لوحة القادة

ازاي اكتبك و الوصف ممكن يكون ازاي و منين يجيني نوم و الشوق لعنيكي رايح جاي وعارف اني نبض قلبك وحكايتي وياكي تحكيها ربابة و ناي من كتر ما كتبتك قلمي بكى ورقي اشتكى تعبت مني الغناوي و الشوق غلب وياي ان كان يرضيكي لوعتي وسهادي و يلد عليكي غربتي و بعادي معذورة.. اصلك متعرفيش و لا تتصوريش في هواكي ازاي بيكون عنادي و مهما بعدت و اتغربت و من غير امتى و لا فين وازاي في غمضة عين حتلقيني لحضنك جاي

بيِكّياااا جزمة ب نعل كرب كنت فيها رجل تدب سُتيان ستان و مايكرو-چيب براد نحاس يغلي جرس يدوب بيرنً و عجلة ناقصة(الجادون)و الفرملة كراڤت عريس-روچ العروس راديو و تليفزيون قديم قميص النوم-و قشر اللب قاعدة صفا لمسة دفا حبة سكات سكر نبات طعم الجواب ع الاسألة فستان كبير اوجاع كتير فنجان-مُغات- كوافيل و مشاية و بزّازه بسمت وليد كما يوم جديد ببرون براءه-يئشط على السجاجيد- لذاذة تهون الألم المخاض و تخلص مرحلة اقلام رصاص و شنطة و مريلة اتوبيس عتيق للبيع للبيع رصيف المدرسة يا مزمية و قلبها بلاستيك يا ساعة رخيصة لسها بتتكتك يا كراسة تِسع تُسطُر بجلادها يا استيكة تمسح حُمرة الكحكة لو يوم غلط ف الامتحان و خلط المسألة -شورت و فنيلة و كاب- ممكن نشتري شريط منير(سافف)و تذاكر الرحلات ممكن نشتري حتة-حشيش-و مجلة فيها نهود بنات ممكن نشتري دبلة خطوبة و دبدوبين و جدول تعليمات ممكن نشتري البوم صور-شنطة سفر-احضان وداع باسبور جديد-كتب لغات-دفتر شيكات او قلب صدا و الحبايب باع.. برخيص ابيعهم و اشتري ! . . . صوت الادان و فرحة الصايمين طعم البيوت و الزينات و العيد شهادات وفاة حبايبي الطيبين شوفت حبيبتي فـ الحلم السعيد اللمة و الشوق و الحنين و دموعي لما اكون وحيد دول شئ صاحبهم (ربنا) و حياة حبيبي المصطفى بيحبنا و عشان كده مـ اقدرش ابيعهم او اشتري ! بيِكّياااا .. بيِكّياااا يا انسان

قالها منير ...حد عايز قلب فاضي بس ما كانش بيبيعه كان بس بيدلل عليه و يقول مفيش منه و لا يمكن زيه تاني تلاقيه بيكيا القلوب شغالة زي الفل و البياعين واقفين طابور يا هانم يا سيدنا تعالى بص و طل سوق القلوب ما جبرش نقي و لا تحتارش قلوب الطيبين بتتباع بالمجان و لا يخلصش منها الحنان بتبقى حضن دافي لما تعلى فينا نغمات الجنان لما انطسينا يوم في نظرنا و جبنا فوق رقابينا اخوان :) لا مش حاتكلم في السياسة ده انا قلبي ذوق و اخر كياسة كان يفهم فيه بياع روبابيكيا شاطر خده مني ببلاش ووداني القناطر و رجعت بقلب فاضي الاحزان أشاطر اكتب غناوي واحكي حكاوي للي حابب و اللي غاوي و اللي ما حرمش و تاني ع العشق ناوي خدت العهد من بتاع البيكيا اشتري و لا أبيعش تاني و بعد اذنك يا منير ع القلوب الفاضية حا نادي حد عنده قلب فاضي اشتريه و املاه حنان اصلي أنا تاجرانسان حاملاه و ارجعه لأصحابه و لا افكرش مهما قلتوا طب ايه بقى اللي نابه انا اصلي احب الخير ..و اهو كله بثوابه

هرد على حضرتك حالا

السلام عليكم جميع الاعضاء الكرام أتمني من الله أن هذا القسم والمشاركين فيه والاعضاء يبدأوا يهتموا به من تاني مرة أخري ونبدأ نتبادل الاراء وعرض المشاكل والحلول ...

قصة مؤثرة فعلاً... بس صدقينى هى فى النهاية حسب تخيلك للواقع هناك و قرايتك و بحثك عنه، يعنى فى ناس بتروح و راسمة الحياة وردى و دول يا عينى أكتر ناس بيتصدموا لما بيروحوا هناك و كتير منهم بيرجعوا مصر!! يا عينى مش عارفين إن كندا هى فى النهاية بلد زى بلاد كتير فيها الكويس و الوحش و الغنى و الفقير و العيان و اللى صحته كويسة و فيها الحرامى و المسالم، بلد بيديرها بشر زينا بيصيبوا أحيانا و بيخطئوا أحيانا، عادى يعنى فيها و فيها. و فى ناس، زى حالاتى عارف إنها لأ مش سهلة و مغامرة كبيرة و ممكن أخسر كل حاجة أنا كسبانها فى مصر بس أنا قابل المغامرة كلها كدة بحلوها و بمرها، قابل إنى ممكن أتمرمط فى الأول قابل إنى أدرس من أول و جديد و قابل إنى أشوف تحديات جديدة فى حياتى بس أنا عارف إية هى التحديات و بحاول أستعد لها نفسياً، أنا قابل كل دة فى مقابل مزايا كندا. دة إذا كانت أمريكا اللى إسمها أمريكا مليانة مجرمين و هوملس و مشردين و معدلات الفقر عالية جداً، فعادى إن يكون فى مليون واحد فى كندا بالشكل دة، الحياة عموماً سواء كنتى جوا كندا أو براها هى غير عادلة بالمرة فمش معنى إن موقعهم الجغرافى جوة كندا إنهم لازم يعيشوا كويس أو يبقوا مبسوطين، مفيش ضامن لأى حاجة فى الدنيا، فى دول كاملة كل شعوبها عايشة عيشة أسوأ من كدة بمراحل، على الأقل دول لاقيين مينمم ويدج، فى غيرهم مش لاقى الأكل ولا أبسط أنواع العلاج.

اه فكرتنى يوم 26/12 من كل عام فى حاجة هنا اسمها البوكسنج داى ففى حد فى مدرجات الدرجة الثالثة يمين يقولى يا كابتن لطيف يعنى ايه البوكسينج داى اقوله ده يوم التخفيضات الكبيرة يعنى ( او المفروض ) هتشترى الحاجة بأقل من نصف الثمن و رحت اليوم ده علشان ارجع لى تليفون و اجيب واحد تانى فى وووول مارت و كنت هناك الساعة 11 صباح لاقيت طابوووووووووووور كبير فذهبت ارجع التليفون لقيتهم بيفتحو الساعة 1 ظهرا ايه الناس دى واقفة بتعمل ايه .......؟ فسألت احد الاشخاص ذو الخبرة فقالى بعض الاصناف اللى الناس عايزاها بيكون تصفية اخر كميه و بالتالى اللى هيدخل الاول يبقى ضامن ان الحاجة لسه بخيرها و موجوده و درجة الحرارة ايه يا سيدى اقل من 10 تحت الصفر طبعا مع رياح يعنى الاحساس بيتضاعف بدرجة الحرارة المهم يا باشا روحت و رجعت على الساعة 1.30 كده كان وولمارت ولا العتبه ليلة وقفة عيد الفطر مثلا الناس على بعض يا سيدى و الناس بتقطع فى بعض بس بنظافة كل حاجة بطابور التليفزيونات بطابور و الالعاب التكنولوجيه بطابور و بالطبع حتى دخول الحمام بطابور و من ضمن الميزات الكندية هنا بقى انك تقدر ترجع الحاجة اللى انت اشتريتها خلال سنه فى حالة وجود الفاتورة و الكرتونة و الاكياس و تعرف ترص الحاجة زى ما اخدتها المهم روحت ارجع التليفون كان المحل كله زحمة و محدش عايز يرجع حاجة غيرى انا و رجعته لهم و قلت اشترى واح تانى بس من مكان اخر و روحت المكان ده لقيت طابور ليس له مثيل ايه بقى فى ايه دى محلات عادية مش جمعية فيها لحمة قلت اقف بدل ما الاقيش اى حاجة المهم اشتريت التليفون و فى اخر النهار بعض الاصدقاء هناااااااااااااااااااا اشترو تليفزيون من اللى كانو بيقطعو بعض عليه صباحا لكن مساء كان الموضوع فاضى جدا سألنا و قال لنا موجود بس هجيبة و تأخذة و مافيش انك ترجع فى كلامك اوك قلنا اوك هو ده البوكسينج داى بتاع كندا ( بس ملاحظتى ان البوكسينج داى ده اونطة ) اعتقد انها نفس الاسعار الاسبوعية اللى بتترك من مكان لاخر تحياتى

معلهش يا جماعة على التأخير بس ظروف الشغل و الوقت و قلته بس جووو بخير ساكن جنبى و انا رايح له دلوقتى اقعد معاه شوية و الجبنه يا هندسة هنا ناااااار يعنى مثلا جبت جبنه من عند ادونيس شبه الرومى بس مش رومى و الكيلو ب 27 دولار يعنى تقريبا 140 جنيه لانك بدون عمل و بتصرف بالمصرى و البنزين هنا غااااالى جدا لو قارنته بمصر طبعا الليتر العادى بحوالى 1.30 دولار و بينزل لحد 1.245 لليتر عايزين اسعار تانى .... الخضار هنا بالواحدة يعنى الخيارايه الحلوة مش بلدى طبعا زى بتاع مصر عارفين بتاع الصوب بس بتاع الصوب الجملى يعنى الخياراية وزنها بالتقريب من 250 الى 300 جرام الواحدة بدولار عدد 3 فلفل الوان ب 5 دولار و التفاح الليبر مش عارف بكام و بعد المقارنة و التعب قررت ان لا احسب تانى اللى محتاجة اجيبة حتى لو 1000 جنيه هعمل ايه السيارات بقى قصتها قصة اول ما جيت سألت الاصدقاء هنا و قالو لى على تاجر سورى الجنسية و شوف معاه عربيه كويسة جاب لى عربية فورد فوكس 2001 و شكلها من برة تحفة اخدتها بعد تجربة دقيقتين مش لاقى فيها عيب العربية زى الفل اوتوماتيك و ستيشن يعنى طويلة و من هنا لهنا دفعت 2200 دولار لان حالتها مميزة و بعد يوم سمعت اصوات غريبة بتطلع من العربية قلت لا مش ناقصة اتصلت بيه و قلت له العربية مش عجبانى و خدها و قالى هجيبلك واحدة تانى و بعد اتصالات بالناس الاحباب قالو لى تجيب عربية مش اقل من 5000 دولار علشان تعرف تركب المهم جابلى عربية دودج جراند كرفان ب اغلى شوية موديل 2007 و عامله كيلو متر عالى فقلت ابص عليها فى النت لقيت السعر مناسب و السيارة عجبتنى و قلت ماشى شوية زيادة و خلاص بس مش هشتكى منها لفترة روحت الترخيص بالدور و تأخد رقم و بعد حوالى 25 دقيقة لقيت الرقم بتاعى وواحد محترم كده بياخد الورق منى و شوية بيانات و الباسبور و الار بى ( الورقة المكربنة ) و بعد 10 دقائق قالى هتدفع ضرائب بس العربية دى عندنا اغلى من ما اشتريت بهيعنى الضريبة بتاعتها 700 تقريبا و الترخيص و الكده يعنى يبقى تدفع 1000 دولار قلت ربنا يجعلها اخر الاحزان ( بس لما افتكر علشان ترخص عربية فى مصر بيعملو فيك ايه قلت عمار يا كندا ) و دفعت و شوية لازم تأمين على العربية روح لفلان و أمن عنده و رحت امنت ب 300 دولار لسته اشهر و كاوتش للثلج ب 500 دولار يعنى من الاخر العربية زبتطنى يعنى و انت جاى اعمل حسابك على مبلغ محترم للعربية من 6 الى زى ما انت عايز و لو نازل فى الشتاء اعمل حسابك على كاوتش الثلج الاكل هنا متوسط من 500 الى 800 دولار حسب كل واحد و امكانيه ميزانيتة للأكل و الشرب بدون مواصلات و بدون ايجار و حبشتكنات يعنى متوسط 2000 دولار فى الشهر اعتقد مناسبين لعائلة مكونه من طفلين و اب و ام بس بعد اللاندج و الاستقرار يعنى لما تأخد الشقة و تظبط نفسك و تجيب لبس الثلج و جزم الثلج و كاوتش الثلج و العربية لان لو فى اطفال و من غير عربية اعتقد المعيشة هتكون شاقة جدا و خصوصا لما درجة الحرارة بتنزل عن 0 1درجات تحت الصفر و اقرب وول مارت ليك مثلا على بعد كيلو متر واحد تخيل انت السبت اللى فات كانت درجة الحرارة -13 و كنت راكن العربية فى الباركينج بتاع وول مارت و رحت اجيبها و مشيت أ قل من 2 دقيقة كنت هموت من البرد ( ملحوظة كان معانا بعض الاصدقاء اللى عايشين هنا من فترة قالو لى الجو جميل النهاردة ) حد عنده سؤال فى المنهج ولا برة المنهج حتى

موضوع جودة الاكل فى مصر افضل ده فكرنى بنكتة الشاى المغشوش.. لما غشينا الشاى, الناس عجبهم الصنف.. لكن لما النشارة غليت و استعملنا الشاى الحقيقى, الناس قالت عليه مغشوش... :lol: الاكل هنا فى مصر مغشوش و مسرطن و بقالنا 30 سنة بناكله.. بالتالى لما ناكل الاكل الاورجانيك الطبيعى مرة واحدة, لازمن و لابدن نفتكره هو اللى المغشوش. بالنسبة للهدوم, فيه بناطيل كويسة ب30 و 50 دولار.. اهم حاجة تشتروا فى التخفيض.

صدقني من بعد ما الدنيا بقت واقفة و في كتير من الاصناف بقت ناقصة في السوق ,هي و بدايلها كمان زمان كنت تقول للعيان خد البديل و كان يقولك لااااااااااااااا انا عايز الصنف اللي كتبه الدكتور في الروشتة..دلوقتي بيجي يقولك طيب هات البديل و طبعا الاجابة بتكون بابتسامة خبيثة من جانب الفم :P ,انة البديل مش موجود يا فندم و انه الله يرحم ايام زمان ....و يجعله عامر و الاتجاه حاليا لصرف خلطات و وصفات من عند العطار bv:- . . . . معلش خمسة كده . . . هو اللي انا برغي فيه ده اساسا يا عم انا مش صيدلي اصلا انا طبيب بشري....معلش المفاجاة كانت صعبة عليا ;)