لوحة القادة

الآن وبعد مرور حوالي أربعة أعوام من كتابتي لهذا الموضوع؛ أعترف أنني كنت مخطئا في ثقتي بالبرادعي ! هل كان حضوره لمصر مخططا؟ هل كان متخفيا خلف عباءة "دوليته" و "مبادئه" المثاليه التي يؤمن بها المجتمع الدول بشكل عام ونحن بالطبع منهم؟ هل كان خلية نائمة؟ لا أدري، ولكن غيابه عن احداث مصر الحزينة والمبهجة وعدم سماع كلمة واحدة تأييدا أو نقدا، ولا يظهر إلا في مناسبات إدانة مصر من دول تكره مصر، وينشغل بأمر مصالحة ايرانية تركية مع العالم العربي، يدفعني دفعا لسحب ثقتي في "الكتور محمد البرادعي" ربنا يهديه. آسف على ثقتي بك على مدار خمسة أعوام !

فى الIT startups بيتم التمويل من خلال مستثمر او اتنين... و بيتم تقييم الشركة برقم من نصف مليون الى مليون دولار, رغم ان الشركة بتكون لسه ملهاش اى واقع على الارض, و لكن ده تقييم مبدأى... علشان على اساسه المستثمر بيشترى نسبة و بيدفع مقابل لاصحاب الشركة, عشان يقدروا يشتغلوا. بعد عملية التقييم و انهاء الاجرائات الخاصة بتسجيل الشركة, بيتم العمل على معدلات النمو المتفق عليها... و رئيس الشركة غالبا مش بيقبض فلوس, لان مجرد وضع اى مرتبات فى الميزانية ده بيقلل من ارباح الشركة... عشان كده فى الغالب بيتم وضع مرتب $1 فى الميزانية لتفادى مسألة تقليل ارباح الشركة... و ده مش تلاعب لا قدر الله... :) بعد اول 6 شهور, بيبان اذا كانت الشركة فعلا ناجحة, و هل قدرت تخترق السوق ولا لا... و ده بيبان من حجم العمليات و ليس من حجم الارباح... لان التركيز بيكون على توسيع حجم العمليات باكبر قدر ممكن و مبيكونش فيه اهتمام بالارباح... اهم حاجة ان يكون السوق قابل للفكرة, و يكون فيه سوق فعلا و حجمه كبير... بعد ال6 شهور الاولى, بيتم اعادة تقييم و تعديل الbusiness plans و التأكد من انها واقعية مش كلام على ورق... اهم حاجة فى الIT startups انها تحافظ على معدلات نمو عالية... فيه شركات بتوصل لدرجة انها بتقيس معدل النمو الخاص بيها بشكل اسبوعى.. على ان يكون معدل النمو الاسبوعى - فى خلال اول 24 شهر - متوسط 5% كل اسبوع... ايون كل اسبوع :)... و فى شركات بتحط 10% اسبوعيا... و المقارنة بتكون بالاسبوع اللى قبله... عشان كده معظم شركات ال IT startups بتتضاعف حجم عملياتها حوالى 5000% فى خلال 5 سنين فقط... و هو ده سبب ان شركات التكنولوجيا بتوصل لقيمة سوقية تتعدى ال50 مليار بسهولة فى خلال 5 ل 7 سنوات فقط من تأسيسها و انطلاقها.. و هو ده الفرق بين الشركات التقليدية و الشركات ال startups معلش انا عارف ان ده كلام غريب عالمصريين, بس ادينا بنحاول نعمل حاجة... بدل ما نقعد نفرح بتخلف دولتنا.

احيي حضرتك علي الطرح والحلول مشكلتنا ليست في الأميه كان اجدادنا ويمكن اباءنا اميون ومع هذا علمونا وتركوا لنا ارث حضاري لم نحافظ عليه ونصر لم نعمل له .. مشكلتنا الأن مع المثقفين او من يدعون ذلك دون نتاج ابداعي اوفكري او مشاركه فعاله في العمل الجماعي ...

ياريت تبلغ العبيط اللي عامل البوست ده، اننا لما نحب نبني 10 بيوت ممكن نبنيهم في سنة، وممكن سنتين، وممكن خمس سنين ، وممكن عشر سنين، سنة لما نشغل عشر مقولين في نفس الوقت وكل مقاول مسئول عن تنفيذ العمل في عمارة واحدة، وسنتين يعني خمسة مقاولون، وعشرة لما اجيب مقاول واحد بيشتغل على مهله. في الجيش مفيش حاجة اسمها مستحيل، فيه خطط لما تريد بطريقة صحيحة ثم ابدأ التنفيذ، ولما السيسي بيطلب تقصير مدة التنفيذ، فهو يعلم ان المشروع يقبل ضغط الوقت، ولكم في تنفيذ حفر قناة السويس عبرة، شككتم في الوقت وقعدتوا تحسبوها بطريقة بتاع المحارة، شوية وقلتوا المشروع باظ علشان ماكانوش عاملين حساب المياه الجوفية وخاب ظنكم، وبدلا من أن تتعلموا، ها انتم تهاجمون مشروع جديد، لا أظن أن هجومكم سببه الجهل او الخوف على مصلحة البلد، بل هو الغل والحقد الاسود الذي تكنونه لمصر وشعبها، وسلم لي على طائر النهضة الذي كان سيطعمنا المن والسلوى من مؤخرته كما قل زعيمكم الأضحوكة. https://www.youtube.com/watch?v=aK5_nzCnW7I

تصرفات طفولية لا تليق بمكانة مصر خصوصا ان الوفد غير رسمي ... رجال أعمال لا علاقة لهم بالحكومة جايز يكونوا بيحبوا مصر وجايين يستثمروا فيها احنا عندنا مصريين كتير عايشين في قطر و بيتعاملوا أفضل معاملة ... الشعوب لا علاقة لها بخلافات الحكومات ... الحكومات زائلة و الشعوب باقية .

ظاهرة عدم الأنتحار لدي الجبلات من شمامي الكله والشرابات وذوات الأربع ذو القرون والليات تستحق الدراسه علي رأس الأولويات ... :buba:

شوف بقى يا أستاذ محاور إعترض على النظام زى ما انت عاوز إشتم الحكام زى ما انت عاوز إنما مصر دى ما تقربلهاش أمك وابوك واخواتك عايشين فين ؟ لو خارج مصر لماذا لا تذهب وتعيش معهم ؟ خالك وعمك وولادهم عايشين فين ؟ لو خارج مصر اذهب وعش معهم أما لو عايشين فى مصر وإنت شايف إن حياة الحيوانات فى الخارج أنضف من حياتهم فى مصر فهذا شئ يخصك وأنت أدرى بحياة عائلتك ولكن إياك أن تجمع المصريين وتضعهم فى سلة واحدة مع من تعرفهم واعتبر هذا تحذيرا نهائيا لك نظرا لحداثة عهدك بمحاورات "المصريين" فى هذا المنتدى لا نقبل الإساءة إلى مصر والمصريين وهذا شئ مختلف تماما عن انتقاد ومعارضة الذين يحكمون مصر هذه المداخلة أنا أكتبها لك كعضو لى ما لك وعلىَّ ما عليك لو تكرر هذا الأمر فلن ينتظر أى مشرف ليتخذ الإجراء الإدارى اللازم

معروف ان الأمية من أهم المشكلات اللي بتواجه مصر ... وان عندنا نسبة عالية من الأمية للأسف و خصوصا بين الاناث .. لكن الأمية لم تعد فقط الجهل بالقراءة و الكتابة .. وانما ايضا الجهل بكيفية استخدام الكومبيوتر و الاجهزة التكنولوجية ... لو كان عندنا ارادة حقيقية للقضاء على هذه المشكلة... كنا زمنا قطعنا فيها مشوار هائل في سنوات قليلة زي بعض الدول الخليجية اللي قضت على المشكلة دي تماما ..لكن مش شايفة فيه حد مهتم بالموضوع دا خالص او اتكلم فيه اليومين دول. أتصور حل المشكلة بسيط وبيضرب عصفورين بحجر واحد .. الدولة توزع جهاز تابلت لكل مواطن بالتقسيط المريح جدا .. وتكلف شباب جامعي كنوع من الخدمة الاجتماعية الاجبارية بعد الجامعة يعلم المواطن الأمي كيف يستخدم جهاز التابلت و يتابع معه الدروس للي هتكون متبرمجة مسبقا على شكل تطبيقات داخل الجهاز ..وشوية شوية هيعرف كل مواطن يستخدم التكنولوجيا و في نفس الوقت هيتعلم يقرأ ويكتب بل ويبحث عن المعلومات بنفسه ...العلم من التابلت هيكون أكثر متعة وهيشعر الطالب انه عاوز يتعلم بسرعة علشان ينطلق لوحده ..وبعد كل مرحلة يتم تقييم الطالب بامتحانات تعقد كل فترة في أماكن تخصص لهذا الغرض . وياريت يكون هذا التعليم إجباري و اللي ما يتعلمش تتخصم منه مثلا حصته من المواد التموينية او يدفع غرامة معينة كل سنة الى ان يتعلم .

اري وان حضرتك حصرتي الموضوع في حقبه زمنيه مرت خمسة عقود لم نري بها مثلا نجيب محفوظ او طه حسين او العقاد او ابداعا فعليا كما في الملكيه ! السعوديه مثلا ولا اريد الخوض فيما ليس من حقي في المسئله الحقوقيه لكن بأحتكاكي بمثقفيها ادركت ان لديهم مبدعون حقيقيون يستحقون منا الثناء والتقدير عندنا مثلا مفكر هذا الذمان يوسف زيدان عندما اقتربت منه لم الحظ غير دجال يسحر اعين الناس فتغيب عقولهم في ندوات ليست غير ملتقي يجمع الرجال بالسيدات في ساقية الصاوي او مكتبة الأسكندريه وظني ان دراويشه سيصنعون له جداريه ! فاضلتي الدوله م البوليسيه او حتي القمعيه ليس بوسعها قمع ابداع او انتشار فكر مثلا اعظم ما دونه التاريخ من ابداع كان في العهود الإشتراكيه والنازيه وفي وطأة حروب ضاريه .. مثقفونا انشغلوا بأظهار عيوب الأخرين مأجورين مدفوعين فكانت قدوه تبعاها المتسربون من التعليم حتي وصلنا لما نحن عليه الأن .. انتبه رجال المال لسطوة الآله الإعلاميه فأمتلكوا منها ما يمكنهم من فرض افكارهم وتوجيه الرآي العام من خلال افساح مساحه ظهور لشخصيات بعينيها مدفوعه بأجندات وحتي للضغط علي الحكومات .. و و و اعذار باليه لذنوب عاتيه ... شكرا لتسامحك والفرصه والمساحه

خير اللهم اجعله خير .... مرت ٩٠ ثانية بحالهم من غير ما ترد.. لعل المانع خير ان شاء الله

والله ما انا عارف ارد علي الفكر ده ازاي ... عندك حق يا محاور السيسي وحش و مرسي حلو و الأخوان امامير و ملايكة و حيرجعوا يمسكوا الحكم يومآ ما .. بس هما يخلصوا من المصريين الوحشين اللي مش قابلينهم .. مبسوط كده .. هو الموضوع ده كان بيتكلم عن ايه بالظبط ؟

هو وقت مرسى كان فيه قانون تظاهر؟ طيب وقت مرسى كانت الشرطة بتقتل المتظاهرين؟ او حتى الجيش كان بيقتل متظاهرين؟ هل وقت مرسى تم الاعتداء من اجهزة الدولة على اى متظاهر؟ وقت مرسى كان فيه حرية تظاهر و تمرد على كلامهم انهم جمعوا 23 مليون توقيع... ده على كلامهم... يبقى ازاى بتقارن بين وقت مرسى و دلوقتى؟ إذا كانوا مش قادرين يفتحوا محطة مترو التحرير, و عاملين بوابات حديدية على ميدان التحرير... حرية التظاهر اصبحت غير موجودة... حرية الاختلاف اصبحت غير موجودة... و هو ده الفرق بين وقت مرسى و دلوقتى. اما بقى لو هتقول لى اصله لو كان قدر كان عمل, فهقول لك لو بتفتح باب الشيطان. :)

بعد أن تحدثنا عن مهمة الرسل : البلاغ والبيان فقط http://www.egyptiantalks.org/invb/index.php?showtopic=164608#entry940110 نأتي للحديث عن التكليف الإلهي المنحصر في الكتب الإلهية المنزلة فقط صحف إبراهيم وموسى ...... الكتاب أو التوراة لموسى الزبور الذي أوتي لداود الإنجيل الذي آتاه الله لعيسى فهل كان مع هذه الكتب كتبا تكميلية أو تفسيرية لهذه الكتب المقدسة ؟ لا .... لا يوجد ولكننا وجدنا أقوالا وأراء بشرية هي في موضع اتهام وإدانة وهي من قوله تعالى (( اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللَّهِ )) هم لم يتخذوا أجساهم وصورهم كمعبودات ولكن اتخذوا أقوالهم وآراءهم مستندا في عبادتهم وأعمالهم دون كلام الله تبارك وتعالى فأخرجهم الشيطان من المنهاج الإلهي وكان ذلك من خلال أمرين مهمين سنتحدث عنهما

ماحدش هنا اتهمك بانك كافر او صايع ده انت ابن ناس وواضح زي ماقلتلك قبل كده ان دماغك مغلباك لانك بتفكر كتير وبتحاول تعرف كتير وده واضح من خلال التعبير عن الافكار المتزاحمة والتي تطرحها في مواضيعك في مجالات شتى يعني انت ممكن تنظمها شوية وتركن بعضها بصفة مبدأية لغاية ما تتمكن من اللي تحت ايدك وبعدين ترجع لها تاني بالنسبة لمصر كلنا عارفين انها دولة تعاني من مشاكل جمة في كافة مناحي الحياة والمشاكل دي مش وليدة يوم اوشهور دي وليده سنين وعقود من التراخي والفساد لكن لغتك في التعبير عن تلك المشاكل هي لغة يشوبها التحقير والتقليل من شأن البلاد وهذا تحول الى غضب من بعض الاخوة المخضرمين ولو سألت اي واحد فيهم سيقول لك ما اقوله لكنه لا يعرض المشكلة في شكل تحقير او تقليل من شأن البلاد وزي ما مصر فيها مساوئ فيها بردو حاجات حلوة او زي ما بتقول الاغنية فيها حاجة حلوة ولازم ننظر لنصف الكوب الملئان زي ما ننظر لكوب الماء الفاضي عشان نبقى موضوعيين في احكامنا ومش متحيزين

الله عليك يامحاور انت شغال IT?

مين قال ان مصر محتاجة عاصمة جديدة؟ طيب والعاصمة الحالية حيعملوا فيها ايه؟ حيبيعوها للقرايب والمحاسيب ورجال الاعمال المقربين من السيسي؟ هوا ده وقت مدينة جديدة وعاصمة جديدة؟ المهم المم الاول وبعدين فكروا في الرفاهية. اقترح اسما للعاصمة الجديدة. تلك كانت بعضا من أقوال الجهال او كارهي مصر. ======= 1- حد سمع عن مدينة السادات؟ 1- مدينة السادات تم البدء في انشاؤها في أواخر السبعينيات، لتكون العاصمة الجديدة لمصر. 2- بتقول ايه؟ السبعينيات؟ 1- نعم في اواخر السبعينيات، يعني قبل ابوك مايعرف امك، يمكن كانوا لسه في المدرسة او الجامعة ولسة بياخدوا المصروف من بابا ويكملوه من ماما. 2- طيب كانوا عايزين يعملوا عاصمة جديدة ليه؟ مع ان العاصمة القاهرة كانت رايقة ومفيهاش زحمة والشقق متوفرة وكله كان ماشي مبتسم ومبسوط. 1- خدعوك فقالوا، 1- يا ابني القاهرة كانت مخنوقة ! ، مش مزدحمة بس، 1- ايامها كان المهندس حسب الله الكفراوي وزيرا للإسكان، واقترح على الرئيس السادات إنشاء عاصمة إدارية جديدة تخصص فيها أماكن جديدة للوزارات بدلا من القاهرة وبالتالي تسحب مقار الشركات الكبرى اليها من القاهرة، وبالتالي تسحب معها عدد لا بأس به من سكان القاهرة وتكون النتيجة هي تخفيف زحام القاهرة، وعلى الفور وافق السادات وتم البدء في تنفيذ المشروع وبالفعل تم المقرات الخاصة بالوزارات المختلفة ثم توقف العمل بعد اغتيال السادات رحمه الله. 1- يعني التفكير في نقل العاصمة عمره يناهز الأربعون عاما، يقوم ييجي ذوي الذاكرة الضعيفة او العيال اللي لم يكونوا قد ولدوا بعد يقول لك عاصمة جديدة ايه ويقعدوا يتريقوا ويققول لك نسمي العاصمة الجديدة ايه؟ جتكوا نيلة على جهلكوا. لو قدر للعاصمة الجديدة ان تبنى في وقتها المحدد أو حتى بعده فستكون إنجازا يُحسب لمصر وليس السيسي أوو محلب ولكن يكفيهم فخرا أن يتم ذلك أثناء خدمتهم لبلدهم، وهذا بالطبع لايفهمه كثيرا من أعضاء القطيع. القطيع الذي صفق وانتخب مرسي من أجل عيون طائر النهضة ومؤحرة طائر النهضة.

مداخلة من المداخلات العلمية المتخصصة الجديرة بالاحترام بس انت دائما ترش الملح على طبق المهلبية ايه لزمتها بأه الحتة الاخيرة دي يا اخي بطل تقلل من شأن المصريين وانت واحد منهم ماهو انت مصري وقلت كلام موضوعي وعلمي اهو

فعلا هي حاجة معنديش علم بها.

أهلا أستاذ باهي احنا فعلا أجدادنا كانوا أميين لكن مثقفين و أذكياء بالفطرة علشان كدا تركوا وراهم الإرث الحضاري اللي كلنا بنفتخر بيه انا معاك ان المثقفين الآن عليهم دور كبير لكن المشاركة الفعلية لازم تتم من خلال قنوات شرعية ورسمية توافق عليها الدولة لان ما تضمنش الظروف ..ممكن يُتهموا انهم بيعملوا لصالح دول أجنبية أعتقد ان لو فيه النية ممكن بسهولة المثقفين يتفقوا و يكونوا رابطة تقوم بواجبها الاجتماعي و الثقافي تجاه الدولة ...ومحو الامية يمكن أن يكون واحد من الواجبات . اشكرك على المشاركة الفعالة

تحياتى أستاذ محمد هكذا هى العقول الحرة .. مستعدة لمراجعة التفكير شُجاعة فى إعلان نتيجة المراجعة

محظوظه هي الجراثيم ؛ ليست لديها مشكله حقيقيه في الحصول علي وطن ...

الَّذِينَ أُخْرِجُوا مِن دِيَارِهِم بِغَيْرِ حَقٍّ إِلَّا أَن يَقُولُوا رَبُّنَا اللَّهُ ۗ وَلَوْلَا دَفْعُ اللَّهِ النَّاسَ بَعْضَهُم بِبَعْضٍ لَّهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيرًا ۗ وَلَيَنصُرَنَّ اللَّهُ مَن يَنصُرُهُ ۗ إِنَّ اللَّهَ لَقَوِيٌّ عَزِيزٌ. صدق الله العظيم. أود ان انبه الى أمر هام... إن هذا "الدفع" و التدافع بيننا, لا يعنى أبدا انه أمرا سيئا... و لكنه لولا دفع بعضنا ببعض, لهدمت صوامع و بيع و صلوات و مساجد يذكر فيها اسم الله كثيرا... إذن هذا التدافع اللذى يحدث هنا... و يحدث هناك... و يحدث فى الارض كلها, هو سنة من سنن الله فى الارض... إن التدافع هو اللذى يحفظ الارض... و يحفظ الحياة... حتى لو وصل الامر للقتال و الاقتتال... و هذا لا يعنى انى ادعو الى القتال و الاقتتال, و لكن هذه سنة الحياة.

السيدة الكريمة عبير... صباحك زى العسل. :)

خلاصة الموضوع الناس اللي هنا و انا واحدة منهم مش مثقفين و لا فاهمين حاجة و مش وطنيين و لا عندنا انتماء و كمان المحاورات عدد زوارها عشرة اشخاص بس و لا يعول عليها في نشر اي حاجة :) السؤال بقى ليه يا سيد محاور تهدر طاقتك مع ناس زينا ؟ الحقيقة صبرك علينا بيفكرني بجملة أنا مش حاضربه,, انا حاعرفه غلطه بس :) عشان ما يحصلش لبس تاني الكلام مش موجه لشخص حضرتك لكن لأسلوبك العجيب في استفزاز الناس و مهاجمتهم ثم الشكوى و استنكار ردود افعالهم !!! كما قالت ريا لسكينة الولية عضتني في ايدي و انا باموتها تقولش عدوتها :) للحوار اساليب يا اخي الفاضل الهجوم مش بيجيب نتيجة صدقني و اهو مواضيعك اهي اكبر مثال هل اللي بيهاجموك عرفوا يخلوك تبطل مثلا :) نصيحة اخت كبيرة و مش تريقة والله اتنفس بعمق و استرخي و اعمل تمارين اطالة العضلات streching بتساعد جدا على خروج ال stress نصيحة ذهبية استمع للاخرين بهدف الفهم و الاستيعاب و ليس بهدف الرد عليهم و افحامهم

السيد إسلام... لا أخفى عليك ان كلماتك المظللة بالاحمر صدمتنى بعض الشىء.... حاكمها تقومه إذا اخطأ.... حلوة دى :) حاكمها مين ده اللى نقومه إذا أخطأ؟ ازاى طيب؟ هو فيه مجلس شعب؟ هل فيه مجلس شعب يلعب الدور ده؟ حاكم معاه السلطة التشريعية و السلطة التنفيذية و بيطلع فى قوانين زى الرز, هما نفسهم أقروا بإستحالة ان يقوم مجلس الشعب القادمة بإقرارها فى 14 يوم فقط وفقا للدستور بتاعهم... حاكم يخالف الدستور كل يوم و يصدر قرارات بقانون بدون حتى اطلاع الشعب على ما يقوم به, حيث لا يقرأ احد الجريدة الرسمية أصلا. صدقنى لو كان هناك مجلس شعب و وسيلة واضحة لتقويم هذا الحاكم, لاختفى الاخوان و زالت حجتهم, لان حجتهم اصلا قائمة على انفراده المطلق بالسلطة, و طبعا مفيش مجلس شعب فى 2015 اصلا... و إذا كلفت نفسك بقرائة بعض مقالات الكتاب فى الاسبوع الاخير, فستجد ان هناك انقلابا على الدستور الحالى يتم تدبيره, بحيث يتم الاستفتاء على تعطيله و تعديل كل المواد اللتى تحجم سلطات رئيس الجمهورية. أما فيما يخص المؤتمر الاقتصادى, فلا يوجد من يعارضه بكل تأكيد... عالاقل انا شخصيا لا اعارضه و لكن... أنا اعارض بيع الاوهام للشعب فى قراطيس... و نصحى على يوم 5 يونيو جديد... يا سيد إسلام, مشروع ارابتك للمليون وحدة اللى تم توقيعه من سنة كاملة, على ان يتم إنشاء مليون وحدة فى خلال 5 سنوات... فاتت سنة كاملة و لم يوضع طوبة واحدة يا سيد إسلام.... رغم ان المفروض ان كان يتبنى 200 الف وحدة فى خلال السنة دى... و ماذا عن جهاز الكفتة؟ :) يا سيد إسلام انا صميم عملى فى البزنس و التعامل مع الشركات بكافة احجامها... و استطيع ان اقول لك بكل ثقة ان ما يحدث هو هراء بالكلية.

الرفيق عيسوى... طبعا انت عارف اكتر منى انه لا يجرؤ على انه يعدى بس من قدام شاب من الشباب اللى بجد... شباب مصر اللى زيينا.. الشباب دول مايفرقوش حاجة عن شباب جمال مبارك اللى كانوا بيتلموا حواليه.... ايــــه دنيا... فين ايام معرض الكتاب لما جمال كان بييجى و فيه عيال يقعدوا يتمحلسوا له. الحمدلله اننا مش منهم.

الاستاذ الفاضل أبو حودة أنا فاهمة أهمية المدرسة التربوية ودورها الاجتماعي لذلك احنا هنستبدل المدرسة بالنادي للقيام بدور مزدوج اجتماعي و رياضي مضطرين نعمل كدا في الوقت الحالي لتوفير حاجات كتير انا وضحتها في مداخلتي السابقة خصوصا ان مافيش عندنا مدارس كفاية صالحة للاستخدام الادمي .. .. دا بالاضافة الى ان المدرس أصبح غير مؤهل حاليا للقيام بدوره التربوي والتعليمي ومحتاج جهد كبير لاعادة تأهيله ... فاقد الشىء لا يعطيه زي ما حضرتك فاهم بالنسبة لموضوع القنوات الفضائية حصل واتجربت وهي تختلف عن دور الانترنت و ثبت انها غير مجدية ولا تجذب الطلاب الانترنت موسوعة علمية وأكثر جذبا للأطفال و الشباب و الدور التفاعلي فيه مهم جدا اشكرك على المشاركة وتحية طيبة

بطبعي قلوق سريع الملل لا اداوم علي شئ بعينه كما لا احبذ طول الحديث .. سبحان من ثبتني وادخل الطمئنينه الي قلبي وجعلني انفق يوما اجازتي الأسبوعيه علي هذا الموضوع .. بحال لم اكن اشد ثقق من نجاح اي شئ كما تيقنت من نجاح هذا المؤتمر ! عظيمه يا مصر يا ارض النعم والنعم تتمثل في شعبها الأبي المنيع الحصين الذي ان اراد شئ عمل علي كن فيكون ... شكرا لكل من عبر هنا شكرا لكل من ساهم هنا يإيجابيه شكرا لكل من ساهم هنا بسلبيه استنهضت العزائم واثارت الحميه وعملت علي الفرز واظهرت الوطنيه .. ارفع رأسك فوق انت مصري ...

هو محاور لا سمح الله رمى أونبلة على حد ؟!!! دا بيتحاور

حفيدي العزيز محاور أشهد انك تعرضت لهجوم كاسح واتهامات متتالية منذ دخولك الحوارات لمجرد ان رأيك مختلف عن الآخرين ..مع ان حولي كثيرين من أقاربي و معارفي ليسوا اخوان ولا هم متعاطفين معهم انما كثير من آرائهم تتشابه مع آراءك ...فهل ننبذ نصف الشعب المصري لانه مختلف ؟!! يجب ان نبتعد عن التطرف في الآراء و التباغض و التخوين و تبادل الاتهامات ولا نزايد على أحد في وطنيتنا فجميعنا يحب مصر و لكن كل بطريقته . كنت على الورق محارب شجاع وحدك و قفت بقلمك تبارز كل الاقلام المختلفة عنك و المهاجمة لك بأدب جم و أخلاق رفيعة و استطعت باقتدار ان تحارب على كل الجبهات من هم أعمارهم ضعف عمرك . عجبني صمودك وقوة ايمانك و ثقتك بنفسك ورأيك ، و رغم اختلافي معك في بعض الاراء الا انك تشبهني في أشياء لا أريد أن أتحدث عنها حتى لا يبدو اني أمدح نفسي أو أمدحك . عن نفسي استفدت منك ومن غيرك فنحن دائما نتعلم حتى من أحفادنا ، سعدت جدا بلقاءك و اتمنى ان تبقى كما انت .. يا جبل ما يهزك ريح .

الحكاية بدأت بوجود ثلاثة أجيال 1- جيل شاف وعرف وعاصر وهو جيل أكتوبر ورآه في الواقع وشاف كل المعاني الجميلة والانتصار 2- وجيل وسط استمع وعرف واقتنع وأخذ الوطنية منهم وأصبح محبا لوطنه وهو جيلنا 3- وجيل الشباب اللي لم ير ولم يسمع وهو جيل الثمانيات والتسعينات واللي إحنا فكرنا نبني له ونسينا نبنيه هو وهو جيل ليس عنده وقت ليسمع أو يرى ونحن مقصرون في حقهم حيث تركناهم فريسة للغزو الفكري والأخلاقي وللسوس الذي ينخر في عظامهم المحاضرة هي عبارة حوار بين جيل الوسط وجيل الشباب =============== وكانت نتيجة المحاضرة مبهرة بحق لدرجة قيام شابة في وسط المحاضرة لتقول بكل حماس أنا فلانة في كلية رياض أطفال وبشكر حضرتك لأنك خلتني أعرف قدر مصر وأحب مصر وكان من العجيب إنه كان يجلس بجانبي زميل إخواني ولقيته عمال يصفق بحرارة !! عموما دي أول دقيقتين في المحاضرة

فيه فرق بين الوطن وبين حاكم الوطن الذي يتمنى خراب الوطن من اجل اثبات فشل حاكم الوطن هو انسان يكره الوطن وليس حاكم الوطن لا نتمنى لمصر الا التقدم والنجاح والفلاح اما حاكمها فنقومه اذا اخطأ ليس من اجل اصلاح حاله ولكن من اجل اصلاح الوطن فلا يهمني الحاكم قدر انملة ولكن يهمني الوطن الناس اللي بتعارض المؤتمر الاقتصادي بتعارضه ليه هل من اجل افشال حاكم الوطن اذا كانت الاجابة نعم اذن فانتم كارهون للوطن اما لو كانت المعارضة من اجل اثبات فشل في نتائجه فحتى الان لا يوجد فشل الفشل او النجاح سيعرف على مدار ايام او اسابيع او شهور او سنين قادمة ساعتها نستطيع ان نحكم على فشله او نجاحه اما الان فالحكم عليه هو حكم متحيز سواء بالنجاح او بالفشل اما ما نراه هو شيء مبشر لكن النجاح لم يحدث بعد

انا بتكلم عن الواقع والنتيجة المترتبة عن حرب اكتوبر والنتيجة هي ما تحكمني وتحكمك كون الغرب بيجامل اسرائيل فماينفعش مصري وطني :waving: يردد نفس كلامهم دون ان ينظر للامور بعين الانصاف ويفضل يردد ويردد ما يقولونه من اجل الاختلاف واظهار المعارضة انا قريب في حرب اكتوبر كتب اكتر من سنك وطبقت الاماكن وربطها بالاحداث عن قرب وفي ميدان المعركة بعد التحرير ورأيت بعيني خط بارليف وهو محطم رؤي العين بعد الحرب ورأيت الدشم المحطمة والمتارييس التي اقتحمها ابناءنا من رجال القوات المسلحة حتى الممرات وعاينت بنفسي مكان الثغرة والبحيرات المرة التي كان الجيش المصري ينفذ من خلالها لتمويل الجيش الثالث المحاصر خلفها وجلست مع رجال المقاومة الشعبية ابناء محافظتي السويس بعد الحرب وسمعت منهم حكايات وروايات افتخر بها حتى الان وانقلها لابنائي حتى يزدادو فخرا بابائهم واجدادهم لا ان يحقرو من افعالهم وبطولاتهم لو كانت اسرائيل هي المنتصرة فما هو الذي يدفع المنتصر لكي ينسحب من ارض كان يحتلها ويجبر على عدم التعرض للملاحة في قناة السويس الا اذا كان هزم في تلك المعركة لو كانت هي المنتصرة لفرضت شروطها على المهزوم ولتمسكت بالارض التي كانت تحتلها ونكاية في المهزوم كانت احتلت ارضا جديدة حتى تذل عدوها وتؤدبه لكن هذا لم يحدث والذي حدث هو انسحابها من ارض كانت تحتلها شرق القناة اقرأ اولا ثم تعالى حاورني بادلة وليس بكلمات فارغة من محتواها