لوحة القادة

السلام عليكم مش عارف ابدأ منين .. انا صاحب الموضوع ده الموضوع ده كتبته فى 2008 وكنت عندي حماسه غير عادية وطموح كبير جدا ... كان نفسي افتح من نفس اليوزر بس مش فاكر الباسورد بتاعه وكمان مش فاكر اصلا الايميل اللى عملت منه اليوزر المهم انا محمد قطب فى 2008 كنت فى سنه اولى كلية وكنت بشتغل فى سيبر باخد فيه 350 جنيه فى الشهر كنت بصرف على مصاريف كليتي ودراستي وكنت فرحان اوى انى جمعت الف جنيه وكان عندي طموح كبييير اوى برغم ان كل ظروفى كانت صاعبها كان والدى مطنشني انا وولدتي واخويا الصغير من وانا فى اولى ابتدائي ولولا اشتغلت وكملت تعليمي كان زمانى شغال تباع ولا سايس ولا اي حاجه مع كامل احترامى لكل شغلانه حلال بس كنت نفسي اوى اشوف نفسي حاجه كبيرة اوى وكمان اساعد كل اللى مر بظروفى انهرده انا محمد قطب 2015 اتجوزت وبقضي شهر عسلي بشتغل فى شركة كبيرة فى البلد مرتبي اكتر من 3500 فى الشهر الحمد لله ربنا يعلم موصلتلهاش ولا بوسطه ولا بغيره بالعكس من اول ما اتخرجت وانا روحت قدمت فى مجال السياحه وفى كل حته جاتلى شغلانه فى فندق فى الغردقه روحت اشتغلت ب400 جنيه اغسل صحون مع انى معايا شهاده فى نفس المجال ومدير المطعم نفسه ممعهوش زيها بس ميأستش فضلت ادور على شغل تانى لغاية لما راديو شاك كلمونى روحت واشتغلت سنه فى الغردقه برضو تحويشة عمرى وصلت 20 الف قولت هبدأ البيزنس الخاص وروحت حطيتهم فى البورصه وقولت اتعلم بفلوسي جات الفترة اللى قبل ثورة 30/6 خسرت نص المبلغ واضطريت اسحب النص التانى عشان كنت قابلت بنت حبيتها ووعدتها اتجوزها فرمت فى نفسي وبدات اشتغل وانمى من مهراتى وادرس عالنت لغه واقرا فى بيزنس وحاجات كتير وقدمت فى حتت كتير لانى برضو حسيت انى فى راديو شاك هقف عند حد معين شوية وكلمتنى فودافون وعملت انترفيو والناس كانت مبهورة بالشخص الطموح ده قالولى تحب تشتغل فين قولت فى شرم عشان اكون بمارس شغلانتى اللى المفروض هي التعامل مع الاجانب واكتساب لغات وكمان الوضع المادى هيبقا احسن وقررت اعمل بيزنس بعد ماخدت خبرة كبيرة فى مجالات وطرق واستراتيجيات كتير فى ظرف تلات سنين كان رصيدي من شغلى والبيزنس الخارجي 150 الف جنيه صرفت منهم 100 على الجواز واتجوزت فى نفس معاد خطوبتي بعد سنتين بالظبط باليوم والشهر كل الناس كانت شايفه انه مستحيل انجز اللى وعدت بيه فى الفترة دى سنتين بالظبط مزادوش يوم الحمد لله حتى حمايا كان فخور جدا ازاى واحد محدش ساعده بمليم وعد ووفى وان مفيش حد فى سني عرف يوصل للى وصلتله بدون مساعده من حد الوحيد صحبي الانتيم اللى عمل كده ومتجوز بمساعدات من اهله وكمان مديون للبنك ب30 الف انهرده انا محمد قطب متجوز شقتي تمليك بنيت بيتي فى سنتين بالظبط معايا راس مال مش بطال ابدأ بيه وانا عندي 27 سنه فى عز ان كل اللى حوليا وكل اللى عرفتهم فى سني منهم اللى لسه اصلا مش عاجبه البلد وحالها وبيدور على شغل انهرده وانا قاعد مع نفسي افتكرت زمان وايام زمان وافتكرت البوست ده وقولت اخش اشوفه لسه موجود ولا لا ولما شوفته وقريت كلام كل الناس ابتسمت وقولت اللهم لك الحمد على اللى وصلتله وبجد بشكر كل واحد حاول يديني دافعه او يتكلم معايا وربنا يجعله ليكم كلكم فى ميزان حساناتكم نصيحتي لكل واحد فى الدنيا دي اوعى فى يوم من الايام تيأس الدنيا فى كتيبيييييييير اوى ولسه مستنياك اسعى وحط في دماغك انك تكبر مهما كانت ظروفك وساعتها هتلاقي الدنيا بتسمع كلامك غصب عنها وهتطوع كل قوتها تساعدك لان ربك هو اللى هيأمرها بكده لو شاف منك رجوله واجتهاد ده لينك الموضوع القديم http://www.egyptiantalks.org/invb/index.php?showtopic=60041

انا ومثاى كثيرون نعترف انه انضحك علينا بدايه من ثورة يتاير وهذه الوحيده اللى ما انضحكشى على فيها واعتبرتها مؤامره من اليوم الذى اعلن فيه الرئيس مبارك عدم ترشحه لفتره اخرى. اعتبرتها مؤامره من الجميع بمافيهم 6 ابريل والاخوان والليبراليين واى فرض شارك او حرض على الثوره والساده المشرفين ممكن يرجعوا لمشاركاتى وساعتها حظيب اكثر من 60 تقييم سالب. هذا على الرغم من كرهى لمبارك وعلى الرغم من انى انتخبت ايمن نور فى 2005 رغم يقينى ان مبارك ساعتها كان افضل منه مائة مره. انضحك على ساعة دستور غزوة الصثناديق وقلت نعم للدستور انضحك على فى انتخابات الرئاسه وشاركت فى المهزله وانتخبت الفريق احمد شفيق. انضحك على لما زوروا الانتخابات لمرسى. انضحك على لما قالوا تمرد يوم الانقلاب رغم كرهى للاخوان وكنت اتمنى زوال حكمهم لكنه اعتبرته يوم اسود فى تاريخ مصر ان وزير الدفاع ينحى الرئيس المنتخب انا اعترف انى انضحك على فمتى يعترف الاخوان انهم انهزموا وانضحك عليهم القاده الرجال يقاتلون حتى اذا وجدوا الهزيمه ستلحق ضررا بشعبهم واهلهم يعترفون بالهزيمه فعلها اليابانيون وفعلها الالمان لم لايفعلها الاخوان ماذا سيستفيد الاخوان من اعدام المرشد او الدكتور محمد مرسى ماوجه الاستفاده من اعتقال هذا الكم من قياداتهم اعدمهم واعتقلهم عبدالناصر وماذا حدث لاشئ لم نرى ان عبدالناصر سخطه الله فاصبح قردا او سحليه ان كان فى الاخوان رجال فعليهم ان يعترفوا بانهم انضحك عليهم لينقذوا من فى المعتقلات والسجون....اما هذا التكبر والعجرفه والكذب فلا فائده منه الناس اصبحت تكرهكم (طبعا الناس اللى بتكرهكم حسب تصوركم اما كفار او عبيد بياده او عملاء او جهله) ....خلاص اتفق معكم انهم كما تقولون....انكم لن تعودوا للحكم (وادعوا الله الايكون) لا عن طريق الانتخاب ...فكره الناس لكم لن يعطيكم مقعد فى برلمان عزبة النخل حتى....ارجعوا الى رشدكم والايام دول

عندنا في الفلاحين والريف ومع المقاولين ستات وبنات شقيانين وتعبانين ونسوان البوابين وبيشتغلوا اكتر من كده، سيبكوا من الدلاليع اللي مش لاقين حاجة تشغلهم غير النوادي واللت والعجن وسيرة الناس.

كأنك نسيت يا أستاذ إسلام أو لم تقرأ الموضوعين اللذين وضعت رابطهما فى مداخلتى السابقة يا رجل .. لقد اشتعلت الثورة على ذلك الأبله الذى قال لنا فى نوفمبر 2012 "أنا ربكم الأعلى" .. كلمتى سيف على رقبتكم وعلى رقبة الجعيص فى البلد دى واستمرت الثورة تفور وتهدأ لمدة 6 شهور إنت كنت عاوز البلد تستمر فى الوضع ده كمان كام سنة يعنى ؟ هل سألت نفسك ماذا لولم تحسم الصين ذلك "الربيع الصينى" عام 1989 ؟ لن أسألك : هل كنت ترى صين اليوم التى تبهر القاصى والدانى ؟ بل سأسألك : ماذا كان يمكن أن يحدث بين مواطنى تلك الدولة المليارية فى تعدادها ؟ ماذا كان سيحدث لو لم تفض الصين ذلك "الاعتصام الربيعى" بهذه القسوة والوحشية يا أستاذ إسلام .. ما حدث فى ميدان رابعة - ذلك الذى تستفظعه - يعتبر ذرة وربما أقل بالمقارنة بما حدث فى ميدان "تيان أن من" أو الميدان السماوى فى بكين اعتصام غير سلمى .. بل و "مسلح" .. أنشئت حوله المتاريس .. وأطلقت فيه التهديدات بحرق مصر وتفجيرها بالسيارات المفخخة وبالريموت كنترول .. والسحق والمحق وتوجيه الضربة القاضية والضغط على زر المقصلة لتطيح بالرؤوس التى رأى إرهابى معروف أنها كانت قد أينعت وحان قطافها ورش الدماء فى مقابل رش المياه ، فشرعية مرسى دونها الرقاب وتشكيل "مجلس حرب ، مجلس حرب ، مجلس حرب" فى شمال سيناء .. وبدء الأعمال الإرهابية فى العريش ورفح والشيخ زويد مع إشارة - من رابعة - إلى أن "هذا الذى يحدث فى سيناء يتوقف فى اللحظة التى يرجع فيها مرسى إلى الكرسى" إعتصام ، أعترف أحد قيادات الجماعة بعده بعام بأن النظام كان يؤيد الحل السلمى ولكن الأخوان رفضوا واعترف آخر بأن خيرت الشاطر هو من رفض التفاوض واعترف ثالث بأن الاستمرار فى الاعتصام وتصعيده كان بغية خلق موقف تفاوضى وليس لعودة الشرعية والشريعة كما ادعوا واعترف رابع بأن الحشد والتصعيد والاستمرار فى الاعتصام كان رهانا على إحداث "انقسام فى الجيش" ولما تبين له أن "الزخم" غير كاف لإحداث هذا "الانقسام فى الجيش" توقف عن التحريض وعن الصعود إلى منصة رابعة وانسحب (لم يقل إلى أين ولكننا شاهدناه فيما بعد فى قطر يفطر كرواسون) إعتصام ، كان أول شهيدين (عند فضه) من قوات الشرطة أى أن المعتصمين كانوا البادئين بإطلاق النيران إعتصام سمعنا وشاهدنا التنبيهات والتحذيرات والإنذارات بالميكروفونات قبل إجراءات الفض بالقوة وشاهدنا ممرات آمنة لمن يريدون الخروج والذهاب إلى بيوتهم .. ورأيناهم يخرجون بالمئات من تلك الممرات الآمنة إعتصام كهذا .. أفهم أن يتخذه الأخوان بكائية كربلائية فهذا طبعهم .. تجار آلام ودموع ودماء .. أما ما لا أفهمه فهو هذا المولد المنصوب على صفحات بعض الشباب على الفيس بوك مولد نواح ، استحقوا عليه وبجدارة لقب "النحانيح" .. تفسيرى الوحيد لهذه النحنحة والنواح (برغم تغليفه بدعوى الإنسانية والدفاع عن حرية الرأى وحرية الاعتصامات ، وأنه مسألة مبدأ) هو انحيازهم الأعمى "ضد" كل ما هو عسكرى (كدهو .. كوم فول .. عمال على بطال) وهو موقف لا يحق لأحد أن يستنكره أو ينكره عليهم ، طالما ظل فى إطار "الحرية المطلقة للرأى" وفى إطار "الحرية المنضبطة للتعبير عن هذا الرأى" .. أما أن يكون من منطلق "عدو عدوى فهو صديقى" ، فهذا ما اشفق عليهم منه فقد اختاروا أن ينحازوا إلى ما أجمع الشعب على رفضه الشعب رافض للإرهاب فيبررونه الشعب رافض للتهديد بحرق مصر فيغضون الطرف عنه ويهونون من شأنه الشعب رافض لدفع البلاد إلى شفا الحرب الأهلية التى كانت ستأكل الأخضر واليابس فيتجاهلون خطره الداهم يا ترى ، لو حسبوها ، هل سيتوصلون إلى حجم ما يخسرونه عارف اللى قتل نفسه وهو بيلعب بالمسدس اللى لقاه مرمى فى الشارع ؟ نرجع لسؤالنا .. مين اللى عزل مرسى ؟؟ .. وازاى ؟؟ مين اللى ثار ضده فى نوفمبر 2012 .. الشعب ولا الجيش ؟ مين الـ 22 مليون اللى وقـَّعوا استمارات تمرد بتطالب بانتخابات مبكرة ؟ (مطلب ديموقراطى اهو يا أستاذ إسلام) مين اللى رفض يستعمل حقه الدستورى لنزع فتيل الأزمة والوصول بالبلاد لبر الأمان "الديموقراطى" ؟ مين اللى رفض يطرح الأمر فى استفتاء شعبى .. مرسى ولا الشعب ولا الجيش ؟ مين اللى نزل الشارع بيقول له ارحل .. الشعب ولا الجيش ؟ مين اللى كان بينادى على الجيش لحسم الأمر بعدما انسدت كل القنوات ؟ .. الجيش كان بينادى على نفسه من الميادين ؟ مين اللى عزل مرسى ؟؟ .. وازاى ؟؟

كل واحد بيحسبها بطريقته يا عم ابو محمد الاخوان كانت رابعة بالنسبة لهم اخر الفرص للضغط بعد ان فقدو كل مكتسباتهم من الاعلان الدستوري الى مجلس الشعب الى مجلس الشورى ومرورا بالدستور ثم النهاية الانتخابات الرئاسية كل هذا فقدوه ولم يتبق لهم الا التمسك بالاعتصام في رابعة والنهضة وكان املهم في تمسك رئيسهم بالرئاسة هو امل يلعبون عليه لانه من وجهة نظرهم ووجهة نظر الدول الديمقراطية هو الرئيس الشرعي لانه لم يتنازل عن الرئاسة وتم الانقلاب عليه من قبل العسكر وسيظل مرسي متمسك بهذا الباب وسيظل الاخوان يلعبون عليه لانه لم يتبق لهم غيره لذلك قلت ومنذ ان تم عزل مرسي ان ما حدث في 30 يونيو هو نصف ثورة ونصف انقلاب لانه بدون الجيش لن يتنازل مرسي عن الرئاسة حتى لو قعد الناس سنة في الشوارع لم يكن له ليستجيب لهم الا بقوة وبلي ذراع اما ما حدث في رابعة فاجد ان المتسبب فيه هم هؤلاء الذين فضلو الحل الدموي على حساب الحلول السلمية لانها كانت ستحتاج الى مزيد من الوقت ولكنها كانت في النهاية ستفض هذا الاعتصام بدون اراقة دماء ارجوك يا عم ابو محمد لا تستهين بما حدث في تلك المحرقة فقد حدث ما لا عين رأت ولا اذن سمعت ولا خطر على قلب بشر وليس هكذا تفض الاعتصامات ابدا

نفسي اقول لكل واحد عاوز يبدأ ابدأ ومتشغلش دماغك بحاجه ابدا ابدأ حتى لو ممعكش ولا مليم متعلقش نفسك باوهام ملهاش لازمه انا اتعرض عليا موضوع السفر كذا مرة .. مرة عن طريق الجواز من بنت اتعرفت عليها مصرية امريكية متجنسه ومرضيتش اولا عشان مسيبش امى واخويا الصغير وثانيا عشان ديما كنت عارف المثل القائل عويل بلاده عويل بلاد الناس وكمان على مدار السنين اللى فاتت عرفت ناس كتير صحابي كان حلمهم السفر ومنهم كتير سافر ولسه شغال بيمسح وينضف لغاية دلوقت ومنهم اللى شهور ورجع ومنهم ومنهم اعرف واحد منهم كنا بنلعب مع بعض فى الشارع وقدم على هجرة امريكا واتقبل والكلام ده من قبل ما اخش الكلية ومن قبل ما اكتب الموضوع الاولانى ولسه مقابله من اسبوعين نازل اجازة بعد حوالى 8 سنين سلمت عليه وسئلته عامل ايه ووصلت لفين قالى شغال فى محل بيتزا فى امريكا والدنيا مش زي ما كنا فاكرين ومحوشتش اى فلوس والعيشه غاليه والمصريف والظروف والجوبات والدنيا اللى كل شباب اليومين دول بقا بيستسهل ويقولها قولتله وهتعمل ايه قالى هرجع تانى وهشتغل زي مانا قولت بيني وبين نفسي انت اللى مش عاوز تكبر مع انك روحت اكبر دوله اى حد بيحلم يروح يشتغل فيها .... العيب بجد مش في البلد العيب في الشباب اللى مش عاوز يسعي ويفكر ... كلنا عاوزين يا نسافر يا اما نشتغل شغلانه قاعدين على مكتب ... صدقني ياللى بتقرا كلامى متفكرش كده ابدا اسعا وقوم اتحرك ودور على شغل اي شغل واشتغل ولما تحس ان طموحك مش هيكمل فى الشغل ده دور على غيره وغيره وغيره انا فى اربع سنين اتنقلت مبين تلات او اربع شركات لان ديما كنت بلاقي خلاص دي سقفها مش هيناسب طموحاتى فبقدم فى اللى بعدها ... وعلى مستوي البيزنس خليك ديما طموح ومثابر انا كنت بشتري حاجات مستعملها من اي حته او من عالنت وابيعها تانى على النت واحيانا كان يطلعلى الف جنيه مرة واحده فى البيعه واياك تخلى حد يهبطك انا فاكر انى مرة كنت واقف مع صحابي فيهم واحد ابوه كان جايبله عربية 127 وهو اصغر مني لسه فى كليه لغاية دلوقت فبيقول انه عاوز يبيعها عشان مبيعرفش يتعامل معاها قولتله تبيعها بكام قالى مش عارف بس ممكن لو ليك هكلملك ابويا على 5000 جنيه انا قولت اتعلم عليها السواقه وابيعها بعد كده وسألت واحد صحبي انتيم وعنده تاكس قعد يهبطني ودي وحشه ودي ملهاش لازمه ودي ودي ودي مع انى قولتله سعرها وان الشغل اللى فيها مش كتير بس كنت حاسس انه عاوز يهبط وخلاص وللاسف انا سمعت كلامه ... العربية اتباعت ب5000 ونص واللى خدها انا اعرفو صرف عليها حوالى الفين جنيه وقعدت معاه شوية ولما جيه يبيعها كان سوق العربيات غلى وكانت عامله 11 الف يعني كسب فيها حوالى 3000 بالميت ... اسعي ديما وتوكل على الله وغامر فى تجارتك بس مغامرة محسوبة جدا يعني لا تكون زي الناس بتاعة المعاشات بيخافو على فلوسهم من اي حاجه ولا تكون شبه العيال الصغيرة اي حاجه تشوفها ترمي فلوسك فيها ادرس واحسب وتوكل وربنا يوفقنا اجمعين

عندك حق انى فعلا مذكرتهاش فى الموضوع مع انها هى اللى بتقف جنبي لغاية دلوقت معنويا جدا وكانت ديما مستعده تضحي باي حاجه عشانى انا واخويا بس انا عارف انى مش محتاج اتكلم عنها قدام حد لان انا عارف انى مهما اتكلمت كلامى ولا هيقدم ولا هياخر فى ثوابها وحبها وتقديرها فى قلبي وانا على فكرة مش كاتب الموضوع عشان اشكر فى نفسي بالعكس والله انا افتكرت قد ايه كنت مصر وطموح ومكنتش عارف هل هوصل لحاجه ولا لا ودلوقت لما الحمد لله اتحطيت على اول الطريق حبيت ادي نصيحه لكل اللى فى سني والشباب كلهم فى مصر اوعى تيأس عمرك ماتخلى اى ظروف خلقها ربنا عشان يختبرك تعطلك ربنا لما هيشوف اصرارك برغم اى ظروف هتلاقيه بيفتحلك طرق تانية للنجاح .... اسعي وتوكل .... دول الكلمتين ملخص وسر النجاح

زوجتى غيرت طقم كبالن :) قصدى طقم مفاصل من شهرين ونص نصيحتى هى أن نترك للطبيب تحديد العلاج ومن التجربة الشخصية فإن العلاج يبدأ بالدواء ثم الإبر فى المفاصل ثم الجراحة لم نلجأ للجراحة إلا بعد أن قرر 4 أطباء مختلفين ضرورتها وعملت Short list بالجراحين .. رسيت على اتنين منهم وذهبت فعلا لأحدهما ولكن سألت أحد الأقارب من ستاف الجامعة ايضا وهو ليس جراح عظام ولكنه قام بالاستقصاء من زملائه المتخصصين ونصحنى بالطبيب الآخر وقد كان وأخذت بنصيحته التى كانت إجراء العملية فى الركبتين دفعة واحدة وكما علمت فهو الوحيد تقريبا فى مصر الذى يفعل هذا فى العادة تجرى العملية فى ركبة ثم بعد بضعة شهور تجرى فى الركبة الثانية أنا اقتنعت بنصيحته .. صحيح أنه هو المتخصص الطبى .. ولكن هذا الأمر هندسى أكثر منه طبى ويمكن أن أشرح هذا فى مداخلة قادمة بإذن الله والحمد لله الشافى المعافى

أكثر من عام ونصف ولم تعد - كما وعدَت - الإبنة الغالية "همس" لنحدد - سويا - نقطة البداية لحوار المصالحة الذى بدأته أفتقد قلمها الراقى .. وفكرها النظيف إلا من - ما أراه - بقعة واحدة وهى تتلمذها - كما كتبت ذات مرة - على فكر سيد قطب أنا متأكد أنها أخذت جانبا واحدا من فكره أخذت العسل .. ولم تر السم وأعتقد أن الله قد أنجاها منه فلا هى "مُفاصِلة" بينها وبين قومها ، ولا هى "رافضة للمصالحة" .. وهذا الموضوع يشهد ولا هى مستعلية .. والنقاش الذى اشتعل وانطفأ سريعا بينها وبين الإبنة عبير يشهد ولا هى كافرة بفكرة الوطن

هو ايه اللي بقي ضيق يا وايت ؟؟ طيب يا سيدي ربنا ما يجيب زعل .. اصبر عليا امشي بيه شوية و هو يوسع .. و ايه الحجة اللي انت عايزني ارد عليها .. ما هي بانت ... المهم الشكل ... مش مهم مين اللي يمسك الحكم و يعمل ايه بيه و ايه غرضه .. المهم الشكل الديموقراطي .. المهم انهم يقعدوا 4 سنين لأن الديموقراطية بتقول كده .. مش مهم ان مافيش فراخ من اساسه .. المهم ان السوبر ماركت يكون شكله حلو و فيه نظام .. ده لو ما كنتش فعلا فهمت العلاقة .. تعمل ايه بقي دي مش مشكلتي .. اعمل اللي انت عايزه .. تضحك .. تحزن علي خلقي و صبري و فتحي و عباس .. انت حر .. ما فيش حد بيحجر علي كلامك و لا افكارك .. فما تعملش انت العكس مع التانيين من فضلك ..

الموظف الحكومي اللي أدى عمله اليوم بملابسه الداخلية من شدة الحر، ما فكرش ازاي النساء المصريات طايقيين الحرارة دي بحجابهم و نقابهم !! جنس حواء كله هيدخل الجنة حدف

الحمد لله إني زاملت الأستاذ : محمد هنا في المحاورات زمنا وتعلمت منه الكثير وكان من الناس اللي غيرت مساري الفكري أو بالأحرى حررت تفكيري من قيود التبعية وهذا شيء مهم جدا في حياة الإنسان حتى إنه لا يكون الإنسان إنسانا إلا إذا تحرر وفكر بنفسه وقرر بنفسه دون وصاية من أحد الأستاذ : محمد من الناس اللي بحب دائما إنها تكون موجودة وبفتقده جدا لما بيغيب والحمد لله على السلامة والعودة المباركة الطيبة بعد هذه التجربة التي أدعو الله أن تكون في ميزان حسناته جيلك أستاذ محمد ميتعوضش بفكره وأخلاقه وإحنا جيل بعدكم أتعبناكم لحد ما تفهمونا وصبرتم علينا كتير أنتم عملتم قبل ما تتكلموا واتكلمتم عن عمل وعلم ولكن إحنا الوقتي بنتعامل مع جيل يتكلم بدون عمل ولا علم أحييك يا أستاذ : محمد على إرادتك وعلى أخلاقك وعلى قلبك الطيب