لوحة القادة

من المؤكد أنك تلاحظ تجنبى للحوار معك ولكنى سأرد على هذه المداخلة لأنه طلب "شخصى" شوف يا باشمهندس سيبك من إن الخبر أوردته وكالة "الأناضول" وإن التصريح التليفزيونى على "قناة الجزيرة" وسيبك إن مداخلتك ومداخلة الشاعر محمود التونسى خارج الموضوع تعليقى على هذا الفيديو هو أن هذا الشاب نتاج تربية لا تعترف بالوطن وهى تربية أنتجت لنا جيلا من شباب الانترنت يؤمن بان الوطن حفنة من التراب العفن وأن الإسلام هو الوطن الحقيقى حتى لو فى أمريكا وكندا وإن الوطن زى اللوكاندة نهجرها لسوء الخدمة وأن مصر دى مش أمى .. دى مراة ابويا هذا هو تعليقى

مد التصويت ليوم إضافي كاد أن يمنحني الفرصة للتصويت .. لكنني بعد تفكير قررت ألا أعاند القدر الذي شاء ألا اصطحب معي بطاقتي الشخصية لأول مرة في الحافظة الخاصة التي استخدمها أثناء وجودي بمصر والتي اصطحبها معي بعد السفر .. كان من الممكن اليوم أن أطلب جواز السفر الخاص بي من الشركة لكي أذهب للتصويت غدا .. لكن بصراحة .. لم أشعر بالراحة .. وأنا ذاهب لانتخاب رجل لدي إحساس داخلي يشبه اليقين أنه سيأخذ مصر لكارثة .. وفي ذات الوقت ليس أمامي اختيار غيره .. لأن المستجير بصباحي كالمستجير من الرمضاء بالنار .. وقناعتي التامة أن فرص نجاح السيسي ( إذا ما خاب ظني ) ستكون أعلى بكثير من فرص نجاح صباحي .. ولذا لم أشارك في الانتخابات هذه المرة .. وقررت أن انتقل إلى مقاعد المتفرجين .. مع خالص تمنياتي بالنجاح لأي الفريقين ..

ههههههههههه ده ع اساس ان صباحي كان داخل ينافس بجد !!!!!!!!!المطلوب ان يبان بجد انه بينافس ياريت يا استاذ1 طارق تسمع كلام عمرو ادي ب وتعليقه ع صرف 12 مليون وياريت تبقى تسمع كلام حسب الله الكفراوي ع اللي بيطالب بالتقشف وكان نفسي اسمع رايك ف الاتصال بالناس (الجماهير) عبر سكايب !!! وفريدة الشوباشي ده شردوحه اصلا وهي مش فارق معاها كانت مروقة ف مونت كارلو وهي بالنسبة لها المشير السيسي يمثل الفترة اللي بتحبها فتره قمع الحريات وادينا شايفين مجرد الاختلاف ف راي النتيجه فرشت له الملاية هي ده النخبة اللي تبع المشير السيسي للاسف مصرين ع انكار الحقائق ان اللي مع المشير السيسي غالبيتهم من النظام القديم الممتاز والاغرب ان حتى اللي مع السيسي وقد يكون لهم اراء مختلفة قليلا ممنوع ظهورهم منهم حمدي قنديل ماهو كان مع 30 يونيو ومؤيد للسيسي تقدر تقولي ليه مش مرغوب ظهوره ع التليفزيون المصري ؟؟؟؟؟؟؟؟؟ يااستاذي ده اول شئ هيتعمل بعد فوز السيسي صوره هتتعلق ف المصالح الحكومية ومش غريب لو اطبعت صورته ع الفلوس كمان وانا موافق بس عاوزين نشوف نتيجه انما النتيجه باينة من البرنامج الانتخابي والحلول الجهنمية للمشاكل المهم جيبت لنضة موفرة للطاقة ولا لا !!!!! ( :dirol: طبعا هتلاقي رجاله الحزب الوطني عملوا كم صفقة استيراد للنضة الموفرة !!! فين ايامك يا ابوعيلاء وطفاية بافاريا اياها )

تحرك الجيش الليبى الآن ضد مليشيات الإسلام السياسى هل له دلالة ما ؟؟

موضوع العمالة البنغاليه منتشر من فترة ف مصر ف اسماعيلة وف العاشر من رمضان ولاننسي مقولة الفاضل ابو العينين لما العامل اضربوا قال همشيكم واجيب بنغالة بدالكم للاسف العامل البنغالي بيشتغل اكثر وكلنا عارفين وخاصة اللي ف الخليج ان العامل المصري اصبح غير مرغوب فيه وبقى هناك سمات عامة للعامل المصري للاسف سلبية وكلنا جربنا ده لما بتيجي تعمل اي شغل ف بيتك بيطلع عينك من عدم التزام بالمواعيد ودلع وانتخه للاسف الشديد الاجنبي أحسن لكن اتمنى ان يكون هذا جرس انذار لان تلحق العمالة المصرية الباقي لها اما العمالة السورية فاي حد عاش ف الخليج يعرف بصراحه الفرق بين مطعم يقوم عليه سوريين ويقوم عليه مصرييين بصراحه انا عن تجربة شخصية نادرا لما ادخل مطعم العاملين فيه مصريين لما يمتاز من سوء فالاستقبال والنظام اما المطاعم الشامية والتركية فحدث ولا حرج وبالتالي بصراحه اتمنى انتشار السوريين ف مصر عشان المصريين يشوفوا المنافسة ويغيروا ويحسنوا من اسلوبهم ف المطاعم والخدمات الاخرى سبب كبير ف تدني مستوى العامل المصري هو عدم وجود منافس