لوحة القادة

علي الأقل اتعملتله محاكمة و من حقه يستأنف .. انا اعرف ناس حرقولهم بيوتهم و مزارعهم و ضاع شقا عمرهم .. و مش كفاية علي كده .. لأ اتطردوا من بلدهم من غير حتي يكونوا فتحوا بقهم .. و البلد ممشياها طبطبة و مجالس عرفية .. بلا قرف ...

من نطلق عليهم عسكريين بعد تركهم للقوات المسلحة، هم في الحققيقة "عسكريين" في شدة إنضباطهم إلا قليلا. كلهم لديهم تخصصات مشابهة للتخصصات المدنية ولكن بنكهة الإنضباط العسكري أو الإنضباط الأشد إن شئنا تسميته الصحيحة. ينطبق هذا الكلام المشرفين والملاحظين ورؤساء العمال (ضباط الصف) والمديرين والمهندسين والأطباء حتى رؤساء مجالس الإدارة (الضباط خريجي الكليات العسكرية أو المدنية الذين انضموا للقوات المسلحة حسب تخصصاتهم المختلفة) وعلى فكرة هذه النظام معمول به في كل دول العالم، فقليلا هم من يستمرون في الخدمة العسكرية حتى سن التقاعد، ولا يعقل أن نحكم بالإعدام على كل من خدم بالقوات المسلحة وخرج للخدمة المدنية إرضاء لمن لا يفهمون ما يرددون.

الله ينور عليك يا أستاذ إسلام بس ياريت "مقاتلينهم" فشنك وبس فى القتال دول أصلا كدابين مخادعين .. يخدعون البسطاء - الأبرياء منهم والمغفلين وذوى الغرض - باسم الدين وعندما يجد الجد تجدهم أول من يولون الأدبار حتى فى أزياء النساء فى الحقيقة جزمة مبارك - أو بيادته - أشرف من اللى هرب وهو لابس نقاب نسوى أو اللى حلق دقنه وساب منها سكسوكة وصبغهم الاتنين .. وجابوه من على الحدود ملحوظة : سجوده لم يضر بسمعة الأخوان المسيلمين هو كشف حقيقتهم واللى مش منهم بس بيحترمهم ممكن يقولك دى سجدة شكر لله يترد عليه بإن سجدة الشكر بتكون أول ما بيسمع خبر الإفراج عنه مش يستنى لما يوصل لأرض "الوطن"

لا يا عزيزي لما هما كل واحد له مخرج ورطو الغلابة ليه فيه ناس كتيييير ما عندهاش جنسية وامنت بافكارهم وكان جزاءهم السجن او القتل او الجرح ولما اشاهد قيادي منهم اول ما يلاقي مخرج يتوكل على الله ويستخدمه امال فين المباديء اللي بيدافعو عنها وهم يعتقدون انهم على صواب المقاتل الحقيقي هو الذي يموت في ارض المعركة من اجل مبادءه والدفاع عنها لكن المقاتل الفشنك هو اللي لما يلاقي اول فرصة يخلع فيها يخلع ويسيب اتباعه الله معهم سجود سلطان على ارض امريكا اضر كثيرا بسمعة الاخوان وثبت عليهم كذبهم وخداعهم حتى لاقرب الاقربين لهم

مصريين ؟ ولا انكشارية .. سلاجقة .. شركس ؟ جاوب أولا قبل أن تطلب منى الإجابة على أى سؤال

القضاة دول بيتعبوا جدا كفاية إنهم سهروا لحد الساعة اثنين صباحا علشان يصدروا هذا الحكم التحفة وكفاية إنهم لم يزعجوا المتهم وخافوا عليه ولم يعلموه بالقضية وأصدروا حكم غيابي والله العظيم اللي أنا شفته في الدولة اليومين دول شيء لا يصدقه عقل ولا منطق أقسم بالله إن انا شفت إخوان في المناصب القيادية ولهم حصانة غربية جدا لدرجة أنهم ينكلون بأنصار الدولة ومؤسساتها وجيشها وشرطتها ورئيسها جهارا نهارا ولا أحد يتحرك ضدهم لكن مش هنكفر بالدولة برضه

بصراحة انا مش شايف اي سبب للزعل منه ... واحد مجرم كان حيقضي عمره يا مسجون يا يتعدم في بلده و في نفس الوقت لقي باب خلفي يخلصه من المصير ده و يوديه بلد تانية .. مين اللي حيخليه ما يستخدمش الفرصة الذهبية دي ... مش ده برضه اللي قلناه في موضوع مستعجب عن الجنسية المزدوجة لولاد مرسي ؟؟

الحكم غيابى لذلك صدر بأقصى عقوبة سوف تعاد المحاكمة .. مع باقى القضايا المرفوعة على اسلام بحيرى

لا يوجد "فصيلان" فى الشعب هناك شعب - بكل اختلافات فئاته وانتماءاته السياسية - وجماعة إرهابية وفروعها ومع ذلك أنت حر فى "رؤيتك"

تسلم الأيادى .. تسلم يا جيش بلادى تسلم ياللى اتظلمت وحسبوها عليك حرب يوم 5 يونية 67 تسلم ياللى بعدها بأقل من شهر بينت لهم العين الحمرا فى راس العش وبينت للشامتين أن مصر فيها جنود ثبتوا فى موقعهم أمام دبابات العدو تسلم ياللى أسودك من القناصة أجبروا العدو على خفض رأسه شرق القناة بعد أن دنسوا مياه القناة فى صيف 67 الملتهب وهم يسبحون فيها وكأنهم ملكوها تسلم ياللى بعدها بأربع شهور قمت بأول عملية فى العالم لإغراق مدمرة بحرية بزورق صواريخ .. ومازالت عملية ليس لها ثان حتى الآن على مستوى جيوش العالم تسلم ياللى أبطال البحرية بتوعك ضربوا ميناء إيلات أكثر من مرة رايحين جايين وكأنهم بيضربوا بولطة عالكورنيش ضربوا الرصيف واغرقوا مدمرتين تسلم ياللى أبطال البحرية بتوعك دمروا حفار قبل دخوله البحر الاحمر كان جاى يحفر ويبحث عن بترول فى مياهنا .. اشتعلت نيرانه وكأنها ألعاب نارية فى أبيدجان احتفالا باستقبال رواد الفضاء فى ذلك اليوم واشتعلت النيران فى قلوب الأعداء فى تل أبيب تسلم ياللى أشعلت حرب الاستنزاف التى بدأت باستشهاد "الفريق" الذهبى نجم المدفعية المصرية عبد المنعم رياض .. فكان أول جنرال فى العالم يستشهد فى خندق بين جنوده على الخط الأول المواجه للعدو على قناة السويس تسلم ياللى ابنك ابراهيم الرفاعى ظل يعمل فى سيناء 5 سنوات خلف خطوط العدو تحت اسم منظمة مقاومة شعبية اسمها "منظمة سيناء العربية" فكان أسدا ينشب مخالبه وأنيابة فى ظهورهم النجسة حتى أدماها قصاصا عادلا لغدرهم بأطفال بحر البقر وعمال مصنع ابو زعبل تسلم ياللى اختلطت دماء جنودك "المصريين" بدماء إخوانهم المدنيين "المصريين" من أبناء شركات المقاولات وهم يبنون دشم حائط الصواريخ بينما السماء تمطر عليهم قنابل وصواريخ حتى كان اليوم المشهود يوم 30 يونية 1970 (يا جمال 30 يونية فى تاريخنا) وهو يوم اتمام بناء السد العالى الثانى على ضفاف القناة ليمنع عربدة طائرات العدو فى العمق المصرى ويكون 30 يونية عيدا تحتفل به قوات الدفاع الجوى كل سنة تسلم يا جيش بلادى .. تسلم يا جيش المفاجآت .. تسلم يوم أن فوجئ العالم بجحافلك تقتحم أصعب مانع مائى وتجتاح أقوى خط دفاعى عرفه تاريخ العسكرية تسلم الأيادى تسلم يا جيش بلادى ياللى حميت شعبك "اللى انت منه وهو منك" وأنتما معا حاصلان على أعلى شهادة فى مفاجأة وإبهار العالم .. من يوم 30 يونية 1970 إلى يوم 30 يونية 2013 مرورا بيوم النصر العظيم فى 6 أكتوبر 1973 مصر بهرت عيون وعقول العالم بشعبها و"جيشه" تسلم الأيادى .. تسلم يا جيش بلادى لأنك جيش أمة عظيمة لا جيش عائلة لأنك جيش شعب عبقري لا جيش قبيلة لأنك جيش "شعب مصر" لا جيش جماعة ولا جيش مذهب لأن جنودك هم خير أجناد الأرض رغم أنف الحقد الإسرائيلي و"إخوانه" هنا وهناك تسلم الأيادى .. تسلم يا جيش بلادى .. والله أكبر .. وتحيا مصر