لوحة القادة

صباح الرضا. طبعااا الموضوع ده شائك فعلا . هو ف الحقيقة موضوع ذو شقين . شق يتحدث عن فعل مرفوض .......وشق آخر يتحدث من وجهة نظر ( نقد الكارهين ..أو ..الرافضين ) وبصراحة ربما كان رأيى يختلف بعض الشئ. ذهبت مرات كثيرة فى رحلات للعمرة والحج ...ورأيت كثيراااا. ولن انسى ابدااا ...أن بدوية حاولت سرقة خالتى فى الحرم ( بدوية من السعودية ) ولن انسى ايضا أن اخرى بدوية ايضا سرقت زميلة مصرية كانت معنا ..( سرقتها وهى تصلى داخل الحرم ...سرقتها اثناء الصلاة ) واخرى ( نيجيرية حاولت سرقة أخى فى رحلة الحج ونحن نرمى جمرة العقبة الكبرى ...حاولت بطريقة غريبة ومرعبة ولكنه انتبه وامسك بيدها ونهرها بطريقة قاسية ....رغم انه لاجدال فى الحج وما كان يجب عليه ان ينهرها بهذه الطريقة ولكنها كانت تستحق القتل وليس التهر فقط....وذلك فى اثناء اداء المناسك ...يعنى شئ يصيب بالذهول فعلا ).. كيف اتوا ؟؟ وكيف وصلوا لهذا المكان بقصد السرقة ؟؟ اشياء كثيرة جداااا نراها فى خلال ترحالنا فى البلاد سواء رحلة دينية او غيرها. و...لن انسى انى فى يوم لم استطع دخول الحرم من الزحام ...ف نويت الصلاة فى الساحة خارج الحرم كمعظم الناس ...وكان بجانبى حارس أمن ..( فوجئت برجل كبير فى السن ...باكستانى ( تقريبا)...) يتجشأ ويبصق.( معذرة ان كنت آلمتكم بالوصف الدقيق لما حدث )... تلقائيا ..نظرت له ( باستياء وتقزز). ليسامحنى ربى .. .وقلت لرجل الأمن... الا تراه؟ لماذا لاتتحدث معه ؟ اهذا سلوك المسلم ؟ الا يرى القوم؟ ايبصق على الأرض هكذا ببساطة؟ و.. اتعرفون ماذا حدث ؟ نظر الى الشاب ( رجل الأمن ) ..وقال لى . الا ترى ياحاجة انه رجل كبير فى السن؟ الا ترين انه يمشى بصعوبة ؟ دارى عورته يا اختى . من الاسلام ايضا ان ندارى عورات الناس ولا نظهرها للغير ان رأيناها . قلت له . وجهة نظرك صحيحة ووجهة نظرى ايضا صحيحة ..وليس معنى ان ندارى عورات الناس الا نوجههم للأصح. وتركته ..,ونويت الصلاة فى مكان بعيد . سلوكيات كثيرة تحدث فى الحرم .....أو....فى أى تجمع للناس . أما المصريين الذين ( يقيمون فى فترة العمرة ) داخل الحرم المكى ....أظن ان هؤلاء يسافرون ( هدية من اصحاب الخير ) ....يعنى ناس كتير كل عام تدفع مصاريف العمرة لعشرة اشخاص مثلا ومثلهم للحج . أو...ناس ( مستورة ) تعمل جمعية أو تدخر طول عمرها علشان تطلع عمرة .. ايضا هؤلاء رأيتهم . يحضروا أكلهم كله من مصر...( بالتأكيد عندهم مكان للمبيت ...لأن هذا اجبارى مع شركات السياحة ) لكن ربما كان مثلا ( كل عشرة ف حجرة واحدة )...لهذا....يقرر المعتمر البيات فى الحرم ويهيأله انه بهذا سوف يستفيد بكل ( قرش اتدفع ) ...هذا يحدث فى الحرم المكى ...لأن فى الحرم النبوى تقفل الابواب بعد صلاة العشاء ..أو بعد التراويح لو كنا فى رمضان . لا ابرر لهم فعلهم بالطبع . لكنه تصرف نابع من بيئة الشخص ..( المسئول لا دخل له فى هذا ) . مسألة التوعية المفروض تكون عبارة عن كتيب توزعه شركات السياحة ...ده مهم جداااا زى الشهادة الصحية . الناحية الاخرى ....من يقول أن الناقد يعبر عن وجهة نظر ...نابعة من رفضه ( ولو جزئيا ..لهذا الدين ) التفكر مطلوب ...التأمل مطلوب . وحتى الشك ...مطلوب ..( وربما كان شكا يتبعه يقين جميل ). منذ يومان كنت أقرأ فى سورة النساء ...واعدت قراءة السورة اكثر من مرة . وربما كانت هذه المرة المائتين او اكثر التى اقرأ فيها سورة النساء ... لماذا توقفت كثيراااا......منذ يومان . لماذا؟ ليس هذا مجاله الآن ... لكنى توقفت عند الآيات التى تتحدث عن ....خطيئة الرجل ...ثم...تتحدث عن خطيئة المرأة .. الآيات التى تتحدث عن المحصنات ...وعن ...ما ملكت ايمانكم. استغفرت ربى ....اغلقت المصحف .. فضلت الابتعاد عن القراءة فى هذا اليوم ...( بعض الوقت ) وصلت لقناعة ..ان كثرة البحث والتقصى تصيب المرء ( بالبلبلة ...احيانا ).. قرأت كل التفاسير....و..اعطيت عقلى اجازة يومها . فى قراءاتى التالية لسورة الاعراف ...فضلت القراءة بدون ( النبش الزائد ) هذه هى الحقيقة بدون أى مواربة . شئ صحى أن تفكر ....لكنه شئ غير صحى أن تفكر وتشك وتستمر فى الشك . لأن هذا ب امكانه ان يصل بك الى الجنون ...أو...اللامبالاة بأى طقوس . الايمان عن يقين شئ جيد ولا تنسوا اننا ....بشر. عموما... الله رحيم بعباده . الله هو من خلقنا وهو أعلم بما فى صدورنا وهو الهادى لعباده الضعفاء . يارب ارشدنا جميعا سواء السبيل وتقبل منا صالح الأعمال . دمتم بخير .

على فكرة .. زيادة المرتبات بدون زيادة إنتاج أخطر من اللى احنا فيه ده شوف يا ريس .. مش لازم تغنى الناس بانك تديها فلوس فى إيدها رفع المرتبات ده بيستفيد منه الموظفين فقط موضوع رفع الدعم ده متزامن مع حاجات تانية كانت السلع على بطاقات التموين أربعة بس سكر وزيت وأرز وشاى دلوقت زود السلع وأضاف إليها لحوم وأسماك متزامن كمان مع قرار إرغام المستشفيات الخاصة على علاج الحالات الطارئة لمدة 48 ساعة إلى أن ينقل المريض نقلا "آمنا" إلى مستشفى حكومى أو يوافق على علاجه فى المستشفى الخاص بأسعارها متزامن كمان مع فرض ضرائب على أرباح البورصة متزامن كمان مع ضريبة 5% لمدة 3 أو 5 سنوات على اللى دخله أكتر من مليون جنيه فى السنة إنت قلت أكتر من مرة إنه "حيحط" على رجال الأعمال والأغنياء ده صحيح وواضح إن رجال الأعمال بيفلفصوا وبدأو يرموله قشر موز فى طريقه لاحظ التوجه الجديد لجريدة المصرى اليوم وقناة أون تى فى إحنا دلوقت فى مفترق طرق .. إما سكة السلامة أو سكة الندامة وسكة الندامة دى حتودى الكل فى داهية بما فيهم اللى بيرموا قشر الموز سواء كان إخوان أو رجال أعمال وأى واحد من بتوع السبوبة

سأبدأ بوجهة نظر مؤيده لرفع اسعار الوقود .. وهى وجهة نظر يتبناها أحد اصدقائى الذى يكاد يقبع فى منطقة ما .. ما بين الطبقة الكادحه والطبقة المتوسطه .. وهو من المؤيدين ((بتطرف)) للسيسى نصيحة لجميع الناس الزعلانة من غلاء سعر البنزين وارجو نشر ما ساذكره على جميع الصفحات ليسمع الجميع وخاصة الشباب المتحمس على الفاضي لان البلد لو وقعت ملهاش قومة تانى خلاص فــ قبل ما تولول على رفع الأسعار .. افهم .. عشان البلد مش مستحملة نكرر غبائنا فى يناير الموضوع بدأ عندما قامت الحكومة بعرض الموازنة السنوية على السيسى ورفض اعتمادها وكان أساس الرفض هو أن الحكومة ركزت على الاقتراض من الخارج لاستمرار الدعم للمواطن حتى لا يفقد الدعم ويثور كما حدث حالياً وطبعاً سيكون مقابل أستمرار ذلك الدعم فوائد مركبة فيذهب للاسف ثلاثة ارباع قيمة القرض لسداد الفوائد اللى على القروض .. والربع الباقى بيتوجه لجميع نواحى ومجالات الحياة فى مصر .. وعشان الربع ده مبيكفيش أى حاجة بنضطر نقترض تانى وبالتالى الديون والفوائد بتزيد سنة ورا سنة ورا سنة... وده احد اسباب خلع مرسي علي فكرة اننا رفضنا القرض من الصندوق الدولي اللي كان هيروح جيوبهم ويسبولنا الديون...!! ولكن فى ظل العهد الجديد وعندما قامت الحكومة بعرض الموازنة على السيسي بتاعة كل سنة وفيها الدعم السنوى والقروض بتاعة كل سنة، قال لهم "مقدرش اعتمد الموازنة بالشكل دة ، احنا كدة بنأجل مواجهة المشكلة والأجيال الجاية حاتدفع الثمن" والناس مش فاهمة حجم المصيبة ولا يهمهم شىء طالما الدعم موجود ومستمر فتغور البلد فى داهية ولا فى اى مصيبة مش فارقة الحكومة قالت للسيسي: "الناس عندها أمل ولو علينا الأسعار عشان نسد الديون ونحل المشكلة ، الناس مش حاتستحمل مننا" السيسي رفض الموازنة وقال لهم : "احنا مش حانعيش طول حياتنا نقترض ولا مادين ايدينا ، نيجى على نفسنا سنتين ونتحمل مع بعض ونسد ديوننا وبعدها نوجه الميزانية كلها لدعم البلد مش ربعها بس .. لايصح الا الصحيح" ولو سمعت كلامكم حابقى ببص تحت رجلينا وبنضيع مستقبل البلد دى .. نستحمل كلنا سنتين تعب نسد ديوننا وبعدها الميزانية كلها حاتبقى ملك الشعب دة .. إنما حانفضل مدين ايدينا لحد امتى؟ السيسي كان أسهل له يعتمد الموازنة الجديدة ويضحك على الناس بدعم اكتر وقروض أكتر والناس حاتعمل له تمثال دهب وتفرح بيه لان الدعم مستمر وعلى فكرة هو لم يلغى الدعم نهائياً بل خفضه حاجة بسيطة جداً ليوفر جزء يستطيع به سد العجز وعدم اللجوء للقرض أبو فوائد مركبة بس حاييجى يوم علي مصر مش حاتقدر تسدد ديونها ودة حايبقى يوم قريب ودة اللى فاهمه الاخوان كويس وعشان كدة بيسخنوكوا علشان ترفضوا غلاء الأسعار وتطلعوا مظاهرات وتولع لذا افهموا حتى لا نضيع مرة آخرى بالنسبة للفقير العاجز عن المساهمة دة شغلانة الحكومة الفترة اللى جاية : السيسي عمل حد أقصى للأجور والفائض نزل بيه لحمة وفراخ على بطاقة التموين وسيسد به ايضا كافة المطالب الفئوية لصغار العمال والموظفين بالدولة السيسي عمل صندوق تحيا مصر عشان يوجهه لدعم الفقراء قام رجال الأعمال رفضوا يدفعوا السيسي فرض على رجال الأعمال ضريبة على ارباح البورصة عشان يجبرهم على المساهمة وينقل خير مصر من الغنى للفقير وهكذا .. ساعدوا ‫#‏السيسي‬ فى العمل والبناء بدل ما حاتتهد على دماغنا كلنا ومحدش حايكسب منها حاجة وكفاية نقل ‫#‏اشاعات_يومية‬ عن الاخوان و6ابريل .. لا السيسي حايفرض ضريبة على المصريين فى الخارج الا اللى مشروعهم الرئيسى فى مصر ولا السيسي حايفرض ضريبة على السكن الإضافى الخاص الا اذا كان قيمته فوق الاتنين مليون جنيه "يعنى الغنى جدا بس هو اللى حايدفع" وجع ساعة ولا كل ساعة .. صبر سنتين بدلا من انتظار السقوط نحو الهاوية ياريت الرسالة تكون وصلت... وابقي اعمل شير ووصلها لغيرك عشان نبقي فيها فاهمين اللي

أشكركم بشدة على مشاعركم النبيلة ونصحكم وتمنياتكم لي بالتوفيق والسعادة وكم أتمنى أن أعود حيث كنت دائمًا شكرًا لكم كثيرًا جدًا على هذه المشاعر الطيبة تحياتي لكم

مضحكات مبكيات لولا أن المجال لا يسمح لقمت بارفاق فيديو حقيقي عن رجلين تم قتلهم بالرشاشات بعد أن تم سؤالهم عن عدد الركعات و الآذان!!!!

دواعش فلسطين http://youtu.be/vJjdoVlRvrw

اضحك مع داعش http://youtu.be/B0IFkXK_Tdk

اي زيادة في اسعار السلع عديمة المرونة سيؤدي الى حتمية زيادة باقي اسعار السلع الاخري المرنة منها وعديمة المرونة بنفس نسبة زيادتها وبتطبيق هذا المبدأ فلدينا زيادة في اسعار الوقود بين 40 الى 75 % وبالتالي ستزيد اسعار باقي السلع بين هاتين النسبتين وبمتوسط زيادة حوالي 55% وفي ذات الوقت قامت الحكومة بزيادة المرتبات الزيادة المعهودة سنويا وهي 10% واصبح لدينا فرق سيدفعه المواطن العادي من جيبه يتراوح بين نسبة 45% وسيشعر بها المواطن العادي ليس بعد وقت طويل ولكن في وقت قصير جدا مع العلم ان هناك مصادر اخرى كان يمكن للحكومة اللجوء اليها لتحصيل هذه الوفورات مثل احكام ا لرقابة على الضرائب وسرقة التيارالكهربائي وتخفيض البذخ الحكومي سواء في الداخل اوالخارج مثل تخفيض البعثات الرسمية والتي تنهب الجزء الاكبر من الانفاق الحكومي وكذلك الغاء الدعم على المصانع ومش كل مرة المواطن الغلبان هواللي يدفع الفاتورة ويفضل يدفع ويدفع لغاية ما مصارينه تطلع لان لو فضل الوضع ده على كده مش هايبقى امامنا الا رغيف العيش والمقررات التموينية والغاء الدعم على التعليم والصحة وبكده يتم النتقام من الشعب اللي فكر في يوم انه يعمل ثورة وانه يجب ان يدفع ثمن غلطته في حق اسياده

على مصر أن تواجه موضوع الدعم بشجاعة مرة واحدة وإلى الأبد - فمن غير المعقول أن نستمر فى الدعم غير الرشيد فهو تسرب خطير لقدرات البلد واستقطاع واستنطاع غير جائز - ومن غير السيسى يمكنه مواجهة هذا الأمر بشجاعة مهما كانت العقبات؟ - فقط على الحكومة أى تترك المسألة للسيسى يوضح فيها جوانب الحل وأوجه المخاطر وأن يبصّر الناس إلى أنها توجيه للدعم لكى يصل للضعفاء ويمتنع عن الأغنياء وعن أواسط الناس ويحث فيها الممتنع عنهم الدعم على الاحتمال والمشاركة فى إخراج البلد من مأزق عسير تم وضعها فيه منذ عقود ولم تعرف أى حكومة ولا أى قيادة كيفية الخروج منه - ولا ننسى غباء الدولة أيام السادات فى فرض زيادة الأسعار كوسيلة للخروج من مأزق الدعم دون أن يتصدى السادات بنفسه لتوضيح الأمر للناس قبل وأثناء وبعد التطبيق مما جعل الشارع ينفجر ضد زيادة الأسعار - وهنا يجب أن ننتبه بالذات إلى أن يتم رفع دخل غير القادرين والمعوزين والضعفاء قبل أن يتم إلغاء أو خفض الدعم عن كيت وكيت من المواد ومن الطاقة فهذا هو الجانب الذى يوازن المسألة ويجعلها تمضى بشكل سلس دونما مشاكل لا مجال لها وليس الآن وقتها بأى حال من الأحوال الموضوع صعب طبعاً - لكننا شعب لا يواجه المستغلين بل يستسلم لهم - لو الناس كلها رفضت زيادة الأجرة ولو حتى مارحوش الشغل يوم واتنين يبقى غصب عين بتوع الميكروباص وغيره حاتراجعوا عن الزيادات غير المبررة - هما عايزين يسرقوا الناس فلازم الناس تقف لهم بالمرصاد بالملايين - بس إحنا معندناش شعب من أصله - إحنا عندنا زحمة وخلاص مش شعب بيواجه - هو شعب فالح بس يواجه الحكومة بس الحكومة مش حاتعرف تقول للناس يعملوا إيه فى المواجهة وعشان كده بأطلب تدخل السيسى - من غير تدخله بالشرح والتوجيه والنصح والتوضيح ممكن البلد يحصل فيها مشكلة والراجل لسه فى أول شهر له - وألف مين حايلطم الخدود ويشق الجيوب ويصوت ويندب وبيعيط ودى فرصة للإخوانجية يولعوا الدنيا - فالسيسى لازم يتكلم مقال اعجبنى ل محمود فهمى

ثانيا .. من وجهة نظر متأملة شوية .. ده مجرد عقاب بسيط بنشوفه .. لسه اللي جاي أكتر .. الحكاية إننا كان عندنا نظام فاسد ومستبد وفيه كل العبر .. كان موفر لينا الأمن والسياحة والدعم وكان سايب لنا احتياطي 36 مليار دولار مش جنيه .. احنا بقى عملنا ثورة .. لماذا قمنا بالثورة - على رأي عادل إمام .. قمنا بالثورة عشان النتائج التالية .. أمن مفيش .. بقى عندنا إسهال قنابل في الشارع .. سياحة .. من 15 مليون سائح عام 2010 .. يعني مش عارف العدد السنة دي ممكن يكون كام 2 ولا 3 مليون بالكتير .. دعم .. خلاص هيتلغي قريب قوي .. وبدون ما نرفع المرتبات .. والاحتياطي ببركة الله بقى 15 مليون .. دي النتائج العظيمة لمجيدة ... عيش - حرية - أسعار .. صحيح .. بخصوص الحرية ما حدش يقولي .. تعليقا بقى على القرار .. هل يا ترى الحكومة قبل ما تاخد قرار زي ده فكرت في نتايجه .. ناس كتير بتقولك إن الدعم ده بيشل الحكومة وبيرهق الاقتصاد .. ماشي أوكي .. تعالوا نشوف الدول الحرة .. اللي اقتصادها حر .. مرتبات الموظفين كبيرة جدا .. ومفيش دعم .. احنا بقى في مصر بندي الموظفين مرتبات قليلة .. ومقابل كده بنديهم خدمات مدعومة .. يبقى اللي جاي من الحكومة على أد اللي الحكومة هتاخده .. لكن يا ترى يا هل ترى .. لما تيجي ترفع الدعم ده .. المفترض أولا .. إنك تسبقه برفع المرتبات .. عشان توفر للناس فلوس تعوض فرق الميزانية بتاعتها لما الأسعار تغلى نتيجة رفع الدعم .. لكن دلوقت .. مفيش زيادة في المرتبات .. وفي زيادة في الأسعار .. طب ناتج عن كده ايه .. إن معاناة الناس هتزيد .. مين هيحس بالمعاناة دي .. هل واحد مثلا زي عادل إمام بياخد 35 مليون جنيه في المسلسل الواحد .. ولا واحد مثلا من المحظوظين اللي بيقبضوا بال 15 وال 20 ألف في الشهر .. ( ودول جوه الحد الأقصى اهه ) .. لا دول مش هتفرق معاهم الزيادة الجديدة في حاجة.. اللي هتفرق معاه موظف غلبان مرتبه بالكتير 1000 أو 1500 جنيه في الشهر .. وعنده أسره بيصرف عليها .. لازم نلاحظ كلنا إن رفع أسعار الوقود مش معناه رفع أسعار المواصلات بس .. ده معناه رفع أسعار كل حاجة .. كل حاجة الوقود بيستخدم في تسويقها .. سعرها هيزيد .. ودايما الحلقة الأضعف هي الحلقة الأخيرة .. حلقة المواطن .. لأن كل واحد هيحمل الزيادة الناتجة عن تمن النقل على الحلقة اللي بعديه لحد ما توصل الزيادة للمواطن .. اللي هو الحلقة الأضعف .. خد بقى عندك مواد غذائية .. خد بقى عندك مواد بناء .. وكل ما شابه .. ده طبعا غير رفع أسعار الكهرباء اللي هي أساسا بتقطع في اليوم حوالي 5 مرات .. طب الحكومة تجيب منين ... ده سؤال مهم جدا .. أولا عايزين نسأل الحكومة .. هي حكومة أولا اشتراكية ولا رأسمالية ؟؟ أصل بصراحة الرقابة على الأسعار وتحديدها وفرض ضرائب خاصة على رجال الأعمال دي من سياسات الحكومات الاشتراكية .. أما رفع الدعم فده من سياسات الرأسمالية .. فدلوقت يا ترى احنا تبع ايه بالتحديد ؟؟ هل فرض ضرايب على رجال الأعمال ده هيحل مشكلة .. الحكومات الرأسمالية اللي مش بتدي دعم بتعمل تسهيلات مذهلة لرجال الأعمال عشان استثماراتهم تزيد .. مش بتفرض عليهم ضرايب زيادة عشان هما كمان يطيروا بفلوسهم بره البلد .. ليه مفيش سياسة الترشيد .. يا ترى مواكب السادة الوزراء هتتأثر بسعر البنزين الجديد .. يعني مثلا عدد عربيات الموكب هيقل .. ولا هيفضل زي ما هو .. ولا يا ترى السادة الوزراء هيستجيبوا لنداء الرئيس بالذهاب إلى العمل بالدراجة ؟؟ يا ترى هل سياسة الترشيد تتفق مع قلادة النيل اللي عمالة تتفرق يمين وشمال عمال على بطال .. ولمن لا يعلم قلادة النيل دي تعني 60 ألف جنيه شهريا مدى الحياة معفاة من الضرائب .. وليس لها علاقة بأي مصدر دخل تاني للشخص .. يعني مثلا قلادة النيل اللي أخدها الرئيس الصوري عدلي منصور دي .. وقبله الببلاوي .. وقبلهم ناس تانية .. هتدي لكل واحد فيهم 60 ألف شهريا .. ده غير مصدر دخله الأساسي .. يا ترى هل سياسة الترشيد تتفق مع ده ؟؟ يا ترى هل سياسة الترشيد تتفق مع إسهال المسلسلات اللي عمال يتعرض طوال رمضان بأجور فلكية أكاد أجزم إنه لو تم تجميعها .. فهي هتعوض جزء من عجز ميزانية السنة دي على الأقل .. وازاي عايز الناس تنام بدري عشان توفر كهربا وتصحى تروح الشغل من بدري بينما المسلسلات والبرامج شغالة 24 ساعة متواصلة .. هل يا ترى الحكومة عاجزة عن ترشيد البند ده .. ولا مش عايزة أصلا .. وختاما .. هل الناس انتخبت السيسي عشان يزود عليها الأسعار .. في النهاية .. مفيش فايدة .. دي أصدق جملة اتقالت في التاريخ المصري .. واللي بعدها علطول جملة ( دي مصر يا عبلة ) .. كانت كده وهتفضل كده .. ولازم نتوائم .. لأن لا النواح جايب فايدة ولا النقد والزعيق جايب فايدة .. السهم نفد خلاص ..

قد يكون له منطق يا باشمهندس فى البدء بمثل تلك الحلول السريعه لتوفير الاموال المطلوبه لانقاذ ما يمكن انقاذه وكذا التوقف عن الاعتماد على المعونات والقروض وما شابه .. المهم فعلا متكونش خطة مواجهة العجز تعتمد ((فقط)) على الجبايه او رفع الدعم او ما شابه .. لكن من منطقهم بيقلك ان لكل حادث حديث .. والسيسى صرح ان الدواء المر ده ممكن يستمر سنتين ... اما عن الحوار المجتمعى .. فلابد ان يتسم بالشفافيه .. وان تكون هناك رقابه للاسواق .. وعقوبات رادعه لمن يستغل رفع اسعار الوقود بشكل مغالى فيه

مؤيد وعارف انه الدواء المر وكنت عاوزه من ايام الرئيس مبارك ومن ثم ايام الدكتور مرسي واختلف مع الرئيس السيسي ف قرارات لكن معه ف هذا القرار لكن ان لا تكون خطة مواجهة العجز فقط ع الدعم اتمنى ان يكون هناك رؤية عامة للاقتصاد المصري وكم أتمنى من الرئيس السيسي ان يكون هناك حوار مجتمعي يجعل المواطن يفهم ويعرف ف ايه بيحصل

"أيها المراؤون، توقفوا عن الدفاع عن الله بقتل الانسان، ودافعوا عن الانسان كي يتمكن من التعرف الى الله" جبران خليل جبران

إخوانكم يقولون لكم شهر مبارك .. ولكن بطريقتهم

"أم علي" لا تتخلف «أم علي» عن الحضور إلى المائدة الرمضانية، التي شاع في أصل تسميتها أن «أم علي» هي زوجة الأمير المعز أيبك المملوكي، الذي تزوج من الملكة شجرة الدر بعد موت زوجها الملك الصالح وكانت شديدة الغيرة، فألزمته أن يطلّق «أم علي» فطلقها، لكن شجرة الدر قامت بعد مدة طويلة ولأطماع دنيوية بقتل المعز ايبك وحاولت إخفاء حقيقة موته إلا أنه لم يلبث أن أكتشفت الحقيقة و تم قتل شجرة الدر فاحتفلت امرأة المعز أيبك الأولى «أم علي» الحاكم الحالي بتوزيع طبق كبير مكوناته سكر وخبز أبيض وحليب لمدة شهر كامل، فارتبط الاسم باسم هذه السيدة «أم علي» فأقبل عليه المصريون وتفننوا في صنعه بإدخال عدد من التحسينات عليه كالزبيب والمكسرات والقشطة، وكثيراً ما تُقدم في مواسم الشتاء ليزيد الجسم طاقة ودفئاً. :copied:

أحييك على صراحتك فى الإجابه عن سؤالى .. وأحيي أيضا صدقك مع نفسك .. وهمسه فى أذنيك .. عن نفسى أؤمن بأن لك الحريه سواء فى التمسك بالدين الاسلامى .. أو إعلانك تركه ((وان كان سيحزننى هذا )) .. واذا انتهى بك المطاف الى تركه ((لا قدر الله)) فأتمنى منك أن تتركه فى صمت جميل .. فلا تسفه منه أو تعتدى على المتمسكين به سواء بالنقد او التجريح .. مراعاة لمشاعرهم وإحتراما لمعتقدهم .. فما الداعى لهذا ؟.. فقط إحتفظ بقرار تركه لنفسك .. حتى تنعم وينعم من حولك بالسلام الاجتماعى .. فاذا كان تركك للاسلام سيجلب لك الراحه النفسيه والسعاده الدنيويه .. فتأكد ان من يتمسكون به ويستظلون بظله يتمتعون أيضا بأضعاف أضعاف الراحه والسعاده التى ستشعر بها إذا تركته .

أسأل الله سبحانه وتعالى أن يدلك وأن يهديك الى صراطه المستقيم ببركه هذا الشهر الفضيل ..

الاخ الفاضل esoway اسمح لي ان احييك على صراحتك وابشرك بان ما انت فيه ما هو الا فترة كلنا مررنا بها او قل كل من سمح لعقله ان يفكر مر بتلك المرحلة ومن منا لم يفكر في خلق الله وما هي الاخرة وماذا بعد الدنيا وما هو الشيطان واشياء كثيرة كانت محل نظر وتفكر ربنا يهديك لسواء السبيل ويعطيك على قدر ما انت فيه من خير ومحبة وخلاص تحياتي لك

أيوه بالتأكيد الحكومة المسؤول الأول عن معظم سلوكيات الناس دي عارف ليه حضرتك ؟ هحاول أجاوب عن الجانب المباشر لما الحكومة تسيب مواطن دافع 30 ألف جنية فريسة للنصب ومش كدا وبس متعملش أي إجراء عن التأكد من حجزه في فندق عارف إيه اللي هيحصل ؟ الشخص دا هيروح لمكة وهوا دافع مبلغ يصل لـ 30 ألف جنية محدش يعرف إستلفهم إزاي ومش معاه يسكن وياكل ويشرب هيعمل إيه ؟ هيروح نايم في الحرم وواكل وشارب من الشحاتة + لإنه عايش في الحرم هتشوف منه أي حاجة ممكن تتشاف من شخص عايش فبيته يغسل وينشر هدومه أدام الناس يتخانق ويعلي صوته أدام الناس ويرمي الزبالة أو يعمل تصرفات مش مقبولة , لإنه ببساطة عايش في الحرم لو الشخص دا تخلف عشان يحج وغيره تخلف عشان يحج وكل وفد تخلف منهم شوية عشان الموسم اللي بعده وخلصت فلوسهم هيبقى الحرم عندك مليان مصريين لو فيه قانون رادع للمتخلفين في مصر لما يرجع يلاقي عقوبة ويتفضح بدل مايتقال عنه حج أفتكر مش هنشوف كتير جدًا من المناظر اللي بنشوفها دي أنا مطلبتش يتعمله دورة تدريبية ويتعلم فيها ويطلعله موافقة إنه مؤهل أو لا يسمح له بالخروج لو فشل في الدورة على فكرة ماليزيا بتعمل كدا وفيه دول إستنسخت التجربة الماليزية والماليزيين من أفضل المعتمرين اللي ممكن تشوفهم عرفت ليه بقول إن الحكومة مسؤولة عن سلوكيات الناس دي ؟

الواضح إننا بالفعل بنتكلم عن حرمين مختلفين : ) الجنسية بعرفها عادي من شكلهم ولبسهم وكلامهم حضرتك لو شوفت مصريين من بعيد مش هتتعرف عليهم وتميزهم من الماليزيين و الهنود والباكستانيين والعرب ؟ بخصوص الكلام المحدد فمفيش أكتر من إني أقولك إن المصريين بيشكلوا حوالي 40% من الموجودين في الحرم إن مكنش أكتر و باقي النسبة موزعة على العالم الإسلامي كله لو عندك في شهر رمضان مثلًا 250 ألف مواطن مصري جايين من مصر بيعملوا عمره و فيه منهم بس 5% بيعمل التصرفات دي عارف هيكون العدد شكله إيه ؟ طب لو تخلف من دول 6% بس و اللي بعدهم تخلف منهم 4% بس عارف هيكون شكلنا عامل إزاي ؟ لما يبقى عندك حوالي 30 ألف مواطن مصري يفترشون الحرم و الممرات والكباري وامام الحمامات وبيشحتوا دول ينفع يشوهوا البلد ولا مينفعش ؟

مفيش حاجة غصب عني ياسيدي الكريم هوا كان باب لازم أخبط عليه ولكن مكنتش لاقي المبرر الكافي لنفسي ولكن الأمر وما فيه أن والدتي طلبت مني أشوفلها موضوع العمرة لإنها نفسها تعتمر في رمضان وعملتلهم الإجراءات وجم للسعودية وأنا الإبن الوحيد لهما في السعودية وهما معندهمش أي فكرة طبعًا عن ما أصبحت فيه ومستحيل بأي حال أسيبهم لوحدهم و مقدرش يبقوا فنفس البلد وأنا بعيد عنهم و أنا عايز أتيح لنفسي كل الفرص الممكنة للتفكير , حاسس إني مش مرتاح تحس إني ماسك بإيديا وسناني في العقيدة الإسلامية وكل ما أحاول أفهم نفسي إني خلاص عرفت اللي فيها أرجع أحن وخصوصًا رمضان , مش قادر يعدي الشهر وأفطر ولا مصليش مش قادر يمكن التربية والنشأة يمكن ثقافة صعب تتغير مش عارف بجد ولكن أديني ببحث وكل يوم بتعرف على زاوية مختلفة و رؤيا جديدة للدين جايز فيوم يخلص التأرجح والتخبط اللي أنا فيه و أقدر أوصل لمنهج واضح مريح لنفسي أقدر من خلاله أعمل تقارب بين أفكاري وتصرفاتي جايز اللي بدور عليه دلوقتي جانب روحاني , جايز يكون فيه جانب بعيد شوية عن العقلانية الشديدة اللي أنا فيها

هو حضرتك في مكة عشان تراقب الناس و تشوف تصرفاتهم و تنتقدها و لا رايح تتعبد يمكن ربنا يهديك للحق اللي اظن انك قولت قبل كده انك بتدور عليه الاولى بحضرتك تركز في نفسك احسن من تركيزك في الناس

مدفع الافطار.. اضرب..بووووووووووووووم. جملة يعشقها وينتظرها الإنسان المصري في كل مكان عند مغيب شمس كل يوم من أيام شهر رمضان المعظّم، وبطل هذه الجملة هو المدفع الذي ارتبط دويه في وجدان الإنسان المصري باجتماع شمل العائلة والدفء الأسري مهما سافر أو ارتحل بعيدًا. ولمدفع رمضان حكايات وقصص وتاريخ كان في بعضها البطل الرئيسي، ولكنه مازال يثير في نفوسنا دومًا الحنين إلى رمضان ولياليه. ولبداية ظهور مدفع رمضان ودوره في حياة المصريين قصص طريفة؛ حيث تروي كتب التاريخ أن والي مصر في العصر الإخشيدي "خوشقدم" كان يجرب مدفعًا جديدًا أهداه له أحد الولاة، وتصادف أن الطلقة الأولى جاءت وقت غروب شمس أول رمضان عام 859 هـ وعقب ذلك توافد على قصر "خوشقدم" الشيوخ وأهالي القاهرة يشكرونه على إطلاق المدفع في موعد الإفطار، فاستمر إطلاقه بعد ذلك. ومن الروايات الأخرى أن محمد علي الكبير والي مصر ومؤسس حكم الأسرة العلوية في مصر من عام 1805 كان يجرب مدفعًا جديدًا في إطار خططه لتحديث الجيش المصري، فانطلقت أول طلقة وقت أذان المغرب في شهر رمضان، فارتبط صوته في أذهان العامة بإفطار وسحور رمضان، والذين أطلقوا على ذلك المدفع "الحاجة فاطمة"، لارتباطه بشهر رمضان، وكان مكانه في قلعة "صلاح الدين الأيوبي". وفي منتصف القرن التاسع عشر عام 1853م كان ينطلق مدفعان للإفطار في القاهرة: الأول من القلعة، والثاني من سراي بالعباسية وفي عهد الخديوي "إسماعيل" تم التفكير في وضع المدفع في مكان مرتفع حتى يصل صوته لأكبر مساحة من القاهرة، واستقر في جبل المقطم حيث كان يحتفل قبل بداية شهر رمضان بخروجه من القلعة محمولا على عربة ذات عجلات ضخمة، ويعود بعد نهاية شهر رمضان والعيد إلى مخازن القلعة ثانية. وتطورت وظيفة المدفع فكان أداة للإعلان عن رؤية هلال رمضان، فبعد ثبوت الرؤية تنطلق المدافع من القلعة ابتهاجًا بشهر الصوم علاوة على إطلاقه 21 طلقة طوال أيام العيد الثلاثة. وهكذا استمر صوت المدفع عنصرا أساسيًا في حياة المصريين الرمضانية من خلال المدفع الذي يعود إلى عصر "محمد علي" إلى أن ظهر الراديو، فتوقف إطلاقه من القلعة في أحيان كثيرة، وإن ظل التسجيل الصوتي له يذاع يوميًا من خلال الراديو والتليفزيون إلى أن قرر المسئولون أن تتم عملية بث الإطلاق على الهواء في أذان المغرب من القلعة؛ حيث قرر وزير الداخلية المصري في عام 1983إعادة إطلاق المدفع من "قلعة صلاح الدين الأيوبي" طوال رمضان في السحور والإفطار فعاد للمدفع دوره ورونقه. إلا أن هيئة الآثار المصرية طلبت في بداية التسعينيات من وزارة الداخلية وقف إطلاقه من القلعة خوفًا على المنطقة التي تعد متحفًا مفتوحًا للآثار الإسلامية. وحذرت الهيئة من أن إطلاق المدفع 60 مرة في سحور وإفطار رمضان و21 طلقة كل أذان في أيام العيد الثلاثة تؤثر على العمر الافتراضي لتلك الآثار بسبب الاهتزازات الناجمة عن إطلاقه. وبالفعل تم التفكير في نقله إلى مكان آخر، واستقر الرأي على جبل المقطم مرة أخرى، حيث تم نقل مدفعين من المدافع الثلاثة الباقية من أسرة محمد علي إلى هناك، وتم الإبقاء على المدفع الثالث كمعلم سياحي في ساحة متحف الشرطة بقلعة صلاح الدين يطل من ربوة مرتفعة على القاهرة. :copied:

إياك أن تحاول سحب أحد للأعلى ما لم يكن يريد ذلك.. و إلا فإنه سيسحبك للأسفل!

لا تحلموا بـ عالم سعيد فـ خلف كلّ قيصر يموت قيصر جديد ! ........................... أمل دنقل