لوحة القادة

شم النسيم ليست كلمة عربية تعني إستنشاق الهواء الجميل ولكنها كلمة فرعونية قديمة تُنطق " شوم إن نيسيم" وتعني بستان الزروع ... "شوم" تعني "بستان".... و"نيسيم" تعنى "الزروع". وحرف "إن" بينهما للربط والاضافة مثل of في الانجليزية فتصير الكلمة "شوم إن نسيم" بمعنى "بستان الزروع". وقد تطور نطق الكلمة مع الزمن فصارت "شم النسيم" التي يظن الكثيرون أنها كلمة عربية ، مع إنها في الأصل فرعونية قبطية!! وشم النسيم هو ذاته عيد الربيع ويعتبر من الاعياد الفرعونية التى ورثناها من اجدادنا الفراعنة فى مصر حيث يخصص هذا اليوم من كل سنة للتنزه وياتى فى ايام الربيع فيكون الجو معتدلا ورائعآ ... وبعد القرن الرابع الميلادي بعد ما إنتشرت المسيحية في مصر حتى صار المسيحيون هم الاغلبية من الشعب القبطي .... حيث كانت هناك بقية من عبادي الديانات المصرية القديمة واليهود ... وأصبح من الصعب الاحتفال بعيد الربيع " شوم إن نيسيم" لان بداية الربيع 21 مارس كانت دائماً تقع في فترة الصوم المقدس الذي يسبق عيد القيامة ... وهذه الفترة كان ينقطع فيها الاقباط عن تناول المنتجات الحيوانية والبحرية وأيضاً كانوا ينقطعون عن المرح والافراح والمأكولات الدسمة لذلك رأى المصريون المسيحيون وقتها تأجيل الاحتفال بعيد الربيع إلى ما بعد فترة الصوم ... واتفقوا على الاحتفال به في اليوم التالي لعيد القيامة المجيد ... والذي يأتي دائمًا يوم أحد.... فيكون عيد شم النسيم يوم الاثنين التالي له. وعيد القيامة دائماً يأتي أخر أحد في شهر برمهات وشم النسيم يأتي في اليوم التالي له ويكون أول برمودة ويكون دائماً يوم أثنين .... وعيد القيامة بحسب الحسابات القبطية لا يمكن أن يأتي قبل 4 أبريل ولا بعد 8 مايو!! فهو بالتالي يأتي في سنة ما في أول يوم أحد في أبريل يليه ثاني يوم أحد في أبريل في السنة التالية وهكذا الى أن يصل الى أول يوم أحد في مايو ثم تكرر الدورة مرة أخرى ودائما وأبداً شم النسيم يوم الاثنين التالي له كل شوم إن نيسيم و نحن جميعآ بخير .. خدوا بالكم من الفسيخ ..

مونديال البرازيل مجاناً على قناة ألمانية.. ورئيسها: لن نسمح لبلد كقطر عدد سكانه أقل من مليون باستغلال الفقراء كسب الألمان القضية المرفوعة ضدهم من القطريين تجاه حقوق بث مباريات دوري الأبطال والرابطة الأوربيتين. كانت قناة ZDF الألمانية قد اشترت الحقوق التليفزيونية لنصف نهائي دوري أبطال أوروبا ونهائي رابطة الأبطال، وقررت عرضها بالمجان أمام مشاهديها ما حدا بقناة "بي إن سبورت" (الجزيرة القطرية سابقاً)، إلى تقديم شكوى ضد القناة تطالبها بالتشفير فرفض الألمان. ولم تنتهِ المعركة بين المجموعتين الإعلاميتين، إذ سارت القناة الألمانية في طريق التحدي واشترت حقوق المونديال البرازيلي المقبل، وأعلنت بثه على كل قنوات "نايلسات" و"هوتبيرد" مجاناً، وهو ما يكلف القناة القطرية خسائر فادحة، ويفتح الباب على مصراعيه أمام مؤسسات إعلامية أخرى للدخول من الثغرة القانونية التي استثمرها الألمانيون في لوائح فيفا. وبحسب موقع العربية نت فقد استغرب مدير قناة ZDF، غضب مسؤولي القنوات القطرية، وقال لوسائل الإعلام: "اشترينا بالمال مثلهم، هم شفّروا قناتهم ونحن قدمناها بالمجان، لم نتدخل في قرارهم ولا نريد لأحد أن يتدخل في قرارنا". وتابع رئيس القناة الألمانية ساخراً: "كيف لبلد لم يتأهل مرة واحدة لكأس العالم أن يحتكر مباريات المونديال وحده وعدد سكانه لا يصل إلى مليون". وأكمل رئيس القناة الألمانية في تصريحاته التي بثتها القناة على موقعها الإلكتروني: "كرة القدم لعبة الفقراء، ونحن مع الفقراء والاغنياء، سنقدم المونديال للجميع حول العالم مجاناً". http://gate.ahram.org.eg/News/481738.aspx

السلام عليكم ورحمة الله وبركاته ده ان شاء الله هيكون مرجع لاى حد علشان يعرف يتعامل مع موقع انجاز لانى واجهت كذا تساؤل وانا بتعامل معاه فقلت انقل للناس اللى عرفتة اولا دا موقع بتقدر تعرف منه بيانات النت تباعك كمان تتابع الشهادة الصحية وصدور التاشيرة لينك الموقع هو :- https://enjazit.com.sa/ ودى صورة منه لو حبيت تشاهد النت بتاعك هتدخل على 1-طلب مدخل 2- تكتب رقم الطلب اللى اولة e 3- تكتب رقم الباسبور بتاعك اللى اوله a 4- تدخل الرمز اللى فى الصورة كما هوه موضح كدة ودى صورة طبعا كلنا عارفينها لشكل النت لو عاوز تتابع الشهادة الصحة بعد ما تعمل الكشف بيوم تقريبا تدخل على اللينك دا https://enjazit.com.sa/VisaPerson/CheckMedicalResult وتدخل بيناتك من رقم الطلب ورقم الجواز ولو طلع العبارة دى يبقى كدة الشهادة الصحية وصلت للسفارة ومدام المستشفى اللى عملت فيها الكشف محدش اتصل بيك يبقى انت عديت لو لاقدر الله فى حاجة فى الكشف المستشفى هتتصل بيك علشان تعمل اعادة للكشف بخصوص التحاليل فى المعامل المركزية للفيروسات دا لينك تعرف منه النتيجة http://www.healthlabs.net/Default.aspx?uc=.%2fUI%2fCertificates%2fViewCertificate2 وبتدخل فيها رقم الجواز بدون حرف a0 اللى فى اول رقم الجواز والنتيجة بتتأخر شوية عن الكشف يعنى بتطلع فى حدود 3 – 5 ايام وبتظهر بالشكل لما تبقى خالى من الفيروسات باذن الله كدة يبقى كل شئ تمام فاضل دخول الباسبور للسفارة واخد التأشيرة عليه لو عاوز تتابع الباسبور داخل السفارة عن طريق مكتب السفريات او موقع انجاز هختار 1- تأشيرة باستخدام رقم الطلب 2- خلى بالك بقى لازم تكتب رقم الطلب من غير حرف e فى الاول 3- لازم تكتب رقم الجواز وحرف ال a فى الاول يكون صغير او small يعنى انا ما طلعتش معايا غير لما كتبتهم بالشكل دا طول ما الباسبور خارج السفارة او داخلها ومفيش اجراء اتاخد عليه هتظهر العبارة دى وان شاء الله بعد اخذ التاشيرة على الباسبور هتطلع العبارة دى فى النهاية الموضوع مجهود شخصى ارجوا من الاخوة الدعاء بظهر الغيب

بعد ان هاجم الأخوان في قصيدته " انا اخوان" ... و تم اتهامه بالمجون و التحشيش بل و قضية ازدراء اديان .. تاتي قصيدته الجديدة " المكالمة" مليئة بما يثير غضب الجانب الاخر الآن .. فبها كثيرآ من التوريات التي تنال من الجيش و الشباب بل و المصريين بشكل عام ... قبل الأسترسال في الحوار حولها ... اليكم القصيدة اولآ ..... المكالمة خلاص عرفت عملوا ثورة وشالوا زفت بس ما تقوليش خلاص مشوا حمارك ! أى واحد بعده هنخليه حمارنا .. حتى لو ماكانش إسمه " .. حمارك " ! شعب مين يا جحش إنت ؟ هيّ مصر إمتى حكمها شعب .. مصر بتسلم ودانها لأى كلب .. بس يتزوق شوية ! شرعية ! ديموقراطية ليبرالية عسكرية أى كلمة فيها " إيّة " أى كلمة تكون " طرية " الشباب المصرى منظر .. كله فاكر نفسه عنتر .. إنفخوهم إنتوا بس وعظموهم ! فهموهم إن رأيه ده أمانة .. و إن أى كلام يخالف رأيه أوبا .. يبقى بدأت الخيانة .. وإفردوا إديكم شوية بالفلوس .. الناس جعانة . فنانين ! .. فنانين و مثقفين دول عند خالتك .. دول شحاتين ! يابنى كله قصاد فلوسك .. راح يبوسك .. فيه ولد شاعر كويس .. شوفته مرة بيشتم الريّس .. طلعوا الولد ده فى الاعلام كتير ! اشتروه حتى لو كان سعره غالى .. هاتوا رجله واحدة واحدة و بالطريقة .. و اكسروا عينه وداغه.. بس إوعوا يحس بينا .. خلوه كده مصدق دماغه إديه فلوس .. إدوه كتير ! واحدة واحدة هيبقى واحد م الحمير ! و الحمير واقفين طابور .. و إحنا مالناش أى دور .. إحنا بس يادوب بنديهم فلوس ! بس إحنا مش على المسرح يابابا .. إحنا فين ؟ .. في الكالوس ! هما هيأدوا الوظيفة فرد فرد .. إحنا هنجيب الديكور و نظبط إضاءة .. يبقى عرض . هما ثورة و هما شعب .. ياكلوا بعض .. أما إحنا .. أحنا نسمة .. إحنا بلسم .. وحلّنى على بال ما حد يفوق و يفهم .. ____ - ليه يا شيخنا .. طب هنعمل إيه يا شيخنا .. طول ماهو الإعلام ( سالخنا ) و إحنا برضو يعنى لسة مسيطرين ! طول ما الناس جعانة و مطحونين ! الجوع جهالة .. و الجهل جوع .. و الجوامع تحت إيدنا فى البلاد و فى النجوع .. هى الناس هتفهم " ليبرالية " وماركسية" .. الناس هتفهم " إسلامية " .. الغلابة فى القرى ما لهمش خلق للحوار .. دول ناس غلابة ! يا إما " جنة " يا إما " نار " .. و إحنا طبعاً طرح جنة .. هى الناس هتاخد دينها عنهم ولا عنا ؟ .. إحنا اللى بنقول الحرام و إحنا اللى بنقول الحلال ! إحنا اللى هنسوقهم يمين و إحنا اللى هنسوقهم شمال ! الفنانين .. إن كان ممثل ولا مطرب ولا شاعر ! اللى يناصرنا هنمدحه بالخيرو نذكر اسمه ع المنابر ! و اللى يعادينا ياكش ما يكون شيخ بعمة هنقول ده فاجر .. ولا كافر ! و الناس بتمشى ورا الخطب .. و الجهل ناره قايدة قايدة ! إحنا بس يا دوب هنرميله الحطب .. ___________ - تمام يا فندم .. كل متظبط و متشيك و متهندم يا فندم .. هو بعد الناس ما شافت حد ليه وش يتكلم يا فندم .. طبعا الإعلام بتاعنا وطنى حر .. إحنا بس خايفين نفتح الخيط للعيال لا الخير يكر .. دى سحابة صيف يا فندم هتاخد وقتها وعلى طول تمر .. الرموز الإعلامية .. الصراحة مية مية .. و هى دى الديموقراطية .. إحنا ما معناش مذيع يطلع على القنوات و ينقد ونشتم .. أحنا بنقفل القنوات يا فندم الشعب منحاز لينا طبعا .. بالتمام .. فنانين و ومثقفين و مطربين .. مفيش كلام .. أيوة طبعا غنوا لينا ! أيوة غنوا لمصر طبعا يبقى طبعا غنوا لينا ! قالو إيه ؟ قالو : " مصر يا أما يا سفينة .. مصر عايشة فى بحر هايج و إحنا ربان السفينة .. تسلم .. .. تسلم الإيد اللى ربت تسلم الكيكة العجينة " إحنا مش فاضيين يا فندم للأغانى وللكلام .. الكلاب هيّ اللى فاضية للنباح ! أما إحنا بتوع سلاح ! ________ " الشعر مصلوبٌ على وتر الوريد .. كفراشةٍ دامت بكل محاجر العهر استفاقت .. نملة تشتم منسأةِ الرسولِ و ترفع الأحلام شعباً لا يريد .. وجعٌ على الأبواب يكسر نابه .. قل للسراب متى سيفتح بابه .. ف أنا مللت من الحكايا كل ليلٍ دون أن يأتى جديد .. النيل اّهاتٌ ورمزٌ للجياع .. خذ كل ما يأتى لتهدأةِ الضباع .. و اركض على الأسفلت و أقتل طفلةً لا يعرف العشاق معنى عشقهم إلا بأوقات الوداع .. الشعر مصلوبٌ على وتر الوريد .. و أنا على المرسى الطويل .. كماءِ بحر من حديد .. " و أنا مياه من نيلك يا بلدى .. و أنا مياه من طينك يا بلدى .. أنا مش معهم كلهم ! ولانيش تبعهم كلهم ! لسانى فاكر مشية الكورنيش و إيدك .. وحشنى رمضانك و الفطور على صوت ادان رفعت و عيدك .. وسط البلد وحشتنى من غير الحواجز و الحجارة ! أنا كنت زمان بمشى ماكنتش أعرف إن في الشارع وزارة ! كنت بتحامى بعينيكى و بإيد حبيبتى و بالسيجارة ! كنت بدفى أما بركب ميكروباص .. عملت كل حاجة تزعلك لكنى ما ضربتش رصاص .. وسط البلد نسيت صوابعى اللى اتهروا .. نسيت سجايرى الفرط و هدومى اللى دابوا واتبروا .. يا عم يا بتاع الخطب يا عم يابتاع السلاح ! هو إحنا يعنى يا إما نبقى سداح بداح ! يا إما تطغوا وتفتروا .. بزيادة لينا 3 سنين بتبيعوا فينا و تشتروا .. إحنا البلد .. إحنا السند و المستند .. إحنا اللى قبل ما تبنى سدك كنا سند .. و إحنا اللى علشان القنال كانت ضهورنا بتتجلد .. إحنا البلد .. ملعون أبو اللى ما داقش جوعى ! و إن كنت مش هصعب عليه و الله ما هوريه دموعى ! أنا أقوى منكم .. أنا جدر ضارب فى البلد دى غصب عنكم .. يا عم يابتاع السلاح . يا عم يا بتاع الخطب ! تركتكوا أصلاً نخل شاخ ولا عادش بينزل رطب ! أنا مش طرف في خناقة الحكم اللى قفلت قلبكم .. أنا قلبى مؤمن إن ملك الله بيهبه لمن يهب ! بس إوعى تفتكر إنى هرضى بجوع عيالى .. أو إنى أشوف بلدى قصادى بتتنهب ! و الله معمولك عمل .. شعب اتنحس على نحس همى ! شعب اتوقف على حرق دمى ! أدب إيدى في غيط شعور .. عشمان أنول بدر البدور .. يطلعلى شال أمى ! لو حد زعلان إنى ثورت .. أدينى غورت .. بطلت ثورة و بطلت نيلة و شلت على راسى التقيلة ملناش يا عم نصيب نفرح بخلفتنا .. ما يترضى بالمكتوب يا ترضى بالفتنة .. يا دوب شافونى عريس نصبوا الطريق متاريس وحاصروا زفتنا .. هندارى ليه و نلف و نداري فى الألاعيب .. الاعتراف مش عيب .. لو كنا شوفنا الغيب .. لا كنا قندلنا ولا كنا زفتنا ! صعبان عليا الحلم .. شايفه بيتكسر .. و عينيا طايلة المدى بس الإيدين أقصر .. أنا اللى عمره ما غاب و عمره ما إتأخر .. تطرح عينيكى عذاب يزرع عينيه سكر .. أنا اللى قال حاضر لا شرط ولا إتأمر .. ولا طمع ولا إتدانى ولا بطش ولا إتجبر .. أنا اللي كل ما أجوع ببعينيكى بتصبّر .. ما يغركيش العدد و الله أنا أكتر .. أنا اللى مش إخوان و أنا اللى مش عسكر

تساءلت اليوم عن أحسن أغنية لأم كلثوم ، هل هي أحسن أغنية لها فعلا ؟ هل يمكن فعلا الإختيار بين أغاني أم كلثوم. أنا شخصيا تعجبني أغنية لسة فاكر و تعجبني جدا أغنية الأولة في الغراب و فيها إستعراض غني جدا لحنجرة أم كلثوم و تمنعني زوجتي من سماعها لأنها كانت بمثابة عزاء و مشاركة إنسانية من أم كلثوم و بيرم التونسي للشيخ زكريا أحمد في وفاة إبنه الوحيد. http://youtu.be/3CToXCR1Bho

الدنيا ربيع http://youtu.be/BGX1Lnpo3kI

بسم الله الرحمن الرحيم للأسف بعد الثورة وجدنا كثيرا مما يوجع القلب ؛انفتحت ماسورة الكلام كل الكلام القليل له معنى والباقي......وطفى على السطح كثير مما كان متخفي في القاع ( مثل السمك الميت الذي يطفوا بعد أن تعفن) كنت قبلا أقول إن مرتضى رجلا بلا نقيصة بدليل تطاوله على الكثيرين وقت ارتفاع نجمهم,لكن لا ا أدري لما الحين أجده رجلا شتاما ؟؟؟!وهذا ليس شأن مرتضى فقط بل استمعوا إلى حمدين في حواره مع عمرو أديب -الرجل لم يتحدث عن برنامجه بقدر هجومه على انصار السيسي وطرق جمع التوكيلات!!وكذا شباب حملته. لم تدنى اسلوب الكلام إلى هذا الحد؟ ومنذ متى الراقصات يتصدرن شاشات التلفاز ويقدمن برامج؟ عسى الله أن يغير الحال إلى الأفضل ويهدي من بها من بشر ويظهر معادنهم للعيان. سومه

ولكنها لم تكن بهذه الدرجة من السفالة والانحطاط

انا اسف يا مصر :egyflag:

تحية طيبة . الحكاية ياجماعة مش حكاية فيلم هايف وبس. دى حكاية اسفاف وتسيب غير طبيعى حصل فجأة للمجتمع المصرى . طيب زمان كان كل ده موجود بس ( مدارى )...أو ...يظهره جزء منه وعلى استحياء . النهاردة مين اللى ظاهر ف الصورة ؟؟؟؟ شخصية تدعو للاثارة تسمى هيفاء وهبى ..( ومعها اختها ايضا تقلدها وتحاول ان تتفوق عليها )..ف تكملة مهزلة الضحك على عقول رجال مصر. ليست مصرية ...!!! صافيناز ...اتقفل علشانها شارع وقامت مظاهرة ..,اتضح ان ده حصل بسبب عقد كانت عاملاه ف كباريه تانى .....مهازل يعنى ..( تكونش مارجريت تاتشر والا هيلارى كلينتون والا سوزان مبارك اللى ييجى لها كل عربيات البوليس دى ؟).. ليست مصرية ....!!! والا التانية الست هانم ..نانسى عجرم ..بيتعمل لها حديث مخصوص مع مفيد فوزى ( ايام مجده يعنى ) وهى ايضا. ليست مصرية ....!!! طيب.. مش كفاية الغلب اللى عندنا؟؟؟......ناقصين يعنى تستوردوا لنا شوية تشويه من برة ؟ مابين ...سما المصرى وغادة عبد الر ازق ...وسباق اللى يحب النبى ( يتخفف علشان الحر ). خلاص.. خلاص .. خلاص بجد . مهزلة أو مهازل مش طبيعية بتحصل على أرض مصر . مهازل بكل المقاييس . ما بين عكاشة ومرتضى منصور اللى بالع قاموس الشتائم كله والر دح والفضايح ...وبين (( العلماء الجدد ))...اللى هم علماء الدين اللى عرفناهم على حقيقتهم بعد سنين طويلة وصورهم امام صينية ( الكبسة ) وغيره وغيره . خلاص.. خلاص.. الواحد بقى عنده حالة قرف واستياء ........( اعتذر مش لاقيا تعبير تانى ) الناس اتجننت . سرقة ونصب وتحرش.........واغتصاب ( سمعنا ورأينا ما تقشعر له الابدان ) ياترى كل ده حاينتهى امتى؟ وهل حاينتهى والا حاتفضل آثار الجرائم دى كلها سنين؟ للأسف...للأسف الشديد . الناس اللى بتفكر بعقلها وتعرف ربنا فعلا ....خلاص عرفوا أن النصب والضحك على عقول البسطاء والسيطرة على مفاصل البلد بيتم عن طريق.....البطش والقهر . والدين الفالصو. لنا الله. يارب كوووووول قنوات التلفزيون المصرى تتقفل . ويارب كل المذيعين والمذيعات يتخرسوا .. ويارب اللى زى السبكى وغيره تيجى له صدمة عصبية لما يشوف اللى بيعمله ....ف اهله . يمكن يتعظ.. ولو ان اللى زى دول خلاص ....ماتت فيهم الانسانية والنخوة . ويقولك ابداع . ابداع اييييه ياشوية رعاع . ابداع؟ دول اساسا ناس من بيئة كانت تعيش فى قاع المجتمع وشافوا مهازل وفاكرين كل الناس زيهم ويقولك ده الواقع . والله ما واقع الا ضميرهم اللى خرج ولم يعد. ربنا ينتقم منهم كلهم ........ ويارب نسمع عنهم قول ( لم ينجو منهم أحد ) ياخسارة يامصر. شوهوكى ولاد ....الدولار. الحمدلله رب العالمين آآآهى الصين وروسيا اتفقوا ان كل تعاملاتعم التجارية حاتكون بأى عملة ......غير الدولار . يالله. خليها تخرب على دماغ اللى عايزين يخربوها . وآآهو ربنا سبحانه وتعالى بيسلط ابدان على ابدان. سلام.

مرتضى منصور وهو المرشح المحتمل ( المتعثر في جمع التوكيلات شأنه شأن صباحي ) والمهدد بالاستبعاد لم يتحمل أغنية واحدة من سما المصري ( يا مرتضى يا مرتضى ) فكيف به إن كان يناله السباب واللعن في كل مكان وعلى جدران مصر من الفئة إياها .... فرق كبير ... ومش أي واحد ينفع يحكم مصر أو ينفع يبقى حاكم .... لابد أن تكون عنده القدرة ليحكم نفسه أولا ويكون عنده الصبر وهو حبس النفس عن الجزع أو الغضب كيف تحكم وأنت غاضب ؟ وكيف تتصرف مع من أنت له أب ورئيس على الرغم من كونك غاضبا منه