لوحة القادة

قالت لها ابنتها الصغرى وهى تحتضنها... كم انت رقيقة يا أماه ..وصغيرة الحجم . عندما كنت صغيرة كنت اقف على اطراف اصابعى وأحاول الوصول لوجهك لأطبع على خدك قبلة ..كنت أحلم بيوم أكبر فيه ويصبح وجهى مواجها لوجهك عندما اقبلك..وكبرت ووصلت لما كنت اسعى اليه وتمتعت بأحضانك بسهولة - بدون مجهود منى لمحاولات الوصول - وها أنا اليوم وكأنه كتب على أن امضى العمر فى تجربة ومحاولة الوصول اليك . تودعينى حين ذهابى ..اراك تتشبسين بذراعى ..تشبى ..احتضنك .. وافعل ما كنتى تفعلينه معنا ونحن صغار ... احنى رأسى و..اقبلك ..واحمد الله على وجودك معنا. .... استمعت لها ..ترقرقت الدموع فى مقلتيها ..انفعالا وفرحة بهم جميعا. قالت الحفيدة التى يقل عمرها عن ست سنوات ...هل سأكبر أنا كثيرا ؟ ردت امها ...طبعااا وتصبحين بنت جميلة طويلة .. ردت الحفيدة ..أاطول كثيرا؟ ..اجابت امها ...طبعااا ومن الممكن أن تصبحى فى طول أباك.. قالت الحفيدة ...ثم؟ رد أخاها - تسع سنوات -قائلا... ثم تكبرى و..ينكمش حجمك مثل جدتنا . .... و..انها الحياة . هى معايشات انسانية.

مستعجب ليه قوات التحالف بعد كل الهجمات علي داعش و اللي عدت الالاف .. و بكل التقنيات اللي عندهم اللي ممكن تقتل فار جوه بطن قطة من غير ما القطة تنونو حتي ... ما هوبوش ناحية اي مطار او مينا من اللي داعش مسيطرة عليهم ..

يا مثبت العقل و الدين يا رب .... من البديهيات. أكرر. من البديهيات أن من يضبط في عملية فساد. يجب أن يستبعد من كل منصب ممكن ممارسة الفساد من خلاله ما سبق كان إستهلالا لابد منه خلالا سنوات و سنوات نسمع و نقرأ عن موظفين خانوا الأمانة في بنوك و غيرها. ثم عادوا لنفس مناصبهم. بعد قضاء مدة العقوبة. و كأن مدة العقوبة هذه كانت إجازة دراسية مثلا ، محمد فودة هذا من أعطاه مفتاح الكرار مرة أخرى ؟ أما زلنا نتعامل بذاكرة السمكة ؟ أكيد هنا في محاورات المصريين. أكثر من موضوع تحدث عن ضرورة إستئصال أكرر استئصال. و ليس مجرد إستبعاد مؤقت. لخبراء الفساد.

الحقيقة انه في عالم المنتديات (يندر ان يستمر منتدى كل هذه السنوات بكل هذا الزخم)....و ان يستمر العضو ﻻكثر من 10سنوات فهذا امر غير طبيعي بالمرة...رحم الله من انتقل الى الدار اﻵخرة و جعل ما سطروه شفيعا لهم يوم الحساب.و سرعة اياب من قد هجر المنتدى رغبا او كرها.. و شكرا مرة اخرى

عقبال العشرة الثانية .. صراحة انا بعتبر المنتدى هنا دويلة صغيرة ثرية بمواطنيها .. لكن هناك من رحل عن الدويلة و ترك احرفه ندية .. اتمنى سماع وقع اقدام الراحلين .. ادعو لمن غيبهم الموت بالرحمة .. و لمن هاجر بالعودة بين الحين و الاخر لرى ما خلفوه من احرف ازهرت بغيابهم .. تحياتى و اجمل الامنيات بالخير ..

احمد الله ان وفقني حتى ارى هذه الليلة التي انتظرتها من شهور (حتى انني سجلتها في جهازي الموبايل كي ﻻ انسى)...و هذه الليلة التي اعتبرها من ليال اشبه بالعيد ففي 31-من اب اغسطس-2005 سجلت في هذا المنتدى و صرت عضوا في اكبر و اعمق و اطول منتدى انضم اليه...هذا المنتدى الذي استطعت ان اعبر عن ارائي الفعلية بنسبة تجاوزت ال70% وﻻ شك ان المحاورات و التناقضات و الصراعات قد نمت مستواي فكريا و حواريا وجعلت قلمي سيالا الى حد كبير.... انضممت لهذا المنتدى وانا في اوائل الثلاثين من عمري و هانذا تجاوزت اﻷربعين!!!!! (ﻻ اكاد اصدق)....منتدى متنوع بحق وقد عرفت اشياء عن بلدي لم اعرفها قبل ان اصبح عضوا ...و عن طريق المنتدى جائتني دعوة كريمة من احد اﻷعضاء حتى انضم الى GMail عندما كانت مقصورة على الدعوات الخاصة....و الحمدلله خلال هذه المدة الطويلة لم تحدث معي اي شحناء او بغضاء ...و في عز خلاف وجهات النظر كان الرقي و اﻹحترام سيد الموقف.... ولم اجد تقدير ﻵرائي ووجهات نظري بالكم الذي استقبلته هنا في المنتدى و عبر الرسائل الخاصة....وﻻ زال هذا هو الوضع لو اردت ان اوفي ما بداخلي حقه لما استطعت...ولو اراد ان اوفي للأعضاء خاصة في البدايات حقهم لما قدرت....فكم من استشارة تقنية او معلومة عامة قام بها اﻷعضاء مشكورين..... ﻻ املك اﻻ ان اهنيء نفسي بمرور العشرية البيضاء في هذا المنتدى...

أعجبنى هذا التفكير وأعاد إلى ذهنى مناقشة مع بعض الأقارب والأصدقاء فمنهم من واجهنى بسورة الكوثر قائلا : "إن المراد بالأضحية هو الذبح وأن السنة أن تذبح أنت بنفسك ما دمت تستطيع" إِنَّا أَعْطَيْنَاكَ الْكَوْثَر* فَصَلِّ لِرَبِّكَ وَانْحَرْ* إِنَّ شَانِئَكَ هُوَ الْأَبْتَرُ فكان ردى أننى لا أظن أن الذبح فى حد ذاته هو المراد لأن الذبح بالتوكيل (حتى عن بعد) جائز ولا حرج فيه وأن إرشاد النبى عليه الصلاة والسلام لنا إلى "كيفية توزيع لحومها" يؤكد أن الذبح (فى حد ذاته) ليس هو المقصود والأهم من ذلك هو أن الله سبحانه وتعالى يقول لنا فى كتابه العزيز لَن يَنَالَ اللَّهَ لُحُومُهَا وَلَا دِمَاؤُهَا وَلَكِن يَنَالُهُ التَّقْوَى مِنكُمْ إن المشكلة هى أننا قد حصرنا أنفسنا فى الخلاف الفقهى بين الأئمة فمنهم من يرى الأضحية سنة مؤكدة ومنهم من يرى انها واجبة هم - رحمهم الله وجزاهم على اجتهادهم خيرا - يرون هذا أو ذاك اما نحن ففاقدون للثقة تاركون كتاب الله وسنة نبيه لفهمهم وفقههم وهم أولا وأخيرا بشر إجتهدوا بمعطيات زمانهم المختلفة اختلافا هائلا عن معطيات زماننا جزاكما الله خيرا (أنت والأستاذ طارق) .. ومازلت منتظرا للمزيد من الفهم

مستعجب ليه مافيش عنده الشجاعة انه يعلن حزب النور حزب ديني بالرغم من ان اي حمار عارف انه كده

أسئلة مشروعة نقلا عن منال الطيبي في موضوع وزير الزراعة : موضوع وزير الزراعة ده فيه شوية علامات استفهام مش قليلة ومش بسيطة على فكرة .. مثلا يعنى: - الوزير ده هو نفسه اللى رفض يخصص الأرض الزراعية لمحمود بدر برغم صدور قرار رئاسى بتخصيصها ليه عشان يعمل عليها مصنع، والوزير قال إنها أرض زراعية مش بور زى ما كان بيدعى بدر. - الوزير ده هو اللى هدد رجال الأعمال اللى حصلوا على أراضى فى طريق مصر إسكندرية الصحراوى على أنها أراضى زراعية وحولوها لمنتجعات سكنية وكسبوا من وراها مليارات مدخلش الدولة منها حاجة. وهو اللى قال إن الدولة حتسترد الأراضى فى حال عدم استخدامها فى الأغراض التى خصصت من أجلها. - الوزير ده هو اللى قال يوم 25 أغسطس إنه بيحارب ملفات فساد كتير فى الوزارة بالتعاون مع الأجهزة الرقابية وإن فيه ملفات فساد كتير حتتفتح. - الوزير ده هو اللى قال إن فيه قيادات داخل الوزارة صرفت حوافز تقدر ب 26 مليون جنيه خلال الأربع سنوات الماضية، وإن لجنة مكافحة الفساد داخل الوزارة بتعمل على التصدى لهذه الممارسات. - بعض الأصدقاء الصحفيين قالولى قبل كده، إن الوزير ده مغضوب عليه من ناس كتير عشان بالفعل بيحارب الفساد داخل الوزارة. لما يتقبض بعد كده على الوزير نفسه فى قضية فساد، ده بيفتح الباب لعلامات استفهام كبيرة، واللى شكلها ستظل بدون إجابة. فهل هو حقا فاسد .. أم أنه اغضب الكبار منه عندما هدد بفتح ملفات الفساد داخل الوزارة. يا مثبت العقل يا رب.

هذه الشطرة من قصيدة ( خدعوها بقولهم حسناء ) لأمير الشعراء أحمد شوقي : جاذَبَتني ثَوبي العصِيَّ وَقالَت **** أَنتُمُ الناسُ أَيُّها الشُعَراءُ بعض الناس يقولون : الشاعر إنسان ممتاز ..... وحجتهم أننا جميعا نرى الأشياء ونشعر بها ولكن لا يستطيع التعبير عنها بشكل أفضل إلا الشعراء فهم من يستطيعون أن يصبونها في قالب موسيقي موزون مقفى وقد روي عن الرسول صلى الله عليه وسلم أنه قال : إن من البيان لسحرا لعله قد مرت عليك من خلال دراستك في الثانونية قصيدة في الاعتذار والمدح لكعب بن زهير بن أبي سلمى والتي ألقاها أمام الرسول صلى الله عليه وسلم وكانت سببا في العفو عنه مع أنه ابتدأها بالغزل حينما قال بانَت سُعادُ فَقَلبي اليَومَ مَتبولُ **** مُتَيَّمٌ إِثرَها لَم يُفدَ مَكبولُ أرجع لسؤال حضرتك وهو مهم وعلمي جدا شوف يا دكتور ألـ في كلمة الناس لها معنى وهو لفظ كل يعني لو حضرتك دكتور طبيب وأنا تشرفت بزيارتك وبعد ما خرجت قلت هو دا الدكتور فيكون المعنى : هو دا كل دكتور القصد كل صفات الدكتور الكويس ومثله : أنت الرجل حقا يعني أنت كل صفات الر جولة وهنا : أنتم الناس وكأنها تقصد أنتم الصفوة وكل دا على سبيل المجاز وبنقول عليه في اللغة العربية إن ألـ تكون لاستغراق صفات الأفراد بخلاف لما أقول قوله تعالى : ( وَخُلِقَ الْإِنْسَانُ ضَعِيفًا ) فـ ألـ في الإنسان لاستغراق حقيقة الأفراد وليس صفات الألإراد لأنه فعلا خلق كل إنسان ضعيفا ثم لك حق تستغرب من عنوان الموضوع ... أنتم الناس أيها الشعراء وأنا أتحدث عن القافية عدة أمور كانت في دماغي كنت قد أشرت إلى هذه القصيدة أول مرة في المحاورات وكان هناك شعراء وشاعرات وقد نالت إعجاب إحداهن حتى أنها قالت فيما معناه : أتركني حتى أفيق من سحر هذه الأبيات وكانت فعلا متأثرة بها كانت أيام جميلة جدا كان الموضوع ممكن تلاقي فيه 200- 300 مشاركة وعدد القراءات 20- 30 آلف أنا أريد أن أرجع للشعر الحقيقي وللمعاني السامية والشعور النبيل والموسيقى الشعرية العذبة ودا اللي أنا بقول عليه الشعر العمودي وبقول إن الشعراء بدل ما يعملوا شعر حر بإمكانهم أن يؤلفوا شعر عمودي وبعرض لهم إزاي بتكون القافية من خلال هذه القصيدة ومعذرة للإطالة وأشكرك على التفاعل وكل التحية

جميل دي فعلا افضل طريقة للتعليم المشاركة و النقاش مع تبادل الادوار التعامل مع الاطفال على انهم كبار حثهم على البحث عن المعلومة بأنفسهم و الاهم ان نبتعد عن عملية تقييم الطالب في المراحل الدراسية المبكرة اما الرسوب فيجب ان يلغى من جميع المراحل التعليمية مافيش حاجة اسمها طالب فاشل ... على المدرس ان ينقب داخل الطالب عن شىء مميز

معلش سؤال لﻻستاذ طارق .. أنتم الناس أيها الشعراء .. انا بصراحة مش فاهم عنوان الموضوع ..

مع اني ماليش في الشعر نهائيا بس هجرب القافية هي الهمزة مع الضمة تنطق ( ؤ) و ممكن ( أو) مع ضم الواو الأخيرة

يا أبو محمد شوف حضرتك كنت ناوي تدفع كام في الأضحية و المبلغ دا روح اتصدق بيه على مريض محتاج عملية أو مديون سدد دينه بدل ما ينتحر و يا سلام لو كل سكان عمارتك عملوا كدا هتجمعوا مبلغ محترم تتبرعوا بيه للمرضى و بعد ما ربنا يشفيهم كل واحد يبقى يدخل عليهم بكيلو لحمة هتقولي دا حاجة و الاضحية حاجة تانية وانها سنة وكدا هقولك طيب ما هي الصكوك اللي منتشرة اوي اليومين دول مافيهاش فكرة الدبح المفروضة واحنا عارفين ان في الاسلام رب الاسرة هو اللي لازم يدبح بنفسه ... مين يقدر يعملها ؟!! يبقى بدل الصك مافيش احسن من المساعدة المادية اطلع على اي مستشفى حكومي او وحدة صحية و هتلاقي الغلابة كتير واذا كنت مش مقتنع بالفكرة يبقى حضرتك تشتري بقيمة الاضحية لحمة من الجزار و توزعها بنفسك و برضو تروح اي مستشفى حكومي وتوزعها على المرضى علشان تضمن ان دول غلابة أصل مافيش اغلب من اللي بيتمرضوا في مستشفيات الحكومة و وحداتها الصحية .

والله ياسادة ده شئ جميل لو فعلا الامور اكتملت ولكن كل ما أخشاه انه مجرد صراع قوى يعني يكون بين فاسدين وفاسدين أيضا يعني تغير في الاسماء والوجوه انما برده فاسدين عموما نتفائل خيرا واتمنى ان يكون فعلا محاولة للقضاء ع الفساد اللي هو منتشر في كل مكان واتمنى ان المحافظين والمحليات يكون الدور عليهم المرة الجاية بدل ما الاقي محافظ هايف وناقص كل مشكلته ان دكتور حاطط ايده في جيبه ---------- قضية رشوة الزراعة هي سيناريو مكرر من قضية الآثار 1997 , و المفارقة أن محمد فودة شارك في كليهما .. محمد فودة خريج الصنايع بائع الجيلاتي و اللي بتوصية من عبد الأحد جمال الدين أصبح عامل بوفيه في وزارة الثقافة , ثم فجأة و بتوصية أخري من ماهر الجندي (بطل قضية رشوي الآثار 1997) أصبح سكرتيرا صحفيا لوزير الثقافة فاروق حسني ثم كاتبا صحفيا ثم رجل أعمال كبير المختلف في القضية الجديدة عن أختها القديمة إن العصابة فهمت الدرس .. و دا درس إنك مينفعش تحبس حرامي من عصابة و بعدين تسيبه يهلفط بالكلام (أصلهم حرامية و مفيش حيا يا أستاذ .. و لا بيصونوا اللقمة الحرام) .. لأن اللي يذكر القضية القديمة يفتكر إن ماهر الجندي لما اتحبس طلع فرش الملاية و اتكلم عن مكالمات سمير رجب مع فودة و الإعلانات الوهمية أم 800 الف جنيه اللي دخلت حساب سمير رجب , و عن شاليه فاروق حسني اللي اشتراه فودة (أبو 2.5 مليون و اللي اتكتب باسم ابن أخت معالي الوزبر) , و عن الرقاصة مني السعيد اللي كان بيأجرها فودة لمعالي الوزير و آخرين , و اتكلم عن ماهر أباظة وزير الكهربا و التعيينات اللي بفلوس و المحولات اللي كانت بالطلب عشان كدة يا إخواننا كان لازم وزير الزراعة يتم استدارجه لمكتب رئيس الوزراء و إيهامه إنه لو قدم استقالته الموضوع هيخلص , و بمجرد ما يخرج هوب يتقبض عليه قبل ما يلحق يقول و لا يهلفط , و طبعا هوب الصحافة تنشر اللي النيابة تقول عليه و الباقي طبعا يحظر فيه النشر

اتفق معك فيما ذهبت اليه ابو محمد بيه للذبح في المنزل بهجه لكن لحوم الأضحيه تذهب الي غير مستحقيها في النهايه لذا اقترح ان كانت اضحيتك مثلا هي عجل ان تستبدلها بخروف وتتبرع بقيمة صك وان كانت خروف مثلا فعليك بدفع الصك وشراء لحمه لمن تراه محتاجا في محيطك .. فقيمة الصك اقل من ثمن شراء الضحيه حيه ويمكن وان تتصرف فيما بينهم من فرق السعر .. او تذبح سنه وتتبرع بالصك سنه حتي يتعلم الصغار هذه السنه ويأخذونها عنك .. تقبل الله صالح الأعمال هذا والله تعالي اعلي واعلم

مرتضى منصور -ماهر الجندى علامات استفهام على تصرفاتهم وشكرهم للرئيس وتدروشهم ومحاولة اظهار القرب من الله وانهم مظلومين وانهم كانوا فى الاسر وليس سجنا , الاتنين رجال قضاء مشاهير ولهم قبل الاسر سلطات واسعه ونفوذ غير عادى ولوحد قال انهم قبل مايدخلو السجن انهم هيسجنوا لاتهمناه بالجنون علامات استفهام كتير تدل على اننا فى بلد الرجل الواحد اللى بيقرر المصائر