لوحة القادة

الفاضل هيرو هيرو .. علي هذا المنوال دستور مرسي اللي اتوافق عليه كان لنفس الأسباب .. مش لانه كان احسن دستور في تاريخ البشرية او لانه كان حيكون دستور يتم تدريسه في الدول الأخري .. اما عن غياب الشباب فيا سيدي خليهم يلعبوا شوية بالآيفون ... البركة في الرجالة هما دايمآ اللي بيشيلوا هم الكل...

فعلا يوم الاستفتاء وصلت لألف تقييم إيجابي .... أزهو وأفتخر بها في هذا الصالون الثقافي المحترم ... وأشكر كل من قدرني وتفاعل معي وكان مستحقا لتقديري وإعجابي ... تأثرت به تأثر بي ...تعلمت منه وانتقل بي من طور إلى طور ..أحسبه للإمام أشكر جدا أختي العزيزة : عبير ... فاضت عيناي وتركت الكتابة لحظة ... لأعود بعدها وأكرر شكري وتقديري لها ... مشرفة وعضوة مثقفة ومشاركة في جميع الأبواب فوق هذا صاحبة واجب مع الجميع فاستحقت أن تعتلي القمة تقييما وتواجدا إلى الأمام دائما وتقبل الله منا جميعا

هذا هو الزنديق الكافر الملحد الداعر الفاسق المحارب للاسلام والمسلمين ولكن هذا الزنديق المتزندق لم يقتل احفاد رسول الله لم يهدم بيته ويحوله الى مراحيض .. ولم يحاصر كعبه المسلمين بعمارات ناطحه للسحاب حتى يقزمها ويجعلها منتجعا سياحيا تدر عليه الاموال لم يسعى الى الوصول الى الحكم على جثث المسلمين وتبديعهم وتكفيرهم لم يقلب نظام الحكم الى صراع يصل الى حد القتل ولم يقلبه رأسا على عقب من الشورى الى الحكم بالوراثه كما فعلت بنى اميه واتباعهم من السلفيه سيان كات جهاديه او تتبع لهذا النجس ابن تيميه التى فى القريب العاجل ستصدر لنا لحوما بشريه لنأكلها لانها دبحت على الطريقه الاسلاميه لم يسعى هذا الداعر الفاسق للسعى فى الارض فسادا لم يهدم الكعبه ولم يضربها بالمنجنيق مرتين لم يقتل هذا الداعر الفاسق الاطفال والنساء ويقول قتلهم بدون قصد حلال طالما فى سبيل الله لن يتجه الى علم النقاب والحجاب ورجم القرده الزانيه وقتل المسلمين ورجمهم لم يهدم معابد اهل الكتاب والسطو على كنائسهم ومعابدهم ويقول ان اموالهم غنيمه لنا ويترك البوزيين وعبده الشيطان والملحدين ينعمون باملاكهم ومعابدهم فى امان تام اعيدوا ثورة محمد ابن عبد الله لانها سرقت .

فجأة وقفت....أو توقفت. وسألت نفسى....لماذا دائما أجرى. أعيش وكأنى روبوت..مبرمج...على برنامج اليوم. أليوم....وفى يوم كهذا اليوم...من سنين كثيرة مضت.... أشرقت على الدنيا شمس....وولدت أنا. ولهذا.....توقفت....اسأل نفسى هل سعدت...وسعدت الدنيا بى؟ قررت...أن أعيش يومى فى هدوء. أخرج..أتسكع وحدى....هذا....ترفيه فى حد ذاته...لاوقت عندى للتسكع ..ولا صبر. قررت تغيير ...العادات....سوف أذهب....ككل النساء لوسط البلد .... أتفرج على المحلات.....رغم انى بطبعى...اذهب فقط للشراء ولا أحب ألفرجة. ومشيت....أنظر للفترينات.....وفجأة. رأيتها. فتاة تجلس على مكتب...فى صالة بيع سيارات. كانت تبكى...وحدها...تمسح دموعها....تمسح انفها. ووقفت أنظر لها...عبر ألزجاج. وقفت.... أنظر لها ولا أتحرك.....أراقبها. لماذا تبكى؟.....أنا لا أعرفها....ولكنها تبكى بحرقه. لعل رئيسها عنفها....لعل المشترى...رجع فى كلامه. وفجأة.... رفعت رأسها..ونظرت....ورأتنى أبتسم وأشاور لها...لماذا تبكى.؟ وضحكت....ضحكت كثيرا. وضحكت أنا أيضا... وأشرت لها....تشاو تشاو. ورجعت سعيدة....ماذا حدث؟ مازلت طفلة....تطربنى ألأشياء الصغيرة... حب استطلاع الاطفال... من قال انى اكملت عام؟ انى أبدأ عام... وتركت اجترار الذكريات....لاوقت حتى للتقليب فى دفاترنا. المحصلة؟ قناعة تامة بما فات...وبما هو آت. أستمع الى أغنية تقول كلماتها.... لاتسمينى سعيدة....لأنى أشعر بالسعادة. بدأت يومى بالصلاة.... وشكرت الله كثيرا....وخجلت من ربى....أعطانى أكثر مما استحق. أترككم....ولو انى لااحب اطفاء الشموع. غدا... يبدأ اول أيام...النصف الثانى من حياتى. مش شرط يكون مثله فى العدد. ولكنها...مرحلة أخرى...من مراحل ألعمر الجميل. سلامى.

تستحق وعن جدارة أخي طارق إلى الأمام و عقبال الألفية الثانية و الثالثة :flr1:

عموما اللي مش عاجبه يروح كندا صدق الشيخ العظيم

إزاي اتكلم معاك على إنك مش منهم وأنت بتردد كل ما يقولونه حذو النعل بالنعل .... ثانيا : حكاية العجلة اللي أنت بترددها في كل مداخلة بنفس الصورة بتتريق فيها على مين ..بصراحة تكرار ( بلاش أوصفه أحسن )...؟ يا ريت إذا كنت تريد أن تتحاور مع الناس تبطل تريقه وتستخدم مصطلحات تنفع للحوار حتى لو كانت قاسية تعبر فيها عن رأيك ... بدلا من هرطقة ومهلبية وطق الحنك وترقص وما أشبه وإذا كانت هذه لغتكم ولا تستطيعون العدول عنها فلا تلزمني بالرد عليك بعد الآن مباشرة على الأقل لأني لا أجيد لغة الشات

هو حضرتك بتتكلم بصفه الضمير الجمعي ليه !!!! هو حضرتك اصيبت برده بالفيروس بتاع لو مختلف معايا ف تصرف معين يبقى ده عدو وضدي !!!يا اخي اتعجب حضرتك بتنتقد من يعتبر ان مخالفته للاخوان هي مخالفة للاسلام وانا معك مليون ف المية الاخوان فصيل سياسي ليس أكثر لكن عاملني بنفس المبدا انا لو اختلفت ف تصرف معين مع الفريق السيسي ليس هذا معناه انني اكره الجيش واني ضده مش عارف انا هنا لا اعبر الا عن راي وع فكرة هناك كثيرون زي وحضرتك ومن معك بتعتبروهم خونة وطابور خامس وسادس مش فاهم هو ليه مش قادرين تقتنعوا ان الفريق السيسي وغيره وقبله مرسي بشر !!!! يعني والله بياكلوا وبيشربوا وبيدخلوا الحمامات بشر زينا وبيغلطوا وبيعملوا تصرفات صح والله بني ادميين مش الهة ولا ملائكة الخلاصة استاذ طارق راي يخصني ولا امثل احد ومن حقي اختلف ف الراي ومن حقي لا اقبل منك او من غيرك القاء اي تهم عليا لمجرد اختلافي معك ف الراي عاملني كما تحب ان تعامل موضوع الشمس والحاجات ده بنسميها هرطقة سياسية وكلام طق حنك عاوز تتكلم كلام صح اوك عاوز طق الحنك مفيش اسهل منه وبص ماتعطلنيش عن ركوب العجلة :scooter: :scooter: :scooter: :scooter: :scooter: اصل بموت ف ركوب العجل بقول كل مرة نعم والعجلة مش بتمشي ، رأيك أجيب سكوتر !!!! بمناسبة طق الحنك " فكرتني باللي كان خايف ومرعوب جدا ان امه وهي طالعة من لجنه التصويت تطلع ترقص ، انا مش عارف ايه حاكية الرقص ده !!!! :110: :110: :110: :110:

طبعا الالف ده لى فيه مالا يقل عن 650 لانى من المعجبين بالاستاذ طارق وثقافته الواسعة وتمسكه واصراره بالتوفيق

هههههههههههههههه ضحكتني ماهم نفس اللي راحوا وقت مرسي "الانسان البسيط اللي اترشى بالزيت والسكر برده هو نفسه اللي خد كراتين الجيش والباقي اتقال له ده عشان الجيش " عزيزي الناس اللي كثير تبرا منهم هم اللي بيروحوا اللجان وبيرقصوا وهم دول اللي اختاروا الاخوان عشان بتوعم ربنا وبيختاروا دلوقت عشان هيحموا مصر من الاعداء علميا ده مش دستور جديد ده تعديل ع دستور مرسي المتخلف !!!! ماتنساش ده وعموما انا اهم حاجه العجلة تمشي :scooter: :scooter: :scooter: :scooter: شوف ياعزيزي الشباب اللي مبارك قال خليهم يتسلوا خلعوه وخلو انا وانت والكثير هنا بيتمتعوا بحاجات كانت حلم واظن حضرتك من جيل اللي كان بيمشي جوا الحيطة مش جنب الحيطة واكيد حضرت ايام عبد الناصر والجورنال المخروم وانا من جيل عيش نملة تاكل سكر اما الشباب الهيكي ميكي بتوعم الايفون هم اللي خلونا ننعم برفاهية الاختيار ولا هتضحك ع نفسك هو صوتك كان له ريحة اي لازمة !!!!! ولا كان فيه اصلا راي لنا !!! :swing: استاذي خلينا نتمرجح سياسيا ونشوف وع راي الفاضل "ابراهيم نصر " كشكها ماتعرضهاش . الكبار بركة وزي الفل بس هم السبب ف اللي احنا فيه

مليون مبروك خلى بالك اقرأ الفاتحه واﻹخﻻص ليينشوك عين ويحسدوك ههههه

كما لم يقتل المسلمين ..من يقولون لا إله إلا الله محمد رسول الله و هم يكبرون و يدع العدو الصهيوني يرفل في سلام وأمان

لم أهتم بهذا الموضوع كثيرا لأن الأخ : عيسوي عنده مشكلة ساعة تروح وساعة تيجي مرة مش إلحاد ومرة إلحاد وجداله ليس جدال واحد فكر وقدر فقتل كيف قدر ولا هو نظر ثم عبس ثم أدبر واستكبر .... منذ فترة كان هنا عضو فاضل طلع بكام موضوع وقامت عليه الدنيا - لعل الأستاذ زوهيري يتذكره - لكن جعلنا كلنا نفكر لنرد لبراعته ولغته ومسائلة التي يكد الذهن ما أجلها .... واستمر الحوار معه فترة أمتدت عبر الرسائل الخاصة بناء على رأي الإدارة .... التي مازلت محتفظا بها وأخيرا ووصلنا إلى حل لكل تساؤلاته المعقوله وشبهه المقبولة وفكره العالي وهو وما لا أراه هنا ... أتعجب تمام العجب كيف يصدق رواية جاءت عن راو واحد بشاهد واحد ويدعي عدم ووجد الله وكل الدنيا شواهد عليه

قد يكون السيسي حلاً (مؤقتاً ومريحاً) كرئيس .. خصوصاً بعد تشويه معظم مرشحي الرئاسة الآخرين ..أو ارتكابهم لأخطاء فادحة.. ما يدعمه هو موقفه الصارم من الإخوان... بالأضافة الي انتماؤه إلى المؤسسة العسكرية .. يدعمه ايضآ رغبة غالبية المصريين في النوذج الذي عاشوا عليه منذ فجر التاريخ .. النموذج الأبوي ... لكن وصوله إلى السلطة ليس في مصلحة الثورة المصرية ولا أهدافها. بالعكس سيبدو الأمر كأنه عودة إلى دولة مبارك مصحوبة بتحسينات وإعادة طلاء. واقعيآ اذا اصبح السيسي رئيسآ سوف يواجه ثلاث معضلات ليست هينة علي الإطلاق ... علي راسها الإخوان و اعوانهم داخليآ و خارجيآ ...ثم ميراث رهيب من الفساد وانهيارالصحة والتعليم والسكن والإدارة والاقتصاد .. بالأضافة الي من يعارضون استمرار "حكم العسكر" ولو بغطاء انتخابات نزيهة .. و اعتقد اننا هنا في المحاورات كنا منهم و حتي 2011 ... في رأيي الثابت انه من الأفضل بقاء السيسي على رأس المؤسسة العسكرية كشريك في الحكم .. وضامن للانتقال الديمقراطي ... مع اختيار مرشح مدني توافقي للرئاسة ... ثم السعي لبناء مؤسسات سياسية وحزبية....بهذا نعطي ثقة في المستقبل... ونخفف الضغوط على السلطة الجديدة ... و ربما نستطيع القيام بمعجزة انهاء حدة الاستقطاب الواقعة في رحاها مصر الان . أما إصرار البعض على تغذية الطموح الشخصي للسيسي على حساب قراءة الواقع بدقة.. فهو استمرار للضحك علي النفس .. فالحالة العامة الفرحة بسقوط الإخوان لن تكون قابلة للاستثمار دائماً.. فالشعب سيحاسب وبشدة رئيسه الجديد وسيعيد فتح كل الملفات المؤجلة. إذا كنا عانينا من قصر نظر مرسي وجماعته.. فأتمنى أن يتسم السيسي ومن ورائه المؤسسة العسكرية نفسها ببعد النظر.. لأن مصر لم تعد تتحمل دفع فواتير شخصية لأحد....أياً كان.. وأكبر أخطاء تلك اللحظة افتراض أن "نعم" للدستور تعني "نعم" للسيسي ...

على نفس النسق يا أبا عمر الإسلام مش الإخوان والإسلام مش مرسي ... مرسي بشر وهيموت تبقى مصر ويبقى الإسلام بصراحة زي ما واحد قال إمبارح ربنا رزقنا برباعي في وقت احد متناسق متفاهم وطني في مرحلة حساسة الطيب شيخ أزهر تاوضرس ....بابا الكنيسة السيسي وزير دفاع محمد إبراهيم وزير داخلية الرباعي دا في وقت احد .... حكاية

لا أجد منطلقا إسلاميا للأفاضل لرفض السيسي .... ولا أجد سببا وجيها لتأييد مرسي أو نشدان رجوعه أو خروجه من السجن بدون محاكمة عادلة فهل المنطلق شخصي بحت يتحكم فيه الهوى أو الحب أو البغض ؟ط هل كنتم مثلا مع هدم الدولة حينما كان السيسي يقف بالمرصاد ضد هذا المخطط طبعا معلوم أنكم مع ما حدث في سوريا وتسمون المخربين مجاهدين وتتمنون هذا لمصر ياريت أكون غلطان وياريت تردوا عليه ماذا تسمون هؤلاء الذين يحاربون في سوريا ؟ وأي إسلام ينتهجون ؟ على أي آية أو حديث يستندون ؟ المخطط المرساوي هو النموذج السوري أجزم أنكم كنتم تريدونه لمصر وإلا فأعلنوها صريحة أنكم ترفضون ما يحدث من العملاء المجرمين في سوريا ولا تتمونه لمصر ولا تريدن ما يسمى الجيش الحر المصري

سنة اخري تمر علينا في بيتنا الإفتراضي هذا ... سنة اخري تمر بحلوها و مرها ... و ياتي يوم له مذاق خاص .. و ذكريات رقيقة رائعة ... كل سنة و إحنا كلنا طيبين .. كل سنة و احنا عيلة بكل ما يحمله تعبير "عيلة" من معاني جميلة و صافية ..

مرة واحد بيقول لصاحبه خللى بالك ..مراتك ماشية مشى بطال مع الواد حودة الكهربائى قال له : يا سلام على رخامتك يا أخى خلاص عملته كهربائى ؟ .. لعلمك بقى .. دا لا كهربائى ولا يفهم فى الكهربا

تحية طيبة . رأيت هذا الفيديو المرعب والمريب اليوم على الفيسبوك وخجلت من نفسى لأنى فى يوم ما لم اصدق انها مؤامرة والدور على مصر . لم اصدق . وعندما حدث ما حدث فى درعا....تأكدت .....أن ... هذا الشيخ ( القرضاوى الله يلعنه ) هو سبب كل المصائب هو واردوجان ..( أو اردوغان )....كانت مذبحة واشترك فيها كل الاعداء وصرخوا .. هذا من فعل الجيش ويجب القضاء على الجيش ..(( نفس السيناريو الذى حدث فى مصر لكن بطريقة اخرى ..قالوا ان الجيش قام بمذبحة فى رابعة وقت فض الاعتصام )).. وصور هنا وصور هناك ...وجرائد تكتب وابواق تنعر . ايضا....لم استوعب كل شئ رغم وضوح حقائق كثيرة .( السودان وتقسيمها وليبيا وتونس واليمن والصومال) و,,,للأسف..قلت القرضاوى . ... ليس اخوانى . لكن لماذا ينادى بالجهاد فى سوريا؟؟ ولماذا ينادى باسقاط جيش سوريا والقضاء على بشار ؟ وهل حقيقة قام بشار بكل هذا؟؟ الم يكن يدافع عن بلده ؟؟......اى نعم بطريقة قاسية .. ولكن؟؟ هل كان امامه اى شئ آخر ؟؟ يا الهى ... يا الهى ........لااصدق نفسى ..لااصدق نفسى ...أأنا الآن التمس لبشار الاعذار ؟؟؟ نعم.. لأننا ذقنا من نفس الكأس ورأينا الدمار يحل على ديارنا ... أول امس ( قتل ) ثلاثة فى حى ما حياء الاسكندرية .فى جليم ...يعنى فى كل مكان . فى السيوف كانت تحدث مهازل وبالسيوف وقتل واصابات بالعشرات وتدمير للمنشآت وحرق السيارات واقتحام اقسام وحرق قسم المندرة وغيره .. هذا يحدث فى الثغر الوديع.....أهذا يحدث فى بلدنا حقا؟؟ رغم كل شئ .....لم يخطر ببالى ان تسير مصر على نفس الطريق ( الأعوج ) الذى تم التخطيط له منذ سنوات بعيدة.. بدأ تشويه الحقائق...بدأ اللعب بعقول الشباب ...وبدأ الاصطياد فى الماء العكر وخداع المتخلفين بكلام معسول عن تحقيق احلام لن تتحقق ...لن تتحقق. بالطبع ......ليفق الجميع وخصوصا الشباب الغض البرئ.. ياابناء هذا البلد الآمن ...........هؤلاء مرتزقة .....مرتزقة ..يقتلون بالأجر .. لا دين لهم .. لادين ولا ضمير ولا شئ.. هم مجرد حشرات تطفو من حين لآخر على السطح .... تزعج وتحاول تدمير الأخضر واليابس .. للأسف... شوهوا الاسلام .. لأن من خطط كل هذا .....من مصلحته تشويه الاسلام . من مصلحته القضاء على الاسلام . لن اقول ...........السيسى هو المنقذ. لن اقول هذا ... المنقذ هو الله . والحافظ هو الله . { وَآتَيْنَاهُ مِنْ كُلِّ شَيْءٍ سَبَبًا فَأَتْبَعَ سَبَبًا ْ} صدق الله العظيم. اما السيسى فهو ... انسان مسلم مصرى . يعنى .انسان .... مسلم .... مصرى .. وصفة الانسان بمعناها الجميل تجعلنا نثق أنه سوف يتعامل بالفطرة السليمة مع الجميع وبالرحمة والعدل . واما صفة الاسلام ..(( ياالله )) ...يكفى انه سوف يجعل معنى الاسلام الحقيقى معروف لكل العالم . بعد ان تم تشويه ديننا الجميل بشتى الطرق ( والكبارى ) ..!!! الاسلام معناه ان تحب لأخيك ما تحب لنفسك وان تكون رحيم بالناس وخصوصا بالضعيف وأن تحنو على الفقير والصغير وأن تحتوى كل البشر وتعطيهم من خيرات الله التى جعلك بقدرته مجرد حارس عليها . وليست ملك خاص لك . واما معنى أن اصفه بمصرى .....فا أنا لااقصد مكان الميلاد فقط لكنى اقصد أنه يعشق هذه الأرض التى ينتمى لها . يشعر انه من (( طين هذه الأرض )).... هل تتذكر ياكامل عندما قلت فى موضوع كل عام وانتم بخير .....انك كل عام تتمنى عام افضل وهذه السنة تتمنى ان تكون سنة مطينة بطين؟؟؟ سوف تتحقق امنيتك ياكامل وتكون هذه السنة ......طين مصر لها ولأهلها فقط .وليس لغيرها . لا اخوان ولا غيرهم .. مصر للمصريين ....لمن خلقوا على ارضها .. لمن نبتوا فى ارضها .. ان شاء اله لن يكون مصيرنا لمصير غيرنا .. اللهم اجعل هذا البلد آمنا يارب العالمين .

تكملة لما اريد توضيحه هنا.... بالنسبة لباسم يوسف .......رأيى الشخصى انه انسان واعى مثقف وذكى جدااا.. بيحاول يوصل المعلومة اللى عاوز يقولها بطريقة مبسطة وايضا بسخرية لاذعة . المشكلة ان كثيرين ( يلونون ما يقوله حسب اهوائهم ) مثل بسيط . 1 - رأيت له فيديو فى قناة اسلامية .والمذيع يقول له انت متزوج منذ عام ونصف والآن ربنا اكرمك ولديك طفلة عندها سبعتاشر يوم واظن اسمها نادية .يارب اكرمها بالحجاب ويارب تكون حافظة للقرآن وتكون منقبة ومن ضمن الاخوات . ماذا كان رد باسم؟؟ رد ف منتهى الذكاء ........بدون احراج لمحاوره . رد وقال له ..آمين يارب تكون صالحة لنفسها وللمجتمع وحكاية ترتدى دى ايه مش وقته يعنى يقصد يقول له ..سابقة لأوانها ...او يقصد يقول له هو علشان بتعملوا معايا حديث ف القناة دى يعنى عاوزين بنتى تتحجب وتتنقب ؟؟؟وانا مش من انصار النقاب ؟؟ 2- رأيت ايضا فيديو له .....يتهمه فيه الاخوان ( بعد رؤية الفيديو ) انه يسخر من الصلاة .. رايت الفيديو ....وفهمته ...فهمت ما يقصده باسم وتعجبت كيف فهم ( الاخوان ) انه يسخر من الصلاة .. هو يحتج ويقول .....لماذا يصر الرئيس مرسى على الذهاب للصلاة .بخمسة وستين سيارة معاه حراسة ؟؟؟ وليس هو فقط من احتج .... ابراهيم عيسى ومحمود سعد ولميس وغيرهم ......والناس . الناس اللى شايفة الرئيس المسلم ....بيصرف ملايين كل يوم جمعة علشان يروح يصلى . باسم بيقول اللى ناس كتير نفسها تقوله ومتقدرش تقوله ... حضرتك تقول حاياخد جزاء سنمار ؟؟ من مين؟؟ من الجيش ؟؟ محصلش ومش حايحصل .. مش حايحصل.. عبد الناصر كان عارف ان النكت نازلة ترف عليه .....وسكت. السادات كان عارف ان النكت بتنزل عليه يوميا وكان بيسأل مساعديه ايه آخرة نكتة اتقالت .. ومن ضمن النكت حتى بعد ما ( اتقتل ) ...اتوفى والله يرحمه ويرحم امواتنا جميعا . قالك ان الملكين لما حايروحوا يسألوه عن اعماله ...حايلاقوه كان لابس قميص وعمل الياقة بتاعته من الضهر ( نظام يعنى غش علشان يعرف الاجابة ). وجه الملاك الأول وسأله ...ايه افضل اعمالك ؟ راح باصص بشويش وقال ....بيير كاردان . معايا؟؟؟ يعنى حتى الشعب مرحمهوش بعد مماته .. تيجى حضرتك دلوقت وتقول .....ما معناه .انهم بياخدوا الحابل بالنابل ؟؟؟ لالالالا ياسيدى الفاضل. أمن مصر فوق كل شئ وفوق الجميع . نيجى بقى للبرادعى ... ده موال لوحده.... وبرضه انا مش معاك انه اخد جزاء سنمار

عودة لتكملة الحديث. شوف حضرتك. دايما فيه سقف لكل شئ.. لكل شئ.. مقدرش انا علشان زعلت مع حد من البيت ......أو حتى مع عيلتى كلها ... خلينا نقول مع رب البيت ومن يفضله من الاولاد .. اقوم اروح اهد البيت واولع فيه........مينفعش . مينفعش اروح للمنافس والعدو الاكبر أو نقول الجار اللى بيظهر لابويا محبته ...,اقول له ايه رأيك الجيم بتاعك اتمرن علشان اضرب اخواتى اللى بيحموا بيتنا ومش عاوزينى اولعه؟؟ مينفعش .. الولاد دول انضحك عليهم ..وقلناها مليون مرة ..وانا شخصياااا حافضل اقولها لآخر يوم من عمرى .. الولاد عملوا الشرارة اللى فجرت البركان والغليان اللى كان جوة الناس يوم خمسة وعشرين ..... والناس ((( الاغلبية اللى حتى ملهمش ف السياسة نهائيااااا ))))..........نزلوا المظاهرات . مصر كلها نزلت وفرحت بالثورة . صدقنا انها ثورة بيضاء جميلة . صدقنا ان الاولاد عملوها .......وحانغير كل شئ بطريقة سلمية . لو باقى الشعب ......لم يستجب ف اليوم ده . كانت حاتبقى مجرد شرارة وسوف تنطفئ بسهولة من أول ( شوية ميه ).. لكن الناس استجابت . و.. بدأ بقى .......استغلال الموقف . معايا؟؟

اخى الفاضل الاستاذ محمد. تحية طيبة . اليك ياأخى حقيقة ما كان يقال وما كان يحدث على عهد رسولنا الكريم . وقس عليه ما قيل بعد وفاته......وتعجب . هذه هى حقوق المرأة فى الاسلام .......وما يقال غير ذلك هو تشويه لهذا الدين العظيم. ليرحمنا الله من سفه هؤلاء . ------------- ولما خطب علي - رضي الله عنه - فاطمة - رضي الله عنها - قال رسول الله - صلى الله عليه وسلم -: ((هي لك على أن تُحسن صحبتها))؛ الطبراني بسند صحيح. رابط الموضوع: http://www.alukah.net/sharia/0/42248/#ixzz2oE4POMRG من حسن الصحبة والمعاشرة بالمعروف: 1 - طلاقة الوجه والكلمة الطيبة: 2- أن يجلس معها ويؤانسها ويُسامرها: 3- أن يتزيَّن ويتجمل لها: 4- المودة والرحمة: 5- أن يُسلم عليها إذا دخل البيت: 6- أن يحترم أهلها: 7- أن يرعاها إذا مرِضَت: 8- أن يساعدها إذا كانت مريضة، أو فيما ثَقُل عليها، أو عند الحمْل، أو عند الوضع: 9- أن يصبر عليها، ويعفو عنها ويراعي ما فيها من جانب القصور الفطري: 10- أن يصونها ويحفظها، ويجعلها تشعر بالأمان معه: 11- وعليه أن يَمنعها من كل أنواع الفساد من اختلاط بالنساء الفاسقات. 12- وعليه أن يمنعها من مطالعة القَصص الفاجرة، والمجلات الخليعة، والأفلام الماجنة. 13- وعليه أن يمنعها من الذهاب إلى دُور الملاهي. 14- وعليه أن يمنعها من سماع أغاني الفُحش والخنا. 15- وعليه أن يمنعها من التبرُّج والسفور. 16- وعليه أن يَمنعها من الاختلاط بكل الرجال سوى محارمها 17- أن يحسن الظن بها، ولا يتخوَّنها: 18- أن يحفظ هيبتها وكرامتها: 19- أن ينفق عليها ويكسوها والأولاد:

يانهار ملهوش أى لون. آه ياعقلى اللى طار. معقول الكلام ده ...هو تفسير لكلام ربنا؟؟؟ يعنى ربنا سبحانه وتعالى قال كدة؟؟ طيب قال كدة فين؟؟؟ ف القرآن الكريم؟؟؟...........والا ف كتب الجغرافيا بتاعتهم؟ أفهم بس. معقول ؟؟ الرجل ((( يستأجر المرأة)))....؟؟؟ ياسلالالالالالالام... يظهر (( والله أعلم )).........الواحد حايبطل يفتح أى كتاب الا كتاب الله. يقولوا بقى قرآنيين والا يقولوا (( قربانيين ......يعنى بيقدموا قرابين للالهة )) والا بيقولوا علينا ( لازم نشيل الطين على دماغنا )... يقولوا اللى يقولوه .. انا بعترف على الملأ .انى بريئة من هكذا تفسير. بريئة من كل هذه الخزعبلات. أنا انسان رغم انف أى معتوه ....وزوجة لى كرامتى وزوجى يحافظ على انسانيتى . ولا يوجد أى دين سماوى ولا حتى أرضى ......يقول ان يمتنع زوجى عن علاجى اذا مرضت ولا عن تكفينى اذا أخذ الله روحى. اعوذ بالله من غضب الله. اعوذ بالله منكم ياشياطين الأرض . أعوذ بالله من الغباء الذى يتصف به هؤلاء الجهلاء. لاحول ولا قوة الا بالله . من اين اتيت ياكامل بهذه القطعة الرائعة الموشاة بالذهب ؟؟؟ من اي كتاب من كتب الانس والجن؟ وهل كاتب هذا الكتاب كان فى وعيه؟؟

لا أخفي صدمتي من تصرفات البرادعي ومن مواقفه مما يحدث بعد استقالته من منصب النائب للشوؤن الخارجية. ولا اضعه في مقارنة مع حركة 6 ابريل لانهم مجموعة تضم مشارب مختلفة ومتوقع ان يكون بهم خلايا نائمة كما في باقي مؤسسات الدولة. أما البرادعي فلست قادرا على فهم موقفه او مواقفه.

صباح سعيد عليكم جميعا احبائى . يارب تكونوا جميعا بخير وفى افضل حال .. وحشتونى جدااااا .........ولا اكذب عليكم عندما اقول انى دخلت اكثر من مرة كقارئة فقط ... وجالى ذهول من مواضيع مكتوبة هنا وآراء غريبة جداااا وكان نفسى اسجل وادخل اكتب فقط.....(( يانهار اسود )) .. أو اكتب .. (( هو فيه ايه؟؟ )) ....أو....(( هى الدنيا بقت ملخبطة كدة ليه ؟؟ )) ولكن... كالعادة فى الايام الأخيرة ....قفلت الكمبيوتر كله ومشيت بعيد . غبت تقريبا لى شهر واسبوع .....كنت اظن انهم مجرد اسبوعين فقط . حصلت حاجات كتييييييييير....اغلبها امور شخصية .. من حق اولادى عليا انى ..اتوقف قليلا واشاركهم بعض من افراحهم و...قلقهم.. قررت ان احكى لكم واشرككم معى فى بعض هذه الاحداث ... مثلا...ابنتاى قررتا فجأة فتح بوتيك لملابس الاطفال .. وكل واحدة تركت عملها (( برغبتها )) وهذا كان معناه .......خسارة للمكافأة بالطبع ...وضياع حقوق كثيرة .. فكرا فى الأمر جيداااا ودرساه من كل النواحى.. رفضا فكرة ونصيحة ( مدير البنك...وهو صديق للأسرة ) بأن يأخذا قرضا كبداية للمشروع .. فضلا المجازفة بما يدخرانه وبهدية بسيطة مننا ايضا.. افتتح البوتيك وكان رائعا ...( محل له بابان على ناصية شارع مشهور ومعروف وفى منطقة رائعة ) والمهم... احكى لكم كل التفاصيل ولعلها تكون .....نصيحة مفيدة للغير .. رغم ما نعرفه بحساب المكسب والخسارة ....ونصائحنا لهما .. لكننا (( كوالدين )).. اتفقنا على شئ .... خليهم يخوضوا التجربة بنفسهم ويشوفوا ....لأننا لو وقفنا قصادهم حاييجى يوم ويقولوا ...ياريتنا ما سمعنا كلامكم وياريتنا نفذنا مشروعنا ... خوض التجربة افضل من الندم لعدم تحقيق الحلم فى موعده.. وقد كان ... عاشا كل الفرحة فى البحث عن المكان المناسب.. عاشا كل الفرحة فى اختيار ديكور مناسب . ساعد الأخ الأصغر والأخت الأصغر فى طريقة كتابة الاسم والدعاية وما الى ذلك.. تم تحضير كل شئ بكل حب وبكل اخلاص .. المحل رائع وتحفة . الملابس روعة واختيارها فوق مستوى الجيد ...والاسعار ( كبداية ) لاتغطى حتى المصاريف الاجبارية .....لكن لابد من التخفيضات فى الأول على الأقل.. تم حساب كل شئ .......واغفلنا حساب (( ان الناس لايرضيها اى شئ )) ان بعت غالى ...يقولوا ده غالى . وان بعت رخيص....يقولوا .اكيد فيه عيب وعلشان كدة بيبيع رخيص .. وان عملت تخفيضات ......يتقال ....ليه كل التخفيضات دى ؟؟ انتوا لسا فاتحين...هو انتوا حاتقفلوا ؟؟ والخلاصة .... بعد شهرين فقط من خوض تجربة تكلفت كثيراااااا... قالت ابنتى الكبرى .. تعودنا منكما شيئا ....ان الخسارة القريبة افضل من المكسب البعيد .. سوف نغلق المحل ونسلمه .. .(( كان ايجار كبييييييير ...ايجار حديث ...,هذا ايضا من اكبر عيوب المشروع التى وقعا فيها )).. سألت(( رغم انى اعرف الاجابة وارى انهما يبيعان جيدااا...,الناس تدخل وتشترى كثيرا )).... اعلم ان هناك اسباب كثيرة جداااا !.... قالتا لى ... عملنا فى ثانى شهر تخفيضات بنسبة خمسين فى المائة ....كاانوا يأتون ويشتروا كأنه آخر يوم فى العالم ولم نكن نلاحق ... ثم.. جعلنا التخفيضات بنسبة ثلاثون فى المائة ... أتى البعض و..أحتج...لأننا زودنا الاسعار ...!!!!!! فاتورة الكهربا وصلت.. اكثر من ثمن البضاعة نفسها بمكسبها ....!!!! فوجئنا فى يوم بدخول (( اثنتان من النساء )) واحدة تشغلنا بطلبات كثيرة والاخرى كانت تسرق ....وعندما رأيناها ...اسرعت تجرى ..,عندما جرينا وراءها ...سرقت الاخرى ومسكناها .. فى يوم آخر ....اتى رجل يدعى انه يريد شراء ملابس لطفل مولود ...شكله كان مريبا ... رفضنا دخوله المحل .. لكننا شعرنا ان الأمر بدأ يتخطى قدرتنا على المواجهة .. وصلنا للآتى .. ان اتفقنا مع ضابط أمن للمحل .سوف يكون مرتبه الثابت والتأمين ...اكثر من المكسب نفسه . والحل ؟؟ قررنا تسليم المحل للمالك (( هو لم يتوقع ولا فى الاحلام ...ان يأخذ محله بكل هذا الديكور وكل هذه البساطة ....بل بالعكس ...هو رفض دفع مبلغ الضمان لأنهما اخلا بالعقد والمفروض ابلاغه انهما سوف يتركا المكان قبلها يستة اشهر على الأقل ...يعنى اعتبر ده كرم منه ...,بالتالى البنات لم يعترضا )) فى كل الحالات ان استمرينا ..سوف نضطر لدفع الايجار حتى نكمل الستة اشهر .. لابأس . الحياة تجارب .. نحمد الله اننا لم نأخذ قرضا من البنك .. هى نقود .../مجرد وسيلة لتحسين طريقة العيش .. لن نيأس .. ابراهام لينكولن ......حاول يتاجر ثلاثة مرات ....وفشل ..فشل فى اشياء كثيرة ولم ييأس وكرر المحاولة .. واصبح رئيسا للولايات المتحدة وعمره اثنان وخمسون عاما.. الفشل ليس معناه استمرار للفشل ويأس .. الفشل هو عدم تكرار المحاولة بعد الاستفادة بالدروس . الفشل هو بداية النجاح.. تحدثنا كثيرا (( ابنائى وانا )) قال لى ابنى ...هل تعلمين ياامى ان كل الشباب !أو الأكثرية منهم عندما يقدمون ( السى فى الخاص بهم ) يحاولوا دائما وضع كل الخبرات الجيدة وكتابة اى شئ او اى دراسة قاموا بها .. ويغفلوا وضع اى شئ يدل على انهم خاضوا تجربة تجارية وفشلت ؟؟؟ ولكنهم لايعلمون ان الشركات المعروفة .....كميكروسوفت مثلا أو آبل أو غيرها .. تفضل الشاب الذى يعترف انه خاض اكثر من تجربة واكثر من محاولة لتحسين وضعه المادى ....حتى لو فشلت . لكن مجرد المحاولة تثبت ان هذا الشاب ناجح.. الكثيرون (( يقيمون الناس والشباب على وجه الخصوص بما يكسبونه وما يحققونه من مكاسب مادية .او بمعنى اصح...بالنتائج اللنهائية المادية )) وهذا خطأ.. توجد بدائل كثيرة ........وابواب كثيرة ليست مغلقة كما نظن . لكن ... ما اريد قوله هو .........أظن ..بل اعتقد ان البنات اتخذا قرارا موفقا . وفى الوقت المناسب بدلا من أن تحاول اى منهما القاء التبعية على الاخرى او الهروب من المأزق الحقيقى .. يجب مواجهة اى شئ واتخاذ القرار المناسب فى الوقت المناسب حتى لو كان سيسبب خسارة قريبة .. وكما قلت لهما..تذكرا شيئا واحداااا ....... محدش خسر حاجة ودى مجرد فلوس .والفلوس بتروح وتيجى . وانتوا اللى اشتغلتوا وعملتوا الفلوس دى وتقدروا تعملوا غيرها .. العقل اللى فكر لسا موجود فوق اكتافكم ...ممكن يفكر ف افكار تانية وممكن يستريح شوية وبعدين يفكر صح . الدنيا ( مخلصتش ) فيه ايام جايا كتير وفيه آمال كتير حاتتحقق ان شاء الله. كل اللى يعمله ربنا هو خير لنا وزى ما بنتقبل الحلو لابد نتقبل الأقل حلاوة .. على ا!لأقل .! عملتوا اللى نفسكم فيه ومش مهم نجح !أو فشل.!المهم انكم حاولتوا .ومين عارف بكرة فيه ايه؟!؟؟؟ وكفايا ان محدش ( آذاكم وكان اتعرض لكم وانتوا لوحدكم والمعتوهين كتير ) . الحمدلله حمدا كثيرا . الحمدلله على كل شئ .. و.... صباح الخيرات ...

السيسى اصبح بطلا قوميا وشعبيا تلتف حوله الجماهير وتعلق عليه تحقيق حلمها ، وصورته فى كل مكان وكثيرا ما تكون بجانبها صورة عبد الناصر تعبيرا عن الشبه بينهما فى حب المصريين وكره الاخوان . هذا الصعود المفاجئ والسريع للسيسى فاق بكثير توقعات من حوله سواء كانوا معه او ضده ، ولان فرملة هذا الصعود او عكسه بطرق صحيحه وقانونيه اصبح مستحيلا بعد كل ما حققه ، فكان لابد من اللجوء الى طرق مزيفه ملتويه خبيثه خسيسه علها تثير بعض الارتباك والبلبلة والشك والريبه فى نفوس الشعب فتخفت بعض الاصوات التى كانت ومازالت تعلو للمطالبة بترشحه للرئاسه ، وتصمت اصوات اخرى انتظارا لنتيجة الموضوع ..وخلال الارتباك والشك والخفوت والصمت يتوقف صعود السيسى ثم ينعكس ثم ...حتى تنتهى حكاية البطل القومى ويصبح مجرد الفريق اول عبد الفتاح السيسى . حكايه خايبه وترتيب فاشل وهم يعلمون ذلك لكنهم فقط يلعبون على الوقت املا فى ان يعود مرسى للحكم قبل ان يحين موعد الانتخابات الرئاسيه