لوحة القادة

ومن ولاد الكلب اللى بيتفسلفوا

ماتستعجبش يا عزيزي لاني بدأت اتخنق عشان بألنا سنتين بنحار نفس المجموعة وكل كام يوم يهبدونا عملية نوعية واحنا عندنا ثقة في رجالنا ورجالنا بيتعمل فيهم نفس العمليات تقريبا سنتين بتحارب ومعاك كل الادوات ومعاك كارد بلانش ورغم كده يجي اليوم اللي يتعمل فيه 15 عملية في توقيت واحد ده معناه ايه مالوش عندي غير تفسير واحد ومش عايز اقوله غير اني افتكرت اللي خد 19 قفا على سهوة و 19 من 15 مافرقتش كتير

https://www.youtube.com/watch?v=Yi9UFD2tqvQ&app=desktop لو مش قدهم يسبوا الشعب عليهم واقسم يخلص عليهم بالشباشب لكن نتصفي كل يوم ده غير مقبول هو مش طلب تفويض وخده عمل به ايه ؟!

وبعدين احنا بقالنا سنتين عمالين ناخدو في قفيان قفا ورا قفا لغاية ما قفانا ورم ومع كل قفا نقدم ثقتنا الكاملة لحكامنا وانها كبوة وهاتعدي ومش هاتتكرر وبتتكرر الصراحة وكتير اوي وكل مرة نعلن سيناء خالية من الارهاب ونصدقهم لان احنا عايزين نصدق وبعد شوية نلاقي القفا نازل يطرقع كده كتير وكتير اوي ده معناه اننا فاقدين السيطرة الجزئية والهامشية لسيناءوطبعا السيطرة الكلية دي صعبة المنال خلينا فاهمين لان الافعال تعبر اكثر من الاحلام والحنجوريات الافعال والنتائج ولادنا بيموتو في سيناء وكل مرة بنفس الاسلوب وبنفس الاستعراض وكل مرة بنقول نثق في رجالنا يعني هانفضل واثقين لغاية امتى مش عارف مستنيين ايه عشان نعترف بفشلنا وبصراحة مش محتاجة اعتراف لان النتائج على ارض الواقع بتقول اننا فشلة في تعاملاتنا مع الارهابيين وانهم متمكنون من رقابنا وهم دائما لهم السبق وهم من يحركون الاحداث ونحن مجرد رد فعل هزيل

لنصطف الآن الآن هو وقت الإصطفاف مش قت إختلاف أبداً لو البلد دي راحت.. مش حنلاقي حتة أرض نختلف فيها أصلاً.......

ببساطه كده : إحنا في معركة شرسة ، العدو فيها خاين وغدار ومش سهل ومجمع كل قوته وخبراته وأعوانه وتمويله علشان الجايزة الكبيرة بالنسب له هي مصر مصر اللي لو وقعت كله خلاص بقي في حجره مسرح العمليات في سينا واسع وصعب ، وبعض البدو مؤكد خائن ، أو كاره ومتعاون مع الإرهاب والسنة الكبيسة بتاع الخونة الإخوان مكنت الإرهاب من سيناء ، وجمعت كل الإرهابيين اللي في مصر والعالم إستعداد لمعركه التمكين وللأمانة كمان وارد جدا وجود أخطاء في الخطط والتدريب والاستعداد لكن ده كله بيدفع ثمنه قاده وضباط وعساكر ، بيستشهدوا بالعشرات فدا لوطنهم وشعبهم علشان احنا كلنا في القاهره وأسيوط ودمياط واسكندريه والسويس ومطروح وكل ركن في مصر نعيش في أمان نروح شغلنا ، ونقبض مرتباتنا ، ونسهر ، ونتفرج علي المسلسلات لازم نبطل فلسفة وتحليل وتشكيك وانتقاد وشائعات ، ده مش وقته أبدا نسيب ده لواحد خائن من جواه بيتمني انتصار جماعته حتي لو كان الثمن خراب الوطن هييجي وقت نتحاسب ونتعاتب لكن مؤكد مافيش قائد أو ضابط بيتمني إن عسكري من أولاده يتخدش ، مش يستشهد ويموت ده وقت صمود وتحدي ، وقت إيمان بالله والوطن والجيش ، وقت يقظه وحرص وانتباه وقت إخلاص وإتقان في العمل والإنتاج ، وقت دعا مخلص لله بالنصر في معركه أصعب من حربنا مع إسرائيل

ببساطه ... اميركا فى فترة الثمانينات استخدمت الجهاديين ((المحسوبين على الاسلام)) فى محاربة واسقاط ومن ثم تفكيك الاتحاد السوفيتى ((وهو ما حدث فعلا)) .. وحاليا هناك دولة او دول ما تستخدم نفس الجهاديين ((المحسوبين على الاسلام ايضا)) فى محاربة وإسقاط او إضعاف وسلب إرادة مصر على الاقل ومن ثم قيام دولة اسرائيل الكبرى او ما يسمى بالشرق الاوسط الجديد .. انها ببساطه اكثر حرب بالوكاله نظام ((من دقنه وافتل له )) مع الاعتذار للدمياطه ..يعنى مسلمين منهم فيهم يقتلوا ويدبحوا وينهكوا قوى بعضهم البعض بايعاز من تلك الدوله او الدول ذات الاغراض والاجندات المتعلقه بالمنطقه .. وأغلب الظن ان فيه خيانات واختراقات وتعاون أيضا من قبل افراد محسوبين على النظام المصرى من جهه ..ومن قبل أفراد وكيانات نخبويه من جهة أخرى .. نقطه اضافيه .. معتقدش ان الارهابيين دول جاؤا عبر الانفاق والمعابر مع غزه .. واللبيب بالاشارة يفهم نقطه اخيره .. لابد من رباطة الجأش والتعامل مع الموقف العصيب ده بصبر وهدوء وحكمه وعقلانيه ,, لان المطلوب هو ان يفقد الجميع أعصابه ومن ثم تحطيم الروح المعنويه التى هى من اهم الاسلحه فى التعامل مع الوضع الراهن .. ورحمة الله على كل من يسقط شهيدا فى معرض دفاعه عن وطنه وماله وعرضه

يا ابو محمد اطلب مني البس ميري واحمل سلاح وانا تحت امرك وانت شخصيا كده وزينا كتيييير لكن ماترميش ابني في الهلاك لا سلاح عدل ولا زخيره كفايه ويطلع عليه شوية صيع يموتوه وانا صارف دم قلبي عليه الدوله رخوه لحد اللحظه دي وكده مصر رايحه في ستين داهيه

الحرب الحقيقية غير حروب الألعاب الإلكترونية إنهزمنا فى 67 وتم تدمير 80% من معدات جيشنا بعدها بأسبوعين تم إبادة طابور مدرع إسرائيلى فى راس العش وظلت راس العش موضع قدم مصرى على الضفة الشرقية للقناة حتى حرب 73 كانت إسرائيل طوال ست سنوات تركز على الروح المعنوية للجيش والشعب (اللى كانوا جبهة واحدة) ضربوا مصانع ابو زعبل وقت تغيير الوردية ضربوا مدرسة بحر البقر واستشهد ما يقرب من أربعين طفلا ضربوا محطات الكهرباء فى نجع حمادى وغرب القاهرة نفذوا عملية كوماندوز فى الزعفرانة وفككوا محطة رادار ونقلوها لاسرائيل لو كان السادة اللى عاملين فيها رأفت الهجان وبيجيبولنا أخبار من التويتر والفيس بوك ومن فلان اللى توِّت وعلان اللى فيِّس (مع إن اللى اعرفه إن مفيش صحفيين فى شمال سيناء) أقول .. لو كانوا السادة دول هم اللى بيتعرضوا لتلك الحرب فى ذلك الوقت لمدة ست سنوات كان زماننا بنتكلم عبرى وعملتنا هى الشيكل

مما لا شك فيه انه ارهاب ممول وورائه مخابرات دول ووضح الأن ان الجيش المصري علي علم بالعمليه الإرهابيه واعد لمنفذيها كمين محكم وان كل المعارك لابد لها من خسائر .. نحتسبهم شهداء عند الله وتسلم الأيادي تسلم جيش بلادي ...

الحمد لله إن الفترة من 67 إلى 73 ما كانش فيها انترنت ربنا كان رحيم بينا وستر علينا :) جنرالات القهاوى أيامها كانوا أرحم بكتير

اللواء عبد الرافع درويش في مداخله مع الأعلامي احمد موسي صدي البلد القوات الدوليه في سيناء هي مصدر تهريب الإرهابيين ...

لما شويت صيع جهله بيعملوا فيك كده امال لو دخلت حرب هتعمل ايه !!

هو المعبر اتفتح ؟؟؟؟ ولو اتفتح هل ده معناه اننا بندخل الناس ومعاها اسلحه !!!!!!!!!!! طبعا كل ده بيدخل من الانفاق = اهدمها بصراحه الامور حلها ف يد المخابرات ، غير كدة مفيش

الموضوع اكبر من غزة الموضوع ان حدود سيناء اصبحت مثل المنخل وبتدخل منها اي حاجة تتخيلها لو الخيبة من ناحية غزة طب اديك ردمت الانفاق وهجرت الناس عشان تشتغل براحتك ولو كان السلاح دخل ايام مرسي طب مرسي غار من سنتين ولسة السلاح موجود ده معناه ان السلاح لسه بيتدفق لسيناء من الحدود اللي بأت عامله زي المنخل خلينا واقعيين وماندورش على عدو وهمي نعلق عليه خيبتنا بداية الحل الاعتراف بالفشل ثم يبدأ بعدها الحل اما نفضل طول عمرنا نعلق خيبتنا على شماعة يبقى عمرنا ما هانحل

مصر يحكمها رئيس المخابرات الحربية السابق !!!!!!!!!!!!

تذكروا ان اسوأ مكان في الجحيم محجوز لهؤلاء الذين يقفون على الحياد في اوقات المعارك الاخلاقية العظيمة. خلافك السياسي مع اي شخص او اي فصيل لا يجب ان يسمح لك بالوقوف متفرجا على القيمة الوحيدة المتفق عليها... ‫#‏مصر‬ الوطنية لا تُدرّس وحب الارض لا يُزرع.. منكم من سيتذوّق هذه الكلمات... ومنكم من سيستهزأ بها... الفرق معروف.. بين المصري.. والمتمصّر...

ولاد الكلب اللي بيتفلسفوا واللي مغميين عنيهم واللي مستعبطين الشعب واللي بيكرروا نفس الاخطاء وبيتعاملوا بغباء ومنتظرين النتائج مختلفة يابشمهندس ياراجل ياعملي هو في حد يقول ان الحوادث تتكرر بنفس الاسلوب واكون انا تعالمي بنفس الطريقة ده يبقى اسمه ايه ؟؟؟؟؟؟؟؟؟؟؟؟؟ كلمة حق بس ، محدش بيقول انها مسئولية فرد بس ع الأقل نقول كلمة حق ملعون ابو الاخوان اللي عاملين لكم هسهس ووصلوكم لمرحلة تقولوا ان مرسى ادا التعليمات باغتيال النائب العام ups: ده مرسي معرفش يدي اوامر وهو رئيس ده راجل بركه وكلنا عارفين كده كان بياخد التوجيهات عمره ماوجه حد ارحموا عقول الناس وماتهاجموش اللي بيطلب اعمال العقل لان من الغباء الاستمرار بنفس الاسلوب وانتظار نتائج مختلفة هيتعمل حداد ويتوقف عرض المسلسلات ولا عادي لان دول عساكر مجندين غلابة !!!

يمكن الدولة رخوة وفاشلة عشان بتشتغل مع الارهابيين بالشوكة والسكينة إنت ناسى إن فيه حاضنة بدوية لهؤلاء الإرهابيين فى مدن وقرى سيناء ؟ سيبك من حكاية إن سينا مافيهاش خاين أيام مبارك كانت القوات الخاصة بتاعة العادلى بتدك قرية بحالها بعد كل عملية لذلك كانت عملياتهم محصورة فى المناسبات القومية 25 أبريل - 23 يوليو - 6 أكتوبر إبنك اللى انت صارف عليه دم قلبك فيه ناس بتقول عليه بيشرب شاى وبيلعب طاولة

نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونة تحيا مصر

يا حسرة قلبي على المجندين الغلابة.. اتقتلوا ألف مرة. قتلهم الفقر، وقتلهم الجهل، وقتلهم الذل، وقتلهم سوء التخطيط، وقتلهم التقصير، وقتلهم الإرهاب والتخلف، وقتلهم الصراع على السلطة والثروة. هو بالنسبة للأخبار فرد، رقم، خسائر في المعركة، وبالنسبة لأمه هو حياتها اللي فاتت وحياتها اللي جاية. ربنا ينتقم من كل ولاد الكلب اللي وصلونا للي إحنا فيه ده، واللي لسه هنشوفه.

بدون ما أتفذلك وأتكلم كتير ما نواجهه في سيناء هو عدو حقيقي وكبير يخطط وينتواصل مع عناصره ويدربهم ويلقنهم ويشرح لهم وينفذون (بنجاح) على عدة مواقع في وقت واحد يستخدمون أسلحة ثقيلة.. حديثة.. متطورة .. رادعة .. هجومية المواقع التي استهدفت كمائن صغيرة.. تسليحهم لا يتمكن من الرد ردة الفعل ليست على المستوى المطلوب إسترخاء في الرصد والإستطلاع ليس لها مدد سريع هناك مشكلة حقيقية.. أسلوب التعامل مع ما يحدث في سيناء طوال السنوات الماضية خطأ المعبر فتح.. نعم ولكن هذا المعبر تحت نظر وسلطة السلطات الأسلحة الموجودة في سيناء.. من أين تأتي ؟؟ الرصد والإستطلاع الذي يقوم به الإرهابيون ... كيف يتم دون أن يعلم الجيش ولا الشرطة؟؟ هناك خلل كبير.. أو تأمر كبير جداً.. ملاحظة على الماشي .. داعش منذ نشأتها وهي تنتصر حتى ولو معنوياً... هذا يفتح أبواب الشيطان كلها لعشش في عقولنا ويوسوس لنا عن ماهية هذا التكوين .. ومن أين يتحصلون على تمويلهم.. ومن أين يأتون بكل تلك الأسلحة التي لا تنفذ للأسف.. معنوياتنا منخفضة جداً جداً...