لوحة القادة

كنت اشاهد انا و زوجتي فيلم " كابتن فيليبس" للرائع توم هانكس ... و هو فيلم يحكي قصة حقيقية لسفينة امريكية " مارسك ألاباما " تم اختطافها علي يد قراصنة صوماليين .. و كيف وجهت البحرية المريكية سفنها و طائراتها لتخليصهم .. و الذي حدث بالفعل بعد سلسلة مريرة من المحاولات .. و كعادتي في الفشخرة في المقارنة ببلدي ..ذكرت لها ان شيئآ مماثلآ حدث مع مركب صيد مصري و لم نكن في حاجة للمارينز و لا البحرية لتخليصهم لأن صيادين المركب قاموا بالواجب و زيادة و لقنوا القراصنة درسآ .. و اتوا بهم مكبلين الي مصر .. و لكن الشعور بالعنترة و الفخر تحول فجأة و انا اروي لها تلك الحادثة الي نقيضه عندما سألتني بعفوية : - و هما اللي وداهم هناك ؟ - هو ايه اللي ايه اللي وداهم هناك .. انتي اتعديتي من الإخوان و الا ايه ... بقولك مجموعة صيادين مصريين اتخطفوا و هما بيصطادوا في الصومال و من غير مارينز و لا هانكس و لا فيليبس .. ربطوهم زي الخرفان و جابوهم لمصر .. يعني خطفوا اللي خطفوهم ... - والله فهمت .. انا بسأل ايه اللي وداهم يصطادوا في الصومال من اساسه .. يعني قدامهم البحر الأحمر كله .. و المتوسط .. و النيل .. و البحيرات .. يسيبوا كل ده و يروحوا لحد الصومال يصطادوا ليه من اساسه ؟ بصراحة لجمتني .. و طلعت منها بتريقة نظام السمك الصومالي فيه فوسفور اكتر من المصري و كده يعني .. بابتسامتها المعهودة قالتلي . طيب .. ممكن نشوف بقية الفيلم .. كملنا الفيلم .. لكن من غير ما اتابع النهاية .. ايه اللي وداهم هناك ؟؟ صحيح .. اللي وداهم هناك ... هي بحورنا و انهارنا و بحيراتنا ما بقاش فيها سمك بجد ...

أهلا بكم أعزائي جرت العادة عند ذكر كلمة "تسويق" أن المسوق هو ذلك الشاب الذي يطرق باب منزلك ليعرض عليك منتجات جديدة و يقتصر رد فعلك أما على ابتسامة و شكراً أو أنك "تجبر بخاطره" و تشتري شيء لا تحتاجه برمجات سلبية متعددة انبثقت عن هذا الموقف المسوق هو شخص نصاب يغريك بشراء ما لا تحتاج ليستنفد أموالك من البلاهة أن تعطيه الفرصة ليتحدث معك :) المنتج الجيد يتحدث عن نفسه و لا يحتاج تسويق الخجل من العمل بالتسويق على اعتبار أن المسوق "وشه مكشوف" و "لحوح " و "رخم" و عندما يظهر نجاحه فهو "حالانجي " و بيلعب بالبيضة و الحجر :) التسويق يشبه "التسول" و مضاد للأناقة و يؤثر على "البرستيج " احتقار "العمولة" أو السمسرة و الاعتقاد بأنها حرام و تؤخذ بدون وجه حق و انتشار وصف.. فلان ده يسمسر على كفن أمه..كناية عن انعدام الأخلاق و ربط ذلك بالسمسرة أو العمولة كل تلك البرمجات و أكثر تمنع الكثيرين من الاستفادة بمزايا التسويق و أولها تسويق أنفسنا عند الرغبة في الحصول على فرصة عمل أو زواج مثلا لو كانت تلك البرمجات السلبية صحيحة عن التسويق و أساليبه لما استخدمها الخالق عز وجل في القرآن الكريم "وَسَارِعُوا إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ" " يَا أَيُّهَا الَّذِينَ آَمَنُوا هَلْ أَدُلُّكُمْ عَلَى تِجَارَةٍ تُنجِيكُم مِّنْ عَذَابٍ أَلِيمٍ" التسويق كغيره من الأعمال خيره خير و شره شر فلنبدأ معا بإحلال برمجات جديدة لتلك البرمجات السلبية أفكار تنفعنا ليس فقط في البيع والشراء و لكن على كل الأصعدة لنبحر معا في عالم التسويق في هذا الموضوع... "الكل كسبان" :) ابقوا معنا...

حمد الله ع السلامه

السلام عليكم جميعا..... الحقيقة كنت معدى و قلت اشوف اخبارالحبايب القدامى... يا ترى حد فاكر الشامى ؟ حاكون سعيد لو لسه حد عايش و فاكرنى ان نتواصل من جديد للاطمئنان على الاحوال تحياتى للجميع

ليس هناك أبشع من أن تقوم كمسوّق بذم شركة منافسة فإن هذا يفقدك احترام العملاء فورا بل و غالبا يصلون للتعاطف مع تلك الشركة و ربما اتمام الصفقة معها :)

علي مدخل عيادة الدكتورة فتكات ... في بورد الأعلانات و التعليمات لزوار العيادة .. علقت الدكتورة التعليمات دي : 1- اللى لسة متجوزة جديد ... مش لازم على فكرة أول ما جوزك يعدى جنبك تبقى حامل !!!... عادى جدا انك تتنيلى وتقعدى كام شهر على ما تبقى حامل !!!..... لذلك حاولى تفرحى وتنبسطى بالكام شهر دول قبل ما تتقندلى ويبقى عندك عيال هتطلع عين اللى خلفوكى !!!.... مستعجلة على أيه ؟!! ربنا يولع فيكى بمولوتوف ... 2- اللى عايزة تركب "لولو" ..... على فكرة هو اسمه لولب عشان انا باتخنق لانى على لحم دماغى من الصبح !!... وعلى فكرة اللولب ما بيتربطش جامد بمفتاح مشرشر زى انبوبة الغاز مثلا ولا بربط عليه جامد علشان انا مش ميكانيكي سعادتك.... وعلى فكرة كمان : اللولب ده مش شقى قوى زى ما سعادتك بتسمعى ( لان سمعك تقيل)..... يعنى ولا بيسرح على القلب !! ولا حيطلع من بقك ... يعنى خالتك وأمك ومرات اخوكى مابيفهموش .... أيوة صدقى ولمى عفاريتك بعيد عننا .... 3- الست الحامل اللى بتأخذ اى علاج بناء على مشورة أو وصفة صاحبتها او امها او عمتها او خالتها او جارتها خليهم ينفعوكى !!... وما تجيش تسألينى ينفع مع الحمل ولا لأ ؟!! .... عشان أنا ما بردش على الاشكال الضالة اللى زيك !!!... وكمان عشان انا باقاوم شيطاني بالعافية اني أقول لك : طب ما ينفعش وريني يا فالحة حتعملي إيه بقي... أبقى اسأليني "قبل" ما تاخدي اي دوا مش بعد... 4- بالنسبة للأخ الزميل الصيدلي بتاع الزغزخانة ..... رأيك في العلاج اللي باكتبه ده آخر اهتماماتي علي فكرة... يعني عارف ان الابيلات دوا ضغط و السيدوفاچ دوا سكر و الپرجنيل بيدوه للرجالة ..... الخ من ملاحظاتك اللي مش عارف كنت هاعيش من غيرها ازاي...... اصرف الدوا و انت ساكت.... يا حنين زى الأب ... يا أطيب أب ... يا سفن -أب.... 5- رقم تليفوني اللي معاكم ده للضرورة.... الضرورة... لاتعنى مع احترامى الشديد لسيادتكم انك تتصلى وتسألينى الساعة 3 الفجر : ينفع ألبس بيجاما بأستك مع الحمل ولا لأ ؟؟؟... أو ينفع تصبغي شعرك و الحاجات دي فأنا أسف أصدمك و أقول لك الحقيقة المرة انها لا تندرج تحت بند الضرورة.... تصوري؟!!!.... الدكتور بني ادم برضه علي فكرة... محتاج ينام زينا و يعمل پيپي زينا ....و احيانا بيتهف في مخه و ياخد دش... مش لازم يطلع من الحمام يلاقي 53 ميسد كول من حضرتك .... حاولي تتخيلي و لو لحظة انه يمكن مثلا كان مزنوق؟... وبيعمل زى الناس !!.. 6- بالنسبة لشعر العيل اللي بيعمل حموضة!!!!! رأس البيبي بتبقي تحت علي فكرة.... يعنى مالهاش أى علاقة بالمعدة... و حاقعد ربع ساعة كاملة اشرحلك تأثير الحمل علي صمام المرئ و الارتجاع... لو المرة الجاية جبتي سيرة كلام ماما عن شعر العيل تاني حاحدفك بالطفاية اللى قدامى ... مش يحفروها الفيران ..ويقع فيها التيران !!!... 7- على فكرة يا مدام الحاجات السخنة مش بتسقط الجنين ماكانش حد غلب..... وبعدين الستات اللي بتقعد عالنت وتعملى فيها أم العريف ... هو انا فعلا بعد 14 سنة خدمة في ثانوي مستني المعلومة اللي سيادتك جايباها من منتدي فتكات عشان اعرف أعالج حالاتي... ارجوكي... روحي تابعي مع فتكات وزيرة الصحة والبرشام بتاعتك !!!... 8- بالنسبة للأخت اللي بتيجي مع الحالة و مالهاش أى تلاتين لازمة... انا باجاوب علي ال500 سؤال اللي الحالة بتسألهم و باستحمل تدخلك في وسط الكلام ذوق مني مش اكتر ..... إنما مش لازم أول ما الحالة تدخل اوضة الكشف أرد كمان علي تساؤلاتك بخصوص بنت أختك اللي في الإمارات .... ولا مرات ابنك التانية اللي متابعة مع دكتور تانى مش مريحها... تحبي اعطيكي بباقي الكشف لبان دكر كمان؟..... 9- الباشمهندز جوز المدام الحامل... بيبقى مخنوق قوي انها في البيت بتشتكي من أعراض الحمل و بتدخل ضارب لي بوز و قرفان قوي انها تعبانة و الكلمة الشهيرة "شوفي لنا حل" ؟ ..... الحل يا حبيبى ماكنتش اتشاقيت ياخويا... إنما خلاص أهي حامل و شايلة البطيخة علي قلبها الغلبانة... مش عاجبك كمان انها تشتكيلك من غممان النفس ولا رجليها اللي ورمت ولا انها بقت تقيلة؟! .... روح اشتكي لحد غيري انا حاسمعك كلام يضايقك... بلاش مرقعة بقي دانتو لو جالكو زكام بتعلنوا الطوارئ.... 10- و انا باعمل السونار... مش لازم كل زيارة تسألوني هو لسة ولد ولا هي لسة بنت!!!!! انا اعرف واحد نام و صحي لقي نفسه لسه راجل برضو علي فكرة... بتحصل يعني احيانا!!! على فكرة مش هيغيّر رأيي في نوع البيبي الحلم اللي حلمته طنت فلانة انها حتجيب بنت مش ولد .... ولا طنت علانة اللي بصت عالبريمة اللي في شعر اخوه و قالت اللي جاي بنت الخ الخ من هذا الفلكلور اللطشيف.... و بالنسبة للقفشة بتاعة هو البيبي لون عينيه إيه ولا شعره طويل و لا شبه مين فينا ...... أوكي............ هأ هأ هأ.... خلاص؟ و اخيراً... و انتي جاية تولدي... ابوس رجل أمك (و حماتك).... بلاش بيض مسلوق و ملوخية..... اتعميت بقي حرام عليكو!!!!....

من حوالي 18 سنة كنت في اسوان... و اول مرة اشوف يعني اية سمك بلطي وزن السمكة 3 كيلو او يمكن اكثر...... بحيرة ناصر اكبر بحيرة صناعية في العالم....مش هاقولك ان السمك ايلي فيها يكفي مصر... لا دة يكفي شمال افريقيا كلة.... البحيرة عليها مصنع اسماك (بيعمل فيلية) لاحد رجال الاعمال... زي ما تقول واخد البحيرة كلها لحسابة...حق انتفاع او ايجار..ايلي تسمية. المهم ان اي صياد ينزل البحيرة يصطاد لازم يورد السمك بتاعة للمينا بتاعة البحيرة و هي تشترية منة ب حوالي 25 قرش الكيلو ايامها...و بعد كدة المصنع يجهز السمك تجهيز بسيط جدااا و يبيع الكيلوا ب 10 جنية.. :) بعض الصيادين كانوا بينزلوا البحيرة و يروحوا بيبعوا السمك لمهربين سمك علي ضفاف البحيرة بعيد عن المينا بس للاسف في اماكن جبلية ناحية ابو سمبل ومش اي حد يعرف يوصلها... المهم السمك الصياد كان بيبيعة بحوالي جنية او جنية وربع الكيلو.. يعني 4 أ ضعف سعر المينا... السمك ايلي كان بيتهرب من اسوان كان بيعمل حوالي 5 جنية الكيلو وقتها (فيلية) يعني نص سعر المصنع..و المهرب بيكسب فية 4 جنية ... في المكان ايلي كنت شغال فية كان معانا ناس بتعرف الامكان ايلي السمك المتهرب بيتباع فيها... مش عايز اقولك اني كنت بافطر و اتغدي و ااتعشي سمك بلطي فيلية ما دوقتش زية في حياتي....و الكيلو بجينة... :) قيس علي كدة نفس الوضع في كل سواحل مصر.... هاتلاقي ناس مسيطرة علي اماكن الصيد... و في رجال اعمال كثير قوي من مصلحتهم ان الصيد في مصر يقف نهائيا علشان يعرف يسوق السمك المستورد بتاعة...او التونة المعلبة ايلي بيجيبها من برة...اوحتي يسوق للحوم و الفراخ ايلي شغال فيها... وجود بروتين رخيص و نضيف و صحي زي السمك بسعر قليل ... هايقضي علي تجار مواشي و فراخ كتير...

اول خطوة للنجاح في تسويق شيء ما هو "الإيمان " بذلك الشيء فالمستهلك "الراضي" عن الخدمة أو السلعة هو أفضل من يقوم بالتسويق لها لا تسوق لشيء لست "راضياً " عنه و إلا فستكون النتيجة إما أن تكون مسوقا فاشلا أو مخادعا!

انزل شارع قصر النيل وخذ معاك عدد كافي من الصور الشخصية والسيفيهات وخذ الشارع مشي هتلاقيه مليان شركات الحاق عماله اترك في كل شركه صور وعبي ابلكيشن ومفيش مانع تترك نسخه من السي في .. في حل تاني كمان احسن .. انت اشتري جريده الاهرام بتاعت يوم الجمعه .. هتلاقي اعلانات وظائف كتير نازلة مطلوب محاسبين او مطلوب صيادلة او او . . وهتلاقي اسم شركة الحاق العماله الي طالبه .. ركز على الشركات الي عامله اعلانات كبيرة او الي طالبه مؤهلات كويسه مثلا مدراء او دكاترة او او .. اتصل بيهم وخذ عنوانهم وروح لهم مباشرة واترك ورقك هناك .. يعني مش شرط يكونوا طالبين مؤهلك في الاعلان بس الشركات دي بتعمل اعلانات للوظائف الي معندهمش سيفيهات لها لكن الي مقدم لهم داخلي زي ماهتعمل كده بياخذوه الاول من غير اعلان فانت اعرف من الاعلانات اسماء الشركات فقط وروح لهم بنفسك اترك ورقك عندهم وان شاء الله هيتصلوا بيك لما يتوافر لك وظيفة مناسبة .. الاعلان الكبير والوظائف المهمه بيدل على حجم الشركة الى حد ما .. فانت ركز على النوعية دي من الشركات وان شاء الله ربنا هيوفقك في حاجه كويسه .. ربنا معاك ..