لوحة القادة

خلاصة .. مظللة بالأحمر عرفتم بقى اللف والدوران والجدل العقيم بييجى منين ؟ عدم فهم بل عدم قراءة ردود من نحاورهم نتكلم عن أنفسنا .. من أنفسنا .. وكأننا فقط الموجودون وليذهب ما يقوله الآخر إلى الجحيم ادخروا مجهودكم لحوار أجدى وأنفع من هذا

كاف فتحة كا فاء فتحة فا راء فتحة را كا.. فا.. را ... تصدقوا بالله .. قولوا لا الله الا الله جدعان .. الكلمة دي من كتر ما اتكررت مابقتش بتفرق بجد .. يمكن زمان كان الواحد بيصعب عليه الفكرة .. الموقف نفسه .. لكن دلوقتي بقت .. بقت بايتة .. بقت عاملة زي الشفافية و الأمانة و الديموقراطية كده .. بقت عاملة زي الجرنان بتاع الأسبوع اللي فات .. لو لسه فيه حد بيشوف فيها انتصار معنوي ليه .. انتصار بيعوض بيه نقص تاني في نواحي حياته .. خلاص يقولها ... يا سلام .. و احنا فديك الساعة لما الناس تنبسط ...

كل عام والإخوة الأقباط بخير .. وكل عام ومصر بخير ..

شعبان المسلم: وشك أصفر ليه يا حنا يا كافر؟ حنا المسيحي: وسع الطريق يا اهبل يا كافر، هو الهبل بيخلي الجيران تقابل بعضها على الصبح بالشكل ده! أنت من يوم ماسبت دقنك بقت أحوالك غريبة. شعبان المسلم: أنا اهبل وكافر يا عابد الصليب يا ناكر للإسلام دين الحق؟ حنا المسيحي: حق ايه وباطل ايه، دينك ده دين كفر وضعه لكم واحد ولا هو نبي ولا يحزنون وانتوا زي الهبل كده صدقتوه، دين الحق هو الدين المسيحي الارثوذوكسي. شعبان المسلم: أنا ديني باطل يا كافر ياعابد للصليب والثالوث. حنا المسيحي: هو احنا حنقعد نكفر في بعد في الطالعة والنازلة والداخلة والخارجة؟ ينفع يعني كده؟ شعبان المسلم: اسلم تسلم ! حنا المسيحي: انتوا مش عندكوا قرآنكوا بيقول "لكم دينكم ولي دين"؟ شعبان المسلم: لكني مأمور أني أدعوك للإسلام واقاتلك لو لم تدخل في الإسلام. حنا المسيحي: بس عندكوا بتقولوا "لا إكراه في الدين" صح؟ شعبان المسلم: طيب هو فين الإكراه؟ أنا ادعوك بالحسنى، وادعوك بما جاء في انجيلكوا، مش الانجيل بيقول "سيأتي من بعدي رسول اسمه أحمد". حنا المسيحي: جيبت منين الكلام ده؟ الانجيل مافيهوش حاجة اسمها أحمد. شعبان المسلم: يبقى انجيلك محرف. حنا المسيحي: خلاص هات لي انت يا فالح الانجيل الاصلي. شعبان المسلم: انا ماعرفش فين الانجيل الاصلي، لكن القرآن قال كده، قال ان المسيح اخبركم انه سيأتي من بعده رسول اسمه أحمد. حنا المسيحي: أنا مش معترف أساسا بالقرآن، ثانيا انت بتقول أحمد، ورسولكم اسمه محمد، وعلى رأي المثل أحمد مش هو ازدحمد. شعبان المسلم: طيب ايه رأيك تجرب الإسلام، يمكن يعجبك. حنا المسيحي: ولو ماعجبنيش؟ شعبان المسلم: ولا حاجة، تفضل تجرب وتجرب لحد لما تقتنع. حنا المسيحي: ولو لم أقتنع، ارجع للمسيحية تاني؟ شعبان المسلم: لأ، ماتقدرش، الاسلام زي الطرق الاتجاه الواحد، لو حبيت ترجع ورا اللي وراك يفرمك. حنا المسيحي: يعني ايه؟ شعبان المسلم: يعني الداخل مولود والخارج مفقود. حنا المسيحي: ده مش دين، ده شغل عصابات، اللي يدخل في العصابة ميقدرش يخرج علشان اسرار العصابة ماتطلعش بره. شعبان المسلم: عصابة ايه بس، طيب احنا جيران بقى لنا اد ايه، شوفت مني حاجة زعلتك؟ حنا المسيحي: طيب انت شوفت مني حاجة زعلتك؟ شعبان المسلم: ربنا مايجيبش حاجة تزعل، طول عمرنا بنحب بعض وبنخاف على بعض وبنعيد على بعض ونهادي بعض بالكحك والبسكويت وحاجات كتير. حنا المسيحي: اللهم اخزيك يا شيطان، طيب ايه اللي حصل خلاك تقابلني بالوش ده على الصبح. شعبان المسلم: ممكن تقول وسوسة شيطان على قلة عقل. حنا المسيحي: يا استاذ شعبان انت عقلك يوزن بلد، قلة عقل ايه بس. شعبان المسلم: لأ بجد ، انا باعتبرها قلة عقل، أعوذ بالله من الشيطان الرجيم، يارب أنشر محبتك بيننا واكفنا وسوسة شياطين الإنس حنا المسيحي: اللهم آمين، بس لازم تقول لي ايه اللي حصل؟ ايه اللي قلبك علينا؟ شعبان المسلم: الموضوع ومافيه أني كنت باعمل سيرش على النت، حظي الوحش وقعني في موقع اسمه "محاورات المصريين". حنا المسيحي: أيوه عارفه كنت مشترك فيه ومازلت ولكني قللت الكتابة فيه، هه وبعدين؟ شعبان المسلم: على شريط العناوين لقيت موضوع اسمه "حكم وصف أهل الكتاب بالكفر أو الشرك". حنا المسيحي: كويس وبعدين؟ شعبان المسلم: لأ مش كويس. حنا المسيحي: شوقتني .. قول شعبان المسلم: مش عايز أزعلك، حنا المسيحي: ياعم مش حازعل. شعبان المسلم: ملخص الموضوع ان هناك آراء مطولة حول وجوب نعت المسيحيين بالكفر، وحاجات كتيرة لايمكن ان تجعل اتنين من ديانتين ان يتعايشوا معا، حنا المسيحي: الله محبة، عندك مانع نتعشوا مع بعض الليلة دي؟ 1 + 1 = أنا و أنت = وطن 1 أو 1 = أنا أو أنت = كراهية وبغضاء وحروب 1 ÷ 1 = أنا فوقك = قهر وذل 1 - 1 = لا أنا ولا أنت = خرابة

انتوا مش بتقولوا ان السيسي: امه يهوديه وابوه مسلم وعمه اخواني ومراته ست منقبه واولاده حافظين القرأن وهو شخصياً مسيحي ليبرالي علماني؟؟ . . . . . . . طب ماهو رئيس توافقي اهو !!!

برررررررر برررررد ......... كوباية الشاي ما حوقتش ... الف في البيت ... حر طليق ..... انا الملك .... هدووووووء رائع جونيور و أمه عند حماتي اكمنها تعبانة ... ربنا يشفيكي يا حماتي ... بس مش بسرعة يعني .... احط شريط لأسمهان ..... و وواحد تاني لليلي مراد .... خير اللهم اجعله خير مافيش أصوات اعتراضات .. يا حلاوة يبقي نحط فريد .. و ما حدش منهم حيتريق خصوصآ المفعوص اللي دايمآ يقوللي دي عالم عندها مغص بتغني ... ايش فهمك في الغنا يا بتاع الهافي ميتال و تيمبرجاك و لا تيمبرلاند..... سندوتش فينو معتبر و يتدفس فيه شوية لانشون علي جبنة رومي .. و اقعد قدام التليفزيزن و اتمطع و اتفرج علي ماتش كورة من غير ما حد يقوللي غير القناة علي مسلسل يجيب الضغط و لا فيلم كارتون ... و من غير ما حد يفتح بقه و هو بيتنطط من الغيظ من فتافيت العيش و بواقي الجبنة اللي عمالة تتنطور مني عالكنبة و عالسجادة تحت رجلي .... "أحب عيشة الحرية" .... حلاوتك يا عبوهاب ... بس حتة السندوتش دي ما حوقتش ... و الواحد جاع ... تعمل ايه يا ابو سريع تعمل ايه يا بو سريع .... خطوات مترددة و لكن ما بدهاش ... الي المطبخ .... ايه الحلاوة و النضافة دي .... صدق اللي قال عليه مملكة المرأة ... و بما أنه مملكة المرأة يبقي مالناش دعوة .. يعني ما يخصنيش ... لما تبقي تيجي المرأة تبقي ترجعه مملكة زي الأول... انا حعمل اللي اقدر عليه و اللي يخلص ضميري .... تاكل أيييه يا سكوب ... تاكل ايه يا سكوب ...... محشي يا اخي اتلهي علي عينك ... انت تعرف حتة تشتريلك كرمبة و لا اتقور كوساية .... و بعدين بقي في الحوسة دي ... كل اللي في التلاجة حاجات خواجاتي ... نفسي في حاجة حرشة ... ابص حواليا ... و بعدين ابص للتليفون .. و تلقائيآ آجي أتصل بأم جونيور بس علي آخر لحظة الاقي نفسي بتصل بأبن مصر - خير يا سكوب - جعان - طب اعملك ايه يعني ؟ - ما تباصيلي اي وصفة سهلة كده لحاجة من بتوعنا... - من بتوعنا ؟ - آه والنبي يا أحمد - يبقي افتحلك علبة بولوبيف و اقلب عليها بيضتين .... بس ايييه مع الملح و لفلفل حط شوية كوركوم .. و ابقي ادعيلي... - كوركوم ؟؟؟ طب يا سيدي متشكرين يا شيف عصرك ... و قمت قافل السماعة و بعدين بقي في الحوسة دي .. الدنيا بقت برد بجد الجوع زاد ... و فجأة .. ازاي ما فكرتش يه فين التليفون ... اهه ..... و من الطرف التاني من الخط يأتي صوته : - عايز اييييه يا سكوب ؟ - جعان و بردان يا سي السيد .... السوارس يا سي السيد ... آخر مرة يا سي السيد - اييه يا ست أمينة اللي انت عامله ده .. - مش عارف اطبخ ايه و الواحد جاع - هي حماتك لسه عيانة -آه - يعني رجعنا كلنا عزاب تاني .... أنت عارف انا بعمل ايه دلوقتي - ايه ؟ - حلبسة - الحلبسة بتاعتنا ... حمص الشام بتاع أيام الكورنيش .... يا ابن الأييييييه ... لايمني يا ابو السيد - شوف يا سيدي من عربية اخوك الصغنن سين سين ... شعارنا ( أشرب حلبسه .. وادبح لمراتك البسه ) وإليك مقادير وطريقة عمل الفودكا البلدي - تنزل السوبر ماركو وتشتري علبة حمص جاهز .. احسن الحمص الحب بيبقى مقرف وتقعد تنقع فيه يوم كامل وكل شوية تغير له الميه وشغلانه . - وبعدين تاخد علبة الحمص على البيت وتغسل محتوياتها كويس من المواد الحافظة . - وتقوم دالقها في حله صغيرة على لترين مياه بيضاء من الحنفية - وتقوم حاطط عليهم معلقتين صلصة طوميطو ... ومقطع عليهم طوموطمينطي .. بأختصار 2 حبه طماطم عشان مش عارف أنطق الكلمة اللي فاتت ... وتحط عليهم معلقيتن خل طعام أبيض - تسيب الخليط ده يغلي لمدة لا تقل عن نصف ساعة .( نص يا سكوب مش أقل من كده ) - وبعدين تقوم مزوده ملح طعام مُشبع باليود . - تكون بقى سعادك جايب قزازة ميه معدنية حجم لتر بس فاضية زي مانا باعمل .. وحاطط فيها 3 ملاعق كمون مطحون ... على معلقة بهارات وتعصر عليهم قد لمونيتن تلاته ... وتزودهم نص كوباية ميه .... وتضع اهم مكون رئيسي للفودكا وهو الشطة الحراقة .. أنا بأستخدم هوت صوص اللي هو بالإيطالي يعني الشطة الجاهزة ده يابني المشروب المُفضل لقراصنة الكاريبي ... وتقوم قافل قزازة المية بالغطا اللي إنت حطه على جنب وما تضيعش الغطا زي كل مره يا سكوب ... وتفضل ترج ترج ترج في القزازة وأنت تطلق صيحات الفزع القرصانية اللي هي ( مين يعادينا .. واك واك ... في أراضينا ... واك واك ) وتقوم جايب كوباية كبيرة من اللي بتحطوا فيها شربات الورد للمعازيم في الأفراح وتقوم ماليها 10 % من الخليط الجبار ده على 45 % حب حُمص و45 % مية طرشي قصدي مية حُمص ... أي تغيير في النسب المئوية دي ممكن يؤدي إلى أثار جانبية خطيرة أقلها هو مرض سلس البول .. إنت حُر ... وإشرب يا معلم واتحدى إن ما راحو جابوك من لوكسمبورج اللي جنبكو لإنك ممكن تاخدها جري من روما للكسمبورج في نص ساعة بعد ما تضرب لك شوب من الفودكا دي . - و عهد الله انت حبيبي يا بو السيد ... - بس ابقي طمني عليك بعد كده يا سكوب .. انا مش ناقص ذنوب في رقبتي -------------------------------------------------------------------------------------------------------------------- دي كانت اول تجربة "رجالية" لنا في المطبخ ... و نقبل وصفات أخري ...حكايات أخري ... شيكات أخري .. و كده يعني

قبل الكل جيت أهني و أقول كل سنة و انتو اخواتنا و أصدقاءنا و أحبابنا كل سنة و احنا طيبين و مع بعض في هنا عايشين و عيد ميلاد مجيد سكوب و أغابي و بيبو كندا و الغائبين الحاضرين سوسو راني و جو و روك وريمون و مدام ميرا ميخائيل و كل حبايبنا اللي كانوا ماليين علينا الدنيا هنا في بيت العيلة و يارب ما اكون نسيت حد :)

الموضوع أكتر من جميل ومبهج بجد أخذني من المرض والتعب شوية. ما عليه انا بقى كنت محتاسة في موضوع الدقة دي كله عادي لدي حتى الشطة بنتي بتسويها كويس وتبعتهالي احتفظ بها . شكرا على وصفة الدقة وشكرا على الضحكة الجميلة اللي انا كنت محتاجاها . سومه

ما هو عشان كده بيقولوا ((السلف تلف .. والرد خساره)) هههههههههههههههه انا شايف ان موضوع فوائد البنوك يندرج تحت بند ((الامور المتشابهات)) والذى علينا اتقائها قدر المستطاع .. وفى عصرنا هذا صعب جدا جدا البعد عن التعامل مع البنوك المسماه((ربويه)).. حتى ولو لم نضع فيها اموال .. فالمرتبات والمعاشات والتامينات كلها تتدفق عبر البنوك وتختلط بمالها .. عامة موضوع الاختلاف علي فوائد البنوك ده فيه رحمه .. رحمه مثلا لارمله وام اطفال ورثت مبلغا من المال لا تستطيع استثماره .. فتضعه وديعه بنكيه تصرف من ريعها على نفسها واطفالها .. ورحمة مثلا لشخص مثلى عاش 10 سنوات من عمره خارج مصر .. وليس امامه الا وضع مدخراته ولو بشكل موقت فى البنوك كوديعه حتى لا تقل قيمتها حتى يدبر امره .. وهكذا .. بصراحه انا لا اومن بالتحريم المطلق فى هذا الصدد من خلال فهمى الخاص

هل نستطيع ان ننأي البنوك تمامآ من حياتنا ؟ هل نستطيع ان نجعل حياتنا تسير بصورة طبيعية بدون ان يكون لنا اي تعامل مباشر او غير مباشر بها . و هل يوجد اي بنك لا تدخل الفوائد في سياسته أيآ كانت صورتها ...

كل سنة و احنا كلنا طيبين و في طاعة ربنا عايشين و بالخير متجمعين و كحك و بسكوت واكلين و بالعيدية معيدين hg)::

هههههههههههههههههههه ده هو ده وقته عشان ما تعرفوش تعيدوا :P امال ازاي تحسوا بالذنب و تقبلوا على الاسلام ؟ هه؟؟ هه؟؟ :ninja:

من عاداتي ليلة 7 يناير اني كنت الساعة 12 بالليل احب اتصل اغتت على واحدة من صاحباتي وبيبقوا كلهم مستنيينها عشان يفطروا :) و هي تبقى ذوق معايا اوي و مش عايزة تقول لي نتكلم بعدين و حاسة بيها ان عينيها حا تطلع على الاكل لحد ما يفيض بيها و تقولي بااااااااااااااااي و تقفل التيلفون angl:: قلت لي تيلفونك كام يا سكوب ؟؟؟ phn:

نحن لا نغير معتقدنا ارضاء لأحد فقط نراعي مشاعر الآخرين الذين من المؤكد لا يحبون أن يقال عنهم " كفار" اعتقد بكفرهم كما شئت و ليعتقدوا بكفرك كما شاءوا " المشاعر " فقط ما نراعيها هل هذا كثير ؟؟؟ هل هذا صعب؟؟؟ هل هناك ما في ديننا ما يحرّم مراعاة مشاعر الآخرين ؟؟؟ هل من الصعب أن " تتعايش معهم" و تترك حكمهم إلى الله تعالى ؟؟؟ كم مرة قلنا هذا الكلام و لا أحد يهتم ؟؟؟!!! مصرّين على اثبات أنهم كفار ..حسنا وماذا بعد أن نقول أنهم كفار ؟؟؟؟ ما الخطوة التالية ؟؟؟ و أين منك " لكم دينكم ولي دين " و ما معناها عندك ؟؟؟ ألا تعتقد أن معناها أن تدعهم لشأنهم ؟؟؟ و تهتم لشأنك أنت؟؟؟!!! لا أعلم حقا ما الذي تستفيده من التصريح بتكفيرهم على صفحات موقع يجمعنا معهم ؟؟ و ليس منتدى اسلامي متخصص مثلا !!! و هل تعتقد أنهم عندما يرونك تكفرهم سيقولون معك حق نحن كفار ؟؟؟ إنك تهدم أساسيات التواصل معهم يا من تريد دعوتهم لدينك ...تبني حاجزا بينك و بينهم ...فهل تقبل أنت أي كلام ممن يصمك بالكفر ؟؟؟ و الأهم أن ذلك لن يقربك إلى الله تعالى و الذي أمر بأسلوب الدعوة إليه ... { ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ } أين الحكمة هنا و انت تبدأ كلامك دوما بأنهم كفار ؟؟؟!!! و من سيسمع لك ؟؟؟ يا أخي سبحان الله ألا يوجد أي احترام لكلمة " إيمان " و التي هي الاعتقاد بصدق في شيء ؟؟؟ المؤمنين بالله تعالى لا يعدون و لا يحصون في كل الملل ... و الكافرين بالله تعالى أيضا لا يعدون ولا يحصون في كل الملل بما فيها الاسلام و لكي تعرف الفرق تأمل قوله تعالى ...{قُلْ لَمْ تُؤْمِنُوا وَلَكِنْ قُولُوا أَسْلَمْنَا وَلَمَّا يَدْخُلِ الْأِيمَانُ فِي قُلُوبِكُمْ } ألا ترى هنا إن الإيمان أعلى درجة من الإسلام فقط ؟؟؟ و قد علم الله تعالى أنه سيأتي من يجادل فيهم فأمر عز وجل فقال : { ولا تجادلوا أهل الكتاب إلا بالتي هي أحسن إلا الذين ظلموا منهم وقولوا آمنا بالذي أنزل إلينا وأنزل إليكم وإلهنا وإلهكم واحد ونحن له مسلمون ( 46 )} أين تطبيقك لهذا الأمر من الله تعالى في الآية في نهيه لنا عز وجل عن مجادلتهم ؟؟ خصوصا أن الذين ظلموا منهم ليسوا بالتأكيد من يعيشون معنا في سلام و وطن واحد

بصراحة أنا لم أقرأ الحوار التخيلي الذي كتبه الأستاذ محمد كاملا .. وإن كان يمكنني أن أعرف إلى حد ما مؤداه .. ما يجعلني أستغرب وبشدة لماذا هذه الرغبة المحمومة في تمييع العقيدة واعتبار أن الدين هذا مجرد عادة اجتماعية فقط لا غير .. مع عدم معرفة ما قد يترتب على هذا الكلام .. لماذا يخلط بعض الناس دائما بين العقيدة وبين المعاملة .. الاستاذ محمد مثلا في حواره التخيلي يقول يا استاذ محمد .. أربأ بك عن الكذب ؟ من قال هذا .. هل وجدت أحدا منا قال هذا في المنتدى ؟ لماذا يثيركم بشدة الحديث عن العقائد ؟ قلتها سابقا وسأقولها .. ما لأهل الديانات الأخرى وما لنا .. لهم دينهم وعقائدهم ولنا ديننا وعقائدنا .. لماذا يطالب المسلمون وحدهم بتغيير عقائدهم إرضاء للآخرين .. ؟ المسيحيون في جميع أنحاء الأرض يؤمنون بأن المسيح قد صلب فداء للبشرية .. هذه العقيدة تعني أن القرآن كاذب ... وأن نبيك محمدا قد كذب .. أليس كذلك ؟ أليس هذا أمرا يؤذيك ؟ هل وجدت أحدا منا طالب المسيحيين بتغيير هذه المعتقد لديهم ؟ أنت تثيرك بشدة وصف المسيحيين بالكفر .. وهذا بين من مداخلات كثيرة في الحاضر وفي الماضي .. ولست أدري فيما تثيرك هذه الكلمة وهذه العقيدة .. فأنت وأنا وكل المسلمين قد كفرنا .. كفرنا بمن .. بالطاغوت .. " فمن يكفر بالطاغوت ويؤمن بالله فقد استمسك بالعروة الوثقى " .. فأنت قد كفرت بالطاغوت وآمنت بالله .. يا عزيزي .. لا تكن مثل وائل الإبراشي في حديثه مع الشيخ ياسر برهامي حول كفر أهل الكتاب .. يقول له ( ما انت لو قلت عليه كافر يبقى الخطوة التانية إنك هتضربه بالرصاص ) .. يا عزيزي محمد .. وسأقولها لك وللمرة الأخيرة .. هناك فارق بين المعتقد وبين المعاملة .. الكفار أنفسهم .. الكفار بالله ذاته .. وليس فقط برسوله .. أنت مأمور بالإحسان إليهم ما داموا لا يحاربون الإسلام ولا المسلمين .. فما بالنا بأهل الكتاب الذين يشتركون معنا في بعض الأمور العقدية .. القرآن ذاته الذي وصف أهل الكتاب بالكفر .. وأنهم كفروا بآيات الله .. اسمع ماذا قال أيضا عنهم .. في ذات السورة " ومن أهل الكتاب من إن تامنه بقنطار يؤده إليك ومنهم من إن تامنه بدينار لا يؤده إليك إلا ما دمت عليه قائما " .. فمدح في طوائف منهم الأمانة وأنهم يؤدون الأمانات .. الخلاصة عزيزي محمد .. لا تكن متحجرا عند فكرة أن الحكم بكفر أهل الكتاب .. يؤدي إلى الإساءة إليهم .. وإنما ليتك تؤمن بأن القرآن مثلما حكم بكفرهم .. أمرك أيضا بالإحسان إليهم .. فهل هي مسألة صعبة لديك لهذه الدرجة .. اجتماع الاعتقاد بكفر أهل الكتاب مع الإحسان إليهم .. أخبرني .. لو أنها صعبة .. أخبرني ما هو وجه صعوبتها ..

شكرا مدام عبير لحسن اﻷهتمام والمتابعه كما نشاطا ملحوظ ...

عيد ميلاد مجيد لكل الأحباء والاخوة بمصر. وربنا يديم المحبة والسلام على أرض مصر.

و اخونا ابوالفصاد كمان عيد ميلاد مجيد https://www.youtube.com/watch?v=fZXaxJKyLoM

كل سنه واحنا / وحده زى محنا عيد ميﻻد مجيد

طبعا الفيديو الاولاني فوتو شوب :) في الدقيقة 1:20 و لاحظوا انه بيقول انه اهم انجاز مهني و عملت مستشار لمؤسسة ناسا الأمريكية في اطار محركات سفن الفضاء في مرحلة طويلة و أبحاث كثيرة في هذا الاطار ..... و الكارثة إنه في الفيديو الثاني يؤكد أنه لم يقل ذلك

اتفضلى حضرتك

بسم الله الرحمن الرحيم و الصلاة و السلام على رسول الله سيدنا محمد صلى الله عليه و سلم السلام عليكم و رحمة الله و بركاته هذه الكلمات التالية من أروع ما خط بقلم جبران خليل جبران: عندما ولدت كآبتي : عندما ولدت كآبتي أرضعتها حليب العناية وسهرت عليها بعين الحب والحنان . فنمت كآبتي كما ينمو كل حيّ قوية جميلة تفيض بهجة وإشراقا ً. فأحببت كآبتي وأحبتني كآبتي وأحببنا معاً العالم المحيط بنا لأن كآبتي كانت رقيقة القلب عطوفة ًفصيّرت قلبي رقيقاًعطوفاً.ً وعندما كنا نتحادث معاً أنا وكآبتي كنا نمنح الأحلام أجنحةً لأيامنا ومناطق لليالينا لأن كآبتي كانت فصيحة طليقة اللسان فصيّرت لساني فصيحاً طلقياً. وعندما كنا نغني معاً أنا وكآبتي كان جيراننا يجلسون الى نوافذهم مصغين الى غنائنا لأن غناءنا كان عميقاً كأعماق البحـــر وغريبا ًكغرائب الذكرى. وعندما كنا نمشي أنا وكآبتي كان الناس يرنون الينا بعيون تشع حبا ًوإعجاباً متحدثين بنا بأرق الألفاظ وأحلاها غير أن بعضاً منهم كانوا ينظرون إلينا بعيون الحسد لأن الكآبة كانت منقبة محمودة وأنا كنت متباهياً فخوراً بالكآبة. ثم ماتت كآبتي كما يموت كل حي وبقيت أنا وحدي مفكراً متأملاًً. وها أنا ذا أتكلم الآن فتستثقل أذناي صوتي وأنشد فلا يصغي أحد من جيراني لإنشادي وأطوف الشوارع فلا يعبأ أحد بي ... غير أنني أتعزّى إذ أسمع في منامي أصواتاً تقول متحسرة : (أنظروا !أنظروا! فهنا يرقد الرجـــل الذي ماتت كآبته) وعندما ولدت مسرّتي: وعندما ولدت مسّرتي حملتها على ذراعي وصعدت بها الى سطح بيتي أنادي قائلاً: (تعالوا يا جيراني ومعارفي ...تعالوا وانظروا ! فقد ولدت مسرّتي اليوم ...تعالوا وانظروا فيض مسرتي الضاحكة أمام الشمس) وشدّ ما كان دهشي لأنه لم يأت أحد من جيراني ليرى مسرتي . وظللت سبعة أشهر أعلن مسرّتي للناس بكرة وأصيلا ً من على سطح بيتي ولكن لم يُصغِ أحد قط لصوتي . فبقيت ومسرّتي وحيدين مهملين لا يعبأ أحد بنا . وما مرّ على ذلك سنة حتى سئمت مسرّتي حياتها فامتقع لونها واعتلــّت إذ لم ينبض بحبها قلب سوى قلبي ولم يقـبــّل فمها سوى فمي. فقضت مسرّتي في وحشتها وأمسيت لا أذكرها إلا عندما أذكر كآبتي. هكذا هي حياة الانسان بها لحظات قد يكون فيها منفرداً بافراحه و قد يكون وحيداً في ليالي احزانه واحياناً تنطبق عليه هذه الكلمات: (لا يجمع البشر سوي لحظات الآلام المتشابهة).

رأيت الموضوع يزيل موضوعا لى شدنى العنوان فدخلت وطالعته .. ورغم زعمى بقراءة اكثر مؤلفات خليل حبران اعجابا بأحرفه الرشيقه وجمله وعباراته وتراكيبه الممتعه إلا اننى لو اصادف هذا الطرح فيما قد قرأته له !! وحيث انه صادف وتلاقى مع شئ ما فى نفسى تهواة فقد احببت ان ارفعه ... كما اقدم شكرى وتقديرى للكاتب الغائب / على اثرائه لى والمنتدى

ايه ده .... دخلوا امتي دووول ... هو مش فيه يافطة طويلة عريضة بره مكتوب عليها ممنوع دخول الفكيهات .... يالا يا ماما ... بيتك بيتك .. كتكت كتكت .... مش مكانكم ده .... الكوافير هناك عالناصية....... و يا ملااااااواااني .... بلاش جر شكل ......