موجة من رائحة نفادذة تهب علي خياشيمك مرة واحدة من غير ما تلحق تمسك نَفَسْك ... و تفهم ليه مراتك راحت "رجعت" المرة اللي فاتت ... و لكن شعور الدهشة من غرابة الرائحة دي لا يقارن بالدهشة اللي حتشعر بيها لما تشوف اللي موجود في البامبرز ... مش حتقدر تفهم ازاي معدة صغيرة في حجم معدة جونيور عندها مقدرة انها تنتج كمية مماثلة ... ممكن تتخيلها من بقرة عندها إسهال .. من سمكة قرش بقالها أسبوع بتكنس في قاع المحيط ... بس عمرك ما حتتخيل أن ابنك .. حتة البتاعة دي اللي طولها ما يزيدش عن 50 سنتي و و وزنها عن 3 كيلو .. ممكن تعمل الكلام ده كله .. شيء لا يصدق بالفعل ... ما علينا .. لازم تتأقلم علي الوضع ابو ريحة ده ..و تدور علي حلول تهون عليك الموقف ... مثلآ انا أقنعت نفسي بأن ريحة "poupou" جونيور ما تفرقش كتير عن كولونيا بريحة الزبادي .. يعني لو و أنت بتغير لأبنك ما بصيتش علي اللي موجود في البامبرز .. حتتخيل أنه قاعد علي علبة زبادي من الحجم العائلي .. لكن لو بصيت علي الزبادي ده ..الوضع حيكون أصعب بكتير ... أنا بالطريقة دي حصلت علي نتائج رائعة .. المشكلة الوحيدة أني بطلت أكل زبادي .. لأني كل مرة بفتح علبة زبادي بشم ريحة "poupou" نتكلم دلوقتي عن الخطوة التالتة ... طقوس التغيير نفسها !!! علشان تقوم بالطقوس دي بطريقة سليمة مية في المية .. لازم أولآ تعمل كورس مكثف للكيكبوكسينج .. لو ما قدرتش سلم امرك لله و أعمل الآتي : واحد .. امسك كعب الواد بأيدك الشمال ... و أرفعه كأنه فرخة ... بالأيد اليمين مد ايدك و أفتح علبة المناديل المعطرة و خدلك منديل ... كويس ؟ .. لأ طبعآ مش كويس ... ابقي قابلني لو قدرت .. و لو كنت الساحر ديفيد كوبرفيلد نفسه عمرك ما حتقدر تسحب منديل واحد ... المناديل حتلاقيها بتخرج في ايدك في مجموعات من عشرين تلاتين منديل كل مرة ... أفضل هز في ايدك لغاية ما يفضل بين صوابعك اقل من خَمَس مناديل ... كل الوقت ده و انت بتهز ايدك .. "الفرخة نحلة" اللي في ايدك الشمال عمالة تتهز هي رُخرا .. و عمالة تطرطش و تبعتر منتجاتها في دايرة قطرها متر حواليك ... مش مشكلة .. المناديل في ايدك اولريدي .. نضف كل اللي ناله زبادي ... الحيطة .. الشوفونيرة .. رجل الكرسي .. السجادة .. و بالمرة حاول تنضف ابنك ... اتنين .. بكل سرعة و خفة قبل ما ياخد باله ابتدي في تنضيفه بكل هدؤ ..المناديل المستخدمة في التنضيف حطها جوا البامبرز القديم و أقفله بالسكوتش الجانبي.... الوضع في اللحظة دي حيكون بالشكل ده : في ايدك الشمال شايل "فرخة نحلة" فيها ملامح من ابنك ... و في ايدك اليمين قنبلة كيميائية من النوع اللي بتتلكك عليه أمريكا علشان تستولي علي بيتك لأرساء دعائم ديموقراطية الزبادي ... أوعي .. و بكرر .. أوعي تبعد لحظة علشان ترمي القنبلة دي .. لو علي تلكيك امريكا مش مشكلة .. المشكلة ان الفرخة حتاخد علي طول وضع الشمسية و حتنط علي الأرض ... يبقي ارميها مؤقتآ في أي ركن ( القنبلة مش الفرخة ) و طنش خالص علي ريحة الزبادي اللي عمالة تملا الأوضة.. تلاتة ... دلوقتي من غير ما تسيب الفرخة .. استخدم ايدك اليمين علشان تحط كل الحاجات بتسلسلها الصحيح زي ما شفت مراتك بتعمل و زي ما وصتك في التليفون ... الأول الكريمة اللي في العلبة الزرقا ... و بعدين مجموعة الزيوت المختلفة .. و اللي شوية شوية حتلاقيها بتتسرسب من ايدك لكوعك لكتفك و منه و بطريقة غير مفهومة حتوصل لأندرجراوند هدومك لتستقر في الآخر في شرابك .. و حتفضل طول اليوم مِلَزّق ... بعد الزيوت الكريمة المرطبة .. حاجة كده خليط من المايونيز و الجبس السائل ... تلطع الكلام ده كله علي مؤخرة ابنك و بين رجليه .. و بالمرة تفرقه علي كل اللي عليك .. القميص .. البنطلون .. المفرش .. الخ ... لما توصل للنقطة دي .. حتفتكر انك قربت تخلص و حتبتدي تشم نفسك ... لكن و مع اول لحظة ريلاكس... بووم البيه ييجي في مزاجه انه يعمل "pipi"... و مش اي كلام ... لازم يكون متنشن عليك بالمللي ... لاشعوريآ .. تلاقي نفسك ناطط بعيد عن النافورة المتوجهة لوشك ... غلط يا أستاذ ... الفرخة .. أخيرآ حرة من قبضتك ... تاخد وضع الشمسية و تقوم ناطة في ظرف 8/1 ثانية ... سرعة يقف قدامها مبلم كارل لويس نفسه.... تطنش علي الصويت اللي بتسمعه .. و تشيل الواد من علي الأرض .. ( طبعآ الجزء ده مش حتحكيه لمراتك لما ترجع و تحكيلها عن انجازاتك الأبوية ) المرحلة الأخيرة هي مرحلة تلبيسه البامبرز الجديد ... و ديه برضه مقسومة لخطوتين : الخطوة الأولي ... أول حاجة لازم تفهم لوحدك و من غير كتالوج فين القدام و فين الورا في الهباب ابو شريطين لزق ده ... فهمت ؟؟.. كويس ... حط البامبرز في الوضع الصحيح .. و أقفله ... مافيش ابسط من كده .. الطريقة مدروسة بعناية رائعة .. مافيش دبابيس مشبك من بتوع زمان .. هما شريطين لزق تقفلهم من كل ناحية و خلاص ... خلاص ؟؟ .. ابقي قابلني ... تؤؤ .. البامبرز شكله ضيق .. افتحه و اقفله تاني ... تؤؤ... كده واسع .. كده الواد مش حيقدر يتنفس ... كده مهرهر ... كده .. كده ... و ممكن توصل بالشكل ده لعشرة خمستاشر محاولة ما بين فتح و قفل علشان توصل للقفلة المناسبة ... أثناء المحاولات دي الواد يكون طهق من عيشته من قبل ما يبتديها .. و نظرته ليك تخليك تتأكد أنه ابتدي يشك في ذكاء أبوه و هو لسه في البامبرز ... و يعبر عن كده بسارينة عياط صراخ فشر ام عتريس الندابة في ميتم دفعولها فيه عشرين جنيه بحالهم ... و من هنا و رايح أي حاجة حتعملها .. حتعملها و انت غاطس في بحر من العرق ... بالرغم من الضغط العصبي الواقع عليك و علي طبلة ودنك من درجة "الديسيبل" اللي وصل ليها صوت ابنك .. تحاول تمسك اعصابك و تبتدي تلبس الواد الرباطوز ... يا رب ... يا رب اشوفك متشحتف شحتفة الهنود الحمر ياللي أخترعت الرباطوزات ام رجلين بكليبسات داخلية .. ما تعرفش ليه عمرهم ما يركبوا علي بعض كلهم من اول مرة ... كل مرة تلاقي واحد زايد .. تقفلهم فرادي .. تقفلهم مجوز .. تقفلهم من رجل .. او من تانية .. تقفلهم من النص .. دايمآ تلاقي كليبس فِضِل ما تعرفش ازاي ... اوعي تتنرفز ... كوووول ... هدي اعصابك خالص و خليك ريلاكس ... لأنك علشان تقفل الكليبسات كلها لازم يكون عندك كمية هدؤ واحد بيمارس اليوجا من ساعة ما اتولد ... و حدة نظر ويليام تل و مهارته في رشق السهم في نص التفاحة اللي علي راس ابنه .. و بالمرة حظ محظوظ ابن عم بطوط ... بعد ما قدرت اخيرآبعد عشرين محاولة و بضربة حظ انك تقفل الكليبسات كلها ... تلاقي نفسك بتاخد نفس عميييييق و يغمرك شعور رائع .. أخيرآ قدرت تقوم بالمهمة بنجاح .. لكن اول ما تشيل الواد في دراعك .. تلاقي علبة بودرة التلك بتتدحرج من وراه ... يا خبر !!! بودرة التلك .... نسيت تحطله بودرة التلك ... مراتك ما عملتش حاجة غير التأكيد عليها علشن ما تجيلوش حساسية و احمرار .... تبص للسقف ... و تفكر في الفرخة ... في البامبرز .. في الكليبسات ... و تدور علي عذر .. ما يجيش في بالك الا اطفال المجاعات بتوع افريقيا ... و تقول .. حساسية !! طظ ... حبكت يعني من مرة واحد ما يتحطلوش بودرة التلك ... ايه اللي حيحصل يعني .. تشيله في دراعك بهدؤ .. و ترفع العلبة و ترش شوية بودرة علي البرابطوز .. و شوية علي الأرض بالمرة مع باقي آثار الكريمات و الزيوت ... و لما مراتك تسألك : "حطيتله بودرة التلك ؟؟ " أجابتك حتكون بكل ثقة و انت بتبص جوا نينني عينيها : " طبعآ يا ماما و دي حاجة تتنسي " الخلاصة من الجانب الجسدي .. تغيير بامبرز واحد .. بيحرق سعرات حرارية مساوية للي بيتحرق في ماتش كورة بالوقت الأضافي و من غير هاف تايم ... من الجانب النفسي ... الأب بعد تغيير البامبرز ... بيحس جواه بهدؤ نفسي رهيب ... بطيبة و وداعة ... و لمدة ساعتين بيعيش كأنه راهب في محرابه ... و شوية شوية يختفي الأحساس ده و يحل محله امنية و رغبة لا تقاوم ... انك ترجع عازب تاني ؟؟؟ او لا شعوريآ تتصل بخطيبتك القديمة و أول ما ترد تقفل السماعة ... او اول ما ترجع مراتك تقولها انك خارج تشتري ورقة بوستة ... تخرج .. و ... و ترجع تاني بورقة بوستة في ايديك ... لأن جوا بيتك فيه دفء الحب ... لأن جوا بيتك فيه مشاعر جميلة و واثقة من نفسها ... لأن بيتك ليه ريحة ما تلاقيهاش في اي بيت تاني ...... ريحة زبادي

تكلم القرآن عن حكم زواج المسلم 1- من مسلمة أو كتابية .... مباح 2- من كافرة ..... محرم 3- من مشركة .... محرم 1- زواج المسلم من مسلمة أو كتابية قال سبحانه : ( الْيَوْمَ أُحِلَّ لَكُمُ الطَّيِّبَاتُ ۖ وَطَعَامُ الَّذِينَ أُوتُوا الْكِتَابَ حِلٌّ لَّكُمْ وَطَعَامُكُمْ حِلٌّ لَّهُمْ ۖ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِن قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ ۗ وَمَنْ يَكْفُرْ بِالْإِيمَانِ فَقَدْ حَبِطَ عَمَلُهُ وَهُوَ فِي الْآخِرَةِ مِنَ الْخَاسِرِينَ ) 2- زواج المسلم من مشركة ( وَلاَ تَنكِحُواْ الْمُشْرِكَاتِ حَتَّى يُؤْمِنَّ وَلأَمَةٌ مُّؤْمِنَةٌ خَيْرٌ مِّن مُّشْرِكَةٍ وَلَوْ أَعْجَبَتْكُمْ .. ) 3- زواج المسلم من كافرة ﴿وَلَا تُمْسِكُوا بِعِصَمِ الْكَوَافِرِ﴾ الكوافر جمع كافرة أي لا تجعلوا في عصمتكم الكافرات هذا ما ذكره القرآن لن ندعه أبدا لقول أحد من الناس مهما كان

ولو أنني مشغول وبشدة .. إلا أنني لا يسعني إلا الرد على مداخلة الأخ سكوربيون .. ( ويعلم الله كم أقدره واحترمه ) أولا .. نكاح الكتابية حلال بقول جمهور الصحابة .. وخالفهم فيه سيدنا عبد الله بن عمر .. فقد كان يقول بالتحريم وكانت له قولة مشهورة في هذا .. ( إن الله تعالى حرم المشركات على المؤمنين، ولا أعلم من الإشراك شيئا أكثر من أن تقول المرأة: ربها عيسى، وهو عبد من عباد الله عز وجل ) وهذا القول مروي عن ابن عباس أيضا .. بسند حسن . [ نهى رسول الله صلى الله عليه وسلم عن أصناف النساء، إلا ما كان من المؤمنات المهاجرات، وحرَّم كل ذات دين غير الإسلام، وقال الله تعالى ذكره: (وَمَنْ يَكْفُرْ بِالإيمَانِ فَقَدْ حَبِطَ عَمَلُهُ) ]. فقد كان يرى سيدنا عبد الله بن عباس أن آية البقرة ناسخة لآية المائدة وليس العكس. وسيدنا عمر بن الخطاب منع الزواج من الكتابيات فترة بل إنه أمر اثنين من الصحابة بتطليق نسائهم الكتابيات .. ( مع أنه لم يحرمه ). ثانيا .. يقول الحق تعالى ( ولأمة مؤمنة خير من مشركة ولو أعجبتكم ) .. وهذه الآية لا يوجد أوضح ولا أصرح منها .. في بيان أن زواج المسلم من المسلمة مهما كانت هو أفضل من زواجه من مشركة سواء كانت كتابية أو غيرها مهما كانت .. وهذه الآية أوجهها للأخت / سلوى .. على رسلك قليلا يا أخت سلوى .. وجمهور العلماء على كراهة زواج الكتابية .. ويمكن لمن أراد البحث في شبكة الانترنت ..

عتابك عالعين والراس يا مايسترو ولكن الساكت عن الحق شيطان أخرس طبعا أنا معك الشذوذ الجنسى ملعون فى كل كتاب فهو آفة ومرض تصيب بعضا من بنى آدم ومن يصاب به فهو مريض يحتاج إلى علاج وعلاجه فى رقبة أهله والمجتمع مش معقول - مثلا - المصاب بالجرب نسيبه يعدى غيره أو نقتله ونخلص منه الجرب مرض لعين ومعدى ولكن الجربان يحتاج لعلاج

مساء الرضا . طيب بالمرة بقى لما الاستاذ شرف الدين يحضر لنا آية من القرآن الكريم بتؤيد الكلام ده ...يبقى يقول لنا اسم هذا ( التابعى )...اللى قال أن نكاح الكتابية خير من الزنا ونكاح الأمة خير منه. أصل الكلام ده خطييييير فعلا. انتم بتدمروا الدين . خير من الزنا؟؟ طيب ده كدة يبقى زنا مستتر .....يبقى زنا مستتر فعلا لما واحد (( حانقول يتزوج ولو ان انتم بتقولوا نكاح ..على اساس برضه ان الزواج اشهار وكانوا زمان بيقولوا عليه كدة...و,لنا فى رابعة اسوة حسنة !!!)) وبعدين حضرتك بتقول لنا ان هذا (( التابعى ))......بيقول أن نكاح الأمة خير منه. ماهى الأمة دى بقى كانت لاحول ولا قوة لها ...صح؟؟ ما بين الأمة ....وما ملكت ايمانكم ......وتحديد سن الزواج . وكل اللى بتخترعوه . للمرة المليون حانقول اننا فعلا لانتعجب ولا نستغرب ........كيف بدأ الناس . يهربون من دين الله افواجااااااا................ بدلا من ... يدخلون فى دين الله افواجا... عليكم من الله ما تستحقون . عليكم من الله ما تستحقون . اللهم امتنى على دينى وابعد عنى وعن ابنائى من هم على شاكلة مشوهى الدين . أفهم من ذلك ..... أن .. رجل مسلم يعرف الله ويقدره حق قدره .تزوج كتابية وظلت على دينها وانجب منها ابناء والأبناء انجبوا له أحفاد ...والجميع يعيشون فى سعادة . وهى تحترم دينه وطقوسه وتساعد ابنائها فى رمضان وهى نفسها تصوم معهم (( كأم )) ...وليس كمسلمة . وتراهم يصلون ..وتوقظهم للسحور . امراة كهذه .... هل تعتبر أقل منزلة من الأمة ؟؟ أقل منزلة من الأمة ؟؟ ونكاحها أفضل من الزنا؟؟ خيبه الله هذا التابعى . خيبه الله ....وقلل من امثاله . الحمدلله رب العالمين أن المناقشة عن بعد. لأن لو كانت المناقشة هذه .وجها لوجه. لضاعت فعلا ارواح كثيرة .. لأن أى رجل لن يصمت على نعت زوجته الكتابية بهذه الصفات.. سلام .

ان شاء الله من 3 ايام لاسبوع هتظهرك النتيجه ومقبولة ان شاء الله

-تعقيب اعتراضي مرة اخرى- الى اﻻخ (هيرو البطل)ان موضوع التكية واشباهه (ﻻ يشكل لي غضبا و ﻻ عقدة ذاتية)لكن احببت ان اوضح (بعض اﻻمور من وجهة نظري الضيقة)......و العلاقات المصرية -بارض العرب عبر العصور بمختلف المسميات (شبه الجزيرة-الخلافة الراشدة و ما تلاها من عصور -مملكة الحجاز حتى العهد السعودي)ضاربة بجذورها عبر التاريخ.....((هل ننسى ان اول من سكن واقام بمكة كانت امرأة مصرية مع ابنها المولود في فلسطين من اب هاجر من العراق؟؟؟؟؟؟ امنا هاجر ام سيدنا اسمعيل بن ابراهيم عليهما السلام؟؟؟؟ و كانت القيمة على بئر زمزم وهي التي سمحت لقبيلة جرهم اليمانية ان يجاوروها في مكه؟؟؟؟؟))...نعود لمسألة المساعدات -بين الدول- و نكرر بمعنى اخر ان دولة ما لن تمد يد المساعدة لدولة اخرى اﻻ (لمصلحة و فائدة الطرفين وقد يكون الطرف المانح اشد احتياجا من الطرف الممنوح)..... ============= تعقيب اعتراضي لنقطة ﻻ ناقة لنا فيها وﻻ جمل (بخصوص الصور المنشورة في اليوم السابع للرئيس و جماعتة وهم يأكلون و التي تظهر و كأنها اثبات لجريمة....من وجهة نظري انها صور بمثابة صك البراءة و اثبات لتواضع الرئيس ...و هكذا يأكل اواسط الناس في بلدي. ============== وفق الله المصريين حكومة و شعبا و نزع من قلوبكم الشحناء و البغضاء و هداهم الى سواء السبيل (امين).

الحمد لله يا أستاذ : زهيري .... إن أنا لقيت آخر مداخلة هي لحضرتك فقد كنت في ذهني استلهم منك هذه القصة الفرضية التي أظنها على طريقتك في العرض ..... لو أن امرأة كتابية أحبت رجلا مسلما وتركت أهلها أباها وأمها وأخوانها وأخواتها من أجله ومن أن أجل أن تتزوجه ... ولم تبال بما قد تتعرض له من أذى قد ينتج بسبب العادات الاجتماعية والمذاهب الدينية وكان الزواج الذي ترجوه وترجو من زوجها أن يكون لها كل شيء أب وأم وأخ وأخت وعم وخال ... وحبيبا ككل النساء ... وبدل أن يعوضها عن كل ذلك ويقدم لها الحب والحنان والود الرحمة ....إذا به يمقتها ويجافيها ولا يسلم عليها ويقول لها إني أبغضك في الله أكره دينك حتى السلام محرم عليكي .... ولا يقدم لها الكلمة الكلمة الطيبة التي ترضي أي امرأة حتى لو كان يقدم لنفسه بها .. أي ظلم هذا ...ما أتعسها حينئذ في قلبها وفي جسدها وفي إنسانيتها وفي كرامتها وفي أنوثتها...... أهذا هو الإسلام الذي يعرضه عليها ويحببها فيه بهذه الفجاجة فلا هو أحسن إليها ولا هو تركها لزوج آخر يحبها آلله أمر بهذا أم على الله يفترون ... أيرضى هو لابنته أو أخته أن تعيش هكذا مع زوجها ... أو يقال عنها ذلك ... الظلم ظلمات يوم القيامة ....الله لا يرضى بهذا ولا يشرعه مطلقا ...

يا مثبت العقل والدين يارب يعنى يسب لها دينها ودين اللى خلفوها عالصبح ويسب لها دينها ودين اللى خلفوها عالمسا طاعة لله ورسوله ده طبعا غير إنه يضيق عليها مش الطرقات بس يعنى ينام ويبرطع على السرير ويسيب لها حتة يدوب تقدر تنام على سيفها طب هو إيه اللى كان جبره من الأساس ؟ إلا إذا كانت بهيميته عزيزى ابو عمر جميل أن تحمد الله على نعمة الإسلام ولكن عن أى إسلام تتحدث ؟

استاذ طاررق انا لم اقصد شئ من التعليق ع الموضوع الا ان اعبر عن ضيقي ومللي من هذه الفئة فبعتذر لك ولكل الافاضل انا بصراحه لا اهتم بهذه النوعية لانهم شيوخ السلطان ولا اتعلم منهم شيئا الازهر هو الجهة المعتمد اما من ع شالكة برهامي فنقابة الاطباء اولى بهم اما حديثه ف الدين بالنسبة لي لا فائده منه اسف ع خروجي عن الموضوع وبعتذر

تيجي نبلغ عنه ونقبض المكافأة؟! والا يكون لا كده ولا كده وبيورط نفسه؟

" ها أنتم أؤلاء تحبونهم ولا يحبونكم " الحق سبحانه وتعالى ذكر الحب هنا .. ونفاه أيضا .. وقد قيل أن هذه الآية نزلت في اليهود أو المنافقين .. لكنها أولا وآخرا لم تنكر على المؤمنين الحب لهم ..

الى اﻻخت عبير.....لنفكر بالمنطق,,,,, انت تعلمين مساحة المملكة العربية السعودية و ترامي اطرافها فهل من المنطق ان (تكية ايا كان حجمها ستكفيهم او تكفي بعضهم)؟؟؟؟؟؟ امر اخر قبل قيام المملكة العربية السعودية سنة 1932 و قبل دخول الملك عبدالعزيز الحجاز كانت هناك مملكة الحجاز الهاشمية..... عموما لم تكن مكة والمدينة و جدة بلدانا فقيرة...للدرجة التي يحتاج ((سكانها اﻻصليون))للدعم الغذائي (بشكل عام).....و نسبة الحجيج ومن تخلف منهم (عالية جدا) فمن المنطقي ان اﻻمر يظهر و كان اهل الحجاز(ﻻ اقول الشعب السعودي) كانوا معتمدين على التكية.....((لكن يجب علينا اﻻ ننكر ان التكية المصرية و الشامية ايضا قد سدتا فراغا كبيرا و استفاد منها خلق ﻻ يعلم عددهم اﻻ الله)) ...كما كان ﻻحد امراء السودان (على دينار) دورا ﻻ ينكر بحفر ابار على طريق المدينة المنورة المعروفة باسم (ابار علي) واستفاد منها ايضا خلق كثير...(لكن قبل قيام الدولة السعودية)

مر علي هذا الموضوع أكثر من عشرة سنوات ... ( يا الله كيف تمر الأيام بسرعة ) .. و لكنه مازال سبة في جبين مصر .. مازالت تلك المشكلة تمثل جرح غائر في جسد الوطن تسيل منه دماء ثمينة .. ندفع ثمنها جميعآ .. فغني عن البيان ان غالبية اطفال الشوارع الذي فتح الفاضل وايت هارت باب الحوار حولهم منذ عشر سنوات هم بلطجية اليوم .. هؤلاء الذي ينتقمون الآن شر انتقام من تهميش المجتمع لهم .. هؤلاء الذين تركناهم لأنفسهم فوجدوا ان الحل الوحيد هو اتخاذ طريق الجريمة .. وددت ان افتح باب الحوار مرة اخري حول تلك المسألة .. فأعداد هؤلاء الأطفال لم تتضائل بالطبع بل تضاعفت أضعافآ و اضعافآ .. فما هي الحلول المعقولة و القابلة للتنفيذ بالفعل هنا في مصر للبدء في " تجفيف منابع" البلطجة التي أصبحت سرطانآ ينهش في جسد بلدنا ...

هو مش الرسول برضه....تزوج كتابية ؟؟ ( ويقال انها كانت من ذات اليمين ولم يتزوجها ). ويقال انها اسلمت والبعض يختلف فى هذا الأمر . عموما.. ليس هذا موضوع سؤالى ... هل كان الرسول عليه افضل الصلاة والسلام .........يتجهم فى وجه امرأته؟؟ هل رأيتموه وهو ...(( لايلقى السلام ))...داخل بيته؟؟؟ هل ديننا العظيم .....يفرق فى العلاقة بين الرجل وزوجته ....(( داخل حجرة النوم وخارجها ))...؟؟؟ مسمعناش .. متعلمناش كدة.. ضحكوا علينا بقى وفهمونا غلط.. احنا اتولدنا ولقينا اهالينا .......اكثرهم شيوخ ازهريين ... يقولون لنا ....ان المودة والرحمة اساس كل شئ. وان الزوجة هى (( سكن )) للرجل . علمونا بقى غلط وضحكوا علينا . محدش قال بقى ان فيه فرق بين كتابية ومسلمة .. لاحول ولا قوة الا بالله..

بعد ما تخلصي دراسه عندك 6 شهور معفيه من سداد اقساط القرض و تقدري تمدي فترة الاعفاء 6 شهور في 6 شهور لغاية ماتلاقي شغل تقدري تدفعي منه القسط الشهري. بالاضافه الى انهم ناس متفاهمين جدااا ده غير انك تقدري تخرجي بره كندا في اي وقت و محدش يقدر يمنعك

أنا هقول رأيي و الأجر على الله.. أنتى كدة كدة إتدبستى فى القرض الدراسى و فى الدراسة عموماً يبقى تكملى لحد الآخر بقى، أنتى دلوقتى لا تنفعى تلفى و ترجعى و تقولى بلاها دراسة ولا ينفع توقفى يبقى أنتى أصلاً ماقدامكيش إختيار غير إنك تكملى. القرض الدراسى مش بيسجن، يعنى مفيش حاجة إسمها أصلى مش لاقى شغل بعد الدراسة و مش هقدر أسدد القرض الدراسى فهيحبسونى، مفيش الكلام دة على حد علمى. هيكلموكى و هتقعدى معاهم و هتوصلوا لإتفاق على مدة رد القرض فبلاش قلق من الحتة دى و مش هيمنعوكى من السفر لو حبيتى ترجعى مصر، ناس ياما ضربوا على قروض و أخدوا الجنسية و فلقوا على الخليج و لبسوا الحكومة فى القرض، حالات السيستم أبيوز مفيش أكتر منها. الحاجة التانية هى إنك تتفائلى أكتر من كدة شوية و تاخدى بالأسباب و تحاولى تتعرفى على سوق العمل اللى هيتفتحلك بعد حصولك على الشهادة دة و تبدأى تدرسيه من دلوقتى و تشوفى متوسط الدخل قد إية للى معاهم شهادة زى دى و بيشتغلوا فين و فى أنهى مدن و بكم. بالنسبة للمعونة مش عيب بس فى الأول بس عشان جو الشحاتة - سورى - بالنسبة لى مرفوض جملة و تفصيلاً و حرام علينا إننا نبقى قادرين على الشغل و نمد إيدينا، ربنا بيساعد اللى عاوز يساعد نفسه الأول، إعملى اللى عليكى، خلصى دراستك و سيبى البلد اللى أنتى فيها و دورى على شغل مناسب فى ألبرتا كمثال و إتوكلى على الله. و معلش يعنى فى الكلمة أنتى ماسبتيش بيتك و أهلك و أصحابك و روحتى آخر الدنيا عشان تمدى إيديكى و تعيشى ع الكفاف. بالنسبة للمدخرات، مش أنتى لوحدك أنا أعرف ناس جت من الخليج و صرفت 100 دولار فى سنتين و بالتقريط يعنى 700 ألف جنية عادى كدة طاروا فى الهوا و شىء معروف إن كندا بلاعة و شفاط فلوس و ستقضى على أى مدخرات أنتى جايباها من بلدك الأصلى. كل المهاجرين فى نفس موقفك و عدت المشاكل و الدنيا مشيت و كتير منهم زى الفل، ماتقلقيش.

نسيت حزب النور؟ دول واقفين على السلم هناك أهم :O

اعتذر أن كنت اسأت إليك حقا لم أقصد اهانة و يبدو انني تماديت فعلا و لم أحسن التعبير

هو انا عايشة في الماضي يا ماما سلوى؟؟؟ احباب ايه و أصدقاء ايه؟؟؟؟ !!!! فين الناس اللي كان ما يخلصهمش يشوفوا حد بردان او جعان ؟؟؟ لو غريب و ما يعرفهوش!! فين القلوب الطيبة اللي بتساعد بكل اللي حيلتها ؟؟ من غير ما يبخلوا و لا حتى يفكروا ؟؟؟ الروح دي خلاص راحت؟؟؟ يعني اللي حواليه و لو ما يعرفهوش ما فكروش يأووه في البرد ده ؟؟ مفكروش في بطانية يحطوها عليه؟؟ مستحيل نكون وصلنا لكده... عشان كده قلت يمكن هو اللي كان نفسه عزيزة و ما قبلش مساعدة او زي ما قال أستاذ ابو محمد ممكن ما كانش حاسس بالبرد ؟؟؟!!!

السيد الفاضل شرف الدين. تحية طيبة . صدقنى عندما اقول لك ان مداخلتك هذه اثلجت صدرى ........فعلا يعنى. وفكرت أرد عليها ( بعدين وبترتيب وعلى نار هادية ) ...لكنى قلت لنفسى ..ولماذا البحث والتنقيب ؟؟ لازالت الذاكرة تقوم بعملها على أكمل وجه..ولله الحمد. ايوة يااستاذ شرف الدين .. ثورة ينايرثورة جميلة ونقية ......الى ان تمت سرقتها. هذا هو قولى وهذه هى رؤيتى وهذا هو احساسى انا وملايين المصريين .. ثورة يناير ثورة جميلة نقية .....سرقت......ثم بعثت من جديد فى ثوب جديد فى الثلاثين من يونيو 2013 اما قولك وحديثك عن المداخلة التى قلت فيها أناااااااا.... قليلا جدااااااا عن الفساد الكثيييير والكبييير الذى حدث فى عصر مبارك ... فأنا ياسيدى الفاضل اتذكرها جيداااا ....ولا زلت اصر على كل كلمة قلتها او كتبتها.. ياسيدى الفاضل.... قلت ..وموجود .. ( ولا ادعى انى اعرف وحدى حقيقة غائبة ) كتاب ...صدر بعد تنحى الرئيس السابق مبارك ....عن زوجته.......فى اسواق لندن واكثر العواصم.. اسمه تقريبا...كنت ملكة مصر.(( تصبيرة مؤقتة على اللى كان بيتقال ))...سوف احاول احضار نسخة الكتاب . http://www.dp-news.com/pages/detail.aspx?articleid=107495 ولست ادرى ان كان الكتاب الاصلى تمت ترجمته للعربية ام لا... وهو عبارة عن حديث بينها ..( على حلقات)...وبين صحفى او صحفية ( لااتذكر ) ..وتحكى فيه قصة حياتها ...بكل شفافية ..كل شفافية .. شفافية ...اقدرها لها فعلا... ويكفى انها فى هذا الحديث تفتخر ان ......زاهى حواس لم يكن يستطيع فى حالة اكتشاف اى آثار جديدة أن يعلن هذا صراحة قبل ان يستشيرها ...و...تذهب هى شخصياااا لرؤية كل شئ.. ولن ازيد... ياسيدى الفاضل.....مصر كانت تنهب بطريقة ممنهجة... وحضرتك تسخر وتعترض على قولى ان لوحات المشاهير كانت موجودة فى كل جزء من القصر؟؟؟ ياسيد شرف الدين ........مارأيك فى لوحة زهرة الخشخاش ؟؟؟ ما رأيك؟؟؟ واعلام بلدك كان يصرخ بسرقتها من المتحف .....وناس اتعاقبت وغيره وغيره . والآخر ايه؟؟ اتضح انها فين؟؟؟ ومين طلبها ومين اخذها؟؟ بلاش الدفاع بالشكل القاسى ده... حضرتك تتذكر انى قلت ان مصر تعد من اوائل الدول فى الاصابة بمرض السرطان؟؟ لاتغضب... هى من اوائل الدول فى الاصابة بمرض السرطان ومرض فيروس سى ......وكل الامراض التى تتخيلها .. ايه كمان؟؟؟ ايه كمان؟؟ ربما تسمعها اوضح وبطريقة اوضح لو صرخ الورق.. مبارك وحاشيته سبب كل بلاء مصر. الاخوان سبب هلاك البقية البقية مم تبقى من مصر. مصر محتلة .....منذ أكثر من مائة عام . مصر.كانت محتلة من الانجليز والفرنسيين والفاطميين والاتراك وغيرهم ....ثم...من ولادها بالترتيب .. مصر ...محدش شاف فيها خير الا الاغراب . الاغراب .. الاغراب ... خلاص بقى ........قولوا كلمة حق علشان خاطر ربنا.. عهد مبارك كان كله ظلم وافترى ... والسنة اللى مسك فيها مرسى .....كانت سنة سودة . مشوفناش خير من سنين طويلة جدااااااااا. بلاش تدافعوا عن باطل .. حرااااااااام... حرااااااااام.. محدش فيكم راح اتفرج على العشوائياااااات........وسكان المقابر؟؟؟ أناااااااا رحت قرى معزولة ف مصر وشفت المآآآآآآسى .. أنااااااااا شفت وحاولت اعالج اللى ميتعالجش .. شفت بعينى .. شفت بعينى ومسمعتش بس... نزلت وشفت الناس كانت عايشة ازاااااااى ف مصر ...لما كانت الهانم ف لندن وبتغير كل يوم طقم الماس بتاعها اللى بتلبسه مع كل لبس مناسب ؟؟؟ شفت؟؟ طالما مشفتش .متتكلمش .. اللى يتكلم صح .هو اللى شاف بعينه مش اللى سمع بس... حضرتك بتقول انى جبت لك تقرير من ( محيط ) كتبه واحد .مش عارف ايه؟؟ طيب... معرفش حضرتك ساكن فين ؟؟ وبلاش اقولك روح ..........القرى النائية . والا اعمل (( زينا )) احنا الناس الغلابة اللى ف اجازاتنا بنروح نلف ف الاحياء .. بلاش .. روح اسكندرية ....سمعت عن المستشفى الاميرى ؟؟؟؟سمعت طبعااااااااااا روح المستشفى واسأل اى طبيب......حتى لو امتياز.. روح واتفرج .. اتفرج واسأل واستفسر... شوف اللى عمرك ما تتخيل انك تشوفه ف ( المحروسة ) ..اتفرج على الناس اللى مرمية ف الشارع . ايوة .مرمية ف الشارع .. مرمية ف الشارع .......وشوف مرضى السرطان ...اتفرج وشوف واسأل على الاحصائيات ف مستشفى واحد بسسسسسسسسس.. اتفرج وشوف (((( الضرب ))))) ....لو حاولت تفرق (( اظرف فلوس كل ظرف فيه ثمن جرعة او جرعتين كيماوى )).. روح اتفرج ... و.. ف زيارة تانية ف عهد الرئيس الاخوانى . المسلم .. اللى يعرف ربنا .. اللى بيحكم مصر... لم يتغير اى شئ......اى شئ........اى شئ...اى شئ... بل اصبح الوضع العن الف مرة .. و... و.. تقوللى انى غلطانة؟؟ لالالالالالالالالالالا ياسيد شرف الدين .... وانت شرف الدين اتكلم بشرف الدين واعرف ان دينك بيرفض كل اللى حصل . من الطرفين .. انا ايضا اتذكر شيئااااا .......الآن. اتذكر ان شخص عزيز جدااا على ....قاللى . الحل هو ابادة جماعية لكل هؤلاء .........وتطلع بقى ناس جديدة نزيهة تعرف ربنا بحق وحقيق .. سلام.

نعم إنه لمخجل بالطبع أن يموت انسان متجمدا من البرد في وطن معروف بالدفء كوطننا فلا أعتقد أن مساعدته في ذلك الطقس بمعطف كانت بالشيء الكبير على من حوله حتى لو لا يعرفونه شخصيا !!! لكن ربما هو من كان يستنكف أن يأخذ مساعدة من أحد و فضل الموت بردا على مد يده ليأخذ ؟! رحمه الله و أحسن عاقبته امين

أظن الخير بأستاذ شرف و كلامه عن مبارك ومرسي يدل على أنه لا يحب الظلم و يدافع عن أي شخص يراه في موضع مهاجمة و تلك أحسبها مروءة و أعتقد أن المشكلة في هذا الموضوع انه منحاز للبخاري لأنه يظننا نهاجمه و الحق و كلامي موجه للأستاذ شرف أننا لا نهاجم البخاري كشخص يا أخي الفاضل بل نهاجم كل من يفتري على الله و رسوله كائنا من كان ...فقط

بمناسبه اعتزالى الكتابه بالمنتدى التانى لان الجو مش عاجبنى قررت الرجوع الى المحاورات الى عنده سؤال عن مونتريال يتفضل

تلك الجملة كانت تتردد بين أجدادنا في العصر القبطي في ذكري القيامة المجيدة ..... و ما زالت حتي الآن تتردد في ارجاء كنائس مصر الأرثوزكسية يقوم بها المسيحيين بتهنئة بعضهم البعض .... هي تعني ان " المسيح قام ... حقآ قام " لذلك أكررها أنا أيضآ ..... و أقدم أرق أمنياتي لكل مسيحيي أسرة المحاورات من أعضاء و زوار بعيد قيامة مجيد ... كما أكرر نفس الأمنيات الينا جميعآ هذه المرة بمناسبة شم النسيم .... ربنا يجمعنا جميعآ و دائمآ علي محبته و طاعته ..... و في نفس الوقت أطلب من الجميع الصلاة و طلب الرحمة للأحباء الأفوكاتو و أخناتون .. أول من كانا يقومون بالتهنئة في تلك الأيام ... :lol:

عزيزتي Nina Hussien حتي وقت قريب فعلآ لم تكن هناك اطلاقآ كل تلك الحواجز التي قامت من العدم بين الجميع .... بين المصريين بأختلاف أديانهم بل بين طوائف نفس الدين... و حديثي الآن أوجهه الي طوائف ديني المختلفة ... فلقد نشأت شخصيآ في عائلة نصفها أرثوذكس و نصفها كاثوليك .. و لم اشعر أبدآ بفروق او حواجز او حتي قليلآ من الأحراج بينهم ... بالطبع كطفل صغير كنت أفضل ان احضر القداس الكاثوليكي لأنه لا يدوم أكثر من ساعة واحدة بينما مثيله الأرثوذكسي كان يطول عن هذا بكثير ... :lol: و لكن اينما كان يذهب ابواي كنت اصحبهما سواء الي واحدآ منهما او الي الآخر ... الآن ... سأكتفي بالمثال الذي كتبه العزيز أبو محمد في موضوع آخر ... فبالرغم من توافر مقومات عديدة في اتمام زواج ناجح ... لم تتم تلك الزيجة بين اصدقاؤه المشتركين فقط لأن أحدهم كاثوليك و الاخر أرثوذكس ... هكذا ... رفعت الجلسة دون حتي ان ينظرها القاضي .... كيف نكون مسيحيين و لا نمارس قول بطرس الرسول في سفر الأعمال : " بالحق أنا لا أجد الله لا يقبل الوجوه . بل في كل أمة الذي يتقيه و يصنع البر مقبول عنده" ( أع 10:34-35) التقديم الوحيد المطلوب هو ان نتقي الله و نصنع البر و حينها فقط سنكون مقبولين لدي الرب .... لم يطلب مني ان استغرق في شعائر ديني الي درجة الغياب الذهني .. لم يطلب مني ان املأ جدران بيتي بصور القديسين ... لم يطلب مني ان اضع حاجز بيني و بين جاري الأرثوذكسي أو الكاثوليكي او المسلم ... لم يطلب مني ايآ من كل تلك المظاهر التي نراها الآن في حياتنا . نحن في حاجة بالفعل الي ثقافة جديدة نتعلمها و نمارسها .. ثقافة قبول الآخر ... نحتاج ان نزرع تلك الثقافة في الطوائف المسيحية ... لأنه لا توجد طائفة تمتلك الحق كله .... و لكنها بالرغم من ذلك تعيش في شبع عزلة عن بعضها البعض .. فبعض الطوائف في المسيحية تؤمن الي الآن أن السماء قاصرة عليهم فقط ... مما يرجعنا الي الماضي عندما عاشت الطوائف في الغرب بعد فترة الأصلاح في حرب استمرت عشرات السنين .. نمت خلال هذه السنين ( و مازالت في بعض المناطق ) الكراهية بينهم ... أنا لا أطالب بذوبان الطوائف في بعضها ... بل أتكلم عن حق كل طائفة في تأكيد شخصيتها علي أن تقبل الطوائف و الأديان الأخري ... لأننا بالفعل لا و لن نستطيع أن نفسر ما جاء في الكتاب المقدس عن المحبة و التسامح و الغفران الا في ضؤ محبة الآخرين و قبول اختلافهم معنا في طريقة التفكير و طرق العبادة .. و في هذ يقول بولس الرسول : " من أنت الذي تدين عبد غيرك هو لمولاه يثبت أو يسقط و لكنه سيثبت لأن الله قادر أن يثبته " ( رومية 14 : 40 )

فلنبدأ بثلاثة أسئلة سيكونون محور هذا الموضوع الأول ما هو الدين .... و الأجابة ببساطة ان الدين هو عبارة عن النصوص و الكتب المقدسة التي تدعو للعبادة و التقرب من الله و معاملة الآخر معاملة حسنة .... و االثاني ما هو الفكر الديني ... ابسط رد هو ما قرأته مرة بأن الفكر الديني هو ما يعبر به الإنسان عن فهمه هو للدين ... و عن رؤيته الشخصية له ... و عن انتمائه لهذا الدين ... أماالثالث و الذي سيكون محور حوارنا فهو ما المقصود بالتجديد ... التجديد المستمر للفكر الديني ... أي تجديد ما يعبر به الأنسان عن فهمه لدينه و كيف يتكيف هذا المفهوم مع مستجدات العصر الذي يعيشه ... و يمكن أن يحدث ذلك عن طريق صياغة الفكر و الأساليب الكنسية التي نستخدمها في التعليم و الأدارة و العلاقات و غيرها لتلائم التطور المذهل الذي حدث في العالم في عصرنا الحالي ... فتجديد الفكر حركة مستمرة لا تتوقف و هذه الحركة تساعد الفكر الديني أن يلحق بالمتغيرات التي تظهر من وقت لآخر ... لا شك أن مصر تعيش مرحلة الأنتقال الحاسمة التي يمر بها العالم الخارجي الآن من المجتمع الصناعي الي مجتمع المعلومات العالمي ... هذا الأخير يتحول بسرعة في الدول المتقدمة ليصبح مجتمعآ للمعرفة .. و من هنا فمشكلاته تختلف تمامآ عن مشكلات المجتمع الصناعي و الذي سبق المجتمع الزراعي في حينه ... لذا يأتي السؤال الآن و نحن نعيش في عصر المعلومات هل نحل مشاكلنا بعقلية المجتمع الزراعي أم الصناعي أم نجدد فكرنا الديني لنواكب ركب التقدم العلمي في مجتمع المعلومات ؟؟ .. نظرة الي الخلف نجد ان الفكر الديني قد تجمد في العصور الوسطي بسبب السلطان الكنسي المطلق علي حياة الناس دون إبداع حقيقي ... و ظل هذا الفكر متجمدآ هكذا حتي فترة عصر النهضة ... و بالرغم من أن تلك النهضة التي حدثت في إيطاليا كانت في الأصل لخدمة الكنيسة إلا انها ساعدت بعض المفكرين أن يقيموا ما تفعله الكنيسة نفسها ... و كانت تلك البداية لتي اعقبتها ظهور فلسفة النزعة الأنسانية ثم حركة الأستنارة ثم الحداثة التي استخدمت العلم فقط في تفسير النصوص القديمة .. ثم مرحلة ما بعد الحداثة و التي نعيشها الآن و التي تم فيها إعطاء الحرية للعقل لكي يحكم علي المسلمات و لا يتقيد بالثوابت أو المطلق .. مع كل مرحلة من تلك المراحل حدث دائمآ حركة تجديد للفكر الديني .. لقد مر العالم الغربي بكل المراحل السابقة ... و السؤال الآن في أية حقبة زمنية نعيش نحن هنا في الشرق ؟؟ هل نعيش في عصر الاصلاح ؟ أم عصر الأستنارة ؟ أم الحداثة و ما بعد الحداثة ؟ أم في عصر المعلومات ؟ للأجابة علي هذا السؤال علينا إعادة النظر في كثير من المفاهيم الكنسية لبعض القضايا .. و إعادة النظر هذه تتطلب منا أيضآ إعادة النظر في مفهوم النص الديني .. و هكذا الي أن نصل الي صياغة جديدة لهذه المفاهيم ... تلك الصياغة تتطلب منا بذل مجهود كبيرآ في دراسة الماضي ... سواء علي المستوي الكنسي أو علي المستوي الوطني .. مستفيدين من خبرة من سبقونا دون أن نجعل من هذا الماضي سجنآ فكريآ غير قابل للمساس و لا نستطيع الخروج منه .. حتي يمكننا بالتالي من صياغة رؤية للمستقبل نتمكن من خلالها تجديد الفكر و تطوير الأساليب ... و الآن ما هو المطلوب تجديده ؟ الفكر الديني أم النص الديني ؟ بل ما هو الفرق بينهما ؟؟؟

معليش يا خواننا نانو هاتتغيب اليومين اللي جايين دول لظروفه قاهرة هانبقى نحكي لكم عليها بصي يا نانو بالنسبة للزرقان حوالين العين والكدمات فالأول تلحقيها بكمدات ثلج .. وبعدين تدوريلك على أي مرهم " ستيترومايسين ، نوفالجين ، توكسافين ) وتدومي على الدهان ده لمدة إسبوع وهاتلاقي نتايج هايلة . قال اثبوع ...قال اديني اهوه ثانده .....اقثد واقفه قدامك زي الفل mfb: هو النور مطفي ليه النهارده؟؟؟؟ الا قولي يا ثين ثين يا اخويا..... لا..... يا ثين ثين ...لأ .....اثمك ما كانث بيتنطق كده ....ثين ثين...مث هيه برضه ...ثييييييين ثيييييييييييين ...خلاث مث مهم الاقيث عندك انبوبه تيراميثن....يعني انت عارف بقه ثقاوه الولاد اه .....ولو ثمحت يعني لو نونكن علبه كريم للظهر :unsure: اه ...... ولو فيها رزاله نقط للودان ... :closedeyes: اثل انت عارف بقه الحاجت ديه في الكويت مث ثينيه ....و ما فيث احلي من الثعوديه و ادويتها و قلت ما فيث غير اخويا ثين ثين هو اللي حاثث بيا :sad: ابعت بثرعه و ما تتاخرث احثن زي ما انت ثايف :rolleyes: .