لوحة القادة

ديل الكلب عمره ماينعدل يمكن تتوقف عن الدعم المباشر لكنها مجهزه ابواق جديده فى السودان وليبيا وتونس ده غير كتاب وصحف فى الغرب وفين تانى هيبان ...

أنا باعيـِّد عليكم بدرى عشان حاخد أجازة ومش عارف حيكون فيه انترنت متاحة ولا لأ كل سنة وأصدقائى المسيحيين طيبين بمناسبة عيد القيامة أعاده الله عليكم بالخير والسعادة وكل سنة وجميع المصريين طيبين بمناسبة شم النسيم وكل سنة نحتفل بيه فى جو أحسن من السنة اللى قبلها

زي النهاردة من سنين، يوم 15 ابريل سنة كام ، 1900 وشوية سنين طل الصباح واشرقت شمس الربيع على أرض "عروس البحر المتوسط" ومع نسمات معطرة بالورد والفل والياسمين أتي صراخ طفل وطفلة معلنا عن قدوم توأمين سكندريين في منزلين مختلفين، يقعان داخل الدار الكبيرة "عروس البحر الأبيض المتوسط" التابعة لدولة مصر. وتمر الأيام والسنون والعقود ليعود نفس التاريخ ويحتفل التوأمان بذكرى يوم ميلادهم مع الأبناء والأحفاد والأهل والأصدقاء. كل سنة وانتي طيبة مدام سلوى كل سنة وأنا طيب كل سنة واحنا طيبين كل سنة ومصر طيبة وشعبها طيب وعايش في سلام دعوني أشارككم الفيديو اللي فتحت عيني عليه هذا الصباح من ابنتي اللي دايما تفاجأني بنسمة بحر تداعب وجهي في حر صيف قائظ. http://www.youtube.com/watch?v=P8WDsPX3sow#t=16

تحية طيبة . الحكاية ياجماعة مش حكاية فيلم هايف وبس. دى حكاية اسفاف وتسيب غير طبيعى حصل فجأة للمجتمع المصرى . طيب زمان كان كل ده موجود بس ( مدارى )...أو ...يظهره جزء منه وعلى استحياء . النهاردة مين اللى ظاهر ف الصورة ؟؟؟؟ شخصية تدعو للاثارة تسمى هيفاء وهبى ..( ومعها اختها ايضا تقلدها وتحاول ان تتفوق عليها )..ف تكملة مهزلة الضحك على عقول رجال مصر. ليست مصرية ...!!! صافيناز ...اتقفل علشانها شارع وقامت مظاهرة ..,اتضح ان ده حصل بسبب عقد كانت عاملاه ف كباريه تانى .....مهازل يعنى ..( تكونش مارجريت تاتشر والا هيلارى كلينتون والا سوزان مبارك اللى ييجى لها كل عربيات البوليس دى ؟).. ليست مصرية ....!!! والا التانية الست هانم ..نانسى عجرم ..بيتعمل لها حديث مخصوص مع مفيد فوزى ( ايام مجده يعنى ) وهى ايضا. ليست مصرية ....!!! طيب.. مش كفاية الغلب اللى عندنا؟؟؟......ناقصين يعنى تستوردوا لنا شوية تشويه من برة ؟ مابين ...سما المصرى وغادة عبد الر ازق ...وسباق اللى يحب النبى ( يتخفف علشان الحر ). خلاص.. خلاص .. خلاص بجد . مهزلة أو مهازل مش طبيعية بتحصل على أرض مصر . مهازل بكل المقاييس . ما بين عكاشة ومرتضى منصور اللى بالع قاموس الشتائم كله والر دح والفضايح ...وبين (( العلماء الجدد ))...اللى هم علماء الدين اللى عرفناهم على حقيقتهم بعد سنين طويلة وصورهم امام صينية ( الكبسة ) وغيره وغيره . خلاص.. خلاص.. الواحد بقى عنده حالة قرف واستياء ........( اعتذر مش لاقيا تعبير تانى ) الناس اتجننت . سرقة ونصب وتحرش.........واغتصاب ( سمعنا ورأينا ما تقشعر له الابدان ) ياترى كل ده حاينتهى امتى؟ وهل حاينتهى والا حاتفضل آثار الجرائم دى كلها سنين؟ للأسف...للأسف الشديد . الناس اللى بتفكر بعقلها وتعرف ربنا فعلا ....خلاص عرفوا أن النصب والضحك على عقول البسطاء والسيطرة على مفاصل البلد بيتم عن طريق.....البطش والقهر . والدين الفالصو. لنا الله. يارب كوووووول قنوات التلفزيون المصرى تتقفل . ويارب كل المذيعين والمذيعات يتخرسوا .. ويارب اللى زى السبكى وغيره تيجى له صدمة عصبية لما يشوف اللى بيعمله ....ف اهله . يمكن يتعظ.. ولو ان اللى زى دول خلاص ....ماتت فيهم الانسانية والنخوة . ويقولك ابداع . ابداع اييييه ياشوية رعاع . ابداع؟ دول اساسا ناس من بيئة كانت تعيش فى قاع المجتمع وشافوا مهازل وفاكرين كل الناس زيهم ويقولك ده الواقع . والله ما واقع الا ضميرهم اللى خرج ولم يعد. ربنا ينتقم منهم كلهم ........ ويارب نسمع عنهم قول ( لم ينجو منهم أحد ) ياخسارة يامصر. شوهوكى ولاد ....الدولار. الحمدلله رب العالمين آآآهى الصين وروسيا اتفقوا ان كل تعاملاتعم التجارية حاتكون بأى عملة ......غير الدولار . يالله. خليها تخرب على دماغ اللى عايزين يخربوها . وآآهو ربنا سبحانه وتعالى بيسلط ابدان على ابدان. سلام.

جريدة الأهرام يوم الجمعة 4 أكتوبر سنة 2013

عايز تهزأ راجل .. هاتله "عالمة" :) نمشيها "عالمة" عشان القواعد ولا يفل الحديد إلا الحديد

جهاد الكبسة جهاد النكاح وبعد كده برضه زاهدين السؤال اللي بسأله لنفسي لماذا تنشر لنا قطر صور من هذا القبيل لهؤلاء المغفلين بين الحين والآخر ؟ ماذا تقول لنا وماذا تقول عنهم ؟

ده جهاد الكبسه

الأمر ليس بيد قطرالأمر بيد حليفتها إسرائيل ( شرقا ) ..ثم كيف وهي تقوم بدعم وتدريب ما يسمى بالجيش الحر في ليبيا ( غربا ) ...وتتحرك ضد أمننا القومي في أثيوبيا والسودان ( جنوبا )

من اكتر الحاجات اللي بتضحكني لما ارجع لموضوع في الماضي فيه تجمع من المتأسلمين بيدافعوا فيه عن قضية ما بعبارات اسلاميه رنانه مثل...و الله خير الماكرين او و الله متم نوره....او فليخسأ مش عارف مين و يمر الزمن...و يتضح كذب و فشل قضيتهم...و يتضح ان الفيلم كله اونطه و ان دفاعهم كان دفاع عبيط عمن لا يستحق بصراحه متعه لا يضاهيها متعه و زي مابيقولوا هم فليخسأ الخاسئون..اضحك انا و اقول فليضحك الضاحكون :)

حلقة لابد من كسرها مدَّعو الفضيلة و "حرس الحدود" يقولون السبكى والأسوانى وأوكا وأورتيجا هم سبب الانحطاط الخلقى ومدَّعو الإبداع من أمثال السبكى والأسوانى يقولون نحن ننقل الواقع وكلاهما لابس عباية مش بتاعته .. عدة نصب ينصب بها على الأبرياء السبكى سارق فيلم إيطالى وليته سرقه كما هو بل ابتذله والأسوانى سارق رواية من أحد الحائزين على نوبل وياريته سابها زى ما هى كلاهما يسقط رواية عن دراما فى مجتمع غير مجتمعنا ويلبسها ثوب مجتمعنا باسم يوسف سارق برنامج أمريكى ومقال صهيونى أمين هويدى يسرق مقالات غيره وينسبها لنفسه ومن هؤلاء اللصوص من يدعى الإبداع أو يدعى الفضيلة أو كليهما نحن نتعرض لعملية نصب كبيرة تستهدف أجيالا "مستسهلة" تتثقف من أفلام ومسلسلات ومقالات وبرامج "الحرامية" الترجمة والاقتباس والتمصير أعمال أدبية مشروعة ولكن بدون أمانة تبقى سرقة بعين "قارحة" ونية سيئة فيلم الغريب ليحيى شاهين وماجدة مكتوب فى مقدمته "عن رواية مرتفعات ويذرينج" فيلم أمير الانتقام لأنور وجدى مكتوب فى مقدمته "عن الكونت دى مونت كريستو" إنما يتكتب على حلاوة روح .. تأليف فلان وسيناريو علان فهى سرقة بعين قارحة يتكتب عن مسلسل نور الشريف "الرجل الآخر" من تأليف فلان وسيناريو علان فهى سرقة بعين قارحة لمسرحية "المسافر بلا متاع" عندما أخذ حسن الإمام روايات نجيب محفوظ وشبَّعها برقص العوالم قامت الدنيا عليه ولم تقعد وإلى الآن يعتقد بعض السطحيين أن مصر فى العشرينيات كانت مجتمع عوالم مع أن المراة كانت تخرج فى المظاهرات منقبة فى ذلك العهد نعم أنا مع حرية الإبداع .. وأتمنى أن نبتعد عن أسلوب "المنع" ولكن متى ؟ هنا أعود إلى البداية وأقول حلقة لابد من كسرها .. الارتقاء بالمعرفة والوجدان والذوق هو الحل فى رأيى ولكن بعد إغلاق منبع الفساد المنبع هو المشكلة يا سادة عندما نترك عملية البناء للمقاول ابو لبدة ستنهار العمارات حتما آجلا أو عاجلا وأعود إلى مثال الحنفية البايظة اللى مغرقة الشقة كل جهد لتنشيف الشقة وتنضيفها جهد ضائع مالم تقفل المحبس وتصلح الحنفية وتنضف الشقة كل ذلك على التوازى وليس على التوالى السباك يقفل ويصلح وبتوع النظافة ينشفوا المياه القذره وينضفوا الشقة لابد من "كود" أو ميثاق شرف للأعمال الفنية والإبداعية بحيث لا نترك وجدان وذوق الأجيال لكل من هب ودب يعبث بها كما يشاء

أي حرية إبداع التي تتحدثون عنها يا سادة ؟ الأفلام البورنو حرية إبداع ، أفلام الإلحاد حرية إبداع ، أفلام مثل فيلم نوح حرية إبداع هل نترك دور السينما تعرض أفلام البورنو ثم نسأل الجمهور عن رأيه فيها ؟ كنت دائماً أختلف مع الدكتور باسم يوسف في مقولته " اللي مش عاجبه البرنامج يغير المحطة " .. ليس هكذا تورد الإبل لا تعني الحرية أن نصبح بلا ضابط و لا رابط ، يجب أن تكون لحرية الإبداع قواعد تنطلق منها و أسس تعتمد على ثقافة و تقاليد المجتمع المعروضة عليه إن فيلم حلاوة روح حسبما قرأت عنه هو عمل تجاري بحت كمعظم أفلام السبكي و لا يمت للإبداع و لا للسينما حتى بأي صلة و لا يخشى المنادون بالحرية على حرية الإبداع فعندما تتهدد ثقافة و سلامة المجتمع و إستقراره الإجتماعي فلتذهب حرية الإبداع إلى الجحيم و الضرورات تبيح المحظورات

أيوه أنا فاكر اليوم ده :) كنت بالعب كورة شراب فى جنينة محطة مصر وفجأة سمعت الصرختين والدنيا نورت كل سنة وانتم طيبين وجميع أعضاء المحاورات طيبين وبما انك حطيت لنفسك غنوة فاسمح احط غنوة لأختى وبلدياتى ربنا يديم عليكم الصحة ويمتعكم بالعمر المديد https://www.youtube.com/watch?v=iEkw2UjQAXI