لوحة القادة

اصدقائي الأعزاء المصريات و المصريين المجتمعين في بيت العيلة محاورات المصريين (اجدع من الفيس بوك و الله :) ) أحب أشارككم تجربتي في ألمانيا للدراسة و العمل .. الموضوع حيمشي كما يلي: ححكيلكم عن كل اللي عملته و في نفس الوقت أرحب بأي استفسار من أي حد يجب انه ييجي ألمانيا .. أنا من مواليد القاهرة .. درست هندسة مدنية في جامعة عين شمس و اشتعلت بعدها فترة في مصر و الكويت .. بعد فترة من العمل في الكويت و تحويش قدر من المال فكرت أعود لحلم الطقولة و المراهقة القديم .. ألا و هو الدراسة في ألمانيا .. أيوه تحديدا ألمانيا .. ليه؟ لما نتكلم عن العلم أو الهندسة أو الفن أو الفلسفة أو الموسيقى فـأول حاجه بنفكر فيها هي ألمانيا .. فيه احساس غير طبيعي هناك بالعلم و الفن و شتى أنواع المعرفة .. من الطفولة و انا مبهور بالبلد دي تحديدا و ازاي نهضت بعد كبوتها في الحرب العالمية التانية و بقت احد اقوى اقتصادات العالم ..

الصورة خير من ألف كلمة لم تظهر السودان لأنها تمزقت بالفعل والقيت فى القاع تواجه مصيرها .. وفرغ منها صانع الربيع

اعتبر هذه المقارنة هى اهانة غير مقصودة لمصر ولمكانة رئيس مصر ياسيدى مرسى وجماعته سقطة تاريخية لن تغفرها الاجيال القادمة لعاصرى الليمون

هؤلاء هم المصريون. =========== .ahram أحمد مسعود وليلي عبد الحميد مطار القاهرة يستقبل 35 طن بطاطين للفقراء في الصعيد.. هدية من المصريين في دول الخليج استقبل مطار القاهرة الدولي طائرة بضائع محملة بـ35 طن بطاطين للفقراء في صعيد مصر مقدمة هدية من المصريين العاملين في دول الخليج. وصرح المهندس عبد العزيز فاضل وزير الطيران المدني خلال استقباله الطائرة بمطار القاهرة الدولي بأنه تم منح تسهيلات للطائرة وإعفاءها من جميع الرسوم الخاصة بالشحن والتفريغ والتخزين والإيواء والهبوط مساهمة من وزارة الطيران في هذه الحملة التي تهدف لمساعدة الفقراء في صعيد مصر والمحتاجين لهذه البطاطين في فصل الشتاء. وأشاد فاضل بدور المصريين العاملين في دول الخليج لمساعدة أشقائهم في مصر مشيرا إلى هذه المساهمة رسالة تأكيد للعالم على أن المصريين يد واحدة داعيا أن يكون العام الجديد 2014 ان يكون عاما للوحدة بين المصريين وخلق فرص عمل جديدة ومشروعات استثمارية لخدمة الاقتصاد القومي.

كلنا كمصريين أصحاب البلد أيا كانت عقيدتنا حتى الملحد المصري صاحب بلد

وانا مش مختلف معاكى فيما ذهبتى اليه ها هنا .. بل انك تؤكدين على ما قلت .. لندع الخلق للخالق ..مثلما كان رد فعل سيدنا عيسى عليه السلام .. يعذبهم .. يغفر لهم .. هما عباده وصنيعته .. له ان يفعل بهم ما يشاء .. ولا يساله او يحاكمه او يعترض عليه احد ((الكلام ده للمؤمنين به حقا وصدقا)) .. أخيرا إتفقنا ههههههههههههه .. أيـّوووووووووووه يا جدعان بقى عاجبك قوى الكلام اللى انت مخططه فى مداخلة عبير ؟ داحنا دابت صوابعنا من كتر النقر على الكيبورد بالكلام اللى عاجبك ده عشان غيرنا يقراه ويقتنع إنه يسيب المـُلك للمالك .. ويسيب الخلق للخالق ويخليه فى نفسه لأنه مش ضامن منزلته حتكون إيه يوم القيامة كوووووول ده ولا حياة لمن تنادى إلا الحدف بالطوب .. يعنى "الرجم" ولامؤاخذة وهتافات .... الغازية لازم ترحل .... الغازية لازم ترحل وحضرتك جاى دلوقت توافق ؟ توَّك ما جيت يا سيدنا لفندى ؟ .. توَّك ما شرفت يا صاحب العزة ؟ (وش ميمى شكيب فى مسرحية حسن ومرقص وكوهين) ههههههههههههههههههههههههههه إتفقنا يا مان

صدفة ؟ بذمتك صدفة يا ....... سمسم ؟

أعلم أنها مقارنة غير عادلة سيدة أظهرت جهدا في العمل الإجتماعي بغض النظر عن أي انطباعات شخصية مقابل سيدة لم تظهر إلا لتهدد الشعب المصري أبناء مؤدبين يعرفون كيف يختارون كلماتهم مقابل أبناء لايعرفون سوى لغة الغرور والتعالي والبغل والحمار رئيس فضل مصلحة بلده وحافظ عليها من التمزق ولم يفكر في الهرب هو أو رجاله وكان بإمكانه هو وأسرته على الأقل مقابل رئيس قسم الشعب ونادى بحرب أهلية، لم يتمكن من الهرب ولو أمكنه لفعلها ويشهد على ذلك رجاله حليقي اللحى الذين هربوا داخل البلاد ومن تمكن هرب الى خارج البلاد شكرا شعب مصر شكرا جيش وشرطة بلادي شكرا الفريق أول عبدالفتاح السيسي على التعجيل بالبلاء بدلا من انتظاره بعد 3 سنوات

أول خطوة كانت البحث على الموقع التالي عن برامج لعمل الماستر باللغة الانجليزية لأنني كنت وقنها لسه ما بعرفش ألماني (انا درست انجليزي و فرنساوي في المدرسة) www.daad.de على فكرة ألمانيا بتشجع الطلبة الاجانب و عشان كده بيعملوا برامج للحصول على الماستر بالانجليزي .. و مع الوقت بيزيد عدد البرامج دي و بيشمل تخصصات كتير .. ده لأن ألمانيا محتاجة أطباء و مهندسين في كل التخصصات و بتوع اي تي و مهن تانية كتير .. و غير البرامج الممكن دراسنها .. حتلاقي على الموقع امكانية الحصول على منحة .. بس لازم اللي يقدم على المنحة يكون عايش في مصر .. و ده ما كانش الحال بالنسبالي (ده غير ان التنافس على المنحة عالي جدا في دولة زي مصر) .. لذلك قررت اروح على حسابي ..

انا شايفها خطوة صح جدا لحل المشكله المرورية .. بس لازم السعر يزيد عن كده شوية .. يعني يبقى 3 أو 4 جنيه على الاقل .. لان ده حيجذب شريحة كبيرة من الناس اللي عندها عربيات انها تروح الشغل بالباص .. لانه حتى لو دفع فيه 3 أو4 جنيه مثلا حيكون برضه اوفر من البنرين اللي حيدفعه في العربية الملاكي .. و بالتالي عربيات كتير مش حتبقى في الشارع وقت الذروة لأن اصحابها في الباص المرفه الغالي .. و طبعا اتوبيس الشعب الرخيص حيفضل موجود و حيستقيد الجميع من حل مشكلة الزحام المروري ..

تسجيل متابعة في أول صف :)

بالتأكيد هو ده الهدف الأسمى من ممارسة الرياضة .. لذلك دائما بنطلق على الروح الايجابية روح رياضية ..

أستاذ شعبان أسمح لي ارد على حضرتك ما تضيعش ابدا فرصة المانيا اوروبا لا تزال و ستظل أرقى من الامريكتين و بها التنوع الثقافي الحقيقي و أصوله اذا على اللغة الانجليزية فالحقيقة انا عن نفسي ارتاح لها جدا لانها ثقافتي الاجنبية الاولى لكن لو حضرتك عرفت الماني يبقى مفيش مشكلة و عموما الالماني و الانجليزي اولاد عمومة :) اما حكاية تعمل فلوس في كندا دي فانا مش حا تكلم اكيد حايردوا على حضرتك اللي هناك :cry: كندا تاخد فلوسك بس و بعدين تديك اعانات لما ما تلاقيش شغل و لو اشتغلت كل ما دخلك يزيد الضرايب تزيد :) يعني كل اللي قرأت لهم هنا شبه اجمعوا ان كندا مش سكة اللي عايز يعمل فلوس خااااااااااااالص و في زملاء كتير هنا كانوا بيسيبوا أسرهم في كندا و يرجعوا همة لشغلهم في الخليج عشان يقدروا يصرفوا عليهم !!! احمد ربنا على نعمة ألمانيا ياريت حضرتك تفتح موضوع عن ألمانيا نتعرف عليها أكثر من خلالك و خلال تجارب زملاءنا هنا بالتوفيق ان شاء الله لحضرتك في كل قراراتك و ربنا يكتب لك الخير

يقول عمر الخيام (بقلم رامى) فكم توالى الليلُ، بعدَ النهار وطالَ بالأنجُمِ هذا المدار فامشِ الهوَينا، إنَّ هذا الثرى من أعينٍ ساحرةِ الإحْوِرار :) والمعنى لا يخفى على من لديه إحساس

وبضدها تعرف الأشياء وتعرف الرؤساء (خطاب السادات كان قبل سبتمبر 1981) http://www.youtube.com/watch?v=jLcDz_BCpbY

تاني لو عندك فرصة تفضل في ألمانيا اوعي تسيبها وتيجي كندا,,,,المانيا دولة جبااااارة فيها كل حاجة في متناول الجميع,,,هنا الوضع أسوأ بكتير

إنها إحدى ثمار الغربة أخي ايجيبتاوي الابتعاد و النسيان و عدم الاتزان النفسي و الظن بأن الولاء للدين أقوى من الانتماء للأرض فالدين يتيح لك فرصة للاندماج بشكل أكبر و أسرع مع من حولك من شعوب لا تعرفها و غريبة عليك ثقافتها و لغتها و لا يجمعك بهم إلا الدين ففي الغربة .. يصبح المسلم الهندي مثلا أحق بأخوتك و صحبتك عن المسيحي المصري ! فصار الانتماء للدين أهم من الانتماء للوطن و الولاء للعالم الاسلامي بديلا عن القومية العربية و هذا لا يحدث للمصريين فقط أو المسلمين فقط فحتى المسيحيين يتجهون نفس الاتجاه عندما يفقدون الاحساس بأنهم أصحاب البلد و يتم التعامل معهم كأقلية و يتم تعييرهم ليل نهار أنهم بخير لأن الاسلام وصانا بذلك!!! فكانت النتيجة ..أقباط المهجر ! و لو راقبنا الأمر لوجدنا ما يحدث هو نفس الفكر الصهيوني الذي قامت عليه دولة اسرائيل !!! حيث تم و يتم خداع اليهود في اسرائيل أنها أرض الميعاد لليهود و لهم أيضا حلم التمكين و دولة اسرائيل الكبرى من الفرات للنيل هم شعب ذو طبيعة خائفة و مهزوزة و لا وطن لهم فلجأوا للدين ليكون لهم وطنا و هذا ما يزرعونه في الجميع و شعور الاغتراب في الداخل و الخارج هو خير حافز للوصول لهذه النتيجة التنظيم الاخواني - وبدون الحديث عن المؤامرة الكبرى- يشبه الدولة الصهيونية في سلخه لأعضائه من أوطانهم و تحويلهم لكيان لا انتماء له إلا للجماعة وحلم التمكين الوهمي خدعة كبرى يتكسب منها الكبار و يضيع فيها ملايين الضائعين

زوهيري بيك اختلف معاك لاول مرة فى تاريخ المنتديات والحوارات من ضمن الافتراضات المطروحة طبعا ان الداخلية طرف ازاى - اشرحلك اكتر بمعنى - مجند اخوانى او عريف شرطة اخوانى وقبض - يعنى اكيد فيه طرف ما من الداخلية - ولا عاوز تفهمنى ان كل المجندين مفهمش حد اخوانى اذا كان ال25 مجند فى سينا اللى اتقتلو اتضح ان فى واحد من المجندين المقتولين ( معاذ صلاح ) كان اخوه اخوانى واخته وجوز اخته ووالده اخوان وسبحان الله المجند كان فى خدمته مخبى عن زمايله ان اسرته كلها اخوان - ولما اتقتل من ضمن ال25 ظهرت الحقيقة واخوه اتكلم بلسان الاخوان طبعا وابوه وظهر اعترافهم الصريح انهم اخوان وكله فى الصحف والقنوات الاخبارية - هل اخوه او اخته او ابوه لم يتكلمو امام احد بحسن نية افتراضا عن ان ابنهم رايح مع زمايله اليوم الفلانى لتسليم المخلاه واستلام شهادة المعافاه - حتى لو بحسن نية ولا يهدف الاخ لقتل اخوه ولا الاب لقتل ابنه - فقد يكونو تناقلو الخبر بحسن نية او بشكل او باخر يعنى فيه حد جوة الداخلية ومستحيل يكون قائد او لواء او ظابط حتى - لكن هو شخص رتبتة بسيطة وهو الناقل للخبر باى شكل - بحسن نية او بسوء نية المهم انه داه مطروح من ضمن الافتراضات ولازم نكون واقعيين يا زوهيرى فى تحليل الموقف ومادام اتمسك الجانى الرئيسي فى التفجيرات وهو طبيب المنصورة فلازم حيعترف والحقيقة هتبان وداه اول الخيط وسيبك من فلم بيت المقدس - ما يدخلشي الدماغ - هما اخوان مصر مع حماس فى بعضهم - لما يبقو فعلا بيت مقدس ما كان اولى ليهم يفجرو اسرائيل بدل مصر

الداخليه مش ملايكه يازهزهه لان هى هى الدخليه ال كنا بنسب لل جابها وهما هما العسكر ال طالبنا بسقوطهم . ايه ال اتغير بقى . ثورة 6/30 . ال كانت من اهدافها الرئيسه انتخابات مبكرة لرياسه الجمهوريه هى فين نيله الانتخابات الرئاسيه المبكرة .؟ ولا فين اصلا خارطه الطريق . امال عمالين يطبلوا لثورة يونيه ليه النظام مش بيحمد بحد غير نفسه فقط والمسيحيين ال متصورين ايضا ان النظام هو خير من انجبت مصر . فى الايام القادمه هيشرب من دمهم لتوطين الفتن الطائفيه واستغلالها صح لانهم برده مخدوعين فيه بالوهم وهو هو نفس الوهم للمسلمين بالتزامهم باهداف ثورة يونيه بانتخابات رئاسيه مبكرة والنتيجه حكم عسكرى ومش باين ليها راس من رجلين اصلا النظام استغل كره الشعب للاخوان ولعب على الوتر ده للوصول على جثثهم وجثث اى حد مش مهم . المهم يكون هو السيد والمنقذ الوهمى وهو هو النظام ال اتهم برده تيار دينى جديد السمع فى تفجير كنيسه القديسين . وفى النهايه اتضح ان العادلى ورجالته هما ال فجروها علشان نفس الهدف . انشغال الناس بالفتن الطائفيه والتيار ده اتضح انه تابع للعادلى والداخليه اسمه ( جند الله ) وعملوا العمليه وهربتهم الداخليه تانى والى الان لم يوجد جانى ليها طيب اجيبلك دليل ولا انته عارف ولا ناسى طيب هاته انته واكتب فى اليوتوب على سبيل المثال ( شاهد تفاصيل مثيره عن دور الداخليه فى تفجير كنيسه القديسيين ).. ومين ال بيقول التصريح ده . مقدم فى نفس الداخليه اسمه محمود عبد النبى . واتفصل المقدم ده لان مش على هوى الداخليه وبالتالى فضهحم واتهم برده صفوت الشريف بانه وراء اغتيال السندريلا ( سعاد حسنى ) ال هددت بكتابه مذكراتها وفضح كل الاجهزة الامنيه ال كانت مشغله البلد فى الدعارة . وتم اغتيالها وتصوير الحادث على انه انتحار . وبرده لموا الموضوع وحطوا المقدم ده على قوائم الاغتيالات والله اعلم هو فين دلوقتى اكتب فى اليوتوب . (قبل الحذف امين شرطه بتوع امن الدوله ال فجروا كنيسه القديسين ) . اتفرج يازهزهه على الابطال واتمتع ببطولاتهم الخارقه . والله اعلم الواد ده راح فين اصلا دلوقتى فبلاش كرهنا للاخوان يخلينا نضع سيناريوا واحد للحادث . ده حتى القاعده الفقهيه بتعمل على عدم الاخذ بالاحاديث الاحاديه ههههههههه واذا حبينا نجذم ان الاخوان هما ال عملوها وده السيناريوا الموحد . يبقى قول برده ان الداخليه نفسها مخترقه منهم وده برده احد السيناريوهات للحادث وبرده ساقط الحسابات وانصار بيت المقدس مش هتختلف كتير عن ( جند الله ) ال استعانت بيها الداخليه فى نفس تفجير القديسين . ده اذا كان موجود من الاساس ومش وهم حكمه ربنا وذنب ناس بتخلصوا ناس . وخلينا نتفرج ونشوف اخرتها اللهم اضرب الظالمين بالظالمين واخرجنا من بين ايديهم سالمين

دى أسعاهم سنة 2011 النيل للطيران,طيران النيل ((القصيم-ينبع-القاهرة)) ارخص سعر النيل للطيران - طيران النيل الان متوفر ابتداء من يو 23 مارس 2011 القاهرة القصيم ((ذهاب فقط)) ب900 جنية القصيم القاهرة ((ذهاب فقط)) ب900جنية ذهاب و عودة ب1500 جنية القاهرة ينبع ((ذهاب فقط)) ب900 جنية ينبع القاهرة ((ذهاب فقط)) ب900جنية ذهاب و عودة ب1500 جنية اسعارنا مميزة جدا جدا والاسعار تقريبا ثابتة اتصل الان. وتمتع بعروض خاصة لحجز جميع الفنادق مصر عند طلبك الحجز. لمزيد من المعلومات الموقع الرسمي الصفحة الرئيسية | Hotel For Arab- حجز فنادق مصر الاميل info@**************** الماسنجر 24 ساعة hotel4arabs@hotmail.com الاتصال علي 0020102888445 المصدر: المسافر السياحة و السفر وده موقعهم على الفيس https://www.facebook.com/NileAir.Airline?fref=ts يمكنك التواصل معهم

صورة مبكية والمبكى تكثر انى هناك بيننا من لا يزال يصدق انها ليست مؤامرة

لو صحت هذه الأخبار أود أن أسأل ذلك الطبيب، أطبيب واستاذ جامعي مهنتـه في الحياة تخفيف وإزالة آلام الناس، كيف يتحول لوحش كاسر يصنع آلام الناس؟ أجد أنه من الظلم لأمك أن أقول سحقا للبطن التي حملتك ولا بورك الثدي الذي أرضعك واتهمك بأنك عمل غير صالح بل أدعو لها ولأبيك بالمغفرة أن لم يحسنا تربيتك وأضع اللوم كل اللوم عليك وعليك وحدك لأن الله خلق لك عقلا لم تعمله في طريق الخير، وبدلا من أن تشكر الله وتشكر هذا الشعب الذي أنفق عليك في تعليمك من الابتدائي حتى الدكتوراة، أجدك تجحد كل هذا النعم وتتحول لشيطان ممسوخ ترتدي ثياب البشر وتزينها بلباس ملائكة الرحمة وتضع مسوح الرهبان والناسكين على وجهك تخدع بها عباد الله وأجدك تضع يديك في ايدي أعداء البشرية تخططون لما فيه دمار البشر والشجر والحجر.

وصلتنى غلط وعدى عليا المعنى المقصود فعلا ... شكرا يا مان على الرفق فى التوضيح

المقصود أن إسرائيل هي من إستفاد من الربيع ولذلك بدلا من ان تزهر ورود الربيع في بلاد العرب وتثمر الإشجار ويأتي الحصاد في موعده، وجدنا النزف العربي وراحة البال الإسرائيلي لينتقل الربيع من بلاد العرب إلى اسرائيل التي حصلت على صك "وقف العدوان" الحمساوي.

مش محتاجة لفكاكة من إسرائيل ولا حاجة الشعب كان جاهز للثورة .. طفح بيه الكيل القنبلة كانت مستنية الطرفين بتوع السلك يلمسوا بعض وبووووووم اللى حصل إن ولى أمر اسرائيل وضامن أمنها وسلامتها عرف يلعب على مين عشان السلوك تلمس بعضها والقنبلة تنفجر بفعل البارود اللى جواها لا إسرائيل ولا ولى أمرها وضامن سلامتها خسروا نقطة دم واحدة الدم منا فينا يا محترم مش اسرائيل هى اللى Master mind إحنا اللى مبتليين بشوية - لامؤاخذة - كلاب من فصيلة HIS MASTER'S VOICE هم اللى بيهدموا البلد من الداخل بالنيابة عن أسيادهم مش مؤامرة كل شيئ مخطط ومعلن إحنا اللى طرشان وعمانا حيسى http://www.youtube.com/watch?v=uji4Yu5lnko

محشش مأجر بيت مسكون وهو قاعد بيحشش الجن قال لما أطلع أخوفه شوية : المهم الجن طلع قعد جنبه وقاله : ممكن سيجارة ؟؟؟ المحشش قاله : اتفضل الجن نزل متنرفز قوى إن الراجل مخفش راح فاتح بطنه وشايل عينه وطلع قاله : ممكن سيجارة ؟؟؟ المحشش قاله : اتفضل الجن جاب آخره بقى راح شايل العمود الفقرى وقطع إيده وكسر رجله وطلع قاله : ممكن سيجارة ؟؟؟ المحشش قاله : إنت مش ملاحظ إن التدخين عمال بيدمر فى صحتك

استحييت كتابتها دك وكمان معاك يا مان

عن نفسي اسميها " هوجة " 25 يناير بداية الفوضي الخلاقة كما قالت كونداليزا رايس

سموها زى ما تسموها .. بس كان لابد منها .. على وزن ((شر لا بد منه))

ههههههههههههههههههههههههههه أمرك يا حاجة

أشاركك قناعتك عزيزي باهي .. لكنني أسميها نكبة وليست كبوة

قول " الحاجة " عبير تقول...

شكرا يا مان على الافاده والتوضيح .. إوعى تكون بتزعل من كلمة مان ههههههههههههههههه .. على فكره انا من المعجبين جدا بشروحاتك الدينيه .. وعلمك الغزير ما شاء الله .. لكن ده ميمنعش اختلافى الحاد معك سياسيا ههههههههههههه .. خصوصا فى امر مبارك .. حيرتنى والله فى امرك .. ما علينا .. لكل مقام مقال برده .. فقط احببت ان ينوبك من مشاكساتى جانب

أنا شاعر عاميه على ما تفرج هههههههههههههههههههههههه معاكى طبعا ان قبل نزول الاسلام ((المحمدى)) على حد تعبيرك اللى ح أجيزه .. فيه مؤمنين بالله على شريعة موسى وعيسى كمثال وليس حصرا .. حيدخلوا الجنه .. بشرط ان يكونوا قد إتبعوا الشريعه الصحيحه قبل تحريفها وتبديلها والحذف منها .. أما بقى بعد الاسلام المحمدى ما جاء متمما و(((((((ناسخا))))))) لتلك الشرائع والرسالات السابقه .. فمتقنعنيش ان فيه حد تم تبليغه أنه ((قل هو الله احد الله الصمد لم يلد ولم يولد ولم يكن له كفوا احد )) وبعدين يجى يصر على ان الله تجسد على هيئة بشر و ان له إبن .. وان سيدنا محمد مدعى نبوه وألف القران الكريم او تعلمه من الراهب بحيرا .. وبعدين تقوليلى ده حيدخل الجنه .. او واحد تانى ينكر الله سواء كان واحد أحد .. او تجسد فى صورة بشر .. وبعدين تقوليلى برده حيدخل الجنه .. معاكى من هنا للصبح انتى وزوهيرى وابو محمد وداروين نفسه وبرده مش حقتنع ههههههههههههههه ., ليه بقى .. لانى مؤمن جدا بدينى ايمان لا يتزعزع ... الى جانب اننى كما اسلفت من قبل ((لا أعبد عقلى)) .. لانى لو بعبد عقلى حكفر .. مش بالاسلام بس .. لكن بوجود إله اصلا .. والحمد لله الحمد لله الحمد لله على نعمة الإيمان

الداخليه %100 تحيا البلطجيه ...

منور بيكم

الجدال ده تضييع وقت مع الاحترام ..وقد يصل الى نتائج سلبيه ضد الدين كفكره ((اى دين)) .. لان الجدال فى اصله من رأيي يقوم على الحقائق او الاشياء او الكائنات او المفاهيم المحسوسه الملموسه ... والقابله للقياس والمعيار والمنطق .. والدين والأله غيب .. والغيب والإله يتعارضوا مع المنطق ((منطقنا كبشر محدودى القدرات )).. ولا تدركهم الحواس .. عشان كده اغلب الفلاسفه الكبار ملحدين .. او على الاقل وقعوا فى براثن الالحاد .. قبل ان ينتشلهم طوق الايمان .. لو كان فيه دين يخضع لمنطق .. او يوجد إله تدركه الحواس؟؟ كانت الناس عبدت إله واحد .. لكن ربنا سبحانه وتعالى فى الاسلام مثلا ((ليس كمثله شئ)) .. يعنى الواحد لو سار فى درب المنطق بخصوص الدين سينكر الغيبيات .. وعلى رأسها الإله ذاته .. أى إله .. حتى تدركه الحواس ((مش عايز حد يكفرنى .. مش امبارح اخوان والنهارده زنديق مجدف)) هههههههههههههه ابسط مثال للمنطق وعلاقته بالاله والدين : 1+1 بيساوى فى كل العالم 2 ولا يمكن ابدا يكون حاصل الجمع غير كده يعنى كل البشر اجمعين متفقين على كده. ولو فيه رب يخضع لمنطق وممكن قياسه وادراكه بالحواس مكنش حيبقى فيه اختلاف فى الاديان ابدا وكان الجميع حيعبد هذا الرب وحده بلا اى جدااااال او شك

السلبيات طبعا الى انا ممكن اشوفه سلبيات و ناس تانيه بتقول عليها ايجابيات اولما طلعت من المطار .... و كنت فى طريقى للمكان اللى هنام فيه لقيت الشوارع مكسرة .....ضلمه ..انا لاندج ٢٤ نوفمبر ..يعنى عز الشتا ........القاهرة برقابتها ما فيش بيوت زى بتاعه مصر و الحياه .....والناس .... من الاخر تحس ان كندا دى نصبايه الاحساس بالغربه و خصوصا للناس اللى اول مرة تسيب مصر هتحس بمرارة كبيرة و بتحس انك تايه فى بلد انت مش عارف عنها حاجة الناس هنا بارده برود ملهوش حل ....الوقت ليس له حساب .....يمكن البرد ماثر فيهم ? يعنى ممكن و انت واقف فى الصف بتحاسب تلاقى واحدة واقفه ٥ دقائق تعد فى السنتات الى معاهاعلشات تجمع ١٠ سنت (الحمد لله السنت تقاعد اليومين اللى فاتو ) اكتر حاجه انا شايفها سلبيه هنا هى العرب كتير قوى و خصوصا اللبنانيون و المغرب العربى لان اللغه الاولى ليهم هى الفرنسيه (و منهم من يكره المصريين كده لله فى الله كدا من غير اى حاجه) من النادر ان تكون ساكن بمونتريال و مافيش حولك عرب مونتريال نفسها زحمه قوى عدد سكانها لا يقل عن مليون نسمه و معظم الاشغال المحترمه بوسط البلد بتبقى زحمه جدا و الناس بتيجى لها من لافال و لونجيه لمونتريال فى ساعات العمل وسط البلد هنا او التاون داون جميل جدا بيعملوا مهرجانات كل فترة فيه بس زحمه مووت المنافسه هنا شديده جدا فى مونتريال و لازم انجليزى و فرنساوى رائع علشان تلاقى شغل محترم السرقه هنا على عينك يا تاجر انا اتسرقت من على النت اول كام يوم لى هنا الحاجة غاليه على الفاضى ...... انا اشتريت لابنى شنطه مدرسه (لا تساوى ٢٠ جنيه فى مصر ) من هنا ب ٢٥ دولار + الضرائب يعنى من مصر انا لو دفعت ١٥٠ جنيه فى شنطه مدرسه محترمه... شوف هتجيب ايه يمكن علشان سيبت مصر بعد الثورة و شفت اد ايه المصريين وحشين قوى مع بعض مش شايف سلبيات كتير شوارع مونتريال سيئه الى اخر درجه قد تتصورها لكن مونتريال من انظف مدن كندا ما فيش شارع هنا زى صلاح سالم مثلا بالقاهرة انا كنت بحلم بشوارع زى الالماظ و الحلم تحطم على صخرة المطبات دى خريطه مونتريال طبقا للمناطق اولا انا نزلت على واحد صاحب جوز اختى يعنى العلاقه بيننا مش قويه قوى بس هو اللى صمم و بالتالى لما كنت بدور على شقه كنت بدور فى محيط شقته و بالتلى سكنت جنبه و من هنا بقينا اصحاب جدا انا ساكن فى اول منطقه مونتريال نورد و انا مش شايف فيها اى مشكله خالص غير كل ما تقول لحد اسم المنطقه يقولى ياااه دى فيها مخدرات و فيها مش عارف ايه ...... بس انا ما شفتش اى حاجه من دى خااااالص انا سعيد بسعر الشقه و انها نظيفه جدا انا بقالى فيها سنه و نصف تقريبا و هجدد الاقامه كمان سنه المهم اصحاب البيت محترمين جدا جدا و الشقه ما فيهاش حشرات و دى اهم حاجة انا جبت جنبى ٣ عائلات كنت عارفهم من مصر و هم سعداء ...بس المنطقه فيها عيب و مش عيب انها تبعد عن اقرب محطه مترو عشرون دقيقه بس الاتوبيسات متاحة افضل انك تكون جنب محطه مترو بس عيبها انها اغلى و مش نظيفة لانها مطلوبه جدا اهم نقطه فى وجهه نظرى نظافه الشقه و احكامها من جهه الغلق و اصحاب البيت محترمين

الانترنت و التليفون الارضى و المحمول الفروق بين الشركات كبيرة جدا بس فى شركات نصابه مثلا و شركات غاليه و شركات (اللى انا بنصح بيها )على قد المهاجر الجديد اولا الشركات الكبيرة هنا http://www.bell.ca/ http://telus.com/ http://www.rogers.com/ الشركات دول تستحوز على اكثر من ٧٥ % من السوق و شركات اخرى مثل http://www.fido.ca/ www.virginmobile.ca/ http://www.videotron.com/ www.publicmobile.ca/ معظم الشركات التانيه مستحوذة من الشركات الكبيرة يعنى Rogers هى الشركة الام ل Fido & chatr نصيحتى بقى احسن تليفون ارضى هو الماجيك جاك بلس و تكلفته اول مرة الثمن بحوالى ٨٠ دولار و اشتراك سنوى ٤٠ لرقم تليفون كندى www.magicjack.com/ الطبيعى التليفونات الارضيه بحوالى ٢٠ دولار شهريا و محدود الاستخدام داخل حيز معين لكن مع الماجيك جاك بيبقى كندا و امريكا بدون مصروفات افضل شركه انترنت هى اكاناك و تدفع مقدما سنوى او نصف سنوى بحوالى ٥٠ دولار شهريا شامله الضرائب http://www.acanac.ca الشركات الاخرى مثل بيل Bell..فدول حراميه نمرة واحد كل شهر الفاتورة بتيجى بمبلغ لو انت سكت و دفعت يبقى خلاص لو اتكلمت يقولو لك ادفع المرة دى و الفاتورة القادمه هندخلها لك فى عرض خاص بتخفيض و هكذا فيديو تورون محترمين بس غاليين شويتين يعنى الاشتراك المحدود بعدد من الداونلود بيبتدى ب ٦٥ دولار افضل شركه للموبيل هى شاتر و من ٢٥ دولار شهريا مدفوع مقدما غير محدد بمده للمكالمات و به اظهار رقم الطالب ببلاش (بتدفع ١٠ دولار عليها فى اى شركه تانيه) http://www.chatrwireless.com/ عيب الشركه دى مافيهاش تليفونات بعقد فنصيحه قبل ما تيجى هاتلك تليفون اندرويد من مصر او من هنا مفتوح بدون عقد او من شركه روجرز حتى لو مغلق على روجرز هيشتغل مع شاتر هذا من وجهه نظرى ممكن حد تانى يقول معلومة تانيه تكون افضل

مصر بتنضف بس محتاجه وقت الزباله كتير

شرفت الموضوع يا ابو زيد باشا هشرحلك الموضوع باختصار و لو عايز اة توضيح انا تحت امرك الدراسه هنا بالسن يعنى اولى ابتدائى = ٦ سنوات و و لادك هيدخلو المدرسه حسب سنهم اولى او تانيه بس تحضيرى اى بيدرسو فرنساوى و رياضيات فقط لمده سنه او سنتين حسب استعداد الطفل و بعد كده يدخل مدرسه عاديه و الاولاد زى السفنجه بيمتصو اى صدمه لغويه بسهوله انا بقالى سنه و نصف و الولاد بيتكلموا فرنساوى الان جيد جدا هم هنا فاهمين ازاى بيخلو العيال تنطق فى الانجاز ارجو ان اكون افدت حضرتك

:) :rolleyes: :D :unsure: mfb: :blink: mc: :Exclam: :Exclam: :Exclam: هههههههه ... لقد أصاب تماماً العزيز "سكوربيون" لما كتب التعليق دة: 1- أى حد (دولة) يا مولانا هـــــــايـــــعــــــــتـــــــدي على حدود مصر "كل" الـــــمواطــــــــنـــــــــيـــــــن هايدافعوا عنها ... مش هايستنوا حضرتك لما تقولهم تعالوا "دافعوا" عن دولتكم، وأكيد أكيد أكيد مش هايسمعوا كلام جنابك لو قلتلهم روحوا إعــــــــتـــــــدوا وحاربو هناك وهناك .. خصوصاً لو كان "مولانا" أشاد بموقف الملاكم الأمريكي العالمي "كاسيوس كلاى" سابقاً ومحمد علي كلاى لاحقا عندما اتخذ موقفه الشجاع!!! 2- قوات حفظ سلام؟!؟!؟ والله انا خايف لو (لاقدر الله) أفكار بالشكل دة ومعاها بالطبع "باقي الحزمة" بعد "المزايدات" والمنافسات والصراعات المختلفة على "الكراسي" تحت قبة المجلس الموقر ... قُننت وبدأ تطبيقها على أرض الواقع ... يزيد عدد الدول والبلدان التي مزقها الصراع ... واحدة اخرى .. ونُصبح بحاجة انفسنا الى قوات لفك الإشتباك وأخرى لحفظ السلام !!! 1- سامعين يا ولاد يا شطار عمو بيقول ايه؟!؟!؟ بيقولكم أحفظوا الامثلة اللى هو بيقولها دي ... علشان انتم شفتوها!!! 2- طب ويا ترى يا "مولانا" كل حروب العرب المسلمين القدامى منهم والمعاصرين مافيش ولا حرب فيهم حاربوها كان فيها ظلم وكدة برضه؟!؟!؟ والا كانوا كلهم كلهم كلهم بيهبوا وينطلقوا ويندفعوا إندفاعاً متسابقين على "نصرة المظاليم" و"بسط مبادئ العدل والرحمة" من شعوب هنا وهناك؟!؟!؟ 3- مش عارف اذا كنت يا "مولانا" تابعت والا لأ مقولات الملاكم الأمريكي العالمي وقتها والا لأ بعد تصريحه لرفضه الخدمة الإلزامية كــ مستنكف ضميري ؟؟؟ ... تعال كدة نشوف الجملتين دول من فضلك: واضح جداً يا "مولانا" ان المسألة أكبر وأعقد من مجرد مواطن مؤمن وملتزم بتطبيق تعاليم معتقده ودينه ... وتعرض للإضطهاد بسبب معتقده ... هذا المعتقد الذى مررت عليه هو أيضاً مرور الكرام (اسلم ... مسلم!) ولا أعلم اذا كنت تعلم او لا تعلم أى إسلام هذا الذى إعتنقه وأى منظمة إسلامية تلك التى إنضم اليها وبماذا كانت تؤمن تحديداً .. هل قرأت إحدى تعاليمها: هايل ... عظيم جداً خالص .... يعني على أرض الواقع مجرد سياسة (حقبة نهايات الصراعات حول عنصرية البيض ضدالسود وفى عز معمة مارتن لوثر كينج وباقي الجماعات والمنظمات والشخصيات المناهضة) وتحت عباءة الدين (مهدي منتظر .. وتجسد الذات الآلهية فى شخص مؤسس المنظمة الإسلامية) ... ركزوا يا ولاد فى كلام وأمثلة "مولانا" واحفظوها كويس خالص علشان تعرفوا تردوا على الملاحدة والمشركين والكافرين والعلمانيين والصهيونيين والماسينويين والإمبرياليين وغيرهم!!! أعتقد يا "مولانا" انك طالما قد قررت خوض "اللعبة السياسية" وخلعت ثوب الدعاة (الخاص) .. وأرتديت ثوب السياسيين (الخاص) .. وعزمت على الترشح لهذا المنصب "الرفيع" .. إذن فمن الضروري واللازم ان تكون مُلم ومُطلع بنفسك وبشخصك بمعلومات عامة حول وقائع وأحداث التاريخ العالمي والمحلي بصفة عامة .. وبتلك التى تستشهد بها وتريد شعبك أن يحفظها بصفه خاصة!!! والا هانقضيها طول الوقت أصلهم هما اللى قالولي؟!؟!؟ أيوة ... جينا بقى لبيت القصيد .... هى دي يا "مولانا" اللى انا مستنيها من الصبح .. الله ينور عليك .. أخيييييييييراً!!! و العبد الفقير الى الله "وايت هارت" يا زملائي الأعزاء يرجوكم وبشدة تذكر تلك الفقرة (المصيبة على حد وصف مولانا) جيداً .. لأنني سوف أستعين بها فى نهاية ردي هذا على العزيزة "ام سلمى". كلمتين اتنين لكن بيلخصوا قضية كبييييييييييييرة .. كلمة "هما إضطروا" ... وكلمة "انا مختلف معهم" ... ومن هم هؤلاء من يعنيهم وتحرج من ذكر أساميهم .. انهم وكما نشر فى موقع صحيفة "الشعب" المصرية: الشيخ القرضاوي والدكتور العوا وآخرون في مصر ... وأما الكلمة السحرية الأخرى والتى ذكرها بعفوية مطلقة هى كلمة "إضطروا" .... تماماً على سبيل المثال لا الحصر مثلما أصدر "الأزهر" (المؤسسة الرسمية) فى أكتوبر من عام2003 فتوى بشأن عدم شرعية "مجلس الحكم العراقي" ... وبعدما فوجئ الجميع "بإضطرار" الدكتور سيد طنطاوي شيخ الأزهر وقتها الى تراجعه عن تلك الفتوى .... وصدور قرار للشيخ "سيد طنطاوي" شيخ الأزهر وقتها بإيقاف الشيخ "نبوي محمد العش" رئيس لجنة الفتوي عن الإفتاء وإحالته للتحقيق، لأنه هو الذى أفتي بعدم شرعية مجلس الحكم الانتقالي العراقي وحرم التعامل معه، وأكد وقتها شيخ الأزهر أن الفتوي التي صدرت ممهورة بشعار خاتم الجمهورية المصري وشعار الأزهر لا تعبر عن الأزهر الذي لا يتدخل في السياسة وسياسات الدول وقصر الإفتاء على الشأن المصري الداخلي كما اعلن وقتها!!!... وهناك أكثر من موقف مشابه بشكل او بآخر ... وما أسهل تبريرها مثلما فعل الأن "مولانا" وهو يمر عليها مرور الكرام أيضاً ..... فالبطل المسلم العالمي محمد علي كلاى تحدى حكومة دولته ورفض الإزعان والإمتثال لأوامر حكومة دولته فى الإنخراط فى إحدى حروبها كمواطن مجند فى الدولة الأمريكية بسبب دينه ومعتقده وإيمانه ... بينما رجال الدين بالأزهر "إضطروا" أن يصدروا "فتاوى" مخالفة لدينهم ومعتقدهم من وجهه نظر "مولانا" .... مدهش!!! أحكي يا "مولانا" أحكي ... كلي آذان صاغية! أتخيل مشهد إقتراح حزب "مولانا" تحت قبة المجلس الوقر لتقنين مثل هذا الإقتراح ... وفجأة يعترض احد النواب قائلاً: مش عارف ليه مش مرتاح للتقسيمة دي ... دي مخالفة صريحة لما كان عليه السلف الصالح ... ويقوم مستشهد بمين .. بمين .. بمين؟؟؟ خلينا نقول مثلاً بكتاب : فتوح مصر وأخبارها ... المؤلف / أبو القاسم عبد الرحمن بن عبد الله عبد الحكم بن أعين القرشي المصري (187 هـ-257 هـ) وبينما يُفكر "مولانا" بما طرحه سيادة النائب ويستعد للرد عليه .. يطلب نائب آخر الأذن بالكلام ويُسمح له ... فيثير مسألة "الخُراج" التى وردت فيما إستشهد به زميله .. ويُطالب بتقنينها هى الأخرى .. ويستشهد هو أيضاً بما ورد فى كتاب "المواعظ والاعتبار" المؤلف : تقي الدين المقريزي (764 هـ ـ 845 هـ) عندما كتب يقول: وتستمر الجلسة ,,,, فعلاً ... ومازلنا فى ذات الجلسة حيث يطلب أحد النواب الأذن بالكلمة ويُسمح له ... فيعلق على كلام "مولانا" مُقترحاً الإستفادة بخبرات "الأشقاء" فى هذا الصدد ... بدء بإنشاء الهيئة الــــــعـــــــامـــــــــــة المعنية بتولي تلك المسئولية ... وإنتهاء بما يتم إتخاذه من إجراءات فى حالات التهرب والتي زادت مؤخراً لديهم!!! يـــُتــــــبـــــــــــع

بجد يعنى .. امبارح كتبت مداخلة طويلة ...وفجأة معرفش ايه اللى حصل ؟؟ والكمبيوتر فصل...لحد دلوقت متغاظة .. معرفش جت منين ... ان حريم المنتدى مش بيزيد سنهم عن 35 سنة ...!!! انا معنديش تسجيل فى خانة العمر ياولدى ...!!!.والعمر ده انا عشته بحلوه وحلوه و..يعنى ..( بالحلو والحادق ).. نتكلم بقى على شباب السبعينات .....ونتذكر مع ( بلدياتنا ) ما كان يحدث ايامها ...!! فاكر يابو محمد ...فرقة الموسيقى العسكرية اللى كانت بتعزف كل يوم جمعة (( كل يوم جمعة ...واخدين بالكم ..!!!))...عند الدوران اللى فى كل محطة على البحر ؟؟ يعنى تصرفات راقية ...اتعملت فى اوروبا بعدنا بسنين ... على فكرة الفرقة دى اخدت جوائز على مستوى العالم كله ...!!..(( كان المايسترو تقريبا اسمه.. عبد الحليم نويره..!! صح؟؟ مش متذكرة.... فى سبورتنج الصغيرة وكامب شيزار وغيره؟؟...ياخدوها من اول المنتزة لغاية المنشية .. يعنى من تسعة صباحا للعاشرة مساءا ....بطول الكورنيش .. والقرب النحاسية والا الناس ؟؟ ....لازم يروحوا يوم 23 يوليو ويوم 26 يوليو ده بقى فى اسكندرية حاجة تانية خالص ...!! كل الناس على البحر وحاجزين اماكن يتفرجوا على ( المارشات العسكرية والاحتفالات ..؟؟ والصواريخ ؟؟ ...يحضروا الذرة المشوية وابو فروة واللب والسودانى والكحك (( المخبوز )) يعنى السميط والبيض والجبنة ...)) ...وكانت البنات تلبس احلى ما عندها ...الصبح الكل على البحر ...سباحة ولعب راكت وبعد الظهر تمشية على الكورنيش .. كان فيه امان فعلا ...وكل شئ كان متوفر ... وفعلا ...مكانش فيه شبان تقدر تجازف بحياتها (( وتغلس على بنت ...بالايد )) يعنى ده معناه ان باقى شباب الحتة ياكلوا الشاب اللى يعمل كدة ..!!! والكل عارف الكل ...يعنى شئ عجيب كأن البلد كلها قبيلة واحدة .. امبارح كنت كاتبة لكم على الموبيليا ...على الفن الاصيل...على الجودة اللى كانت موجودة والشغل اللى بضمير ....وكانت الناس تعشق الشغل اليدوى ..نعرف قيمته... انا ايضا تزوجت فى سبتمبر ...73...وطبعاااا...على آخر الشهر كان زوجى على خط الدفاع ...!! بس وشنا حلو على البلد بحالها ....كفاية نصر اكتوبر جه على بختنا وكان اجمل هدية ....احلى مهر ...صح؟؟ فعلا... كان فيه سنين (( كلها كفاح )) ايام حرب الاستنزاف ...مكانش فيه حاجات كتير متوفرة ...وفاكرة ان كان ايامها وزير التموين بيخاف من الناس لانهم عملوا ثورة ..( الشاى روسى ومليان نشارة خشب ) ...وهو قال .. اعتقد كان ( فؤاد مرسى ) ..!!! الناس بتثور وبتقول ان طعم الشاى وحش...لاننا شلنا نشارة الخشب...(((( يقصد يقول ان الناس اخدت على النوع الوحش ولما بقى حلو الناس احتجت )))) عاوزة اقول لكم .. ان برضه كان فيه متاهات ....بس بصراحة كانت متاهات اشيك بكتير ..!!! كان كل يوم والتانى فيه مظاهرة ...وكان اجبارى حصة ( الفتوة ) حتى للبنات طبعااا...ورغم ان المدارس اجنبية لكن ؟؟ كان لابد من الاحتفال السنوى بعيد الثورة ...فى ستاد البلدية ...كل مدارس اسكندرية لابد كل مدرسة تقدم الفقرة بتاعتها ..!! كان فيه لبس للمدرسة ...لبس صيفى ولبس شتوى ...محدش يقدر يروح المدرسة واللبس مش مكوى ...او حد يكون لابس نفس لبس ( امبارح ) ..!! يعنى كل يوم قميص نظيف ومكوى ...وتفتيش حتى على المناديل لابد من وجود منديلين ...مكويين طبعااا.. ايه كمان ؟؟ فى حصة العلوم ..لما حد ياخد درجة نهائية بياخد هدية ..لاننا فى الفصل كل اسبوع كل واحد بيحط فى حصالة الفصل قرش صاغ...وكل شهر بنشترى هدية للى بيحصل على افضل درجة فى الشهر .. كان فيه محبة بين الجميع .. لما كنا بناكل فى الكانتين ..( كل واحد جايب اكله من البيت والراهبات بياخدوا العمود ويسخنوا هم الاكل ) ولو حد موجود فى الكانتين ومجابش اكل ...كان بياخد طبق شوربة وياكل مع الباقيين ... وكانت الشوربة بتتعمل للى مش بيجيب معاه او اللى مشترك فى الكانتين يعنى بياكل تبع المدرسة .. على فكرة ... عاوزة اقول مكانش فيه تكبر او تجبر ... ايه كمان ؟؟ كان عندنا السوق الحرة ( فى شارع صلاح سالم )...ودى بقى كانت فيها كل السلع اللى مش متوفرة فى البلد ..ولاحظوا ان الدولار كان ...((((((((((( ارخص بكتير من الجنيه المصرى ...!!!!!!!!)))))))))))). الاحترام للمدرس كان يفوق الوصف...((( كان عندنا حالة رعب من المديرة ...حالة رعب دائم يعنى ))).. برضه بالنسبة للمدرسة .... كان فيه تناغم جميل بين البيت والمدرسة ...وكأنها سيمفونية الاتنين بيكملوها .. كان فيه مسرح المدرسة (( تمثيل يعنى ومكانش حرام ...!!!))...كان فيه رحلات ...رياضة ... الكل بيتابع ... مفيش اسرة ايامها مكانتش مشتركة فى نادى ...!! سبورتنج وسموحة والصيد واليخت ...واللى مش مشترك فى النوادى تلاقيه بيروح مراكز الشباب ...ببلاش يعنى . كان اشتراك النوادى....اربعين جنيه فى السنة ...!! آه والله . دلوقت بستين الف جنيه ..!! (( بس الاعضاء القدامى بيدفعوا تقريبا ...........الفرد اربعمائة جنيه فى السنة )) دى ابسط حاجة يعملوها ...!!! على فكرة برضه.. حتى ذوق الناس كان راقى ومثلا مكانش فيه حاجة اسمها ....انت مش احسن منى ؟؟ لالالالا كل واحد عارف شغله بدون عقد .. يعنى ييجى البيه طالع العمارة .....يقوم البواب يقف...ويضرب له تعظيم سلام ...بوجه مبتسم .. يوم الخميس من كل اسبوع.... ريحة الرابسو ...مالية مداخل العمارات ...يعنى لابد من غسيل السلالم ( بضمير ) ..من فوق السطوح لحد تحت .. وكان فيه زرع امام كل بيت ...وفى كل الشوارع على الجانبين ... والجو مكانش (( رصاصى )).. كفاية كدة ...نكمل بعدين..