لوحة القادة

طارق : بيقولوا الجو حر قوي في أسكندرية اليومين دول يا أم هنا أم هنا : هما مين اللي بيقولوا طارق : والله زمايلي في المحاورات أم هنا : أنا خلاص بطلت أقولك عايزة أتفسح في أسكندرية طارق : أسكتي يا شيخة دا الناس في أسكندرية هما اللي عايزين يصيفوا هنا في مطروح ... اي والله أم هنا : ما هو الاسكندرانية بيصيفوا هنا .... أنت فاكر صحبك إسلام المصري لما نزل هنا السنة اللي قبل اللي فاتت طارق : أيوه أيوه ....إنتي عارفة زمايلي في المحاورات لهم فضل كبير عليه وكمان خلوني مشرف في أكبر صالون ثقافي في مصر أم هنا : انا مش عارفه أنت عمال تحرجم على إيه من الصبح طارق : ... إنتي بنت حلال ... دا كنت بفكر أعزم حد من زمايلي دول ... علشان الطبيخ الحلو بتاعك يسمع في المحافظات التانية ... بس رجعت وقولت يا واد قولها الأول علشان هي اللي عارفة أحوال البط والفراخ ... وما علينا من اللحمة أم هنا : بس كل اللي اقولك عليه تجيبه وعلى راي المثل : اطبخي يا جارية كلف يا أبو هنا طارق : إيه رأيك نفسي أستضيفهم عندنا كام يوم وتبقى لفتة حلوة منك وأنأ عارف إنك أهل كرم وذوق وهتعملي الواجب وزيادة أم هنا : يعني هيسيبوا أسكندرية ويرضوا ييجوا مطروح ومهما هنعمل هنكون غير مستوى اسكندرية أنا بقولك أهه طارق : مالكيش دعوة المهم تخلصي نيتك كده أم هنا : أومال ... أكيد .... بس شوف بس هتبدأ بمين تعزمه يعني .... ؟ طارق : أنا بقول أبدأ بسكوب على ما أبو محمد يفضى أم هنا :... أيوه فاهماك .... أكيد العزومة دي لها علاقة بالموضوع الأخير ... طارق : ... لا ياأم هنا متفهمنيش غلط ... هو كويس معايا من غير حاجه

الحلقة الثانية يلملم سكوب شجاعته و يتنحنح و ينادي بصوت منخفض : - أبو محمد - (يأتي الرد همهمة غريبة) : ها..هم..هووه .. - أبو محمد - نفس الهمهمة تعقبها كحة .. يفقد سكوب صبره و يصيح ... يا ابو محمد .. - يا ابني اصبر.. (يشرب جرعة ماء) .. أصبر .. خليني ابلع حتة الرقبة دي الأول علشان اعرف ارد عليك .. الواحد يِزْوَّر يعني علشان يعرف انت عايز ايه - و انا إيش دراني انك بتاكل يا ابو محمد .. ما انت مدينا ضهرك و عامل نفسك بتابع تقارير الأعضاء - هش الله يخرب بيتك .. انت عايز الأستاذ عادل يسمعك و نخش في سين و جيم .. نعم .. عايز ايه ؟ - إيه موقع الفحلقة من الإعراب ؟ - هه ؟ - الفحلقة ... ف ح ل ق ة .. إسم علم يعني و الا جمع مؤنث ثابت ؟ - ثابت ؟؟ ثابت ده الحلاق اللي كان بيحلقلك .. عالعموم إللي أعرفه ان قواعد اللغة العربية مش ممكن نطبقها علي الكلمات القبطية .. و بعدين إسمها بحلقة مش فحلقة .. بحلق يبحلق فهو بحلاقآ .. ده يعني لو طبقنا قواعد الصرف علي اللغة العامية . - لأ يا ابو محمد هي فحلقة .. درجة من الألوان بين البني غرغرينا و الأخضر المفقوس.. - لون ؟؟ غرغرينا !!! .. تبقي صفة .. نعت .. - ما ينفعش تكون نحت يا ابو محمد .. لأن البطيخ عادة بيبقي احمر مش فحلقي أبو محمد بنفاد صبر : - نعت يا سكوب .. نعت .. بالعين مش بالحاه .. أرحمني يا ابني .. ارحمني ابوس أيدك .. أنا أساسآ فطسان من الحر .. و صوتي اتنبح مع بتوع الصيانة علشان ييجوا يصلحوا التكييف .. يحولوني علي بتوع الخزنة .. بتوع الخزنة يقولولي عايزين إذن صرف ممضي من الأستاذ عادل .. و الأستاذ عادل يقول : ( يردد معه سكوب هاززآ رأسه ) : الميزانية ما تسمحش .. يعني الواحد ما يعرفش يصيف و بزيادة يموت من الحر في الشغل .. - قشطة .. ما تصيفش ازاي يعني .. هو بحر اسكندرية اتقهقر لحد اليونان و الا ايه ؟ ايش حال قدام بيتكم علي طول .. - بحر ؟؟ بحر ايه اللي انت جاي تقول عليه .. هو انت ممكن تشوف من اساسه ريحة البحر عندنا في الصيف ؟ .. احنا بنصيف بس في أمشير .. بقية السنة البلد كلها بتبقي عندنا .. بحللهم و صوانيهم و شماسيهم و دِككهَم .. ده انا ديك النهار لقيت عيلة كاملة عاملة بير السلم عندي كابينة عادي .. و هوبا قبيلة كاملة خارجة من غير هدوم يا دوب البتاع البفتة ده .. و اللي بفردة كاوتش علي كتفه و اللي بالعوامات علي وسطهم و اللي بحلة المحشي علي راسها .. عادي .. وتقوللي بحر و مصيف ... يا رااااااااجل .. - طب ما تروح الساحل ؟ - إجري يالاه .. إجري لعملها معاك .. ساحل ايه يا سكوب .. انا عالمعاش .. انت عارف الأسعار هناك عاملة ايه .. - بلاها الساحل .. إطلع علي مرسي مطروح .. روعة .. روميل و عجيبة .. و الميه و الهوا .. تاخدلك شمسية جنب ليلي مراد و حسين صدقي و عيش يا عم .. - إنت عارف أسعار اللوكاندات هناك بقت بكام يا سكوب ؟ - بلاها لوكاندات .. من كل معارفك اللي بييجوا يصيفوا عندك مافيش حد منهم من مرسي مطروح تردله الزيارة كام يوم من نفسك - لأ ما فيش .. تعرف انت حد .. - انا كبيري بحيرة البرلس .. الوحيد اللي اعرف انه من مرسي مطروح الجدع اللي اسمه طارق .. - طارق ؟؟ طارق مين ؟؟ - طارق يا ابو محمد .. أستاذ حمام - حمام ايه و بط ايه يا سكوب .. ايه جو الافلام ده ! ليلي مراد و صدقي و دلوقتي الريحاني .. يا جدع حرام عليك اللي بتعمله فيا ده - طارق يا ابو محمد .. مدرس العربي اللي بيكتب معانا في المحاورات ..( ثم يقف فجأة و تلمع عيناه و هو يردد ببطء) .. م د ر س ع ر ب ي .. - طب بذمتك يعني يا سكوب .. بذمتك .. واحد كل معرفتي بيه انه زميل قلم معانا في المحاورات .. اقوله ايه .. ابعتله رسالة إدارية يعني أهدده باني حلبه انذار لو ما رضيش يستضيفني علشان اصيف .. انت بتتكلم جد و الا رجعت تدخن الموكيت من تاني .. - استني بس يا ابو محمد .. الموضوع بقي اكبر من التصييف .. سيهالي الفها في دماغي و انا الاقيلك حل .. - يا عم رووووح .. - طب ما ردتش عليا - في ايه - في الحقول الفحلقية - إجري العب بعيد يا سكوب

جرت العادة ان يتم سرد ملابسات انضمام كل فرد جديد الي عائلة المنسقين بمحاورات المصريين .. و عليه .. ربنا ما يقطعلنا عادة .. و الدور علي العزيز طارق حسن .. المكان .. غرفة المعيشة الملحقة بادارة محاورات المصريين .. الشخصيات .. ابو محمد يتابع علي مونيتور الكومبيوتر تطور موضوع سياسي مبتسمآ في سخرية .. ثم ينهمك في الرد بتركيز شديد سكوب يكتب و يشطب في ورقة امامه هارشآ في راسه عدة مرات .. مدام عبير تأخذ مكانها امام النافذة الرئيسية تشاهد غروب الشمس و هي تتكأ بذراعيها علي الأرض ممدة قدميها علي هيئة حرف لا نفهم ما هو .. يتوقف سكوب عن الكتابة و ينظر جهة ابو محمد و يهم بالكلام و لكنه يراجع نفسه و ينظر الي مدام عبير .. - مدام عبير ... مدام عبير .. لكن مدام عبير لا ترد - مدام عبيــــــــــــــــــــــــــــــــــــر لا رد - انتي يا ست انتي - إفــــــــــف ... يا سكوب .. يا سكوب ميت مرة طلبت منكم اني لما بكون بعمل بيلاتيس ما حبش حد ابدآ يضيع تركيزي . - بطاطس ؟؟ بطاطس ايه دي اللي محتاجة تركيز ؟؟ انتو كمان حتعقدوا الطبيخ .. دي حيا الله بطاطس .. تتقشر و تترمي في الطاسة - بيلاتيس يا سكوب .. بيلاتيس .. دي رياضة روحية .. زي .. زي .... زي اليوجا كده - ده زبادي ؟ - لأ مش زبادي .. دي .. دي .. مش مهم ... نعم ؟ ... عايز ايه ؟ - شوفي لو كتبت ملك الضاد .. الضاد تبقي بالفتحة و الا الضمة و الا الكسرة ؟ يعني تتنطق ضادآ و الا ضادو .. و الا ضادي - ما عرفش انا مالياش في النحوي .. إسأل ابو محمد - لأ بلاش .. حاكم لما بيبقي مركز في الرد بتركبه عفاريت الدنيا لو حد قاطعه اومال انا بسألك انتي ليه - و انا بقول لك ما اعرفش .. - طب بلاش دي .. انا حبقي انقرشها بشوية تشكيل و في الزحمة ماحدش حياخد باله ... شوفي لو انا كتبت " إنهن نساء الحقول القرمزية في غياهب الغسق المسحول علي أيدي زبانية كهوف جبال الشجن الهادر" ممكن تتفهم علي انها مرثية .. والا لو غيرت القرمزية و خلتها الحقول الفحلقية حيبان المعني الحقيقي اللي بقصده في تقدير الفلاحة المصرية علي براعتها و هي بتخبز رغيف شمسي من اللي قلبك يحبهم ؟ - نعم ؟ - نعم إيه ؟ .. أنا بسألك سؤال - أيوه .. اللي هو ايه يعني ؟ - لو انا كتبت إنهن نساء الحقـ .... - أيوه ايوه .. أنا سمعت القصيدة كلها .. عايز ايه بقي ؟ - أعملها قرمزيو و الا فحلقية ؟؟؟ الله ! - أعملها زي ما انت عايز يا سكوب .. يا رب انا عملت ايه بس في دنيتي علشان ترزقني بالناس دي .. يعني هو انا بعمل بيلاتيس من شوية .. - تاني البطاطس بالزبادي بتاعك ده - حسبي الله و نعم الوكيل .. حسبي الله و نعم الوكيل .. انا ماشية يا سكوب .. ماشية .. حروح اجيب العيال من المدرسة و مش عايزة اتأخر عليهم .. إبقي إسأل أبو محمد عن القرمزية بتاعتك دي .. هو ذوقه حلو في الألوان .. ينظر اليها ابو محمد و يهمهم : بتدبسيني يا عبير ؟

طب ما انت بتكتب عربي صح اهه .. اومال ايه الأوشاعات اللي مالية المحاورات ان وزير التربية و التعليم الجديد متخرج علي ايديك .

الشباب يعود للمحاورات ... إيه فين أيام العصابات .. دنيا بس فكرة نميسة حكاية إستغلال الأعضاء الجدد دى ليه ما ظهرتش من زمان ؟؟ ممكم نطبقها بأثر رجعي قول سنتين تلاتة مين يا ترى و نستغله في إيه ؟

هه .. يسلام .. خذها منى .. وحثحث مشعوف النجاء كأنني *** هِجفٌ رأى قصراً سمالاً وداجنا من الحص هزروفٌ كأن عفاءه *** إذا استدرج الفيفا ومد المغابنا أزج زلوج هَزرفيٌ زفازف *** هِزف يبذ الناجيات الصوافنا ترجم ..

The تقدم اهو ده اللي راح باع الميه للسقايين فعلآ ..

الزملاء الأفاضل .. تم فتح الموضوع مرة اخري للحوار بعد حذف تعبيرات غير مناسبة جانب أصحابها الصواب في اضافتهم . نهيب بالجميع الألتزام بادب الحوار دون الإنزلاق الي تعبيرات تثير نعرات نحن جميعآ في غني عنها .. عن فريق المشرفين سكوربيون

شوف اخ مسافر اشهد انك دمث الخلق وان مناقشتك معي مغبها الي قدما ولسان ينزلق فلنتتهي يرحمنا ؤيرحمكم الله

أجامل ؟؟ أجامل في أرواح بشر يا باهي العزيز ؟ احنا بس اللي بننسي بسرعة يا اخي الفاضل حجامل في اللي راحوا في العبارة ؟ و الا اللي اتحرقوا في المسرح ؟؟ و الا اللي ماتوا في الأستاد ؟؟ حجامل في اللي بتقع بيهم عمارات .. و الا بيتعالجوا بادوية مضروبة .. و الا بياكلوا بمواد مسرطنة .. و الا .. و الا ... و حياتك ما تقلبش عليا المواجع .. و صلي علي اللي حيشفع فينا كلنا في يوم القيامة .. يبقي لما نتكلم عن النظام في بلاد تانية المفروض اننا لا نعايرهم و لا يعايرونا لأن الهم طايلنا كلنا ... احنا كلنا فعلآ في الشرق ينطبق علينا المثل "ادعي علي ابني و اكره اللي يقول آمين" ..

دول ناس لا تعترف اساسا بوجود اخطاء تنظيمية يبقى عمرهم ما هايتقدمو خطوة للامام وهاتفضل تتكرر نفس الاخطاء اعوام قادمة وخصوصا وانه لا توجد محاسبة من اساسه وكل اللي عندهم يعوضو اهالي القتلى والجرحى من حقكم يا حكام السعودية ان تفعلو اكثر من هذا دون تأنيب ضمير لانه لا يوجد من يحاسبكم ولكن يوجد متحدثين رسميين يدافعون عن اخطائكم الجسيمة ويبررون اهمالكم تارة بالشيعة وتارة باليمنيين وتارة اخرى ولكنها فجة بالقوى الخارجية الكارهة للاسرة الحاكمة والمضحك هذه المرة هي رد الاهمال الى 2 مليون حاج يعني كدة اردم على القضية وعوض اهل الموتى وكل مذبحة وانتم طيبيين الا لعنة الله عليكم يا حكام السعودية اذا لم تحاسبو المسؤول واعتقد انكم لن تحاسبوه لانه واحد منكم فكيف تحاسبون الشريف فيكم وانتم اهل الظلم والجور واذا سرق فيكم الشريف تركتموه واذا سرق فيكم الضعيف اقمتم عليه الحد

مثال حي ل يقتل القتيل ويمشي في جنازته الفرس خلال اربعين عام من الحصار نجحوا في ياللي العرب خايبين فيه هي نفسنه ولا ايه ؟!

https://youtu.be/Nf1D6IyHNaQ الموكب اهو و انتاج جديد نوفي ٢٠١٥

لو اجاز العلماء الحج (بالطريقة الحديثة كما تعتقدون)....هل ستحجون في رمضان و شوال و ذي القعدة وانتم مطمئنون انكم اديتم الفريضة؟؟؟؟؟

الكلام ده برضه يمشي علي كل الدول العربية بما فيها مصر عزيزي باهي ..

اللي مينفعش تلبسها لليهود والأمريكان دبسها في ايران .. ماهو ما ينفعش تقول علي نفسك خيبان ...

لماذا يموت الحجاج في الحج بقلم : معتز عبد الفتاح نبدأ ببعض المعلومات. مات الآلاف فى الأعوام الأخيرة بسبب حوادث التدافع، والكثير منهم كان فى احتفالات دينية. يرصد موقع الـ«بى بى سى» العربى أهمها: فى يناير 2011، كيرالا، الهند، أكثر من 102 شخص قُتلوا فى تدافع حدث أثناء عودتهم من معبد هندوسى فى ساباريمالا. ويقع المعبد فى منطقة معزولة وجبلية وبها غابات كثيفة. فى نوفمبر 2010، بنوم بنه، كامبوديا، أكثر من 375 شخصاً قُتلوا أثناء التدافع على جسر فوق نهر تونلى ساب أثناء الاحتفال السنوى بمهرجان المياه. ووصف رئيس الوزراء، هون سين، الحادث بأنه «المأساة الأكبر» التى تضرب البلاد منذ «الخمير الحمر». فى سبتمبر 2008، راجاستان، الهند، توفى أكثر من 220 شخصاً فى تدافع فى معبد شاموندا ديفى الهندوسى، داخل قلعة المهراجا المعروفة فى مدينة جودبور. فى أغسطس 2008، هيماشال براديش، الهند، توفى 140 شخصاً على الأقل فى تدافع فى معبد هندوسى أعلى أحد التلال شمالى الهند. وكانت إحدى مظلات المطر قد انهارت فى طريق جبلى يؤدى إلى معبد نايناديفى، بسبب سوء الأحوال الجوية، وسبّب الانهيار حالة من الذعر، فأدى إلى التدافع، وجُرح العشرات فى هذا الحادث. يؤدى أكثر من مليونى حاج مناسك الحج هذا العام، وهو أكبر تجمع بشرى فى العالم قاطبة. ويشارك عشرات الآلاف من الجنود وقوات الدفاع الوطنى فى توفير الحماية والسلامة للحجاج. وأنفقت الحكومة السعودية، ولا تزال تنفق بسخاء شديد، مبالغ طائلة على البنية التحتية وإجراءات السلامة والأمن والراحة لتسهيل أداء مناسك الحج وزيادة أعداد الحجيج. وكان آخر هذه الحوادث المؤسفة فى عام 2006 حيث قُتل 346 حاجاً أثناء أداء شعيرة رمى الجمرات فى ذات الشارع. ويُعتبر اليوم الأخير من أداء مناسك الحج الأكثر خطورة لأن مئات الآلاف من الحجاج يحاولون تأدية هذه الشعيرة فى نفس الوقت وفى نفس المكان. هذه مجموعة من المعلومات الأساسية، والآن لإجابة السؤال موضوع المقال. ككل قضية هناك أربع إجابات محتملة: إجابة نابعة من التفكير الدينى الصرف من قبيل هى إرادة الله، وهم شهداء، وهذا قدر الله، وهذه أعمارهم. ولكن حتى داخل هذه الإجابة الدينية هناك منطق آخر وهو «نفرُّ من قدر الله إلى قدر الله». ولنجتهد فى أن يكون الحج آمناً سالماً بكل ما نستطيع من قدرات. هناك إجابة ثانية نابعة من التفكير الفلسفى من قبيل أن الموت هى نقطة التقاء إرادات جزئية لأفراد قد لا يعرف بعضهم بعضاً ولكنهم أسباب فى مصير واحد لا يمكن تغييره أو تعديله، ومن لم يمت فى الحج سيموت فى غيره ولا مجال للمفاضلة بين أماكن الموت لأن الموت حقيقة ليست موضع نقاش. إجابة ثالثة نابعة من التفكير الخزعبلى الذى يربط متغيرات لا علاقة لها بالوقائع ولا تقوم عليها أدلة بأن الموت فى الحج هو مؤامرة شمالية جنوبية برازيلية زاحفة للنيل من المسلمين دون أى دليل على صحة هذا الكلام. والحل أن كل حاج يأخذ معه المرة المقبلة «حجاب» ثمنه 500 جنيه بس. إجابة رابعة نابعة من التفكير العلمى القائم على مناقشة الحوادث المباشرة التى أفضت فى النهاية إلى واقعة التدافع مثلاً. وهنا تفيد الكاميرات التى يقومون بتركيبها لتوضيح كيف بدأ التدافع وعند أى لحظة زمنية وبسبب من وكيف تفاقمت الأمور وصولاً إلى الإصابات والموت. التفكير الدينى يربط حوادث الكون بخالق الكون، التفكير الفلسفى يربط حوادث الكون بقوانين عليا للحياة تنطبق علينا جميعاً بغضّ النظر عن سلوكنا الشخصى، التفكير الخزعبلى يربط حوادث الكون بأسباب لا يمكن إخضاعها للدراسة المنضبطة، التفكير العلمى يبحث فى الخطوات الجزئية والقرارات الفردية التى تفاعلت وأنتجت فى النهاية الظاهرة موضع الدراسة. هذه ليست بدائل منفصلة، ولكن بروح من الدين نكون مطالبين بأن نفكر بشكل علمى وفلسفى عالمين بأن هناك قواعد عليا تحكم الكون وأنماطاً فكرية وسلوكية تسيطر على البشر. ولهذا قيل: فلسفة الدين وفلسفة العلم وفلسفة السياسة... إلخ. قابلت فى حياتى العديد من المسلمين الذين دخلوا الإسلام حديثاً، وحين عادوا من الحج تراجعوا عن الاستمرار فى الإسلام بسبب سلوك المسلمين هناك. كنت مطالباً بأن أساعدهم على فهم المعضلة، فكنت أقول: «بعض المسلمين ليسوا على قدر الإسلام ليس بسبب الإسلام ولكن لأنهم لا يلتزمون بتعاليمه». بعض المسلمين «جهلة» بمعايير دينهم، وبمعايير العلم، وبمعايير الفلسفة. ونقطة البداية فى التغلب على هذا الجهل هو أن نعترف به. مثلاً يعيش المسلمون معضلة تاريخية يسميها أهل الاختصاص «تراجيديا المشاع» (Tragedy of the commons) والتى تعنى أن يقوم الأفراد بشكل مستقل وبحسابات ضيقة وقصيرة المدى باتخاذ قرارات يظنون أنها تخدم مصالحهم ولكنها فى النهاية تدمر الصالح العام على المدى الطويل. أى هم يغلّبون الصالح الشخصى على المدى القصير على حساب الصالح العام على المدى الطويل. وهذا ما يجعل أحدنا يصطاد الأسماك وهى صغيرة جداً من البحيرة المشاع لأنه لا يعلم أو لا يهتم بأن يتركها تكبر قليلاً فتبيض آلاف الأسماك التى تعطى للبحيرة حياتها الصحية، ولكننا نغلّب الشخصى قصير المدى على العام طويل المدى. وهو ما يجعلنا ننجب أطفالاً وراء أطفال ونحن لا نحسن التربية ولا التعليم تحت شعارات إن «العيال خير ورزق». وهو ما يجعلنا حين نجد تدافعاً فى أماكن مزدحمة نحاول أن ننجو بأنفسنا فنعرّض حياة الآخرين للخطر، وحين يتصرفون بنفس الطريقة يعرضون حياتنا للخطر كذلك. أوضحت السلطات السعودية أن التدافع الذى أدى إلى مقتل 717 شخصاً وجرح 863 شخصاً «ربما تسبب فيها حجاج لم يلتزموا بالتعليمات الرسمية»، متعهدة بسرعة استكمال التحقيق فى الحادث. لو عدنا إلى قائمة أهم حالات التدافع الواردة فى بداية المقال فسنجدها بين الهند وكمبوديا وموسم الحج. لا أود أن أوجه انتقادات عبثية لأى طرف، لأن التحقيقات لم تتم بعد. ولكن علينا أن نجيب على سؤال آخر وهو: ما الحل؟ التوعية والإبداع والانضباط. معظم من يحجون يحصلون على تأشيرات دخول، لا بد مع التأشيرة من تدريب سريع على أبسط قواعد حماية النفس والآخرين، مثل تعريف المتزوجين حديثاً بأهمية ألا ينجبوا فى العامين الأولين للزواج للتأكد من استمرار الزيجة أولاً. الحج عرفة، وعرفة مكان وليس زماناً ورمى الجمرات مرتبط بمكان وليس بزمان، هل يمكن أن تكون هناك مساحة زمنية أطول لأداء المناسك بحيث لا يكون مبرر التدافع قائماً؟ حكومة المملكة تبذل جهداً ملحوظاً كى يكون الحج أيسر وأسهل وأكثر أمناً، ولكن التحديات أيضاً تتزايد، ولا بد من توعية الحجاج، وتدريب قادة كل مجموعة من الحجاج على إجراءات السلامة الواجبة فى هذا المقام. المشكلة يقيناً ليست فى الإسلام، ولكنها فى عقول بعض المسلمين. رحمة الله على الجميع. الله ينور يا د. معتز كفيت ووفيت

جوجل يحتفل اليوم بمرور 17 عاما على تأسيس الشركة

مستعجب ان الكلام بقي كله دلوقتي عالسعودية و مشاكل تنظيم الحج و اتغطي علي اللي بيحصل عندنا ..

الحقيقة ان أي دولة عربية كانت هتتولى أمر تنظيم الحج ما كانتش هتعمل أفضل من اللي بتقدمه السعودية بالعكس احنا كنا ممكن نشوف كوارث أكتر من كدا بكتير... لكن دا لا ينفي ان فيه سوء تنظيم او خطأ حصل.. لان معروف ان الحجاج بيتصرفوا في كثير من الاحيان بطريقة همجية و في المكان دا بالذات وكان لازم يتعمل حساب دا ... ولما تحصل الكارثة ما حدش من المسئولين _ كما هي طباعنا العربية _ يسرع و يقول دي مش مسئوليتي . الفرق اللي بينا و بين اخواتنا السعوديين ان شعبهم بيدافع عن حكومته على طول الخط ... واحنا المصريين بننتقد حكومتنا دائما و أبدا . أما موضوع موكب الـ VIP فدا شىء غير مؤكد و الفيديو اللي منتشر في مواقع التواصل الاجتماعي قديم من سنة 2012 وحتى لو كان جديد دا لا يؤكد ارتباطه بالحادثة لكن السؤال اللي بيلح عليً بالنسبة للحجاج : ( هما ايه اللي وداهم هناك ؟!!! )

كدائما اترك مساحه لخيال القارئ اعتقد وانه يستحق .. ثم عمال تاكل في لحمه من الصبح وتعزمني علي ليمون

الأمر جلل ونحن حريصون على السعودية حرصنا على مصر ================================== فدعونا نخرج من دائرة الاتهام والدفاع المغلقة ودعونا نفكر فيما وراء الأفق الملبد بالغيوم من الطبيعى بل ومن المنطقي جدا ان تكون السعودية مستهدفة وبشدة والأسباب أمامنا .. إما أننا لا نراها .. وإما أننا ندير لها عيونا لا ترى وآذانا لا تسمع نظرة سريعة وهادئة .. وتفكير بدماغ بارد يوضحان فورا ان السياسة السعودية لها أعداء * نسبة كبيرة من تعداد اليمن الذي تعرض لدمار شامل (وربما من الزيديين فى جنوب السعودية) * السلطة إلى جانب نسبة كبيرة من تعداد سوريا التى تحولت إلى أنقاض وخرائب * نسبة لا يستهان بها (عددا وعدة) فى لبنان الذى يمر بأزمة سياسية وحياتية خانقة كل من سبق ذكرهم يعتبرون السعودية (سواء كانوا على حق أو على باطل فى اعتقادهم) يعتبرون السعودية مسؤولة مسؤولية مباشرة أو غير مباشرة عن معاناتهم فإذا أضفنا إليهم شيعة المنطقة الشرقية المدعومين بالعداء التاريخى والمذهبى بين السعودية وإيران ثم إذا أضفنا على هؤلاء وأولئك ذلك التناقض الأيديولوجى الذى يبدو للبعض غريبا بين السعودية وحلفائها التقليديين (قطر وتركيامثلا) وصنائعها (القاعدة وداعش مثلا) لو فكرنا فيما سبق بهدوء ودون الدوران فى دائرة الاتهام والدفاع المغلقة لاتضح بسهولة حجم المأزق الكبير والتحدى العظيم الذى تواجهه المملكة العربية السعوية لا سيما مع هذه الملايين التى تدخل وتخرج من الزائرين والمعتمرين وحجاج بيت الله الحرام ما يجعل ضمان سلامتهم وخلوهم من أى تهديد قادم من الخارج مهمة معقدة وفى غاية الصعوبة أنا لا ألمح إلى إدانة السعودية ، ولاأروج لنظرية المؤامرة ، ولاأنادي أبدا بتدويل الإشراف علي الحج انما أوضح ان اعداء السعودية وكارهوها في المنطقة اصبحوا كثر وبعضهم يائس وليس لديه مايخسره وامكانية محاولات طامحة أو يائسة لإحداثه لخسائر جسيمه في الارواح في التجمعات البشرية الكبيرة بها واردة وبقوة وهو مايفرض علي الرياض سيرا على حبل مشدود ، أو أن تتخذ طريقا مليئا بالأشواك أو بقشر الموز وهو ما يستدعي منتهي اليقظة أمنيا ، ومراجعه شاملة إستراتيجيا لسياساتها الإقليمية اساسها وجوهرها هو : انك حين تشارك في إشعال النيران أو فى تفجير البراكين والزلازل في المنازل المجاورة فلابد ان تتوقع التوابع من شرر أو لهيب أو موجة تسونامي الي بيتك أعود إلى ما بدأت به الأمر جلل ونحن حريصون على السعودية حرصنا على مصر ==================================

يسلام و انا قاعدة لوحدى فى المنتدى .. و مفيش ولا حتى صريخ ابن يومين .. الكل بره عند ناسه .. انضف براحتى .. من غير حد يعدى و المية بالارض و اضطر اقوله خليك عندك لغاية منتهى من قراءة المشاركات اوهه .. اقصد المية تنشف .. ابويا الحاج سكوب عامل موضوع عنب .. اظاهر شرب الشوربة و نخششت فى النخشوش الجوانى .. يسلام و هو قاعد فى الموضوع النهاردة مع الحاج طارق و الحاج ابو محمد .. مرضتش اعدى ارمى السلام .. حيقولوا اعملى شاى .. و لا يمكن يكونوا بيتفقوا يغيروا اللون الفحلقى .. يالا كل واحد و ضميره .. خليهم يبرقشوا براحتهم .. يا فكيك .. اهرب

المحاورات من الداخل الجو فيها على غير المتوقع يملؤه المرح وخفة الظل التي لا تجارى ولكن مصطلحات الفاضلين : أبو محمد وسكوب هي المشكلة اللي مخلياني دائما أقول : أنا في عرض المجمع اللغوي محتاج كورس أشاكيفي ضروري مع إني بتاع عربي لكن مش فاهم يا أستاذ : سكربيون أنت عايز إيه وعلى رأي دكتور كان عندنا في الكلية كان بيقول : طالما أنت مش فاهم يبقى أنا نجحت أنت نجحت يا باشا لأن أنا مش فاهم عنوانك جميل وجو القصة حلو والسيناريو ممتع عايز بس أعرف مين اللي شكل ليك العنوان أكيد شرير وعايز يوقعك فيه يا نهار أبيض ملكُ الضادِ على كرسِي القاضي كده المتهم هيطلع براءة وهيتحبس المحامي لأنه قد شوه ترقيش المرقش رقشه تحياتي وأشكرك على هذا الموضوع

https://youtu.be/edSb4gYR_Bg ارزاق و بخت

:) دى بتطلب أربعة زبادى بطلوا الوسوسة بقى

يا راجل يا طيب "المشهد" مليان حاجات غريبة وحضرتك بس اللى مش شايف منها ولا حاجة ؟ :) "المشهد" يثبت كل ما قاله رئيس نادى إنبى السابق قال : رفض لاعبو الزمالك الرياضى وجهازهم الفنى والإدارى تسلم ميداليات المركز الثانى وأسألك : أين هم لاعبو الزمالك الرياضى فى "المشهد" ؟ قال : تمت المراسم بعد إخلاء المدرجات من جمهور نادى الزمالك الرياضى وأسألك : أين جمهور نادى الزمالك الرياضى فى "المشهد" ؟ .. ألم تر المدرجات الخالية فى "المشهد" ؟ قال : إن مجلس إدارة نادى الزمالك الرياضى إنصرف ولم يبق سوى جلال ابراهيم مضطرا وأطلب منك مراجعة الدقيقة الثالثة من "المشهد" عندما صعد مختار مختار لتسلم ميداليته ففى هذه الدقيقة عدد خالد لطيف أسماء الموجودين فى المقصورة .. وهنا أسألك : هل كان من بين الأسماء التى ذكرها خالد لطيف اسم واحد من نادى الزمالك الرياضى ؟ كل ده يا أستاذ طارق ومش شايف أى حاجة غريبة فى "المشهد" ؟ خلاص .. نمشيها المرة دى .. أنا كمان - بقيت زيك - مش شايف حاجة غريبة فى "المشهد" :) بس يكون فى معلومك .. المرة الجاية لا ممكن ابدا يا الله بقى روَّق دمك واقفل عالحيرة السـيرة وهـات شـربـات للكل واقفل عينك وافتحهـا تـلاقى الشـوك بقى فـل