لوحة القادة

يقولون في المثل الدارج عشمتني بالحلق خرمت أنا وداني لا الحلق جاني ولا كلام الناس كفاني قتل حرق تخريب تغريب لاجئين ومشردين غرقى بيع للنساء كل هذا علشان داعش تنشر الإسلام في سوريا المسلمة والنتيجة http://tahrirnews.com/life/posts/295851 هو دا الخبر اللي مفيش حد علق عليه ولكنهم صبوا جام غضبهم على بشار بسبب الطفل الغريق وكأننا نجهل الجناة وعلى رأسهم مفتي الدم يوسف القرضاوي هينشروا الإسلام حتى آخر مسلم سيقتل أو يتحول إلى دين آخر ليس فيه داعش تبا لهؤلاء الحمقي والأغبياء

بسم الله الرحمن الرحيم فعلا موضوع مثير للإهتمام ويمكن يشغل فكر أناس كثر وانا منهم ...تمر علينا الأيام والشهور ونحن نتبارى في الشراء والإقتناء ولا نتوقف برهة لنتساءل لم ،وهل نحن في حاجة له؟؟ وهناك اشخاص مغرمون بالشراء وتتم عملية الشراء تلك قبل اعمال الفكر لم ولماذا وهل انا في حاجة اليه وأحسب أن تلك النوعية كثيرة ولن اتجنى إن قلت أن اغلبهم من النساء للأسف.واعترف انني منهن وكذا ابنتي الكبرى للأسف ولم اتفهم حرص زوجي -رحمه الله تعالى-ألا ننزل انا وهي للتبضع منفردين. وكان من توابع هذا تكدس أشياء كثيرة في الدواليب والنيش ومنها الكثير الذي لم يستعمل حتى الحين؛وأزيد على هذا ولعي بجمع أشياء لا يهتم بها غيري أول اعداد الصحف والمجلات قصيدة أعجبتني اقصها واحتفظ بها ملابس كنت قد قمت بحياكتها بيدي فلها ذكرى جميلة مع أني لا أرتديها قطعة قماش كانت هدية من حد غالي لكن ذوقها لا يروق لي،كل مكان به أجهزة منزلية أقف امامه ولازم ابتاع --ومرت السنون على تلك الوتيرة إلى ان زهقت فقد توزج الأبناء وبقيت وسط تلك المقتنيات التى رأيتها لأول مرة فوضى تحيط بي وكان القرار--أولا دعوت أبنائي كلهم يختاروا ما يشاءون من الصيني والأركوبال وأدوات المطبخ ‘ومن له ملابس عندي وخزانته مملوءه لازم يأخذها او يملأ حقيبه وسنطلب رسالة-كانت رسالة المنقذ دائما في تلك الحالات- وجمعنا بعض الاجهزة التي هي سليمة ولكن لا استعمال لها فديو مسجلات كاسيت وشرائط لهما وكتب دراسية لجمعاتهم والكثير لأني فهمت من رسالة انها بتقوم بإعادة التدويرلتلك الأشياء . وتنفست الصعداء أحسست أن الهواء زاد من حولي ،وها أنا على وشك بتكرار تلك العملية وخاصة بعدما عدت سنوات عمري حتى أشيائي شرعت بالتخلص منها حتى لا يتعب الابناء بعدي واصبحت متسامحة جدا معهم من أراد شيئا فالياخذه حتى قطع الحلي الذهبية وفلسفتي يأخذوا ويفرحوا بها في حياتي قبل أن تورث لهم . عذرا ربما خرجت عن موضوع الكراكيب عامة ولكني تحدثت عن كراكيبي أنا --أما كراكيب النفس والذكريات فلا حيلة لي بها قد اغوص فيها أوقاتا أو أحاول ترتيبها ولن أفرض فيها لأنها تساعدني على التنفس واستمرار الحياة . المشكلة الحين امامي تلك الكتب التي اقتنيها واغلبها في تخصص اللغة العربية والدينية فانا لم الحظ على اي منهم ولعا بالقراءة(والبركة في النت والنتيته)فهل معقول ان تهمل أو تعطى لمن لا يقدرها أو يستعملها؟!! فماذا عساي أن أفعل بها ياترى؟؟؟ سومه

خذها مني ثقة عن علم ومعرفة واحتكاك يا أبا محمد إن تأييد حزب النور للسيسي ( الغالبية العظمى ) يقتصر فقط على هذه الصور وهذا شيء معلوم ومفهوم لهم وللمحيطين بهم وواضح من المبالغة في عدد الصور التي يحملها هؤلاء للضرورة والضرورات تبيح المحظورات هنا ومن تصويرهم بها في مكان مغلق وليس جهرا ثم نشرها على الفيسبوك للضحك على الدقون ولن تظهر هذه الصور إلا في كل انتخابات وفي انتخابات الرئاسة لم يذهب أحد منهم إليها ولم يعطوا أصواتهم له ولكن من باب التقية أو النفاق أو النفعية أو كما قيل في المثل الذي لا أتذكر إلا جزءا منه وهو .... آمنت بس اللي في القلب في القلب ليس المطلوب في المرشح أن يكون عسكريا ولكن نريده أن يكون مع الدولة ويدعم مؤسساتها من جيش وشرطة وقضاء ومخابرات ... وإذا كان الإخوان سيدخلون الانتخابات تحت مسمى أنا مش إخوان بس بحترمهم فما المانع أن يكون المرشح المقابل بيقول أنا مش جيش بس بحترمهم أو أنا مش منتم لمؤسسات الدولة ولكن أنا مع البلد ومؤسساتها سينصب اهتمامي على التحذير ممن يلبسون قميص السيسي ليحققوا أغراضهم به واللي إتلسع من الإخوان ينفخ في حزب النور

لعلنا الآن ندرك أهمية اكتشاف بئر الغاز الجديد في مصر ولكن يبدو من المقال ان الولايات المتحدة كانت تعلم بوجوده و تعد العدة للسيطرة عليه وأظن انه أحد دوافع زعابيب الربيع العربي أرجو الا أكون شطحت بفكري

دلوقت انتخابات مجلس النواب .. بتدق عالأبواب حد فكـَّر هينتخب مين ؟ أو على الأقل هينتخب أى توجه من اللى عمالين يرطرطوا وبدأوا ينزلوا اللافتات مين اللى ممكن يؤتمن على تشريعات خاصة بالاقتصاد والأمن القومى ومحاربة الفساد (بجد مش حنجوريات) * عكاشة مثلا اللى هربان من حكم نفقة ومنكر لإبنه من زوجته السابقة اللى بيفهم المستمعين إن جسم الإنسان فيه غدة اسمها "الغدة النشوية" ؟ * والا الأخوة بتوع السلام الوطنى المصرى حرام إنما الأمريكانى حلال واللى بدأوا يتاجروا بعلاج فيروس سى ؟ * والا الأخوة اللى بيعتبروا مصر ولاية فى دولة الخلافة السلجوقية العثمانلية ؟ وكانوا بيعاملوا الأغا على إنه الخليفة وهم الولاة ؟ * والا الأخوة اللى بيقولوا الدم كله حرام بما فيه دم حبارة والواد اللى رمى العيال من فوق السطح فى سيدى جابر ؟ لأن دم المؤمن على المؤمن حرام ؟ * والا شمامين الكولة بتوع يسقط حكم العسكر ويسقط قانون التظاهر ودومة لازم يخرج عشان يحرق المجمع العلمى تانى ؟ * والا الأخوة بتوع حرية الإعلاميين فى الكذب والتلفيق وترديد الدعايات من أمريكانى لقطرى لتركى ؟ وإن الجزيرة هى نموذج الرأى والرأى الآخر ؟ * والا بتوع آسفين يا ريس وعز والعادلى من حقهم يترشحوا وينزلوا انتخابات النواب ؟ وإن جمال وعلاء هم قادة "جيل المستقبل "؟ * والا بتوع دكاكين حكوك الإنسان بتوع عقوبة الإعدام لازم تتلغى واللى بيفجر المصريين كفاية عليه قرصة ودن ؟ أو على الأقل تتوقف مؤقتا إلى حين انتهاء محاكمة الإخوان المذنبين ؟ * والا الليمونجية بتوع كلنا خالد سعيد وكلنا مريم ملاك من علاء الأسوانى وبلال فضل ويسرى فودة وريم ماجد ؟ * والا شلة ساويرس بتوع أمريكا حلوة واحنا صراصير .. ويخلوا الجلاد يطلع مقالات بعنوان "أنا صرصار" ؟ والا مين .. والا مين .. يا ناخبين ؟

الراجل دا يا ما ألف مقطوعات شرقية و فيديوهات كأنها متصورة في صحراء مصر وبين الاهرمات أخيرا هيعزف في مصر !!! يا بخت اللي حجز في الحفلة

والله يا أستاذ إسلام عندك حق :) إزاى موضوع زى ده فاتنى ؟ يمكن زى ما قال الأخ الفاضل الغريب - ربنا يرد غربته - إنى كنت خايف أصله فى أكتر من مداخلة كان بيحمد ربنا إن التيار الاسلامى أجبر اللى مش تيار إسلامى (يعنى علمانيين متعفنين .. ليبراليين متفسخين .. يساريين كفار .. إلخ) إنهم يخافوا ويدخلوا جحورهم فاحتمال أكون كنت وقتها مستخبى فى الجحر بتاعى بس على العموم إنت كنت قدها وقدود .. أبو احمدات وكفاءة أما عبد المنعم الشحات فده بقى حبيبى من يوم ما قعدت معاه قعدة فى نادى المهندسين .. وكان يوم :) لسه بعض أصحابى بيفكرونى بالقعدة دى لحد دلوقت

ورجعنا تاني لعبد المنعم الشحات ورفاقه نداء لعم ابو محمد انت كنت سايبني لوحدي ليه بيقولك انهم اجبرونا على ان نختار بين احمد والحج احمد وان مافيش واحد يقدر يعلن علمانيته ايش حالك اليوم لان احمد والحج احمد مش طيقين بعض وبيكفرو بعض واحنا اللي بنتفرج عليهم دلوقتي بردو انا زعلان منك يابو محمد

وماينفعش ليه كل شيء في المحروسة ممكن يحصل زي مالشعب اختار رئيس ذو خلفية عسكرية وزي ما غالبية الجهاز التنفيذي في مصر ذو خلفية عسكرية يبقى ايه المانع ان اعضاء مجلس الشعب يكونو ايضا ذو خلفية عسكرية لانهم اثبتو انهم انجح ناس في مصر بدليل ان الجهاز الاداري في مصر حدثت له طفرة نوعية وان اكوام القمامة زيلت من على وجه الارض وان شبكة الطرق والكباري شهدت نموا ملحوظا على ايديهم وكمان يبقى زيتنا في دقيقنا والقوانين يتم التصقيف والترحيب بها بدون مشاكل ولا وجع دماغ بس برو لازم نجيب كام واحد من الحنجوريين عشان يحلو الجو ويسخنو الجلسات لكن غالبية اعضاء المجلس من مصلحة مصر ان يكون غالبيتهم ذو خلفية عسكرية وبكدة نضمن ولائهم والمركب تمشي والكلاب تعوي

يا ريت ينفع تنكر إنها المؤسسة أو الهيئة أو الكيان الوحيدة فى البلد ، التى إذا أوكل إليها القيام بعمل تنجزه كما يجب وفى الوقت المحدد ؟ ياريت ينفع

الله يمسيه بالخير مرسي الزناتي في مدرسة المشاغبين .. افتكرته لما كان بيتكلم عن المذيع و اتخيلته و هو بيقول : - مش الناس معادن ؟ - طبعآ - و حزب النور ده مش برضه ناس ؟ - آه - خلاص .. يبقي يتبربر البرورة و يتحرحر بالحرارة

الشعب الذى يسئ الاختيار ولا يتعلم من تجاربه لا يمكن وصفه بأنه "ضحية" فهو "شريك" أصيل فى الجريمة

الكراكيب ثقافة متشالة لوقت عوزة يمكن نحتاجها علب بلاستيك برطمانات أكياس أوراق هدوم أي حاجة متكونش بتستخدمها بالفعل هي كراكيب بنتضايق لما حد غيرنا يقول على مقتنياتنا كده عادة كلهم بيشوفوها كده إلا احنا :) تعالوا نفتح الدواليب و ندور في الكراكيب منتظراكم....

هو انا لو عارف كنت سألت ؟ Let's wait and see يمكن ينزل فى دايرتنا حد نعرفه الظاهر اننا هنعمل زى اللى بيشترى بطيخ يمسك البطيخة يطبطب عليها ويسيبها يمسك واحدة تانية يطبطب عليه وبعد ما يطبطب على كل البطيخ يروح البيت يلاقيها قرعة يا سيدتى .. ما عندناش أحزاب .. ما عندناش ساسة معروفين لرجل الشارع عندنا ناس ماسكة ميكروفونات ومتخصص لهم ساعات على الفضائيات وبدل ما يشتغلوا إعلاميين .. بيعملوا علينا مفكرين زى القرموطى واحمد موسى وعكاشة وعمرو أديب

انتخابات مجلس النواب هي سباق بين الأحزاب و الأفراد للفوز باكبر عدد من المقاعد وبرغم أن رئيس الدولة المنتخب الغير حزبي ليس ضمن السباق نهائيا إلا أن صورة السيسي وشعار تحيا مصر عامل مشترك في كل حملات الدعاية حتى الآن فاكرين دور عسكراني بتاع فؤاد المهندس ؟ ده بقى فيلم "عسكرانى في مجلس النواب" ! :) شكلكم وحش قوي .. وريحتكم طلعت !

اجمل من فسر كلمات نزار كاظم الساهر

https://www.youtube.com/watch?v=izg23U8nHjs&feature=youtube_gdata_player مش قااادر اقول انت الجاني هصبر علي طول علي احزاني

صاحبة العصمه .. ماذا فعلت أم كلثوم ليمنحها الملك فاروق وسام الملكة00000في ١٧ سبتمبر عام ١٩٤٤ وفي ليلة عيد الفطر الموافقة ٢٩ رمضان ١٣٦٣هـ، كانت تغني كوكب الشرق السيدة أم كلثوم في حفل مُقام بالنادي الأهلي. في هذه الأثناء، دخل جلالة الملك فاروق إلى النادي الأهلي وهو يقود سيارته بنفسه، ولم يعلم أحد بوصوله إلا عندما رأوا جلالته داخلاً، وفي بداية غناء أم كلثوم لأغنية "يا ليلة العيد"، ولدى دخوله، رفض أن يتوقف الحفل، ومضى يجلس في هدوء. وواصلت كوكب الشرق غنائها وأبدعت هي وفرقتها، ثم ارتجلت أثناء أدائها لتضيف كلمات جديدة للأغنية وهي "يا نيلنا ميتك سكر وزرعك في الغيطان نور، يعيش فاروق ويتهنى ونحيي له ليالي العيد"، وبحسن لباقة انتقلت أم كلثوم وانتقل معها التخت سريعاً إلى الكوبليه الأخير من أغنية "حبيبي يسعد أوقاته"، فغنت "حبيبي زي القمر قبل ظهوره يحسبوا المواعيد، حبيبي زي القمر يبعث نوره من بعيد لبعيد، والليلة عيد على الدنيا سعيد، عز وتمجيد لك يا مليكي". في ذلك الوقت، قرر جلالة الملك فاروق الأول الإنعام على أم كلثوم بنيشان الكمال من الدرجة الثالثة، وهو وسام رفيع يُنعم به على جلالة الملكة، وأميرات البيت الملكي والبيوت المالكة. ونقل الكاتب الكبير فكري باشا أباظة الخبر إلى كوكب الشرق عند غنائها، فاضطربت ثم عادت واستعادت أعصابها. واستدعى جلالة الملك أم كلثوم بعد نهاية الوصلة، وعندما أقبلت وقف جلالته وصافحها، فقبلت يده ودعاها إلى الجلوس إلى جانبه، ثم قال لها حسنين باشا أن جلالة الملك تفضل وأنعم عليها بنيشان الكمال. وتناقلت الصحافة العربية هذا الخبر، وقيل يومها أن الإنعام على أم كلثوم هو أول إنعام ملكي تحظى به فنانة مصرية في تاريخ مصر القديم والحديث، ليصبح لقبها هو صاحبة العصمة.