لوحة القادة

ستة أسابيع مضت مع أول كورس أقوم بتدريسه في بيرلتز مصر باكتبها و جسمي بيقشعر لأن ده كان حلم و دلوقت بقى حقيقة حأطير من السعادة ان ربنا وفقني انقل خبرات لعشرة متدربين و متدربات "مصريين" العشرة دول زرعي اللي طرح ابتسامتهم كل واحد و واحدة فيهم حيؤثر ايجابيا في ألف شخص اول جون في شبكة السلبية و المباراة مستمرة :)

أشكر حضرتك يا فندم الحقيقة تكمن سعادتي اني نقلت خبرات لمصريين و ده مش تحيز او عنصرية لكن اعتبره بداية تحقيق الاهداف مصر تحتاج الان و أكثر من أي وقت مضى إلى التنمية البشرية بيرلتز معهد لغات طبعا لكنه بيقدم برامج بالاشتراك مع أماكن أخرى و بالتعاون مع الجامعات البرنامج اللي قمت بتدريسه اسمه WFP Work Force Passport أو جواز سفر لسوق العمل و هي منحة دراسية مقدمة من احدى شركات التدريب بالتعاون مع ديل كارنيجي للتدريب و طبعا بيرلتز المنحة تكلفتها 200 جنيها مصريا و يمر الطالب بامتحان تحديد مستوى اللغة الانجليزية التي لا يجب أن يقل مستوى المتقدم فيها عن المستوى الاول حيث هناك مستويان قبل هذا المستوى المنحة تتراوح من 4 الى 6 اسابيع يدرس فيها المتدرب من 2-3 مستويات لغة بالاضافة الى برنامج مهاراتي عن المهارات الاساسية لسوق العمل مشتملة على مهارات اعداد السيرة الذاتية و خطاب التزكية Cover Letter و الاعداد للمقابلة الشخصية مع وضع خطة مشروع متكامل من الالف للياء و تقديمه باستخدام مهارات العرض presentation خلال الكورس كان تركيزي على التفاصيل الانسانية و كيفية التخلص من الضغوط للتمكن من اتمام البرنامج بسلاسة و دون توتر رغم ضيق الوقت و عبء اللغة الاجنبية مكاسبي المهنية لا تعد و لا تحصى من البرنامج الذي اضاف لي الكثير و مكاسبي الانسانية,, عشرة قلوب غضة نقية ساهمت بتوفيق رب العالمين في زيادة اقبالها على الحياة

الحنين يأخذنى لنلهو مع الذكريات فى ساحات منسية من العمر ..

أول مديرة اشتغلت معاها بلا أي منغصات و كانت احلى فترة في حياتي المهنية,, كانت اول من طبقت معها استراتيجية " عدم سؤال الاخرين عن شخص ما " كتير بنسأل عن حد منعرفوش,, "و ده ايه نظامه؟ " رغبة استباقية من شأنها اقامة سدود و حواجز بينك و بين الشخص المسؤول عنه و من تجربتي اجزم ان كل انسان به الخير و الشر و نحن من نجذب منه " بسلوكياتنا" احدهما حضرني موقف حصل من يومين في احد وسائل المواصلات العامة كنت اجلس باخر صف و هو عبارة عن خمسة مقاعد متجاورة و هناك حرج من التقارب في الجلوس مع وجود الجنسين طلبت من الجالس امامي ان يتبادل معي المكان بصفته رجل فرد ان معه ابنه يجلس بجانبه حتى الان سؤال عادي و رد عادي و الراجل مغلطش أنا بقى مش اسكت و خلاص لا قلتله في كرسيين و ده كان سلوك استباقي مني قبل ما يجي حد تاني في الكرسي اللي جنبي و نتزنق و دي كانت بداية جذب رد عنيف من الرجل و قال بعنف,, لا طبعا سكتت خالص و الموضوع خلص لحد ما ربنا فرجها و حد من القاعدين جنب الشباك نزل فاخدت مكانه بعيدا عن الالتصاق بالركاب المغزى هنا عدم الوصول للوم الرجل على رفضه مبادلة مكانه لان تصرفي انا كان فيه ضغط و هو ببساطة مارس حقه في رفض مالا يريد و كان الصح هو الاكتفاء باجابته الاولى و اللي كانت غير مصحوبة بعنف حد حيقول فين الشهامة مثلا؟ و انه المفروض يقوم عشان واحدة ست,,, و,,, و,,, و حقول هي دي الغلطة اللي بنقع فيها معاملة الاخرين بحسب برمجاتنا نحن دون الاخذ في الاعتبار ان برمجاتهم مختلفة و عليه طريقتهم مختلفة في ادراك الامور و التصرف بمنهجهم "هم" نرجع للمديرة هل كانت ملاك مثلا؟ طبعا لا,, و كان في زميلات بيعيطوا منها بالدموع كل اللي عملته بعدم سؤالي عنها اني سمحت بوجود قناة بيني و بينها انا متحكمة فيها بلا اي تاثيرات خارجية فوصلنا معا الى "جذب "ما يرضيني منها و احتمال وصلها ما يرضيها مني برضه و ده نفس علاقتنا بالكون متخليش حد يؤثر عليك ان الحياة كئيبة و مفيش شغل و مفيش جواز و مفيش و مفيش,,, ابني علاقتك الخاصة جدا بالكون و اجذب منه كل ما يرضيك