لوحة القادة

عُكيها .. عُكيها .. خللى بالالا يعوم فيها مين بالالا ده ؟ هم ما عندهمش خبر إن البرنامج اتوقف ؟ طبعا عندهم .. ولكن .. العدالة عمياء لازم حد يقول لها .. ورسميا زى بالظبط اللى اتحكم عليهم فى قضية سجن وادى النطرون وهم ميتين مفيش حد بلغ العدالة إنهم ميتين .. فالعدالة بتحكم عليهم بأقصى عقوبة .. غيابيا ييجى بقى الإعلاميين "على ما تفرج" .. وياخدوا الخبر يعملوا منه قصة ورواية طب مفهوم لما حماس ولا الأخوان يمسكوا الطبلة والطار ويعملوا دوشة هل فيه سبب إن الإعلام يمسك الطبلة والطار ، غير إنه إعلام "على ما تفرج" ؟

نفت هيئة قضايا الدولة ما تناقلته خطأ بعض المواقع على شبكة المعلومات الدولية من أن الهيئة ورئيس مجلس الوزراء رفضا دعوى شيخ الأزهر بطلب وقف بث برنامج إسلام بحيرى على قناة القاهرة والناس. وقالت الهيئة فى بيان لها: إن دفاع الهيئة اقتصر على الدفع بعدم قبول الدعوى لرفعها على غير ذى صفة بشأن رئيس مجلس الوزراء ووزير الاستثمار بصفتهما، حيث إن صاحب الصفة فى الدعوى هم باقى الخصوم المدعى عليهم الآخرين وهم (الشركة المصرية للأقمار الصناعية والمنطقة الحرة الإعلامية "هيئة الاستثمار " والقناة التى تبث البرنامج) الذين لا تنوب عنهم هيئة قضايا الدولة قانونًا والهيئة لم تتعرض فى دفاعها لموضوع الدعوى.

حكم يعد انتصارا للصدق على الكذب وللحقيقة على الزيف وللمحبة والتسامح على الغل والتطرف أظن الأزهر أصبح كالإخوان شبرا بشبر وذراعا بذراع فلن يؤمن بعدالة القضاء ولن يقنع بحكمه

انا خائف !!!!!!!!! انا معنديش مشكلة يعدم الدكتور مرسي او الرئيس السابق او الحالي كل ده مش مشكلة فيه قاضي امامه ادلة بيحكم على أساسها وحسابه عند رب العباد انما اللي مخليني مرعوب من المستقبل في مصر ريحه الدم اللي بقت ف كل حته ، ياترى من يروا ان الدكتور مرسي هو شخص منزل لا يقبل الطعن او التشكيك ومن يناظرهم ع الجهة الاخرى مع الرئيس الاسبق حسني مبارك ومن يماثلهم ف نظرته للرئيس الحالي السيسي ياترى خلاص بقت لغة العنف هي الموجودة ، لو فكرنا كده وقولنا ياترى الناس اللي ابائهم او اخوانهم او اصدقائهم او ابنائهم صدر بحقهم أحكام بالاعدام واللي اعتقل واللي خد مؤبد ياترى الناس ده هتعيش مع بعض ازاي بعد كده ، انا بفترض ان ف خلال سنتين هنصدر وهنفذ الاحكام ف كل الاخوان وكل من نرى انه مجرم وارهابي طب ياترى ورثة هذا الدم هيتعاملوا ازاي !!!! صورة مخيفة جدااااااااااااا وللاسف غير مبشرة ، هو أنا لو ابويا اتعدم او اخويا او زوجي او اخي او حبيبي او صديقي المقرب نفذ في حقه الاعدام هل بسهولة هتقبل الامر ، ياترى الاحكام ده هتكون النهاية ولا للاسف بداية النهاية

شكرا على المعلومات المفيدة عن المفتقة .. التى لم أتذوقها فى حياتى أنا أعرف الحلبة المعقودة جيدا كان بيتعمل لها حفلة تفرُّغ فى البيت .. حيث كنا عائلة كبيرة العدد وكانت تصنع مرة واحدة فى السنة مع موسم القصب والعسل الاسود أتذكر أن سيدة بدينة كان إسمها "أم حبشى" كانت تـُستدعى خصيصا لتتولى عمل برميل الحلبة المعقودة :) وكنت أتذكر أن من موادها الخام إلى جانب الحلبة ، صفيحة عسل اسود كاملة وكنا نأكلها فى شهور الشتاء القارس أخواتى "البنات" يعرفون كيف يصنعونها .. حماتى الله يرحمها كانت بتعملها ولما نفسى تهفنى عليها كانت زوجتى تصنعها لى لى سنوات طويلة لم أذقها .. تبا لهذا الرفيق المسمى "السكرى" أريد قبل أن أختم مداخلتى أن أصحح معلومة :) أول من أعلن عن حاجة اسمها مربة خرز البقر كان "خضر" العطار مش "رجب" العطار :) وقد تحول خضر العطار من مجرد عطار إلى أكاديمية بفضل "خرز البقر

لست خبيرا .. و لكني اتصور ان الفارق الاساسي ان الحلبة المعقودة مكوناتها الأساسية - بجانب العسل الاسود - هو الحلبة وهذه تنفذ رائحتها بسرعة الى العرق و تظهر في رائحة الجسم و صعب التخلص من هذه الرائحة المكون الاساسي للمفتقة هي توليفة من العطارة يسمونها "قرطاس المفتقة " و يتكون تقريبا من عشرة مكونات و يشترى من العطار تطلب منه قرطاس مفتقة ل عشرة كيلو عسل مثلا. انا لم اقم بصناعتها و لكني بحثت على الانترنت و وجدت عدد من وصفات عملها و منها وصفات دقيقة كما لو كنا نقوم بتركيب منتج كيميائي معقد و مهم

الاجابة معروفة من زمااان من يوم ما قامت الثورة يوم ما شعرنا ان البلد ضاعت وفيه انفلات امني ووقفنا في الشارع بالشوم كنت متيقن وعلى ثقة مطلقة ان مصر تركة لا يحكمها الا العسكر ولم اكن اتخيل يوم ان الجيش سيتخلى عن الحكم من اجل اي شيء بما فيها اللي ما تتسمى الديمقراطية الحكاية ان الجيش كان في حيرة من امره وهو يتابع مشهد التوريث وماذا هو فاعل اذا حدث ما يلوكه الناس فقامت الثورة الجيش قال بركة يا جامع وانضم للثورة عشان ينجحها وقد حدث من اجل قتل فكرة التوريث والتي كانت ستسلب الارث من الجيش ولذلك نجحت الثورة ليس في اسقاط مبارك فهو كان في حكم الميت لكنها نجحت في قتل التوريث وسلب الارث ومنذ قيام الثورة الجيش يسيطر على مقاليد الحكم ومقدرات ومؤسسات الدولة ودع الجميع يلهو ويلعب ويثور ويطالب وحقق له مطالبه لكن كل هذا بعيد عن الحكم والتحكم في الدولة حتى جاء مرسي وسواء مرسي او غيره كان سيظل خيال مأتة لان ادوات الحكم مازالت وستظل في قبضة الجيش لو كانت ادوات الحكم بيدي استطيع الان ان البسك ١٠٠ تهمة وبادواتي استطيع ان اجيب مليون دليل على قيامك بهذه الجريمة حتى اذا انتهى الى غير رجعة مشروع التوريث اصبح كل شيء يأتي من بعده هو اهون وابسط اقسم بالله العظيم لم اكن في يوم من الايام مقتنع بان الجيش يمكن له ان يتخلى عن الحكم وانا صادق في مشاعري واقوالي

https://youtu.be/5C2jGNC38Bg عشره بس يابوب قليلين عليك !!

تسريب السيد البدوى ده بياكد لى اكتر واكتر ظنى الاكبر .. الا وهو ان مرسى فعلا تم التزوير له فى انتخابات الرئاسه .. او على الاقل جهة ما سياديه ساعدته بكل السبل عشان يوصل هو وجماعته للحكم .. مش عشقا لسواد عيونهم او اقتناعا بيهم .. بالعكس طبعا .. يعنى مش محتاج اقول خلاص ((حتى بينى وبين نفسى)) ليه تم الزج بمرسى والاخوان فى طريق الثوره وإستخدامهم أسوء استغلال .. .. واللى يفتكر معايا ايام الانتخابات ان كلنا كنا شبه موقنين ان اللى حينجح فيها هو المرشح الاخر اللى امام مرسى اللى بيمثل الفلول والنظام السابق ((والله نسيت اسمه ايه)) .. ونجاح مرسى كان مفاجاه مدويه تصل للصدمه عند الكثيرين من المؤيدين قبل المعارضين كانت خيه .. وأغبى جماعه سياسيه عرفها التاريخ المصرى وقعت فيها بكل أريحيه .. وقال ايه جايين بكل عبط بيتكلموا وبيدافعوا عن شرعية مرسى .. بدلا من ان ينتحروا بكرامه كما ينتحر اليابانيين الفشله على طريقة الهارى كارى والظاهر جدا ان دولتنا ((من قبل ومن بعد)) يتحكم فيها ويحكمها المخابرات او أمن الدوله أو جهه ما ((سمها كما شئت)) .. والجهه دى كل الجهات الاخرى بالنسبه لها ((قضاء شرطه جيش اعلام الخ الخ الخ الخ)) مجرد قطع على رقعة شطرنج تحركها على حسب مصلحتها ((او ما تراه)) مصلحة للدوله .. عشان كده ..وبعد كل ما سبق ذكره .. من الغباء والهطل والعبط والاستفزاز.. ان الاخوان ومن والاهم يتهموا القضاء مثلا بأنه مسيس ((واظنه صحيح)) ..وفى نفس الوقت يعتقدوا لدرجة اليقين بأن نفس هذا القضاء كان نزيه وشريف وحيادى ومستقل وزى فل ((((فقط)))) لما اشرف على انتخابات الرئاسه اللى فاز ((او تم تفويز)) مرسى فيها

توضيح واجب حول مقال اطفال الشوارع نصار عبد الله. رغم انى لم يخطر ببالى اطلاقا انه يوجدفى مصر صانع قرار من يقبل التفكير مجرد التفكيرفى اعدام اطفال الشوارع ورغم انى لم يخطر ببالى قط...... يمكنكم متابعة باقى المقال على الرابط التالى.. http://www.cairoportal.com/news/65026#.U6UXbpR_s4U وضعنا المقال الأصلى .....ووضعنا اعتراض الكاتب ورأيه خصوصا بعد حذف المقال من المصرى اليوم . لكن هنا .. لنا رأى وتوضيح. رأى الكاتب ثم تبريره لكل كلمة كتبها ....لا يمنعنا من التفكير فى هذا الأمر . هل ستؤخذ الامور كلها بهذا الشكل ؟ هل سيتم البتر لحل المشاكل ؟ يالأمس ...كنت اتناقش مع ( شخص مسئول .. )..فى موضوع الباعة الجائلين وقلت بالحرف الواحد . انسى موضوع الوافدين وأن محطة الرمل والمنشية كانت تعج بالليبيين والسوريين وغيرهم ..وقل الحقيقة كل اسكندرية كانت اسواقها منتهية بسبب الباعة الجائلين فى السنوات الأخيرة ...؛تى الابراهيمية انطمست معالمها....عموما...سمعت انهم حايعملوا اسواق أو حايعملوا لهم مكان خارج البلد . وكان رده ...( كلمة شرف كل كلمة هنا حقيقية ) يروحوا ف داهية. كفاية بقى قرف. هم متعلموش ليه؟ دول ناس اغبيا...دول اساسا اتولدوا بلطجية ..يروحوا يموتوا . قلت له ( بكل هدوء رغم انى مكنتش عاوزة ارد نهائى ) وهو ده حل ؟؟ ...أنا أفصد ...على ما يشوفوا لهم مكان ثابت ف كل منطقة . الناس دى حاتعيش ازاى ومنين؟؟ احنا كدة بعدم ايجاد حل فورى بنخلق بلطجية .. اكتفى برد مقتضب ...قال ...العاطفة دى هى اللى جايبانا ورا ...خلاص احنا ( دادينا كتير وكفايا بقى ). واللى أقصده هنا هو ...يارب تتحل المشاكل ( بعدل )... مش عاوزين حلول الكاتب ...ولا حلول المسئول الصارمة . ياريت . يارب الخير لمصر وأهل مصر. :flr1: