لوحة القادة

خريطة مصر سنة 1879

رؤيتي لكل الآراء المنادية بفكرة "الإستيعاب" أنهم لايزالون يعيشون مرحلة ماقبل "حمل السلاح" و "تخريب" الدولة و "معاداة الوطن". مافعلوه منذ اعتصامهم في رابعة والنهضة حتى الآن مستمر وخطير ويمثل تهديدا لا تقبل به أي دولة أن يحدث على أراضيها. الخلاف في نظرهم ليس سياسي أو عرقي، بل يعتبرونه "ديني" ومن كان ضدهم "سياسيا" يعترونه "عدوا دينيا" يحاربهم في دينهم. إنهم يعتقدون فينا المؤيدين للنظام "أعداء دينيين" أيضا، ولذلك فهم يتهموننا بأننا نحارب الإسلام وأن أيدينا ملوثة بالدماء، حتى الذين صلوا خلفنا وصلينا خلفهم لم نسلم من إتهاماتهم.

لا أدري لماذا نصر على وضع اسطوانة الاخوان في البيك آب (والله شفته زمان عندنا في البيت) ونعيد تدويرها كلما انتهت والله يافندم أنا ما بفهمش في السياسة دي بس عايز الناس كلهم يبقوا حلوين مع بعض بالصلاة على النبي إذا كان ينفع يعني أصل كان فيه دول عندهم أكتر من اللي عندنا وياما قطعوا بعض وبعدين بقوا حلوين وجمال وبلادهم بقت حلوة وطلعت لقدام ونطت نطة كبيرة عقبالنا

تسجيل متابعة يا فندم :)

يا عم فولان ... علشان السجع و الأبيات خللي التونسي يسلفك واحدة ( يا مان ) من بتوعه تغير بيها "يا افندم" .... :smart: تحياتي

يا وليد يا ملك الكمان اهدأ وعود عليك الأمان وعشان خاطري أنا خليك يا افندم دا انت من ريحة زمان اعتقد من أيام الأستاذ صبح ما كان مشرف هدي الاسلام لم نتحاور لم أفهم من كلام سكوب أي شئ خاص بك شخصيا تحياتي لك يا وليد وربنا يوفقك في حياتك

صدقآ لم يأتي شخصك في مخيلتي أثناء كتابة تلك السطور أستاذ وليد ...و إن لم أخطأ حضرتك توقفت عن المشاركة حتي من قبل ان يتم ارغام الأخوان علي ترك الحكم .. لذا من الواضح تمامآ انك لست المعني .. كلامي كان بوجه عام ردآ علي إستفسار العزيز فولان بن علان .. و كان سيكون بلا معني بالفعل لو كنت اعني به شخصآ بعينه ...

عارف يا فندم احنا مشكلتنا ايه؟ اننا عايزين نعيش في يوتوبيا و ننسى أو نتناسى أن الشر والفساد حيفضل موجود و عمره ما حينتهي و الخير دايما بينتصر المشكلة ان الخوف ركبنا و اتشحنا بوشاح السلبية كل واحد في حاله و لسان حاله بيقول وانا مالي انا عندي عيال عايز اربيهم ده الناس بقت بتخاف من الشهامة والجدعنة!!! لأحسن نتيجة الجدعنة دي تيجي على دماغه في مشكلة كبيرة جدا كمان ان معظم الناس تجهل القانون و بالتالي بتضيع حقوقها أو بتوقع نفسها في مشاكل و ممكن ضعاف النفوس من المسئولين يستغلوا هذا الجهل للإضرار بالمواطنين و قصاد ضعاف النفوس دول في كتير اوي من المسئولين الشرفاء بس احنا للأسف بقينا بنشوف نصف الكوب الفارغ أنا أذكر مرة و أنا في أولى جامعة ضاعت بطاقتي الشخصية ذهبت للقسم فورا أحرر محضر سألني الضابط على أساس اني بنوتة صغيرة ليه اهتمتي بسرعة كده قلت له دي هويتي ممكن أي حد يلاقيها و يعمل بيها أي مصيبة تؤذيني و كان الضباط كلهم مبسوطين ان بنت عندها 17 سنة عارفة القانون دول كانوا بينادوا بعض عشان يوروهم البنوتة دي والكلام اللي بتقوله احنا بندي ودانا لقاسم السماوي اللي بيشوف كل حاجة وحشة و مبيعترفش أصلا ان في حاجة حلوة احنا بندور على الحقوق وبس فين واجباتنا هي الضرائب كل حاجة؟؟!! هل بنهتم بالمرافق بتاعتنا؟؟ هل بنشغل نفسنا بالمحافظة عليها؟؟ معقول الدولة تكون مسئولة عن كل حاجة؟؟!!! فين دورنا كمواطنين؟؟؟ من أيام تزوير الانتخابات في الثمانينات و الناس فقدت الثقة بالبطاقة الانتخابية أنا أول واحدة معنديش بطاقة انتخابية لأن اللي نشروا و ضخموا استفادوا من احجام المواطنين عن التصويت لو كل واحد فينا عمل بواجباته و تمسك بحقوقه أكيد حنعمل حاجة بتتكلموا عن الواسطة؟؟ طيب ايه رأيكم انها متفشية في كل حتة في العالم وفي الدول المتقدمة على وجه الخصوص الفرق انهم ما بيسكتوش ما بيقفوش مكتوفي الأيدي بيحاربوا عشان يوصلوا لحقوقهم ما يضيعش حق وراه مطالب انا على فكرة بأفكر مع حضراتكم بصوت عالي و بأوجه الكلام لنفسي قبل ما أوجهه لحضرتكم أنا أول واحدة تعبت بسرعة و طفشت برة البلد عمري ما كنت بأفكر في الكلام اللي بأقوله دلوقتي عشت كتير في الغيبوبة احنا بندي ودانا وناخد على أساس كده قرارات يعني مثلا كمغتربين الناس تروح مصر أجازة ترجع تحكي عن السلبيات بس و الناس كلها بتقول مصر بقت وحشة اوي الله أمال الناس اللي عايشين و ناجحين في مصر دول ايه؟؟؟ طب نجحوا ازاي؟؟؟ معقول كلهم ناجحين بالواسطة؟؟؟ معقولة كلهم نصابين و حرامية و مرتشين؟؟ و الا تضخيم موضوع التحرش حسسني اني اللي بتمشي في الشارع بيغتصبوها و الا أي حد ماشي بيتسرق طول عمر الشر موجود و الجريمة موجودة و الفساد موجود الموضوع و ما فيه انه اتبروز وتم تضخيمه عشان الصحف و التلفزيونات تاكل عيش لما بيتكلموا عن الفساد و الحوادث والجرائم تلاقيهم يفردوا صفحات و ساعات من البث هل زمان الناس كلها كانت طيبة و ما كانش في مجرمين؟؟ الفساد انتشر و زاد لأن الإعلام بقى بيعرضه كدروس تعليمية للي عنده استعداد للانحراف و مش لاقي حد يوجهه بتوريه الجريمة وايه اللي خلاها تنكشف حثا منها على ان يتفوق المجرم في كل مرة عن المرة السابقة ليصل الى مستوى الجريمة الكاملة بتلافيه للأخطاء التي وقع فيها من سبقوه لو علمتم الغيب لرضيتم بالواقع خدنا ايه من حرية الصحافة اللي ما بتراعيش مشاعر الناس و بتهديهم لحد بيوتهم كل ما يؤرق و يؤزم و يصيب بالإحباط الهدف هو التغيير مش كده؟ يا جماعة السلبية مرض خطير و فتاك و للأسف معدي آن الأوان لتجاهل السلبيات و إبراز الإيجابيات و تضخيمها والترغيب فيها و الحث عليها و كفانا بحثا عن المصائب والكوارث وكأننا بننكش ع النكد بمنكاش يا ريت يا جماعة نقوم بحملة للتفتيش عن الإيجابيات في حياتنا و نبطل ندي للسلبية أكتر من حجمها تحياتي