لوحة القادة

في يوم واحد عديت علي 4 مطارات .. و ما بين انتظار و التاني .. طال او قصر .. ابص حواليا الاقي معظم ناس من كل حتة في الدنيا ... كل واحد في حاله .. معظمهم مبتسمين .. مافيش اي حد بيسأل التاني عن ثقافته .. عن ديانته .. عن معتقداته .. عن توجهه السياسي .. في صالات النتظار في اي مطار ممكن تلاقي البوذي .. او المسلم .. او الملحد .. او المسيحي .. او .. او .. من غير ما تعرف تفرق بينهم .. ممكن تشوف اللي لابسة الحجاب او النقاب .. ممكن تشوف اللي لابسة فوق الركبة او تحت الركبة .. اللي لابس طاقية و اللي لابس كرافتة .. اللي لابس عقال و اللي لابس برنيطة .. اللي بشال و اللي بديكولتيه ..... مش حتلاقي حد بينقد التاني او يأنبه او يتطفل عليه او يحشر نفسه في اموره ... بشوف ده دايمآ كل ما أسافر .. الغالب هو انك تشوف ناس بتساعد بعضها من غير ما تسأل حتي التاني هو جاي منين او رايح فين ... الطبيعة الحلوة للبني آدمين تشوفها علي أصلها في المطارات .. و ده اللي يخليك تستغرب و تسأل نفسك ايه اللي بيحصل لنفس الناس دي لما توصل لوجهتها النهائية ؟؟!! طبعآ من الملايين اللي بيسافروا كل يوم في انحاء العالم قليل منهم اللي بيحتفظ برقيه و إنسانيته ... أما الأغلبية فبقدرة قادر تلاقيها رجعت للتشدد و العنصرية والتطفل ... بل من الممكن أن يكون بينهم مجرم او إرهابي .. و بالرغم من انهم كده كلهم بيلتزموا باللي بتلتزم بيه الناس التانية ... وكأنهم جوه المطارات ناس و براها ناس تانية .. اسمه ايه ده ؟؟ انفصال في الشخصية؟!.. ايه المانع أننا نلتزم في بلدنا باللي بننلتزم بيه لما نسافر ؟.. إيه المانع أن الناس تساعد بعضيها و تبتسم في وش بعضيها؟.. إيه المانع أننا ننسي بل نلغي التكبر و العنصرية و التطفل والتسلط على بعضنا ونعتبر ان كل بلد مش اكتر من صالة انتظار في مطار .. وأننا كلنا محتاجين بعض ولازم نحترم بعض .. ونحافظ علي شعور التانيين مهما اختلفوا معانا سواء في الثقافة او الاعتقاد .. ايه الطريقة اللي ممكن نفهم بيها الناس أن مجتمعنا في الأساس هو الفرد وتصرفاته .. وأننا كلنا في مركب واحد ودورنا كلنا اننا نحافظ علي المركب ده و نعمل كل اللي ممكن نعمله بانسانيتنا ... باخلاقنا .. بتضحيات حقيقية علشان ما يغرقش .. ايه الطريقة اللي ممكن نبتدي كلنا نحس بأي واحد تاني سواء بنتعامل معاه او حتي في محيطنا من غير ما نعرفه ونبقي دايمآ مستعدين نساعده من غير ما نسأل اي سؤال او نستني اي مقابل .. يا ريت البلاد تبقي زي المطار ... يا ريت الناس تتعامل مع بعضها زي ما بتعمل في المطارات ..

وممكن الاستعانة بصديق

:) إنت فظيع

الموضوع ده فيه اتنين من المشرفين السابقين ذوي الاتجاه الاسلامي المتشدد نسبيا بيعملوا ايه لما يحبوا يردوا على سؤال يبدوا على غير منهجهم و فكرهم الديني؟ واحد ينقل لك 28 صفحه من صفحات النت......و يعتبر نفسه اجاب اجابه نهائيه ممتازه......رغم صعوبة قراءة السبعتاشر جورنال اللي نزلهم...و اللي غالبا مابيردوش على السؤال المطروح و التاني يستعمل سلاح الارهاب المراهق باسم الاشراف.....اللي مش عاجبه هحذف كلامه او احذف مداخلته او يلا خلونا نقفل الموضوع نموذجين من نماذج الفكر المختل او المنحرف للاسلام السياسي

منك لله يا تونسى .. بترجعنا ليه يا أخى لأيامكم اللى يعلم بيها ربنا البنية "دعاء" كانت بتحلم .. لازم يعنى تنكد عليها وعلينا ؟ حتى فى أيام فاتن ورشدى كان فيه نكد وهم وغم بس كانت ناس بتعرف تفصل وبتعرف تشوف الجمال وسط أكوام النكد مش حيبقى فيها رشدى .. مش حتبقى فيها فاتن كان مجـرد حـلم عندى .. لمـا مريت بالأمـاكن اللى كنت فـيـها رشدى .. وكل بنت فيـهـا فاتن كنـا بـرضه مهمـوميـن .. كنا زيـرو مأشفـرين بس كل خميس وجمعة .. ننسى قهر المهزومين نـفـتـكر بـس الأمـاكـن .. اللى بنبقى فيها رشدى والـلى كـل بنت فيـهـا .. كـات بتبـقى زى فـاتـن ........................................................ ........................................................ لـيـه يـابـنتى تـفكـرينى .. لـيـه ياشـيخة تحسرينى فيها إيه ؟ وبتسألينى ؟ .. والسـؤال محتاج جواب ؟ فيهـا فرق كبير وبـاين .. يـا دعـاء عبد الـوهاب

فيها إيه !!!!؟ فيها إيه !!!!؟ فيها قلب لابد يصفا ويتنزع منُه السواد فيها عدل يسِل سيفُه يدق بيه روس الفساد فيها دم جديد وطاهر يجرى ف عروق البلاد فيها روح لازم تعود تحـيي أحــلام الولاد لما يحصل ده يا صاحبى راح تبص على الوشوش تلقى مرسـوم ابتسـامـة و أمـا تخـرج بـره بيتك ترجعـه بمليون سـلامة و الشوارع تبقى هادية و القلوب مبسوطة راضية و الولاد شيك زى رشـدى و البنات فاتن حمامة