لوحة القادة

تحية طيبة . شكرا يااستاذ محمد ..وفرت عليا كلام كتير كنت ناوية اقوله . لكنى هنا سوف احكى حكاية قصيرة جدااااااا حقيقية ...يااستاذ حسين امبابى . الحكاية دى خاصة بشاب عنده تسعة وعشرين سنة .. الشاب ده ...دخل برضه كلية نظرية وأخذ ليسانس ...وقرر ياخد ليسانس تانى لكلية برضه نظرية . لكنه ف خلال دراسته لليسانس الثانى .( قرر يشتغل لأن والده صرف عليه وآهو معاه ليسانس يبقى مش ملزوم يصرف عليه تانى لو غاوى دراسة )...مفهوم جيد على فكرة . المهم ..الشاب ده من اسرة ( مستورة ونقدر نقول موسرة نوعا ما ) اشتغل ايه بقى ؟ اشتغل (( وهو يدرس)) ف محل لبيع الملابس.. .واشتغل كمدرب كرة ....واشتغل فى اصلاحية للأحداث ...واشتغل ف بلاد خارج بلده ..,درس تانى وعمل اكتر من ماستر . وكل ده علشان يحاول يحقق حلمه ويوصل للى هو عاوزه لنفسه. وفعلا...اصدر اكثر من كتاب . واصبح معروفا فى مجاله . لم يضع يده على خده ولم يندب حظه ..( نسيت اقولك )...أخذ منحة تفوق وسافر على حساب الجامعة الى نيويورك ....ثم...عاد وعمل فى دار نشر وأدخر وسافر الى باريس لمدة عام ونصف .. وعاد الى بلده وهو راض عن نفسه . يااستاذ حسين . اسمح لى اقولك شئ بسيط.....الحاجات مش بتحصل علشان احنا عاوزينها تحصل..!! لالالالالالا.. الحاجات بتحصل لما احنا ( بنسعى للحصول عليها ).. يااستاذ حسين .. الحكاية اللى حكيتها لك ..حقيقية ...والشاب رفض من نفسه ان والده يصرف عليه بعد سن معين . يبقى انت ازااااى عاوز الدولة تصرف عليك وانت ...أكبر منه بسنين كتيرة ؟ الدولة زى الأب ...مسئولة عنك ( الى حد ما )...مش مسئولة عنك مدى الحياة . ارجو ان تكون الرسالة وصلت . سلام.

منذ عدة سنوات بالولاية التي أعيش بها، أضافوا لطلاب الثانوي الفصلين الثاني والثالث مادة جديدة تدرس على فصلين ، واحدا لكل سنة. هذه المادة بتعلم الطلبة كيف يخططون للدراسة بعد الالزامية أي الدراسة في المعاهد والجامعات، يعلمونهم كيف يختارون الدراسة التي تحقق لهم طموحهم وفي نفس الوقت تساعدهم على الإلتحاق بالوظيفة التي يحلمون بها لأنهم في النهاية سيدفعون من سنوات عمرهم وأموال آبائهم أو من أموالهم إذا تم منحهم قرض دراسي يسددونه بمجرد التحاقهم بالعمل. نرجع للموضوع الذي أثرته، يدور في ذهني عدة أسئله: لماذا إلتحقت بكلية الحقوق؟ وهل كانت لديك خطة من التحاقاك بكلية الحقوق ودراسة القانون؟ لما الإصرار على العمل في "وظيفة ميري" حكومية؟ ألا يكفي أن الدولة منحتك فرصة الدراسة بالمجان؟ هل مطلوب من الدولة أن تعين كل خريجي الجامعات وأن توفر لهم مساكن وأن تزوجهم وأن وأن وأن .... يا أستاذ حين أزمة ايجاد فرص عمل للمحامين بدأن من زمان، من قبل أن تولد أنت ، بسبب مكتب التنسيق. اتذكر عام 1978 عندما كان أخي في الأردن، أرسل بعض الأشياء مع شريكه في الغرفة، شريكه هذا كان ليسانس حقوق، وكان يعمل "فرانا" في الأردن، وبعد 36 عاما لايزال خريجي الثانوي العام يلتحقون بكليات الحقوق ليتعلموا كيفية ان يصبح الانسان عاطلا ومعطلا. لو كنت مكانك لغيرت الكاريير وبحثت عم تدريب مهني يساعدني أن أعمل حرا أو التحق بالمشروعات الصناعية. لا أقولها لك، بل قلتها كثيرا لأحباء مثلك منهم القريب ومنهم الصديق على مدار مايقرب من الـ 40 عاما. أرجو ألا يسيئك كلامي فما قصدت منه إلا تنوير الابصار. لا يجب على الطالب أن يلتحق بالجامعة لمجرد أن يحمل شهادة جامعية في علوم الادب والعلوم الانسانية لأن هذه الدراسات تعتبر دراسات تثقيفية. أعرف كثيرين يدرسون الأدب والتاريخ والقانون فقط حتى يكونوا ملمين بتلك الجوانب أو يبحثوا فيها لإشباع هواياتهم. ولاأظن أن مرتادي مكتب التنسيق من هؤلاء.

الظاهر والله اعلم اننا ظلمنا مبارك .. واللى بيحصل فينا من 3 سنين نتاج ظلمنا له .. يعنى الراجل الطيب كان بيبيع الوحده ب3 دولار .. بينما السعر المعلن كان دولار ونصف .. والله مش عارف اقول إيه .. انا مكسوف من نقسى اوى .. بس ليه مقالوش كده من الاول .. ليه الساسبينس والدراما دى ؟

لجنة فحص ملف تصدير الغاز لاسرائيل. وتعديل السعر كان لصالح مصر...( على يدى )... وانت حاتقوللى ..( ايه الشفافية دى ) ومين اللى قرر ؟؟ لجنة فحص ملف تصدير الغاز لاسرائيل. لجنة فحص ملف تصدير الغاز لاسرائيل. هو المسئول وبيحقق مين؟ لجنة فحص ملف تصدير الغاز لاسرائيل. آآآآآه.. طيب. والاجابة الشافية الوافية عند مين؟؟ لجنة فحص ملف تصدير الغاز لاسرائيل. لجنة فحص ملف تصدير الغاز لاسرائيل. لجنة فحص ملف تصدير الغاز لاسرائيل. لالالالا ده احنا لسا بدرى علينا قوى ...ده فعلا السوس نخر ف كل شئ ومينفعش الا الحرق . خلاص...خربت الذمة . ولا تقولوا اتنازلوا عن نصف ميراثكم ولا نصف دخلكم . ياعالم ....غيروا اللجنة . لجنة فحص ملف تصدير الغاز لاسرائيل. الا صحيح ..عندك حق ياايجبتاوى بيه ...هو سامح فهمى حايتحبس ليه؟ لسااااا بدرى قوى والطريق طوييييييييل. الله يرحمك .....ياضمير. رحمة اله عليك ياعمنا واستاذنا اخناتون ....قلتها زمان وصرخت بيها عالية . مات الضمير. و.. والمحاورات تشهد ...تنبأنا بيها .. لساا بدرى على ما ييجى غيرهم ...,تيجى ناس ضميرها حى . سلام.

السلام عليكم ابومحمد الكريم اهلا بك اولا اللهم صل على محمد و على آله و صحبه و سلم . إما انك لا تعرف حقيقه ما نتناقش حوله و هذا ما لا أظنه و إما انك تغلوش على الفضيحه . ما علاقه المهانه و الازدراء التى عومل بها و قوبل بها القاتل السفاح من كفيله بزياره رئيس فرنسا الى امريكا . و هل القضيه من وجهه نظرك ان يركب الطائره الرئاسيه للرئيس الاخر فقط ...اختزال مخل جدا للفضيحه . الغريب ان تقتطع صوره فقط فى الطائره الرئاسيه الامريكيه لتدلل على ما تريد و هو خطأ كبير . اين الموضوعيه ؟؟!! اولا اولاند كان فى زياره رسميه لأمريكا ..رئيس دوله يزور دوله اخرى سافر بطائره بلاده الرسميه ايرباص الفرنسيه و من ضمن برنامج زياره اولاند انه سيتوجه مع أوباما على متن الطائرة الرئاسية الإميركية (air force 1) إلى مزرعة مونتيشيلي في فرجينيا (شرق) معقل الرئيس الثالث للولايات المتحدة ..فسحه يعنى .. اثنان من الزعماء يجلسان امام بعضهما بكل نديه لم نرى فيها اولاند يقبل يد اوباما او رأسه و لم يجلسه اوباما كالتابع على كرسي واطى فى مستوى وزرائه و موظفيه ...حاجه تكسف http://www.alhurra.com/content/hollande-heads-to-washington/243273.html

مسي الملقب بأبو مهداف الأرجنتينى بعد انضمامه لداعش وتنصيبه اميرا على امريكا اللاتينيه وما حولها ...

موقع جلوس ضيوف أي مناسبة رسمية تخضع لإعتبارات البروتوكول و تنظمها إدارة المراسم برئاسة الجمهورية أو رئاسة مجلس الوزراء . و يأتي موقع حامل قلادة النيل بعد رئيس الجمهورية مباشرة.

اللي عايز شغل أكيد هيلاقي ( الشغل كتير ) واللي عايز يتجوز ممكن جدا يتجوز لأن فيه ناس كتير مش موظفين وتزوجوا لكن أشعر إنك عايز شغل معين .... عموما الانتظار سيزيد الطين بلة عليك بالبحث عن عمل شبه مناسب أيضا زواج مناسب لك الحياة كفاح لا تحسب المجد تمراً أنت آكله لن تبلغ المجد حتى تلعق الصبرا أكيد أنت لم تتحرك بما فيه الكفاية أو قصرت في حق نفسك وتلقي باللوم على غيرك ما حك جلدك مثل ظفرك فتول بنفسك جميع أمرك كل الناس بتتعب في بداية حياتها وأكيد الدولة مش هتبحث عنك وتوفر لك ما تريده

شكرا

أستاذ حسين نعم أنا فهمت من كلامك هذا المعنى، لماذا لأنه كان من الواجب عليك أن تدرك عدة حقائق هي: التأشيرة لأي دولة يجب أن يسعى طالبها إلى الطرق القانونية وأنت تعرف ماذا تعني الطرق القانونية، أي أن تتوجه مباشرة إلى سفارة الدولة، تسأل عن الأوراق المطلوبة، تستوفي الأوراق، تتقدم للسفارة مرة أخرى وتنتظر إنها الإجراءات. البحث عمت ينهي لك هذه الإجراءات أو يحصل لك على التأشيرة "مقابل مبلغ مادي معقول" يعني أنك لم تتبع المسار القانوني. عندما تبحث عن شخص لاتعرفه كي يبحث لك عن دعوة للزيارة وايضا بمقابل مدي مقبول، فنحن هنا نشتري هذه الدعوة، ودعوات الزيارة المدفوع مقابلها مال تعتبر غير قانونية. أي إجراء تحصل به عن غير الطريق المباشر مع السفارة أو التبادل الدراسي أو منحة من منظمة دولية أو صديق تعرفه ويعرفك ومستعد أن يكفلك ماديا أثناء إقامتك سيعتبر مثال المئات من الهجرات الغير شرعية والتي نقرأ عنها كل فترة. كما قلت لك سابقا، إبحث عن المدارس أو الكليات التي توفر الدراسة التي ترغبها وتعامل معهم مباشرة، وأبحث عن مستواها بين الجهات الأخرى حتى تكون لشهادتك قيمة معتبرة في أماكن العمل. على فكرة وجدي غنيم معاه دكتوراه في "ربانية" الشورى، ووضعية الديموقراطية. حصل عليها من مكتب تابع لكنيسة في فلوريدا يمنح دكتوراه لكل من هب ودب في علوم الاديان والا دينين (الملحدين) ويقوم الدارس بوضع الرسالة ومناقشتها ومنح نفسه درجة الكتوراة وتعتمدها له الكنيسة ! تحب اجيب لك عنوانها تدرس فيها؟ ويمكن يعطوك تأشيرة كمان!

او ممكن مصر الحبيبية توجدلي فرصة عمل حكومي وانا سني تعدى الـ 35 سنة وبدون وظيفة وبدون زواج وقريبا بدون حاجة خالص !!!!!!!!! ولا هسمع نعرات الاجتهاد والتضحية والبذل والتفاني والاخلاص و..............الخ وانا اصلا محلتيش غير البدلة اللي علي ؟؟؟

مع احترامى للجميع وانتم تتناقشون يترائى الى ذهنى القول المشهور يتجادولون فى المنطق والعدو على الابواب ياهل بيزنطة ليبيا بلا جيش وسوريا بلا جيش والعراق بلا جيش والسودان تقسمت ومصر يتكالب عليها اعدائها واشقائها ونحن نفتح موضوع طويل عريض لنناقش مين الا كان المفروض يروح لمين

مبدئيا يجب أن تعرف ماذا تريد أن تعمل ما هى المهنة التي تريد أن تشتغل بها أو أحد فروعها و ما هو المطلوب لهذه المهنة من إعداد تعليمي أو أكاديمي و ما هي الخبرات المطلوبة ما سبق كان إستهلالا لابد منه إبحث عن برامج الدراسة عن بعد و تواصل مع النقابات المهنية بغرض معرفة المتطلبات التي عليك تغطيتها حتى يمكنك أن تحلم بالإنضمام لتلك النقابات و يمكنك الإلتحاق به كتلميذ كثيرا ما تجد نوع من العضوية للطلبة أو الدارسين ، و إشترك في المجلات التي تهتم بهذه المهنة. الطريق ليس سهلا. و لكنه ممكن. و به بعض العقبات و كلها يمكن أن تتعداها

مجتمع الرفاهة الموجود في أوروبا نتيجة طبيعية بسيطة جدا ل مجتمع العمل الدئوب النادر وجوده في بلادنا ما سبق كان إستهلالا لابد منه فليتنا لا نتمحك بالإسلام و أن هنا إسلام بلا مسلمين .. إلخ هم فقط يتفانون في العمل و يتفانون في التعلم. التعلم الحقيقي و لا يلجئون للغش لأن من يغش لا مكان له في المجتمع ،. هذا لا يعني أنهم قديسين و لكنهم جادين. فقط جادين. و أكررها جادين حتى في لهوهم هم جادين. نعود لرغبتك في الإستقرار في دولة غربية ... بادئ ذي بدء عليك أن تعرف ماذا تريد و تكون مستعد لبذل الجهد من أجله من جهد و تفاني و مثابرة. أن تأتي لك دعوة لزيارة بريطانيا تتطلب أن يكون هناك سببا منطقيا لزيارة بريطانيا. حتى لو كان بغرض السياحة و من يدعوك يكون مستعدا و ملتزم بكل المصاريف كل المصاريف بكل جدية. و للحوار بقية

اخي الكريم ثق بالله تعالى اولا فهو الوهاب الرزاق الكريم ثم ثق بنفسك لأنك صنعته جل وعلا و اشكر عطاياه ولا تجحدها مش هو اللي خلقك مصري ؟! و اديك قلتها بنفسك محدش عاجبه حاله اهو صديقك الفرنسي سايب بلده و قاعد في بلد تانية ههههههههههههه مش حقولك مصر دي ايه و لا ايه مكانتها عشان مش وقته و انت متضايق و طهقان من القعدة فيها لكن حقولك مفيش جنة على الأرض و كل بلد و كل شعب فيه الحلو و فيه الوحش و اسمع من اختك الكبيرة اللي عايز ينجح بينجح في اي مكان و زمان بص للناجحين حواليك هنا و شيل من راسك انهم مش تمام او انهم نجحوا بالتنازل عن مبادئهم او ...او... اي حاجة بنبرر بيها ليه محناش زيهم او مش عايزين نبقى زيهم بص دايما للناجحين و خللي عينك عليهم و راقب و ادرس همة عملوا ايه و اعمل انت كمان لو همة قدروا يبقى انت كمان تقدر التفاح بيبقى للي عايزه و الجميز كمان بيبقى للي عايزه و الحذر كل الحذر من تعميم أي شيء ربنا يكتبلك الخير و يهديك لسواء السبيل

لا يا فندم حاشاك مادام الانجليزية مش تمام. يبقى حضرتك قدامك طريقين إما تحسنها في مصر. أولا و بعدين تدور على دراسة في الخارج أو ممكن تحسنها في الخارج بالتسجيل في معاهد اللغات في الدول الناطقة بالإنجليزية طبعا ده لو دراستك حاتبقى بالإنجليزية بس معلوماتي انك كمحامي دارس للقانون المصرى فلا يسعك ممارسة المحاماة إلا بفرنسا أو دولة تطبق القانون الفرنسي و كده تبقى تبقى محتاج فرنساوي مش انجليزي و برضه أنصحك باختيار أحد الطريقين أعلاه بحسب وقتك. و ميزانيتك و ربنا يوفقك لما فيه الخير امين

امسك خليك مكانك اوعى تتحرك اهو بتسأل عن الزيارة مش الدراسة :)

الملك عبد الله خادم الحرمين الشريفين الامير تميم خادم القاعدتين الأميركيتين :hysterical: المصريين دول عليهم حاجات يا جدع https://www.youtube.com/watch?v=bQMeJAuoock&feature=share

على فكرة يا عبير .. أنا أعرف مهندسين كهربا كانوا ولا زالوا مقتنعين إن أزمة الكهربا سببها الواد ابو عشرين جنيه الأكادة إن مفيش ولا مهندس كهربا منهم بيطلع عشرين جنيه من جيبه ويرحم مصر من انقطاع الكهربا عارفة لو كانت مصر بتنور بالميكانيكا ؟ :) كنتى اتفرجتى

ممكن تلاحظوا إنى من الساعة 9 مساء ، هذه هى أول مرة أدخل الموقع .. كنت واخد دورى - فى الشارع - ومريح جارى (فى سنى تقريبا) إلى أن استلم منى الوردية جار آخر .. وفيه تليفزيون فى مدخل العمارة كنا بنشوف القنوات الفضائية تناقشت مع شباب الحى .. الأغلبية - وألحمد لله - بدأت تفهم القنوات الفضائية وخصوصا الجزيرة بتعمل إيه بالضبط .. ودى كانت فرصة أحكيلهم عن تسريبات ويكيليكس بخصوص قناة الجزيرة وسياسة قطر فى توظيفها ضد مصر وتناقشنا حول توزيع السلاح فى شارع 45 بميامى وحشد "الجماعات" للسفر إلى القاهرة .. فعلا .. غدا هو يوم الاختبار الحقيقى .. يساورنى شعور متضارب ومتناقض بالأمل والقلق معا كنت أتمنى ألا يذهب الشباب غدا .. ولكن يبدو أن الوقت قد فات .. "ممثل" الثوار فى المحاورات يتوعد بالسيف والسلاح للثأر لدماء الشهداء .. بل إنه قد رصد أشخاصا معينين للتنكيل بهم وذبحهم بمجرد استيلاء من يمثلهم على الحكم .. فهل هو يمثل الشباب المسالم فى الميدان ؟ فعلا غدا هو يوم الامتحان .. ولا أريد أن أصف سيناريو استفزاز الجيش .. ولكن لو حدث ما أتخيله فسيعرف "المتسلقون" أى منقلب سينقلبون تصبحوا على خير .. وتكون مصر قد قامت من على مائدة اللئام

ياسيدتي الفاضلة لو اخذتي بالك فطوال اسبوع كامل والنت منقطعه في مصر .. ولو اخذتي بالك برضه فكل دعاة التهدئة تقريبا موجودين في مصر وكل دعاة التصعيد متواجدين خارجها .. كل الي سكت طوال الاسبوع الي انقطعت فيه النت مكانش بيشوف نت ومكانش بيتابع حماسيات كيبورديه . . كل الي بدأ يتكلم من يومين لما النت رجعت عاش وشاف ورجع يقول قناعته وصلت لأيه بعد الي شافه مش الي سمعه او قرأ عنه .. ذكرتها قبلا واذكرها لحضرتك مرة اخرى .. في مرحلة ما تحديدا وقت الحشد للمظاهرة المليونية في الجمعه الماضية مكانش ينفع خلاص حد يقول تراجعوا .. حتى لو كانت النت موجوده وقتها فمعتقدش اني كنت هدخل اقول اخلوا الميدان .. خلاص لو قلنا كده وقتها يبقى بنحكم بالاعدام على الي خرج .. بعد يوم الجمعه خلاص الشعب كله تقريبا قال كلمته .. كنا واقفين كمصريين على ارض صلبه وقياداتنا فهمت الرسالة وابدت استعدادها للتفاهم .. يجوز كان من الصواب نطالب بالعوده بعدها ويجوز ميكونش لكن الاكيد ان مش من الحكمه ابدا بعد الي حصل امبارح تحديدا والارواح الي ازهقت واللهجة الاجنبية السافرة الي ظهرت اننا نرجع ونقول استمروا .. قليل من التعقل .. هدنة مش هتضر .. وزي ماقال الفاضل سكوربيون .. لو متحققتش المطالب فاحنا عرفنا طريق ميدان التحرير مفيش قوة وقتها هتقدر تمنعكم انكم تروحوه تاني .. الي خايف على بلده ياجماعه ميشاركش ولا يدعوا للمشاركه .. بعد الي حصل امبارح محتاجين وقفة لالتقاط الانفاس وترتيب الاولويات .. ارواح الناس الي في التحرير مش لعبه .. جيشنا مش لعبه .. امننا مش لعبه .. مصر يامصريين مش لعبه ..