لوحة القادة

فيه انتخابات برلمانيه على نهاية العام ودستور البردعاويه قلص صلاحيات رئيس الجمهوريه لصالح البرلمان والمفروض ان قرارات صعبه زى الحد الأقصى للأجور وتحريك اسعار الطاقه تبقى بعد الإنتخابات لضمان وصول انصار السيسى اللى مفترض مش هيعارضوه او يقفوله فى البرلمان ؛ دلوقتى الحاصل ان الخوارج والنكسجيه وشمامى الكوله بتوع يسئط يسئط حكم العسكر شغالين على كل من تضرر من القرارات دى ومن ضمنهم الباعه الجائلين بيحشدوا من بدرى للبرلمان ومتنساش ان المظاهرات لم تتوقف لإنهاك الحكومه وتفريغ جزأ من مواردها وجر رجلها او توريطها اى حد مكان السيسى كان هيفكر الف مره قبل ما يقدم على قرارات زى دى ؛ لكن حب الراجل للبلد مش للكرسى / والشرعيه دونها الرقاب زى مرسى كل عام وانتم بخير

اذا السيسى محضرش العبور الأول فده فها هو يقود بنفسه العبور الثانى جيش جرار من مافيا المنتفعين داخل جهاز الدوله اسمهم المستشارين ... أصدر محلب، تعليمات إلى كافة الجهات والهيئات الحكومية والوزارات بحصر عدد المستشارين ورواتبهم تمهيدا لتخفيض أعدادهم . وجاء هذا القرار ليكمل سلسلة القرارات الجيدة التي اتخذها محلب خﻼل الفترة اﻷخيرة، وهو ما أثار حالة من التفاؤل لدى اﻷوساط اﻻقتصادية، حيث أكد الخبراء على أن هذا القرار من شأنه خفض العجز في الموازنة العامة للدولة، والمساهمة في ترشيد اﻹنفاق الحكومي . ويتركز المستشارون في الوزارات كالمالية والتخطيط والتنمية اﻹدارية، ويتقاضون بما يمثل %9 من حجم الرواتب التي يتقاضاها الجهاز الحكومي بالكامل في الدولة، في ظل معاناة الميزانية العامة من عجز قد يصل إلى 230 مليار جنيه خﻼل العام المالي المقبل /2014 .2015 هذا القرار يساهم في ترشيد النفقات العامة الحكومية، حيث تتحمل الموازنة العامة للدولة رواتب نحو 20 ألف مستشار سنويًا قد تصل إلى 18 مليار جنيه . حجم اﻷجور في الموازنة العامة للدولة تصل إلى 200 مليار جنيه، أي أن المستشارين يتقاضون نحو %9 من إجمالي رواتب الجهاز الحكومي في مصر

يا رب كده جماعة المؤيدين كانوا سمعوا الموظف اللي أنا سامعه بوداني من حوالي 3 أسابيع بيقول أن مرتبه الأساسي لحد دلوقت 325 جنيه .. وبالحوافز وخلافه بيوصل 625 جنيه .. يا ترى موظف زي ده هيعمل ايه مع أسعار السلع اللي هتغلى كلها مرة واحدة مع إلغاء الدعم .. السادة الكرام اللي بيتكلموا على إن الدعم هو مشكلة المشاكل .. لازم يروحوا الأول لكده لبلاد بره .. وبما إننا عندنا السيد التونسي .. أو محمود سابقا .. كان عايش في انجلترا .. يا ريت يقول لنا المرتبات هناك كام ؟؟ يا سادة يا كرام ... قبل ما ترفع الدعم عن السلع .. وتبيعها بسعرها الحقيقي .. لازم توفر للناس الأول دخل تقدر منه تشتري السلع دي .. البنزين ده مش سلعة ترفيهية الناس ممكن تستغنى عنها .. الناس ممكن تستغنى عن اللحمة لكن ما ينفعش تستغنى عن البنزين .. البنزين اللي بيتهدر في زحمة المرور على الفاضي لو شرطة المرور اشتغلت بحق وبطريقة احترافية ممكن يوفر كل الدعم اللي عمالين يتكلموا عنه ده .. ما تجرب كده تنقل المصالح الحكومية من قلب القاهرة وتوزعها على المدن الجديدة عشان تخف الضغط على قلب القاهرة ولما الازدحام المروري هيقل .. استهلاك البنزين هيقل .. ما تفكر كده تنقل ثكنات الجيش اللي مالية القاهرة لخارج العاصمة .. عشان تخف الضغط عن قلب القاهرة .. هو ليه دايما أول مصدر لزيادة موارد الحكومة بيكون الأسعار .. في ناس بتتكلم وكأن الدعم ده منحة من الحكومة .. لا ده مش منحة من الحكومة .. لأن الحكومة بتدي مرتبات قليلة مقابل الدعم .. وطالما هترفع الدعم يبقى لازم ترفع المرتبات لنفس معدل دول الاقتصاد الحر .. إنما مرتبات دول اشتراكيه .. وعدم وجود دعم زي الدول الرأسمالية = إعدام للفقراء ومتوسطي الدخل ..

هل تعلم زميلي الفاضل ان ارباح شركة سامسونج في خلال الربع الأخير من 2010 كان 37 مليار دولار وكان إجمالي الأرباح لتلك الشركة في تلك السنه كانت بواقع 138 مليار دولار... وهل تعلم أيضا ان صادرات مصر في 2010 كانت قد قدرت بـ 150 مليار جنيه أي بحوالي 25 مليار دولار بسعره في 2010..وفقا لهذا التقرير من الأهرام http://digital.ahram.org.eg/articles.aspx?Serial=619750&eid=106 انا طبعا مش بقارن بين مصر وشركة جباره زي سامسونج بس اللي عايزين نعرفه بعد ان صدمتنا بهذا الإحتياطي.. فهل ياترى توفر هذا المبلغ نتيجة إنتاج حقيقي وصناعات تم عن طريقها توفير مثل هذا المبلغ في احتياطي الدولة...؟؟ فعلى ما اتذكر ان 2010 كانت نهاية حافله لحقبة الخصخصه الكلاسيكية في بيع العديد من شركات واصول القطاع العام المصري والتي تلتها مباشرة مرحلة إشراك الشعب في البيع المباشر الذي كان يعد له مع مشروع صكوك محي الدين... كما ان المبلغ اللي حضرتك طاير بيه ...ومعتبره إنجاز لحقبة مبارك واجه العديد من التشكيكات وذلك بفبركة جزء كبير من مبلغ الاحتياطي النقدي الذي كان يتضمن عدد من الودائع وسندات وقروض تم منحها لمصر من دول خارجية.. ولتوضيح اكثر وعلى سبيل المثال انظر في التقرير السابق إلى حجم صادرات مصر من القطن الخام... ستجد ان صادرات مصر في 2010 من القطن الخام قدر بــ 1,9 مليار جنيه... بينما كان صافي ربح شركات الغزل والنسيج المصرية في نفس السنه 100 مليون جنيه... وقس على ذلك باقي فروع الإنتاج والصناعات في عهد مبارك الذهبي وعلى أي حال انت لك كامل الحرية ان تصور "لنفسك على الأقل" انه لم يكن بالإمكان ابدع مما كان ...

حابب اوضح ان الميكروباص ياللى مسافته 15 كيلو بيستهلك بنزين ب 5`1 دلوقتى القيمه هتضاعف وتبقى 3 جنيه اجرته كانت 1 جنيه = 12 يبقى مفروض يزود الأجره ربع جنيه الحاصل انه زودها الضعف وخلاها 2 جنيه يبقى الحقيقه ان الشعب بياكل الشعب ... التريلا من الأسكندريه للقاهره يزيد على سعر استهلاك وقودها 140 جنيه لو قسمناهم على 50 طن حمولتها يبقى كل طن عليه 280 قرش على 1000 كيلو فى الطن يلقى كل كيلو عليه 28 مليم / نقول كمان ؟

الحرب القادمة ستكون ضد القطط السمان التى تحولت إلى غيلان كيلوا البطاطس بيتباع فى الغيط بستين قرش بيتباع فى الأسواق بستة جنيه حضرتك - بدون فلسفة - حتكون مع مين فى الحرب دى ؟ يعنى برضه حتتريق على الراجل اللى بيفكر فى عربيات للشباب ينقلوا بيها الخضار من الغيط للمستهلك ؟ ولا لو لقيت الجيش بينقل بعربياته برضه حتتريق وتقول ده جيش خـُضرية يا منى ؟

أستاذ باهى .. أحييك على هذه المداخلة أنا لسه فاتح الجهاز وكان فى نيتى أحكى حكاية الصباح التى تؤيد كل كلمة مما قلته حكاية الصباح ======= لسه باقول يا فتاح عليم يا رزاق كريم لقيت ام محمد متعصبة وهى بتكلم اختها فى التليفون وبتقول لها ان بتاع الخضار غلى كل حاجة بأكتر من نص سعرها بتاع أول امبارح قلت لها بصى يا ام محمد أصل العيب مش عليه .. طلع نزل هو راجل محدود التعليم وبيصدق الكلام بتاع الناس اللى قاعدة فى التكييف ونازلة مزايدة على فقر الفقراء وقلبهم يا عينى حيتقطع عليهم وهم كل همهم الميتين جنيه فى الشهر اللى حيدفعوهم فرق بنزين عربياتهم بصى يا ام محمد أنا حسبتها بطريقة سليمة غير طريقة المنجدين دول لقيت إن كيلوا أى حاجة لا يمكن يزيد نتيجة رفع أسعار البنزين والسولار عن 10 - 15 قرش حسب حمولة العربية اللى بتنقل يعنى مفروض كيلوا أى حاجة يزيد بالكتير ربع جنيه .. بصت لى كده ومصمصت شفايفها شوية وجات الست اللى بتساعد ام محمد فى أعمال البيت دخلت والتليفون المحمول على ودنها وهى بتقول للى بتكلمه طب ما تروح تشتغل على خط تانى وبلاش مع الصيَّع دول أهو خللى بالك من نفسك وخلاص إيه الحكاية يا فلانة ؟ قالت لى أخوها (عبود)بيشتغل على توك توك (بدل اللى ضاع منه فى الثورة المجيدة) لقى الراجل المسؤول عن الموقف بيسأله انت بتاخد التوصيلة اللى اتفقنا عليها ؟ (الأجرة كانت نص جنيه .. السواقين اتفقوا يرفعوها بمقدار جنيه يعنى تبقى جنيه ونص) قال له فى ناس غلابة بتبقى متأذية فباخد منها النص جنيه بس إنما اللى بيدفع الجنيه ونص من غير كلام باخد منه قال له عشان كده ناس كتير بتيجى تسأل عن عبود بقى لا ياخويا يا تلتزم ياتروح تشوف لك حتة تانية تشتغل فيها سألتها : هو عبود دفع كام زيادة فى اليوم فى التموينة بتاعته قالت لى زادت عليه التموينة 8 جنيه فى اليوم سألتها تفتكرى بيركـِّب كام زبون فى اليوم ؟ قالت لى ييجى خمسين كده قلت لها يعنى شايفة انه عدل يدفع 8 جنيه ياخدهم خمسين ؟ الست سهمت كده وقالت طب مفروض هو يزود كام يا باشمهندس ؟ قلت لها اقسمى التمانية جنيه على الخمسين راكب حيطلع 16 قرش والله العظيم سألتنى : 16 قرش يعنى كام ؟ قلت لها يعنى أقل من ربع جنيه .. يعنى لو زوِّد ربع جنيه يبقى كسبان وما خسرش راحت ماسكة التليفون طلبت اخوها : زوِّد ربع جنيه بس يا عبود يا كده يا إما تسيب لهم الموقف وتشوف رزقك فى حتة تانية تعليقى على حكاية الصباح ============== هو مش تعليق .. هو تساؤلات شايفين المنجدين النحانيح اللى بيسموا نفسهم مثقفين بيعملوا إيه ؟ شايفينهم بيفهموا الناس إيه ؟ شايفين الناس الفقرا الطيبين اللى المنجدين نازلين هرى ومزايدة عليهم لما بيفهموا بيبقى رد فعلهم إيه فى رفض المكسب الحرام ؟ بس خلاص

لاحول ولا قوة الا بالله. يااستاذ حسين .....ليه الظلم ده؟ الاجابات مكانتش سخرية ولا تخليص حسابات وتعالى شوف رد الاستاذ التونسى آهو قالك ان الانسان مخلوق من طين والجن مخلوق من نار . طيب مش انا قلت لك الكلام ده؟؟ قلت لك مينفعش . ثم. قلت لك ان اكثر الكلام ده خزعبلات ..( محدش نهائيا قال ان الموضوع حاينطبق عليك والا منطبق على وضعك ) هو فيه ايه؟ وبما ان حضرتك بتقول ( قتل بحثاااا)....طيب ياسيدى الفاضل . نور المحاورات بالابحاث اللى حصلت وزى ما حضرتك شفت الموضوع على النت وقرأته . قول لنا خرجت من كل قراءاتك ب ايه؟ اقسم لك دى مش سخرية لكنها فعلا محاولة لمعرفة ما يفكر فيه الغير . الدين لاعلاقة له بحكاية الزواج وغيره. يعنى بنفس المنطق آهو العلماء اكتشفوا ان ممكن يكون فيه اعاشة ف المريخ ....طيب نفهم من كدة بقى ان لو فيه كائنات عايشة هناك ....ممكن يتم التزاوج بينها وبين أهل الأرض ؟ حتى لو كانوا كائنات مختلفة ؟ ماهو ده نفس سؤالك طبعاااا. بلاش تاخد الامور بالشكل ده وثق اننا جميعاااا هنا اخوة ... ندخل المحاورات حتى نتحاور بكل ود ...وتلقائية ..و,بعض المرح . رمضان كريم.

مبارك هو الحل!! سليمان الحكيم يقول «لينين» لرفاقه فى الثورة البلشفية «علينا ألا نكثر اللعنات على الرأسمالية. فقد كانت الرأسمالية ثورة لما كانت عليه روسيا القيصرية».. وعلينا نحن اليوم أن نعمل بنصيحة «لينين» لرفاقه الشيوعيين فنكف عن توجيه اللعنات لمبارك ونظامه الذى أصبحت أيامه الآن وبعد ثورتين حلما ثورياً صعب المنال. لماذا ثرنا على مبارك إذن وقد كانت أحوالنا فى عهده – على سوئها – أفضل بكثير مما هى عليه الآن؟ لقد ثُرنا على وزير داخلية لم نشهد فى عهده حوادث قتل وخطف أو اغتصاب كما نشهدها الآن. وثُرنا على وزير كهرباء لم نعرف فى عهده قطعاً دائما للكهرباء أو ارتفاعاً جنونياً فى فواتيرها. وثرنا على وزير بترول لم نشعر معه بأى أزمة فى وقود السيارات أو زيادة فى أسعاره. وثُرنا على وزير مالية لم يطالبنا بدفع المزيد من الفواتير أو تحميلنا ما لا طاقة لنا به من أعباء. ربما كان هؤلاء فاسدين ـ كما يقولون ـ ولكنهم حققوا لنا الاستقرار الذى ضن به علينا الشرفاء من أدعياء الثورة. لقد أصبحنا مطالبين بالدفع من قوت أولادنا ثمناً لكهرباء تنقطع. ومياه لا تصل ووقود نتعذب للحصول عليه، وبدلاً من أن نجنى ثمار الثورة أصبح علينا أن ندفع غرامات باهظة، لأننا قمنا بها. إنها عقوبات تفرضها «حكومة الثورة» على من ثاروا. ولا يجد هذا الشعب من يحنو عليه. وإن وجدناه كان علينا أن ندفع ثمن حنوه علينا، فأصبح علينا أن نعطى بدلاً من أن نأخذ، وأن ندفع بدلاً من أن نحصل. مبارك الفاسد لم يطالبنا بما يطالبنا به الشرفاء باسم الثورة، بل كان يدللنا لنسكت، ويغازلنا لنرضى، وحين أظهرنا السخط عليه جاء من يطالبنا بدفع ثمن سخطنا، وكأنه ينتقم لمبارك منا. إذن كان علينا أن ندفع ثمناً باهظاً لنعود إلى ما كنا عليه أيام مبارك. فلماذا لا نعيد مبارك نفسه ليعيد إلينا أيامه دون غرامات أو تكاليف باهظة؟!

لأ إزاي يا مايسترو .. ينفع طبعآ ... أي بشر لو قدر ياخد تأشيرة شينجين .. ممكن يروح فرنسا .. و هناك ينزل في مطار أورلي اللي في باريس .. و باريس كما هو معروف بلد الأنس و الجن .. ينقي بقي علي كيفه ..

هم كانوا اتنين يا عبير ؟ .. أنا فاكر انى شوفتهم بيقتلوا تلات سواقين تريللات طيب قررى إذا كنتى لازم تضحكى ولا تبكى لما تشوفى الفيديو ده أنا شخصيا محتار https://www.youtube.com/watch?v=ch__hXSORkQ

لا يا استاذي الناس مش بيرموا فلوس ع الفاضي الناس عاوزين يشوفوا رؤيتك الاقتصادية مش فارقين حاجه عن صندوق النقد الدولي هم حاليا بدئوا يحسوا انك ماشي ف الطريق الصحيح فماتقلقش بس اللي اشتغل ف الخليج عارف ان القرش عندهم عزيز مش بيطلع بسهولة وسيبك من كلام الاخت الكبري والشقيقة والكلام اللي هو طق حنك

بصراحه أنا بتأرجح ما بين شرف الدين واسلام من جهه .. وما بين باهى وابو محمد من جهه اخرى ((مع حفظ الالقاب للجميع)) .. المعارضين لهم منطق مقنع .. والمؤيدين لهم منطق مقنع أيضا عن نفسى حاليا .. عقلى يؤيد ببرجماتيه قحه .. وقلبى يعارض بتعاطف جياش .. ولكن ما أستطيع قوله باختصار غير مخل أن هذا القرار هو (((((((شر))))))) لا بُـــد منه .. ومجبر السيسى لا بطل

ثانيا .. من وجهة نظر متأملة شوية .. ده مجرد عقاب بسيط بنشوفه .. لسه اللي جاي أكتر .. الحكاية إننا كان عندنا نظام فاسد ومستبد وفيه كل العبر .. كان موفر لينا الأمن والسياحة والدعم وكان سايب لنا احتياطي 36 مليار دولار مش جنيه .. احنا بقى عملنا ثورة .. لماذا قمنا بالثورة - على رأي عادل إمام .. قمنا بالثورة عشان النتائج التالية .. أمن مفيش .. بقى عندنا إسهال قنابل في الشارع .. سياحة .. من 15 مليون سائح عام 2010 .. يعني مش عارف العدد السنة دي ممكن يكون كام 2 ولا 3 مليون بالكتير .. دعم .. خلاص هيتلغي قريب قوي .. وبدون ما نرفع المرتبات .. والاحتياطي ببركة الله بقى 15 مليون .. دي النتائج العظيمة لمجيدة ... عيش - حرية - أسعار .. صحيح .. بخصوص الحرية ما حدش يقولي .. تعليقا بقى على القرار .. هل يا ترى الحكومة قبل ما تاخد قرار زي ده فكرت في نتايجه .. ناس كتير بتقولك إن الدعم ده بيشل الحكومة وبيرهق الاقتصاد .. ماشي أوكي .. تعالوا نشوف الدول الحرة .. اللي اقتصادها حر .. مرتبات الموظفين كبيرة جدا .. ومفيش دعم .. احنا بقى في مصر بندي الموظفين مرتبات قليلة .. ومقابل كده بنديهم خدمات مدعومة .. يبقى اللي جاي من الحكومة على أد اللي الحكومة هتاخده .. لكن يا ترى يا هل ترى .. لما تيجي ترفع الدعم ده .. المفترض أولا .. إنك تسبقه برفع المرتبات .. عشان توفر للناس فلوس تعوض فرق الميزانية بتاعتها لما الأسعار تغلى نتيجة رفع الدعم .. لكن دلوقت .. مفيش زيادة في المرتبات .. وفي زيادة في الأسعار .. طب ناتج عن كده ايه .. إن معاناة الناس هتزيد .. مين هيحس بالمعاناة دي .. هل واحد مثلا زي عادل إمام بياخد 35 مليون جنيه في المسلسل الواحد .. ولا واحد مثلا من المحظوظين اللي بيقبضوا بال 15 وال 20 ألف في الشهر .. ( ودول جوه الحد الأقصى اهه ) .. لا دول مش هتفرق معاهم الزيادة الجديدة في حاجة.. اللي هتفرق معاه موظف غلبان مرتبه بالكتير 1000 أو 1500 جنيه في الشهر .. وعنده أسره بيصرف عليها .. لازم نلاحظ كلنا إن رفع أسعار الوقود مش معناه رفع أسعار المواصلات بس .. ده معناه رفع أسعار كل حاجة .. كل حاجة الوقود بيستخدم في تسويقها .. سعرها هيزيد .. ودايما الحلقة الأضعف هي الحلقة الأخيرة .. حلقة المواطن .. لأن كل واحد هيحمل الزيادة الناتجة عن تمن النقل على الحلقة اللي بعديه لحد ما توصل الزيادة للمواطن .. اللي هو الحلقة الأضعف .. خد بقى عندك مواد غذائية .. خد بقى عندك مواد بناء .. وكل ما شابه .. ده طبعا غير رفع أسعار الكهرباء اللي هي أساسا بتقطع في اليوم حوالي 5 مرات .. طب الحكومة تجيب منين ... ده سؤال مهم جدا .. أولا عايزين نسأل الحكومة .. هي حكومة أولا اشتراكية ولا رأسمالية ؟؟ أصل بصراحة الرقابة على الأسعار وتحديدها وفرض ضرائب خاصة على رجال الأعمال دي من سياسات الحكومات الاشتراكية .. أما رفع الدعم فده من سياسات الرأسمالية .. فدلوقت يا ترى احنا تبع ايه بالتحديد ؟؟ هل فرض ضرايب على رجال الأعمال ده هيحل مشكلة .. الحكومات الرأسمالية اللي مش بتدي دعم بتعمل تسهيلات مذهلة لرجال الأعمال عشان استثماراتهم تزيد .. مش بتفرض عليهم ضرايب زيادة عشان هما كمان يطيروا بفلوسهم بره البلد .. ليه مفيش سياسة الترشيد .. يا ترى مواكب السادة الوزراء هتتأثر بسعر البنزين الجديد .. يعني مثلا عدد عربيات الموكب هيقل .. ولا هيفضل زي ما هو .. ولا يا ترى السادة الوزراء هيستجيبوا لنداء الرئيس بالذهاب إلى العمل بالدراجة ؟؟ يا ترى هل سياسة الترشيد تتفق مع قلادة النيل اللي عمالة تتفرق يمين وشمال عمال على بطال .. ولمن لا يعلم قلادة النيل دي تعني 60 ألف جنيه شهريا مدى الحياة معفاة من الضرائب .. وليس لها علاقة بأي مصدر دخل تاني للشخص .. يعني مثلا قلادة النيل اللي أخدها الرئيس الصوري عدلي منصور دي .. وقبله الببلاوي .. وقبلهم ناس تانية .. هتدي لكل واحد فيهم 60 ألف شهريا .. ده غير مصدر دخله الأساسي .. يا ترى هل سياسة الترشيد تتفق مع ده ؟؟ يا ترى هل سياسة الترشيد تتفق مع إسهال المسلسلات اللي عمال يتعرض طوال رمضان بأجور فلكية أكاد أجزم إنه لو تم تجميعها .. فهي هتعوض جزء من عجز ميزانية السنة دي على الأقل .. وازاي عايز الناس تنام بدري عشان توفر كهربا وتصحى تروح الشغل من بدري بينما المسلسلات والبرامج شغالة 24 ساعة متواصلة .. هل يا ترى الحكومة عاجزة عن ترشيد البند ده .. ولا مش عايزة أصلا .. وختاما .. هل الناس انتخبت السيسي عشان يزود عليها الأسعار .. في النهاية .. مفيش فايدة .. دي أصدق جملة اتقالت في التاريخ المصري .. واللي بعدها علطول جملة ( دي مصر يا عبلة ) .. كانت كده وهتفضل كده .. ولازم نتوائم .. لأن لا النواح جايب فايدة ولا النقد والزعيق جايب فايدة .. السهم نفد خلاص ..

الخطأ مش فى النظرية .. أكيد الخطأ فى التطبيق :) اللى بقولك عليه ده يا أستاذ عادل شيئ بيُطبق فى الصناعة وبالذات فى صناعة المدافع لما بيعملوا تبطين لمواسير المدافع بيبردو الماسورة الداخلية ويسخنوا الماسورة الخارجية ويدخلوهم فى بعض بعد شوية تبرد الخارجية وتنكمش وتسخن الداخلية وتتمدد والجن الازرق ما يفصلهمش بيقولوا عليه Shrink fit .. بالبلدى بيدخلوهم فى بعض "شحط" إنت بس تلاقيك نقعت الفنجان زى ما قالك التونسى .. دى عملية قليلة الكفاءة إسمع كلامى وافتح حنفية المية السخنة على الفنجان اللى جواه الكباية ام تلج وماتخليش المية السخنة تيجى على الكباية الساقعة ممكن تلفها بفوطة مثلا واصبر شوية .. وأثناء التسخين حاول تفصلهم بس بحنية

إنقع الفنجان فى ميه سخنه .. وبستحسن لو فيها بعض من الصابون السائل بين الفنجان والكبايه .. مع بعض التحريك الخفيف والحذر .. واللى شبكهم ان شاء الله يخلصهم مع الاعتذار لحليم

أستاذ عادل إفتح صنبور الماء الساخن واجعل الماء ينساب على الفنجان دون الكباية سيتمدد الفنجان بمقدار لا تحسه بعينك المجردة ولكنه كاف - بإذن الله - لفض الاشتباك :)

وصلت مع الشكر يا أستاذ باهى :) أصل انا حاتجنن من الناس اللى فاكرين انهم ملوك الصنعة دول زيهم زى السباك والنقاش والكهربائى اللى بيكلموك من طراطيف مناخيرهم الدنيا مش بتقف على حد حتى أعظم العظماء توفاه الله وانتشر دينه فى غيابه أكثر مما انتشر فى حياته على فكرة إسألنى أنا .. أكثرهم بالونات منفوخة هوا .. زفير

لقد وصلت للحد الأقص للنقاط الإجابيه لهذا اليوم ادى الله وادى حكمته

هم الـ 42 ألف واللى مش عاجبه وشايف إن البلد حتقع من غيره يتفضل على بلاد بره ويوسع مكان للى تحت منه هناك حيلاقى اللى يقدره ويديله الملايين NO ONE IS INDISPENSABLE وبالعربى لو دامت لغيرك ما وصلت إليك

لسيسي: نحن في حالة حرب داخليًا وخارجيًا ولابد أن نتكاتف منذ 5 ساعات | كتب: المصري اليوم قال عبدالفتاح السيسي، رئيس الجمهورية، إننا في حالة حرب داخليًا وخارجيًا، وعلينا كمصريين أن نتكاتف من أجل تحقيق مصلحة البلاد العليا، ومواجهة المخاطر التي تهددنا. وأشار إلى أن رئيس وزراء دولة مجاورة قال قبل أشهر إنه يجب أن يعاد تقسيم المنطقة، في إطار سايكس- بيكو جديد، ونحن كنا من الدول المرشحة للتقسيم. وأضاف الرئيس في لقائه مع رؤساء تحرير الصحف صباح اليوم، أن ما تفعله داعش في العراق كان من الممكن أن يحدث في مصر لو أن ثورة 30 يونيو تأخرت شهرين أو ثلاثة، مضيفًا أن علينا أن نعرف أن هناك دولًا تم هدمها باسم الدين مثل أفغانستان والصومال وغيرهما.

انا اللي مضايقني ان الخمره ارتفعت 200% الناس هتلاقيها منين ولا منين بس يا ربي؟؟؟؟

حبيبي ،الي بتكلم معاه من قلبي دون تكليف هنقعد نتناقش انا وحضرتك لرمضان الجاى زي موضوع ليلة القدر وممكن الردود توصل 1000 وتضطر الادارة حذف الموضوع برمته لعدم وجود صفحات شاغرة وفي النهاية كل واحد منا سيقف على رأيه او يتدخل ابو محمد لفض الاشتباك الفكري . سعادتك شايف ايه ؟ نفض الاشتباك ولا هدنة يعقبها اطلاق الردود ؟

مختلفناش سيدى الفاضل وفاهمين كويس النقطه دى .. المهم هنا بقى .. هل الحكومه لها دور فى الرقابه على الاسعار والاجره الخاصه بالنقل بكافة أشكاله .. والا حتسيب المواطنين منهم للسواقين والبياعين يبيعوا ويشتروا فيهم !!!؟ فين دور الحكومه هنا !!!؟ مينفعش نسيب الناس كده تواجه لوحدها الجشع والاستهبال وقلة الضمير .. لا بد من خطوات تنفيذيه رادعه على الارض .

مبارك.... غلطته الكبيره عدا العك بتاع آخر 10 سنين كانت... إستمرارالدعم!! بدأ أيام عبد الناصر.... و كبر فى أيام السادات .... و أستفحل أيام مبارك. كله علشان الطبقات الفقيرة الأشد فقرا... و المواطن البسيط و الغلبان... و كان كله كلام فارغ... ولا المواطنين المدعومن رضوا ولا شكروا ولا إستكفوا و لن يفعلوا... و لا تنميه طبعا ... فرح الشعب أوى بكلمه مبارك و الوزراء أيامه..... (( لا مساس)) ... يا سلاااام... و عاش الشعب ياكل فى أته محلوله... و يزيد الدين و العجز و النيله الإقتصاديه ؟؟ ما يهمش؟؟ حمل يكسر الظهر.. ما يهمش برضه... يا جماعه... إحنا رجل هنا و رجل هناك.... طيب و مصر يا شعب رايحه على أى منزلق... طيب و عيالنا مش حيلاقوا اللى يسلفهم ولا اللى يأكلهم.... لا حياه لمن تنادى!!! أصيب الناس بالغباء فلا يعقلون... و أصيبوا بالطرش.... فلا يسمعون... و بالعمى فلا ترى الغالبيه الهوه السحيقة اللى داخلين عليها. خطوه تأخرت كثيرا... و أن تحدث دلوقت أحسن من أن تحدث بعدين أو لا تحدث أبدا... أما التوقيت فبعيد عن أحلام و أوهام اليقظه - بالتأجيل لحين حدوث تحسن ما - لن يكون و لا يوجد وقت أحسن أو مناسب ليخسر الناس مزايا حتى لو مش محتاجين لها.... أأيد مليون فى الميه رفع سعر البنزين.... و أأيد تحديد ما لا يزيد عن 250 لتر شهرى بالسعر الحالى لكل سياره و ما زاد يكون بالسعر التجارى الكامل مع هامش ربح عالى للسيارات أقل من 1800.... أما ما زاد عن تلك السعه فلا دعم له ولا بمليم... و اايد رفع سعر الكهرباء للوحدات السكنيه التى يزيد إستهلاكها عن 600 كيلوا شهرى للبيع بالسعر التجارى مع هامش ربح واسه لصالح صغار المستهلكين.... و الله المستعان.

جمال عبد الناصر لما حاول يطبق العدالة الاجتماعية حاربوه الحيتان زى ما بيحاربوا السيسى دلوقت أنا لا أعتقد إن السيسى حيتبع نف سياسة عبد الناصر أنا شايفه أعقل وأحكم من عبد الناصر عمل إيه عبد الناصر اتخذ قرار سليم ولكن بغباء طبق ضرايب تصاعدية وصلت إلى 90% على من يكسب أكثر من 10 آلاف جنيه وبكده قضى على كل تنمية ممكن يقوم بيها القطاع الخاص أو على الأقل كتفها لعبوا بديلهم راح مأمم كل الأعمال حتى شركة كايرو فون بتاعة محمد فوزى وسماها صوت القاهرة وبدأت الحكومة تعمل كل حاجة .. تبيع خضار وفراخ حتى عجينة الفلافل لا أعتقد إن السيسى حيعمل كده فاكرين أيام الدعاية الانتخابية لما اتكلم عن موضوع العربيات الصغيرة اللى قال ان الشباب ياخدوها يشتغلوا عليها ينقلوا الخضار من الغيط لبتاع الخضار أيواااااااا .. العربيات اللى الناس المرضى بإسهال "السخرية اللا إرادية" إشتغلوا عليها شوية ايام على الانترنت أعتقد إنه كان بيفكر وقتها فى اللى حيحصل كرد فعل لفتح ملف الدعم خلونا ننتظر ونشوف الحرب فيها هجوم ودفاع لوقف الهجوم وتثبيته .. وبعدين هجوم مضاد المهم حضراتكم أيها السادة المثقفون .. حتقفوا فى أى جانب ؟

عشان تعرفوا اننا وطنيين جداااااااااااا وبنجب بلدنا واخرنا بس شعارات واغاني اتفضلوا : إضراب في «البنك الأهلي» اعتراضًا على تطبيق «الحد الأقصى»أغلق موظفون بالبنك الأهلي أبواب الفرع الرئيسي للبنك بشارع شريف في وسط القاهرة، اليوم الأحد. ومنع الموظفون العملاء من إنهاء أعمالهم داخل فرع البنك، معلنين دخولهم في إضراب عن العمل،لحين اعلان حركة ترقيات ،واعتراضًا على قرار الحكومة بتطبيق الحد الأقصى للأجور. وفي الوقت ذاته احتشد عملاء البنك أمام مقر الفرع في انتظار تدخل مسئولين لفض الإضراب وقضاء مصالحهم. ما رايكم ياساده ده ارهاب ولا مش ارهاب وده استعباط ولا مش استعباط والله لو عليا اقول لهم الل يمش عاجبه يغور ف ستين داهية قال كفاءات بامارة ايه ؟؟؟؟ الكل شايف الخدمات البنكية ف مصر متخلفه جدا واللي عايش ف الخليج او ف اي دولة طبيعية شايف الفرق ولا هنكابر ونقول ان الخدمات ف مصر البنكية ممتازة انا بتكلم عن ما يتربط بتكلوجيا المعلومات البنكية اكيد اللي سافر بره مصر شايف الفرق نفسي الكفاءات ده تغور ويرويحونا بقى

فعلاً.. هذا الشعب لم يجد من يحنو عليه حمدي رزق صدقت يا سيسى، الشعب المصرى تعرض للظلم ولم يجد من يحنو عليه، وعلى رأى شويكار: «أنت القلب الكبير»، وجالك قلب تستمع لمستشارى السوء وترفع أسعار البنزين والكهرباء فى آن، طيب مرة كهرباء، ومرة بنزين، اثنين فى واحد، صعب، كتير، الرحمة. فاكر يا رئيس وصف فؤاد المهندس لأفندينا: «بحكمتك تختال علينا»، والحكمة تقول القرار الصحيح فى التوقيت الخاطئ يساوى قرارًا خاطئًا تماما، الناس روحها فى مناخيرها من انقطاع الكهرباء، تطلعوا روحها برفع الأسعار، عندما يخوض القائد حرباً ضروساً على جبهات، الإخوان، والفاسدين، وجماعة الحد الأقصى، ولوبى البورصة، وبارونات الإعلام، يجب عليه تسكين الجبهة الداخلية أولا، استصحاب الظهير الشعبى، ليس تحييده وإخراجه من المعركة عمداً مع سبق الإصرار وزيادة الأسعار. ليس هكذا تورد الإبل، ضرائب تصاعدية يجوز، خذ من أموالهم يجوز، تبرعات فضائية يجوز، والله الغلابة سارعوا حباً بالتبرع بحق النشوق، لكن الأسعار نار، خط أحمر، الناس تعبانة، الشعب يحتاج إلى من يحنو عليه، ويعولون عليكم، وكما قال فؤاد المهندس لأفندينا ساخرا: «أنت نعمة وإحسان»، وأقول لكم جادا: لماذا تغامر بحب الناس؟!.. لماذا تبدد رصيدا شعبيا هائلا؟!.. لماذا تشمت فينا اللى يسوى واللى مايسواش، الإخوان الكذابين انتشروا كالجراد الأسود يعيروننا، يقولون لنا- ولا أخفيك- كائدين، اشربوا.. ولسه!! يرضيك ما نحن فيه، حكومة مقاولى الباطن لا ترى سبيلا لزيادة الدخل القومى سوى حلب الفقراء، ليس فى الضرع حتى شربة ماء، أتسمع ما نسمعه، سخام مثل وسخ الودان، زيادة أسعار البنزين أطلقت علينا ألسنة حدادا، ويجاهرون بالقول، حتى الخُرس منهم نطقوا مهللين فرحين، باتوا مغتبطين، إنهم يكيدون كيدا. «كان علينا من ده بإيه»، نعلم أن الظرف الاقتصادى دقيق، ولكن البيت يخلو من الدقيق، القدور تغلى بماء قراح، من أشار عليكم بالأسعار لا يريد أن يتعب نفسه، سياسة من دقنه- دقن الفقير- وافتل له، سياسة خرقاء، لا يريد أن يبتكر، لا يريد أن يتحرك طوليا وعرضيا لزيادة الدخل القومى، اختار أسهل الطرق وأخطرها، زيادة الأسعار. عقلية مقاولى الهدد لا تنعش اقتصادا يتنفس صناعيا، لم يعطوا لأنفسهم حتى فرصة للسيطرة على الأسواق، وقال إيه «كلمة شرف» مع الميكروباص!!. لا أستطيع هضم الزيادة سياسيا، هناك من يخطط لهدم البيت، ينخر فى أساس الشعبية، فأر أسود يعبث فى الظلام، تحت تهديد العبوات الناسفة، ومشاهد الدماء النازفة، تستنزفون قدرتنا على المقاومة، يا ريس الناس حزانى وداخل عليهم عيد، وأنت عارف وخابر شعب حزين ولد حزينة، لا يجد من يحنو عليه.

غلق بلاعة الأفواه الجائعة التي لا يتحمل الأهل مسئولية تربيتهم و يدفع الوطن كله مصاريفهم المجانية .. هو اول الطريق لنقف علي أرجلنا مرة أخري .. تزايدنا المرعب الذي يتضاعف اكثر من مليون سنويآ هو القنبلة التي يجب ان ننزع فتيلها في اسرع وقت ... كل المحاولات في هذا الصدد باءت بالفشل حتي الآن منذ اعلانات حسنين و محمدين ... اذن الحل هو العثور علي وسيلة فعالة دون الإصطدام بالدين بالطبع ..

وده علاقته ايه بالموضوع يا مان ؟ ,, أساسا مقترحاتها دى تصطدم بشريعة الدين الاسلامى وحتى المسيحى ايضا ((فى موضوع تحديد النسل)) .. والموضوع ده لا يصطدم بالدين فى الصين لانها دوله شيوعيه ... سيبك من الاستاذه فاطمه وأفكارها الشمال دى الله لا يسيئك عشان الموضوع ميتفرعش ... حقيقى أحب أعرف وجهة نظرك فى موضوع رفع اسعار الوقود

واضح إنه مش ساهل وعارف يتخذ القرارات الصعبة امتى بيتخذ القرارات الصعبة وهو فى قمة شعبيته الكاسحة قبل أن تتأثر تلك الشعبية بمحاولات نشر الإحباط وتكسير المجاديف وحرب المزايدات على فقر الفقراء

فيه حد عاوز يفهم حجم المشكلة ؟ هذه الدراسة تجيب على سؤال : "هل حسب السيسى توابع اتخاذه هذا القرار ؟" بسؤال آخر أهم من هذا السؤال : "هل حسب المعارضون توابع عدم اتخاذ القرار ؟" يا ترى مين له صبر يقرا ويفهم ؟ طبعا حكاية التبرعات دى واضح انها مش لاقية الاستجابة المرجوة بل العكس هو الصحيح بعض رجال الأعمال يقودون حملة مضادة ستكشفها الأيام القليلة القادمة ميراث مصر من الديون .. يهدد مستقبل الاجيال القادمة

مضحكات مبكيات لولا أن المجال لا يسمح لقمت بارفاق فيديو حقيقي عن رجلين تم قتلهم بالرشاشات بعد أن تم سؤالهم عن عدد الركعات و الآذان!!!!

دواعش فلسطين http://youtu.be/vJjdoVlRvrw

اي زيادة في اسعار السلع عديمة المرونة سيؤدي الى حتمية زيادة باقي اسعار السلع الاخري المرنة منها وعديمة المرونة بنفس نسبة زيادتها وبتطبيق هذا المبدأ فلدينا زيادة في اسعار الوقود بين 40 الى 75 % وبالتالي ستزيد اسعار باقي السلع بين هاتين النسبتين وبمتوسط زيادة حوالي 55% وفي ذات الوقت قامت الحكومة بزيادة المرتبات الزيادة المعهودة سنويا وهي 10% واصبح لدينا فرق سيدفعه المواطن العادي من جيبه يتراوح بين نسبة 45% وسيشعر بها المواطن العادي ليس بعد وقت طويل ولكن في وقت قصير جدا مع العلم ان هناك مصادر اخرى كان يمكن للحكومة اللجوء اليها لتحصيل هذه الوفورات مثل احكام ا لرقابة على الضرائب وسرقة التيارالكهربائي وتخفيض البذخ الحكومي سواء في الداخل اوالخارج مثل تخفيض البعثات الرسمية والتي تنهب الجزء الاكبر من الانفاق الحكومي وكذلك الغاء الدعم على المصانع ومش كل مرة المواطن الغلبان هواللي يدفع الفاتورة ويفضل يدفع ويدفع لغاية ما مصارينه تطلع لان لو فضل الوضع ده على كده مش هايبقى امامنا الا رغيف العيش والمقررات التموينية والغاء الدعم على التعليم والصحة وبكده يتم النتقام من الشعب اللي فكر في يوم انه يعمل ثورة وانه يجب ان يدفع ثمن غلطته في حق اسياده

مؤيد وعارف انه الدواء المر وكنت عاوزه من ايام الرئيس مبارك ومن ثم ايام الدكتور مرسي واختلف مع الرئيس السيسي ف قرارات لكن معه ف هذا القرار لكن ان لا تكون خطة مواجهة العجز فقط ع الدعم اتمنى ان يكون هناك رؤية عامة للاقتصاد المصري وكم أتمنى من الرئيس السيسي ان يكون هناك حوار مجتمعي يجعل المواطن يفهم ويعرف ف ايه بيحصل

ما تسمعش كلامه يا أستاذ عادل .. بيورطك وعايزك تكسر الفنجان السينييه :) إوعى تخلى المية السخنة تلمس الكباية بالعكس حط فيها مية ساقعة وعلى الفنجان مية سخنة إيه نسيت اللى خدناه فى تانية إعدادى يا شاعر ؟ :) بلاش علم المدارس .. علم سعيد صالح اللى بيقولك تتمدد بالحرورة وتتبربر بالبرورة يا راجل

انا` صاييييم اهئ اهئ http://youtu.be/h-T2GgjQptM

الفاضلة/الأدارة (و كل ناسها) يعين الله بصراحة شغلاااانة مؤرقة و مسؤلية مش كل-كتف-يرتاح لها .

الاخت الفاضله يعني انا لو نازل اجازه شهر اروح اركب جمل وبكدا الحمد لله يكون التاشيره انتهت وانا ماشي في الصحراء نحن الان مشاء الله في القرن 21 المفروض يعملو شبكة قطارات عالميه زاي شبكة اوربا القطار بيمشي سركة 500 كليو في الساعه تقولي انتي نرجع للبديه المفروض تكون جميع الدوله العربيه مربوطه بشبكة قطارات

هل تتكلمين بطريقة جادة ؟ هل تعنى فعلا العودة لإستعمال الحمار و الحصان أم هى مجرد نوع من الفانتازى يعنى فعلا أنتى تعتقدى فى ذلك أم تريدين القول بإعادة الحسابات الإقتصادية بين الحين و الآخر و أخذتى فكرة العودة للحصان و الحمار كنوع من المحسنات الصحفية ؟