لوحة القادة

أوهام المؤامرةزياد العليمي منذ 3 ساعات منذ قيام ثورة 25 يناير، علم رجال مبارك جيدًا أن المصريين لن يقفوا مكتوفى الأيدى مرة أخرى أمام الفساد والاستبداد، وعرفوا أن رائحة فسادهم التى زكمت الأنوف أصبحت لا تطاق، وبدلًا من أن يراجعوا أنفسهم ويطهروها، ويعترفوا بما ارتكبوه من جرائم فى حق الوطن، ويشاركوا أبناء بلادهم فى بناء قواعد لا تسمح ببناء دولة استبداد أو فساد جديد، اختاروا محاولة جعل باقى الأطراف أطرافًا خاسرة معهم، فلجأوا لمحاولة تشويه الثورة والثوار وكل ما ارتبط بحلم المصريين فى التغيير، للإيحاء بأن رجال مبارك ليسوا فاسدين وحدهم، بل الجميع فاسدون، وبالتالى دفْع المواطنين المصريين لاختيار الفاسد الذى نعرفه بدلاً من الفاسد الذى لا نعرفه. ويرى رجال مبارك فى سقوط الإخوان فرصتهم الذهبية للعودة إلى سدة الحكم، واستعادة دولة فسادستان التى عملوا على بنائها سنوات طويلة، كما رأى الإخوان أن فرصتهم فى سقوط رجال مبارك لاقتناص السلطة التى حلموا بها طويلًا، والحقيقة أن الطرفين ينتميان لنفس النظام، وانتصار الثورة يعنى القضاء عليهما معًا، وبالتالى من الطبيعى أن يكون عدوهما المشترك هو كل ما ينتمى لحلم التغيير، فيطلق رجال مبارك الاتهامات، ويؤمّن عليها الإخوان ويحاولون تأكيدها بشكل غير مباشر. وإذا أردنا معرفة حقيقة الأمر، دعنا نصدق كل ما أطلق على الثورة والثوار من شائعات، وسأصدقها جميعها معك، دون مناقشة للتناقضات التى تكتنف تلك الشائعات نفسها: - سأصدقك فى أن الثورة عبارة عن مؤامرة خارجية لإسقاط نظام مبارك، وسأتجاهل أن مبارك كان حليفًا استراتيجيًا فى المنطقة للإدارة الأمريكية التى تمسكت به حتى اليومين الأخيرين من الثورة عندما حسم المصريون الأمر. - سأصدقك فى أن الثورة صنيعة إخوانية، وسأتجاهل أن الإخوان الذين تقول إنهم حشدوا تلك الملايين لم يتمكنوا من الصمود أمام من خرجوا لإسقاطهم بذات الطريقة. - سأصدقك فى أن الثوار عملاء مخابرات أجنبية، وهناك دلائل على تورطهم فى تلك الأنشطة المخابراتية، وسأتجاهل أن هذا يعنى إما أن بلادنا فيها جهاز مخابرات فاشل فى تجميع أدلة تدينهم، أو متواطئ بأن أخفى أدلة تورطهم ولم يقدمهم للمحاكمة. ولكن عليك أن تجيبنى عن عدد من الأسئلة ستشرح لنا جميعًا حقيقة ما ستؤول إليه الأمور فى النهاية: - ماذا ستفعل لـ 60% من المصريين يعيشون تحت خط الفقر نتيجة لسياساتكم خلال فترة حكمكم؟ - ماذا ستفعل لـ 2 مليون طفل متسرب من التعليم، و9.3% من نسبة الأطفال حتى 15 سنة، بالإضافة إلى 88.9% من الأطفال من 15 حتى 18 سنة يعملون بالمخالفة لقانون الطفل والأعراف الدولية لكسب قوت يومهم؟ - ماذا ستفعل بعد أن تسببت سياساتك فى نقص عدد الأسرة بالمستشفيات من 125457 سريرا عام 1998 إلى 115735 عام 2011 بدلاً من أن تزيد، وأصبحت مصر بلد الـ90 مليون مواطن فيها 7000 سرير عناية مركزة فقط، ومع ذلك يحارب المصريون حتى لا تقل نسبة الإنفاق على الصحة 3% من الناتج القومى، فى حين أن المعدل الدولى الذى تم إقراره بقمة الإفيه بالأمم المتحدة 15%، ودول مثل أفغانستان تنفق 7.6%، وبوروندى 11.7%. - ماذا ستفعل فى 75% من القرى و20% من المدن بدون صرف صحى حتى الآن؟ - ماذا ستفعل بعد أن أصبحت ميزانية وزارتى الصحة والتعليم مجتمعتين تساوى ثلث ميزانية وزارة الداخلية فقط، وأصبح الطبيعى إنفاق تلك الميزانية على مكافآت كبار الضباط دون تدريب صغارهم، فأصبح القتل اليومى لضباط وأفراد الشرطة الصغار المتروكين فى الشارع لمواجهة الجريمة والإرهاب دون تدريب عادة، وانتشار السرقات والقتل والنهب دون الوصول لمرتكبيها، وترك المواطنين للتفاوض مع المجرمين أمراً طبيعياً نتيجة وقوفك ضد هيكلة أجهزة الأمن. عزيزى المستفيد من فساد دولة مبارك أو دولة الإخوان، توقف عن ترديد عبارات المؤامرة والعمالة التى لم تحمك من الغضب الشعبى، ولن توقف الثورة القادمة لا محالة إذا لم يتم حل تلك المعضلات، فكر قليلًا فى أن طريقتك المعتمدة على تشويه محاولات إصلاح الوطن بدعاوى مختلفة لن تجدى طالما أسباب الانفجار مازالت قائمة، وأن الانفجار القادم سيطيح بكم تمامًا، ولا بديل عن بناء الدولة الحديثة التى خرجت الثورة من أجلها ولن تهدأ إلا ببنائها، فاختر إما أن تصبح جزءًا منها أو أن تظل تردد أوهام المؤامرة، فتفنى مع تلك الأوهام. تسلم الايادى

وايه اللي يمنع اذا كا ن ا لثوار طلعو في الاخر كلهم خونة ولاد تيت يبقى اشر فهم واطهرهم ر جال مبا ر ك طب انا ممكن ا سألك نفس السؤال مع تدعيم رأيك بادلة عقلية على ا لاقل وطبعا مع وضع فرض مهم جدا و هو ان ا لسيسي ليس من ر جال مبارك وا نه محسو ب على الثورة وعشان تعر ف رأيي بدون رتوش انا كنت مع السيسي لما قضى على الاخوا ن ومش معاه لما رشح نفسه

من مذكرات الثورجي الحمار - أنا مش هنتخب شفيق علشان بينا بينه دم وهنتخب مرسي علشان لما نحب نشيله هنشيله ...... مازال الحمار الثورجي يشترك مع الإخوان في ترديد مقوله أنه لا توجد مؤامرة على مصر على الأمة ( هذه المقولة من ضمن المؤامرة ) الحمار هيقضل طول عمره حمار وهيفضل الإخوان راكبينه لأنه أعمى البصر والبصيرة

اقصد رجال مبارك الفاسد ين با لطبع زي عاطف عبيد ابو كرش وا سع وا للي نهب وبا ع القطاع ا لعام و د ه ر مز ولا يعني ا نني اقول بنا قص عا طف عبيد لا اقصد ومن على شا كلته وزي تر زي القوانين ا للي تم تكريمه مع من كر مو في عهد عد لي منصور ولا حضرتك شا يف ان نظا م مبارك كان كله قديسين وكان لا يجوز ا لثور ة عليهم وبردو تجاهلت سؤالي المردود لحضر تك اما عن ترشيح السيسي فموقفي لم يتغير و ا علنته عشرا ت ا لمرات انا لا ا ريد حاكم متخر ج من ا لمؤ سسة ا لعسكر ية الم تشعر حتى ا لان ان الامر ا صبح ملك عضوض لابد و ان يكون الحا كم متخر ج من ا لعائلة ا لماكة و اقصد با لعا ئلة الما لكة ا لمؤ سسة ا لعسكر ية

حقا إنها ليست مؤامرة .. https://www.youtube.com/watch?v=qfqNzNbGWdY أرجو أن نركز على الجزء الخاص بالجنرال الطموح الذي سافر لأميركا وقت الأحداث وترك المسألة تتعقد حتى تصل لنقطة حرجة يلزم منها تدخل الجيش ------------------------------------------------------------ طبعا أنا واثق ومتأكد تماما إنه حتى بعد الفيديو ده .. زي عشرات الفيديوهات اللي قبله .. إن المطبلين لمجيدة .. هيفضلوا زي ما هما على حالة التطبيل والتهليل والحديث عن مجيدة التي انطلقت من أعمق أعماق الشعب المصري حتى وصلت إلى قمته ... ولكنها للأسف عادت به سريعا إلى القاع بل إلى أسفل سافلين

دي هاي كوبي ب ١٥٠ جنيه مهم خدوده تختخ ابن اللذينه

مقال اكثر من رائع وهو صوت من ا صوات الحق يصدع بها ابن من ابناءنا من اللذين كان لهم دور في ثورة يناير عليها رحمة الله وهنا اتسا ءل هل معنى ا نتخا ب ا لسيسي هو ر جوع رجال مبا رك الى ا لحكم وعودة ا لفسا د والقهر و ا لظلم اذا كا نت الاجابة بنعم فبئس القوم وبئس التغيير

اشاهد الان علي CBC عماد اديب مستضيف ايمن نور. كل ما استخلصته من هذا الحوار: ان ايمن لسه شارى حته رولكس GMT Master دهب جديده. وانها كمان عاجبه المخرج.

قبله الحياة التى اعطتها الاخوان بالاتفاق مع عسكر مبارك للنظام قطعا ستهوى قريبا وال قدر يعمل تمرد قادر على ان يعمل تحرر فهى فى الطريق اليكم ايها الشرفاء

استراحة إيه يا عم متضحكش الناس عليك .... شوف يا متعب يا بني إذا كنت فاكر إن لسه فيه ثورة عيال واشتراكيين.ثوريين وبلاء أزرق وحرق وتكسير تاني يبقى أكيد شوشو بيضحك عليك .... إتلموا بقى يا بني في أي أسرة أو أي حاجه من بتوع المدرسة أو الجامعة واعملوا رحلات واجروا فيها ورا بعض أو احدفوا بعض بالطوب ... طالما فاشلين ... البلد مش ناقصة معيلة ... أنتم عارفين إن مفيش أي حد هيعبركم لو عملتم حزب ... أو أي حد منكم شوشو ضحك عليه وقرر يترشح في البرلمان .. هيبقى الضحك عليه للركب .. وجتها نيلة اللي عايزه خلف طالما الخلف كده بذمتك مش مكسوف وأنت بتنقل لنا مقالة لهذا الشحط الذي يجب عليه أن يتوارى خجلا بعد الفضايح اللي عملوها

لا داعى للعذر يا مان ،، وجهة نظرك جديره بالتأمل ،، بالنسبه لموضوع التحريض ،، اعتقد ان القانون المصرى يجيز اعدام المحرض ،، مع الاخذ فى الاعتبار ان قادة الجماعه اذا ثبت تحريضهم ،، فهم هنا محرضين اقرب للخونه واقرب للمفسدين فى الارض ،، وحتى لو لم بتم اثبات تحريضهم ،، فيجوز اعدامهم على خلفية الظروف الاستثنائيه التى يمر بها الوطن والتى شبهها الفاضل ابو محمد بالحرب.. وده اللى حضرتك بترفضه من منطلق انه يجعل منهم ابطال ،، الكلام ده كان ممكن زمان لما كان الشعب متعاطف مع الاخوان ،، دلوقتى الشعب متقبل ويرحب بابادتهم اباده جماعيه ،، واعتقد فض اعتصام رابعه والنهضه كان بروفه بسيطه لما اقصده طيب انا حمشى ورا كلامك وحنحى الحل الدموى والتصفيه الجسديه لبديع ورفاقه جانبا ،، وحفترض فعلا ان الاخوان هم من وراء كل تلك العمليات الارهابيه ،،،طيب ايه الحل الاخر المتاح امامنا للتخلص من الارهاب ،، مش معقول حتفضل الدولة مكتوفة الايدى وكل يوم افراد من الجيش والشرطه بتتقتل ،، ومش معقول نتعايش مع الموضوع ده زينا زى لبنان والعراق والثومال مثلا ،، لازم يكون فيه حل او حلول ،، ويكون حل سريع وفعال ،،، يمكن من ضمن حسنات مبارك انه فى فترة ما بعد حادثة الاقصر قدر يقضى على الارهاب او على الاقل يروض جماعة الاخوان بشكل ما ويعقد صفقة ما او هدنه مع الجماعه الاسلاميه والجهاد وما شابه ،، المشكله ان الحل ده ايضا مرفوض حكومة وشعبا ،، اقصد حل المصالحه او عمل deal ماا اللى عايز اقوله انى راجل عملى ماشى بمبدا شعبى بيقول ) قطمه احسن من نحته( .. يعنى مفروض نقطع عرق ونسيح دمه ،، لكن بقاء الحال كما هو عليه لا ينبئ بخير ابدا مثل اشياء كييره اخرى تحدث حاليا ولا تنبئ بخير ايضا ومنها ترشح السيسى للرئاسه

لا مش مبسوط .. لانى عارف مقدما تبنيك لهذا الراى وهذا المنحى فى التعامل مع الاخوان .. يعنى لا جديد قد جئت به .. انا عايز اعرف بس من وجهة نظرك التى تحترم .. ليه السلطه الحاكمه الحاليه لم تقم بذلك حتى الان مكتفيه فقط باتهام الاخوان بلا دلائل أوبراهين ماحقه قاطعه .. رغم كل تلك الحوادث الارهابيه البشعه ,, و رغم ان جل القيادات الاخوانيه فى قبضتها .. لماذا تقف تلك السلطه الحاكمه مكتوفة الايدى تجاه الاخوان إذن ؟ مفيش اى مبرر لهذا التعامل الا صارم والا رادع . فى ظل التاكيد على ضلوع الاخوان فى تنفيذ تلك العمليات الارهابيه .. . ومفيش اى بديل ايضا عن استخدام التصفيه الجسديه فى ظل رفض جميع الاطراف ورفض الشعب ذات نفسه للمصالحه .. وفى ظل تواتر وتلاحق العمليات الارهابيه خلال فتره قصيره نوعا ما ... وانت يابو محمد بتقول انها حرب .. وفى الحرب تجوز كثير من الاشياء المحرمه فى اوقات السلم .. وما تقوليش المجتمع الدولى وحكوك الانسان .. اميركا ذات نفسها دمرت بلدين بسبب عمليه ارهابيه واحده .. الخلاصه .. لو السلطه الحاكمه متاكده فعلا ان الاخوان وراء تلك العمليات الارهابيه يبقى ((حلال .. الله اكبر)) وادبح بلا شفقه او رحمه لان ده امن دوله وامن مواطنين ,, غير كده بقى المنطق بيقول ان الاخوان ابرياء براءة الذئب من دم ابن يعقوب .. ويتم استخدامهم كشماعه للفشل . او للتغطيه على المنفذ الفعلى لتلك العمليات الارهابيه لسبب ما

بكي احد تلاميذ ابن رشد لما وجدهم يحرقون كتبه فالتفت إليه وقال يابني ان كنت تبكي الإسلام فلن تكفيك بحور العالم وان كنت تبكي الكتب فالأفكار لها اجنحه تطير الي اصحابها ...

موضوع جميل ورائع تقدر تاخد راحتك يا أستاذ باهى دون خشية ممن يتهمك بعبادة الأصنام :) الجماعة مشغولين بحاجات تانية

http://youtu.be/d82HkVyy3Ic

وده يبرر ترشيح السيسى بدون برنامج شايف ده ازاى

يا كل أخوانى متأسلم ... يا كل أخوانى متخفى .... يا كل أخوانى صاحب مصلحة مع الاخوان فتأخون .... ياكل مؤيد للشرعية المعزولة والمزعومة .... ما هى مشكلتك مع السيسى ؟!!!... أنا سامع واحد هناك بيقول : أنه قاتل !!... طيب في عهد مرسي الداخلية قتلت أكتر من 60 بني آدم في بورسعيد.... وخرج مرسى تاني يوم بدل ما يؤمر بمحاسبة القتلة، أشاد بالداخلية وأمر بفرض حظر تجول فى بورسعيد ... اى نعم الناس استهيفته و نزلت تلعب كوره ... بس دى مشكلته هو ان هو راجل هفأ ..... حضرتك وقتها بدل ما كنت بتبكي على الدماء اللي بتسيل كنت بتكتب بوستات على شبكة رصد بتؤكد فيها إن اللي اتقتلوا دول بلطجية وإن الداخلية لازم تتسلح أحسن من كده (فاكرين البوست بتاع هلهوطة أحمد المغير؟)..... احب افكر حضرتك كمان بحادثة القطار اللى راح فيها 50 طفل ... لا رئيسك ولا مراته اتحركوا من اماكنهم على الاقل علشان يعزوا الناس فى اللى راحوا فطيس ... بينما زوجة رئيسك المدنى المنتخب رقعت مشوار لحد دمنهور علشان تعزى فى واحد ... واحد بس ... اى و الله واحد بس .. لانه اخوانجى ومات !!!... - إنت مشكلتك ايه مع السيسي .... إنه حنث بالقسم بتاع الولاء لرئيس الجمهورية؟ واعطاه قلم على قفاه !!... طيب ما سى مرسي طلع إعلان دستوري ضد القسم اللي أقسمه عشان يبقى رئيس لمصر..... وعمل حاجة الشعب لم يعطه الصلاحية دي لما انتخبه عشان يعملها..... ده غير إنه أخلف وعوده اللي أعطاها للقوى المدنية وقرر إنه يطلع الدستور للاستفتاء غصب عن الكل.... ولما الناس خرجت تعترض نزل ميليشيات تقف عند القصر الجمهوري ورأينا بعنينا التعذيب اللي حصل عند أسوار القصر..... - إنت مشكلتك ايه مع السيسي ... إنه بيحمي الفاسدين وبيكرم القتلة؟.... طيب ما على فكرة، في عهد مرسي مفيش أي قضية اتحركت ضد أي حد من الفاسدين بتوع عهد مبارك..... هتقول لي مرسي مش بيتحكم في القضاء... هاقول لك هو مش راح معين نائب عام بالمخالفة للقسم بتاعه ومع ذلك النائب العام ده متحركش في أي قضية فساد.... حتى قضية موقعة الجمل نسي يعمل استئناف على الحكم فراح الموعد والناس خرجت براءة..... .وبعدين هو مش إنت برضو شايف عنان وطنطاوي مجرمين... وشايف وزراء الداخلية وقت الثورة مجرمين.... إيه رأيك في اللي خرج يكرمهم ويعطيهم أنواط ويشكر فيهم.... ولما فيه جرنال أخد حبيتين شجاعة بعد الأكل وهاجم طنطاوي رئيس التحرير اتشال تاني يوم الصبح.... ثم هو مين اللي قال إن الشرطة في القلب من ثورة يناير؟.... وإن السيسي رجل من ذهب؟ ... يمكن أمي؟ وأنا ناسى .... - إنت مشكلتك ايه مع السيسي .... إنه عايز يسيطر على الإعلام ويهدد الحريات؟... هو الشريعة الإسلامية اللي انت عايز تطبقها إيه غير السيطرة على الإعلام (ابقى تعالى وأنا أقول لك فين).... والتعليم (يللا نحط تاريخ حسن البنا).... والثقافة (اللي جبتولها واحد تاريخه عباره عن كتابين يمسكها)؟..... هو أفكار صفوت حجازي وياسر برهامي وعاصم عبدالماجد و محمد عبد المقصود اللي الإخوان متبنيينها وبيدافعوا عنها إيه علاقتها بالحقوق الفردية والحريات؟ .... هو إنت مش برضو كنت بتتهم العلمانية بالكفر.... وبتقول للناس إن العلمانية انحلال أخلاقي ولن يصل إلى حكم مصر من يعادي الإسلام وغيرها من الشعارات اللي مفيش دولة ديمقراطية هتسمح بها في أي انتخابات.... إنت مشكلتك ايه مع السيسي .... إنه ديكتاتور والجيش هيسيطر على الحياة السياسية؟.... هو مرسي كان بيعمل إيه غير إنه قاعد يدخل أكبر عدد من الإخوان في كل مؤسسات الدولة عشان يتغلغلوا فيها بغض النظر عن كفاءاتهم ... افتكر محافظ الاقصر ووزير الثقافه ووزير الاعلام ووزير البترول و وزير الاستثمار و المحافظين اللى معرفوش يدخلوا مكاتبهم.... صحيح هو كان بيعمل كده بدرجة فشل ذريعة لأن الدولة أعمق بكتير من إن الإخوان كانوا يعرفوا يسيطروا عليها، بس الفشل لا ينفي وجود النية ولا ينفى المحاولات النص كم اللى حصلت.... - انت مشكلتك ايه مع السيسي ... انه عمل انقلاب على الرئيس المدنى المنتخب؟ طيب هو انت رئيسك المدنى المنتخب مش عمل انقلاب على القسم اللى هو اقسمه و غدر بكل العهود و المواثيق و كل انواع القسم اللى اقسمه فى التحرير و المحكمه و جامعة القاهرة.... - انت مشكلتك ايه مع السيسي ... انه كذب و قال انه مش هيترشح و بعد كده اترشح ؟... طيب ما انت رئيسك المدنى المنتخب هو و جماعته كان ناقص يحلف على الميه تجمد انهم مش هيرشحوا حد و مشاركه لا مغالبه .... و بعد كده رشحوا اتنين بمشروع وهمى ... فاكر المشروع الوهمى بتاع النهضه و وعود ال 100 يوم ؟؟... - مشكلتك ايه تانى مع السيسي ... انه مسنود من الجيش ؟؟ طيب ما رئيسك المدنى المنتخب كان مسنود من جماعه مانعرفش عنها اى حاجه ... على الاقل الجيش ده مؤسسه نظاميه معروف تمويلها و معروف توجهها ايه ... انما جماعتكم مانعرفش عنهم اى شيء .. لا بيصرفوا منين ولا تنظيمهم بيتدرب فين ولا تسليحهم شكله ايه.... - مشكلتك ايه مع السيسي ... ان الاعلام بيطبل له ؟؟... طيب ممكن كده نفتكر مع بعض خميس و قناة مصر 25 و قناة الرحمه و الناس و الحافظ.... فاكر ولا افكرك ؟؟ طيب فاكرين قايمة الانجازات اللى كانت بتلف على الفيس بوك و فى اخرها شييييييييييييير و كون انت الاعلام البديل ..؟؟ يا كل أخوانى متأسلم ... يا كل أخوانى متخفى .... يا كل أخوانى صاحب مصلحة مع الاخوان فتأخون .... ياكل مؤيد للشرعية المعزولة والمزعومة .... الصراحة و الوضوح مع النفس و المصداقيه تقتضي إنك تشرح لنفسك قبل غيرك.... إن معركتك مش الحرية والديمقراطية و الثورة ... اطلاقا .... مشكلتك مش التسلط والديكتاتورية و حكم العسكر لأن فكرتك قايمة أساسا على ان الديمقراطيه دى كفر و ابتداع ... انما هى مجرد وسيله للوصول للكرسي و بعدها ليقضى الله امرا كان مفعولا.... إنت مشكلتك إن ديكتاتوريتك انت هى اللى فشلت، وفيه حد تاني هو اللى سايق دلوقتى ... و ان انت رجعت تانى لمكانك الطبيعى ... السجن ... لذلك : قول كلام مجترم قابل للنقاش علشان احترمك و ابادلك رأى برأى و نقدر نتفق ... بالمناسبه : انا عارف انت هتقول عليا ايه ... كافر و ملحد و علمانى و ليبرالى و فلول و مش بعيد تطعن فى عرضى كمان ... أو تبعتوا شوية مأجورين فلسطينيين أومطرودين من مصر أول حروف من اسمائهم : عمر عفيفى وشريف عثمان !! شكرا شيء متوقع و حصل قبل كده كتير ... ده أخركم وكبيركم انكم تتخفوا وراء اسماء نساء واسماء مستعارة لانكم مش رجالة تستطيع المواجهة .... انا عن نفسي هانتخب السيسي ... لأنه من وجهة نظرى أحسن من رئيسك المدنى المنتخب الكذاب والخاين العميل !!!... وعلى الأقل لو اختلفت معاه فى الرأى مش هيكفرنى او يحرمنى من جنة ربنا ... ويارب البهايم تفهم

م الآخر| الإخوان ما قتلوش "ميادة" و"أبوضيف".. دول ناس طييبين أوي يا خال! كتب : أحمد حامد دياب بمناسبة استشهاد الزميلة ميادة أشرف واتهام البعض للإخوان أنهم هما اللي قتلوها.. طبعًا أنا دمي فار وقلت هقول الحق ولو على رقبة مراتي، وافتكرت أخر مظاهرة للإخوان كنت بغطيها كمراسل، ومش عاوز أقولكم على كمية الطيبة والحب والسلمية اللي في المظاهرة، أزايز "كوكا كولا" فاضية وفيها سائل كده مش عارفه ايه أنا افتكرتها "ملوتوف"، ولما واحد طلع واحدة لقيته شال القطنة وبيكب منها على أيده وأيد اللي جنبه وبيرش على اللي معاه، ولقيته جاي يرش عليّا أنا كمان.. قولت له بتخنق من ريحة البنزين.. قاللي ومين قالك إن ده بنزين دي (كولونيا خمس خمسات) من اللي بنحط منها بعد الحلاقة (شُفت الحلاوة) واحد طلع فرد خرطوش وضرب كام طلقة زميله بيقوله ليه كده قاله أنت مش شايف الفرح اللي هناك ده طلقتين جبر خواطر كده مجاملة للعريس (شُفت الجدعنة) واحد تاني طلع طبنجة 9 مللي ولسه بقول هيضرب نار على الشرطة لقيته حاطط "سيجارة سوبر" في بقه وقرب الطبنجة من بقه.. أنا قلت هينتحر.. لقيته داس على الزناد.. طلعت ولعة من الطبنجة ولع بيها السيجارة وأتاريها كانت ولاعة مش طبنجة ! (شفت الغُلب). وانا ماشي بقا في المظاهرة لقوا محل واحد مسيحي بتاع عصير لاقيتهم كلهم دخلوا عليه قولت هيقتلوه.. لقيتهم طلبوا كل واحد (شوب عصير قصب دوبل من أبو اتنين جنيه) وكلهم بيحلفوا أنهم يدفعوا للمظاهرة كلها (شُفت الكرم). المهم الشرطة جت وبدأت تضرب رصاص حي و آلي و "أر بي جي"، وكمان كان معاهم "جرينوف" حلو كده متعلق عليه شبشب صغير فوق مدرعة الشرطة الشرطة مسابتش المتظاهرين السلميين الطيبين يمشوا في حالهم لا دي ضربت عليهم رصاص حي من الجرينوف. المهم ظابط بيجري ورا واحد إخواني وعاوز يمسكه فزميله بيضرب عليه نار فالطلقة جت فى رجل الظابط ووقع، وكان قرب من الراجل الإخواني والراجل الإخواني شافه فوقف وببص عليه لقيته قرب منه وطلع حتت سكينة صغيرة وقلع الشال بتاعه! أنا قلت هيدبحه أو هيغزه ويخنقه.. لقيته بسرعة راح قاطع بالسكينة بنطلون الظابط وقاله متخفش وربط رجليه بالشال عشان متنزفش وقاله انت أخويا وسابه وجري (شُفت الإنسانية). بعد شوية لقيت مجموعة من المواطنين أهل المنطقة يهتفوا ضد مرسي والإخوان اللي في المظاهرة ولقيت الستات وقفت تزغرط.. أنا قلت دي إشارة للرجالة عشان يرجعوا وفعلًا رجعوا، ولقيت كل واحد فيهم في ايده كيس وبيطلع حاجة بيحدفها عليهم ..انا قلت دى حجارة أو رخام.. لكن قربت كده ببص لقيتهم بيحدفوهم بـ"البونبوني والشوكلاته" وقائد المظاهرة عمال يرمي "هوهوز ومندولين ومولتو" عليهم (شُفت السلمية). سواق تاكسى ماشى بيكلكس وحاطط صورة السيسي على العربية من ورا.. لقيتهم اتجمعوا عليه أنا قولت هيدبحوه ويولعوا فى العربية ..لكن لقيت قائد المظاهرة سأله العربية دى قسط؟؟ قاله اه ...راح مكرمش 100 جنيه فى ايده وناولهم للسواق وقاله هات فاكهة لعيالك (شُفت الشهامة). المهم ماشيين فى الشارع لقينا عربية ماشية وسايقها عقيد شرطة.. لقيت واحد بيقول للتاني ده مسعد بيه.. قاله مين مسعد بيه ده.. قاله ده ظابط أمن الدولة اللي كان ماسك ملف التطرف الديني.. لقيته قرب من العربية.. أنا قولت هيكسرها ويولع فيها وببص لقيته مطلع وردة حمرا من هدومه واداها لمسعد بيه وقاله: يا مسعد بيه أنا فرج اللي كنت بتحب تستجوبه بنفسك وانا مسامحك (شوفتوا السماحة)، وفي اللحظة دي مقدرتش أمسك دموعي من اللي أنا شفته بعيني ومحدش قاللي عليه. الإخوان "كيوت" وطيبين ومش بيضربوا مولتوف في المظاهرات ومش بيضربوا نار ولا خرطوش، ومبيقتلوش حد خاااااااااااااالص، والبلتاجي مقلش إن الإرهابيين أنصارهم، ومرسي مقلش الكرسي أو الدم، وبتوع الثورة هما اللى قتلوا الحسيني أبوضيف، وانا اللي أكلت الجبنة في فيلم أبوعلى! (شُفت الكذب) عجبنى المقال قلت انقله من الوطن

عزيزى الشاعر إنت عاوز منى رد موضوعى ؟ ههههههههههههههههههههههههه

واخد بالك يا محمد ؟ خليك معتقد انك مظلوم واشتم على راحتك .. فأنت فى طاعة الله إشتم ولا تجادل يا أخ محمد

هدوء وسكينه