لوحة القادة

كتبت الرائعة فاطة ناعوت : هذا الفانوسُ الجميل المُعلّق في تِراس بيتي الآن، أهداه لي أحد أصدقائي عَشيةَ اليوم الأول من رمضان. أجّل سفرَه خصيصًا، وعطّل مصالحَه حتى يجهزه ويعلقه في بيتي قبل بداية الشهر الكريم. لأنه يعلم أن "رمضان ميبقاش رمضان من غير فانوس". فانوسٌ أنيق، مصنوعٌ من الزجاج الملون الذي يملأ القلب بالدفء، ويجيش بالعقل ليسبح في لُجّة الذكريات الحلوة حين كنّا أطفالا صغارًا لا ندري إلا أن الحياة مجموعة من الفراشات تطير فوق الزهور الملونة، وسربٌ من العصافير الغريّدة تشقشق في أعشاشها السرية داخل الأغصان المتشابكة في الشجر، وفريقٌ من الضفادع الخضراء ذات العيون الواسعة تسبح في البحيرات الضحلة وتُصدر نقيقًا نحاول أن نقلّد أصواتها ونحن نضحك، قبل أن نعود إلى بيوتنا الدافئة لنشرب كوب اللبن الدافئ، ونغسل أسناننا، ثم ندخل أسرّتنا الدافئة لننام ونحلم بتلك الأشياء الجميلة التي نظنّها "كل" العالم. وحين يهلُّ شهر رمضان، نتحرّق في شغف حتى ننزل مع أمهاتنا لنشتري فانوس رمضان المصنوع من رقائق الصاج الفضيّ وقطع الزجاج الملون، وحزمة من الشمع والكثير من الفرح والترقّب. قبل ثلاثة أعوام، زارنا رمضان ونحن في غمرة لحظات الشقاق الموجعة التي زرعها في أرضنا الإخوان والمتطرفون وترزية الفتاوى. حيث المسيحيون كفرة، والليبراليون والعلمانيون كفرة، ومن قالوا "لا"، على استفتاء 19 مارس كفرة، وغزوة الصناديق، والغزوات التالية التي كانت تخرج دائما بنتيجة واحدة وحيدة: كل ما عدا تيار الإسلامي السياسي: كفارٌ ملاحدة دمُهم هدرٌ. ثم تطور الأمر وبدأ المتأسلمون ذاتهم، يكفرون بعضهم البعض، بعدما كدنا نصدق أنهم الفرقة الوحيدة الناجية من النار، التي نحن وقودها. وسط هذا الجحيم، كتبتُ مقالاً بعنوان: "شوارعُ تُغنّي بالفرح"، بعمودي بجريدة "المصري اليوم"، وآخر بعنوان: "نوستالجيا رمضان القديم"، بعمودي بجريدة "الوطن". تحدثت فيهما عن ذكريات طفولتي مع شهر رمضان. كيف كنّا نجمع قروشنا النحيلة لكي نُزيّن شارعنا ونُباري أطفال الشوارع الأخرى لتكون زينتنا أجمل، وفانوسنا أكبر. ولم ننتبه، إلا حين كبرنا، أن نصفَ أطفال شارعنا من صانعى زينة رمضان كانوا مسيحيين. فرمضانُ شهرُ الجميع، وبهجةُ الجميع، وصلاةُ الجميع لإله واحد مالكِ هذا الكون الشاسع نعبده جميعاً، كلٌّ عبر رؤيته، ونحبُّه جميعاً، كما أحبَّنا وخلقنا وجعلنا شعوبًا وقبائلَ لنتعارفَ ونتحابّ ونتآخى. تلك خصوصية رمضان في مصر، عنه في سائر بلاد المسلمين. هو الشهرُ الذى لن تميّز فيه المسلمَ من المسيحىّ؛ فالكلُّ يحتفل؛ كأنه شهرٌ مصرىٌّ، وليس دينيّاً وحسب. المسيحىُّ يصوم مع المسلم؛ لأنه يؤمن أنه لا يليق أن يشبع وأخوه جائع. وإن باغته أذانُ المغرب وهو فى الطريق، سيجد الصِّبيةَ والصبايا يستوقفونه مبتسمين يلوّحون له بالخير. يفتح زجاج سيارته ويتناول كأسَ العصير وحبّاتِ البلح لكى "يكسر صيامه". فإن قال لهم إنه مسيحىّ، سوف يُفاجأ بهم يبتسمون قائلين: "واحنا كمان يا عمّ، كل سنة وأنت طيب!" يحدث فقط فى مصر أن يقفَ شبابٌ مسيحيّون يحملون كؤوس الماء ليرووا ظمأ مسلمين صائمين، زارهم المغربُ وهم خارج بيوتهم. يوم 30 يونيو 2013، وقفتُ على منصة الاتحادية وتعهدت أمام ملايين المصريين بعهد، لم يكن لديّ من دليل عليه سوى ثقتي في الله وفي مكانة مصر في كتبه السماوية. قلتُ: “بعد أيام سيأتي شهر رمضان الكريم، وسوف يكون رمضان بلا إخوان.” فهتفت جموع الثوار: “آآآآمين.” وهو ما كان. وانتهى عهدُ الإخوان. وزارنا رمضانُ جديدٌ، ومصرُ تبدأ التعافي لتعود من جديد مصرَ التي نعرفها. فكم نحتاج من وقت لنتخلّص من الأشواك القاسية التي وخزها أعداءُ الحياة في نحورنا لكي نكره بعضنا البعض؟ ثم نصفو لننصت إلى أصوات السماء العذبة في تواشيح سيد النقشبندي وقرآن قبل المدفع للشيخ محمد رفعت، وصوت البومب يضربه أطفال الشارع، الذين لن نميز أبدًا إن كانوا مسيحيين أم مسلميين، مادمنا متأكدين أنهم مصريون. مصريون وفقط. نسيتُ أن أعرّفكم بصديقي الذي جلب لي فانوس رمضان وعلّقه بنفسه في بلكون بيتي. اسمه: "عصام فهمي صليب”. شكرًا له، وشكرًا لمصر التي تعرف كيف تُنشئ أبناءها على الطيبة والرقي والتحضر والمحبة. كل سنة وأنت طيبون. كل سنة ومصرُ، مصرُ، والمصريون مصريون. فاطمة ناعوت

السلام الداخلي مش انك تشوف الحياة بمبي و تستهون بالتحديات الموجودة حواليك انت واعي كويس جدا لكل اللي حواليك و عارف إن في عقبات لازم تتخطاها و شايف أبعادها كويس و عندك نية و ارادة و عزيمة إنك تعمل ده كل الحكاية إنك بتعمل ده بهدوء و من غير توتر أو قلق و ده بيتحقق ببساطة لما تاخد نفس عميق و تعيش اللحظة دي من غير ما تسمح لخبرات سلبية سابقة أوخوف من اللي جاي إنهم يفسدوا عليك اللحظة دي #رمضان_اتنفس#

من أحلامي من أول ما رجعت المحروسة من سنة إن كل شارع فيكي يا مصر يبقى فيه حاويات قمامة بألوان مختلفة لتصنيف القمامة مع صورة ارشادية بسيطة على كل حاوية عشان اللي مش بيعرفوا يقرأوا يعرفوا كل حاوية يتحط فيها ايه و تبقى موجودة كل 500 متر المشروع ده ممكن جدا ينجح بشكل ماهول بالعمل التطوعي و تبرعات الأهالي لكل شارع و يبقى في مسابقات لأجمل شارع :) ده حلم كبير و قوي جدا عندي لإيماني الراسخ أن النظافة مسؤولية الجميع تبدأ مسؤوليتك بنفسك إذا مش قادر تلم الزبالة من الشوارع على الأقل راقب نفسك و ما ترميش انت زبالة في الشارع امبارح كان معايا منديل ورق عاوزة ارميه و أنا في شارع الخليفة المأمون بالعباسية و اللي قدام جامعة عين شمس عادة باحط الحاجات اللي عايزة تترمي في شنطتي لحد اما الاقي صندوق زبالة للحظة افتكرت كلام الناس اللي مش عايزة تتعب نفسها و بتتحجج ان مفيش صناديق زبالة نرمي فيها في الشوارع و قبل ما تفوت ثواني لقيت قدامي صندوق على عمود الانارة اللي عايز يشوف حاجة بيشوفها نعيش في كون الوفرة كل اللي حابب تشوفه حتشوفه إن خير خير و إن شر شر {فَمَنْ يَعْمَلْ مِثْقَالَ ذَرَّةٍ خَيْرًا يَرَهُ * وَمَنْ يَعْمَلْ مِثْقَالَ ذَرَّةٍ شَرًّا يَرَهُ} مش بس في الحياة الآخرة لكن في الدنيا كمان تعالوا نختار نشوف الحلو لأنفسنا و لبيوتنا و لشوارعنا لبلدنا

في الواقع لم أكن لأتحدث في مثل هذا الموضوع و أنا مغتربة وبعيدة عن أرض الواقع كنت قد وعدت حضراتكم في موضوع "عيد ميلادي الثاني و الأربعون " أن أتحدث عن الكثير مما أراه و أرصده هنا على أرض المحروسة في هذا الموضوع و بنظرة ايجابية لن نشتكي و ننتقد لن نلوم لن نقارن أنفسنا و بلدنا بغيرنا لن نعتبر أنه ليس بالعالم غيرنا فقط و لن نعيش في الماضي و نظل ندور في مشاعر الحزن أو الغضب أو حتى الفخر سنتعامل مع الماضي كصندوق للدروس و الخبرات سنتعامل مع بلدنا كجزء من منظومة كبرى على مستوى القارة و الشرق الأوسط و العالم سنقارن بلدنا " الآن" مع بلدنا " سابقا" لنقيس التطور و لنخطط لبلدنا " مستقبلا" سنترك لوم الحكومة على أننا لم نستطع النوم جيدا بالأمس :) فما أقلقنا بالأمس كان الصوت العالي للدي جي لمن يحتفلون بليلة الحنة لابنهم العريس,, ناس من الشعب,, ناس مننا احنا مش من الحكومة! سنترك الشكوى و النقد قليلا و نبحث عن ايجابيات تحدث و لا أحد يعطيها حقها من الشكر في سيل عارم من الشكوى التي أرى أن البعض اعتنقها و صارت لهم تيارا فكريا! هنا و في هذه المساحة مرحبا بكل عمل ايجابي نفكر به ندل عليه نقوم به على مستوى البناية التي نقطنها الشارع الذي نسكن به المربع السكني الحي نحن مسؤولون الحكومة مسؤولة و لابد من التعاون معا لتحقيق ما نرجوه لبلدنا التي تجمعنا معا أنتظر حضراتكم

بلـَّغوا المحافظ - أو الست النايبة - يا ولاد الحلال اسكندرية مش هتنضف من الزبالة طالما صناديق القمامة فى الشوارع إرفعوها .. شيلوها .. إخفوها يجب العودة لجمع القمامة من المنازل (وبعدين لما ننضف نبقى نعلم الناس تفصل القمامة فى بيوتها بدل النباشين) يا سيادة المحافظ .. قسِّم اسكندرية زى الجيوش أيام زمان خمسة فى عين العدو المقدمة (شمال) .. المؤخرة (جنوب) .. الميمنة (شرق) .. الميسرة (غرب) .. القلب (وسط البلد) عشان كده الجيش زمان كان إسمه خميس لأنه كان يتكون من خمس أجزاء فى عين العدو الحكومة ترفع إيدها عن العملية إسندوا جمع القمامة إلى شركات .. بعقود .. شروط صارمة ، وتطبيق صارم الشركة اللى تخالف أو تتقاعس مع السلامة وتيجى غيرها وما ننساش .. الشركات دى لازم تكسب .. مش نطلـَّع عين أبوهم عشان يفتـَّحوا مخهم القمامة ثروة قومية بس مش لازم "نحافظ" عليها فى الشوارع ندوَّرها .. حنطلـَّع منها دهب

كل ما أكتب تعليق أحذفه

اكتشف مصادر أخرى للطاقة غير الأكل و الشرب في كتير على فكرة أولها و أهمها التنفس جرب تتنفس خلو معدتنا من الاكل لساعات طويلة أكبر فرصة للتنفس كمل يومك بأكل خفيف شيل من دماغك إنك حتحس بهبوط و صداع دي أوهام على فكرة وقود الجسد الحقيقي هو "الهواء" :) اللي معظم الوقت محرومين منه بسبب كلامنا الكتير و اكلنا الكتير رمضان,,,اتنفس :)

أولا اهلا بيك عزيزي وايت هارتو كل سنة و انت طيب ثانيا الموقع لسه شايفاه حالا و شغال تمام و من سنة و انا دايما بأعرف منه ايه ارقام الميني باصات و الاتوبيسات اللي توصلني للأماكن اللي حابة أروحها و جربته عشرات المرات ده مثال لسه جايباه حالا مـن مساكن الماظه الى جامعه القاهره اركب | ميني باص366 هتنزل في شارع ترعة الاسماعليه ميني باص 205 اركب | ميني باص366 هتنزل في المظلات مترو انفاق الخط التاني اركب | ميني باص366 هتنزل في المظلات اتوبيس 33ج اركب | اتوبيس927 هتنزل في المطرية ميني باص 29 اركب | اتوبيس927 هتنزل في المطرية ميني باص 29 اركب | اتوبيس956 هتنزل في شارع بورسعيد ميني باص 29 اركب | اتوبيس956/ هتنزل في عزبه الهجانه اتوبيس 1011 اركب | اتوبيس51 هتنزل في حدائق القبة اتوبيس 569 اركب | اتوبيس956 هتنزل في شارع بورسعيد ميني باص 424 اركب | اتوبيس927/ هتنزل في المطرية ميني باص 29 اركب | اتوبيس956 هتنزل في الزاويه الحمراء ميني باص 424 اركب | اتوبيس956/ هتنزل في شارع بورسعيد ميني باص 29 اركب | اتوبيس956 هتنزل في المطرية ميني باص 29 اركب | اتوبيس927 هتنزل في مسطرد ميني باص 205 اركب | اتوبيس956/ هتنزل في شارع بورسعيد ميني باص 424 اركب | اتوبيس927/ هتنزل في عزبه الهجانه اتوبيس 1011 اركب | اتوبيس51 هتنزل في حدائق القبة اتوبيس 30ج اركب | اتوبيس927/ هتنزل في مسطرد ميني باص 205 اركب | اتوبيس956/ هتنزل في المطرية ميني باص 29 في الرابط ده http://www.arkabeh.com/index.php?station1=149&station2=2&do=search

ههههه

هي دي مصر

يا اخوانا ايه قلبة الدماغ دى ..كلمت مكتب سفريات كبير وخبرة قالولى من يومين سافر عن طريقهم واحد كان كاسر خروج وعودة من سنة ورجع على تأشيرة جديدة ودخل المملكة من يومين ..سؤال ياريت حد يريحنا من القصة دى..هل اللى عدى 6شهور على انتهاء الخروج والعودة ممكن يدخل عادى ؟ وهل التعليمات الأخيرة تمشى على اللى كسر تأشيرة من سنة فاتت؟ وبعدين ايه الحكاية ناس تقولك ان فيه ناس رجعت من المطارات وناس تانية تقولك مش هتطلع التأشيرة أساسا وفيه اللى بيقولك هتعدى ..حد يشرحلنا القصة بهدوء علشان نفهم

فعلاَ ... مجهود مشكور. وكان سيُصبح مفيد فعلاً اذا كان محرك البحث يعمل بالفعل! بعد عدة محاولات عشوائية على سبيل التجربة، وبغض النظر عن قصور قاعدة البيانات، كانت النتيجة للأسف الفشل في العثور على أى نتيجة! عموماً على الأقل فكر، وإجتهد واستقطع من وقته وحاول وبعدها بدأ في التطبيق ... وتصوري انه ان شاء الله سوف يُتابع التطوير. أرق تحياتي وإحتراماتي.

نقلاً عن Sherif Nader "النهارده نازل من بيتي في رحلتي اليوميه للشغل 36 كم على طريق السويس ومعايا كالعاده بنتي علشان اوصلها المدرسة. المهم دورت العربية وطلعت حسيتها تقيلة شوية وما بتمشيش كويس، فقرصت عليها برضه مش عايزة تسحب، قولت خلاص لما اروح الشغل ابقى اشوف مالها. طلعت طريق السويس واسمع وررررررررررررر العجلة اللي قدام راحت في داهية! الحمد لله عرفت اسيطر ولميتها لغاية ما ركنت ع اليمين، وكلمت مراتي كانت نازلة بعدي علشان تيجي تاخد جوجو توديها المدرسة، وانا ربنا يتولاني برحمته، فعلاً جت وخدت جوجو وانا دخلت قعدت في التكييف ادور في الموبايل على نمره ونش، وفجأه الاقي نقل كبيره وشايل كونتينر جه وركن قدامي ونزلي وقالي خير، شرحتله اللي حصل، قالي انا معايا منفاخ هوا هنفخهالك. وفعلاً نفخها بس طلعت متفرتكة، قاللي معاك استبن؟ قولتله اه، راح جابه ولقاه نايم هو كمان، قاللي ولا يهمك نغيره الاول، وقعد غيره وبعدين نفخهولي، قمت حطيت ايدي في جيبي قالي والله لو طلعتلي فلوس هزعل منك قلتله ليه بس، قالي انا بساعدك لله. قالي ممكن تفتح الشنطه، قلتله ليه؟ قالي عايز اديلك حاجة، فتحت الشنطه راح جايبلي من عربيته شوال بطاطس وقالي دي لسه صابحة، قلتله ربنا يكرمك مالوش لازمه يا عم، صمم وقال والله لازم، سلمت عليه واتصورت معاه وشكرته وقلتله ما البلد فيها شباب محترم اهوه، قالي انا اخوك محمود من دمياط، قولتله الف شكر وربنا يسترلك طريقك ‏‎smile‎‏ رمز تعبيري" ‪#‎Bey2ollak‬ لمتابعة أحوال المرور لحظة بلحظة نزل بيقولك على موبايلك http://app.bey2ollak.com?id=1745641442 لمزيد من أحوال المرور تابعنا على تويتر من هنا: www.twitter.com/bey2ollak

استاذة عبير محدش قال ان مصر بلد اهلها مفيهومش خير بس انظمة ادارة الدول لا تقاس بطيبة شعبها او قلبهم الابيض او الخير اللي ف قلبهم استاذتي الفاضلة حكمك ع الامور وانت ف مصر بتتعاملي معاها كسائحه مختلف جدااااااااااااا عن تعاملك مع مصر كموظفة يعني انا حاليا ف مصر بتعامل عادي وبفوت ليه ؟؟؟ لان انا ف اجازة عادي لما حد يغلي عليا الاجرة عادي لما سائق التاكسي يتاخر ولا الطريق يقف ماهو انا نازل ولا رايح مشوار اتفسح ، انما من 10 سنوات كانت كارثة لان كان عندي شغل وهتاخر هاخد جزاء اتمنى تكون الرسالة واضحه حضرتك بتشوفي مصر وانت سائحه وانا وغيري لم نقل ان الشعب المصري سئ ولا اتحدث عن الشعب لان الدول لاتحكم ولا تتقدم بالشعب فقط بل بالمنظومة الشعب المصري ضحية منظومة فيها الكثير من الفساد والخلل بل والروتين الغبي عاوزة تتكلمي يا استاذة عبير كلميني عن المرور (تجديد ترخيص-تجديد رخصة -شهادة براءة ذمة )، كلميني عن التعاملات مع الصنايعية (تشطيب بيت-فيلا -شقة زوجية - تشطيب عفش او اي شئ ) وعن حاجات كثير فيها سلبيات جزء كبير منها مش الشعب لا المنظومة اما الناس فهم طيبون ويستاهلوا منظومة كويسة بس حظهم

هل تعرف حجم ما تقدمه هيئة النقل العام من خدمات؟ هل تعتقد أنك خبير في المواصلات و تعرف تماما الوسيلة المناسبة لإيصالك لوجهتك؟ لا شك أن شعبنا الجميل مستعد دوما لمساعدتك و مشاركتك ما لديه من معلومات تساعدك ما سأقدمه لحضراتكم اليوم مجهود رائع لشاب مصري جميل صمم موقع أسماه " أركب إيه" دليل المواطن التايه :) وضع به خاصية بحث و ما عليك ادخاله فقط من بيانات هما: مكانك الذي ستتحرك منه و وجهتك التي تريد الوصول إليها فيعطيك خيارات متعددة من أرقام الاتوبيسات و الميني باصات أو خطوط مترو الانفاق مع امكانية معرفة كل المحطات التي يمر عليها كل اتوبيس او ميني باص بالضغط على رقمه الموقع رائع و سلس و مكثف الفائدة و جهد مصري 100% تفضلوا http://www.arkabeh.com

عندما كنت اخطط منذ سنوات للهجرة لكندا كنت أستعين بالخرائط لأتعرف على مقاطعات كندا و على مدن كل مقاطعة و على خريطة المدينة و أحيائها و على خريطة الحي و المربعات السكنية و المناطق الحيوية و المواصلات و الخدمات للتعرف على المكان و معرفة كيف يمكن أن "أعيش" فيه و هذا ما فعلته بمجرد وصولي للقاهرة بعد اغتراب دام 12 عاما في السعودية تغيرت خلالها معالم عديدة و تطورت بها أشياء و تفاصيل حتى لو لم تكن مغترب سيدهشك كم التفاصيل التي لم تكن تلحظها في أقرب الأماكن لديك و مؤكد ستفتح لك العديد من الأفكار و الفرص لأشياء لم تكن تخطر ببالك من قبل أدعو حضراتكم لاستخدام الخرائط للتعرف على تفاصيل أين نقيم و ما حولنا هي نظرة جديدة و منظمة لها عظيم الفائدة و تستحق التجربة َ

جميل اوى يا دريم ماشاء الله عليكى ربنا يجزيكى كل خير هتوفرى فى الوقت كتير اوى استشارة على جنب انا من زمان بحب الرياضة والجرى مسافات طويلة(الاصح انى اقول عداء عشان يبقى المصطلح مظبوط) وكنت بلعب رياضة كتير (دى ايام الجامحة) فعضلات الرجلين اتعودت عالمسافات الطويلة واتكيفت انها متسخنش الا بالاسلوب ده حاليا لما باجى العب رياضة بحتاج وقت طويل اوى عشان العضلات تبدا تستجيب واحس بتاثير (وبصراحة الوقت ضيق لكل دهوالرطوبة مينفعش معاها كدة) وبقيت بزهق بسرعة واحس بملل هل فيه حل معين ولا استحمل وابذل الوقت وهل تمارين المشى دى تجيب معايا ولا مضيعش فيها وقت درجة حراراة التكييف لما تكون بارد عادى ولا نعمله درجةحرارة زى الجو الطبيعى