لوحة القادة

تساؤلاتك منطقية يا أستاذ : إسلام ونقاطك مهمة لأني أخشى إن الفلوس تكون معطلة في أي مرحلة من مراحل المشروع ... وخاصة إن فيه ناس سحبت أموالها من البنوك من أجل شراء تلك الشهادات وأخشى من فقدان الثقة في حالة إن شيء واحد ميكونش مدروس صح ... وفي حالة عدم وجود شفافية كاملة أو مفاجآت تستغل .....

ظني أن نفاذ الكمية المطروحة من الشهادات بقيمتها اللي تعدت 60 مليار كان مفاجأة للجميع و لم يكن مخططا قبل الطرح يمكن كان أقصى ما يمكن تصوره هو نفاذ 50% مثلا خلال الشهور الأولى للطرح . يمكن المصريين (كعادتهم) فاجأوا الجميع و أعتبروا الموضوع (إستفتاء) جديد على شعبية رئيسهم زي ما أشار الوالد أبو محمد في مداخلة سابقة أو استنفار جديد لمشاعرهم الوطنية و اصرارهم على البناء و نجاح الطريق اللي اختاروه و رسالة للعالم بأننا ( نستطيع ) الــــ 60 مليار مخصصة لحفر القناة و لحفر الأنفاق و غالبا توافر التمويل هايسرّع بوتيرة الأعمال لأن الحفر بيتم متزامن مع الأنفاق و سداد الأموال بيكون لــ 55 شركة مصرية يعني اعادة تدوير و ضخ رقم ضخم في شرايين الاقتصاد المصري ظني أنه حتى لو هناك مبالغ لن يتم استغلالها و استثمارها فورا و هايتم سداد عائد عليها الا أن المميزات الكبيرة لتوافر التمويل هايكون داعم قوي لانجاذ المشروع في اقصر وقت ممكن و تحت ادارة كيان اعتاد على تنفيذ ما يعد به زي القوات المسلحة المصرية و غالبا الــ 60 مليار جايين من ودائع بالجنيه أو بالدولار و في كل الحالات الدولة بتدفع عليهم فوائد رغم كونهم مدخرات راكدة .

كلامك جميل يا عم ابو محمد ولكنه كلام عاطفي انا رجل تجاري وبحسبها بالمكسب والخسارة وافتكر بردو مشروع زي ده الهدف منه هو الربح مش مجرد كنا هانبني وادينا بنينا السد العالي وكلنا ايد واحدة يا مرسي دلوقتي الحكومة لمت لمتها وهاتصرف على مهلهى طب مصير الفلوس دي هايكون ايه هاتكون عطلانة مش كده لغاية ما يجي دورها في الصرف طب الدرا سات اللولبية قالت ايه في المشكلة دي هاتفضل حطة الفلوس تحت البلاطة لغاية ما يجي وقتها وهاتفضل تدفع فوائد عن اموال معطلة طبعا مش هما اللي بيدفعو احنا اللي بندفع لان ده هاينعكس بالطبيعة على الموازنة لما تاجر يقترض قرض ويقوم عامل بالقرض وديعة بالطبع هاياخد فوائد اقل يبقى ده تاجر غبي او تاجر نصاب او ناوي ينصب او هايحول التكلفة للمقرض وهو ده اللي هايحصل ايه المشكلة فعلا انهم لما يحتاجو فلوس يلموها في ساعتها او هناك اسباب في علم الغيب متوقعة تجعلهم يلمون لمتهم في الاول عشان الكل يتورط كلامي والله منطقي ومحتاج اجابة تريحني لاني في ا لاول والاخر مواطن وهايتأثر بشكل غير مباشر نتيجة لهذه ا لقرارات

معلش يا أستاذ طارق يعنى حضرتك بتقترح أن يُفتح باب شراء الشهادات فى ميعاد كل مستخلص وبقيمة المستخلص ؟ يا عزيزى من مقومات إنجاز أى مشروع فى وقته هو "توافر التمويل" لو عاوز مشروعك ينتهى فى وقته يبقى ما تأخرش لأى مقاول المستخلص بتاعه وبعدين يا جماعة هو انتم ما بتقروش إن العمل جارى فى الحفر وفى الأنفاق فى نفس الوقت ؟ العمل فى الأنفاق جارى فعلا إزاى بتستعجبوا اختصار فترة تنفيذ المشروع وفى نفس الوقت بتتصوروا إن القناة حتتعمل الأول وبعدين الأنفاق ؟ وازاى مش عاوزين تمويل المشروع يكون جاهز وعايزين تلموه بالتقسيط ؟ وبعدين ما تخافش يا أستاذ طارق على أموال البنوك حجم الودائع فى البنوك 1.4 تريليون جنيه منهم 812 مليار للقطاع العائلى يعنى أنا وانت والأستاذ إسلام المصرى وغيرنا إدعى بس البنوك تعرف توظف الأموال دى

علاج الجاهل التجاهل .. خصوصا لما يقل أدبه

أكرمك الله يا أستاذي الفاضل و والدي العزيز شكرا على صفحة القاموس بس ده مستوى ال beginners الحمد لله مستوايا متقدم advanced و "بنذاكر " في ضمير المتكلم بصيغة الجمع :)

رضي الله عنهم و ارضاهم مؤكد السب و اللعن ليس من المروءة أخي أبا عمر و هو نتيجة قناعات انهم رضوان الله عليهم قد ظلموا علي كرم الله وجهه في منعه من الخلافة ثم الخروج عن خلافته و موقعة الجمل.... الخ التاريخ الموضوع كما أوضح أخي طارق حسن خلاف أوجد فرقة و تحزب كما نحن الآن تماما فريق مرسي و فريق الانقلابيين و كل فريق يرى الآخر ظالما هناك من ينأى بنفسه عن السباب و هناك من ينحدر للعن بل و الدعاء بأشد الأمور فهل هذا الخلاف يخرج من الملة؟! و،هل سيعاقبك الله مثلا على كرهك السيسي أو دعاءك عليه و انت تراه ظالما بينما يراه غيرك نجدة من الله و المنقذ مصر من الإرهاب؟! الأمر اختلاف وجهات نظر لا علاقة له بالإيمان و الكفر فالإيمان يكون بالله و ملائكته و كتبه و رسله و القدر خير و شره و عدم الإيمان بغيرهم لا يخرج من الإيمان و لا يدخل في الكفر

السلام عليكم اخى طارق الاحاديه فى النقل كما تفضلت لا تشكك فى المنقول فالقرآن نزل من عند الله عز و جل عن طريق جبريل ( واحد ) و القرآن نقله لنا رسول الله صلى الله عليه و سلم ( واحد ) و القرآن سمح لنا ان نتلقى العلم و التشريع عن طريق.. واحد و الايه المذكوره توجه امهات المؤمنين بذكر ما يتلى فى بيوتهن و كان من الطبيعى ان تكون وحدها مع المصطفى صلى الله عليه و سلم و تنقل عنه كما هو معروف و مشهور جدا عن امنا عائشه رضى الله عنها و ارضاها . بل إن آيات البراءه نزلت يوم النحر و نقلها على (واحد) رضى الله عنه الى ابابكر و كان اميرا على الحج وقتها و لم نسمع او نقرأ ان ابابكر اعترض لأن من جاءه بالخبر ..واحد بل إن معاذا رضى الله عنه ارسله المصطفى الى اليمن بالرساله و لم نسمع ان اهل اليمن اعترضوا عليه لأنه واحد . بل إن يا طارق اشهر حديث و فاتحته لدى البخارى على حد علمى ..إنما الاعمال بالنيات منقول عن طريق واحد إسمه ..عمر بن الخطاب فماذا نقول فى هذا يا طارق ... . القضيه يا طارق كما اؤكد ان التشكيك ليس فى ..العنعنه فى حد ذاتها فهى فى النهايه طريقه و اسلوب يمكن التناقش و التباحث حوله و تقويمه و تصليحه إن كان به ما يشوبه . و لكن التشكيك فىها كمنهج وطريقه تم بناء عليها بناء صرح الصحاح كما نرى و نسمع و لا يخفى على العقلاء مثلك ان التشكيك فى المنهج يؤدى الى التشكيك فى يُبنَى عليه بعد ذلك .

الموضوع مش محتاج اسف ولا حاجة احنا في الاول والاخر اخوات ومافيش بيننا الا كل خير واحترام المهم حضرتك بتقول اني باني حساباتي على ارقام ليس لها دليل يعني هو كلام الوزير ده مش اكبر دليل ولا مطلوب مني اخد ارقام من السيسي نفسه عموما الاستاذ ابو محمد وضح الخبر بالكامل وانا رديت عليه

تكلفة الحفر 30 مليار وتكلفة الانفاق 30 مليار بردو يعني كده النفق واقع علينا بكام بالصلاة على النبي دي حاجة والحاجة التانية انه جمع الفلوس وهايصرفها تباعا ومش دلوقتي ده كمان كام سنة دي بردو معمول حسابها ومعمول حساب الفوائد المدفوعة ومعمول حساب الاموال المعطلة انا سمعت ان الحكومة هاتوظف الفلوس دي في استثمارات اخرى واتمنى ان كلامي مايطلعش صح عشان الحكومة اعلنت انها هاتصرف الفلوس دي في مشروع القناة وهل من حقها ان تعلن انها ستصرف هذه الاموال في شيء ثم تقوم بصرفه في شيء اخر

يا سلام .. إعتبرى كل الاسكندرانية اخواتك وكفاية شهادة الخلق الكريم اللى نبصمولك عليها بالعشرة بالنسبة لامتحان اللغة .. خدى الصفحة دى من القاموس

أيوه .. هم قالوا كده بعضمة لسانهم حد له شوق فى حاجة ؟