لوحة القادة

العشر مطالب التي اطلبها من اي رئيس انشالله حتي يكون عبد السلام النابلسي .. واحد .. يخلي التعليم اول مشروع قومى و يبتدي ثورة تصحيح لكل المناهج ..و معاها الغاء كل افكار التخلف و التعصب و الخرافات في اي كتاب تعليمي .. و الاهتمام الجاد بالتعليم المهني .. اتننين .. يبتدى فورآ مشروع المحور بتاع قناة السويس ... ويعرضها للتأجير ( مش للبيع ) للمؤسسات العالمية .. في نفس الوقت نبتدي مشروع منخفض القطارة اللي مش حيكلف الدولة مليم واحد .. ( لأنه بخلاف العائد المالي الضخم للمشروعين حنوفر طاقة .. مياه جوفية .. ثروة سمكية .. مدن جديدة .. و الأهم فرص عمل لا حصر لها ).. تلاتة ... يتم البدء فورآ في الإستغناء عن اي استيراد لمواد او منتجات بسيطة يمكن تصنيعها في مصر .. متطلبات المدارس مثلآ زي الكراريس.. المساطر الأقلام و البرايات ... ... او تصنيع المواد الخام اللي بنصدرها بتراب الفلوس و بعدين نستوردها بالشيء الفولاني .. زي إزاز رمل السيليكون مثلآ . . توفير عملة و خلق فرص عمل .. اربعة .. نشتغل بجد علي الطاقة الشمسية .. علشان ما ينفعش بجد يكون عندنا صحرا في الشرق و صحرا في الغرب .. و مصدر طاقة شبه مجاني و علي مدار السنة كلها ممكن يخلي بلدنا مصدرة للطاقة .. و لسه بنستورد فحم ... و الكهربا بتتقطع علي مدار السنة .. خمسة .. كل الوزارات تتنقل بره القاهرة .. و اي مؤسسة مهمة ممكن يتعملها فرع في كل محافظة يكون ليه نفس سلطة المؤسسة الأم .. ستة .. قدام اي تسهيلات للإستثمار الأجنبى .. قدامها يدي تسهيلات مضاعفة للمصريين المغتربين ... سبعة .. البحث عن العقول المصرية المبدعة فى مصر و في المهجر و الإستفادة منها كلاً فى مجاله ... و حبه حبه نستغني عن الخبراء الجانب و نزيف مرتباتهم .. زي ما عملت اليابان بعد الحرب العالمية ... تمانية .. تقليل افراد البعثات الدبلوماسية في الخارج الي النص .. يكفوا و زيادة .. تسعة .. فصل الإعلام ( صحافة .. تليفزيون .. راديو ) عن تبعية الحكومة .. عشرة .. عشرة .. بلاش أقوله ... علشان ده مطلب طائفي .. نأجله مؤقتآ لأنه لو اتنفذت البنود اللي فاتت دي مش حنحتاجه من اساسه ...

وعليكم السلام ورحمة الله وبركاته .. حبيبى يا مان .. فكرتنى بأحلى إسم وأحلى أيام .. فين أيامك يا تونسى يا شاعر يا عبقرى يا ألمعى ياللى مفيش منك اتنين فى الابداع .. .. طبعا بقصد التونسى الشهير بمحمود البصيلى .. هيييييه ما علينا .. بغض النظر عن نقطة الذمه الماليه وكذا تعيينه لابنائه فى تلك الوظائف المميزه خلينا نركز ان سمحت لى فى النقطه الخاصه برجال الاعمال .. السؤال هنا اللى بيطرح نفسه .. كيف للسيسى ان يثبت اركان حكمه فى ظل الازمات الاقتصاديه والاجتماعيه والخدميه الطاحنه التى تعج بها مصر ؟ أكيد الراجل دلوقت بيفكر فى حل سريع وناجز عشان يوصل لهدفه ده .. والا الناس ممكن يتحول حبها الشديد له لكره اشد لو فضلت حالتنا على ما هى عليها ان لم تنحدر للاسوء .. لذا هو مقدموش حاليا غير تلك الحلول العاجله والغير تقليديه والمتمثله فى تلك الفكره .. فكرة صندوق ال100 مليار جنيه .. وعلى فكره الوقت ده هو احسن وقت ((لأخذ رجال الاعمال على مشمهم)) فى ظل استمرارية تاثير قوة النشوه السيساويه عليهم ((عينى عليك يا تونسى يابتاع الكلام المتكلف)) .. دى نقطه . نقطه تانيه مهمه معرفش عدت عليك ازاى يا مان .. السيسى داخليا ((داخل مصر يعنى)) هو اقوى رجل فى مصر .. سواء بنفسه او بمن هم يضعونه فى المقدمه او الواجهه .. السيسى معاه القوه والغلبه والسلاح الرادع .. أى الجيش والشرطه والمخابرات .. الى جانب الإعلام .. يعنى هو يملك ناصيتى القوه .. القوه الباطشه الرادعه ((جيش شرطه مخابرات)) .. والقوه الناعمه ((الاعلام)) .. ومش حقول معاه قضاء مسيس كمان عشان اخواتنا ميزعلوش .. يعنى السيسى فى ايديه 99% من اوراق اللعبه ((مع الاعتذار للسادات)) يبقى حيجى شوية رجال اعمال ((رؤوسهم كلها بطحات)) ويكحوا مجرد كح معاه .. دا يا راجل لو طلب منهم عنيهم او حتى عيل من عيالهم يدبحه مش حيترددوا .. يا صديقى ان القوه والغلبه هى ما تتكلم الان .. ندعوا الله ان يستخدمها هذا الرجل ((قدرنا)) شئنا أم ابينا فيما هو صالح البلاد والعباد وليس فيما يصب فى تدعيم البغى والفساد .. وأذكرك أخى الكريم ان المهم هى مصر .. ومصر يعنى الوطن .. يعنى أهلى واهلك .. وصحابى وصحابك .. وارضى وارضك .. وبيتى وبيتك .. وفلوسى وفلوسك .. ومصر الان أل حكمها الى السيسى ((إكلينيكيا)) .. بتأييد رسمى وشعبى ستظهره جليا الانتخابات .. وسبحانه الذى يهب الملك لمن يشاء وينزعه ممن يشاء .. وليس من المعقول او المقبول منطقيا وحتى دينيا أن يدفعنى رفضى وكرهي وامنيتى فى الخلاص من شخص او نظام أن أقوم بهدم المعبد عليه وعلى الجميع .. قضا اخف من قضا .. قُضى الامر .. والله المستعان

كويس يا حاج محمود .... في كلامك شيء من الإيجابية .... وبعض من عدم البرمجة .... وشيء من التفكير ..... وبعض من المتابعة ولا ضير من وجود التناقض بين دفعهم بالحب مع النهج الديكتاتوري

سأرشح السيسي -اذا تعهد امام الجميع بان تكون اول قراراته هو وضع حد اعلى للاجور ولا يستثنى من ذلك الا من ندرت خبرته وبقر ار منه شخصيا كحالة منفردة وان يبدأ بنفسه في تطبيق الحدالاعلى للاجور - اذا تعهد امام الجميع بضبط الفوضى الحاصلة في الشا رع المصري وحالة الضياع ا لامني في غضون عام من تسلمه مقاليد الحكم وا لعودة بالانضباط الى ما قبل 2011 - اذا تعهد امام الجميع بالعمل على وصول الدعم الى مستحقيه مع تعهده بعدم الغاءه والعبث به ومحاربة اكلى اموال الغلابة بالحديد والنار وان تكون كل هذه الا مور بمواعيد محددة - اذا تعهد امام الجميع بمحاربة الفساد بكل صوره وفي كافة المجالات والوزارات والحكم المحلي - اذا تعهد امام الجميع بعدم انفراده بالسلطة ومشاركة الجميع في اتخاذ القرارات المصيرية - اذا تعهد امام الجميع بعدم اقصاء القوى الوطنية الاخرى وحتمية اشراكهم في الحكومة واحتواء الجميع - اذا تعهد امام الجميع باقصاء من ثبت تعاونه مع النظام السابق وثبت اشتراكه في انتشار الفساد سواء السياسي او الاقتصادي اوالاجتماعي - اذا تعهد امام الجميع بعدم استعانته باهل ا لثقة على حساب اهل ا لكفاءة حتى لوكانو من العسكر - اذا تعهد امام الجميع بقيامه بتنمية دورالمعار ضة البناءة و عدم قهرها ووأدها - اذا تعهد امام الجميع بتطهير اجهزة الاعلام ودورالصحافة وتطويرها الى مؤسسات ربحية وتطهيرها من جيوش العواطلية والمطبلاتية والمبخراتية هذه هي البنود العشرة التي ستجعلني ارشح السيسي اذا تعهد امام ا لجميع بتنفيذها مع تعهده بانه اذا لم يقم بتنفيذ 80% من تلك البنو د على الاقل ان يعزله الشعب اويقدم استقالته فورا

المطالب من واحد إلى عشرة لى هى : 1- إنقاذ مصر 2- إنقاذ مصر 3- إنقاذ مصر 4- إنقاذ مصر 5- إنقاذ مصر 6- إنقاذ مصر 7- إنقاذ مصر 8- إنقاذ مصر 9- إنقاذ مصر 10- إنقاذ مصر وبعدين نبقى نصلحها هو احنا مش حاسين إيه اللى حصل فى الاربع سنين ؟

يرجع الامن والامان بس ويبقي كتر خيره .. لان ده حيرجع السياحه .. وحيزود الاستثمارات .. وحيبث الطمائنينه فى ربوع الوطن ... وصدقونى العجله .. عجلة الحياه حترجع تدور لوحدها تانى .. و بالدفع الشعبى الذاتى .. من غير لا رئيس ولا حكومه ولا يحزنون .. وهو ده قمة الاعجاز المصرى فى التكيف مع اصعب الظروف

عموما الرومانسية الحالمة أحسن من الواقعية الغارقة في السواد :) job description دي حضرتك لما الرئيس يبقى موظف عند الشعب من امتى الشعب المصري بيعتبر حكامه موظفين ؟؟!! الحاكم من منظورنا هو القائد و القائد يلزمه أتباع هو يحميهم و هم يطيعونه دي مش مجرد برمجة ممكن تغييرها دي ثقافة شعب و حضارة آلاف السنين .. ان الحاكم من الالهة ! يعني سمعا و طاعة تغيير الأفكار مش بالساهل كده .. و الكارثة أن الأفكار مستحيل فرضها .. إن لم تؤمن بها ..ستظل شاعرا بالظلم حين تفرض عليك حتى لو كان بها مصلحتك التركيبة الحالية للشعب .. يصعب معها معاملة الرئيس على أنه موظف يعمل لخدمة الشعب مش معنى كده إني موافقة تماما على كده أنا ممن يحلمون بالدولة المدنية لكن مستحيل فرض دولة مدنية بالمفهوم الغربي على عشرات الملايين لم يعرفوا غير أن الرئيس هو القائد الأعلى للقوات المسلحة و من قبله كان ملوكا و سلاطين و فراعين

فيلم تسجيلى يرى الاسكندرية بعين أجنبية مش أى اسكندرية .. دى اسكندرية سنة 1963 الفيلم فيه فقرة عن أسوان وفقرة عن الغردقة برضه سنة 63 شوف بقينا فين يا قلبى وهى راحت فين https://www.youtube.com/watch?v=zvKc6oONY9g&sns=fb

يعرف القاصي و الداني مدى ولعي بالتصوير الفوتوجرافي و ذلك لسنوات طويلة و إنقطعت فترة و آتاني حفيدي رشيد منذ شهرين ما سبق كان إستهلالا لابد منه كمية الصور التي تم إلتقاطها للسيد رشيد كثيرة كما لو كان شخصية عامة على مستوى الدولة و كنت أنبهر بكل صورة جديدة له كما لو أنني لست في العقد السابع من عمري و رأيت عددا يصعب حصره من الاخوة و الأخوات و ابناء و بنات العم و الخال و أبنائهم و أحفادهم ، السيد رشيد بالنسبة لي و زوجتي إختراع جديد. واجهتني مشكلة كيفية التعامل مع صوره بدأت بالبرواز الاليكتروني الذي يعرض الصور المخزنة به بطريقة مستمرة و لكني وجدت حجمه صغير و يجب ان تقترب منه بشدة لترى تفاصيل الصورة. و جائني الحل في ال Apple tv و هو جهاز في حجم علبتى سجائر حجمه بالضبط 10 سنتي طول و عرض و إرتفاع اتنين سنتي و بس ، عندما رأيت ما يفعله هذا الجهاز قلت " يا إما العلم تجدم يا إما أنا إتجنيت " تصدقوا أن كل محتوي ال iPad و ال iPhone موجودة على شاشة التليفزيون ! ليس هذا فقط - هذه ليس لها علاقة بالسيد رشيد - محتوى مخزن الألحان الخاص بشركة Apple و هذا مثل مغارة علي بابا ألحان وأغاني و أفلام و كتب و محاضرات و كورسات " على كل لون يا باتست ". و بأسعار رمزية و منها الكثير المجاني أضف لهذا موقع اليوتيوب و العديد مثله. ... كل هذا على شاشة تليفزيونك بضغطة زر. و معلومة أخرى ذات صلة تكلمت مع ال ISP ووجدت عنده باقة انترنت جديدة اسمها تورنادو تعطيك سرعة تصل - نظريا - الى 10 ميجابايت سرعة و لكنها عندي وصلت الى 5 فقط و كمية الداتا 40 جيجابايت في الشهر.

الراجل ده اخطر على مصر من بتاع ناسا ...

....Bleez mrs abir... bleez .. enuff... you is a Esibsyasn woman .. and a Esibsyanwoman eeeez .....a layer

هو انا لما تبقى شركتي بتعاني من مشاكل واجيب مدير جديد مش المفروض يتعهد لي بكيت وكيت ولا اديله الادارة وانا مش عارف منهجه وادارته وخطته في معالجة المشا كل بل واطالبه بحل كذا وكذا وممكن هو يقولي دي هاقدر عليها ودي مش هاقدر عليها هو ده الحوار واللي يجب ان يكون

مع كامل احترامي ..دي تعهدات تعجيزية .. و بصراحة لو قالها مش حأنتخبه .. لأنه حيكون ساعتها بيخدعني! التركة كبيرة و ثقيلة و مصر لن تنصلح بجهد فرد ... لابد من تضافر الجهود لا توجد عصا سحرية مع أحد الإصلاح ممكن .. بشرط المشاركة فيه ..لا انتظار سوبر مان ليقوم بكل المهمات ! مشكلتنا في مصر كما أراها من منظوري الشخصي .. مشكلة تفكير .. أفكار تتطور لأحاسيس ثم سلوك ثم عادات راسخة لا نقبل لها بديلا و نرفض التغيير و المنزعج عليه أن يتغير هو !! دوما ننتظر التغيير من فوق و التغيير لا يبدأ إلا من الداخل أولا زي اللي بيقول حأعيش حياتي لما يبقى عندي و عندي ... و هو ما يعرفش أن اللي هو عايزه ده مش حا يجي له إلا لما يبدأ يعيش بالفعل !

في قطر

الحقيقه فى المداخله دى افتكرتك فرحان فى رجال الأعمال لما قلت ( هيحط ) ولما وضحت وجهة نظرك فى المداخله اللى بعدها فهمت قصدك لذا استغفر الله العظيم من سوء الظن رجال الأعمال مايقلوش عن اى حد كييف يتشدق بالوطنيه ومبارك لما كان يتزنق بياخد منهم على فكره ... السماح يامان

ماهو مقدرش اشوف الحقيقه واضحه كالشمس وبعدين أنكرها إلا بقى لو كنت ((مسحور)) .. وعلى فكره انا مش من هواة برمجة الاخرين ((إلا قليلا)) وذلك حتى لا احمل وزر برمجتهم فى حالة إكتشافى أننى كنت مخطئ فى تقديراتى للامور .. وياما الواحد أخطأ فى الفهم والاختيار والتقدير .. وكل يوم الواحد بيكتسب خبرات جديده بتصقله وبتنقى فكره من الشوائب العالقه أما عن التناقض .. إذا كنت تقصدنى انا .. فأحب التوضيح أن ناقل ((التناقض)) ليس بمتناقض .. والدليل الفيديو ده https://www.youtube.com/watch?v=ZbTu39f0smE وعلى فكره انا إفترضت هنا وجود تناقض على اساس كلامك رغم انى شايف انى كلام السيسى مفيهوش تناقض خالص .. بالعكس دى ((((سياسه)))) .. الراجل ببساطه بيقول انه حيستخدم شعبيته وحب الناس له وتأييدهم .. خصوصا فئة رجال الاعمال الكبار .. فى انه يجمع منهم فلوس ((100 مليار جنيه)) ويحطهم فى صندوق معين يصرف منه على المشروعات المختلفه التى ستصب فى مصلحة الاقتصاد ..وانا لدى احساس ان الراجل ده ((السيسى)) مش حرامى ولا فاسد ماديا وعينه مليانه ,, وطبعا ده مش حيتم بشكل رسمى .. بل بالأمر المباشر ((الديكتاتوريه)) أو بالعرف .. بعيدا عن القانون وخلافه .. ولكن بالحب .. بالعشم .. يعنى حقلبك بالأدب وبالطريقه وإبتسامتى على وجهى .. وانت كمان حتدفع ومن غير مقابل وابتسامتك على وجهك .. وأنا بكرر .. أنا مش ضد هذا تماما خاصة فى تلك المرحله الحرجه والاستثنائيه من تاريخ مصر .. ولما البلد بقى back to the right track .. ساعتها ممكن نتكلم عن القانون والدستور واللى يصح واللى ميصحش فى ظل هدوء الاوضاع فى مصر واستقرارها وعودتها الى طبيعتها

ماهو انا باشوف العينة دى .. يوماتى أومال إيه اللى مخلينى مستحمل القرف اللى احنا فيه :) هم دول مصدر الضحك الوحيد فى هذه الأيام اللى ما يعلم بيها إلا ربنا

ههههههههههههههههههه كنت قاعد مع واحد منهم النهاردة وبيقول كمان من مناقبه انه تسبب في احداث محمد محمود اللي ادت الى تحديد موعد لتسليم السلطة كأننا ما كناش موجودين في الاحداث دي او كأنه بيتكلم مع واحد كرودية قعدت اضحك ضحك لدرجة انه زعل مني قلت له اضحك احسن ما اديك بالر وسية عشان الدكتور قالي النر فزة وحشة عليك ولما تلاقي نفسك بتتعصب اضحك احسنلك

برغم كل تحفظاتى الهائله ضد ((خطايا)) السيسى القاتله .. الا اننى فى النهايه مصرى ولا يهمنى فى المقام الاول من بين هذا وذاك وهؤلاء إلا مصر .. وانا ايضا رجل واقعى للغايه .. وبما ان الواقع يقول انه لا مناص ولا بد ولا محيص ولا مفر ولا مهرب من السيسى رئيساً لمصر .. فساحاول التجرد من مشاعرى العاطفيه السلبيه للغايه تجاه هذا الرجل .. متلمساً الايجابيات التى قد تاتى من وراء حكمه لمصر .. اقول هذا بعد ان تابعت حلقة القاهره اليوم لعمرو اديب بتاريخ 13 مايو 2014 .. والتى تاكدت من خلالها عن النهج الذى سيتبعه السيسى مع اثرياء ومليارديرات رجال الاعمال .. حيث اننى توقعت من خلال احد احاديثه انه ((بالبلدى كده)) حيحط على رجال الاعمال من خلال دفعهم ((بالحب)) على التبرع المادى لتمويل المشروعات الاقتصاديه والخدميه والاجتماعيه المختلفه .. بصراحه انا اؤيد هذا النهج الديكتاتورى تماما فى التعامل معهم طالما انها هى الطريقه الوحيده للتعامل مع تلك الفئات من رجال الاعمال الذين لا يدفعون الضرائب المستحقه عبر التلاعب فى الارقام الحقيقيه لارباحهم .. وفى نفس الوقت يستفيدون من الخدمات المختلفه باسعار رخيصه الى جاتب العماله التى تقبض رواتب متدنيه ها هنا الفيديو الخاص بالحلقه وخاصه من الدقيقه 21:30 .. مرحبا باى نفاش حول ما جاء فى ذلك الجزء من الحلقه الخاصه بالحديث عن اجتماع السيسى مع بعض رجال الاعمال https://www.youtube.com/watch?v=DIUQoRU9-CQ

رأيى هو أنه علامة مخاض لولادة كيان إقليمى قوى ومحترم يُخشى جانبه .. ويمنع تكرار مهزلة مواليد السفاح التى ابتلينا بها منذ أوائل 2011

ثوار أحرار .. حنسرَّح بالسشوار

هل تعلم ان طائر النهضه بتاع مرسى كبر وبقى النسر بتاع حمضين ؟

طيب ما تيجوا نجرب نسيبها من غير رئيس وندوَّر على شعب ننتخبه

عندك حق .. فلسطين استغيبتهم انفخ يا نجاتى

منظومة الاجور في مصر تساعد وتشجع علي زيادة جرعة الطمع لدي متخذي القرارات الادارية فرئيس جهاز ما او مصلحة ما يبحث عن كل الثغرات التي تمكنه من تحقيق اكبر منفعة ممكنة اثناء وجوده علي رأس المنظومة وهناك جهابزة يفصلون ويطمأنون قلوبهم في اجراءاتهم في أي مكان في العالم يتم معاملة المرتبط بالانتاج المباشر معاملة تختلف عن الذي يرتبط بذلك ارتباط غير مباشر فمثلا العامل الذي يشغل الماكينة يحصل علي نصيب الاسد في حوافز الانتاج لانه بدونه لن يحصل الباقون علي مرتباتهم وتقل نسبة الحوافز كلما بعدنا عن العملية الانتاجية فمن الطبيعي ان تقل نسبة مشرف الانتاج عن نسبة عامل الانتاج وتقل اكثر نسبة مدير الانتاج كنسبة مشاركة وقد تكون نسبته كقيمة اكبر نتيجة عوامل اخري مثل كبر مرتبه بقياسه بمرتب عامل الانتاج الذي يكون عادة صغير السن فماذا الذي يحدث في مصر الذي يحدث هو استئثار القيادات بحوافز الانتاج ضاربين بذلك الاسس العلمية والمقايس العالمية ويتبقى للمنتج الحقيقي الفتات مما يجعله مكتأب وناقم علي الظلم الواقع عليه نتيجة طمع القيادات العليا في الاستحواذ علي نصيب الاسد في الارباح التي يحققها هذا العامل البسيط في الغالب يعد الاجر الاساسي النسبة الغالبة في دخل العامل وحوافز الانتاج والبدلات هي النسبة الاقل لكن ما يحدث في مصر عكس ذلك تماما تجد مرتب الموظف الكبير مثلا 3000 وبدلاته وحوافزه 100000 وتجد ايضا شيء اعجب من ذلك تجد وزارة خدمية تصرف حوافز ومكافأت لا تتناسب مع طبيعة عمل الوزارة أي لا ترتبط لا بإنتاج ولا غيره لكنهم يطلقون عليها حوافز والذي افهمه ان الحوافز ترتبط بالانتاج لذلك تسمى حوافز الانتاج ما اقصدة ان الموظف الخدمي يكون مرتبه الثابت هو النسبة الكبري في دخله ولكن تجد هناك العديد من المسميات والحيل التي يستخدمونها لاقتناص اكبر قدر ممكن من النقود تلاقي مرتب اساسي وعلاوة القانون 48 وعلاوة غلاء معيشة وبدل طبيعة عمل وبدل اغتراب وبدل انتقال وبدل ضيافة وبدل تمثيل وعلاوات خاصة ومكافأت تشجيعية جماعية ومكافأت تشجيعية خاصة وحوافز دورية وحوافز سنوية وارباح سنوية وبدل وجبة غذائية وبدل اثابة كلها بنود تعد مداخل وحيل يلجأ اليها صانع القرار لتحقيق اكبر قدر ممكن من الإستيلاء علي الاموال بالفعل يا استاذ محمد منظومة المرتبات في مصر تحتاج لمواجهة ومحاربة علي نفس القدر من القوة وتحتاج لفكر جديد يتناسب مع التطورات العالمية ومافيهاش حاجة اننا نتعلم من الاخرين لان هذه المنظومة اوجدت لنا خلل رهيب وهي تلك التجاوزات والتي احدثت فروقا رهيبة بين القيادات العليا والصغار فروق لا تحدث في الدول الراسمالية وتضع لها القوانين التي تحد منها