لوحة القادة

يطل علينا العام الجديد 2015 ونحن نحيى ذكرى ميلاد اثنين من الخالدين سيدنا محمد وسيدنا المسيح عليهما صلاة الله وسلامه لعل الاحتفال هذا العام يكون رمزا لوحدة "الأمة المصرية" الخالدة هذه الصورة تغنى عن عشرات السطور التى يمكن كتابتها فى هذا المعنى أبونا بيشترى حلاوة المولد .. والأخت المحجبة بتشترى بابا نويل :) :flr1: :flr1:

سيبك من فاطنة ام دجدج يا أستاذ باهى وخلينا احنا فى "محاولة" الفرح :) مش عارف انت حضرت أيام معامل الحلاوة ولا لأ فى الحى اللى نشأت فيه ، كان فيه معمل حلاوة بيصنع جميع أنواع الحلويات عسلية وسمسمية وحمصية وسودانية وملبن ولديدة ونوجا وخلافه وفى المواسم لازم يعمل عرايس المولد ، وفرسان المولد إن ما كونتش تعرفه .. إتفضل شوف الفيديو ده الدويتو ده متسجل جوه معمل من دول خد بالك من "التغليف" :) https://www.youtube.com/watch?v=bnBdk-JlzIM

ابقي قابلني هعهعهع

تم دمج الموضوعين مع الاحتفاظ بعنوان موضوع الأستاذ عادل أما ترتيب المداخلات فهو يتم تلقائيا حسب وقت المشاركات ولا يهمك يا أستاذ عادل إتفضل متع عينيك وافتكر أيام الحصان الاحمر ومعاه عروسة المولد "البيضاء" :) http://www.youtube.com/watch?v=5x5eHvFvKJU

ربنا ما يقطع لكم عادة يا بُعدا .. وتفضلوا خميرة عكننة كده على طول عشان لما نشوف قرفكم كل سنة نعرف أد إيه "بدعة 30 يونية" كانت ضرورية كى لا نموت هما وكمدا ما تنسوش قبل 7 يناير تبشرونا بالجحيم لو قلنا للمسيحيين كل سنة وانتم طيبين

"محمد" الساعة اتناشر و نص بعد منتصف الليل.. على ناصية شارعنا واقف على مشنة عيش درجة الحرارة طبقا لمؤشر العربية 10 درجات بصيت عليه و انا سايق.. و عديته... وبعدين وقفت فجأة... لفت نظري انه واقف لوحده ماسك كراسة و قلم و منهمك قوي!!! رجعت بالعربية تاني و قربت و فتحت الازاز و سألته - انت بتعمل ايه ياض انت ؟؟ ابتسم وضحك و قالي - ببيع عيش قولتله - لا.. بتعمل ايه بالقلم و الكراسة دول ؟؟ قالي بمنتهى الثبات - عندي امتحان بكرة و بذاكر طبعا انا تنحت تنحت من ثباته تنحت من ضحكته الواثقة تنحت من عمود النور اللي بيذاكر على نوره تنحت من قدرته على تحمل البرودة القارصة تنحت من قدرته على التركيز و ان محدش اصلا قاله ذاكر و لا في حد بيتابعه ركنت العربية و نزلت صورتة و قربت و سألته بابتسامة - اسمك ايه ياض انت ؟ - محمد - فين ابوك يا محمد ؟ - راح البيت ينام - طب فين امك ؟ ما ردش.. و انا ما سألتش تاني.. لان وشه جاوب - عندك امتحان ايه ؟؟ - عربي - طب.. طب حتروح تنام امتي ؟؟ - اما ابويا يجي كمان شوية - بعت عيش ؟؟ - اه بطريقة بلطجي قربت و سألت - طب فين فلوس اللي بعته ؟ بحذر بصلي و سأل بغدر - ليه ؟؟ ضحكت و سألته - بكام الكيس ؟؟؟ و اخدت العيش اللي قصاده كله و حاسبته - اول ما ابوك يجي تروح جري تنام.. مين حيصحيك الصبح ؟؟! - انا بصحى تاني.. تنحت.. تنحت لانه صحيح.. اللي يعمل كل ده من غير ما حد يطلب منه.. يصحى لوحده.. لانه عاوز يبقى بني ادم.. محمد عمره ما حيتكسر ابدا رغم انه لسة في تانية ابتدائي محمد خلاني اقف في انصاص الليالي و عيني مدمعة ان في ناس عندها اصرار و عزيمة رغم ظروف شبه مستحيل ينجح فيها انسان محمد اخد الفلوس و عدها و حطها في جيبه و حط وشه في الكراسة تاني و هاتك يا كتابة و مذاكرة و انا واقف جنبه ولا عبر امي محمد محدش حيلخمه و لا حيخليه يحيد عن هدفه انا نفسي ابني يبقى زي محمد اقولكم نفسي انا ابقى زي محمد نفسي مصر كلها تبقى محمد منقول

عام سعيد على الجميع ..ان شاء الله.. تمنياتى لكم ب.. الايمان واليقين بالله ...يقينى بالله يقينى.. السلام والأمن والأمان. الصحة والستر وراحة البال. المحبة والود بينكم وبين كل من تتعاملون معهم فى حياتكم اليومية. التفاؤل الدائم. التكافل الاجتماعى والانسانى...كونوا كرماء دائماااا وبالزيادة, تمتعوا بالأمل...برسم ابتسامة ترسم فرحة تستشعرونها. يارب....يديم عليكم نعمة الكفاح بالبحث عن - لقمة العيش -لكم ولأولادكم بطريقة نزيهة وشريفة...- ولايحرمكم من زرع خصال طيبة فى ابنائكم. سلام ومحبة وود دائم. :flr1: :flr1: :flr1: :flr1:

لمست وترآ في غاية الرقة قابع في ركنآ خاصآ أستاذي العزيز .. ركن من الذكريات الرائعة أهجع اليه كلما أصطدمت بقبح الكراهية و أسوارها .. كراهية لن يفلحوا ابدآ في تأصيلها بيننا ... و بالرغم من الكلمات المعتادة الروتينية ..و الأسطوانات المعتادة ... و التهنئات التي حولوها الي خطوط حمراء ... سنظل دائمآ بالفعل كيانآ واحدآ جذوره ضاربة في عمق أرض كيميت... نحن.. المصريين .. كل سنة و احنا كلنا طيبين

كل عام والمصريون بخير وسعادة

و النبي يا ست 2015 ماتطلعي زي الست 2014 و لا 2013 و لا 2012 و لا 2011 ة لا 2010 ... و لا كل الشلة دي .. خليكي حلوة إحياااااااااااااااااااات أبوكي يا شيخة و اجبري بخاطرنا مرة بقي ... كل سنة و احنا كلنا طيبيبن ...

معلش .. بس ايه علاقة صور حضرة المشتشار ده بالغرض من الموضوع نفسه .. هو ده الكلام المبهج و الأحداث المفرحة اللي ممكن تدخل السعادة علي قلوبنا لما نسمعها .. و لا النكد و جر الشكل و الصيد في الميه العكرة بقوا خلاص جزء من ال DNA لشوية من حبايبنا اللي مش قادرين علي بعادنا ...