لوحة القادة

دخلت أحلق شعري عند حلاق شاب النهاردة الراجل كان ماشي كويس وتمام .... قص شعري وعايز حاجه تانية حضرتك قلت ألف شكر لكن لو سمحت الفتلة بقى وخلاص لقيت وشه إتغير ومحرج وقالي ممكن بعد الفطار قلت له : ليه ؟ قالي علشان إحنا في رمضان وحرام قلت له : حرام ليه ؟ قال لي : لأنه لعن الله النامصة والمتنمصة مرضتش أقوله النامصة والمتنمصة معناها إيه ولكن قلت له : هو إنت شايفني نامصة أو متنمصة أنا راجل ياعم قدامك أهه قال لي : ما هو كله بقى قلت له طيب مين اللي قال لك كده ؟ قال لي : حلاق زميلي قلت له : وهو بيشتغل بالفتلة ولا لاء ؟ قال لي: بيشتغل قلت طيب اشتغل يا عم والذنب علي .... أنا النامص والمتنمص مش إنت ... وأنت مالكش ذنب

أهو ده اللى كان نامص

كل حد في الدنيا عنده حاجات بالنسبة له مقدسة و بالنسبة للآخرين هبل وجنان مينفعش اننا نستخف بيها لأننا شايفينها كده كل حد من حقه حدوده تُحترم مهما كنا شايفينها غريبة It is that simple :)

الواضح كدة بعد فيلم امبارح كله، وقراءة سريعة في الجرايد الاسرائيلية والعالمية النهاردة، ما يلي : 1-العملية كان متخطط لها من فترة، والتحضيرات كانت في الليلة اللي قبلها، وظباط من جوة الجيش بلغوا العساكر إن "بكرة الصبح" هيبقى فيه حفلة، وحضروا نفسهم كويس وردوا الصاع ألف. وبوستات الظباط والعساكر موجودة ومنتشرة والكل ناشرها علي الفيس ، اقرأوا بين السطور. معنى إن التحضيرات وصلت أخبارها للجيش المصري (عن طريق البدو المرشدين أو الأقمار الصناعية أو ... إلخ) يبقى برضة وصلت للاسرائيليين ثانيًا ولغيرهم ثالثًا. 2-العملية تمت بنفس السيناريوهات العراقية والسورية، عربية مفخخة محصنة ضد الرصاص والمقذوفات تهجم على الكمين، وبعدها يدخل الارهابيين يصفوا المصابين على الأرض. العمليات دي حصلت في سوريا و كسرت الجيش السوري، وحصلت في العراق وداعش خدت بيها نص العراق. حصلت في مصر مرة في كمين الرويسة، وبعدها أسامة عسكر زود كل الكماين بقاذفات محمولة وضربوا العربات اللي بتقرب بسرعة، فالإرهابيين درعوا المفخخات وهاجموا قسم الشيخ زويد بمفخخة مدرعة وفجروا جزء منه فعلاً، بس الجيش بيتعلم كل مرة من السلبيات وبسرعة جدًا. 3-التحديث الأخير في خطة الإرهابيين كان الهجوم على كل الكماين في وقت واحد، مع تدريع المفخخات كلها، بحيث مفيش كمين يقدر يستنجد باللي جنبه، وبعدها فخخوا الطريق عشان لما المعدات على الأرض تيجي تنقذ الباقيين تلبس في الألغام. لغاية اللحظة دي مفيش معلومات عن كيفية تجاوز القوات الأرضية للألغام دي، لسة هنعرف الجيش ابن العفريتة عمل إيه. بس المؤكد إن الجيش كان مستعد بالطيران واصطاد الدواعش في رحلة الهروب والعودة . 4-الكل في العالم الخارجي استنى لما يشوفوا الموقف على الأرض هيبقى إزاي، الكل كان عارف الخطة، والكل كان مستني النتيجة. كانوا متوقعين إن النتيجة هتكون "استيلاء الدواعش على الشيخ زويد والعريش ورفع العلم عليها" إلخ. عشان كدة مفيش دولة من العالم اللي حوالينا شجبت ولا نددت . كله كان مستني نتيجة زي يوم سقوط الموصل في العراق عشان يبنوا خططهم الجديدة. 5-الاسرائيليين كانوا عارفين وساكتين، وقبلها بيومين قرأت في ديبكا تصريح لرئيس الأركان إن الدواعش في غزة بيحضروا لحاجة كبيرة غالبًا ضد اسرائيل، وبعد الهجوم بساعتين نيتانياهو عزى المصريين. عرفتكش أنا كدة ! 6-الواضح فعلاً إن مادام خطة توطين الفلسطينيين في سينا باستخدام الإخوان فشلت، يبقى الخطة البديلة هي توطينهم باستخدام الدواعش. زي ما إيهاب عمر قال النهاردة، الأمريكان مكنوا الدواعش من سوريا، وبعدين مكنوا الأكراد من تحرير القرى اللي استولى عليها الدواعش، وهووووب شكرًا بقت دولة كردية. بنفس النظام: عايزين يمكنوا الدواعش من الشيخ زويد ورفح والعريش، وبعدها هوووووب تحررها اسرائيل (فيه كذا مقال اسرائيلي بيتكلم عن كدة النهاردة) وبعدها في يومين هوووووووب صاروخ ينضرب على اسرائيل من غزة فتهشششششش كل الغزاوية على الأراضي المصرية وشكرًا هووووب عيشوا مع اخواتكم الغزاوية على سينا وبطلوا صداع ومتقرفوناش. 7-اللي الجيش عمله ليلة امبارح كان معجزة استخباراتية وقتالية بمعنى الكلمة، معركة امبارح دي كان ممكن يتبني عليها تاريخ وجغرافية مصر لمدة 500 سنة جاية! وبكرة الأيام توضح أكتر، رغم إن الجيش ساكت مبيتكلمش. لكن في اليومين اللي احنا فيهم دول، انت بتشوف صناعة التاريخ بتحصل إزاي، إحنا في أيام فارقة في التاريخ، بعد 20 سنة من النهاردة ممكن متفتكرش المعركة دي، لكن فيه أبطال مجهولة شاركوا فيها وهيفتكروها، ولهم فضل عالبلد دي ليوم الحساب منقول ( شهيد تحت الطلب ) أدمن (( الجندي المجهول ))

من أكثر ما آثار الحزن في قلبي هو نجاحهم في تغيير طباع .. أحاسيس و مشاعر ... تحول تدريجي في قبولنا لأشياء تجرح الطبيعة البشرية السوية للأنسان ... هنا .. علي صفحات منزلنا الثاني و منذ سنوات قليلة جدآ تعالت احتجاجات لا حصر لها من اعضاء و مشرفين علي عرض صورة السادات مقتولآ .. كان مشهد أزعج بحق كل من شاهده .. و لكننا الآن أصبحنا نضيف و نشاهد صور لجثث مقتولة و محروقة و مبتورة .. لأشلاء متناثرة .. بدون ان يمس هذا من شعورنا .. نأسي علي هؤلآء و نشمت في هؤلاء دون ان نتوقف لنفكر مذا يحدث للطبيعة المصرية المسالمة التي "كانت" دائمآ بداخلنا .. يا حزني علي ما سنتركه من أرث قبيح لأبنائنا و أحفادنا .. يا حزني علي أجيال قادمة ستختفي مشاعر كثيرة نبيلة في داخلهم ...

أنا برضه قصدى كده :quest: :Exclam: :) تتكسر كيبوردى يا وايت نغيرها عشان خاطرك من يعلم منكم عن دراسة الجدوى للمشروع فليتفضل بنشرها من يعلم منكم عن مراجعة و "نقد" وتصحيح لدراسة جدوى المشروع فليتفضل بنشرها إنما دخول المواضيع من نصها بالشكل اللى فى المقال ده فأنا أتهمه بأنه دخول ديماجوجى .. مؤكد يلاقى استحسان البعض

بلدى بتحارب .. لازم ابقى معاها .. ما ينفعش ابقى عليها أنا اتربيت كده ومن وجهة نظر تربيتى .. شايف إن ناس كتير محتاجة تتربى

لا أستبعد هذا الرأى !

الموضوع ان حضرتك كنت من اشد المدافعين عنه عندما طرحنا تلك الافكار في حينها فما وجدنا منك الا الهجوم على كل من يفكر ان ينقد المشروع نقدا تحليليا وعن جدوى المشروع وخصوصا وان القناة لا تعاني من قوائم انتظار وقد سلمنا ساعتها ان المشروع هو مشروع سيجني ثماره في المدى البعيد وهناك اولويات تستحق الصرف في غنى عن ذكرها لانها قائمة طويلة خلاصة القول ان افكار الستينات تدير الدولة في الالفية الثالثة وان هناك من اشار للرئيس بحتمية وجود مشروع قومي على غرار مشاريع الستينات تخلد له ذكراه حتى ولو على حساب اشياء اخرى اكثر الحاحا عموما المشروع خلص والله وحده اعلم بتقنياته التي بنيت على اساسه وهل ستظهر عواره في المستقبل القريب ام لا ؟ كل هذا ستوضحه الايام المقبلة لان العملية مش عند وخلاص لما الخبراء العالميين يقولو مش اقل من ثلاث سنوات فهم يبنون دراساتهم ليس على وهم ولكن على بناء سليم يعيش دهرا او عمر افتراضي محسوب بالورقة والقلم ممكن ابني لك برج سكني مكون من 40 دور في ست شهور لكن عندما تقول الدراسات انه وفق المعايير الهندسية لا يمكن بناءه في اقل من ثلاث سنوات هذا لا يعني الا شيء واحد ان البناء الذي انتهينا منه في ست شهور وكان الطبيعي له ان ينتهي في ثلاث سنوات معناه ان هذا البناء اتسلق ولم يأخذ حقه من العناية المهنية والهندسية الكافية لذلك اقول لك علينا الانتظار حتى نرى باعيننا اذا كان في العمر بقية حصاد هذا البناء المسلوق

حرد عليك يا حبيب قلبى بالبلدى برده وأقلك .. ((اللى يجى منهم أحسن منهم)) .. ومتقدرش تقول اننا دوله ((فاشله)) بقدر ما تقدر تقول اننا دوله ((قليلة الحيله)) .. عشان كده مستمرين ((وتحديدا منذ السادات لما أدرك وصرح ان 99%من اوراق اللعبه فى إيد اميركا)) مستمرين بكل دأب وإتقان وإجاده فى لعب نفس الدور فى نفس المسلسل ((دور عبده العبيط اللى عامل من بنها ومطنث خااااااااااالث مطنث خااااااالص)) مع الاعتذار لصبحى فى مسرحية تخاريف .. وأيضا ((وللتوضيح أكثر)) فوضعنا الحالى وما نحن فيه أشبه بما شدت به المطربه القديره أمينه فى أغنيتها خالدة الذكر التى لخصت المشهد فى بلاغة بالغة الدقه حيث أتحفتنا برائعتها ذات المغزى السياسى العميق فقالت لا فُض فوها https://www.youtube.com/watch?v=SWIpIZgyrMQ

:) إيه الغريب يا وايت ؟ ما هى أمريكا بترمى سلاح وعتاد (بالخطأ) لداعش وتبعت طياراتها عشان تضربها ماهى أمريكا بتبعت لداعش عن طريق راس الرجاء الصالح :) أسرع إمداد من الصديق الأمريكى (موضوع كتبته قبل أن تتضح الأمور ) وبعدين تعمل تحالف يضربها ويضرب أسلحتها :) إنت بس اللى مش واخد بالك

وهو فيه حد حجر على رأيك يا أستاذ إسلام ؟ ماهو انت بتقول رأيك وبتكرره فى أكتر من مداخلة ومتمسك بيه وما فرقتش معاك رأيك ده مبنى على إيه ؟ إنت حر فى اقتناعك وتقييمك لما تسمع من أخبار إنت حر فى إنك تبنى رأيك وتقييمك على كلام وكالات الأنباء اللى كانت بتذيع ما وصل إليها من بيانات "العدو" عن طريق مكاتب التنظيم الدولى خارج مصر إنت حر فى إنك تلقى بيانات قواتك المسلحة فى البحر ولا تثق فيها مفيش حد يقدر يحجر عليك فى هذا :) دا انت حتى كلامك بلسم بالنسبة للقرف والهَبَل اللى الواحد بيقراه إنما من حق اللى انت بتكتب له عشان يقرا كلامك إنه يراه خطأ وخطأ جسيم كمان لأن كما أن الكاتب حر فيما يكتبه .. فالمتلقى حر فى اقتناعه وتقييمه أنا شايف انك واعى وفاهم الفرق بين الوضعين الفرق بس هو إن حضرتك لسه ما وصلتكش إن الحرب الحالية أصعب من حربنا مع إسرائيل حربنا مع إسرائيل كان كل شئ فيها واضح العدو فى مكان وانت فى مكان .. معروف هو فين وعدده كام وسلاحه إيه ماكانش مستخبى وسط أهلك وناسك او فى الجبال والكهوف وكان - وقتها - كل الأبناء والأخوة والأقارب بيحتشدوا لمحاربته كان الشاب من دول عارف هو هيدخل الجيش إمتى .. بس مش عارف هيخرج منه إمتى عشان يبدأ حياته ما كانش فيه ناس بتتمنى سقوط النظام المهزوم .. بالعكس كل الناس وقفت وراه لغاية ما نخلص من البلوة السودة ما كانش فيه ناس مفتونين بإسرائيل وبيشتغلوا جوه البلد لحسابها (بقصد بقى او بدون قصد ما تفرقش) ما كانش فيه ناس بيبرروا لإسرائيل ويقولوا إنها بتضرب عمالنا وأطفالنا وبتدمر مدننا على القناة بسبب العنف المصرى ما كانش فيه نخبة بتقول لازم نواجه إسرائيل بالفكر ونقارعها الحجة بالحجة حتى اللى كان يائس ما كانش بيجرؤ على الدفاع عن العدو ويقلل من تضحيات ابناؤه اللى على الجبهة يبقى فيه مجال للمقارنة ولا مفيش ؟ أنا شايف مجال ومجال كبير كمان للمقارنة وكما ذكرت سابق وبضدها تتبين الأشياء