لوحة القادة

من مصائب الفقه التي ابتلينا بها هي عدم وجود حد اقصى لحمل المرأة وبعد ان اكتشف العلم الحديث استحالة استمراره عن المدة الطبيعية فاصبحت تلك الاحكام الفقهية في طي النسيان

لا حول ولا قوة إلا بالله من أدرانا أن فتيات العصور الوسطى كن - فى العادة - يطقن هذه الجريمة ؟ هل عدم ذكر التاريخ أو الروايات عدد من "قتلن" بمثل هذه الزيجات أن هذا لم يحدث فى ذلك الزمن .. وأنه يحدث فى زمننا فقط ؟ ما هذه المكابرة ؟ إستمروا فى ذعركم من تخطيئ روايات بشر غير معقولة وتبرر ارتكاب جريمة واستمروا فى الرئاء وقولوا إنكم لا تقدسون هؤلاء البشر قولوا كما تبغون .. ولكن الحقيقة هى أنكم تقدسونهم

The POWER of WORDS! Change your WORDS; Change your WORLD. قوة "سحر" الكلمات غير كلماتك تغير العالم من حولك https://www.youtube.com/watch?v=6qpcB82aUz4

ومن أعمالكم سلط عليكم إحنا صحيح بندفع التمن ونستحقه أنتم تكفرون أهل الكتاب طيب جالكم اللي هيكفركم وهيقتلكم بعد تكفيركم ... مع كل ما يترتب عليه تكفيرهم من تسلط واعتداء وتضييق وحرق لدور العبادة وتفجيرها على من فيها على اعتقاد أنهم لا يذكرون الله فيها وأصحاب دين سماوي وأهل كتاب سماوي اللي يكفر أهل الإنجيل أكيد هيكفر أهل القرآن لأن الإنجيل والقرآن كلاهما كتاب سماوي ياريت نتخلص من الجهل ياريت ثقافة جديدة صحيحة كيف نعتبر أنه من الدين منع بناء كنيسة ؟ كيف أجعل التحكم في عقيدة الغير من ديني أو من الدين ؟ كيف يتسلط الإنسان على أخيه الإنسان ؟ كيف تمنعني أن أتصرف في ملكي ؟ كيف تجعل من شأنك ما هو ليس شأنك ؟ إلى متى ؟

متداول ...

مع توافق دعوة الرئيس السيسي مع ما يدعو إليه إسلام بحيري إلا أنه كرجل دولة لجأ إلى المؤسسة الرسمية وهي الأزهر . .. والمؤسسة الرسمية فيها من فسر دعوة السيسي تفسيرا خاطئا وهذا هو التيار الغالب في الأزهر والتيار الضاغط وأصحاب المصلحة وأصحاب الكراسي أنا شفت بنفسي الخطاب الأزهري في قطاع المعاهد الأزهرية كله كان حاقدا وغاضبا ويؤلب على الدولة وهناك دعوات للتظاهروالإضراب السيسي مجبر على التراجع لأن دعوته قد نجح الإخوان في الجنوح بها وتحريفها اللجان الألكترونية المؤيدة للجيش تشن هجوما ضاريا على إسلام بحيري أظن ترضية للأزهر جريدة اليوم السابع أيضا الكل يحاول استرضاء الأزهر مع إن الأزهر يرفض تجديد الخطاب الديني ويعتبر ذلك خطأ دينيا ولكن لا مانع عنده من تجديد الخطاب الدعوي يعني كما يحدث بتسيير قوافل وصرف بدلات ومكافآت وهجص من ده عموما كلام السيسي أتى بعد أن أرسل وزير الداخلية للأزهر الغاضب ونقل منهم الرسالة للسيسي في النهاية التغيير قادم في الأزهر رغما عن الجميع

بقولك ان الولد كان بينزل من بطن امه ومطلع كل اسنانه وبيتكلم وما بيقولش واااااء :Laie: يعني ينزل على المدرسة عدل الراجل يموت ويشبع موت وتيجي ارملته بعد اربع سنين معاها عيل يا عيني كانت حبلة فيه اربع سنين كتر خيرها استحملت اللي ما يستحلهوش فيلة فقه على حق يودي في ستي دهية

طفل فوق العادة صبي صيني عمره 9 سنوات يحل 3 لعب مكعبات بيديه ورجليه معا في نفس الوقت وفي رقم قياسي أرجو أن يعجبكم https://www.youtube.com/watch?v=T6FS9vrpgIw

يعنى خلاص أربع سنين ما ينفعش ؟ متأكد إنه مش عشان النساء فى العصر الحديث لا يطقن الحمل لهذه المدة ؟

متداول ... يا سلام عليك وعلى أفكارك النيرة من أيام الدراسة وأنت عبقري بس عندي اقتراح يا زميلي بس تعديل في التسمية بدل صحيح البحيري يبقى صحيح البحاري ( بالحاء ) وتمشي العملية مع بعضها البحاري والبخاري ويبقى وحدنا الأمة بس أمانة عليك متخليش أسامة البحايري ينشف دماغة

عزيزى سكوربيون بلاش "احمد ربنا انك مش زى فلان وعلان وترتان" وبلاش "من شاف بلوة غيره هانت عليه بلوته" ينفع أقولك "لا تعايرنى ولا اعايرك الهم طايلنى وطايلك" ؟ ينفع نقول "إننا فى نفس المركب" اللى مهاجرة فى البحر وبنحاول نرجعها للشاطئ ؟ :) إنت مش ملاحظ انى مش بجيبلك سيرة شقة باليرمو ؟ واحدة واحدة يا سنيور .. اللى بيتهد فى أربعين يوم بيتبنى فى اربع سنين فما بالك باللى بيتهد بقاله أربعين سنة بعد ما طلع له قرار الهدم من 87 سنة ؟

Psychologists say 1 - If a person laughs too much even at stupid things, he's lonely deep inside 2 - If a person sleeps a lot, he's sad 3 - If a person speaks less, but speaks fast, he keeps secrets 4 - If someone can't cry, he's weak 5 - If someone eats in an abnormal manner, he's tense 6 - If someone cries on little things, he's innocent 7 - If someone becomes angry over silly or petty things, he needs love Try to understand people يقول علماء النفس : 1 - إذا ضحك شخص أكثر من اللازم حتى على الأشياء التافهة .. فهو يشعر بالوحدة فى أعماقه 2 - إذا أكثر شخص من النوم .. فهو حزين 3 - إذا كان الشخص يتكلم قليلا ولكن بسرعة .. فهو يكتم الأسرار 4 - من يعجز عن البكاء .. ضعيف 5 - من يأكل بطريقة غير طبيعية .. متوتر 6 - من يبكى على أشياء صغيرة .. برئ 7 - من يغضب لأشياء سخيفة أو بسيطة .. يحتاج للحب حاول أن تفهم الناس

السلام عليكم احسنت اخى باهى بالوصول مباشره للب الموضوع على الرغم من بعض التباينات فى الرؤى فى مجمل ما تفضلت به إلا انى اوافقك تماما فى تعمد تغييب الصعيد عن التنميه و التطوير فحدث ما وصلنا إليه من جهل و تخلف و ضعف دوله القانون هناك تخيل يا مؤمن ان خام الحديد يتم نقله من محاجره فى اسوان و نقله إلى القاهره ليتم تصنيعه فى حلوان التى كانت يوما ما المشفى و المنتجع الصحى العالمى المشهور بالعيون الكبريتيه هناك ماذا كانت النتيجه ..إفتقر الصعيد أكثر و خسرنا حلوان ايضا . الفضلاء جميعا قديما قالوا ..من أمن العقوبه أساء الأدب . يسقط يسقط حكم العسكر اللى عمل كده فى اقباط مصر و زعل سكوربيون .

صديقي اللدود طارق بك الدهاشنه مخلوش حاجه إلا وفجروها كنايس ومساجد ومتاحف ومكتبات وآثار مهلكة ال سلول بينهم وبين الإنسانيه طار ... الحل في المواطنه ونبذ الطائفيه وعدم التدخل بين المرء وربه في سلوكه ومعتقده التعايش بإنسانيه من اجل الوصول الي السلميه وان ندع الخلق للخالق ...

الفاضل سكور حضرتك شايف المسلمين مهللين ! مع بعضهم البعض !! كل الحروب ياللي في المنطقه المنكوبه ضد المسيحيين ! ولا مسلمين ومسلمين دول ضد دول وشعب الدوله الواحده ضد نفس شعب الدوله بذات نفسها ! قتل وحرق وتدمير وتشريد وتهجير ! احمد ربنا انك مسيحي دول جهنم وبئس المصير ... وده مش معناه اني بهدر حقك او بصادر علي رأيك لكن حابب بس الفت نظرك ان القضيه اكبر من كده بكتيير

المفروض اننا بقينا في عصر جديد .. المفروض ان اسلوب معالجة امور مماثلة يتغير تمامآ .. المفروض انه يبقي فيه فرق يدل اانا بقينا نعيش في دولة قانون .. استنيت كتير قبل ما ارجع للموضوع ده و اتكلم عن حوادث مستمرة تمس اقباط مصر .. استنيت لأسباب كتيرة اولها اننا في فترة انتقالية مليانة اوليات .. بدايتها كانت مشجعة .. رمزية التصرفات كانت تشي بأن مصر حترجع أخيرآ زي ما كانت زمان .. لكن ريما رجعت لعادتها القديمة و انيل .. حادثة هنا علي حادثة هناك لحد ما وصلنا للي بيحدث في قرية الجلاء مركز سمالوط .. سمعتوا او قريتوا حاجة عن اللي بيحصل .. لو لأ .. احكيلكم انا ؟ اقباط عايزين يهدموا الكنيسة الآيلة للسقوط ويبنوا واحدة تانية مكانها .. عملوا كل الإجراءات القانونية لبناء دور عبادتهم وعلى مساحة 400 متر .. تمليك الأرض تصاريح البناء موافقة الداخلية والمحافظة والمرافق ولو كان مطلوب موافقة وزارة الزراعة والتموين وأمن السواحل كانوا عملوها.... المهم قانونيا وإداريا وإجرائيا كله تمام ... ولكن تعمل ايه في الحقد والبغض والعصبية والتعصب والعزة المريضة والذات الأمارة بالسوء لبؤر التطرف والإرهاب ما قدرتش تكظم غيظها فراحت تبخ نار وتعترض على أي قرار أو قانون ما يحترمش مشاعرهم الدينية المريضة باعتبارهم الجهة السيادية الأولى اللي لازم مراعاة خاطرها ... جم ابناء ابو جهل دول و بكل بلطجة قالوا للهيئة المختصة بالتشريع : لا ... وللدولة : طز ... وللمحافظ : اجري يا شاطر ... وللداخلية : الدواخل لنا وإلينا يرجع الأمر .. واسألوا أهل الذكر ولو ما كنتوش تعرفوا يا كفرة ... هوبا و حصلت مناوشات وتهديدات ومظاهرات ضد الدولة .. ولكن الدولة غايبة والأقباط هما اللي حاضرين .. أضرب يا جدع .. ومولد مولد .. طوبه للعيل ... ملوتوف للمتنيل .. ظلطه في زجاج يتكسر .. نار في محل .. زبالة في أحواش النصارى الكفار .. .. كله جهاد في سبيل الله ونصرة للدين فالعزة لنا وهم الصاغرين ... فما دام النداء للجهاد .. يبقي ييجي من كل بلد مجاورة أحدب العقل و المصاب بداء الجهل .. و انا و ابن عمي عالغريب .. و تنتهي الجولة الأولى بجلسة عرفية خبيثة تطالب بالشروط دي : 1- يتم بناء الكنيسة على مساحة 400 متر وبدون منارة أو صليب أو أجراس أو أي مظاهر تدل على أنها كنيسة ... (حتى لا تشكل جرح لمشاعر المؤمن المسلم فيتأذى المسكين ..أو للحفاظ على الطابع الإسلامي لدولة الإسلام .. باقية باقية باقية ..) 2- يكون ارتفاع الكنيسة من دور واحد فقط .. (ليستشعروا الذلة والدونية و"الوطيان" لعلهم يحتمون بعزة الإسلام) 3- يكون مدخل الكنيسة من حارة جانبية ... ويمنع منعا باتا فتح باب على الشارع الرئيسي .. (لا باب في شارع رئيسي منذ أيام العثمنلي باشا لماخور وبائع خمور وكنيسة ) 4- تشكل لجنة من المسلمين (صحيحي الإسلام طبعا) تكون حاضرة وقت حفر الأساسات للتأكد أنها لا تتحمل أكثر من دور واحد فقط (الله واحد .. ألا تكبرون ؟!!) 5- إذا هدمت الكنيسة أو حرقت (وهذا وارد – عيل لا يمثل الإسلام الصحيح من خارج القرية يبني له قصرا في الجنة بزجاجة ملوتوف جهنمية .. وقضاء وقدر... وهي حوادث فرديه ) ففي مثل هذه الأحوال يمنع منع باتا أعادة البناء ولا حتى تجديدها (حسب الوثيقة العمرية ومعاملة بناء الكنائس القائمة بالفعل وقت دخول الإسلام صلحا في بلدة) 6- يتم تسجيل الشروط السابقة في الشهر العقاري حتى تكون ملزمة للأقباط وغير قابلة للتغير .. ( هذا هو مفهوم الدولة المدنية –العقارية– ذات المرجعية الدينية لو أردنا شرح معناها ) .. ملحوظة : ما بين الأقواس هو لشرح المعاني في قصيدة اللي بنى مصر كان في الأصل حلواني .. قبل ما يبقى بياع مِش وفسيخ .. هما دول يا اسيادنا الشروط الستة لأقامة كنيسة في دولة هيبتها عامله تفليسة .. بس المرة دي وهي من النوادر اللي تُحسب للكنيسة .. ولآن القضية قضية كنيسة ومش مصالح الأقباط وكرامتهم .. رفضت الكنيسة شروطهم .. يا ويلكم يا سواد ليلكم يا اقباط سمالوط .. مظاهرات وتحرشات وصلت لحد "قلة الأدب" في صعيد كان محترم .. تحرش بببنات الأقباط و تزقيهم بالطوب ... و الحكاية كبرت و بقت عركة ... و علي صرخة وا اسلاماه يتوافد العون مددآ من القري اللي جنبيهم و الحصيلة الأولانية 9 أصابات .. هنا اخيرآ ظهرت الشرطة و قبضت على 35 شخص مسلمين وأقباط كالعادة .. و اللي اتقرا تاني يوم في الجرانين كان الخبر ده . طبعا تحفظت وكالات الأنباء الرسمية لدواعي أمنية حسب تصورها للأمن من ذكر عدد الأقباط وعددالمسلمين اللي تم احتجازهم .. واللي اتعرف بعدين بعد ما افرجوا عن الكل ... عدد الأقباط 21 من أصل 31 بعد أن تم الإفراج عن أربعة في الأول .. لعبة قديمة اتكررت بقت بطعم الخل ... لعبة خبيثة اسمها : كشف الملعوب في عقلية الأمن المعيوب .. تحصل مصيبة ضد الأقباط او حتي منهم .. بعد الضرب و الأذية كالعادة حيعملوا جلسة عرفية ... نتابعها من بعيد .. نجحت الحمد لله فلتنا منها ما نجحتش نو بروبليم .. برضه نتابعها من بعيد .. و نستني لما الأقباط يروحوا يعيطوا للكنيسة .. اللي بدورها تتصل بمأمور القسم علشان تتطمن علي عيالها .. فيرد كل احترام احنا محتاجين يا ابونا شوية وقت نهدي بيها الناس علشان نقدر نقنعهم بوجهة نظركم .. اللي و الله العظيم أؤيدها وبشدة .. مش بس كده ده أنتم تستحقوا أكتر من كده بكتير .. ده لو احنا حولنا المحافظة كلها لا القرية .. مش بس القرية المدينة كلها لى مطرانية عمرنا ما حنوفيكم حقكم .... و مافيش مانع من شوية كلام شيك .. و ذكريات المأمور الأمور عن صاحبه النصراني اللي كان بيعتبره اكتر من اخوه .. و مدرس الكيميا اللي كان في المدرسة الثانوية و اللي بالرغم من انه كان مسيحي لكن سبحان الله كان محبوب و محترم ...يقوم ابونا ربنا يباركلنا في طيبته يرد السلام باحسن منه و يتكلم عن طيبة شيخ القرية اللي عمر قدسه ما حط رجله فيها .. لكن برضه سيماهم علي وجوههم و الصيت و الا الغني .... خلونا نحط التهريج ومضيعة الوقت وقلة القيمة دي كلها علي جنب و ننتقل للمرحلة التانية من اللعبة .. بعد أن يمر وقت كافي علشان يحصل شغب حيحصل لا محالة .. اسطمبة واحدة بتكرر و نتفاجأ بيها كل مرة .. تقوم مجموعة من مسلمين القرية بأحداث شغب وتحرش بالأقباط في تجارتهم في الشارع حول مكان الخلاف المشهود ... المرة دي نضيف بالنسبة لقرية الجلاء التحرش بالنساء... و دي حقيقي جديدة و عمرهم ما وصلوا لكده زمان .. و لكنها خطوة تصعيديه في هبوطها الأخلاقي .. الأهالي تتصل بالشرطة .. عادة بيكونوا الأقباط اللي ما لهومش حامي غير الدولة المنضبطة .. و ما يمنعش من اتصال تاني من مسلمين من عهد ما قبل الوهابية المعممة بحمرة الأزهر أو ببياض الطاقية الباكستانية السادة أو الماليزية المطرزة ... يتأخر الأمن في التدخل الوقت الكافي علشان يكون فيه إصابات أكبر و اكتر .. والتخريب أعم .. و يبقي الموضوع متعقد و مختلط .. و ربنا يزيد و يبارك .. و بكده اي حاجة حيعملها بعد كده حتبقي مبررة .. و اللي اولها القبض على أكبر عدد ممكن وطبعا لابد وأن يكون المقبوض عليهم عدد كبير من الأقباط علشان يلعب بيها كورقة ضغط للمرحة الأخيرة من المسرحية الفاشلة .. يتعرض الجميع على النيابة ونظرا للإصابات والتخريب والخسائر المادية .. يتم حجز الجميع على ذمة التحقيق الخربانه .. هنا تتحرك الجهات الأمنية و تعقد جلسة عرفية جديدة وإنهاء الأزمة والإفراج عن الجميع بعقد صلح .. بضغط من أهالي الأقباط المحتجزين وعددهم غير هين وحفاظا على السلم الشكلي العام .. والحمد لله ربنا قدر ولطف يا أختي .. يتم الصلح ويتنازل الجميع عن حقه .. وإلا فالعواقب قد تكون وخيمة تخينة .. تمام نعود لسبب الخلاف .. الكنيسة .. حلو الكلام .. بلاش شارع واحد جانبي خليها اتنين بس مش على شارع رئيسي .. بلاش اعتذار رسمي من كاهن الأقباط عن خطأ النصارى في تحديهم للمسلمين في جريدة رسمية حسب أخر مجلس .. يكفي أن يعتذر أمام أهل القرية كلهم مسلمين ومسيحيين في اجتماع عام ... طيب والدور الواحد ؟؟ ماشي .. سيبك من الرسومات الهندسية القديمة وموافقات المحافظة والمحافظ والمكتب الهندسي والكلام الفارغ ده .. وأعملوا حاجة كدة ممكن الارتفاع يكون 12 متر حد أقصى .. ومن غير منارة ولا اجراس بس ممكن تعملوا قباب ... ماشي حلوه القباب في القرية .. حاجة الافرانكا و مودرن خالص .. خليها علينا .. عشان متقلوش علينا متعصبين بس .. مبسوطين !! ... ياللا بوسوا بعض ... أمووووه .. أموووه .. حد له كيف في حاجه ..

إسلام بحيري بعد عودة برنامجه: انتصار لدولة القانون والمؤسسات منذ 13 ساعة | كتب: ياسمين سعد إسلام البحيري إسلام البحيري تصوير : آخرون قال الإعلامي والباحث إسلام بحيري، إنه سعيد بعودة برنامجه للبث مرة أخرى، مؤكدا على أن الفضل في ذلك يعود لانتصار دولة القانون والم وأضاف في برنامجه (مع إسلام) على قناة (القاهرة والناس)، مساء الأحد: «هناك جهات منظمة تتعمد تشويه صورتي، بحملة ممنهجة، فهناك جرائد وبرامج تم تسخيرها لهذا الهدف فقط، وكان نهايتها صدور بيان الأزهر الشريف». واستطرد: «هناك قضايا تم رفعها ضدي على يد التيار السلفي، ولكن هيئة الاستثمار قامت بدورها وفقًا للقانون، وهناك بعض أسماء لهم التحية في استمرار هذا البرنامج في ظل ظروف سياسية واجتماعية واقتصادية صعبة». رجوع برنامج مع اسلام هو اكبر دليل على انه هزم رموز الاصوليين بنقده موروثهم وبضاعتهم اذا اجبر اسلام بعد ذلك على ترك برنامجه فهذا سيؤكد انه خطر عليهم ويعجزون عن مواجهته بفكرهم الضيق

لا أخلاق مع الزحام ....

إيران حلوة جميلة العرب بيتحرشوا بيها إيه اللى يودى البحرية المصرية هناك ؟

:) ده أيام ماكان "الملك الصالح" فى نظرهم وكان أتاتورك يادوب بقاله 10 سنين بعدها اتحول من "الملك الصالح" إلى "أبو العلا" واهى كلها كبارى

بعد ما شاهدناه بالامس نستطيع ان نؤكد بما لا يدع مجالا للشك ان من يطلقون على انفسهم علماء الدين ما هم الا مجرد عوام ولا يوجد ما يسمى متخصصون في الدين وان الدين للجميع فما شاهدناه بالامس اصاب دعوة الازهر باسكات اسلام بحيري بضربة قاضية لن تقوم لها قائمة فقد حضر المتناظرين وفي جعبتهم ما يملكون من ادوات استطاع غير المتخصص ان يهز عروشهم ويثبت للجميع ان الدين لا يحتاج لمتخصصين ولكنه يحتاج لمجتهدين يحبون دينهم ويخلصون له شاهدنا بالامس مباراة تشبه مباراة بين فريقي الاهلي والبلاستيك في كرة القدم فقد كان بوسع الاهلي ان يمطر شباك البلاستيك بوابل من الاهداف لكنه كان رحيما به فهزمه بدستة من الاهداف الملعوبة فنيا وكرويا فريق الاهلي كان يمثله منفردا اسلام بحيري اما فريق البلاستيك فقد كان يمثله اسامة الازهري والحبيب الجفري والان مع تحليل للاهداف المسجلة معكم المعلق الرياضي اسلام المصري ويحيكم ويقدم لكم الوصف التفصيلي لدستة الاهداف التي سجلها فريق الاهلي في فريق البلاستيك لهدف الاول ما قدمه اسلام بحيري في سن زواج الرسول صلى الله عليه وسلم من السيدة عائشة وهو ثمانية عشر عاما وليس تسع سنين كما صورها لنا مزيفيى التاريخ وصلت نتيجته الى اقرار فريق البلاستيك بان كل من يصرح بزواج الطفلة الصغيرة هو مجرم الهدف الثاني اثبات ان الرسول صلى الله عليه وسلم لم يسحره يهودي لان ذلك يخالف قول الله تعالى (والله يعصمك من الناس) الهدف الثالث اثبان ان الشيطان لا يمكن ان يتمثل في صورة بشرية واستحالة ان يعلم ابو هريرة الدين مصداقا لقول الله ( إنه يراكم هو وقبيله من حيث لا ترونهم) الهدف الرابع ان ما تقوم به داعش من جارئم بحق الانسانية ما هو الا تراث موروث من فتاوى شاذة وغريبة موجودة في تراثنا وما هم الا ناقلين لهذا التراث الهدف الخامس اثبات ان البخاري استعان في سند بعض الاحاديث بالضعفاء والمتروكين والكذابين الهدف السادس تضعيف احاديث الردة وتضعيف رواتها وعلى رأسهم عكرمة مولى بن عباس الذي اختلط في اخره الهدف السابع ان من قام بجمع السنة ما هم الا بشر يصيب ويخطيء وليس بمعصومين وليس لهم قداسة الهدف الثامن ان الدين ليس بعلم ولا يحتاج لمتخصصين ولكنه يحتاج لمجتهدين الهدف التاسع ان هناك ممن هم محسوبين على المذاهب الاربعة حادو عن منهج صاحب المذهب امثال ابو يوسف في المذهب الحنفي حاد بفكر ابو حنيفة الهدف العاشر ان اصحاب المذاهب اباربعة ظهرو قبل قيام البخاري بتأليف صحيحه ومن لحقه زمانه ( بن حنبل) كان له كتاب جامع للسنه الهدف الحادي عشر ان كل من تكلم في الدين ليس جميعهم متطرفون ولكن هناك الكثير من المعتديلين منهم الهدف الثاني عشر ان الاسلام دين حياة وليس دين قتل ورجم وتحريق

مدينة الدمام تبعد عن مدينة الخبر التى اعيش بها 30 دقيقة تتمتع باجمل كورنيش على مستوى الشرق الاوسط وهو الاكبر من حيث المساحة على الخليج يوجد بالمدينة بعض من المولات الكبيرة والجميلة المنتشرة بالمدينة يوجد بها مدارس انترناشونال ومدارس خاصة ويمكن الاشتراك فى برنامج ابنائنا بالخارج تبع السفارة المصرية ويوجد مدارس المسار المصرى متوفر بها السكن العائلى ويبدا من 15 الف ريال لحجرتين ويذيد عن ذلك كلما ذادت المساحة اسعار الخضروات والاسماك بها رخيصة لقربها من الاماكن الزراعية بمدينة القطيف والخليخ العربى تتميز بارتفاع درجة الحرارة فى الصيف بمتوسط يبلغ من 40 حتى 50 درجة فى شهر 7/ 8/ 9 يوجد بها مطار الملك فهد الدولى وهو من اكبر الطارات فى العالم قريبة من مملكة البحرين حوالى 45 دقيقة بالسيارة