لوحة القادة

أخيرا ليه يا سكوب ؟ .. الكلام ده اتقال "هنا" من 2006 كلام دولم .. وكلام دوكهم بس للأسف أول ما تلمس الموضوع تلاقى من المسلمين من يدفن رأسه فى الرمال وتلاقى من المسيحيين من يقول إنهم أصحاب مصر الأصليين وما حدش بيسأل نفسه هو تاريخ المسيحية قبل الإسلام كام سنة .. 600 سنة وتاريخ الإسلام بعد فتح (أو غزو أو احتلال مصر) كام سنة .. ضعفهم أو أكتر شوية نسبة هذه المدة إلى تاريخ مصر كام لكام ؟ خليكوا مصريين وبس .. ماهو فيه مصريين كتير واخدين ختم الدين ده أو ده وما عندهمش ريحته يروحوا فين دول ؟ .. نرميهم فى البحر ؟

علشان فيه نوعين من المسلمين : نوع خايف يعترف ان الاسلام غزا بلده زي أي استعمار أحسن ايمانه يضيع. ونوع خايف ينقد ويتكلم أحسن حد يكفره .

يا جماعة هما فين الأعضاء اللي هيتناقشوا و يتحاوروا حول المواضيع المنقولة ؟!! دا كل اللي بيدخلوا المحاورات وبيتفاعلوا بالكتير خمس او ست أعضاء .. و المنقولات كتير و ورا بعض .. امتى هنلحق نتناقش ونعلق ؟!! ومع ذلك فمعظم المنقول قيم و ومفيد و أفضل من توقف المنتدى .

فعلا الناس تقرأ ولكنها لا تتحاور يا صديقى فى الحياة العادية بنقول قريت مقال فلان ؟ .. بيقول كذا كذا كذا أنا شايف إن كلامه ده معقول ولكن رأيى هو : "........... " أو إيه رأيك تقراه وتقول لى رأيك فى فكرته التى تتضمنها المقال والتى يقول فيها كذا وكذا وكذا ومن هنا ينشأ الحوار .. ونتبادل الأفكار ويقوم كل منا من أمام جهازه وقد أضاف إلى ما فى عقله كنزا آخر من أفكار كاتب المقال وأفكار ناقل المقال أو الناصح بقراءته والأهم .... هو الكنز الناتج من تفاعل الأفكار

بغض النظر عن أي إعتبار، فهذه الطرق تجعل الاطفال لا يخجلون من الحديث او التعبير عن آرائهم أو مشاكلهم او على الأقل تعطيهم الجرأة على الخروج من طور الكبت الذي تعيشه بعض الاسر وخاصة مع البنات. طريقة تخرج الاطفال من حالة التوتر والخوف من المدرس االذي يدخل الفصل "متنشي" وعبوس وقرفان ومجرم عليهم كل حاجة. مدرس بيغني الدرس وبيتنطط ويطبل بالتأكيد بيحبب طلابه فيه وبيخليهم منتظرين حصته وليس التزويغ منها.

كده كاد المعلم يكون نباطشي افراح بلدي ..

للرفع ... كانت قواعد الكتابة في المحاورات صارمة في تطبيق تلك القاعدة .. ربما بعد ثورة 25 يناير و ما صاحبها من فيضان الأخبار و المعلومات المختلفة تغاضينا جميعآ عن الألتفات لها .. و شاركنا جميعآ أعضاء و منسقين في اضافة المقالات و الأخبار المنقولة بدون اي تعليق .. الآن و قد هدات الأمور قليلآ .. الم يحن الوقت بعد كي نعود الي الغرض الرئيسي الذي جعلنا نشترك في هذا المكان .. الحوار و ليس اضافة المقالات .. لا بأس بالطبع من اضافة مقال اعجبنا به او يعبر بوجه أفضل عما نريد اضافته و لكن واجبنا ايضآ ان تكون تلك هي نقطة البداية فقط ثم يعقبها حوار جدي يناقش تلك الفكرة ..