لوحة القادة

حادث بشع جدا .. ليس هو الاول من نوعه .. ولن يكون الاخير للاسف .. المسئوليه فيه مشتركه بين المواطنين والحكومه .. وأرى ان المواطنين الذين زادت جرعات ((بلادتهم)) وتسيبهم ولا مبالاتهم يتحملون الجانب الاكبر من المسئوليه فى كوارث مثل تلك الكارثه .. ياتى بعد المواطنين ..المسئولون بادارات المرور ما بين متساهلين ومرتشين .. اما القيادات السياسيه الحاليه فبكل موضوعيه تتحمل الجانب الاقل فى المسئوليه لان ببساطه وزى ما بكرر دائما ان إرث الفساد و ((((((الإفساد))))) الذى قام به مبارك وزبانيته فوق الاحتمال والتصور .. ولو غيرنا تلك الحكومه وعلى رأسها السيسى بأخرى من ملائكة منزلين .. سيتحول هؤلاء الملائكه فى فتره بسيطه من التعامل مع الشعب المصرى الى مرده شياطين إذن فتغيير القيادات السياسيه ليس هو الحل ..بل قد يعيدنا الى المربع ما قبل الصفر ... الحل هو الصبر والتكاتف والاصلاح بقدر الامكان بتخطيط و بلا تسرع .. مع حملات توعيه اعلاميه مكثفه للسائقين (المجانين)) بدلا من حفلات الندب الاعلامى بعد كل كارثه والتى لا تسمن ولا تغنى من جوع رحم الله هؤلاء الابرياء والصبر والسلوان لعائلاتهم

نهار خارجي .. المحور متوقف تماما وزحام شديد يقف ابو قحافة الداعشي معتليا عربية نص نقل مثبت عليها رشاش جرينوف ومعة رتل من المسلحين المتجهين إلي القاهرة لإحتلالها . تقاطعة سيدة خمسينية سمراء صائحة - النبي يابني لو رايح موقف عبود تاخدني معاك ! = إحنا داعش يا حاجة جايين نحتل مصر - ومالوا يا اخويا طب وانتوا بتحتلوها خدني معاك .. اومال هتحتلوا باقي المحافظات ازاي .. لازم هتركبوا من هناك .. = يا ولية روحي من هنا بدل ما اضربك بالنار. - ضربة في فخادك .. اهما كدة الاخوان متعرفش تاخد منهم مصلحة أبدا. = اخوان مين يابنت ال.... بينما كان يهم بإطلاق النار عليها .. يرن هاتفه .. ويتفاجئ أنه أمير المؤمنين ابو بكر البغدادي. = السلام عليكم .. اهلا بأمير المؤمنين - اخبار الزحف نحو القاهرة إية يا قحافة ! = والله المحور واقف والدنيا زحمة وعالحال دة بقالنا اربع ساعات والكتيبة اللي معايا فرهدت. - انت هتستهبل يا قحافة ؟؟ = عندي اقتراح.. إية رأيك نحتل مدينة 6 اكتوبر فاضية ومش زحمة. - لا يا اخويا .. ابو حزاقة الشيشاني بعته هناك .. ومزنوق هوا ورتل العربيات إللي معاه عند جامع الحصري = إحنا شكلنا اتورطنا - إتصرف يا عم .. وبعدين صوتك بيقطع لية = الشبكة هنا زفت والباقة بتخلص قبل ما تتفعل اساسا - الوو = الووووو تيت تيت تيت **** تزداد الامور تعقيدا فيما يبدوا أن الازدحام سيستمر بضع ساعات أخرى .. يفتح هاتفة ليتصفح تويتر ليفاجئ بتويتة من مصطفى بكري sponsored مدفوعة ( وصول داعش إلى المحور وجسر السويس إنما هو تتويج لكفاح ونضال شيخنا الجليل اسامة بن لادن الذي بدأه قبل 20 عام ) يمل من بطء الانترنت ... يرتكن إلى مدفعة أعلى السيارة وينظر إلى هذا الطابور من السيارات .. يقاطعة صوت - برنس .. مساءك زي العسل = اسمها السلام عليكم - انا عايز اشتغل معاكم يا نجم = اسمها عايز اجاهد معاكم - المهم يبقى فيه مصلحة = اسمها غنائم ينعم الله بها على جنوده المخلصين - يا اسطى انا راشق في الحوار دة معاكم .. المهم تأبجني = إسمها يرزقك الله .. - طيب سؤال يا نجم .. في ترقيات وكدة = طبعا .. لو اثبتت كفائة نبعتك اعارة الخليج تجاهد مع المجاهدين هناك - أوبا .. انا عايز من دة يا اسطى .. سجل اسمي معاك " ابانوب ملاك مرتجي " = انت مسيحي ياض - طب ما انتوا كفار يا عم .. اية دخل الاديان دلوقت ينتهي المشهد بأبو قحافة يطارد ابانوب على الدائري .. صائحا هاتولي الواد ده وسط صيحات وصفارات من المشاهدين

شكرا لكل من شارك هنا الحل بسيط وجدا القوانين موجوده بالفعل ورادعه كمان فقط تفعيلها !!

أتمنى أن أستيقظ صباحا على أخبار طيبة مللت الصحيان على اخبار حوادث الموت والقتل والتصادم. يارب احفظ مصر، ولكن كيف يحفظ الله مصر وأهلها لا يريدون الحفاظ عليها؟! لماذا تحصد حوادث السيارت والطرق الآلاف من الأرواح كل يوم بسبب إهمال السائقين؟ متى يتوقف نزيف الدماء على الأسفلت؟ لماذا لا يكون هناك عقلاء بين الركاب يجبرون السائقين على الالتزام بقواعد المرور حتى يصلوا سالمين؟ لماذا لا تكون هناك حملات دورية يومية على الطرق لاختبار صلاحية قائدي السيارات؟ اللي بيحصل ده حرام، والجميع مسئول عنه سواء بالاهمال او السكوت عن الخطأ عندما يراه يحدث. كن ايجابي واتخذ الخطوة الصحيحة في وقتها، لو كان واحدا من طلبة الاتوبيس المسرع قد نبه السائق بتخفيض السرعة، ربما كان فيه سلامتهم وسلامة الآخرين الذين احترقوا او اصيبوا. كن ايجابي واتصل بشرطة النجدة او المرور وابلغ عن السائق المتهور لتحفظ حياة الابرياء، ولا تمل اذا صادفك اهمال وعاود الاتصال. مايحدث على طرقنا السريعة والبطيئة ومايصاحبه من أرقم الضحايا، يعني اننا شعب مريض بالسلبية واللامبالاة وأن حياة الإنسان ليس لها قيمة لدينا.

بعد أيام... ابانوب و اباقحافة يصلان للجراج بعد ساعات من الانتظار اضطرا فيها أن يستقلا ميكروباااااظ لكنهما اضطرا للنزول لاستقلال عربة ستقلهما للوادي و الشارع الجديد - الأجرة بجنيه و نص أي حتة ابو قحافة معترضا: يا اسطى انا نازل عند النادي 75 قرش رضا - كله بجنيه و نص خللى عنك خالص -أبو قحافة و قد كست وجهه ابتسامة مشرقة: بارك الله فيك يا أخي ابانوب و هو يناول الأجرة للسائق عندي انا دي يا برنس مبتسما و هو يناوله سيجارة بانجو خد كده و روق ا حاج كله حيبقى فل صدقني زمبؤلك كده أبو قحافة مندهشا : بس التدخين حرام يا أخي!!

ضحكت حتى استلقيت ورحت فى سبات عميق فرأيت فيما يرى النائم أن ابو قحافة أثناء تعقبه لأبانوب لفت نظره واحد واقف فى بلكونة تطل على المحور وهو يتكلم بصوت عالى فى الموبايل - ألووووووه .. أيوه آلوووووه .. إزيك يادكتور عكاشة - ......... - ممكن أوجه نداء واستغاسة من خلال كناة الفراعين ؟ - ........ - أنا ساكن عالمحور وباستغيس : "هى إمتى الناس اللى نزلت الشارع دى تطلع بقى ؟" - ....... - عشان فيه ناس تانية عايزة تنزل آخر حاجة شوفتها قبل ما اصحى كان أبو قحافة بيحاول يوصل للـ "فور باى فور" وهو بيصرخ hypr: أنا إيه اللى جابنى أم البلد دى ؟؟؟.........................!!!!!!

لا كرامة لنبى فى وطنه عندنا كفاءات مدفونة .. ولكننا لا نلتفت إليها ونظل غافلين عنها إلى أن تأتى الطوبة فى المعطوبة الراجل السُكـَّرة رئيس هيئة الطرق والكبارى لسه من يومين منبهنا إن إصلاح الطرق وصيانتها سؤدى إلى مزيد من الحوادث رئيس هيئة الكبارى : إصلاح الطرق سيؤدى إلى زيادة حوادث السيارات لسه الحبر اللى مكتوب بيه الكلام الدهب ده ما نشفش لنفجع صباح اليوم بحادث مروع .. راح ضحيته كوم لحم من ولادنا والسبب زى ما قال الراجل البركة رئيس هيئة الطرق: طريق "حادث البحيرة" ممهد وتمت صيانته حديثا إحنا آسفين يا شيخ جيوشى أصل احنا شعب ما بيصدقش إلا لما يشوف بعينيه جتنا نيلة

قبل دخولى إلى الموقع كنت أشاهد قناة "الإسكندرية" المذيعة كانت مستضيفة اتنين منهم طبيب كان ممن عاينوا الحادث الطبيب التقط - بتليفونه المحمول - صورة شيشة وموقد (لزوم الفحم) فى كابينة سائق النقل ممكن طبعا يكون بيشيش فى فترات التوقف ومش بعيد كمان يكون بيشيش وهو سايق أصبحت لا أستبعد أى شئ فى هذه الأيام اللى ما يعلم بيها غير ربنا عندما التحقت بالشركة التى عملت بها فى الكويت كان من ضمن برامجها التدريبية المستمرة برنامج إسمه "القيادة الوقائية" Defensive driving هذا لنوع من القيادة لا نعرفه .. نحن نعرف عكسه Offensive Driving البرنامج 5 أيام يسمح بعده للناجح - بعد اختبار نظرى وعملى - بقيادة سيارة الشركة أو الاستمرار فى قيادة سيارة الشركة .. وإلا يُمنع من ذلك لحين الدورة التالية وكانت الشركة متعاقدة مع شركة متخصصة إسمها Smith System كان موقع العمل يبعد عن أقرب مدينة حوالى 60 كم وتعرضت الشركة لخسائر فى السيارات وفى الأرواح مما جعلها تفرض هذا البرنامج التدريبى فالطرق فى الكويت واسعة وناعمة .. والسيارات كبيرة ويتم تغييرها كل سنتين يعنى - كما هو فكر رئيس هيئة الطرق والكبارى بتاعنا - أدوات القتل متوفرة تعلمنا حاجة اسمها "مثلث الحادث" .. أضلاعه هى السائق والسيارة والطريق زى ما قلت طرق الكويت وسيارات الشركة 100% فكان التركيز على من يقود سيارات الشركة تعلمنا أن معظم الحوادث يمكن تفاديها إذا تعلم السائق ومارس عادات وقواعد القيادة السليمة لابد من تعليم كل من يقود سيارة تلك القواعد والعادات وعمل اختبارات دورية للتأكد من ذلك وألا يُسمح بالقيادة إلا لمن يعرفها ويمارسها ويتعود عليها لأن أرواح البشر مش لعبة ودايما فى الحوادث فيه طرف غلطان - ويمكن مجرم كمان - وطرف برئ مش غلطان وأخيرا من يتساءل عن سبب نزيف الدماء على الأسفلت .. فليتذكر : وفى أنفسكم أفلا تنظرون ؟ وفي أنفسكم أفلا تبصرون ؟ وفي انفسكم افلا تتفكرون ؟ وفى انفسكم افلا تعقلون ؟

انا شايف انه كده فيه مسئوليه سياسيه لازم حد يشيلها او يتحملها سواء وزير المواصلات او رئيس الوزراء او رئيس الجمهوريه تقليل نسبة حوادث المرور مش بس باصلاح الطرق....لأ التقليل ممكن يتم بفرض قوانين صارمه و غرامات قويه و فوريه و ده مابيحصلش...رغم سهولته

أستاذي اخر مرة حضرتك قومت بالقيادة ع الطريق الزراعي ا؟؟؟ انا لسه راجع منه وماتزعلش مني كلام حضرتك ده مالوش قدرة ع التطبيق ف الواقع كلام نكتبه انما التطبيق محتاج اعزم حضرتك ع مشوار ف الطريق الدائري او الزراعي ووقتها هتقول ليا رأيك

علي مدخل عيادة الدكتورة فتكات ... في بورد الأعلانات و التعليمات لزوار العيادة .. علقت الدكتورة التعليمات دي : 1- اللى لسة متجوزة جديد ... مش لازم على فكرة أول ما جوزك يعدى جنبك تبقى حامل !!!... عادى جدا انك تتنيلى وتقعدى كام شهر على ما تبقى حامل !!!..... لذلك حاولى تفرحى وتنبسطى بالكام شهر دول قبل ما تتقندلى ويبقى عندك عيال هتطلع عين اللى خلفوكى !!!.... مستعجلة على أيه ؟!! ربنا يولع فيكى بمولوتوف ... 2- اللى عايزة تركب "لولو" ..... على فكرة هو اسمه لولب عشان انا باتخنق لانى على لحم دماغى من الصبح !!... وعلى فكرة اللولب ما بيتربطش جامد بمفتاح مشرشر زى انبوبة الغاز مثلا ولا بربط عليه جامد علشان انا مش ميكانيكي سعادتك.... وعلى فكرة كمان : اللولب ده مش شقى قوى زى ما سعادتك بتسمعى ( لان سمعك تقيل)..... يعنى ولا بيسرح على القلب !! ولا حيطلع من بقك ... يعنى خالتك وأمك ومرات اخوكى مابيفهموش .... أيوة صدقى ولمى عفاريتك بعيد عننا .... 3- الست الحامل اللى بتأخذ اى علاج بناء على مشورة أو وصفة صاحبتها او امها او عمتها او خالتها او جارتها خليهم ينفعوكى !!... وما تجيش تسألينى ينفع مع الحمل ولا لأ ؟!! .... عشان أنا ما بردش على الاشكال الضالة اللى زيك !!!... وكمان عشان انا باقاوم شيطاني بالعافية اني أقول لك : طب ما ينفعش وريني يا فالحة حتعملي إيه بقي... أبقى اسأليني "قبل" ما تاخدي اي دوا مش بعد... 4- بالنسبة للأخ الزميل الصيدلي بتاع الزغزخانة ..... رأيك في العلاج اللي باكتبه ده آخر اهتماماتي علي فكرة... يعني عارف ان الابيلات دوا ضغط و السيدوفاچ دوا سكر و الپرجنيل بيدوه للرجالة ..... الخ من ملاحظاتك اللي مش عارف كنت هاعيش من غيرها ازاي...... اصرف الدوا و انت ساكت.... يا حنين زى الأب ... يا أطيب أب ... يا سفن -أب.... 5- رقم تليفوني اللي معاكم ده للضرورة.... الضرورة... لاتعنى مع احترامى الشديد لسيادتكم انك تتصلى وتسألينى الساعة 3 الفجر : ينفع ألبس بيجاما بأستك مع الحمل ولا لأ ؟؟؟... أو ينفع تصبغي شعرك و الحاجات دي فأنا أسف أصدمك و أقول لك الحقيقة المرة انها لا تندرج تحت بند الضرورة.... تصوري؟!!!.... الدكتور بني ادم برضه علي فكرة... محتاج ينام زينا و يعمل پيپي زينا ....و احيانا بيتهف في مخه و ياخد دش... مش لازم يطلع من الحمام يلاقي 53 ميسد كول من حضرتك .... حاولي تتخيلي و لو لحظة انه يمكن مثلا كان مزنوق؟... وبيعمل زى الناس !!.. 6- بالنسبة لشعر العيل اللي بيعمل حموضة!!!!! رأس البيبي بتبقي تحت علي فكرة.... يعنى مالهاش أى علاقة بالمعدة... و حاقعد ربع ساعة كاملة اشرحلك تأثير الحمل علي صمام المرئ و الارتجاع... لو المرة الجاية جبتي سيرة كلام ماما عن شعر العيل تاني حاحدفك بالطفاية اللى قدامى ... مش يحفروها الفيران ..ويقع فيها التيران !!!... 7- على فكرة يا مدام الحاجات السخنة مش بتسقط الجنين ماكانش حد غلب..... وبعدين الستات اللي بتقعد عالنت وتعملى فيها أم العريف ... هو انا فعلا بعد 14 سنة خدمة في ثانوي مستني المعلومة اللي سيادتك جايباها من منتدي فتكات عشان اعرف أعالج حالاتي... ارجوكي... روحي تابعي مع فتكات وزيرة الصحة والبرشام بتاعتك !!!... 8- بالنسبة للأخت اللي بتيجي مع الحالة و مالهاش أى تلاتين لازمة... انا باجاوب علي ال500 سؤال اللي الحالة بتسألهم و باستحمل تدخلك في وسط الكلام ذوق مني مش اكتر ..... إنما مش لازم أول ما الحالة تدخل اوضة الكشف أرد كمان علي تساؤلاتك بخصوص بنت أختك اللي في الإمارات .... ولا مرات ابنك التانية اللي متابعة مع دكتور تانى مش مريحها... تحبي اعطيكي بباقي الكشف لبان دكر كمان؟..... 9- الباشمهندز جوز المدام الحامل... بيبقى مخنوق قوي انها في البيت بتشتكي من أعراض الحمل و بتدخل ضارب لي بوز و قرفان قوي انها تعبانة و الكلمة الشهيرة "شوفي لنا حل" ؟ ..... الحل يا حبيبى ماكنتش اتشاقيت ياخويا... إنما خلاص أهي حامل و شايلة البطيخة علي قلبها الغلبانة... مش عاجبك كمان انها تشتكيلك من غممان النفس ولا رجليها اللي ورمت ولا انها بقت تقيلة؟! .... روح اشتكي لحد غيري انا حاسمعك كلام يضايقك... بلاش مرقعة بقي دانتو لو جالكو زكام بتعلنوا الطوارئ.... 10- و انا باعمل السونار... مش لازم كل زيارة تسألوني هو لسة ولد ولا هي لسة بنت!!!!! انا اعرف واحد نام و صحي لقي نفسه لسه راجل برضو علي فكرة... بتحصل يعني احيانا!!! على فكرة مش هيغيّر رأيي في نوع البيبي الحلم اللي حلمته طنت فلانة انها حتجيب بنت مش ولد .... ولا طنت علانة اللي بصت عالبريمة اللي في شعر اخوه و قالت اللي جاي بنت الخ الخ من هذا الفلكلور اللطشيف.... و بالنسبة للقفشة بتاعة هو البيبي لون عينيه إيه ولا شعره طويل و لا شبه مين فينا ...... أوكي............ هأ هأ هأ.... خلاص؟ و اخيراً... و انتي جاية تولدي... ابوس رجل أمك (و حماتك).... بلاش بيض مسلوق و ملوخية..... اتعميت بقي حرام عليكو!!!!....

نتع / بمعنى خرج وهذا ينطبق على المنتوعه ياللى فوق بالنسبة لى الرفع هو الأليق ... استعنا على الشقى بالله يامعييين

اكرر شكرى للفاضل ابو محمد على مداخلاته القيمه سائقى النقل يدخنون الجوزه وبيطبخوا كمان وهما سايقين عاده اصحاب السيارات النقل بيكون لهم حد او واسطه فى المرور لذلك تلاقى السواقين عارفين ده وبيعربدوا على الطريق ... كنا زمان بننتقد سواقين الميكروباص دلوقتى سواقين التاكسى طلعوا فيها اشمعنى هما ؟ كمان التقسيط خلى فئات متدنيه تركب عربيات وثقافاتها معاها ... فين ايام ماكنا بنقرأ القياده زوق وفن واخلاق ...

تسجيل متابعة واعجاب في انتظار الحلقة الجديدة :hi:

مـا راح زمـانـك ويــا زمـانـى عمر اللى فات ما حيرجع تانى إن كنت تستطيع أن تتدخل فيما يقرأه ويكتبه على وسائل التواصل الاجتماعى إن كنت تستطيع ان تتدخل فيما يراه ويسمعه على القنوات الفضائية واليوتيوب إن كنت تستطيع ذلك .. فيمكنك أن تتدخل فى اختياره لأصدقائه ما عليك سوى المناقشة والنصح .. وصاحب العقل يميز

كانت أمي تعتقد أن أصدقائي لهم تأثير سيء فيّ ... لكن بصراحة كنت أنا الذي يقترح الأفكار دائماً .... و الان تصيبني تصرفات إبني بالذهول ...تجعلني أستغرب كيف يرى الأمور ويفسرها... معظم خياراته تشعرني بالقلق وخصوصاً صداقاته.... كيف يختار أصدقاءه والمحيطين به وما هي المعايير التي يعتمدها ولماذا يهوى مصادقة الأضداد ويختار أشخاصاً لا يشبهونه ليعاشرهم.. أعتقد انها ليست حالة خاصة بل هي أسئلة كثيرة تجول في بال الأبوين حول علاقات إبنهم فيسألون أنفسهم ما الذي يخيفهم في صداقات إبنهم وهل تأتي خياراته للتعويض عن نقص يفتقر إليه؟

جميلة.. تمنيتها لنفسي يا سيِّدتي: كم أتمنى لو أحببتُكِ في عصر التَنْويرِ.. وفي عصر التصويرِ.. وفي عصرِ الرُوَّادْ كم أتمنى لو قابلتُكِ يوماً في فلورنسَا. أو قرطبةٍ. أو في الكوفَةِ أو في حَلَبٍ. أو في بيتٍ من حاراتِ الشام..

ما تصلوا عالنبي يا جدعان هو أنا لازم أدخل قسم شرطة واتعلق من رجلي عشان أعرف مصر على حقيقتها ؟ بالله عليكو من السبعين مليون اللي عايشين في مصر أو نضيق الحلقة شويه مننا جميعاً اللي موجودين دلوقت مين إحتك بالشرطة وضايقوه من الباب للطاق وأكررها مره تاني أنا لا أبويا لواء ولا جوز خالتي عميد متقاعد لكن أنا إنسان أعرف حقوقي وواجباتي وأتكلم مع التخي .. بفضل الله ... وطالما ما بعملش حاجه غلط يبقى هاخاف من شرطة ولا من سُلطه ليه ؟

مش فاهم كلامك يابو زياد !!!!!!! أنا شخصياً لم أُطرد من مصر او بمعنى أدق لم يكُن هناك سبب قوي دفعني للغُربة غير إني شركتنا في مصر هي فرع للشركة الأم هنا .. وعندما توفرت لي حياة كريمة هنا ومعي أسرتي فأنا مُستمر إلى أن يقضي الله أمراً كان مفعولاً كما أنني والحمد لله لا أشعر بأي مشاكل في مصر من ناحية حرية التعبير أو الظروف الإقتصادية .. مش عشان أنا مسنود أو إني من الطبقة البرجوازية بالعكس .. ده عشان أنا إنسان واقعي ولا أتطلع إلى ما في يد غيري .. وفكر الكماليات لا يشغلني كثيراً .. يعني أنا لو مموجود في مصر زي بقيت السبعين مليون كنت أكيد سأتكيف على الوضع وبلاها يا سيدي التصييف في الساحل الشمالي كل سنة .. او إن كل واحد من عيالي يشيل موبيل أخر موديل أو يبقى عندي سيارة حديثة أو ولادي يدرسوا في مدرسة إنترناشونال .. الفرق بيننا وبين أهالينا زمان هو إن طموحاتهم كانت على قدر إمكانياتهم وبالتالي لم تكن هناك الشكوى اليومية الموجودة الآن واللي إحنا حطينا أنفسنا فيها .. والله يا عم لو تحقق عُنصر الرضا والقناعة لمشاكلنا كلها تتحل آيوه في مشاكل إقتصادية .. زيينا زي أي دولة حتى دول الخليج البترولية الآن تُعاني من بطالة وشباب كثير مرمي في الشارع من غير شغل أما عن المعاملة والحرية الفكرية ... فاعتقد لا مجال للمقارنة بين مصر وبين جيراننا في الدول العربية ... ( مصر الأفضل طبعاً في أشياء كثيرة ) فالحمد لله لم تعُد مشكلة تكميم الأفواة والإعتقالات وزوار الفجر موجودة بذلك الزخم الذي كان موجوداً في السابق أو حتى مقارنة بباقي الدول العربية فلا يُمكن أن يُشكك أحد في مناخ الحرية الذي تتمتع به مصر الأن - غصبٍ عن عين الحكومة - لإننا في عصر مُنفتح والعجلة أساساً دارت والحومة حتى وإن تعسفت في بعض الأحيان فمازال هناك هامش كبير من الحرية وإنزل بص بصه على كمية الرجايد اللي موجودة واللي بتلعن أبو خاش أكبر راس في الدولة ... وبالتالي اللي عايز أقوله إن مصر مثلها مثل أي دولة ... ليست المدينة الفاضلة .. وكما أن بها مميزات .. فإن لديها عيوب .. الناس زييهم زي بقى خلق الله ..لا يملُون من الشكوى حتى لو أمتلكوا كنوز الأرض ثقافة الزحام أثرت علينا الفضائيات أخترقت حياتنا عصر الكماليات أصبح واقع واصبح محيط بنا وينادينا ويغرينا للإنغماس فيه وعلينا مقاومته او الغنجراف مع تياره وبالتالي مانرجعش نشتكي . يا سلام على الحياة اللي لونها بامبي والدُنيا الجميلة اللي إنت مصورها لنا يا سي سين سين وكإن مصر بقت اليونايتد إستيتس ... يا جماعة جزء من مشكلتنا برضوا هو إننا لم نعُد نرضى بالفتات علي جميع المستويات .. فبعد سنين من الكبت أيام الزعيم المُلهم والزعيم المؤمن جاء الأخ القائد الطيار محمد حسني آل مبارك ومشينا معاه في الثمانينات والتسعيننات على نفس النهج السابق .. خوف ورعب ومشي جنب الحيط وإوعى تفتح بؤلك يا أخي أحين راسك تطير ... لكن مع إنتشار ثورة التكنولوجيا في جميع المجالات منذب بداية القرن الواحد والعشرين ... الرظوف بقت أقوى من الحاكم .. والناس فهمت ووعيت وبقى أقل واحد في الأمكانيات المادية بيملك العالم عند أطراف أصابعه عن طريق النت والقنوات الفضائية وبالتالي الحرية لم تعُد هبه يمنحها لنا الحاكم وبالتالي زادت مطالبنا ومشاكلنا وتنوعت وأصبحنا نطالب بالحرية كاملة ولا نرضى بما يهبه لنا الحاكم ده في الجانب السياسي والفكري أما عن الجانب الإقتصادي فما بقيناش نقدر نعيش لا مؤخذه يعني - زي حمار الفكهاني - اللي شايل الفاكهة على ضهره لكنه محروم منها يعني برضوا بقت في إغراءات لا حد لها من ناحية الموضه والطفرة التكنولوجيه .. إلخ اللي أصابتنا بالهوس والجنون والكل بقى في سباق مع الزمن وداير في طاحونة الحياة الإقتصادية ------------------- بنت ديرتنا ناش هانم أنا هاختار السبب الأخير رقم 4 وهو إن سببت غربتي ... لا شيء .. هي كده وزي ما قولت أنا كنت رايح أشتري طابع بوسطه من 10 سنين وروحت وما رجعتش ... وفي دول الخليج التي تنطق بالعربية وتقريباً نفس عادتنا وتقاليدنا لا أشعر بالغُربة .. كما أن هذا الشعور يتنامى لدي لإن مع عائلتي ولإنني اتواصل مع أهلي في مصر بشكل مستمر .. يعني تقدري تقولي إني في مصر وشغال في مكان أنا مرتاح فيه .. يبقى ليه أغامر وأروح مكان تاني بدون سبب ...

ونعم بالله يابو زياد لكن الهجرة والغُربة لها شروط واهم شرط إنها ما تكونش على حساب الأولاد والمشاعر والاحاسيس يعني اللي معاه عائلته ومسافر بره ... ده ما فيش مشكلة بالنسبة له إن شالله يقعد طول العمر خارج بلده طالم يأمن على أولاده وعارف إنهم هايتربوا في بيئة صحية سليمة أما الطامة الكبرى فتكمُن فيمن يهاجرون وراء الرزق ويتركون أولادهم في بلدهم بحُجة توفير حياة أفضل فتسرقهم الأيام ثم يفيقوا على كارثة ضياع العائلة . والله يا أخي الكريم ونحن مازلنا في أول اليوم يعني لسه جاي مكتبي وإذا بي أُفاجأ بخبر وفاة زميل لنا يعمل في احد مكاتب المحاسبة والمراجعة التي تتعامل معها الشركة وهو شاب سوداني الجنسية وكان ما شاء الله يافعاً وطول وعرض يعني باللغة العامية كده عملاق فعلاً وعمره تقريباً في أوائل الأربعينيات وكان المفروض عنده شغل معانا يوم الخميس إستكمالاً لعمل أداه يوم الثلاثاء وأتصلوا عليه ما بيردش .. وشويه وأخوه اتصل قال إن فلان تعيشوا إنتو .. فلقد إختفى لمدة يوم وما بيردش على التليفون فاخوه ذهب له البيت ووجد عربيته أسفل المنزل .. طلع البيت وكسر الباب ليجده ميتاً وعرفوا بعد كده إن جت له أزمة قلبية وهو لوحده في الشقة .. وتصادف في هذا الوقت إن أولاده كانوا في السودان لقضاء بضعة أيام يعني شوف .. تسوى إيه الدنيا لما الواحد يموت بعيد عن أهله وبلده وعائلته واولاده ... أو تسوى إيه لما تبقى متغرب وتسمع إن فلان قريبك إتوفى أو مريض وإنت مش قادر تعمل حاجة ... يا أخي الكريم نحن الإستثناء وهم القاعدة سبب رئيسي للبهدلة اللي إحنا فيها دي هو الطموح الأزيد من اللازم .. وهو مش طموح ولكنه طمع في الكماليات الغير ضرورية الفيلا أو الشقة التمليك والعربية والشالية اللي في الساحل الشمالي ... إلخ إعمل إحصائية كده وشوف اللي متغربين ومتشحططين عشان يوفروا معيشة أحسن فقط لعائلتهم .. وقارنهم باللي متغربين عشان الكماليات الغير ضرورية وستعرف أين توجد المشكلة ...

وجهة نظرى ربما تكون غريبة على البعض لأنها بالفعل غريبة فى هذا الزمن, حيث الأنانية والجبن وحب الدنيا بطريقة بشعة والاستسهال وانعدام الانتماء وانعدام الإحساس بالمسئولية وغيره من القيم والثقافات السائدة فى هذا العصر تجعلها غريبة, سأقولها ورزقى على الله. فالرجوع من الخارج إلى مصر ليست جريمة وليس خطأ العمر الذى لا يمكن تصحيحه بل هو فى رأيى واجب على كل مستطيع, خصوصاً من المتعلمين تعليم جامعى وفوق المتوسط, وهم الذين يستطيعون المشاركة فى التغيير والإصلاح الذى نأمله فى مصر, فهروب معظمنا إلى الخارج يساعد على تفشى الفساد وسيطرته على مقادير البلاد والعباد. ياجماعة اللى خايف على مستقبله ومستقبل أولاده من بعده ويقدر يرجع, وبأقولها وأؤكد عليها يقدر يرجع, بمعنى إنه عنده استعداد يضحى ويتحمل المشاكل اللى ممكن يقابلها ياريت يرجع بس على شرط يكون له دور إيجابى فى الإصلاح. كلامى ليس موجه للأخ صاحب الموضع بشخصه, وهو أدرى بظروفه وبأحواله من الجميع ويارب يهديه لما فيه الخير, ولكن بصراحة تستفزنى جداً كلمات مثل "اللى يلاقى فرصة يسافر مايترددش" وما شابهها, أشعر فيها بالأنانية الشديدة ودعوة للإنهزامية وكأننا سنستورد شعب من الخارج يصلح لنا البلاد. تحياتى لكم, ودعواتى للأخ أبو على إن ربنا يهديه لما فيه الخير.