لوحة القادة

السلام عليكم الافاضل جميعا ..الزملاء و الاصدقاء و الانداد و الاضداد كل من تفضل و تكرم على بتعزيه او مشاركه لكم منى جميعا كل تقدير و احترام و شكر حقيقى من القلب على تواصلكم و اقول لكم جزيتم خيرا و لا اراكم الله ابدا اى مكروه فى اى عزيز لديكم و ادعوا الله لأبى بالرحمه و المغفره من قلب ابن محب شفيق و اقول له رحمك الله يا ابى رحمه واسعه و جزيت كل الخير عنى و عن أمى رحمها الله و عن اخوتى فقد كنت نعم الأب و المربى و الصديق و السند و أصارحكم ايها الافاضل جميعا ألأن فقط عرفت معنى ..يتيم .

لا يعرفون كلمة "معلش" في العمل من يخطئ يتم إنذاره وتنبيهه، لو تكرر الخطأ فهناك "فصل" للإخلال بشروط العمل لذلك فالكل يعمل عدد الساعات التي تعاقد عليها.

في اوروبا والدول المتقدمه ما بيقولوش لبعض خلي علينا وبعدين ما يخلووش lck::

فى خطوة نحو استعادة الخطاب الدينى الصحيح.. الأزهر يقرر عودة الكتاتيب.. المشروع يبدأ بـ 2000 كُتاب.. ويدرس جعله إلزامياً على الراغبين فى الالتحاق بالأزهر.. وتكون مدة الدراسة سنتين قبل الابتدائية http://www.youm7.com/story/2015/2/15/%D9%81%D9%89-%D8%AE%D8%B7%D9%88%D8%A9-%D9%86%D8%AD%D9%88-%D8%A7%D8%B3%D8%AA%D8%B9%D8%A7%D8%AF%D8%A9-%D8%A7%D9%84%D8%AE%D8%B7%D8%A7%D8%A8-%D8%A7%D9%84%D8%AF%D9%8A%D9%86%D9%89-%D8%A7%D9%84%D8%B5%D8%AD%D9%8A%D8%AD-%D8%A7%D9%84%D8%A3%D8%B2%D9%87%D8%B1-%D9%8A%D9%82%D8%B1%D8%B1-%D8%B9%D9%88%D8%AF%D8%A9-%D8%A7%D9%84/2067948#.VOifg9KUcpR طبعا الكتاتيب بوضعها السابق المعتمد على الحفظ دون الفهم خطوة كبيرة للوراء ومنهج لتخريج إرهابيين ومغيبين وعدم مسايرة لكل المناهج التربوية الحديثة

تمخضت الحكومه .. فدمست فولاً !!!

قال الدكتور خالد حنفي، وزير التموين والتجاره الداخليه، ان الوزاره تقوم في الوقت الحالي علي العمل علي تحويل عربات الفول في الشوارع الي تجاره رسميه بالدوله، مشيراً الي ان الوزاره تنوي دعم مكونات طهي الفول لكل عربه تدخل في اطار المشروع من زيت وخبز وفول ليصل رغيف الفول للمواطن ب75 قرشًا بدلاً من 1جنيه جاء ذلك خلال اجتماع بالغرفه التجاريه المصريه، اليوم السبت، لمناقشه تطوير المناطق العشوائيه بالاسكندريه بحضور اللواء محمد الزملوط قائد المنطقه الشماليه العسكريه، وهاني المسيري محافظ الاسكندريه، واحمد الوكيل رئيس اتحاد الغرف التجاريه. واكد حنفي انه يفضل دائما ان يتجه للافكار المبتكرهالبسيطه في ذات الوقت من اجل راحه المواطن المصري مشيراً الي ان هناك مشروعًا ايضاً تعتزم الوزاره طرحه متعلق لاقامه اسواق الخضار بالجمله، من اجل تخفيض الاسعار من اجل المواطنين.

ممكن يا مان أسألك سؤال على هامش الموضوع .. وفى ضوء ما اقتبسته من مداخلتك ؟ السؤال هو انت لا تعترف بالسيسى على أى أساس .. على أساس انك ((ترى ))عدم شرعية توليه حكم مصر ..أم على أساس انك (ترى)) عدم كفائته فى ادارة البلاد .. أم على أساس أخر اتمنى منك توضيحه ؟

طيب ما تنورونا يا حضرات فين الفساد والتخلف فى الموضوع ده ؟

أنا مش هكفرهم ولا هحكم عليهم بتطبيق حد الردة بس انا عارفة و متأكدة من داخلي انهم مش مسلمين ...ما تقدرش تمحي هذا الاقتناع من تفكيري

عادة يعني اللي بيفتح موضوع جديد هو اللي بيقرر عايز يناقش ايه .. و اللي عايز يناقشه او يحاوره بعد كده بيخش يعرض رأيه في فكرة الموضوع نفسها .. حضرتك جاي عايز تناقش ايه ( وش ماري منيب ) ... يعني اللي اضفته حضرتك لغاية دلوقتي في الموضوع ده بيناقش ايه بالظبط ... حضرتك اكتبلي الفكرة و انا عليا افتحلك بيها موضوع منفصل

العلم الحديث أوضح لنا أن الحفظ يقتل إبداع الطفل والمفهوم الجديد للقراءة أنها عملية تفكير مركبة تشمل فك الرمز المكتوب إلى أصوات منظومة والوصول للمعنى وفقا لخبرات القاريء الشخصية إذن القراءة عملية ميكانيكية .... وعملية عقلية والاعتماد على العملية الميكانيكية فقط بالحفظ .... وإهمال مهمة القراءة في إكساب مهارات القراءة المتمثلة في تفسير المعنى ومعنى المعنى والاستنتاج والتحليل والنقد كل ذلك وفقا لخبرات القاريء وحدوده ... فيه إضرار كبير للطفل ووفق العلم الحديث نظام الكتاتيب لابد وأن يتطور وينتهج المنهج العلمي حتى لا ينتج لنا المزيد من المغيبين والمشوهين عقليا

إنها خدعة جديدة لوكيل الأزهر ..... فلم يكتف بمن عينهم من المحفظين الذين اعتصموا في رابعة ...... فأراد أن يعين المزيد والمزيد منهم .... وخاصة أن غالبيتهم من السلفيين والإخوان الحاصلين على معاهد القراءات التي تعادل الإعدادية أوالثانوية .... قليلي العلم والدراية بالوسائل التربوية الحديثة في زمن الآي باد ما فائدة حفظ المتون لتلميذ بالحضانة بدلا من مخاطبة عقله فهم آية فهما صحيحا والعمل بها على الوجه الصحيح الآن أفضل من حفظ بلا إدراك

اضف الي ذلك ظهور اجيال جديده تجيد الخلط بأتقان

بالنسبه لموضوع الخلافه .. او اتحاد المسلمين تحت راية حكم ((سياسى))واحد .. فده بصراحه ((وبعد قراءه وتامل ومعايشة واقع)) شايفه صعب جدا .. بل وقد يسبب فتن وحروب وقلاقل بين المسلمين من كافة الامم والدول والقوميات المختلفه .. وستفرقنا مثل تلك فكره اكثر من ان تجمعنا ..وبالنسبه لنماذج النظم الدينيه ادينا شوفنا ولسه بنشوف الاخوان وعمايلهم وتكالبهم الرهيب والمميت على السلطه بعد ان نزعت منهم نزعا ((عبر الاحتجاجات الشعبيه المدعمه بالسخط الحكومة والمؤسسىو بالقوه المسلحه من جيش وشرطه)).. فوضح انها كانت ((اى السلطه)) بمثابة مغنم ومطمع لهم أكثر منها ((وسيله)) لتحقيق ((الغايه)) .. غاية الدوله القائمه على الحكم الاسلامى والتى قد تكون البذره الاولى لشجرة الخلافه المأموله . وطبعا عندنا نموذج اخر صارخ .. دموى ..ووحشى يتمثل فى تنظيم الدوله الاسلاميه المزعوم والمسمى داعش الذى لا يرتكب جريمه الا ويجد لها مبررا وسندا سواء من القران ((عبر تفسيره أياته على الهوى او بالمغالطه)) او من السنه ((عبر الاحاديث المشكوك فى صحتها او بالقياس الفاسد على احاديث صحيحه )) مش معنى كده انى رافض اتحاد المسلمين تحت رايه واحده .. بالعكس .. انا اتمنى ذلك .. ولكن اتمناه ان يكون اتحاد شبيه للاتحاد الاوربى ... اى على اساس(((((اقتصادى))))) .. اى تكون ((الخلافه)) خلافه اقتصاديه قائمه على المصالح المشتركه فى ظلال من الشريعه الاسلاميه التى تحث على التراحم والتواد والتكافل والتعاضد والتأزر .. وكل تلك القيم الاسلاميه التى نجدها فى القران والسنه .. باختصار .. احنا ربنا سبحانه وتعالى خلقنا كبشر شعوبا وقبائل . اى امم مختلفه عن بعضها البعض فى العادات والتقاليد والافكار والسمات ..وصعب جدا ان يصلح لكافة البشر نظام حكم سياسى او نظام اجتماعى واحد ..فمسألة العولمه اللى بينادى بيها بعض من الغرب ... او الخلافه اللى بينادى بيها بعض المسلمين صعب تحقيقها .. ولكن الاسهل والايسر والذى له تجارب ناجحه هو الاتحاد على خلفيه اقتصاديه تزدهر فيه المصالح المشتركه

هجرت الكتابة في بعض الموضوعات بسبب ردود مكررة مستفزة أحيانا أو ردود لا علاقة لها بما نكتب ..... أو ردود كأنها رمي جتت أو تبلي بلا دليل وغالبا ما أشعر أنها ردود الغرض منها إفشال الموضوعات

أخوكو الزيانى اتسرع .. أخوكو الزيانى صلح غلطته :) مابين البيان الأول والثانى 12 ساعة تأكدت دول المجلس وتأكدت مصر خلالها أن أيا من الطرفين يحتاج الآخر وكأنهم ما كانوش واخدين بالهم إنهم ما يستغنوش عن بعض

انا عاوز اشوف حد بيبارك وراضي عن ماتفعله داعش ؟؟ والغريب ان داعش نشات وترعرت بمباركة من دول عربية (خليجيه) وصمت مصري وبحماية أمريكية اذا لماذا العجب ايه دخل التيارات الاسلامية او الحركات الاسلامية ماتروحوا تحاكموا اللي عملوها اللي حضر العفريت يصرفه

السلام عليكم و رحمة الله و بركاته اولا لست مع نهج القتل نهائيا .. لكن دعنا نناقش الامر من جميع وجهات النظر .. نحن نرى كعامة مسلمة انهم ليسوا على الحق لانهم يسرفون فى سفك الدماء لكن ما هى وجهة نظرهم فينا نحن اى عامتنا .. هل تنطبق علينا الاية الكريمة النى سوقتها فى معرض حديثك تلك الاية ممكن تطبيقها للدعوة للاسلام فى وسط مشرك كافر لا يعرف عن الاسلام و لم يعتنقه .. لكن غالبية الوطن العربى مسلم .. لكن من وجهة نظرهم مسلم بدرجة يجب تقويمها .. و التقويم اى اصلاح الاعوجاج لابد له من قوة .. قد تكون ترهيب .. ترغيب .. عنف .. اتذكر ما قاله سيدنا ابوبكر فى شأن الزكاة و كيف رأى الحرب لو منعوه عقال بعير .. نحن مجتمع ترك الكثير من دينه لتقاعص دور الدولة فى تدريس العلوم الدينية و ذاك فتح بابا من جهنم اطلت منه تلك الجماعات .. تحياتى

فوجئت أن هذا الموضوع مر عليه اليوم سبعة أشهر بدأه الفاضل سكوربيون في التاسع عشر من يوليو سنة 2014 و شارك فيه الكثيرين من الأعضاء بإجمالي 165 مشاركة !!! و عنوان الموضوع بسيط و سهل الإجابة و لكن يبدو أن معظم من شارك في الموضوع يتحرج من الإجابة ما سبق كان إستهلالا لابد منه الرد الذي أراه ببساطة ليس هناك ما يعرف بالحكم الإسلامي و هذه القضية حسمت منذ بدايات القرن العشرين و كان للأمر ضجة كبيرة و يمكنك الرجوع لكتاب الإسلام و نظم الحكم. و المسألة مسألة مدنية بحتة ليس لها علاقة بالدين هم مجرمون مهووسون الدولة مسئولة عن تعقبهم و القبض عليهم و محاكمتهم عن الجرائم التي إرتكبوها .... أسمع من يقول هؤلاء مسلمون ... المسلمون أو أيا كانت دياناتهم أو جنسياتهم أو الأعراق التى إنحدروا منها . قد يقول قائل أنهم مسلمون و أمامهم باب التوبة مفتوح .... ليس لي شأن بتوبتهم أو عدم توبتهم لقد إقترفوا جرائم ضد الإنسانية و من حقنا جميعا أن يتم العقاب و في نفس الوقت من حقنا أن تقوم الدولة بوضع آليات تحمي الوطن من تفريخ هؤلاء المهاويس في الأجيال الجديدة.

مظبوط

لما يتنحنح اوباما و يعدل العمة و يمسك المايك باخخآ سمومه معطيآ للإرهابيين صنيعة نظام بلده قبلة الحياة .. و لأنه ما يقدرش يردد نفس حجة المتاسلمين بأن اسرائيل او الغرب هم السبب في الأرهاب .. فيعمل ايه ابن العفريتة ... يمسك البرنيطة و يقول جلا جلا و يطلع امنها أرنب جديد اسمه الفقر و الديكتاتورية وانعدام العدالة في توزيع الثروات ... يا رااااجل .. لقد انتابتني القشعرينة بجد و شعرت بالعرق البارد ينساب متسلسلآ بين صوابع رجلي الشمال .. معلش يا خواجا .. و الا تحب اقولك يا مولانا ... هما اللي دوقوكم طعم الأرهاب في 11 سبتمبر مش كان معظمهم سعوديين من اللي ماعندهمش اي مشاكل مع الفقر و لا حتي يعرفوا يعني ايه .. مش شيخهم ابن لادن كان من اغني اغنياء بلده .. يبقي حط موضوع الفقر و توزيع الثروات ده علي جنب ... بالنسبة لأرنب االديكتاتورية اللي هي سبب من اسباب الأرهاب و اللي طلعته من كم الجاكتة اليمين .. فمعلش شوفلنا أرنب غيره ... اصله الواحد ما شافش تطرف ارهابي بينحر و يدبح و يحرق و يسبي الناس في حتت بلدك نفسها مصنفاها ديكتاتورية زي كوريا الشمالية او الصين او فيتنام او مينامار ... الخ .. الخ .. بلاش دول .. ماشفناش ارهاب مماثل ليه في معظم دول امريكا الجنوبية اللي كانوا بيحكموها قادة الجيش و جنرالاته في السبعينات ... يبقي معلش شوفلنا ارنب تاني ... شوف يا أسطي .. لا الديكتاتورية و لا الفقر و لا توزيع الثورات هما السبب الحقيقي للتطرف .. السبب الرئيسي و الكل عارفه هو كتب تراثيه و حواديت امنا الغولة اللي بيتعلمها الصغار في المدارس و بيصبها شيوخ الإرهاب في ودان اللي بيعتبروهم ناس بتوع ربنا ... دي اسباب التطرف في منطقتنا و االي عمالين تدوروا و تلفوا تدوروا عليه .. الوحيد اللي كان عنده الشجاعة الحقيقية و وجه ليها اصبع الإتهام هو رئيسنا السيسي اللي بتعادوه دلوقتي .. يبقي بدل حركات الصياعة و الجلاجلا دي اللي ما بقتش تنفع معانا .. ما قدامكوش اي حل غير انكم تسمعوه و تساعدوه بجد و الا حتلاقوا المتطرفين الغلابة اللي عندهم انيميا ديموقراطية و ما حدش صرفلهم بطاقة تموين الثروات ناطين علي سطح الوايت هاوس نفسه .. اتعلموا مرة من اخطاء الماضي يا بقر .. علي فكرة و بدون مبالغة .. بقالي يومين ما بسمعش هنا من اللي اعرفه و اللي ما عرفوش غير تحيات و قد ايه مصر بلد رجالة في اللي عملته في ليبيا .. البني آدم الطبيعي مش محتاج تفهمه حاجة .. لأنه بالسليقة بيعرف الصح من الغلط .. السياسي فقط هو اللي حرباية بتلعب بالبيضة و الحجر ...

اعتذر للأستاذ اباعمر عن تقديري الخاطيء لعدم تواجده معنا في الأيام السابقة .. و اكرر عزائي لغياب والده رحمه الله ... و لكن بما انه عاد للمشاركة اكرر سؤالي المذكور سابقآ ...