لوحة القادة

وآدى البوب الكبير بتاع الأون تى فى .. جابها على بلاطة بيقولك برنامجها ما جابش إعلان واحد من يوم ما أعلنوا عنه عشان تصدق اخوك ابو محمد يا سكوب فى الحقيقة حكاية الجهات السيادية "المجهولة" دى بقت ماسخة وبايخة مش حاقول إن الواد ريم والواد باسم عيال قولالات الأدب حقول بس انهم كدابين .. وحيروحوا النار

المسألة ليست مسألة دينية حتى نحيلها إلى القرآن و السنة هي مسألة مدنية محضه فأنت في الحياة العادية الطبيعية لا تستشير دار الإفتاء في إختيار منمن المقاولين تختار لبناء بيتك ما سبق كان إستهلالا لابد منه في وقت سابق في مصر ربما قبل بدايات القرن العشرين كان هناك تمايز - تقريبا تمايز - بين سكان المناطق الراقية التي يقطنها علية القوم و سكان المناطق الشعبية أو أقل من الشعبية كان يكفي أن تسأل أهل العريس أين يقطنون و كان هذا يكفي كمرحلة أساسية للإختيار بل كان التمايز موجود على أساس المهن و لعلكم تذكرون طلاق صاحب جريدة مشهورة - لا يحضرني إسمه في هذه اللحظة - لأنه جورنارجي لا يرقى إجتماعيا إلى مستوى زوجته. الوضع الحالي لم نعد فيه نملك رفاهة تغيير السكن لنضمن مستوى راقي من الجيران بل ربما تجد عديد من سكان المناطق اراقية -قديما - يقطنها ال "زعران" و يدفعون أقل من عشرة جنيهات إيجارا شهريا لشقة أرضيتها باركيه و رخام كرارة هذا في الوقت الذي تجد فيه من يلجأ للسكنى في مناطق شعبية و يدفع مئات من الجنيهات إيجارا . ربما إستخدام سؤال عن مهنة الوالد قبل أن تفكر الجهة هل يمكن لهذا الشخص أن يؤدي العمل بكفائة أم لا و تأخذ الجهة قرارها مبدئيا على أساس رفض أبناء المهن المتواضعة يعتبر تصرفا غير مقبول و فيه تعدي على إنسانية المتقدمين. مع إتساع المجتمعات و تعدد و تباين متطلبات الوظائف المختلفة و مع وجود آليات البحث و التقصي أصبح رفض متقدم لوظيفة قبل أن يختبر و تقاس كفائته على أساس مهنة أبيه هو من قبيل عدم المساواة و عدم العدالة في الإختيار. و الشئ بالشئ يذكر فوجود سابقة سرقة أو إحتيال في الصحيفة الجنائية تمنع عنه وظيفة بنكية تتطلب الأمانة (رغم أننا سمعنا عن حالات موظفي بنوك حكم عليهم في قضايا إختلاس ثم عادوا لنفس وظائفهم بعد قضاء العقوبة في السجن)

لم يجبني أحد .. قد تكون الأجابة موجودة في غرفة الأزرار التي تدير بلدنا .. هل كان يجب ان تصل الأخوان الي الحكم بأي وسيلة و محتفظين بكروت في كم الجاكيتة يتم اظهارها في وقتها ... هل كل ما مررنا به حتي الآن ما هو الا مسرحية قمنا بادوار الكومبارس فيها .. في رأيي ... نعم .. علي ايه حال قد تكون مسرحية تصب في صالح البلد .. حتي لو كانت من نوع الكوميديا السودا

يا عم سكوب .. إنت راجل غزى الشيب مفرقك :) مش زى حالاتى الشيب ما خلاش عندى مش مفروض يخش عليك "لعب اللالى اللى بيسلى" ده كلنا نعلم أن القنوات الخاصة روحها هى نسبة المشاهدة عشان الإعلانات مدير خايب كان متوقع إن حواجب المشاهدين سترتفع إلى عنان السماء عندما يعرفون ان "ريم ماجد رجعت يا رجالة" .. وااااو .. مصحوبة بشهقة ولا شهقة الملوخية ومن المؤكد أنه بعد الكام حلقة اللى اتذاعوا لا سمعوا وااااو ولا شهقة .. ولا شافوا حواجب مرفوعة والعملية وقفت معاهم بخسارة وده - لعلمك إن لم تكن تعلم - هو عين ما حدث مع باسم يوسف ودخلت قناة إم بى سى فى مفاوضات لتعديل الشروط المالية بعد أن انخفضت نسبة مشاهدته لأنه لم يدرك أن نسبة المشاهدة كانت فى السما لأسباب لا تساهم خفة دمه فيها بنسبة 10% كانت المشاهدة فى السما لما كان الإعداد لبرنامجه من خارج البرنامج حاجة كده نزلت من السما على أى واحد بيعمل برنامج كوميدى حاجة إسمها مرسى والإخوان .. أجدع جهاز إعداد لأى برنامج كوميدى نسبة مشاهدة باسم انخفضت باختفاء المادة الكوميدية التى كان يضحك عليها 90% من المشاهدين اختفت المادة الكوميدية ولم يبق له سوى الـ 10% بتاعته .. ودى ما تصدش على مصاريف الانتاج يا معلم بس هى الورقة الأخيرة اللى بيلعب بيها الفاشل .. ورقة المظلومية والضحية سؤال : هى إم بى سى قناة مصرية ؟ .. يعنى ممكن "جهة سيادية" مصرية تضغط عليها ؟ أما إسلام بحيرى .. فإيقاف برنامجه يعود إلى شخصيته العصبية وإلى ميكيافيللية طارق نور ونبقى نتكلم فى الموضوع ده بعدين المهم .. إنك أصبت كبد الحقيقة .. هناك - الآن - تحالف بين بعض الإعلاميين ورجال الأعمال وعلى ما يبدو إن "الجهة السيادية" مش حتصبر كما صبر محمد على باشا على المماليك ده مجرد تخمين .. بس أول ما يحصل .. حاحط رجل على رجل وأقولك بمنتهى العوجان : :big_boss: "مش قلتلك يا سكوب ؟"

ما لم أفهمه ابدآ .. ما لم استوعبه حتي الآن .. كيف سمح لمرسي منذ الأساس بالترشح لرئاسة الجمهورية و هو قانونيآ مجرمآ فارآ ؟؟ كيف لم يتم القبض عليه و تقديمه للمحاكمة عندما عاد للظهور مرة اخري بل و بلغت به و بجماعته البجاحة لتقديمه كمرشح منافس للرئاسة ؟؟ اين كان القانون طوال كل تلك الفترة ؟؟

وأيم الله لو أن فاطمة بنت محمد سرقت لقطعت يدها .... الله اكبر يا رسول الله يا عظيم البشر يا شريف النسب علمت الناس وعلمتنا ان القضاء بين الناس ليس بشرف النسب وانما بمراعاة حرمات الله في العلن وقلتها يا حبيبي يا رسول الله يا عظيم البشر في حجة الوداع ( ايها الناس انتم الفقراء والله هو الغني ، الا لا فضل لعربي على أعجمي ولا ابيض على اسود الا بالتقوي ... اللهم قد بلغت عن نبيك ... اللهم فأشهد اللهم فأشهد اللهم فأشهد .

باشمهندس ابو محمد القصه مش قصة نشطاء او غيره ، أكيد حضرتك جربت او شوفت تاثير الواسطة في مجتمعنا واكيد حضرتك عارف ان كثير ضاع حقهم ف مناصب يستحقوها لانهم من غير واسطة وعارف كويس جدا ان القصه مش قصة عامل القمامة او غيره ع فكرة انا ضد اقالة وزير العدل وبالعكس هو اقر واقع ولم يات بجديد انا كل مشكلتي التناقض اللي عايشين فيه نقعد نتكلم وف الاخر نلاقي نفسنا بنعمل تصرفات عكس شعارتنا الوسطة موجوده والتعيين في القضاء لن يكون بناء ع الكفاءة وحضرتك عارف كده وجهات زي القضاء زوالبترول والاتصالات والكهرباء والبنوك = التعيين لابناء العاملين واصحاب الوسايط والرشاوي والنتيجه حضرتك عارفها ان اداء الحكومة المصرية في هذه المجالات يتفوق جداااااااااااااااا واكيد حضرتك شايف مدى التقدم اللي محققينه ف هذه المجالات

حضرتك تعاملت مع من يعينون في القضاء الان ؟؟؟ حضرتك شوفت كم ثقافتهم !!حضرتك تعرفي سلوكياتهم !!! هو حضرتك مقتنعه ان من يعين بواسطة ( رشوة -كارت توصية -نفوذ) هو ده صاحب القيم والمثل العليا هو ده اللي اتربى صح !!

طب هل توافقون ياساده ع طالب فاشل ثانوية عامه ويتعاطى البانجو وبيعاكس بنات ويتعين في النيابة لانه خريج حقوق بتقدير مقبول مع مرتبة الفشل ويتعاطي البانجو ورفقائه كلهم من السوء ولكن عمه مستشار كبيررررررررر في القضاء فالنتيجه انه واخوانه الاثنين في القضاء !!!! موضوع ابن الزبال = ابن اي مواطن بسيط وانا ضد مضمون كلام وزير العدل لكنه الواقع بس انا عاوز اعرف الافاضل هنا اللي كانوا مع الدستور وانا منهم رايكم ايه ؟؟ هل ماذكره الوزير مطابق لماذكر في الدستور ولا مخالف ؟؟؟ وانا بقول مش ابن الزبال ( رغم انها مهنة محترمه ف اي دولة ) لكن احنا في مصر تقييمنا للامور مختلف بلد بتقيم الشخص بجزمته وعربيته وبتاكل العيش وهو مرمي ف الشارع وبتاكل ع عربيات فول بتتغسل الاطباق ف جردل وكل ده عادي ومتقبلينه وف نفس الوقت يحتقروا مهن معينه ويقيموا ناس بتمارس الرقص وماشابه فعادي جدا يكون ده راي المجتمع امنية ارغب في ان تتحقق ان يكون المجتمع المصري واضح مع نفسه ، كفانا نفاق وخداع لانفسنا نعترف بالحقيقة نحن مجتمع طبقى لابعد الحدود وعنصري وطائفي معلومة ع جنب : اللي زعلانين ع ابن الزبال ، ياساده ابن دكتور الجامعه مش بيتعين ف القضاء الا بواسطة ، عادي جدا وده واقع ومش عاوز اتكلم ع ان التعيين في مناصب كثير طائفي طبعا كلامي مش هيعجب كثيرين لان مش بحب نخدع نفسنا