لوحة القادة

عند زيارة قرية جرينتش بالقرب من لندن يتسابق الزوار إلى إلتقاط صور و إحدى القدمين في شرق خط الزوال و الأخرى غرب خط الزوال ما سبق كان إستهلالا لابد منه هناك في جرنتش شريط معدني على الأرض يمثل موقع خط الزوال و هو خط طول صفر و الذي لم يعد صفرا فلابد من إنتقاله 102 مترا جهة الشرق لأن سنة 1884 الذي حدد فيه خط الزوال كان الإعتقاد ما زال سائدا أن الأرض كروية تماما الأمر الذي ما عاد صحيحا بعد تقدم التكنولوجيا و ظهور آليات ال gps> لا أعرف لماذا لم يعلمونا في المدارس قصة تقسيم الكرة الأرضية إلى 360 خط طول .... القصة طويلة و درامية و أخذت وقتا طويلا و مثيرة قرأتها هناك في مرصد جرينتش .... ليت أحد الأفاضل يشرح لنا الحدوتة و كيف أن إختراع تقسيم الكرة الأرضية إلى 360 خط طول كان نتيجة كوارث بحرية

طبعا نمر بذكريات رابعة و ما قبلها و توابعها .. كل يوم اقرأ فى صفحات الاصدقاء اللذين تركوا الاخوان بكامل ارادتهم ذكريات عن الفترة التى قضوها منتمين الى هذا النظام .. غالبيتهم تركوا ما هم عليه بعد ان اكتشفوا انهم ادوات فى نظام يحقق مآرب غير دينية .. تركوا الامر بعد ان وجدوا زيفا .. كلمات حق يراد بها باطل .. تركوها حفاظا على عقيدتهم الدينية .. طبعا .. كل فرد اكتشف نوعا من الزيف خاصا به زلزل عقيدته .. منهم مثلا بعد حرب البوسنة و الهرسك .. البعض تركها بعد الثورة .. و طبعا لكل واحد سبب .. و فى ناس استمرت .. مما دعانى انى اسال سؤال مهم .. هل اى انسان ينفع يكون اخوان ؟ ام لابد ان يكون بمواصفات معينة حتى يسهل برمجته .. هنا ماتم نشره على صفحة احد الاصدقاء الثقاة ..

بعض الناس لا يستطيعون التعامل مع "الحقائق" مهما كانت الطريقة التى تُقدَّم بها تلك الحقائق

ثورة الشك .... " ولكني شقيت بحسن ظني "

هيرو حبيبي انت عارف معزتك عندي يا بني ... لا تغتر بهم فعندهم اعلام مزيف ومدلس ايضا ولا يتحركون الا اذا اهين واحد منهم فلديهم عنصرية حارقة وان شئت فأنظر كيف يتعامل النمسايون مع من يستحقون اللجوء من الدول الاخري عربية او افريقية ولا مجال هنا ابدا للتكلم عن حقوق الانسان او انهم محتاجون جلسات نفسية وناهيك عن اللجوء حتى لا يساء الظن بكلامي ، ان شئت فأنظر كيف تتعامل الشرطة مع مواطني بعض الدول الاوربية كاليونان واسبانيا وانجلترا والسويد اذا خرجت مظاهرة ضد مسئولين كبار او تنديد بقمع الحريات ! لا تغتر .

من هذا الذي تحجر قلبه الذي يستطيع ان يتحمل مسؤولية دماء الاف من المصريين حتى ولو كا نو على خطأ هل نزعت الرحمة من قلبه وحل محلها القسوة من هو حجاج هذا الزمان انا لا ا ستطيع ان ا تحمل او ا شارك مجرد مشاركة في ما حدث سواء بالقول او بالفعل اعذرني استاذ طارق انا في غا ية الاستياء

ياشو انا اتالمت جدا لما شفت الى كتبتية وانا معاكى ان مفيش حاجة تغفر النوع دة من الاهانة ولا الحب ولا المساعدة فى البيت ولا برة باهلة دى تخليكى تستمرى لان الاهانة مش حاتقل لا حتزيد راى لو كنت مكانك ان لازم انظم دماغى يعنى لو نزلت مصر بيتك الى حتعيشى فيه مدارس ولادك شغلك والدخل الى ممكن يجى من وراة لو كل دة مظبوط وممكن انزلى مصر ومتتطلقيش سبية يجرب الحياة من غيرك سنة وارفضى اى كلام معاه او حوار او عتاب سبية يراجع نافسة ويرتب اوراقة لازم يروح لدكتور نفسى ويتكلم لحد ما يوصل اصل الحكاية دى اية وازى يسيطر على اعصابة بعد السنة دى تقررى وهو يعرف غلطتة تعيشى معاه فى مصر 6 شهور وتجربى متروحيش معاه فى الغربة تانى الا لو اتاكدتى انة اتغير لية باقلك ادى فرصة علشان الولاد الطفل الى بيحصل طلاق بين الاهل بيتكسر حاجة جواة مش ممكن تتصلح وكمان حتة الحب الى كانت بنكم قبل كدة يمكن تنور تانى لو دة محصلش وامورك مستقرة انفصلى عنة وافتحى صفحة جديدة فى حياتك الطلاق مش اخر الدنيا دى حاجة ناس كتير بتمر بيها والحياة من غير زوج احسن من الحياة مع عذاب متحرك امام عيونك وردى على مدهش من غير كلام كتير الراجل بينزل من عين مراتة لما ميبقاش راجل والست بتنزل من عين جوزها لما متبقاش ست كلمة راجل وكلمة ست مليانا بالمعانى لو تحققتش يبقى متنطبقش على هذا الانسان المنسوبة الية الكلمة

انا حاكتب بشكل خاص شويه .. انا عارفه ان ردود الافعال حتختلف بس انا احب اعرفها لانها حتساعدنى فى اتخاذ قرار مهم جدا حيتوقف عليه حاجات كتير جدا فاى حد حيشاركنى مشكلتى ارجو انه يفكر كويس ويحس بيا كأنسانه قبل ماكون زوجه .. اى حد حيشارك يحط نفسه مكانى من فضلكم قبل ما يكتب اى كلمه . مراحل سقوط وانهيار ونزول جوزى من عينى لدرجه اختفاؤه التام والنهائى من عقلى قبل قلبى رغم انى كنت بحبه جدا وشايفاه احسن واجدع واشهم راجل فى الدنيا . مراحل السقوط واسبابها ------------------------- اول كذبه .. كانت قاتله بس كنت صغيره وبحب ومفيش حاجه اسمها طلاق فى عيلتى الا فى الحاجات الجامده قوى لما حكيتها للمقربين التمسوا الاعذار لجوزى واقنعونى ان هو كذب عشان خايف ازعل واضيع من ايده . مع العشره .. اكتشفت انه معندهوش اى اهتمامات ثقافيه ومقفول .. الدنيا حواليه بتتقدم وهو لا يبحث عن اى شئ مفيد يطور بيه نفسه .. شئ صعب لما الست تكون متطلعه ومثقفه وعمرى والله والله والله ما حسست جوزى انى احسن منه وحياة اولادى انا كنت دايما باكمل الناقص عنده وافيده باى شئ عشان شغله يكبر ويتقدم وربنا شاهد على كلامى .لكن السقوط هنا كان بسبب ادعاؤه المعرفه واسلوبه الغير راقى مع اصدقائنا او المعارف ومحاولته لتسفيه ارائنا جميعا باسلوب سمج ومستفز وهو حاطط رجل على رجل فى وش اللى بيكلمه وكانه عارف كل حاجه وللعلم هو فقد كل اصحابه الكويسين .. واحتفظ بس بالناس الاقل وطبعا كلنا فاهمين ليه . القهر .. بمعنى استغلال سلطاته كزوج فى فرض كل حاجه مش عايزاها عليا .. واول مره اعترضت اتعلمت اول درس ممنوع اعترض نهائيا على اى شئ .. وحاقول السبب فى السقطه اللى جايه الشتيمه .. فى البيت وبره البيت. مد الايد .. اسلوب التفاهم الوحيد المعترف بيه عنده .. كل ده وانا بره مصر وعندى اولاد .. ماتسالونيش سكتى ليه .. بكل صراحه الخوف انا بخاف منه جدا جدا جدا ملحوظه انا مبحبش الفضايح .. يعنى لما تحصل مشكله عمرى ما عرفت ازعق او اصرخ زيه او اشتمه لما يشتمنى انا متربتش كده .. بجد .. رد فعلى الصمت لان اى رد حلو او وحش بيزود انفعاله .. طبعا ضعفى ده كان الفرصه الذهبيه للشخصيه الغير سويه دى فى انها تتمادى لان مش لاقيه حد يوقفها عند حدها .. ومن عيوبى القاتله اللى بندم عليها ان كبريائى منعنى احكى لاهلى وخفت اعمل مشاكل انا مش عارفه عواقبها ايه وولادى بيحبوا بابابهم قوى قوى عمرى ما تخيلت انى احرمهم منه . . اهم حاجه فى الموضوع انى عمرى ما اشتغلت ولو حبيت انفصل لازم اشتغل فى مصر عشان اقدر اصرف على نفسى وعلى الاولاد ولذلك الصبر اللى انا صبرته ده فى الغربه ماكانش بدون فايده .. انا درست هنا والحمد لله معايا دبلومات فى اللغه الفرنسيه تؤهلنى للعمل فى مصر فى حاله الانفصال الى جانب انى باكمل دراستى فى الصحافه وان شاء الله فاضل لى سنه واخلص ربنا يصبرنى وتعدى على خير . الصحوه 1-من 6 شهور بس بدات اتمرد بادب يعنى .. اتكلمت بهدوء مع جوزى فى انى مش سعيده وانى مش مرتاحه فى الحياه معاه وان الولاد بداوا يكبروا واكبرهم بدا يسمع ويشوف حاجات ماحبش انه يعرفها واذا كنت صبرت فده كان عشانهم ولو جو البيت مش هادى والاستمرار مش فى مصلحتهم يبقى الانفصال بهدوء افضل الحلول لهم ولنا عشان نقدر نربيهم بطريقه كويسه حتى لو احنا منفصلين .. سالنى عن اللى مضايقنى .. سعدت بالبدايه دى وبدات اتكلم بصراحه .. النتيجه سكوت 5 ايام وهو الهدوء الذى يسبق العاصفه حتى اول يوم فى العيد الكبير اللى فات .. للاسف انا مش باخللى الولاد يروحوا المدرسه عشان يحسوا بالعيد لانى باخرج بيهم مع اولاد اصحابنا تانيين نعوض الغربه شويه والبعد عن الاهل واللمه اليوم ده لن انساه .. جوزى بيدور على اى حاجه عشان يتخانق وانا بحاول اتلافى المشاكل منعنى اخرج بالاولاد .. وفتح الموضوع تانى وكان رده التالى حتضربى وحتاخدى بالج....... ومش حتفتحى بقك 2- من بعد اليوم ده والحياه من اسوا الى اسوا .. النرفزه على ابنى 10 سنين طفل مالوش اى ذنب فى اى حاجه على اى حاجه هايفه .. ضرب بوحشيه لدرجه انه بيسيب اثر على جسمه .. اتدخل يضربه اكتر واكتر .. ممنوع اتدخل .. باروح ادفس راسى فى اى مخده عشان ماسمعش 3 - اخر حاجه كانت لما حبيت اروح بالولاد السينما فيلم اطفال .. اتحلف عليا بالطلاق انى مادخلش السينما تانى ابدا .. اصله عارف انى بعشقها . قررت اخيرا احكى لاهلى واطلب منهم يقفوا جنبى فى اول نزوله لمصر عشان انا حاطلب الطلاق رسمى هناك لان هنا وانا لوحدى الامر فيه اذيه ليا وللولد .. والحمدلله ان الكل واقف جنبى .. طبعا غلطونى وعاتبونى .. بس بجد انا مش حمل حد يقوللى ليه سكتى وليه وليه وليه .. انا وانا بحكى مانكرش انى خايفه منكم ومن ردود افعالكم .. اللى عايز يسالنى اى حاجه يسال انا مش مخبيه حاجه عنكم ارجو منكم تجاوبونى على سؤال واحد صح اللى انا حاعمله واللا غلط هو انا كده باظلم ولادى لو انفصلت عن باباهم؟ معلش يا مدهش انا عارفه انى ممكن اكون خرجت بالموضوع بتاعك عن مساره .. بس انا حسيت انى لما صدقت اقدر اعبر واكتب واطلب مساعدتكم اول مره اكون شجاعه وماتكسفش وبجد بجد ارتحت ..

يسقط الرجل من عين زوجته في الحالات التالية.... لما يعمل زي بقية الرجالة ويتريق علي الزواج او عليها ولو في صيغة هزار في وجودها " هزار دمممممممممه يلطش بس كل المصريين بيعملوه مش عارفا ليه والستات كمان بيعملوه لكن الرجالة ما يعرفوش :) ولو عرف ان مراته بتتريق عليه قدام صاحبتها تبقى ليلة كحلي!!!!!!!! :P " - لما ياخد فلوس من اهله في حين انه ممكن يمشي حاله ولو بشد الحزام شوية او شويتين...! - لما يمسح جوخ لرجل اخر ولو كان رئيسة في العمل قدامها.. - لما يسيب ست اخرى تعلي صوتها عليه حتى لو كانت رئيسته في العمل!!! " اشمعنى مراته يعني!! :angry2: " - لما ما يقضيش طلبات بيته مش لقصر ذات اليد و لكن لقصر ذات الفهم!!!! -لما يصدق كلام غلط اتقال على مراته ويجي يسألها الكلام دا صح والا غلط؟؟؟؟؟؟؟؟ خصوصا لو كان من اهله!!!!!!! - لما يكيل بمكيالين في نفس الموقف بينها وبين اهله.. او بين اهلها و اهله... لو افتكرت حاجا تانية ها ابقى اقولها :angry2: :D :P احنا جايين نهدي النفووووووووووووووووووس