لوحة القادة

السلام عليكم و رحمة الله و بركاته اولا وحشتينى ذهبية و الحمد لله انك نورتى المحاورات مرة تانية اكبر خطأ انك تضعى المال بالبنك الا فى حال العجز عن الاستثمار فى شئ بعد ما زال الاستثمار العقارى محتفظ بهيبته .. و مكانته و سيظل .. لكن اى نوع فيه دعينا نتكلم بإستفاضة و لا يضيق صدرك بى اولا العقار مخزن للقيمة فمثلا لو اشتريتى شقة ب 100 الف و عند البيع هبط السعر الى 90 الف فهذا لا يعد خسارة لو قمتى بشراء شقة اخرى لان سعر الجديدة سيكون هابط ايضا و بالمثل فى حال المكسب لو بعتيها ب 110 فستشترى نظيرتها بنفس نسبة الارتفاع بالثمن و يسرى ما سبق فى حال الشراء بغرض السكن اما فى حال الاستثمار فذلك موضوع اخر - لو اشتريتى شقة بالتقسيط فبالتالى سيكون ثمنها مرتفع تبعا لعدد سنوات القسط و بالتالى ستنتظرى لاعادة البيع فترة طويلة لتحققى مكسب و سيكون حينها مكسب وهمى لهبوط قيمة الجنيه - العقارات التى فعلا بها نسبة مكسب هى التى بالمدن الجديدة و المناطق الجديدة لان مع زيادة نسبة الاعمار بيزيد السعر و لكن يجب الشراء كاش لان فى تلك الحالة ممكن تشترى بسعر اقل من سعر السوق - و طبعا مشاركات البناء تبعا لقيمة اموالك و لا تستحى من قلتها فانا رايت مشاركات ب 5 % من قيمة التكلفة تحياتى

ذكريات من زمن فات http://www.youtube.com/watch?v=7qeFhS-m1v4 أوبريت الأرض الطيبة (صوت بلادى) كلمات: حسين السيد ألحان: محمد عبد الوهاب غناء: محمد الحلو - سوزان عطيه - توفيق فريد - زينب يونس - محمد ثروت - ايمان الطوخى --------- رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله ده النيل لسمرانى فارد على الشطين قناديله والمصرى سكته محفوظه بقرآنه وانجيله ٠٠٠٠٠٠٠ من صوت التاريخ يامصرى تقدر تعرف ذاتك وهبت للدنيا دنيا جديدة من نبض حياتك وقت ماكان لسه العالم بيعيش تايه فى الغابة مصر كانت دولة وليها راية فوق أعلى سحابه رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله ده النيل لسمرانى فارد على الشطين قناديله والمصرى سكته محفوظه بقرآنه وانجيله ٠٠٠٠٠٠٠ سحابة وندهت للشمس قومى طلى على الوادى شوفى مصر الفراعنه فى وادى والعالم فى وادى ده المصرى فى الوادى الأخضر كان سابق زمانه يتمشى فى مزارع قمحه وجناين رمانه رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله ده النيل لسمرانى فارد على الشطين قناديله والمصرى سكته محفوظه بقرآنه وانجيله ٠٠٠٠٠٠٠ ذاتك فى القرية نشأت يا مصرى فى وسط عيله والأرض الطيبه فرشتها وسماها ضليله بتصادفك يا مصرى شدايد لياليها طويله بتهزمها بخطوتك الجايه من الأرض الأصيله رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله ده النيل لسمرانى فارد على الشطين قناديله والمصرى سكته محفوظه بقرآنه وانجيله ٠٠٠٠٠٠٠ وأصيلة يا خطاوى ولدنا وتسلم الخطاوى يا جاية من كفر بهية أم طرحه محلاوى وبهيه ياما جدى حكالنا عنها أنا واخواتى يا ما خبزت وقالت له علم صبيانى وبناتى رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله ده النيل لسمرانى فارد على الشطين قناديله والمصرى سكته محفوظه بقرآنه وانجيله ٠٠٠٠٠٠٠ بشراكى يا أرض بلدنا المواكب حواليكى سمعوكى وقالوا لك جينا نبنى ونزرع فيكى والشعب اللى امبارح جاب النصر فى اعظم صوره بالعلم وبالحب أهو جالك بالخطوه المنصوره رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله ده النيل لسمرانى فارد على الشطين قناديله والمصرى سكته محفوظه بقرآنه وانجيله ٠٠٠٠٠٠٠ منصوره دايما يابلدنا والبركة فى شبابك ده طريقهم عرفوه ومنور باسم الله على بابك يا مشالله ياجدعان يامشالله و يا خمسه وخميسه من العين أهو بنستنى شبابها يزوقوا العروسه رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله ده النيل لسمرانى فارد على الشطين قناديله والمصرى سكته محفوظه بقرآنه وانجيله ٠٠٠٠٠٠٠ صوت بلادي بلادى بلادى بيدوي عبر الأجيال صوت حضارة من يومها جبارة ياما صنعت أبطال و رجال صوت شعب ماشي آلاف السنين كل خطوة منه بكفاح ملايين أمجاده كتبها بحياته و مصر حياتها خطى المخلصين عيش حياتك بس ابحث عن ذاتك يا مصري و شوف عمرها كام نور وجودك من خطوة جدودك شعلة عزم و خير و سلام صوت شعب مصري و أعظم ما فيه أي أخ عربي يعوزه يلاقيه أمجاده كتبها بحياته و مصر حياتها خطى المخلصين أمجاده كتبها بحياته و مصر حياتها خطى المخلصين أمجاده كتبها بحياته و مصر حياتها خطى المخلصين

هذا الفيديو قطرة من سيل و ما خفي كان أعظم توسيع الهوة بين السنة والشيعة أكثر وأكثر حتى ننسى القدس !! هل هناك أحد يتحدث عن القدس الآن ؟؟؟ هل لازال أحد يذكر القضية ؟؟؟ العداء بين الفرس و العرب تاريخي منذ أن كانوا مجوسا يعبدون النار ولا علاقة له بالدين يرحمكم الله بشار الأسد لا علاقة له ونظامه بالدين أساسا حزب الله هو من تجرأ و رفع سلاح على اسرائيل فكان لابد من تشويهه وهل هناك أكبر من التكفير ؟؟؟!!! دهاء و خبث صهيوني نجح في تحويل الانظار تماما عن القدس و ليصبح الشيعة أخطر من اليهود وقتلهم هو النصر !! و باتت اسرائيل ترفل في نعيم السلام في ثياب الحمل الوديع شاهدت مرة فيلم كارتون و أنا صغيرة و لازلت أذكر مشهد لا ينمحي من ذهني كان هناك من يعطي شخصا ابرة لينحت بها في جبل " الالهاء" و تضييع الوقت والجهد بلا طائل ألا يذكركم هذا بشيء ؟؟

يابو عمر عاوز دليل على إيه ؟ البينة على من ادعى والمتسلفين هم من ادعوا أن معاملات البنوك ربا إشمعنى فى دى مش بتفهموا بفهم السلف الصالح هات انت دليلك على أن معاملات البنوك فيها نص من قرآن أو سنة أو من اجتهاد خير القرون يقول إن هذه المعاملات كانت معروفة لهم عمرك سمعت أو قريت عن القيمة الحالية أوالمستقبلية للنقود ؟ برضه بدون فذلكة اقتصادية أو هندسية يرضى مين يا مسلمين إنى أسلف واحد 3000 جنيه وانا فى الكويت وأحول 1000 دينار أيام ما كان الدينار بتلاتة جنيه وآجى اديهم له فى مصر 3000 جنيه بالتمام والكمال عشان يشترى ارض ولما ييجى يردهم لما بقى الدينار بخمسة وعشرين جنيه يردهم لى 3000 جنيه ؟ ده غير ان متر الأرض اللى اشتراه بفلوسى بقى سعره خمسين ضعف ؟ خلينا نعتبر ان الزيادة اللى باطلبها فوق التلات آلاف جنيه ربا وان انا والمقترض تبنا .. فأين هذا من قوله تعالى وَإِن تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ وأين هذا من قوله تعالى يَا أَيُّهَا الَّذِينَ آمَنُوا لَا تَأْكُلُوا أَمْوَالَكُمْ بَيْنَكُمْ بِالْبَاطِلِ وأين هذا من القانون الوضعى "الكافر " الذى لا يجيز الإثراء على حساب الغير ؟

مبسوط يا عم زهيري .. اهه بركاتك في تهدية النفوس سرحت عالمحاورات ..

السلام عليكم اخى الفاضل طارق جزيت خيرا فقيه العصر ..صاحب الفتاوى الغريبه مثل الراقصه الشهيده و شرب قليل من البيره ليس حراما.. :blink: ما علينا سياده الفقيه يقول هناك رأيان خلاصتهما : الاول هنا استند الى رأى إثنين طال واحد منهما جدل لم ينتهى حتى اليوم ..و الرأى الثانى اكثر الفقهاء و المجامع الفقهيه المعاصره فأى الفريقين احق بالاتباع يا طارق يا اخى . اخيرا يا طارق إصرارى على تكرار مرجعيتك الازهريه توسما للخير داخلك فقط .

وقع هذا الرابط بالصدفة أمامى .. هو تصوير أغنية (صوت بلادى) .. أحد الأشياء المميزة لفترة الثمانينات كانت بعض الأغانى الوطنية الرائعة التى كانت يكتيها أفضل الشعراء و يلحنها أفضل الملحنين .. و بالطبع يغنيها مطربون بحق .. أعنى أنهم و ان اختلفوا فلا أحد منهم ينشز أو يبتسم حين ينشز - على سبيل التفاخر - كما يحدث الآن . اعتاد التليفزيون فى فترة الثمانينات على تصوير أوبريتات مثل تلك .. المخرج حسين كمال و هى انتاج التليفزيون المصرى قبل اقتحام الفضائيات المسف .. و قبل تغير الذوق العام حتى يواكب ما يريدونه أصحاب أموال الانتاج الغير مصريين . كلمات الأغنية شدتنى للغاية .. الواحد كان بيرددها زمان و هو صغير دون أن يتعمق فى الكلمات بشكل كبير .. كما أن واضع الإنية فى اليوتيوب يقول - و أشاركه الراى - عن ما اروع الأغانى الوطنية التى تكتب للشعب و للوطن و ليس لارضاء حاكم ما أو للتغنى بأمجاد زعيم ما .. الحكماء و الزعماء يموتون و بقى الوطن. أترككم مع الأغنية لتخبرونى ما أجمل مقاطعها و ما رأيكم فى اللحن و الكلمات : صوت بلادى مهيب

ذهبية و لكى منى تلك

صباح الخير .. صباح الحب .. صباح الامل ..

تحية طيبة . رأيت هذا الفيديو المرعب والمريب اليوم على الفيسبوك وخجلت من نفسى لأنى فى يوم ما لم اصدق انها مؤامرة والدور على مصر . لم اصدق . وعندما حدث ما حدث فى درعا....تأكدت .....أن ... هذا الشيخ ( القرضاوى الله يلعنه ) هو سبب كل المصائب هو واردوجان ..( أو اردوغان )....كانت مذبحة واشترك فيها كل الاعداء وصرخوا .. هذا من فعل الجيش ويجب القضاء على الجيش ..(( نفس السيناريو الذى حدث فى مصر لكن بطريقة اخرى ..قالوا ان الجيش قام بمذبحة فى رابعة وقت فض الاعتصام )).. وصور هنا وصور هناك ...وجرائد تكتب وابواق تنعر . ايضا....لم استوعب كل شئ رغم وضوح حقائق كثيرة .( السودان وتقسيمها وليبيا وتونس واليمن والصومال) و,,,للأسف..قلت القرضاوى . ... ليس اخوانى . لكن لماذا ينادى بالجهاد فى سوريا؟؟ ولماذا ينادى باسقاط جيش سوريا والقضاء على بشار ؟ وهل حقيقة قام بشار بكل هذا؟؟ الم يكن يدافع عن بلده ؟؟......اى نعم بطريقة قاسية .. ولكن؟؟ هل كان امامه اى شئ آخر ؟؟ يا الهى ... يا الهى ........لااصدق نفسى ..لااصدق نفسى ...أأنا الآن التمس لبشار الاعذار ؟؟؟ نعم.. لأننا ذقنا من نفس الكأس ورأينا الدمار يحل على ديارنا ... أول امس ( قتل ) ثلاثة فى حى ما حياء الاسكندرية .فى جليم ...يعنى فى كل مكان . فى السيوف كانت تحدث مهازل وبالسيوف وقتل واصابات بالعشرات وتدمير للمنشآت وحرق السيارات واقتحام اقسام وحرق قسم المندرة وغيره .. هذا يحدث فى الثغر الوديع.....أهذا يحدث فى بلدنا حقا؟؟ رغم كل شئ .....لم يخطر ببالى ان تسير مصر على نفس الطريق ( الأعوج ) الذى تم التخطيط له منذ سنوات بعيدة.. بدأ تشويه الحقائق...بدأ اللعب بعقول الشباب ...وبدأ الاصطياد فى الماء العكر وخداع المتخلفين بكلام معسول عن تحقيق احلام لن تتحقق ...لن تتحقق. بالطبع ......ليفق الجميع وخصوصا الشباب الغض البرئ.. ياابناء هذا البلد الآمن ...........هؤلاء مرتزقة .....مرتزقة ..يقتلون بالأجر .. لا دين لهم .. لادين ولا ضمير ولا شئ.. هم مجرد حشرات تطفو من حين لآخر على السطح .... تزعج وتحاول تدمير الأخضر واليابس .. للأسف... شوهوا الاسلام .. لأن من خطط كل هذا .....من مصلحته تشويه الاسلام . من مصلحته القضاء على الاسلام . لن اقول ...........السيسى هو المنقذ. لن اقول هذا ... المنقذ هو الله . والحافظ هو الله . { وَآتَيْنَاهُ مِنْ كُلِّ شَيْءٍ سَبَبًا فَأَتْبَعَ سَبَبًا ْ} صدق الله العظيم. اما السيسى فهو ... انسان مسلم مصرى . يعنى .انسان .... مسلم .... مصرى .. وصفة الانسان بمعناها الجميل تجعلنا نثق أنه سوف يتعامل بالفطرة السليمة مع الجميع وبالرحمة والعدل . واما صفة الاسلام ..(( ياالله )) ...يكفى انه سوف يجعل معنى الاسلام الحقيقى معروف لكل العالم . بعد ان تم تشويه ديننا الجميل بشتى الطرق ( والكبارى ) ..!!! الاسلام معناه ان تحب لأخيك ما تحب لنفسك وان تكون رحيم بالناس وخصوصا بالضعيف وأن تحنو على الفقير والصغير وأن تحتوى كل البشر وتعطيهم من خيرات الله التى جعلك بقدرته مجرد حارس عليها . وليست ملك خاص لك . واما معنى أن اصفه بمصرى .....فا أنا لااقصد مكان الميلاد فقط لكنى اقصد أنه يعشق هذه الأرض التى ينتمى لها . يشعر انه من (( طين هذه الأرض )).... هل تتذكر ياكامل عندما قلت فى موضوع كل عام وانتم بخير .....انك كل عام تتمنى عام افضل وهذه السنة تتمنى ان تكون سنة مطينة بطين؟؟؟ سوف تتحقق امنيتك ياكامل وتكون هذه السنة ......طين مصر لها ولأهلها فقط .وليس لغيرها . لا اخوان ولا غيرهم .. مصر للمصريين ....لمن خلقوا على ارضها .. لمن نبتوا فى ارضها .. ان شاء اله لن يكون مصيرنا لمصير غيرنا .. اللهم اجعل هذا البلد آمنا يارب العالمين .

السلام عليكم اخى الفاضل طارق جزاك الله خيرا مداخله عجيبه ادارت رأسي ..هل هذا هو طارق حسن الازهرى؟ اولا من قال بالركون الى اراء البشر دون الرجوع للمصادر الموثقه القرأن و السنه الصحيحه الموثقه ..هل انا قلت ذلك ؟؟!! من اين جئت بذلك يا طارق.. لتختلف الافهام يا طارق فى النهايه المرجعيه هى الحاكمه من وافقها اتبعناه و من خالفها ضربنا عرض الحائط بكلامه . ثم اى كارثه تطرحها يا طارق هل الربا و الذى ليس اضعافا مضاعفه مسموحا فى نظرك و هل العله فى مقدار الربا ام فى مبدأ الربا نفسه .. ثم يا طارق فهم من الذى سيكون مقبول ..فهمك يا ازهرى ام فهم اخر صوفى ام فهم اتباع المعتزله ام الشيعى ..ام من يا طارق؟!! ثم لمن وجه الملك عز و جل الامر ..فاسألوا اهل الذكر إن كنتم لا تعلمون..لمن يا طارق يا ازهرى

ناس كتير كانوا مفكرين بشرى ولد

اسكندرية ..........وبس.

إذا كنتى عاوزة تبيعى آخد منك بأغلى 10% عن سعر السوق

المنتديات لم تعد عالما افتراضيا بقت حياة كاملة و حقيقية و علاقاتنا بالناس فيها تتحول أغلبها لعلاقات حقيقية و معرفة شخصية و قد تصبح صداقة قوية أيضا عالم الانترنت عالم رائع فعلا بارك الله في عمرك و رزقكِ السعادة و راحة البال امين

اشكرك يا عطر الجنة ان فية بوست زى دة فى المحاورات فكرتنا ان فية حاجة لسة فيها رومانسية ان لسة فية مشاعر و احاسيس نحتاج فى بعض الاوقات الى من يوقظ تلك المشاعر و يخفف علينا زخم الحياة التى ننساق ورائها ووراء العمل و الشغل و المشاكل وننسى ان هناك قلب ينبض فى داخلنا يحتاج بين الحين و الاخر ان تجعلة يشعر انة يعيش و يتنفس

صباح الخير ... نحـــــتاج دائــــما لصبــــــاح جديـــد.. يـــــــمحو ظـــــــلام الأمــــــس و يعـــــيد صفـــــاء الـــــنفوس و هـــــا هــــو مقبـــل فــــلا تـــدعــــوه يـــرحـــــل قـــــبل أن تبـــــتســـموا لشمســـــه و إن كنـــت فـــي الطـــريق إلــــى اللــــه .. فاركــــض و إن صُعــــبَ عليـــك فهـــــــرول و إن تعبــــت .. فامـــش و إن لــــم تستطــــع كــــل هــــذا فســـر .. و لــــــو حبــــــــواً و إيـــــــااااكَ و الرجـــــــوع صباحكـــــم بسمـــــة و أمـــــل و تفـــــــــــاؤل

يحكي ان رهطا من المتعبين وجد شجرة ظليلة في قيظ الصحراء فسارعوا للاحتماء بها ليستمدوا العون على مواصلة الطريق وتبين الرؤيا فخرج من بينهم من يحمل فأسا وسارع لاجتزاز الشجرة ناعتا إياهم بأهل الكهف المغيبين وانبرى يصرخ فيهم انهم في صحراااااااء لا زرع فيها ولا ماء ولم يراع أن منهم المتعب وكبير السن ممن تلزمه استراحة قصيرة وشربة ماء قبل استكمال المسير

هذه الجمله "وغلاوتك يا بلدنا والله مش محتاجه أواله" كانت فعلا بتهزّنى جدّا حتى الدموع .. بتعبّر عن شعور عميق من غير كلام كتير .. آه والله مش محتاجه أواله .. طبعا الأغنيه كلّها مميّزه و لها ذكريات مرتبطه بالطفوله إذ من يتصوّر أن ينتظر أطفال -وقت إنتاج الأغنيه- الاستماع لأغنيه وطنيه بالكامل !! زمان كان كوبليه "سوزان عطيه" بيعجبنى بشدّه بسبب لهجة الفخر الواضحه جدّا فيه ب "مصر" وقت أن كانت فى أوج حضارتها .. ده المصرى فى الوادى الاخضر كان سابق زمانه يتمشّى فى مزارع قمحه و جناين رمّانه دلوقت باسمع الأغنيه و أركّز فى الكوبليه و أبتسم لأنّه لازال قادرا على إحداث نفس الأثر لدىّ رغم مرور كل هذه السنين و تغيّر أفكارى حول الافتخار بتاريخنا حتى وجدتنى أسأل نفسى إيه اللىّ اتغيّر !! و وجدتنى أجيب أن حب "مصر" شئ و الافتخار بتاريخها أو عدمه شئ آخر كمان كوبليه "زينب يونس" يعيد للذاكره صوره محبّبه إلى النفس عن "مصر" .. ست أروبه رغم تواضع إمكانياتها طموحه تصرّ على أن يتعلّم أبناؤها رغم أنّها قد تكون لم تتعلّم لكنّها تعرف بشكل ما أهميّة التعليم : و أصيله يا خطاوى ولادنا و تسلم الخطاوى يا جايه من كفر "بهيه" أم الطرحه محلاّوى و "بهيه" ياما جدّى حكى لنا عنها أنا و اخواتى ياما خبزت و قالت له علّم صبيانى و بناتى فظيعه فعلا رغم إن صورة "مصر" كفلاّحه صارت مستهلكه بشدّه لدرجة الملل بس فى الأغنيه دى الموضوع مختلف تماما ومعنديش أى مانع يمنعنى من الاستمتاع بالصوره و الانفعال بها جدّا .. أخيرا كوبليه "إيمان الطوخى" -أوّل مرّه ألاحظ إن كل اللىّ أعجبت بيه من غناء مطربات !!- بردو رغم اعتماده على صورة "مصر" كعروس كان بيعجبنى جدّا و أظن أن كلمة "العيله" كانت من ضمن كلمات الرئيس "السادات" رحمه الله باعتباره كان "كبير العيله" على حد تعبيره :sad: ومنصوره دايما يا بلدنا و البركه فى شبابك وطريقهم عرفوه و منوّر باسم الله على بابك يا ماشالله ياجدعان يا ماشالله و يا خمسه و خميسه دى العيله بتستنّى شبابها يزوّقوا العروسه شكرا جزيلا ل"مهيب" و لمن وضع هذه الأغنيه الرائعه على "يوتيوب" .. شكرا كذلك لمؤلّف الكلمات الصادقه و لصاحب اللحن الذى لا ينسى .. صوت شعب ماشى آلاف السنين .. كل خطوه منه كفاح ملايين .. أمجاده كتبها بحياته .. "مصر" حياتها خطى المخلصين

زين ما اختارت اخى الكريم من اغانى وطنيه :sad: .. وعلى فكره انا منزلها عندى من فتره لانى كنت بدور عليها من زمان لانى مازلت اتذكرها واتذكر كلماتها ونغماتها المتميزه وهى على ما اعتقد من كلمات حسين السيد والحان عبد الوهاب الاغنيه دى كانت بتتذاع فى التلفزيون على طول وبعد كده فى حكم مبارك بدات تقل فترة اذاعتها لغاية ما تقريبا بطلوا يذيعوا لسبب غير معروف او غير مقصود تصدق انا كنت لسه بفكر وانا بسمعها من حوالى اسبوع ان الاغنيه دى تستحق تكون هى السلام الوطنى لمصر لروعتها مش كلها طبعا ولكن اجزاء منها الاغنيه دى عمرها تقريبا يقترب من الثلاثين عام .. من ايام السادات الله يرحمه .. واحلى ما فيها هذا اللحن الصارم فى بدايتها .. ثم دخول الاغنيه فى مقام اخر مبهج وفرح بعد كده .. ((رجاله وطول عمر ولادك يا بلدنا رجاله وغلاوتك يا بلدنا والله مش محتاجه قواله)) .. انا بعتبر الاغنيه دى كاملة الاوصاف .. لحن عبقرى .. كلمات معبره .. احلى الاصوات الغنائيه فى ذلك الوقت وكان معظمهم شباب واعد مثل ايمان الطوخى ومحمد الحلو وسوزان عطيه ومحمد ثروت .. الاخراج بمقايس العصر ده تحفه .. دا غير التابلوهات الراقصه من فرقة رضا ... يا سلام على كمية الحب والوطنيه والانتماء اللى بتطل من الاغنيه دى .. الله يرحمك يا مدبولى .. قلتها ((يرحم زمان وليلالى زمان .. الناس يا متهنى يا فرحان .. الدنيا كانت ورده وشمعه .. ولسه مخترعوش احزان)) يمكن محدش يلاحظ كتير ان فى الاغنيه دى فيه مغازله من كاتبها للرئيس السادات ...من خلال تحليل بسيط للمضمون .. لما بيقول فى احد ابياتها (عيش حياتك .. بس ابحث عن ذاتك ) .. وايضا فى لما محمد الحلو بيقول (0من صوت التاريخ يا مصرى .. تقدر تعرف ذاتك))وهنا فى رايى كان الشاعر بيشير بتوريه شعريه لقصة حياة انور السادات اللى صدرت فى كتاب سنه 77 على ما اتذكر وكان الكتاب بعنوان ((البحث عن الذات)) .. من احلى كلمات الاغنيه مقطع (أمجاده كتبها بحياته)) ((و المصرى سكته محروسه .. بقرانه وانجيله)) مع خالص تحيتى wst::