لوحة القادة

إلى حد بعيد كان الرجل موفقا في الإجابة على هذا السؤال المحرج س - كوني مسيحية , هل سأدخل الجنة ام النار ؟ لا يتكلم باللغة العربية ولكنه فهم فيها ما لم يفهمه كثير من الناطقين بها وخاصة من جعلوا أنفسهم فاهمون مثقفون مفتون بلا علم https://www.youtube.com/watch?v=3moLM03VnFk

باشمهندس ابو محمد القصه مش قصة نشطاء او غيره ، أكيد حضرتك جربت او شوفت تاثير الواسطة في مجتمعنا واكيد حضرتك عارف ان كثير ضاع حقهم ف مناصب يستحقوها لانهم من غير واسطة وعارف كويس جدا ان القصه مش قصة عامل القمامة او غيره ع فكرة انا ضد اقالة وزير العدل وبالعكس هو اقر واقع ولم يات بجديد انا كل مشكلتي التناقض اللي عايشين فيه نقعد نتكلم وف الاخر نلاقي نفسنا بنعمل تصرفات عكس شعارتنا الوسطة موجوده والتعيين في القضاء لن يكون بناء ع الكفاءة وحضرتك عارف كده وجهات زي القضاء زوالبترول والاتصالات والكهرباء والبنوك = التعيين لابناء العاملين واصحاب الوسايط والرشاوي والنتيجه حضرتك عارفها ان اداء الحكومة المصرية في هذه المجالات يتفوق جداااااااااااااااا واكيد حضرتك شايف مدى التقدم اللي محققينه ف هذه المجالات

يبقى أكلمك بالنغمة السائدة واقولك وإيه ذنب الولد اللى على خلق ومتفوق وذكى إذا كان الكشف الجنائى قد كشف أمه أو أبوه .. هو ماله ؟ .. مش حرام ندفن موهبة زيه ؟ واعمل لك فيها واعظ وأقولك إنتى - بعد الشر - ما تعرفيش ربنا أين "لا تزر وازرة وزر أخرى" .. وأين "لا فرق بين عربى وأعجمى إلا بالتقوى" نفس الكلام أقدر أقوله على ابن الزبال والسباك والنجار حيطلع - من مجتمعنا ومن مجتمعه المهنى - اللى يأصله ويفصله فى أول خلاف يعنى لو ابن الزبال أو ابن السباك حكم بحكم ما يعجبش .. حيتساب فى حاله ؟ حتى لو كانت عيلتهم على خلق .. الألسنة حتتكلم عن البيئة التى نشأوا فيها وستنال منهم ومن قدرهم ومن قدر أحكامهم وقراراتهم للأسف هذه هى المجتمعات العربية والمجتمع المصرى من ضمنها هذه هى ثقافات مجتمعاتنا وعلى فكرة .. مجتمع أمريكا وأوروبا والدول المتقدمة ليست خيرا منا صحيح ما بيهمش عندهم أوى حكاية الأصل والفصل والبيئة إنما عندهم الأكثر ظلما .. عندهم التفرقة العنصرية الممنوعة بالدساتير والقوانين ولكنها تمارس يوميا أقول لك كلام يمكن يصدمك .. الدنيا كلها قائمة على الظلم ولولا الظلم ما عادت دنيا ولأصبحت هى الجنة الموعودة وسيظل الإنسان فى كبد محاولا رفع الظلم إلى أن يرث الله الأرض ومن عليها

والله يا أستاذ طارق مشكلتنا كمسلمين أننا إكتفينا بما ورثناه عن آبائنا من ديانة، وعملنا حواجز بيننا وبين فهم الأديان الأخرى. ربما بدأت أقرأ بجدية في الأديان الأخرى وأشجع ابنائي ومن أعرفهم على القراءة ومعرفة الحقائق عن الأديان الأخرى للتعرف على أوجه التقارب التي قد تقترب من 100%، وأن المشكلة ليست في الاديان بقدر ماهي فيمن يدعون اليها لافرق بين مسلم او مسيحي فكلهم متشددون ولا يبحثون الا عن اوجه الخلاف التي هي ليست بحقيقية بل ظنية او تم تأويلها بشكل شخصي اعتمد على ثقافة الزمان والمكان. أعجبني رد الشيخ جيدا، لأن الداعية يجب أن يكون دارس للأديان (الأديان المقارنة) حتى يكون على علم بما يتحدث به.

ههههههههههههههه براءة الحمد لله الادبتور هو اللي اتحرق ... لما بدلته اللابتوب اشتغل تاني علشان البرستيج بقى ... اللابتوب الماك الهدية بتاعك وصل تشكراااات

الرجل قارىء و حافظ و مقنع ومتمكن ... ياريت شيوخنا كانوا في مستواه .

ﻻبتوبي اتحرق وانا بتفرج على الفيديو بتاعك يا استاذ باهي لي في ذمتك ﻻبتوب :)

يا جماعة مليون مرة نقول مش شرط الفقير يكون من بيئة دون المستوى و لا احنا عاوزين موضوع التوريث والزحف المقدس لانه برضو ابناء الأغنياء فيهم فاسدين كتير و غير كفىء بدل ما ندور في دائرة مفرغة الكل بيلكلك فيها بدون حل نبحث عن حل أنا شايفة ان الحل في البحث و التدقيق عن سمعة و ظروف عائلة المتقدم لأي وظيفة حساسة و البحث في صحيفة عائلته الجنائية بالاضافة لامتحان كشف هيئة دي أفضل طريقة علشان ما حدش يتظلم

سيد البدوي كان عاوز يبقى رئيس مصر ؟!! دا لو نزل الانتخابات ماحدش هينتخبه غير عيلته المجانين في نعيم بس ايه حكاية الاخوان هيتقتلوا في سرايرهم والفوضى هتعم مصر ؟!! مش غريبة شوية ا ؟!! انا من الناس القليلة اللي مش عارفة اللي في التسريبات

التسريبات دى عاملة زى الأكل الماسخ ليه بقى ؟ لأن كل اللى فيها متوقع وناس كتير كانت عارفاه وبتقوله غير تسريبات الأيقونات .. الرموز .. الأنقياء كانت حاجة كده حِرْشة زى أكلة الجمبرى بصلصة التارتر

https://www.youtube.com/watch?v=_bjPLmNJIXo&sns=fb مجنون الكرسي يعترف بصحة التسريبات

https://www.youtube.com/watch?v=lIruzMwBHJY&feature=youtube_gdata_player ده في دبي يعني الحكايه مش عري ؟!

أوافق على الحاق بن الزبال على منصة القضاء والحكم بين الناس فيما شجر بينهم . ذلك ما قال به الله في عليائه جل شأنه حينما اخبرنا ان الكريم عند الله وعند الناس هو التقي وليس الغني ولم نسمع عن من ولاهم النبي محمد صلى الله عليه وسلم القضاء بين الناس انهم تم اختيارهم لغني المال او شرف النسب . هذا الاصل الشرعي يتفق تماما مع التشريع الوضعي ( الدستور ) فـ الى كل من ينادي بـ لا اقول لهم ( متى استعبدتم الناس وقد فطرهم الناس أحرار ) !!!

اذن يجب ان نضع جدولا بالوظائف الحقيرة والوظائف الراقية مثلا وظيفة المحامي هي وظيفة حقيرة لان ممتهنها يسلك اموره بالرشاوي واحيانا يدافع عن قضايا ثابتة على المتهمين ووظيفة المدرس وظيفة حقيرة لان المدرس يبتز الطلبة لكي يأخذو عنده دروس ووظيفة المهندس وظيفة حقيرة لان المهندس بيغش في المونة ووظيفة المحاسب هي وظيفة حقيرة لان المحاسب بيستف الحسابات بتزوير لكي يضحك على مصلحة الضرائب وهكذا اللي اعرفه ان الحقارة ترتبط بالشخص وليس بالمهنة فوزير العدل الذي يحتقر عامل النظافة بدونه سيصبح اقذر انسان في العالم وبون عامل المجاري هايلبس كوزلك عشان يروح شغله الحقارة في الاخلاق وفي التربية فكم من عامل نظافة ربى اولاده احسن تربية بعفة وطهارة وكم من قاضي اخرج للدنيا فاسدين و برشمجية للاسف نحن في دولة تضع شعارات في دستورها ولا تعمل بها تقول انه لا تمييز بين المواطنين وساعة التفعيل تهرول الى التمييز العنصري والطائفي والمهني نحن شعب التمييز للاسف وهذه حقيقة لا مفر منها ما يحدث وما سيحدث في مصر هو التمييز الودي لكنه لا يحدث بصورة رسمية و فاضحة هناك جهات لا يعين فيها المسيحي وهناك جهات لا يعين فيها المتدين وهناك جهات لا يعين فيها الفقير وهناك جهات لا يعين فيها ابن الزبال وعامل المجاري

ومين قال اني راضية عن اللي بيحصل دلوقتي ؟!! اذا كنت باطالب بمعايير أخلاقية ازاي هرضى عن الواسطة و النفوذ ؟!! حضرتك لو قرأت مداخلات أخرى ليَ في هذا الموضوع هتلاقيني معترضة على تصريحات المستشار الزند ( وزحفه المقدس ) لا ينفع أختار قاضي من بيئة شاكين في قيمها ... ولا ينفع أختار قاضي فاشل أو فاسد او متعاطي لمجرد ان والده قاضي القاضي يجب الا تشوبه أي شائبة من جميع النواحي و الا فسد القضاء كله