لوحة القادة

الأستاذ الفاضل / أبو محمد بحثت عن هذا الحديث ووضعت لحضرتك هنا رابطا لما قرأت .. وهو من الأحاديث التى لا تقدم حكما ولا تحل حلالا ولا تحرم حراما ولا تقدم لي جديدا كمسلم لا في الدنيا ولا في الآخرة .. يا سيدي الفاضل أنا أتعامل مع الأحاديث بشكل أبسط من هذا بكثير , فلن تجدنى أبحث عن الغريب فقط فأعرضه على الناس لأقدح في المجموع وأفتن الناس وأصدهم عن حديث النبي صلى الله عليه وسلم , لا أقصد حضرتك طبعا بل أتحدث عن نفسي , بل إذا مررت بمثل هذا الحديث , أبحث عن سنده ومتنه وماذا قال فيه من هو أعلم منى بعلم الحديث وفي النهاية أقول الله أعلم حفاظا على دينى ... تحياتى ..

خير لك أن تشغل نفسك بالسعي لدخول الجنة بدلاً من السعي لإثبات أن غيرك سيدخل النار

وبمناسبة شم النسيم باين عليها حترسى على شوربة عدس بدل الفسيخ والرنجة وسواء عدس أو فسيخ .. فمايصحش ادخل عليكم بإيدى فاضية إتفضلوا .. بوكيه سلطة ينفع مع العدس ومع الفسيخ "بال / سيكام"

أحسنت يا أخي العزيز .. وهكذا أفعل مع ابني الصغير , وهو أيضا أعسر يكتب بيده اليسرى , وحين يأكل أقول له سم الله وكل بيمينك وكل مما يليك , ينسى أحيانا ويتذكر أحيانا حتى بدأ في التعود , وأقول له أن الحكمة في هذا أنه أمر من حبيبك ونبيك محمد صلى الله عليه وسلم , وأن من صفات المؤمنين أن يقولوا سمعنا وأطعنا لأمر الله و رسوله ولا يفعلوا كقوم موسى حين قالوا سمعنا وعصينا ..

أولا: راتب 2600 ريال لايكفي لشاب عازب فضلا عن أسره من 4 أفراد أقل راتب تقدر تعيش بيه هو 3000 اساسي 750 بدل سكن 300 بدل انتقال بإجمالي 4050 ريال وده الحد الأدنى ثانياً: سنك غير مناسب لتجربة الغربه على هذا الراتب ودي نصيحه من واحد مسافر بقاله 7 سنين

يا حاج : إسلام تلاقي الدكتور ياسر هيقول أنا فاضي للعالم دي يقعدوا يحكوا لي كل واحد قصة حياتهم لا ... أنا بقصد إنه لما الدكتور : ياسر قال لولا السنة لما كنا عرفنا إننا ناكل بإيدينا اليمين ودا صح ... ولكن من وجهة نظري لو فاتتنا هذه السنة إيه يعني ؟ لا مصلحة من وجودها ولا ضرر من فواتها وظني أن التشريعات تكون لتحقيق مصلحة أو دفع مضرة وأعجبني جدا الحديث اللي أتى به الفاضل : أبو محمد واللي بيحكي إن نبي من الأنبياء فقأ عين ملك الموت وقبل أن أكمل الحديث كنت بقول وإيه الفائدة من هذا الحديث لقيته بيتساءل زيي أنا مش عارف برضه الحكمة والله بجد من اليد الشمال وإشمعنى اليد الشمال دونا عن العين الشمال والأذن الشمال الحاجب الشمال والرجل الشمال ليه محدش إتكلم في حكم النظر بالعين الشمال أو سمع بالأذن الشمال وفضل العين اليمين والأذن اليمين المقصد إني أشغل عقلي مع المنقول علشان لما هعرضه لحد أكيد هواجه أسئلة ولازم أكون عامل حسابي لكن اليد الشمال مهمة زي اليد اليمين وكل واحدة بتسند التانية وبتشاركها أنا في محافظة الواحد فيها بيعبر عن نفسه بيده يقول نا بيدي يعني أنا علشان اليد وأهميتها في العمل والإنتاج تحياتي

اشجيبني كمان آه والله ...

بتفكرني بصكوك الغفران وقطع كانت بتتباع في الجنه كمان ع فكره ده موجود في كل الأديان لا يخلو من المغفلين الزمكان ...

لالالالا ... مش دا أصل الخلاف مع احترامي لرأي حضرتك احنا بنحب نختلف و بنكتب علشان نتخانق حتى شوف الأعضاء المتفقين في الفكر برضو بيختلفوا و العضوات من الجنس اللطيف مش بيظهروا الا أما يكون فيه خناقة

صعب نترجم كل اللي فات ... علشان خاطرك هترجم اللي جاي او أكتب مأثورات مترجمة جاهزة

عذرا يا أستاذ طارق .. لن يبقى الحال على ما هو عليه جيراننا الأكثر تشددا وتنطعا فى الدين كانوا يحرمون التليفون وكانوا يحرمون التصوير الفوتوغرافى وفى الثمانينيات كانوا يحرمون الدش والريسيفر زال الرعب وزالت الرهبة وطـُرحت التساؤلات علانية بعد أن كانت همسا ونشطت العقول الكسلانة للتفكير فى أمر دينها "المُختطـَف" ولن تسكت هذه العقول قبل الإجابة على تساؤلاتها واسترداد دينها من مختطفيه

الاكل باليمين سنة عن حبيبنا النبى. لكن انا اول مرة اسمع عن امكانية ان حد ياكل بإيده الاتنين... بعيدا عن الاديان, ده فعلا جشع و نهم و حتى غير منطقى. انا كمان ايسر, و فى طفولتى, والدى كان سايبنى براحتى آكل باليد اللى اقدر آكل بيها, مع تعليمى بالتدريب انى اتعود آكل باليد اليمين. و فعلا دلوقتى استحالة انى آكل بإيدى الشمال... ولا بعرف اشرب بإيدى الشمال... رغم ان الطبيعى بالنسبة لى ان قدرتى تؤهلنى للتصرف باليدين, خصوصا انى اقدر اكتب بالشمال و اليمين, و اقدر استعمل الشمال و اليمين, لكن الشمال اكثر قوة و اتزانا بالنسبة لى. انا شايف ان الموضوع عِند - من العناد - اكتر منه امكانية ان الواحد يعمل الشىء, لإن بالتدريب الانسان ممكن يعمل حاجات كتير. زى كده موضوع التبول اللاإرادى اللى عند نسبة كبيرة من الاطفال, و اللى لو حد نهرهم او هزأهم عليه, ممكن يتطور و يبقى مرض مزمن من الصعب علاجه.

انا برضه كنت فاكر كده يا باهي باشا .. بس شغل المصريين اللي حطه ابو محمد في مداخلته بتاعت مؤسسة نبني خلي زمزمية الامل يتحط فيها نص ازازة ميه بحالها ... مصر ولادة ..

بمناسبة الاكل باليد اليمنى انا اعسر مولود كده ربنا خلقني كده لكن جاء الشيخ السلفي نهرني وانا باكل بايدي الشمال وذكر لي هذا الحديث : بَيْنَا رَجُلٌ مِنْ أَسْلَمَ يَأْكُلُ عِنْدَ النَّبِيِّ صَلَّى اللَّهُ عَلَيْهِ وَسَلَّمَ ، بِشِمَالِهِ ، فَقَالَ : " كُلْ بِيَمِينِكَ " . قَالَ : لا أَسْتَطِيعُ . قَالَ : " لا اسْتَطَعْتَ " . قَالَ : فَمَا وَصَلَتْ يَمِينُهُ إِلَى فِيهِ بَعْدُ . انا الصراحة خوفت لحسن ايدي اليمين تتشل لو اكلت بيها قصدي ايدي الشمال رجعت وفكرت في الحديث لقيت ان ايده اليمين هي اللي اتشلت فسألت نفسي مش كان المفروض ايده الشمال هي اللي تتشل لانه المفروض ما سمعش كلام الرسول والرسول دعا عليه فالمفروض ايده الشمال هي اللي تتشل لكن الحديث بيقول ايده اليمين هي اللي اتشلت المهم عشان ماطولش عليكم فضلت اعاني معاناة رهيبة طوال حياتي كل ماجي اكل بايدي الشمال اتذكر قول الشيخ واحاول اكل بايدي اليمين واغلط واصحح واغلط واصحح طب اعمل ايه اذا كان ربنا خلقني شطلاوي وكل حاجة في حياتي بعملها بايدي الشمال زي بالظبط اللي ربنا خلقه بيستخدم ايده اليمين فضلت في هذه المعاناة حتى وعييت وبحثت في هذا الحديث فوجدت انه حديث احاد واحاديث الاحاد لا يؤخذ منها تشريع وممكن الاستفادة منها في الترغيب والترهيب ولن اتعرض للسند ولا للمتن فكانت احاديته تكفيني لكي اتصرف بتلقائتي التي خلقني الله عليها ولو كان الاكل باليد اليسرى هو شيء ضد الطبيعة البشرية فلماذا خلقني الله على تلك الصورة الشاذة الى ان وجدت ان نسبة كبيرة من بني البشر يستخدمون اليد اليسرى في حياتهم اليومية وفهمت انها من عند الله وما هو من عند الله لا غبار عليه انا باكل باي ايد ادامي واي امر يصدر من عقلي لكلتى يدي اثناء الاكل او غير الاكل هو امر طبيعي لا دخل للدين فيه بل كل الدخل للمولى عز وجل الذي جعلني هكذا

bv:- :ok: أنا مبسوط كتير .. أنا موافق .. بس على التوازى يعنى نقفل ونسد .. والسباك يصلح .. وإحنا ننشف الزروطة وننضف :)

لا يشترط لكي نتفق أن نكون جماعات ...... قول نعتصم بحبل الله لا نتفرق نتحد على الهدف .... وأمة تدعو للمعروف والمفهوم بين الناس لا الغريب الشاذ المنكر مش معقول بعد ما نجرب الجماعات وما جرت علينا نرجع نجيبها من الباب الخلفي أنت بتطلب المستحيل لأنك عايز تجيب البحيري مع الحويني مع البرهامي كلام نظري وكمان شوية هتقول المسيحي مع السلفي أنت عايزهم صفوف ولا قلوب مفيش حد هو بتاع الدين ولا حد الدين حكر عليه ولا حد متكلم باسم الدين .... الدين لنا كلنا بيخاطبنا كلنا وليس هناك حقوق حصرية لتفسيره أو بيانه مش لازم تعملنا متبوع وتابع إني ذاهب إلى ربي سيهدين أنا لا أعتقد بالزعيم الإسلامي ولا بالأب الروحي ولا بآية الله ولا بالمرشد رب أشعث أغبر ولو أقسم على الله لأبره ... ورب متأنق لا يساوي جناح بعوضة الراعي والرعية محكومون والمرء محكوم له أو عليه بميزان العدل بحسب كل إنسان أن يلتزم بالحق حتى نكون كلنا مع الحق

ليس شرطا أن ننتظم في جماعة أو نكون في فرقة أو نفتقر إلى طائفة أو نحتكم إلى أمة من الناس لن ننتظر أبدا أحدا مش لازم أبدا حد ياخد بأيدينا لماذا دائما نبحث عن سيد سواء كان هذا السيد فرد أو جماعة فلتكن أنت سيد نفسك مش هنخلي حد بيتكلم باسم الدين الطريق مش محتاج لدليل أو مرشد ولكنه واضح جلي قريب دان عندنا شريعة ومنهج مفصل مش محتاج إنهم يجمعوا على شيء علشان أقبل به فإذا أجمعوا على شيء فإجماعهم يلزمهم وفهمهم لهم سأفهم أنا بنفسي بيني وبين ربي تحرر ... تحرر ومنتهى الحرية إنك تكون عبد لله .... ولله فقط اعرف طريقك بدون مرشد

طيب والحل ايه ؟ .. تعالوا نفكر سوا بصوت مسموع ومدون ها هنا علنا نستطيع أن نخرج بأفكار او توصيات او حلول تساعد أولى الامر منا فى التخلص من تلك الاشكاليه التى عانينا ونعانى وسنعانى منها لو لم نتصدى لها ونستأصلها من مجتمعنا أول شئ طرا على بالى هو الاستفاده والعظه من الماضى ..وتعالوا معايا مثلا نعقد مقارنه بين عصر ما قبل الارهاب وعصر ما بعد الارهاب من الناحيه الدينيه فى مصر الحديثه منذ محمد على وحتى الان .. قبل عصر الارهاب مكنش فيه كل الجماعات والجمعيات والاحزاب والتكتلات والتنظيمات الاسلاميه الموجوده حاليا واللى كل واحده منهم تقريبا لها فهمها الدينى الخاص و تخالف الاخرى بل واحيانا ما تفسقها وتكفرها ايضا .. كان هو الازهر بس الموجود فى عصر ما قبل الارهاب .. هو المتحدث الرسمى او المعبر عن الاسلام فى مصر ,, بل وكان المناره التى يسطع نورها فى شتى بقاع الارض حتى على الدوله التى نزل فيها الاسلام .. وخصوصا فى عصر عبد الناصر .. لان قبل عبد الناصر كان ظهرت جماعة الاخوان المسلمين فى عهد الملكيه وكانت بتلعب دور مؤثر الى حد ما فى وقت ظهورها ثم سرعان ما اختفت تقريبا من الساحه بعد الاجراءات القمعيه اللى قام بها عبد الناصر .. فاصبح فى عهده لا يوجد الا الازهر هو الجهه الوحيده التى تعبر عن الاسلام ((الرسمى)) فى البلاد .. وللانصاف .. فان تلك الفتره .. كانت تتمتع بتسامح واعتدال فى الخطاب الدينى.. ولم يكن فيها اى نوع من انواع الارهاب المتعلق بالتطرف الدينى او الاحتقانات الطائفيه .. بل وشهدت ازدهار للاسلام والدعوه الاسلاميه تمثل فى انشاء اذاعة القران الكريم والبعوث الاسلاميه و جامعة الازهر والمؤتمر الاسلامى والمجلس الاعلى للشئون الاسلاميه المهم يعنى انا عايز من كده اقول ايه باختصار .. باختصار ان من اهم الحلول لمواجهة الفكر المتطرف او القيام بثوره دينيه هو تجفيف المنبع الفكرى الذى ((يغذى)) ويأتى منه أو يرتكن عليه هذا الارهاب ..وبعد كده ((نصفصف)) ونقضى على الارهاب الموجود على الارض حتى ينتهى .. لان اللى بيحصل حاليا ان النظام شاغل نفسه ومجند كل طاقاته وعمال ((ينزح)) الميه اللى مغرقه الدنيا وناسى تماما ((يصلح)) او ((يسد)) ماسورة المياه المكسوره اللى عماله تنضح وتسرب وتضيع وتضاعف المجهود ((فى النزح)) .. يعنى باختصار وبتوضيح اكتر .. قرارت ثوريه .. مفيش حاجه اسمها جماعات اسلاميه مختلفه متعدده تعبر عن الاسلام من وجهة نظرها منها لنفسها كده بعيدا عن سيطرة او مظلة الدوله .. حتى ولو كانت جماعات خيريه .. كله كله لازم يبقى تحت عباءه واحده .. تحت رئاسه واحده .. (((كلمه واحده)) .. ((فتوى واحده)) ..قياده واحده .. هيئه واحده .. وليكن عباءة الازهر .. او عباءه جديده مستحدثه تجمع كل تلك الشراذم من الجماعات والجمعيات والاحزاب والتكتلات والتنظيمات تحت لواء واحد .. يعنى نعود الى النقطه صفر .. ما قبل مرسى والمجلس العسكرى ومبارك والسادات .. مفيش حاجه اسمها جماعة انصار السنه منها لنفسها .. مفيش حاجه اسمها الجماعه الاسلاميه منها لنفسها .. مفيش حاجه اسمها جماعة سلفيين منها لنفسها .. مفيش حاجه اسمها جماعة اخوان مسلمين منها لنفسها ..مفيش حاجه اسمها جماعة دعوه وتبليغ منها لنفسها .. مفيش حاجه اسمها جماعة صوفيين منها لنفسها .. وهكذا قِس على الجميع ... واللى بقى يصر انه يشذ ويخرج و((ويجنح)) عن السرب او الهيئه الرسميه الموحده .. فلا يوجد الا الردع الشديد . هى دى ملامح الثوره الدينيه الحقيقه من وجهة نظرى .. هيئه اسلاميه رسميه موحده للبلاد((يكون أمرهم المتعلق بالدين شورى بينهم)) .. يتحدث الجميع من خلالها وتحت رقابتها وسيطرتها .. سواء بقى كان المتحدث مثلا هو اسلام البحيرى او الشيخ الحوينى

ما زالت التتينة فى بقنا وعاوزين الحكومة تعمل لنا كل حاجة إحنا مش ممكن نكون غلطانين إحنا مش ممكن نكون جهلة إحنا مش ممكن نكون جشعين إحنا مش ممكن نكون بنتلدغ من جحر واحد عشر مرات إحنا مش ممكن نكون مضحوك علينا بإرهابنا من ربا البنوك إحنا فلة شمعة منورة هى الحكومة اللى بت ستين كلب