لوحة القادة

ما اصعب ان نسير على جسر من البشر لنصل الى مأربنا .. حقير ان يكون من الاشلاء .. ذاك ما يحدث فى غزة الان .. اصبحنا فى مصر الان نتخذ صراع طرفى الخيط .. فريق يحمل الطرف الحاكم المسؤلية .. فريق يتهم حماس .. لا احد يريد ان يرى الحقيقة الضائعة .. مرسى باع جزء من سيناء .. فجأة مرسى ذهب ادراج الرياح .. لكن هناك عقد بيع لابد من تنفيذه بالذوق او بالعافية .. فشل الذوق .. اذن لى الذراع هو الطريق استغلالا لقلب المصريين المرهف .. صناعة حرب وقودها اطفال .. تأجيج الشارع المصرى لينادى بفتح المعابر .. فجأة سيناء وطن فلسطينى قضية انتهت .. عملية البيع تمت بنجاح .. الثمن فى جيب خيرت الشاطر .. كده اشترينا العتبة الخضرا

واخد بالك يا أستاذ طارق من التصريح ده ؟ هو ده بقى حل جميع الألغاز اللى الناس بتضرب فيها أخماس فى أسداس المشكلة يا حضرات أنه بعدما سمى "اتفاق المصالحة" لم تعد لحماس حكومة "رسمية" فى غزة وبما إن العقيدة الإخوانية هى "يا نحكمكم يا نطربقها على دماغ اللى خلفوكم" فإن الهدف الأساسى لنضال حماس ابتداء من اختطاف 3 شبان اسرائيليين مرورا بإطلاق الصواريخ التى تحدد ميعاد إطلاقها مقدما على الجزيرة هو "حنطرقها على دماغ اللى خلفوكم" عشان نرجع نحكم غزة تانى

ماهم هايكلو لحمة ومش هايلاقو زيت او ياكلو فراخ ويستغنو عن السكر واحمد زي الحج احمد ومفروض نوضح انه كل اسرة لها مجموعة من النقاط ومحسوبة على نسبة الدعم المستحق لكل اسرة ياخدهم زيت ياخدهم لحمة ياخدهم رز المهم انه في الاخر لن يحصل على ازيد مما تساهم به الحكومة من دعم انا في اعتقادي ان الحكومة بهذه الحركة تنشط سوق المجمعات الاستهلاكية اللي تقريبا مش شغالة بعد ظهور الهيبرات والسوبر ماركت الكبرى وفي ذات الوقت لم يستطيعو مواجهة هذه القلاع بفكر الستينات والبون والكوبون وايضا جمود الاسعار وزيادتها لانها محملة باعباء العواطلية الموجودين في تلك المؤسسات وعندك مدير عام ومدير ادارة ومدير قسم ومدير بقالة ومدير جزارة والعواطلية دول يجب ان تحمل مرتباتهم على السلع البايرة ولازم تبقى اسعارها اكبر بكثير من اسعار الهايبرات ولابد من تشغيل هذه المؤسسات وبردو احنا اللي بندفع مرتبات العواطلية اللي بتعمله الحكومة ده في مصلحتها لاني مؤمن ايمان تام ان الحداية ماترميش كتاكيت

اول خطوه هو انك تقنع القياده السياسيه ان فيه خلل فى المعادله اللى بتعبر عن علاقة الشرطه بالشعب .. وتفهم القياده دى ان المعادله دى محتاجه تتظبط .. القياده السياسيه هنا ممثله فى السيسى طبعا ولا احد غيره .. هو اللى فى ايديه جزء كبير من حل الاشكاليه دى بحكم منصبه وشعبيته وشخصيته .. واول شئ لازم يبعد الشرطه تماما عن السياسه عشان ميغلطش غلطه سابقيه .. ويمنع دخول اكاديمية الشرطه عبر الواسطه والرشوه.. لازم الدافع للالتحاق بالشرطه يكون دافع وطنى بحت ((وليس بحثا عن سبوبه او نفوذ او جاه أو فشخره))

لا تعليق

عشان بس منتوهش مع بعض إركن موضوع رجلين الفراخ ده على جنب الله لا يسيئك .. ابو محمد العزيز ..ركز معايا .. وخلينا((( محددين))) .. احنا ذكرنا موضوع التموين ردا على ارتفاع اسعار الوقود .. حضرتك بتقول او بتعتقد ان رفع الدعم عن الوقود بيقابله تحسن او زياده فى الدعم التموينى .. واسلام قال وانا بقول ان الكلام ده مش صحيح .. بل يمكن الدعم يكون قل اصلا عن الاول .. وحوضحلك تانى .. مع انى انا اللى مش مفروض اوضح .. دعم الاسره المكونه من اربعة أفراد هو 15 جنيه فى اربعه .. يعنى 60 جنيه للاسره .. يعنى لو انت اشتريت فى الشهر سلع تموينيه ب 500 مثلا .. حتدفع منهم 440 جنيه .. تخيل بقى الاسره دى بتركب مواصلات .. وقول الزيادات على المواصلات ((وحعمل اهبل وعبيط ومن بنها)) زادت نصف جنيه ((رايح جاى لمواصله واحده بس )) لكل فرد فى الاسره .. يعنى 2 جنيه فى اليوم يعنى 60 جنيه فى الشهر على أقل اقل أقل التقديرات .. 60 جنيه زياده فى المواصلات اللى هى تساوى قيمة الدعم الحكومى التموينى وكانك يابوزيد ما غزيت .. اذن نستنتج ان رفع الدعم عن الوقود لم يقابله تحسن فى الدعم التموينى ..ماكنت ساكت ومصهين يا مان لازم تفتحنى .. ومع ذلك بكل تجرد ولمصلحة الوطن بقلك رغم تلك التحفظات انا موافق برده على رفع الدعم عن الوقود .. وموافق على اى اجراءات اخرى قاسيه تصب فى مصلحة البلد .. بس من غير ما حد يشتغلنى وياكلنى البلوظه ... ولو حبلعها .. حبلعها بمزاجى

محتاجه وقت بس مش مستحيلة يعني انا شايف ان دول الخليج رغم انها حالة لا يمكن مقارنتها بمصر لكن انا شوفت ف الكويت والامارات والسعودية وقطر تعامل رجل الامن مع المواطن او المقيم الى درجه كبيرة محترم وطبعا ف الغرب بدرجه ممتازة ، نروح نسألهم مش عيب

اشاعة يا أستاذ عادل .. حاجة زي دي مش ممكن تحصل في كاس العالم ابدآ مع كل الوسائل التقنية الطبية لمراقبة تناول عقاقير او منشطات .. نفس اللي الإشاعة اللي طلعت عن لاعبين اورجواي لما كسبوا الطلاينة .. فريق البرازيل الحالي مش علي قد سمعة الكورة البرازيلية المعروفة .. و خصوصآ انهم وصلوا لكاس العالم من غير اي تصفيات كونهم الدولة المضيفة .. امبارح مثلآ مع هولندا خسروا المركز التالت ... نفس المستوي الهابط و نفس الدفاع اللي كله شوارع مفتوحة .. و شالوا تلاتة ... بقول لحضرتك كإن الزمالك هو اللي بيلعب .... شكل مرتضي منصور شايلهم سيديهات هما راخرين !!!

http://www.youtube.com/watch?v=DUFh2clAnU0

تساؤلات ضاحي خلفان مشروعة جدا وعلى أولئك القاطنين في فنادق قطر أن يبدأوا هم أولا بالدفاع عن إخوانهم بدلا من الاكتفاء بعرض المشاهد الكربلائية لنا وفقط وعلى قطر نفسها التي تسببت في قتل الكثير من المسلمين أن تتسبب ولو مرة واحدة في قتل إسرائيلي واحد وعلى ذلك الوغد الحنجوري الممثل قردوغان أن يرينا موقفا رجوليا حقيقيا وليس تمثيلا في هذه الأزمة بدلا من التواري والاختباء الجيش المصري اللي قالوا فيه كل ما في الخمر أظنه يفهم جيدا اللعبة القذرة أو الورقة الأخيرة بعد أن فشلت معه كل الأوراق

تمام فعلا والحل هو اننا مانقدمش اي مساعدة من خلال المعابر ولا نسمح بعبور اي جرحي نفس الفكرة بالضبط ان حماس عميلة لاسرائيل وف نفس ذات الوقت اسرائيل بتضرب غزة ومحمد مرسي متخابر مع حماس ومع اسرائيل ومع امريكا كل ده ف نفس ذات الوقت clwn:

معلش سؤال و خدوني على قد عقلي هو الطريق للقدس المحتلة يمر بمعابر رفح ؟؟ حد شاطر في الجغرافيا يفهم " حماس" ان القدس في اسرائيل مش في مصر يقولوا لك الخطر الشيعي من ايران يقوموا يقتلوا شيعة العراق و الخطر الصهيوني في اسرائيل يقوموا يقتلوا السوريين مفيش دكتور عيون يعالج حالة الحول المزمنة دي يا ناس؟؟!!!

أهم 10 أحداث تاريخية تزامنت مع رمضان : 1) الدولة الأموية في الأندلس في 15 رمضان 138هـ الموافق 20 فبراير 756 م عبَرَ عبد الرحمن الداخل المعروف بـ (صقر قريش) البحر إلى الأندلس ليؤسس دولة إسلامية قوية وهي الدولة الأموية في الأندلس. 2- غزوة بدر الكبرى في السابع عشر من شهر رمضان في السنة الثانية للهجرة وقعت غزوة بدر الكبرى، التي أطلق عليها القرآن الكريم “يوم الفرقان”، وهي أولى المعارك المهمة في التاريخ الإسلامي، حيث كان عدد المسلمين فيها ثلاثمائة وثلاثة عشر رجلاً، وعدد الأعداء تسعمائة و خمسين رجلاً. 3- فتح مكة في العشرين من شهر رمضان المبارك في السنة الثامنة للهجرة كان فتح مكة 4- معركة حطين في 26 من شهر رمضان المُبارك الموافق للعام الميلادي 1188، كانت موقعة حطين بقيادة السلطان الناصر صلاح الدين الأيوبي، والتي أنهت الوجود الصليبي في المشرق 5- فتح أنطاكية في الرابع من رمضان من عام 666 للهجرة ( 1268 ميلادي) نجح المسلمين بقيادة الظاهر بيبرس في استرداد مدينة إنطاكية من يد الصليبيين بعد أن ظلت أسيرة في أيديهم 170 عامًا 6- معركة بلاط الشهداء في اليوم الثاني من رمضان عام 114 هجرية حدثت معركة بلاط الشهداء الشهيرة، وقد اشتعلت هذه المعركة بين المسلمين بقيادة "عبد الرحمن الغافقي" والفرنجة بقيادة "شارل مارتل"، وقد وقعت في منطقة بواتييه الفرنسية، وكان من اهم نتائجها انها أوقفت المد الاسلامي إلى كل اوروبا . 7- معركة عين جالوت في 25 رمضان 658هـ خرج سلطان مصر سيف الدين قطز من مصر على رأس الجيوش المصرية وذلك لملاقاة جيش المغول الرهيب في معركة عين جالوت و انتصر فيها المسلمون انتصاراً ساحقاً و أدت المعركة لانحسار نفوذ المغول في بلاد الشام وخروجهم منها نهائياً وإيقاف المد المغولي . 8- معركة عمورية في السادس من شهر رمضان سنة 223 هـ، جهز الخليفة العباسي المعتصم جيشاً لحرب الروم استجابة للصرخة الشهيرة لإحدى النساء المسلمات (وامعتصماه) حيث حاصر عمورية الى أن سقطت و دخلها المسلمون في السابع عشر من رمضان . 9- حرب أكتوبر أو حرب العاشر من رمضان في العاشر من رمضان المبارك الموافق للسادس من أكتوبر 1973 شنت كل من مصر وسوريا الحرب على إسرائيل و عبر الجيش المصري قناة السويس محطما خط بارليف . 10- وقف تصدير البترول الى الولايات المتحدة و أوربا في 24 من رمضان 1393هـ الموافق 21 من أكتوبر 1973م قامت كل من الكويت وقطر والبحرين ودبي باعلان وقف تصدير بترولهم نهائيًّا إلى الولايات المتحدة الأمريكية وأورباا، وذلك تضامنًا مع مصر وسوريا في معركتهما ضد إسرائيل .

شكر الله لكم وجزاكم الخير وغفر لابائكم وامهاتكم ورحم امواتنا شكرا اخواني واخواتي لعل دعوة صالحة علانية او بظهر الغيب ترحمه واموات المسلمين جميعا الاخ الحبيب الدكتور ياسر لقد نزلت كلاماتك علي كالثلج ، نعم يا اخي الحبيب لقد احسست بأحساس لاول مرة في حياتي اشعر به احس انني وحيد اتذكر مواقفي ومواقف ابي يرحمه الله ويرحم والدك ويجعل مثواهما الجنة بأذن الله اندم على كل دقيقة مرت لما اقبل يدة او رجليه اتشوق الان لحضنه وكلامه الحنون معي تخيل يا دكتور ياسر كان لا يطيب نفسا الا عندما يلبي طلباتي بيده لا اله الا الله انا لفراق ابائنا لمحزنون ولا نقول الا ما يرضى ربنا اسوة بنبينا وقدوتنا محمد صلى الله عليه وسلم واخر دعوانا ان الحمد لله رب العالمين وصلى الله على نبينا محمد وعلى اله وصحبه اجمعين والسلام عليكم ورحمة الله وبركاته