لوحة القادة

الكوميكس أو القصة المصورة عباره عن فن تصويرى, غالبا ما يتكون من مجموعه صور تحكى احداث متتابعة تكون قصه و يكون نص الكلام ما بين الشخصيات فى رسم ضمن دائرة. أقداري الجميلة وضعت في طريقي فنانة مبدعة و شخصية جميلة جدا تاني يوم ما طلبت من طلابي بالمعهد أن يبتكروا شخصية كارتونية غريبة تعرفت عليها بعد ان تزاملنا معا في رياضة التاي شي أحبت الرسم منذ صغرها ,, وجدت فيه وسيلة للتعبير عما يختلج نفسها من تمرد على كل التعقيدات في هذا العالم الممتليء بالتدخلات و الحكم على الاخرين و محاولات تقييمهم الدائمة .,,,, رفضت القيود على البنات و التفرقة بين البنت و اخيها الولد فتحولت صرخات رفضها إلا خطوط جميلة و متمردة تشبهها إنها رسامة " الكوميكس " الفنانة الشابة حنان الكرارجي في البداية كان سؤالي لها ايه الفرق بين الكوميكس و الانيميشن ؟ ج: الانيميشن رسوم متحركة زي " ديزني" و بعد كده اتعمل كوميس و الكوميكس رسوم في مجلات او كتب زي الأبطال الخارقون سوبر مان و بات مان و بعد كده اتعمل افلام و انيميشن س: خلليني اسألك عن بدايتك ج: كان حلمي ادخل كلية الفنون الجميلة و اسافر امريكا اعمل دراسات في ديزني و ارجع مصر اعمل شركتي س: و سافرتي؟ ج: حلم السفر قائم لكنه مؤجل لقيت البداية في مصر افضل تخرجت سنة 2002 من العشرين الاوائل على كليتي و اشتغلت في شركة "ماتريكس" للانيميشن و تزامن ده مع تعييني في المركز القومي للسينما مع ماتريكس اشتغلت في مسلسل "سرحان و عرفان " اللي اتعرض في احد المواسم الرمضانية و مع زينب زمزم في " هنادي " اشتغلت في عدة شركات انيميشن لكن ر جعت تاني لماتريكس عشان اشارك في اخراج مسلسل "سنوحي" في الأثناء دي توقفت فترة قررت احتراف الكوميكس و اشتغلت في مجلات زي "باسم" و " علاء الدين" و "نونة" س: نونة مجلة حنان ترك؟ ج: ايوة رسمت شخصية شنة و رنة بعدين جاءت مرحلة محاولة نشر رواياتي س: ده جانب اخر من حنان الكرارجي بتكتبي؟ ج: من زمان بس لحد دلوقت منشرتش بشكل احترافي شاركت ب3 قصص في مجموعة قصصية بعنوان " خارج السيطرة" في 2011 قدمت رواية كوميكس للكبار اسمها" 18 يوم ",, و كان هدفي ابين الفرق بين الكوميكس للكبار و الكوميكس للأطفال بعدها شاركت في اول سلسلة رعب مصرية مصورة بعنوان " حكايات الظلام المحظورة " و كان اول عدد او بمعنى أصح العدد صفر بعنوان " عجين القمر" عملت الرسوم مع محمود حسيب في رواية بات مان و بعدين عملنا العدد الاول من حكايات الظلام المحظورة بعنوان الموت يوم آخر مهرجانات و جوايز ************** ج: مهرجان " كوميك كون" في دبي 2013 كان نقطة تحول كبيرة في حياتي في الفترة دي عملت شخصية نانو فولتا دخلت بيها مسابقة تصميم شخصيات اقامتها نقابة " فناني التحريك" س: نقابة فناني التحريك؟؟ ج: ايوة عشان النقابات الفنية مش بتعتبر فناني الكوميكس تبعها نرجع لنانو فولتا كلمينا عنها ج: هي شخصية متمردة و بتواجه السلبيات بعنف اخدت عنها الجائزة الثالثة و كان في جدل في لجنة التحكيم عليها البعض شافوها صادمة لأنها بدون عينين س: بدون عينين؟ ج: ايوة عينيها انفجرت و ده مقصود و له بعد فلسفي خاص بالبصيرة مش كل اللي بنشوفه بعينينا هو الحقيقة نانو فولتا عندها بصيرة س: شاركتي في مهرجان كوميك كون مرة تانية ؟ ج: ايوة في 2014 برسوم رواية تأثير الجرادة لأحمد خالد توفيق و ده كان حلم كبير عندي العمل معاه و برضه في 2015 لسه من شهرين سعدنا بيكي يا حنان تحبي تنصحي محبي الكوميكس و اللي نفسها يدخلوا المجال ده بإيه؟ ج: انصح بقى ان اللى بيحب الكوميكس يتدرب كتير وعنيه تشوف اساليب مختلفة ويذاكر الاساسيات زى التشريح والمنظور حتى لو هيشتغل بستايل بسيط ويصبر وما يستسلمش لان المجال دة عايز عند و تحدى صفحة حنان الكرارجي على الفيسبوك https://m.facebook.com/Hanan.H.Alkarargy

أنا ممن يهتمون عند القراءة لأحد الكتاب بـ "ماذا" كتب أكثر من اهتمامى بـ "من" كتب هذا المقال من أفضل و "أصدق" ما قرأت للكاتب ابراهيم عيسى

بعيدا عن جهل جيل إبن الأستاذ صلاح منتصر وبعيدا عن مسلسل لم أره بعد أقدم هذا الفيلم الوثائقى (بترجمة عربية) .. لمن يريد أن يعرف Jews of Egypt

الاخ ابو زياد اشكرك اولا على التعليق والنصيحة واحب اقولك ان اللى اخرنى على الرد هو انى بالفعل انهاردة قررت امشى فى الاجراءات وعملت كشوفات وبجهز ورقى للتأشيرة والله المستعان..والقرار خدته بعد ما زهقت من كلمات سمعت وأعتقد وجايز وبيتهايلى اللى سمعتها من ناس كتير ومكاتب حتى القنصلبة ..يبقى طالما مفيش ردود مقنعه ..يبقى مفيش غير المجازفة وقد كان ..وادعولى

شوف يا استاذ علاء علشان تريح نفسك مفيش قدامك غير المخاطرة وانك تتكل على الله وتستخير وتمشي في اجراءات السفر وانت ونصيبك بس متسيبش شغلك في مصر .... خد أجازة طويلة (شهرين - تلاتة) أهو لو عديت من المطار بسلام ابعت لهم استقالتك لو ينفع او خد اجازة قصيرة روح مصر استقيل وارجع تاني ولو معديتش لا قدر الله ايه اسوء الاحتمالات؟ انهم يرجعوك مصر تاني؟؟ مش هاتكون مشكلة طالما انك مسيبتش شغلك في مصر هي الخسارة الوحيدة هاتكون مصاريف السفر ودي ان شاء الله تتعوض مع الوقت

تأخر القصاص لم يكن الاستفزاز الوحيد .... ولكن سماجة السمجين وتناحة التنحين وبرود الباردين وحنية الحونيين .... وكلامهم الساخر لنا عن الحل الأمنى والحوار والحبيب المجهول أو الفاعل المجهول ومناقشة الفكر .... أشياء مقرفة وكلام مستفز جدا الجرائم علاجها الحوار .... فالحوار هو حد القتل ومناقشة الفكر هو حد الحرابة وعدم الإقصاء هو حد التخريب والحرق والهدم نفسي التناول يكون فيه إنصاف وعدل واتزان وضمير أيوه ضمير

نحن غير جادين بالمرة فى محاربة الارهاب لاسباب متعددة اترك لكم الصورة لتنقل اول سبب ستكون ابلغ من الكلمات وبعدها نكمل نقاشنا حول مدى جديتنا فى محاربة الارهاب فى هذه الصورة جندى من الجيش المصري يرفع اشارة رابعه ومن يلاحظ اختباؤها ومدى حرصه الا يعلن صوته جهورا امام الجميع

لو الجيش الاسرائيلى او الامريكى .. او اعتى الجيوش .. موجوده فى نفس الظروف اللى جيشنا موجود فيها فى سينا .. كان حيعانى ايضا نفس معاناة جيشنا .. نظرا لنوعية العدو اللى بتحاربه ونظرا للطبيعه الجغرافيه الصعبه لاراضى سينا ((ومستنقع فيتنام وكذلك افغانستان ومعاناة الجيش الامريكى فيهما أمثله صارخه مشابهه)) ... العصابات الارهابيه دى ببساطه عباره عن مجموعات مسلحه((متحركه)) بتستهدف و((بتغفل)) اهداف ثابته .. يعنى المشكله مش فى كفاءة الجيش او جديته((الجيش المصرى)) .. بس الناس دى ((اسرائيل او امريكا)) انا متاكد انهم كانوا اول شئ حيعملوه لو متواجدين فى المنطقه دى .. انهم حيوطدوا علاقتهم ب اهالى سيناء ((الادرى بشعابها)) سواء باغداق المال عليهم او بمعاملتهم معامله كويسه عشان يكسبوهم فى صفهم ومن ثم هم حيساعدوهم ((استخباراتيا)) على الاقل فى مواجهة تلك العصابات الارهابيه((الجرذانيه)) المسلحه .. الدلائل والموشرات بتقول ان علاقة الجيش ببدو او اهل سينا ليست على ما يرام .. لو تم ترميم الصدوع فى تلك العلاقه أعتقد حتكون خطوه كبيره وقفزه هائله فى الحرب على الارهاب بسيناء

عندما يتعلق الأمر بالأمن القومي فلا تحدثني عن حقوق الأنسان ديفد كاميرون